ᠲᠠᠭᠠᠪᠤᠷᠢᠴᠢᠨ ᠭᠤᠷᠪᠠᠨ ᠬᠦᠦТааварчин гураван хүү
1052ᠲᠠᠭᠠᠪᠤᠷᠢᠴᠢᠨ ᠭᠤᠷᠪᠠᠨ ᠬᠦᠦ
ᠡᠷᠲᠡ ᠤᠷᠢᠳᠤ ᠨᠢᠭᠡᠨ ᠰᠠᠢᠨ ᠴᠠᠭ ᠲᠤ᠌ ᠭᠡᠨᠡ᠂ ᠰᠦᠨ ᠳᠠᠯᠠᠢ ᠱᠠᠯᠪᠠᠭ ᠪᠠᠢᠬᠤ ᠶ᠋ᠢᠨ ᠴᠠᠭ ᠲᠤ᠌ ᠰᠦᠮᠪᠦᠷ ᠠᠭᠤᠯᠠ ᠳᠣᠪᠣ ᠪᠠᠢᠬᠤ ᠶ᠋ᠢᠨ ᠴᠠᠭ ᠲᠤ᠌ ᠡᠨᠡ ᠽᠠᠮᠪᠤᠯᠢᠩ ᠤ᠋ᠨ ᠣᠷᠣᠨ ᠳ᠋ᠤ᠌ ᠥᠨᠥᠴᠢᠨ ᠭᠤᠷᠪᠠᠨ ᠬᠦᠦ ᠪᠠᠢᠵᠤ ᠭᠡᠨᠡ᠃
ᠲᠡᠳᠡᠨ ᠦ᠌ ᠬᠢ ᠭᠠᠭᠴᠠ ᠲᠤᠭᠤᠯ ᠲᠠᠢ ᠦᠨᠢᠶᠡ ᠲᠡᠢ᠂ ᠦᠨᠢᠶᠡᠨ ᠦ᠌ ᠭᠤᠷᠪᠠᠨ ᠬᠥᠬᠥ ᠶ᠋ᠢ ᠭᠤᠷᠪᠠᠨ ᠬᠦᠦ᠂ ᠨᠢᠭᠡ ᠬᠥᠬᠥ ᠶ᠋ᠢ ᠲᠤᠭᠤᠯ ᠬᠥᠬᠥᠵᠦ ᠭᠡᠳᠡᠰᠦ ᠪᠡᠨ ᠴᠠᠳᠬᠠᠳᠠᠭ ᠶᠤᠮᠰᠠᠨᠵᠠᠢ᠃
ᠭᠡᠲᠡᠯᠡ ᠨᠢᠭᠡ ᠡᠳᠦᠷ ᠭᠠᠭᠴᠠ ᠦᠨᠢᠶᠡ ᠨᠢ ᠪᠡᠯᠴᠢᠭᠡᠷ ᠲᠦ ᠭᠠᠷᠤᠭᠠᠳ ᠡᠷᠭᠢᠵᠦ ᠢᠷᠡᠭᠰᠡᠨ ᠦᠭᠡᠢ᠂ ᠡᠳᠦᠷᠵᠢᠨ ᠨᠢᠳᠦ ᠪᠡᠨ ᠴᠢᠯᠡᠲᠡᠯᠡ ᠬᠠᠷᠠᠪᠠ᠂ ᠪᠠᠷᠠ ᠴᠦ᠍ ᠦᠭᠡᠢ᠂ ᠬᠣᠶᠠᠷ ᠡᠳᠦᠷ ᠬᠠᠷᠠᠪᠠ᠂ ᠠᠵᠢᠭ ᠰᠤᠷᠠᠭ ᠴᠤ᠌ ᠠᠯᠠᠭᠠ᠂ ᠭᠤᠷᠪᠠᠨ ᠡᠳᠦᠷ ᠪᠣᠯᠬᠤᠯᠠ ᠲᠤᠭᠤᠯ ᠨᠢ ᠬᠠᠷᠠᠩᠭᠤᠳᠴᠤ ᠦᠬᠦᠪᠡ᠃
ᠭᠤᠷᠪᠠᠨ ᠬᠦᠦ ᠬᠣᠯᠠ ᠣᠢᠷᠠ ᠰᠤᠷᠠᠭ ᠠᠵᠢᠭ ᠲᠠᠯᠪᠢᠵᠤ᠂ ᠦᠨᠢᠶᠡ ᠪᠡᠨ ᠡᠷᠢᠭᠰᠡᠭᠡᠷ ᠬᠠᠢᠭᠰᠠᠭᠠᠷ ᠨᠤᠲᠤᠭ ᠤ᠋ᠨ ᠨᠣᠶᠠᠨ ᠤ᠋ ᠳ᠋ᠤ᠌ ᠣᠴᠢᠪᠠ ᠭᠡᠨᠡ᠂ ᠨᠣᠶᠠᠨ ᠲᠡᠳᠡᠨ ᠳ᠋ᠦ᠍ ᠨᠠᠢᠷ ᠲᠠᠯᠪᠢᠵᠤ ᠦᠬᠡᠷ ᠦ᠋ᠨ ᠳᠠᠯᠤ ᠴᠢᠨᠠᠵᠤ ᠥᠭᠪᠡ᠂ ᠬᠣᠭᠣᠯᠠ ᠪᠠᠷᠠᠬᠤ ᠪᠠᠷ ᠠᠬᠠ ᠨᠢ᠂
— ᠡᠨᠡ ᠴᠦ᠍ ᠮᠠᠨ ᠤ᠋ ᠮᠢᠬᠠ ᠪᠠᠢᠨᠠ ᠳᠠ ᠭᠡᠵᠦ ᠭᠡᠨᠡ᠂ ᠳᠤᠮᠳᠠ ᠬᠦᠦ ᠬᠠᠷᠠᠵᠤ ᠬᠠᠷᠠᠵᠤ᠂
— ᠦᠨᠢᠶᠡᠨ ᠦ᠌ ᠳᠠᠯᠤ ᠪᠠᠢᠨᠠ ᠭᠡᠯᠡ᠂ ᠪᠠᠭᠠ ᠨᠢ ᠲᠡᠨᠳᠡ ᠡᠴᠡ ᠰᠡᠷᠲᠡᠰᠬᠢᠵᠤ᠂
— ᠲᠡᠭᠡᠪᠡᠯ ᠨᠠᠭᠠᠳᠤᠬᠢ ᠴᠢᠨᠢ ᠮᠠᠨ ᠤ᠋ ᠦᠨᠢᠶᠡ ᠶ᠋ᠢᠨ ᠳᠠᠯᠤ ᠪᠠᠢᠨᠠ ᠭᠡᠵᠦ ᠬᠡᠯᠡᠪᠡ᠂ ᠨᠣᠶᠠᠨ ᠪᠠᠷᠢᠴᠠ ᠠᠯᠳᠠᠵᠤ᠂
— ᠡᠨᠡ ᠳᠠᠯᠤ ᠲᠠᠨ ᠤ᠋ ᠦᠨᠢᠶᠡ ᠶ᠋ᠢᠨ ᠳᠠᠯᠤ ᠭᠡᠳᠡᠭ ᠢ᠋ ᠲᠠ ᠨᠠᠷ ᠶᠠᠭᠠᠬᠢᠵᠤ ᠮᠡᠳᠡᠪᠡ ᠭᠡᠵᠦ ᠠᠰᠠᠭᠤᠬᠤᠢ ᠳ᠋ᠤ᠌ ᠲᠡᠳᠡ᠂
— ᠳᠠᠭᠠᠭᠠᠳ ᠮᠡᠳᠡᠴᠢᠬᠡᠯᠡ ᠭᠡᠵᠦ ᠬᠠᠷᠢᠭᠤᠯᠵᠠᠢ᠂ ᠨᠣᠶᠠᠨ ᠥᠨᠳᠡᠰᠬᠢᠵᠦ᠂
— ᠲᠠ ᠨᠠᠷ ᠳᠠᠭᠠᠬᠤ ᠳ᠋ᠤ᠌ ᠪᠠᠨ ᠮᠤᠨᠳᠠᠭ ᠤᠤ᠂ ᠠᠩ ᠭᠡᠵᠦ ᠠᠰᠠᠭᠤᠪᠠᠰᠤ ᠭᠤᠷᠪᠠᠨ ᠬᠦᠦ᠂
— ᠳᠠᠭᠠᠬᠤ ᠭᠡᠰᠡᠨ ᠶᠠᠭᠤᠮᠠ ᠪᠠᠨ ᠳᠠᠭᠠᠵᠤ ᠯᠠ ᠣᠷᠬᠢᠳᠠᠭ ᠶᠤᠮ ᠭᠡᠵᠦ ᠬᠡᠪᠡᠨᠡᠭ ᠬᠠᠷᠢᠭᠤᠯᠵᠠᠢ᠃
— ᠨᠣᠶᠠᠨ ᠲᠡᠭᠡᠩᠭᠦᠲᠡ ᠲᠡᠳᠡᠨ ᠢ᠋ ᠰᠣᠷᠢᠵᠤ ᠦᠵᠡᠮᠡᠷ ᠰᠠᠨᠠᠭᠳᠠᠭᠠᠳ᠂
— ᠲᠠ ᠨᠠᠷ ᠲᠡᠭᠡᠪᠡᠯ ᠭᠡᠷ ᠡᠴᠡ ᠭᠠᠷᠴᠤ ᠪᠠᠢᠬᠲᠤᠨ ᠭᠡᠳ ᠭᠤᠷᠪᠠᠨ ᠬᠦᠦ ᠶ᠋ᠢ ᠭᠠᠳᠠᠭᠠ ᠭᠠᠷᠭᠠᠭᠰᠠᠨ ᠬᠣᠢᠨᠠ ᠭᠤᠷᠪᠠᠨ ᠱᠠᠭᠠᠵᠠᠩ ᠳ᠋ᠤ᠌ ᠶᠠᠭᠤᠮᠠ ᠬᠢᠵᠦ ᠬᠥᠮᠥᠷᠢᠵᠦ ᠲᠠᠯᠪᠢᠭᠠᠳ᠂
— ᠵᠠ ᠣᠳᠣ ᠣᠷᠣᠭᠠᠳ ᠢᠷᠡ ᠭᠡᠮᠡᠨ ᠳᠠᠭᠤᠳᠠᠪᠠ᠂ ᠣᠷᠣᠵᠤ ᠢᠷᠡᠩᠭᠦᠲᠡ ᠵᠡᠷᠭᠡᠴᠡᠭᠦᠯᠵᠦ ᠰᠠᠭᠤᠯᠭᠠᠭᠠᠳ᠂
— ᠲᠡᠷᠡ ᠳᠡᠭᠡᠳᠦ ᠲᠠᠯᠠ ᠶ᠋ᠢᠨ ᠠᠶᠠᠭᠠᠨ ᠳ᠋ᠤ᠌ ᠶᠠᠭᠤ ᠪᠠᠢᠨᠠ᠂ ᠬᠡᠯᠡᠰᠦᠭᠡᠢ ᠭᠡᠮᠡᠨ ᠪᠠᠢᠴᠠᠭᠠᠵᠠᠢ᠂ ᠠᠬᠠᠮᠠᠳ ᠬᠥᠪᠡᠭᠦᠨ᠂
— ᠪᠦᠪ ᠪᠥᠭᠡᠷᠡᠩᠬᠡᠢ ᠶᠠᠭᠤᠮᠠ ᠪᠠᠢᠨᠠ ᠭᠡᠩᠭᠦᠲᠡ᠂ ᠳᠤᠮᠳᠠ ᠬᠥᠪᠡᠭᠦᠨ ᠨᠢᠳᠦ ᠪᠡᠨ ᠡᠷᠭᠢᠯᠳᠦᠭᠦᠯᠵᠦ ᠪᠠᠢᠭᠰᠠᠨ ᠢ᠋ᠶ᠋ᠠᠨ᠂
ᠰᠢᠪ ᠰᠢᠷᠠ ᠶᠠᠭᠤᠮᠠ ᠪᠠᠢᠨᠠ ᠭᠡᠪᠡ᠂ ᠪᠠᠭᠠ ᠬᠥᠪᠡᠭᠦᠨ ᠥᠨᠳᠡᠰᠬᠢᠭᠰᠡᠨ ᠢ᠋ᠶ᠋ᠡᠨ᠂
— ᠪᠦᠪ ᠪᠥᠭᠡᠷᠡᠩᠬᠡᠢ᠂ ᠰᠢᠪ ᠰᠢᠷᠠ ᠶᠠᠭᠤᠮᠠ ᠪᠣᠯ ᠪᠣᠭᠱᠣᠷᠭᠠ ᠶ᠋ᠢᠨ ᠥᠨᠳᠡᠭᠡ ᠪᠠᠢᠯᠭᠦᠢ ᠭᠡᠵᠦ ᠬᠡᠯᠡᠪᠡ᠂ ᠨᠣᠶᠠᠨ ᠬᠥᠮᠥᠷᠢᠭᠰᠡᠨ ᠠᠶᠠᠭᠠ ᠪᠠᠨ ᠠᠪᠤᠭᠠᠳ ᠦᠵᠡᠪᠡᠰᠦ ᠪᠣᠭᠱᠣᠷᠭᠠ ᠶ᠋ᠢᠨ ᠥᠨᠳᠡᠭᠡ ᠪᠥᠨᠳᠦᠢᠵᠦ ᠪᠠᠢᠬᠤ ᠨᠢ ᠲᠡᠷᠡ᠃
ᠨᠣᠶᠠᠨ ᠪᠣᠳᠣᠯᠬᠢᠯᠠᠵᠤ ᠰᠠᠭᠤᠭᠰᠠᠨ ᠢ᠋ᠶ᠋ᠠᠨ᠂
— ᠵᠠ ᠲᠡᠭᠡᠪᠡᠯ ᠳᠤᠮᠳᠠ ᠶ᠋ᠢᠨ ᠠᠶᠠᠭᠠᠨ ᠳ᠋ᠤ᠌ ᠶᠠᠭᠤ ᠪᠠᠢᠭᠠ ᠶ᠋ᠢ ᠬᠡᠯᠡᠰᠦᠭᠡᠢ ᠭᠡᠵᠦ ᠠᠰᠠᠭᠤᠪᠠ᠂ ᠠᠬᠠᠮᠠᠳ ᠬᠥᠪᠡᠭᠦᠨ ᠬᠠᠷᠠᠵᠤ ᠪᠠᠢᠭᠠᠳ᠂
— ᠤᠪ ᠤᠯᠠᠭᠠᠨ ᠶᠠᠭᠤᠮᠠ ᠪᠠᠢᠨᠠ ᠭᠡᠳ ᠤᠷᠤᠭᠤᠯ ᠢ᠋ᠶ᠋ᠠᠨ ᠥᠮᠥᠯᠵᠡᠭᠦᠯᠪᠡ᠂ ᠳᠤᠮᠳᠠ ᠬᠥᠪᠡᠭᠦᠨ ᠠᠭᠱᠠᠨ ᠬᠢᠷᠢᠲᠡᠢ ᠪᠣᠳᠣᠵᠤ ᠪᠠᠢᠭᠰᠠᠨ ᠢ᠋ᠶ᠋ᠠᠨ᠂
— ᠠᠪ ᠠᠮᠲᠠᠲᠠᠢ ᠶᠠᠭᠤᠮᠠ ᠪᠠᠢᠨᠠ ᠭᠡᠯᠡ᠂ ᠪᠠᠭᠠ ᠬᠥᠪᠡᠭᠦᠨ ᠲᠡᠨᠳᠡ ᠡᠴᠡ ᠨᠢᠳᠦ ᠪᠡᠨ ᠭᠢᠯᠠᠯᠵᠠᠭᠤᠯᠵᠤ ᠪᠠᠢᠭᠰᠠᠨ ᠢ᠋ᠶ᠋ᠠᠨ᠂
— ᠤᠪ ᠤᠯᠠᠭᠠᠨ ᠪᠠᠰᠠ ᠠᠮᠲᠠᠲᠠᠢ ᠶᠠᠭᠤᠮᠠ ᠪᠣᠯ ᠴᠢᠪᠠᠭᠠ ᠯᠠ ᠪᠢᠵᠡ ᠭᠡᠵᠦ ᠬᠡᠯᠡᠭᠰᠡᠨ ᠳ᠋ᠦ᠍ ᠨᠡᠭᠡᠷᠡᠨ ᠲᠡᠷᠡ ᠠᠶᠠᠭᠠᠨ ᠳ᠋ᠤ᠌ ᠨᠢ ᠴᠢᠪᠠᠭᠠ ᠪᠠᠢᠵᠠᠢ᠂ ᠨᠣᠶᠠᠨ ᠬᠥᠮᠥᠰᠬᠡ ᠪᠡᠨ ᠵᠠᠩᠭᠢᠳᠴᠤ ᠰᠠᠭᠤᠭᠰᠠᠨ ᠢ᠋ᠶ᠋ᠠᠨ᠂
— ᠣᠳᠣ ᠬᠠᠮᠤᠭ ᠤ᠋ᠨ ᠰᠡᠭᠦᠯ ᠦ᠋ᠨ ᠱᠠᠭᠠᠵᠠᠩ ᠳ᠋ᠤ᠌ ᠶᠠᠭᠤ ᠪᠠᠢᠭᠠ ᠶ᠋ᠢ ᠬᠡᠯᠡᠭᠡᠳ ᠣᠷᠭᠢ ᠳᠠ ᠭᠡᠮᠡᠨ ᠲᠤᠯᠭᠠᠪᠠ᠂ ᠠᠬᠠᠮᠠᠳ ᠬᠦᠦ ᠨᠢ᠂
— ᠲᠥᠪ ᠲᠥᠭᠥᠷᠢᠭ ᠶᠠᠭᠤᠮᠠ ᠪᠠᠢᠨᠠ ᠭᠡᠵᠦ ᠬᠡᠯᠡᠯᠡ᠂ ᠳᠤᠮᠳᠠ ᠬᠦᠦ ᠬᠠᠷᠠᠵᠤ ᠬᠠᠷᠠᠵᠤ᠂
— ᠳᠤᠮᠳᠠ ᠪᠠᠨ ᠨᠦᠬᠡ ᠲᠡᠢ ᠶᠠᠭᠤᠮᠠ ᠪᠠᠢᠨᠠ ᠭᠡᠵᠦ ᠳᠤᠤᠭᠠᠷᠪᠠ᠂ ᠪᠠᠭᠠ ᠬᠦᠦ ᠲᠡᠨᠳᠡ ᠡᠴᠡ᠂
— ᠲᠥᠪ ᠲᠥᠭᠥᠷᠢᠭ᠂ ᠳᠤᠮᠳᠠ ᠪᠠᠨ ᠨᠦᠬᠡ ᠲᠡᠢ ᠶᠠᠭᠤᠮᠠ ᠪᠣᠯ ᠭᠠᠤᠯᠢᠨ ᠵᠣᠭᠣᠰ ᠯᠠ ᠪᠠᠢᠨᠠ ᠭᠡᠯᠡ᠃
ᠲᠡᠢᠨ ᠬᠦ᠌ ᠭᠤᠷᠪᠠᠨ ᠬᠦᠦ ᠭᠤᠷᠪᠠᠨ ᠠᠶᠠᠭᠠᠨ ᠳ᠋ᠠᠬᠢ ᠶ᠋ᠢ ᠭᠤᠷᠪᠠᠭᠤᠯᠠ ᠶ᠋ᠢ ᠳᠠᠭᠠᠴᠢᠬᠠᠪᠠ᠃
ᠨᠣᠶᠠᠨ ᠨᠤᠲᠤᠭ ᠤᠰᠤᠨ ᠳ᠋ᠤ᠌ ᠪᠠᠨ ᠡᠢᠮᠦ ᠮᠤᠨᠳᠠᠭ ᠲᠠᠭᠠᠪᠤᠷᠢᠴᠢ ᠨᠡᠷᠡᠲᠡᠢ ᠪᠣᠯᠬᠤ ᠭᠡᠮᠡᠨ ᠪᠠᠶᠠᠷᠯᠠᠵᠤ᠂ ᠬᠥᠯ ᠠᠯᠲᠠᠨ ᠰᠢᠨᠡ ᠭᠡᠷ ᠪᠠᠷᠢᠵᠤ ᠬᠣᠨᠢ ᠭᠠᠷᠭᠠᠨ ᠠᠢᠷᠠᠭ ᠰᠥᠩᠨᠡᠪᠡ᠂ ᠪᠦᠷ ᠨᠠᠢᠷ ᠬᠤᠷᠢᠮ ᠡᠭᠦᠰᠬᠡᠯᠡ᠂ ᠲᠡᠭᠡᠭᠡᠳ ᠨᠠᠢᠷ ᠵᠢᠭᠳᠡᠷᠡᠵᠦ ᠠᠬᠤᠢ ᠳ᠋ᠤ᠌ ᠭᠡᠷ ᠡᠴᠡ ᠪᠡᠨ ᠭᠠᠷᠴᠤ ᠵᠠᠷᠤᠴᠠ ᠪᠠᠨ ᠳᠠᠭᠤᠳᠠᠭᠠᠳ᠂
— ᠲᠡᠳᠡ ᠶᠠᠭᠤ ᠬᠡᠯᠡᠯᠴᠡᠵᠦ ᠪᠠᠢᠨᠠ᠂ ᠮᠡᠳᠡᠭᠡᠳ ᠢᠷᠡ ᠭᠡᠳ ᠶᠠᠪᠤᠭᠤᠯᠪᠠᠢ᠂ ᠵᠠᠷᠤᠴᠠ ᠨᠢ ᠣᠴᠢᠭᠠᠳ ᠭᠡᠷ ᠦ᠋ᠨ ᠭᠠᠳᠠᠨᠠ ᠠ᠋ᠴᠠ ᠴᠢᠬᠢ ᠲᠠᠯᠪᠢᠨ ᠵᠢᠭᠠᠬᠠᠨ ᠵᠣᠭᠰᠣᠲᠠᠯᠠ ᠬᠥᠪᠡᠭᠦᠳ ᠡᠢᠨ ᠬᠡᠯᠡᠯᠴᠡᠵᠦ ᠠᠪᠠᠢ᠃
— ᠠᠢᠷᠠᠭ ᠴᠤ᠌ ᠰᠠᠢᠬᠠᠨ ᠠᠢᠷᠠᠭ ᠪᠠᠢᠨᠠ᠂ ᠳᠠᠩᠴᠤ ᠬᠥᠮᠦᠨ ᠦ᠌ ᠴᠢᠰᠤ ᠲᠠᠢ ᠠᠢᠷᠠᠭ ᠪᠠᠢᠨᠠ᠃
— ᠮᠢᠬᠠ ᠴᠤ᠌ ᠮᠢᠬᠠ ᠶᠤᠮ ᠠ᠋᠂ ᠳᠠᠩᠴᠤ ᠨᠣᠬᠠᠢ ᠶ᠋ᠢᠨ ᠮᠢᠬᠠ ᠶᠤᠮ ᠪᠠᠢᠨᠠ᠃
— ᠨᠣᠶᠠᠨ ᠴᠤ᠌ ᠨᠣᠶᠠᠨ ᠪᠠᠢᠨᠠ ᠳᠠᠩᠴᠤ ᠬᠠᠷᠢ ᠶ᠋ᠢᠨ ᠬᠡᠦᠬᠡᠳ ᠶᠤᠮ᠃
ᠡᠢᠨ ᠬᠡᠯᠡᠯᠴᠡᠵᠦ ᠪᠣᠢ ᠶ᠋ᠢ ᠨᠢ ᠲᠤᠭᠤᠯᠤᠭᠰᠠᠨ ᠨᠣᠶᠠᠨ ᠠᠭᠤᠷᠯᠠᠵᠤ᠂ ᠬᠣᠨᠢᠴᠢᠨ ᠢ᠋ᠶ᠋ᠠᠨ ᠳᠠᠭᠤᠳᠠᠨ ᠠᠰᠠᠭᠤᠪᠠᠯ᠂
ᠶᠠᠭᠠᠬᠢᠯᠠ ᠭᠡᠵᠦ ᠨᠣᠬᠠᠢ ᠶ᠋ᠢᠨ ᠮᠢᠬᠠ ᠪᠠᠢᠬᠤ ᠪᠣᠢ ᠳᠠ᠂ ᠨᠣᠶᠠᠨ ᠮᠢᠨᠢ᠂ ᠬᠤᠷᠠᠭᠠ ᠪᠠᠢᠬᠤ ᠳ᠋ᠤ᠌ ᠨᠢ ᠡᠬᠡ ᠨᠢ ᠦᠬᠦᠭᠡᠳ᠂ ᠨᠣᠬᠠᠢ ᠶ᠋ᠢᠨ ᠬᠥᠬᠥ ᠪᠡᠷ ᠮᠠᠯ ᠪᠣᠯᠤᠭᠰᠠᠨ ᠠᠮᠢᠲᠠᠨ ᠪᠠᠢᠬᠤ ᠦᠭᠡᠢ ᠦᠦ᠂ ᠵᠠᠢᠯᠠᠭᠤᠯ᠂ ᠲᠡᠷᠡ ᠬᠣᠨᠢ ᠶ᠋ᠢ ᠯᠡ ᠭᠠᠷᠭᠠᠵᠤ ᠥᠭᠭᠦᠭᠰᠡᠨ ᠪᠢᠯᠡ ᠭᠡᠵᠦ ᠭᠡᠨᠡ᠂ ᠲᠡᠭᠡᠩᠭᠦᠲᠡ ᠨᠣᠶᠠᠨ ᠠᠳᠤᠭᠤᠴᠢᠨ ᠢ᠋ᠶ᠋ᠠᠨ ᠳᠠᠭᠤᠳᠠᠨ ᠢᠷᠡᠭᠦᠯᠵᠦ ᠪᠠᠢᠴᠠᠭᠠᠪᠠᠯ᠂
ᠪᠢ ᠮᠣᠷᠢ ᠤᠷᠭᠠᠯᠠᠵᠤ ᠪᠠᠢᠭᠠᠳ ᠭᠠᠷ ᠢ᠋ᠶ᠋ᠠᠨ ᠤᠷᠭᠠᠨ ᠳ᠋ᠤ᠌ ᠰᠢᠪᠲᠤᠷᠴᠤ ᠴᠢᠰᠤ ᠭᠠᠷᠤᠭᠠᠳ ᠤᠰᠤᠨ ᠳ᠋ᠤ᠌ ᠲᠤᠰᠬᠠᠴᠢᠬᠠᠭᠰᠠᠨ ᠶᠤᠮ᠂ ᠲᠡᠷᠡ ᠤᠰᠤᠨ ᠠ᠋ᠴᠠ ᠨᠢ ᠭᠡᠭᠦᠦ ᠨᠤᠭᠦᠳ ᠤᠮᠳᠠᠭᠠᠯᠠᠵᠤ ᠯᠠ ᠳᠠ ᠭᠡᠵᠦ ᠬᠠᠷᠢᠭᠤᠯᠪᠠᠢ᠃
ᠨᠣᠶᠠᠨ ᠶᠠᠮᠠᠷ ᠠᠢᠬᠤᠪᠲᠤᠷ ᠳᠠᠭᠠᠳᠠᠭ ᠬᠡᠦᠬᠡᠳ ᠦᠳ ᠪᠣᠢ ᠭᠡᠵᠦ ᠭᠠᠢᠬᠠᠭᠰᠠᠭᠠᠷ᠂ ᠭᠡᠷ ᠲᠦ ᠪᠡᠨ ᠣᠷᠣᠵᠤ ᠢᠷᠡᠭᠡᠳ ᠨᠠᠰᠤᠨ ᠥᠨᠳᠥᠷ ᠡᠵᠢ ᠡᠴᠡ ᠪᠡᠨ᠂
ᠪᠢ ᠬᠡᠨ ᠦ᠌ ᠬᠡᠦᠬᠡᠳ ᠶᠤᠮ ᠪᠣᠢ ᠭᠡᠵᠦ ᠠᠰᠠᠭᠤᠪᠠᠯ᠂ ᠡᠵᠢ ᠨᠢ ᠲᠦᠯᠢᠭᠡᠨᠡᠵᠦ ᠪᠠᠢᠭᠰᠠᠨ ᠢ᠋ᠶ᠋ᠠᠨ᠂
— ᠵᠢᠩᠬᠢᠨᠢ ᠡᠴᠢᠭᠡ ᠴᠢᠨᠢ ᠬᠠᠷᠢ ᠬᠥᠮᠦᠨ ᠪᠠᠢᠭᠰᠠᠨ ᠶᠤᠮ ᠠ᠋ ᠭᠡᠮᠡᠨ ᠴᠢᠩ ᠦᠨᠡᠨ ᠢ᠋ ᠥᠴᠢᠵᠡᠢ᠃
ᠨᠣᠶᠠᠨ ᠤ᠋ ᠤᠷᠮᠠ ᠬᠤᠭᠤᠷᠠᠭᠰᠠᠨ ᠭᠡᠵᠦ ᠲᠤᠢᠯ ᠦᠭᠡᠢ᠂ ᠭᠤᠷᠪᠠᠨ ᠬᠦᠦ ᠶ᠋ᠢᠨ ᠭᠠᠭᠴᠠ ᠲᠤᠭᠤᠯ ᠲᠠᠢ ᠦᠨᠢᠶᠡ ᠶ᠋ᠢ ᠬᠤᠯᠠᠭᠤᠨ ᠠᠪᠴᠤ ᠠᠯᠠᠵᠤ ᠢᠳᠡᠭᠰᠡᠨ ᠢ᠋ᠶ᠋ᠡᠨ ᠬᠦᠯᠢᠶᠡᠵᠦ ᠭᠡᠨᠡ᠂ ᠲᠡᠭᠡᠭᠡᠳ ᠭᠤᠷᠪᠠᠨ ᠬᠦᠦ ᠶ᠋ᠢᠨ ᠠᠬᠠ ᠶ᠋ᠢ ᠨᠣᠶᠠᠨ ᠪᠣᠯᠭᠠᠵᠤ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠣᠷᠣᠨ ᠳ᠋ᠤ᠌ ᠡᠷᠭᠦᠮᠵᠢᠯᠡᠭᠡᠳ᠂ ᠬᠣᠶᠠᠷ ᠳᠡᠭᠦᠦ ᠶ᠋ᠢ ᠨᠢ ᠲᠦᠰᠢᠮᠡᠯ ᠪᠣᠯᠭᠠᠨ ᠳᠡᠷᠭᠡᠳᠡ ᠨᠢ ᠰᠠᠭᠤᠯᠭᠠᠵᠤ ᠥᠭᠭᠦᠭᠡᠳ᠂ ᠥᠪᠡᠷ ᠢ᠋ᠶ᠋ᠡᠨ ᠰᠤᠯᠠ ᠬᠥᠮᠦᠨ ᠪᠣᠯᠤᠨ ᠨᠤᠲᠤᠭ ᠬᠤᠰᠢᠭᠤᠨ ᠳ᠋ᠤ᠌ ᠪᠠᠨ ᠠᠮᠤᠷ ᠵᠢᠮᠦᠷ ᠠᠮᠢᠳᠤᠷᠠᠨ ᠰᠠᠭᠤᠬᠤ ᠪᠣᠯᠤᠭᠰᠠᠨ ᠭᠡᠳᠡᠭ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠵᠢᠩᠯᠢᠬᠤᠸᠠᠷ
ᠦᠰᠦᠭ ᠬᠢᠨᠠᠭᠴᠢ᠄