ᠡᠵᠡᠨ ᠲᠠᠢ ᠨᠤᠲᠤᠭ ᠤᠨ ᠵᠠᠶᠠᠭᠠ ᠲᠠᠢ ᠮᠣᠩᠭᠣᠯ – ᠭᠦᠩᠭᠠᠷ Эзэнтэй нутгийн заяатай монгол. – Гүнгар
1013ᠡᠵᠡᠨ ᠲᠠᠢ ᠨᠤᠲᠤᠭ ᠤᠨ ᠵᠠᠶᠠᠭᠠ ᠲᠠᠢ ᠮᠣᠩᠭᠣᠯ
ᠡᠵᠡᠨ ᠲᠡᠢ ᠨᠤᠲᠤᠭ ᠤ᠋ᠨ ᠵᠠᠶᠠᠭᠠ ᠲᠠᠢ ᠮᠣᠩᠭᠣᠯ
ᠡᠯᠪᠡᠭ ᠠᠮᠢᠳᠤᠷᠠᠯ ᠳ᠋ᠤ᠌ ᠪᠠᠨ ᠪᠠᠶᠠᠰᠤᠯ ᠠᠪᠴᠢᠷᠠᠭᠰᠠᠨ
ᠡᠨᠡ ᠯᠡ ᠨᠤᠲᠤᠭ ᠤ᠋ᠨ ᠵᠢᠷᠭᠠᠯ ᠲᠠᠢ ᠬᠥᠮᠦᠰ ᠠ᠋!
ᠭᠠᠩᠭᠠᠩ ᠪᠠᠢᠭᠠᠯᠢ ᠪᠠᠷ ᠬᠣᠨᠢ ᠪᠠᠨ ᠪᠡᠯᠴᠢᠭᠡᠭᠰᠡᠨ
ᠭᠠᠢᠬᠠᠯ ᠲᠠᠢ ᠨᠤᠲᠤᠭ ᠤ᠋ᠨ ᠪᠤᠶᠠᠨ ᠲᠠᠢ ᠮᠣᠩᠭᠣᠯ
ᠭᠠᠳᠠᠨᠠ ᠪᠠᠨ ᠰᠡᠩᠳᠡᠵᠦ ᠰᠠᠴᠤᠯᠢ ᠪᠠᠨ ᠡᠷᠭᠦᠭᠡᠳ
ᠭᠠᠷᠮᠠᠭᠠᠢᠯᠠᠵᠤ ᠠᠵᠢᠯᠯᠠᠳᠠᠭ ᠪᠣᠯᠪᠠᠰᠤᠨ ᠬᠥᠮᠦᠰ ᠠ᠋!
ᠠᠲᠠᠷ ᠲᠠᠯᠠ ᠳ᠋ᠤ᠌ ᠠᠳᠤᠭᠤ ᠪᠠᠨ ᠳᠣᠪᠲᠣᠯᠭᠠᠭᠰᠠᠨ
ᠠᠷᠢᠭᠤᠨ ᠳᠠᠷᠬᠠᠨ ᠡᠵᠡᠨᠲᠦ ᠮᠣᠩᠭᠣᠯ
ᠠᠷᠪᠠᠨ ᠵᠦᠭ ᠦ᠋ᠨ ᠥᠯᠵᠡᠢ ᠪᠦᠷᠢᠳᠦᠭᠦᠯᠦᠭᠰᠡᠨ
ᠠᠰᠠᠷ ᠶᠡᠬᠡ ᠦᠢᠯᠡᠰᠴᠢ ᠬᠥᠮᠦᠰ ᠠ᠋!
ᠬᠣᠷᠸᠠ ᠶ᠋ᠢᠨ ᠡᠯᠢᠭᠡᠨ ᠳ᠋ᠦ᠍ ᠵᠣᠭᠰᠣᠭᠠ ᠪᠠᠷ ᠬᠡᠢᠮᠣᠷᠢᠯᠠᠬᠤ
ᠬᠤᠷᠳᠤᠨ ᠬᠦᠯᠦᠭ ᠦ᠋ᠨ ᠵᠠᠶᠠᠭᠠᠲᠤ ᠮᠣᠩᠭᠣᠯ
ᠬᠣᠪᠳᠣᠯ ᠵᠢᠷᠦᠬᠡᠨ ᠳ᠋ᠦ᠍ ᠪᠣᠰᠤᠭᠠ ᠪᠠᠷ ᠮᠥᠩᠬᠡᠵᠢᠬᠦ
ᠬᠤᠪᠢᠳᠠᠵᠤ ᠣᠯᠤᠭᠰᠠᠨ ᠪᠢᠴᠢᠭᠲᠡᠨ ᠬᠥᠮᠦᠰ ᠠ᠋!
ᠦᠭᠡ ᠶ᠋ᠢᠨ ᠤᠷᠠᠨ ᠢ᠋ᠶ᠋ᠠᠷ ᠳᠠᠶᠠᠩ ᠳ᠋ᠤ᠌ ᠲᠠᠨᠢᠭᠳᠠᠭᠰᠠᠨ
ᠥᠪᠲᠦ ᠰᠣᠶᠣᠯ ᠤ᠋ᠨ ᠤᠯᠠᠮᠵᠢᠲᠤ ᠮᠣᠩᠭᠣᠯ
ᠦᠯᠢᠳᠬᠡᠵᠦ ᠪᠠᠷᠠᠰᠢ ᠦᠭᠡᠢ ᠨᠢᠭᠡᠨ ᠦᠨᠳᠦᠰᠦᠲᠡᠨ ᠦ᠌
ᠦᠭᠡᠢᠷᠡᠵᠦ ᠪᠣᠯᠣᠰᠢ ᠦᠭᠡᠢ ᠡᠷᠬᠢᠮ ᠰᠣᠶᠣᠯᠲᠠᠨ ᠠ᠋!
ᠲᠩᠷᠢᠯᠢᠭ ᠤᠬᠠᠭᠠᠨ ᠢ᠋ᠶ᠋ᠠᠷ ᠳᠡᠯᠡᠬᠡᠢ ᠳ᠋ᠦ᠍ ᠠᠯᠳᠠᠷᠰᠢᠭᠰᠠᠨ
ᠲᠡᠨᠢᠭᠦᠨ ᠵᠢᠷᠭᠠᠯᠲᠤ ᠣᠮᠣᠭᠯᠠᠩ ᠮᠣᠩᠭᠣᠯ
ᠲᠡᠷᠡ ᠬᠣᠯᠠ ᠶ᠋ᠢᠨ ᠬᠦᠰᠡᠯ ᠡᠪᠦᠷᠲᠦᠭᠦᠯᠦᠭᠰᠡᠨ
ᠲᠡᠮᠳᠡᠭ ᠲᠣᠳᠣᠬᠠᠨ ᠨᠢᠭᠡᠨ ᠶᠠᠰᠤᠲᠠᠨ ᠠ᠋!
ᠡᠷᠬᠡᠰ ᠲᠩᠷᠢ ᠡᠴᠡ ᠪᠡᠨ ᠵᠠᠷᠯᠢᠭ ᠬᠦᠯᠢᠶᠡᠳᠡᠭ ᠪᠣᠰᠤᠭᠠ ᠮᠣᠩᠭᠣᠯ
ᠡᠵᠢ ᠨᠤᠲᠤᠭ ᠠ᠋ᠴᠠ ᠪᠠᠨ ᠪᠤᠶᠠᠨ ᠬᠤᠷᠠᠭᠤᠯᠳᠠᠭ ᠬᠡᠰᠢᠭᠲᠡᠨ ᠮᠣᠩᠭᠣᠯ
ᠶᠡᠬᠡ ᠪᠠᠢᠭᠠᠯᠢ ᠠ᠋ᠴᠠ ᠪᠠᠨ ᠠᠮᠢᠰᠬᠤᠯ ᠠᠪᠳᠠᠭ ᠬᠦᠴᠦᠲᠦ ᠮᠣᠩᠭᠣᠯ
ᠡᠬᠡ ᠬᠡᠯᠡ ᠡᠴᠡ ᠪᠡᠨ ᠰᠢᠮᠡ ᠬᠦᠷᠲᠡᠳᠡᠭ ᠥᠭᠡᠳᠡᠷᠬᠡᠭ ᠮᠣᠩᠭᠣᠯ ᠠ᠋
ᠬᠡᠢᠮᠣᠷᠢ ᠰᠡᠷᠭᠦᠭᠡᠬᠦ ᠭᠤᠷᠪᠠᠨ ᠰᠦᠯᠳᠡ ᠲᠡᠢ ᠠᠷᠤᠤᠬᠠᠨ ᠮᠣᠩᠭᠣᠯ
ᠬᠡᠵᠢᠶᠡᠳᠡ ᠣᠮᠣᠭᠰᠢᠬᠤ ᠪᠣᠭᠳᠠ ᠴᠢᠩᠭᠢᠰ ᠲᠡᠢ ᠰᠦᠷᠯᠢᠭ ᠮᠣᠩᠭᠣᠯ
ᠭᠠᠵᠠᠷ ᠲᠩᠷᠢ ᠳ᠋ᠦ᠍ ᠪᠡᠨ ᠰᠢᠲᠦᠭᠡᠨ ᠶᠡᠬᠡ ᠲᠡᠢ ᠠᠮᠤᠭᠤᠯᠠᠩ ᠮᠣᠩᠭᠣᠯ
ᠭᠠᠯᠪᠠ ᠳᠡᠯᠡᠬᠡᠢ ᠶ᠋ᠢ ᠲᠤᠷᠭᠢᠭᠤᠯᠤᠭᠰᠠᠨ ᠲᠡᠦᠬᠡ ᠲᠡᠢ ᠠᠭᠤᠤ ᠮᠣᠩᠭᠣᠯ ᠠ᠋!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠵᠢᠩᠯᠢᠬᠤᠸᠠᠷ