ᠭᠠᠪᠢᠶᠠᠲᠤ ᠪᠠᠭᠰᠢ ᠣᠳᠬᠠᠨᠰᠣᠠ Гавьяат багш Отгонсоо-Чимэд,Уул
6400ᠭᠠᠪᠢᠶᠠᠲᠤ ᠪᠠᠭᠰᠢ ᠣᠳᠬᠠᠨᠰᠣᠠ
ᠵᠣᠬᠢᠶᠠᠭᠴᠢ᠄ ᠪᠠᠶᠠᠨ᠌ᠠᠠᠭᠤᠯᠠ
ᠤᠶᠠᠩᠭᠠᠯᠠᠭᠴᠢ᠄ ᠰᠠᠢᠬᠠᠨᠳᠠᠯᠠᠢ
ᠮᠥᠩᠬᠡ ᠲᠩᠷᠢ ᠶ᠋ᠢᠨ ᠳᠣᠣᠷᠠ
ᠮᠣᠩᠭᠣᠯ ᠤ᠋ᠨ ᠪᠣᠰᠤᠭᠠ ᠪᠢᠴᠢᠭ ᠢ᠋
ᠮᠤᠨᠢ ᠶ᠋ᠢᠨ ᠬᠥᠬᠡ ᠨᠢᠷᠤᠭᠤᠳ ᠰᠢᠭ᠋
ᠮᠥᠬᠥᠰᠢ ᠦᠭᠡᠢ ᠰᠦᠷᠯᠢᠭ ᠡᠷᠳᠡᠨᠢ ᠭᠡᠵᠦ
ᠪᠠᠶᠠᠨᠨᠠᠭᠤᠷ ᠤ᠋ᠨ ᠬᠥᠷᠥᠰᠥᠨ ᠡᠴᠡ
ᠪᠠᠭᠰᠢ ᠶ᠋ᠢᠨ ᠡᠷᠳᠡᠮ ᠢ᠋ᠶ᠋ᠡᠷ dᠳᠠᠮᠨᠠᠵᠤ᠂
ᠪᠠᠶᠠᠯᠢᠭ ᠰᠠᠢᠬᠠᠨ ᠮᠣᠩᠭᠣᠯ ᠬᠡᠯᠡ ᠪᠡᠨ
ᠪᠠᠭᠠᠴᠤᠳ ᠬᠣᠢᠴᠢᠰ ᠲᠤ᠌ ᠪᠠᠨ ᠥᠪᠯᠡᠭᠦᠯᠦᠭᠰᠡᠨ ᠪᠢᠯᠡ᠃
ᠬᠤᠨ ᠶᠤ᠌ ᠴᠠᠭᠠᠨ ᠭᠠᠯᠠᠭᠤ ᠨᠢ
ᠬᠤᠯᠤᠰᠤᠲᠠᠢ ᠨᠠᠭᠤᠷ ᠲᠤ᠌ ᠪᠠᠨ ᠱᠤᠩᠪᠠᠯᠠ᠂
ᠬᠠᠢᠷᠠᠲᠠᠢ ᠶᠤ᠌ ᠣᠳᠬᠠᠨᠰᠤᠠ ᠪᠠᠭᠰᠢ ᠮᠢᠨᠢ
ᠬᠡᠢᠮᠣᠷᠢ ᠰᠦᠯᠵᠢᠶᠡᠨ ᠳ᠋ᠦ᠍ ᠪᠡᠨ ᠵᠣᠷᠴᠢᠯᠠ᠃
ᠦᠷ ᠦ᠋ᠨ ᠭᠤᠷᠪᠠᠨ ᠴᠠᠭ ᠲᠤ᠌
ᠦᠵᠡᠭᠳᠡᠬᠦ ᠬᠥᠮᠦᠨ ᠨᠢ ᠦᠭᠡᠢ ᠴᠤ᠌
ᠦᠨᠡᠨ ᠵᠢᠳᠬᠦᠯᠳᠦ ᠪᠠᠭᠰᠢ ᠮᠢᠨᠢ
ᠦᠰᠦᠭ ᠢ᠋ᠶ᠋ᠡᠨ ᠥᠷᠥᠭᠰᠡᠭᠡᠷ ᠪᠠᠢᠳᠠᠭ ᠪᠢᠯᠡ᠃
ᠠᠴᠤᠭ ᠂ᠰᠢᠯᠪᠢ᠂ ᠳᠤᠰᠤᠯ ᠢ᠋
ᠠᠨᠳᠠᠨᠠ ᠭᠡᠵᠦ ᠪᠠᠢᠬᠤ ᠦᠭᠡᠢ
ᠠᠷᠠᠭᠠ ᠂ᠰᠢᠲᠦ ᠂ ᠴᠠᠴᠤᠯᠭᠠ ᠶ᠋ᠢ
ᠠᠯᠳᠠᠨᠠ ᠭᠡᠳᠡᠭ ᠢ᠋ ᠦᠵᠡᠭᠡ ᠦᠭᠡᠢ᠃
ᠠᠷᠪᠠᠨ ᠲᠦᠮᠡᠨ ᠦᠰᠦᠭ ᠢ᠋ ᠨᠢ
ᠠᠰᠯᠠᠭᠤᠯᠵᠤ ᠵᠡᠷᠭᠡᠴᠡᠭᠦᠯᠵᠦ ᠲᠠᠭᠠᠷᠠᠭᠤᠯᠤᠭᠰᠠᠨ
ᠪᠤᠮ ᠲᠦᠮᠡᠨ ᠦᠰᠦᠭ ᠦ᠋ᠨ ᠬᠢᠨᠢ
ᠪᠤᠷᠤᠭᠤ ᠵᠥᠪ ᠢ᠋ ᠢᠯᠭᠠᠭᠰᠠᠨ
ᠵᠢᠷᠠᠨ ᠲᠦᠮᠡᠨ ᠦᠰᠦᠭ ᠦ᠋ᠨ ᠬᠢᠨᠢ
ᠵᠢᠷᠤᠯᠭᠠ ᠪᠦᠬᠦᠨ ᠢ᠋ ᠨᠢ ᠲᠡᠩᠴᠡᠭᠦᠯᠦᠭᠰᠡᠨ
ᠵᠠᠭᠤᠨ ᠲᠦᠮᠡᠨ ᠦᠰᠦᠭ ᠢ᠋ ᠨᠢ
ᠵᠣᠯᠠᠵᠤ ᠰᠢᠪᠡᠵᠦ ᠪᠢᠴᠢᠭᠰᠡᠨ
ᠨᠠᠷᠢᠨ ᠨᠣᠮ ᠤ᠋ᠨ ᠡᠷᠳᠡᠮ ᠳ᠋ᠦ᠍ ᠨᠢ
ᠨᠠᠰᠤᠨ ᠪᠠᠭᠠᠠ᠋ᠴᠠ ᠪᠠᠨ ᠴᠠᠭᠠᠷᠠᠭᠰᠠᠨ
ᠨᠠᠶᠠᠨ ᠲᠦᠮᠡᠨ ᠦᠰᠦᠭ ᠢ᠋ ᠨᠢ
ᠨᠢᠭᠲᠠ ᠨᠢᠮᠪᠠᠢ ᠬᠢᠨᠠᠭᠰᠠᠨ
ᠮᠠᠯᠴᠢᠨ ᠲᠠᠷᠢᠶᠠᠴᠢᠨ ᠲᠦᠮᠡᠨ ᠳ᠋ᠦ᠍ ᠪᠡᠨ
ᠮᠣᠩᠭᠣᠯ ᠪᠢᠴᠢᠭ ᠢ᠋ᠶ᠋ᠡᠨ ᠵᠢᠭᠠᠭᠰᠠᠨ
ᠮᠠᠳᠠᠭ ᠲᠠᠢ ᠣᠯᠠᠨ ᠠᠰᠠᠭᠤᠯᠲᠠ ᠶ᠋ᠢ
ᠮᠠᠰᠢ ᠬᠢᠨᠠᠮᠠᠭᠠᠢ ᠬᠠᠷᠢᠭᠤᠯᠤᠭᠰᠠᠨ
ᠪᠢᠴᠢᠭᠰᠡᠨ ᠦᠰᠦᠭ ᠨᠢ ᠲᠣᠭᠠ ᠪᠠᠢᠬᠤ ᠦᠭᠡᠢ
ᠬᠢᠨᠠᠭᠰᠠᠨ ᠵᠠᠰᠠᠭᠰᠠᠨ ᠨᠢ ᠬᠡᠮᠵᠢᠶᠡ ᠪᠠᠢᠬᠤ ᠦᠭᠡᠢ
ᠳᠡᠯᠡᠬᠡᠢ ᠳ᠋ᠦ᠍ ᠮᠠᠨᠳᠤᠭᠰᠠᠨ ᠬᠡᠢᠮᠣᠷᠢ ᠰᠦᠯᠵᠢᠶᠡ ᠶ᠋ᠢᠨ
ᠳᠡᠪᠢᠰᠬᠡᠷ ᠰᠠᠭᠤᠷᠢ ᠶ᠋ᠢ ᠨᠢ ᠪᠠᠲᠤᠯᠠᠵᠤ ᠥᠭᠭᠦᠭᠰᠡᠨ
ᠳᠠᠩᠴᠤ ᠵᠢᠳᠬᠦᠯᠲᠡᠢ ᠪᠠᠭᠰᠢ ᠮᠢᠨᠢ
ᠳᠠᠯᠠᠨ ᠨᠠᠮᠤᠷ ᠤ᠋ᠨ ᠬᠢᠷᠠᠭᠤ ᠶ᠋ᠢ ᠦᠵᠡᠵᠡᠢ᠂
ᠳᠠᠪᠬᠤᠷ ᠬᠡᠰᠢᠭᠲᠦ ᠮᠣᠩᠭᠣᠯ ᠪᠢᠴᠢᠭ ᠲᠦ᠍ ᠪᠡᠨ
ᠳᠠᠯᠠᠨ ᠮᠣᠷᠢᠨ ᠤ᠋ ᠬᠦᠴᠦ ᠶ᠋ᠢ ᠡᠷᠭᠦᠵᠡᠢ᠃
ᠬᠠᠢᠷᠠᠲᠠᠢ ᠰᠣᠶᠣᠯ ᠮᠢᠨᠢ ᠬᠠᠵᠠᠢᠬᠤ ᠪᠣᠯᠤᠭᠤᠵᠠᠢ
ᠬᠠᠷᠢ ᠶ᠋ᠢᠨ ᠨᠣᠮ ᠳ᠋ᠤ᠌ ᠬᠠᠢᠯᠬᠤ ᠪᠣᠯᠤᠭᠤᠵᠠᠢ
ᠬᠣᠵᠢᠮ ᠤ᠋ᠨ ᠦᠷᠡᠰ ᠮᠢᠨᠢ ᠬᠥᠨᠳᠡᠢᠷᠡᠬᠦ ᠪᠣᠯᠤᠭᠤᠵᠠᠢ ᠭᠡᠮᠡᠨ
ᠬᠠᠮᠤᠭ ᠬᠦᠴᠦ ᠪᠡᠨ ᠰᠢᠪᠬᠠᠵᠤ ᠴᠢᠷᠮᠠᠢᠵᠠᠢ᠃
ᠴᠠᠭᠠᠰᠤᠨ ᠳ᠋ᠤ᠌ ᠮᠥᠷ ᠲᠡᠢ ᠪᠢᠴᠢᠭ ᠢ᠋
ᠴᠠᠬᠢᠮ ᠬᠠᠭᠤᠳᠠᠰᠤᠨ ᠳ᠋ᠤ᠌ ᠠᠮᠢᠯᠠᠭᠤᠯᠤᠭᠰᠠᠨ
ᠴᠠᠭ ᠴᠠᠭ ᠤ᠋ᠨ ᠬᠦᠷᠳᠦᠨ ᠳ᠋ᠦ᠍
ᠴᠠᠭᠯᠠᠰᠢ ᠦᠭᠡᠢ ᠡᠷᠳᠡᠮ ᠢ᠋ᠶ᠋ᠡᠨ ᠪᠠᠳᠠᠷᠠᠭᠤᠯᠤᠭᠰᠠᠨ
ᠴᠠᠬᠢᠯᠭᠠᠨ ᠲᠠᠷᠢᠬᠢ ᠂ ᠺᠣᠮᠫᠢᠦ᠋ᠲ᠋ᠧᠷ
ᠴᠠᠬᠢᠮ ᠬᠠᠷᠢᠯᠴᠠᠭᠤᠷ ᠭᠠᠷ ᠤᠲᠠᠰᠤ ᠪᠠᠷ
ᠴᠢᠪ ᠴᠢᠮᠡᠭᠡ ᠦᠭᠡᠢ ᠪᠢᠴᠢᠵᠦ ᠯᠡ ᠪᠠᠢᠳᠠᠭ
ᠴᠢᠮᠡᠭᠡ ᠭᠠᠷᠭᠠᠭᠠᠳ ᠶᠠᠷᠢᠵᠤ ᠴᠤ᠌ ᠴᠢᠳᠠᠳᠠᠭ ᠠ᠋!
ᠦᠵᠦᠭ ᠨᠣᠮ ᠲᠠᠢ ᠪᠠᠨ ᠨᠣᠴᠣᠯᠳᠤᠭᠰᠠᠭᠠᠷ
ᠦᠷ ᠴᠠᠢᠯᠭᠠᠳᠠᠭ ᠡᠵᠢ ᠮᠢᠨᠢ
ᠦᠨᠡᠨ ᠵᠢᠷᠦᠬᠡᠨ ᠦ᠌ ᠬᠠᠢᠷᠠ ᠪᠠᠨ
ᠥᠷᠯᠥᠭ ᠮᠣᠩᠭᠣᠯ ᠳ᠋ᠤ᠌ ᠪᠠᠨ ᠥᠭᠴᠡᠢ᠃
ᠦᠰᠦᠭ ᠦᠰᠦᠭ ᠭᠡᠭᠰᠡᠭᠡᠷ
ᠦᠰᠦ ᠨᠢ ᠪᠤᠭᠤᠷᠤᠯᠳᠠᠭᠰᠠᠨ ᠠᠴᠢᠲᠠᠨ ᠮᠢᠨᠢ
ᠪᠢᠴᠢᠭ ᠪᠢᠴᠢᠭ ᠭᠡᠭᠰᠡᠭᠡᠷ
ᠪᠡᠶᠡ ᠪᠡᠨ ᠵᠦᠳᠡᠭᠡᠭᠰᠡᠨ ᠨᠠᠰᠤᠲᠠᠨ ᠮᠢᠨᠢ
ᠠᠭᠤᠤ ᠰᠣᠶᠣᠯ ᠤ᠋ᠨ ᠢ᠋ᠶ᠋ᠠᠨ ᠲᠥᠯᠥᠭᠡ
ᠠᠭᠰᠢᠷᠠᠭᠠ ᠪᠡᠶᠡ ᠪᠡᠨ ᠵᠣᠷᠢᠭᠤᠯᠳᠠᠭ᠂
ᠠᠴᠢᠲᠠᠨ ᠭᠡᠵᠦ ᠪᠠᠢᠳᠠᠭ ᠶᠤᠮ
ᠠᠪᠤᠷᠠᠯᠲᠠᠨ ᠭᠡᠵᠦ ᠣᠯᠳᠠᠳᠠᠭ ᠶᠤᠮ᠃
ᠡᠨᠡ ᠬᠥᠮᠦᠨ ᠪᠣᠯ ᠣᠳᠬᠠᠨᠰᠤᠠ ᠪᠠᠭᠰᠢ ᠠ᠋!
ᠡᠷᠡᠰ ᠬᠠᠲᠠᠭᠤ ᠮᠣᠩᠭᠣᠯ ᠬᠥᠮᠦᠨ
ᠡᠷᠳᠡᠮ ᠲᠡᠭᠦᠰ ᠬᠢᠨᠠᠭᠴᠢ ᠬᠥᠮᠦᠨ
ᠡᠷᠬᠢᠮ ᠳᠡᠭᠡᠳᠦ ᠪᠠᠭᠰᠢ ᠬᠥᠮᠦᠨ ᠠ᠋!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠨ᠌ᠠᠠᠭᠤᠯᠠ
ᠦᠰᠦᠭ ᠬᠠᠳᠠᠭᠴᠢ᠄ ᠨᠡᠷᠡᠨᠡ
ᠵᠢᠷᠤᠭ ᠳᠦᠷᠰᠦ ᠲᠣᠬᠢᠷᠠᠭᠤᠯᠤᠭᠴᠢ᠄ ᠨᠡᠷᠡᠨᠡ
ᠬᠢᠨᠠᠭᠴᠢ᠄ ᠬᠣᠨᠢᠴᠢᠨ ᠪᠦᠰᠡᠭᠦᠢ