ᠢᠲᠡᠭᠡᠯ ᠬᠡᠮᠡᠬᠦ ᠣᠷᠣᠰᠢᠪᠠᠢИтгэл хэмээх оршивой
982ᠢᠲᠡᠭᠡᠯ ᠬᠡᠮᠡᠬᠦ ᠣᠷᠣᠰᠢᠪᠠᠢ
ᠲᠡᠭᠦᠰ ᠴᠣᠭᠲᠤ ᠢᠵᠠᠭᠤᠷ ᠤ᠋ᠨ ᠯᠠᠮᠠ ᠡᠷᠳᠡᠨᠢ᠃
ᠡᠮᠦᠨᠡᠲᠦ ᠣᠭᠲᠠᠷᠭᠤᠢ ᠳᠠ ᠤᠷᠤᠢ ᠳ᠋ᠡᠬᠢ ᠯᠢᠩᠬᠤᠠ ᠳ᠋ᠤᠷ᠃ ᠵᠢᠷᠤᠬᠡᠨ ᠤ ᠯᠢᠩᠬᠤᠠ ᠳ᠋ᠤᠷ᠃ ᠰᠠᠢᠲᠤᠷ ᠰᠠᠭᠤᠵᠤ᠃
ᠶᠡᠬᠡ ᠠᠴᠢ ᠶ᠋ᠢᠨ ᠡᠭᠦᠳᠡᠨᠡ ᠳᠠᠭᠠᠨ ᠪᠠᠷᠢᠭᠠᠳ᠃
ᠪᠡᠶᠡ ᠵᠠᠷᠯᠢᠭ ᠵᠢᠷᠦᠬᠡᠨ ᠦ᠌ ᠰᠢᠳᠢ ᠰᠣᠶᠣᠷᠬᠠ ᠅
ᠵᠣᠷᠢᠭ ᠦᠭᠡᠢ ᠡᠨᠡᠷᠢᠬᠦᠢ ᠶᠡᠬᠡ ᠰᠠᠩ ᠤ᠋ᠨ ᠦᠵᠡᠭᠴᠢ᠃
ᠭᠬᠢᠷ ᠦ᠋ᠳ ᠦᠭᠡᠢ ᠮᠡᠳᠡᠭᠴᠢᠨ ᠦ᠌ ᠡᠷᠬᠡ ᠶ᠋ᠢᠨ ᠡᠵᠡᠨ ᠮᠠᠨᠽᠤᠰᠢᠷᠢ᠃
ᠴᠠᠰᠤᠳᠠᠨ ᠤ᠋ ᠮᠡᠷᠭᠡᠳ ᠪᠦᠭᠦᠢ ᠶ᠋ᠢᠨ ᠣᠷᠣᠢ ᠶ᠋ᠢᠨ ᠴᠢᠮᠡᠭ ᠽᠤᠩᠺᠠᠸᠠ᠃
ᠰᠠᠢᠨ ᠤ᠋ ᠣᠶᠤᠨ ᠠᠯᠳᠠᠷ ᠴᠣᠭᠲᠤ ᠶ᠋ᠢᠨ ᠬᠥᠯ ᠳ᠋ᠤᠷ ᠵᠠᠯᠪᠠᠷᠢᠮᠤᠢ ᠪᠢ ᠅
ᠪᠦᠷᠢᠨ ᠲᠡᠭᠦᠰ ᠪᠤᠶᠠᠨ ᠴᠣᠭ ᠢ᠋ᠶ᠋ᠠᠷ ᠡᠭᠦᠰᠦᠭᠰᠡᠨ ᠪᠡᠶᠡᠲᠦ᠃
ᠬᠤᠪᠢᠳᠠᠨ ᠳ᠋ᠤᠷ ᠨᠣᠮᠯᠠᠬᠤᠢ ᠪᠠᠷ ᠬᠠᠩᠭᠠᠭᠤᠯᠬᠤᠢ ᠵᠠᠷᠯᠢᠬᠳᠦ᠃
ᠠᠮᠢᠲᠠᠨ ᠢ᠋ ᠦᠷᠡᠴᠢᠯᠡᠨ ᠨᠢᠭᠦᠯᠡᠰᠬᠦᠢ ᠰᠡᠳᠬᠢᠯᠲᠦ᠃
ᠸᠴᠢᠷᠳ᠋ᡁᠠᠷᠠ ᠯᠠᠮᠠ ᠳ᠋ᠠᠭᠠᠨ ᠮᠥᠷᠭᠥᠨ ᠰᠥᠭᠥᠳᠦᠮᠦ ᠪᠢ᠃
ᠪᠢ ᠪᠠᠷ ᠡᠳᠦᠢ ᠡᠴᠡ ᠪᠠᠷᠢᠨ ᠪᠣᠳᠢ ᠬᠤᠲᠤᠭ ᠬᠦᠷᠲᠡᠯᠡ᠃
ᠪᠣᠭᠳᠠ ᠯᠠᠮᠠ ᠴᠢᠮᠠ ᠠ᠋ᠴᠠ ᠰᠠᠯᠤᠯ ᠦᠭᠡᠢ ᠳᠠᠭᠠᠵᠤ᠃
ᠵᠣᠬᠢᠰ ᠦᠭᠡᠢ ᠵᠦᠢᠯ ᠢ᠋ ᠲᠡᠪᠴᠢᠨ ᠵᠣᠬᠢᠰᠲᠤ ᠶ᠋ᠢ ᠪᠦᠲᠦᠭᠡᠨ᠃
ᠪᠢᠯᠢᠭ ᠬᠢᠭᠡᠳ ᠡᠨᠡᠷᠢᠯ ᠪᠠ ᠬᠢᠴᠢᠶᠡᠯ ᠢ᠋ ᠣᠯᠲᠤᠭᠠᠢ ᠅
ᠠᠴᠢᠲᠤ ᠡᠴᠢᠭᠡ ᠡᠬᠡ ᠲᠡᠷᠢᠭᠦᠲᠡᠨ ᠣᠭᠲᠠᠷᠭᠤᠢ ᠶ᠋ᠢᠨ ᠬᠢᠵᠠᠭᠠᠷ ᠯᠤᠭᠠ ᠰᠡᠴᠡ
ᠬᠠᠮᠤᠭ ᠠᠮᠢᠲᠠᠨ ᠡᠨᠡ ᠴᠠᠭ ᠠ᠋ᠴᠠ ᠡᠬᠢᠯᠡᠵᠦ ᠬᠡᠵᠢᠶᠡ ᠪᠣᠳᠢ ᠬᠤᠲᠤᠭ ᠬᠦᠷᠦᠭᠡ ᠢᠨᠠᠷᠤ᠃
ᠠᠷᠪᠠᠨ ᠵᠦᠭ ᠦ᠋ᠨ ᠭᠤᠷᠪᠠᠨ ᠴᠠᠭ ᠤ᠋ᠨ ᠬᠠᠮᠤᠭ ᠲᠡᠭᠦᠨᠴᠢᠯᠡᠨ ᠢᠷᠡᠭᠰᠡᠳ ᠦ᠋ᠨ
ᠪᠡᠶᠡ ᠵᠠᠷᠯᠢᠭ ᠰᠡᠳᠬᠢᠯ ᠡᠷᠳᠡᠮ ᠦᠢᠯᠡᠰ ᠪᠦᠭᠦᠳᠡ ᠶ᠋ᠢ ᠨᠢᠭᠡᠨᠡ ᠬᠤᠷᠢᠶᠠᠭᠰᠠᠨ ᠴᠢᠨᠠᠷᠲᠤ᠃
ᠨᠠᠶᠠᠨ ᠳᠥᠷᠪᠡᠨ ᠮᠢᠩᠭᠠᠨ ᠨᠣᠮ ᠤ᠋ᠨ ᠴᠣᠭᠴᠠ ᠭᠠᠷᠬᠤᠢ ᠶ᠋ᠢᠨ ᠣᠷᠣᠨ᠃
ᠬᠠᠮᠤᠭ ᠬᠤᠲᠤᠭᠲᠠᠨ ᠬᠤᠸᠠᠷᠠᠭ ᠤ᠋ᠨ ᠡᠵᠡᠨ ᠠᠴᠢᠲᠤ ᠢᠵᠠᠭᠤᠷ ᠦᠨᠳᠦᠰᠦᠨ ᠦ᠌ ᠳᠡᠭᠡᠳᠦ ᠴᠣᠭᠲᠤ ᠲᠡᠭᠦᠯᠳᠡᠷ ᠅
ᠯᠠᠮᠠ ᠳ᠋ᠤᠷ ᠢᠲᠡᠭᠡᠮᠦ ᠃
ᠪᠤᠷᠬᠠᠨ ᠳ᠋ᠤᠷ ᠢᠲᠡᠭᠡᠮᠦ᠃
ᠨᠣᠮ ᠳ᠋ᠤᠷ ᠢᠲᠡᠭᠡᠮᠦ᠃
ᠬᠤᠸᠠᠷᠠᠭ ᠲᠤᠷ ᠢᠲᠡᠭᠡᠮᠦ ᠅ ᠬᠡᠮᠡᠨ ᠣᠯᠠᠨᠲᠠ ᠤᠩᠰᠢᠮᠤᠢ
ᠢᠳᠠᠮ ᠮᠠᠨᠳᠠᠯ ᠤ᠋ᠨ ᠪᠤᠷᠬᠠᠨ ᠤ᠋ ᠴᠢᠭᠤᠯᠭᠠᠨ ᠨᠥᠬᠥᠳ ᠰᠡᠯᠲᠡ ᠪᠥᠬᠥᠳᠡ ᠳ᠋ᠠ ᠢᠲᠡᠭᠡᠮᠦ᠃
ᠴᠣᠭᠲᠤ ᠢᠲᠡᠭᠡᠯ ᠳᠡᠭᠡᠳᠦ ᠨᠣᠮ ᠤ᠋ᠨ ᠰᠠᠬᠢᠭᠤᠯᠰᠤᠨ ᠪᠡᠯᠭᠡ ᠪᠢᠯᠢᠭ ᠦ᠋ᠨ ᠨᠢᠳᠦᠨ ᠲᠡᠭᠦᠰᠦᠭᠰᠡᠤᠨ᠌ᠡ ᠢᠲᠡᠭᠡᠮᠦ ᠅ᠭᠤᠷᠪᠠᠨᠲᠠ ᠤᠩᠰᠢᠮᠤᠢ᠃
ᠪᠤᠷᠬᠠᠨ ᠨᠣᠮ ᠪᠠ ᠴᠢᠭᠤᠯᠭᠠᠨ ᠤ᠋ ᠳᠡᠭᠡᠳᠦᠬᠢ ᠨᠦᠬᠦᠤᠨ᠌ᠡ᠃
ᠪᠣᠳᠢ ᠬᠤᠲᠤᠭ ᠬᠦᠷᠲᠡᠯᠡ ᠪᠢ ᠠᠪᠤᠷᠠᠯᠠ ᠤᠳᠤᠮᠤᠢ᠃
ᠥᠭᠯᠢᠭᠡ ᠪᠡᠷ ᠲᠡᠷᠢᠭᠦᠯᠡᠨ ᠮᠢᠨᠦ ᠡᠨᠡ ᠪᠣᠶᠠᠳ ᠢ᠋ᠶ᠋ᠠᠷ᠃
ᠠᠮᠢᠲᠠᠨ ᠤ᠋ ᠲᠤᠰᠠ ᠶ᠋ᠢᠨ ᠲᠤᠯᠠ ᠪᠤᠷᠬᠠᠨ ᠪᠣᠯᠬᠤ ᠪᠣᠯᠲᠤᠭᠠᠢ ᠅ᠭᠤᠷᠪᠠᠨᠲᠠ ᠤᠩᠰᠢᠮᠤᠢ᠃
ᠭᠤᠷᠪᠠᠨ ᠡᠷᠳᠡᠨᠢ ᠳᠡ ᠢᠲᠡᠭᠡᠮᠦ ᠪᠢ᠃ᠬᠢᠯᠢᠨᠴᠡᠰ ᠢ᠋ ᠲᠤᠰ ᠲᠤᠰ ᠨᠠᠮᠠᠨᠴᠢᠯᠠᠮᠤ᠃
ᠠᠮᠢᠲᠠᠨ ᠤ᠋ ᠪᠤᠶᠠᠨ ᠳᠠᠭᠠᠨ ᠪᠡᠶᠡᠰᠴᠦ᠃ᠪᠤᠷᠬᠠᠨ ᠪᠣᠳᠢ ᠰᠡᠳᠬᠢᠯ ᠢ᠋ᠶ᠋ᠡᠷ ᠪᠠᠷᠢᠮᠤ᠃
ᠪᠤᠷᠬᠠᠨ ᠨᠣᠮ ᠪᠠ ᠪᠤᠷᠰᠠᠩ ᠬᠤᠸᠠᠷᠠᠭ ᡂᠨ᠌ᠡ᠃ᠪᠣᠳᠢ ᠬᠤᠲᠤᠭ ᠬᠦᠷᠲᠡᠯᠡ ᠢᠲᠡᠭᠡᠮᠦ ᠪᠢ᠃
ᠥᠪᠡᠷ ᠪᠤᠰᠤᠳ ᠬᠣᠶᠠᠷ ᠲᠤᠰᠠ ᠶ᠋ᠢᠨ ᠲᠤᠯᠠᠳᠠ᠃ᠡᠷᠬᠢᠮ ᠪᠣᠳᠢ ᠰᠡᠳᠬᠢᠯ ᠡᠭᠦᠰᠬᠡᠮᠦ ᠪᠢ᠃
ᠡᠷᠬᠢᠮ ᠪᠣᠳᠢ ᠰᠡᠳᠬᠢᠯ ᠢ᠋ᠶ᠋ᠡᠨ ᠡᠭᠦᠰᠬᠡᠵᠦ ᠡᠭᠦᠰᠬᠡᠨ᠃ᠬᠠᠮᠤᠭ ᠠᠮᠢᠲᠠᠨ ᠢ᠋ ᠪᠢ ᠪᠠᠷ ᠵᠣᠴᠢᠯᠠᠵᠤ ᠠᠪᠤᠮᠤᠢ᠃
ᠡᠷᠬᠢᠮ ᠪᠣᠳᠢ ᠶᠠᠪᠤᠳᠠᠯ ᠢ᠋ ᠳᠤᠷᠠᠲᠠᠶᠠ ᠶᠠᠪᠤᠮᠤᠢ᠃ᠠᠮᠢᠲᠠᠨ ᠤ᠋ ᠲᠤᠰᠠ ᠶ᠋ᠢᠨ ᠲᠤᠯᠠ ᠪᠤᠷᠬᠠᠨ ᠪᠣᠯᠬᠤ ᠪᠣᠯᠲᠤᠭᠠᠢ᠅ᠭᠤᠷᠪᠠᠨᠲᠠ ᠤᠩᠰᠢᠮᠤᠢ᠃
ᠬᠠᠮᠤᠭ ᠠᠮᠢᠲᠠᠨ ᠵᠢᠷᠭᠠᠯᠠᠩ ᠪᠠ ᠵᠢᠷᠭᠠᠯᠠᠩ ᠤ᠋ᠨ ᠰᠢᠯᠳᠠᠭᠠᠨᠠ ᠲᠡᠭᠦᠯᠳᠡᠷ ᠪᠣᠯᠲᠤᠭᠠᠢ᠃
ᠬᠠᠮᠤᠭ ᠠᠮᠢᠲᠠᠨ ᠵᠣᠪᠠᠯᠠᠩ ᠪᠠ ᠵᠣᠪᠠᠯᠠᠩ ᠤ᠋ᠨ ᠰᠢᠯᠲᠠᠭᠠᠨ ᠠᠴᠠ ᠬᠠᠭᠠᠴᠠᠬᠤ ᠪᠣᠯᠲᠤᠭᠠᠢ᠃
ᠬᠠᠮᠤᠭ ᠠᠮᠢᠲᠠᠨ ᠵᠣᠪᠠᠯ ᠦᠭᠡᠢ ᠵᠢᠷᠭᠠᠯ ᠠ᠋ᠴᠠ ᠦᠯᠦ ᠬᠠᠭᠠᠴᠠᠬᠤ ᠪᠣᠯᠲᠤᠭᠠᠢ᠃
ᠬᠠᠮᠤᠭ ᠠᠮᠢᠲᠠᠨ ᠣᠢᠷᠠ ᠬᠣᠯᠠ ᠲᠠᠴᠢᠶᠠᠬᠤ ᠣᠷᠢᠯᠠᠬᠤ ᠬᠣᠶᠠᠷ ᠠ᠋ᠴᠠ ᠬᠠᠭᠠᠴᠠᠵᠤ ᠲᠡᠭᠰᠢ ᠰᠡᠳᠬᠢᠯ ᠳ᠋ᠦ᠍ᠷ ᠠᠬᠤ ᠪᠣᠯᠲᠤᠭᠠᠢ᠅ᠭᠤᠷᠪᠠᠨᠲᠠ ᠤᠩᠰᠢᠮᠤᠢ
ᠬᠡᠨ ᠦ᠌ ᠠᠴᠢ ᠶᠡᠬᠡ ᠵᠢᠷᠭᠠᠯ ᠣᠷᠣᠨ ᠢ᠋᠃ ᠨᠢᠭᠡᠨ ᠭᠱᠠᠨ ᠳ᠋ᠤᠷ ᠪᠥᠭᠡᠳ ᠣᠯᠭᠣᠭᠤᠯᠤᠭᠴᠢ᠃
ᠴᠢᠨᠳᠠᠮᠠᠨᠢ ᠮᠡᠲᠦ ᠯᠠᠮᠠ ᠡᠷᠳᠡᠨᠢ ᠶ᠋ᠢᠨ᠃ ᠸᠴᠢᠷ ᠬᠥᠯ ᠦ᠋ᠨ ᠯᠢᠩᠬᠤᠠ ᠳᠠ ᠮᠥᠷᠭᠥᠮᠦ ᠅
ᠡᠷᠬᠢᠮ ᠳᠦᠷᠰᠦ ᠡᠷᠬᠢᠮ ᠶᠡᠬᠡ ᠬᠢᠯᠢᠩᠲᠦ᠃ ᠳᠡᠭᠡᠳᠦ ᠳᠡ ᠪᠠᠭᠠᠲᠤᠷ ᠤ᠋ᠨ ᠸᠢᠱᠠᠢ ᠳ᠋ᠤ᠌᠃
ᠦᠷᠢᠭᠦᠰ ᠢ᠋ ᠨᠣᠮᠣᠬᠠᠳᠬᠠᠬᠤ ᠶ᠋ᠢᠨ ᠲᠤᠰᠠᠲᠤ᠃ ᠸᠴᠢᠷ ᠠᠶᠤᠭᠤᠯᠤᠭᠴᠢ ᠳᠠ ᠮᠥᠷᠭᠥᠮᠦ ᠅
ᠵᠠᠯᠠᠭᠤᠰ ᠤ᠋ᠨ ᠬᠤᠪᠢ ᠶᠣᠰᠣᠨ ᠪᠠᠷᠢᠭᠴᠢ᠃ ᠭᠡᠭᠡᠨ ᠪᠢᠯᠢᠭ ᠵᠤᠯᠠᠰ ᠢ᠋ᠶ᠋ᠠᠷ ᠴᠢᠮᠡᠭᠰᠡᠨ᠃
ᠭᠤᠷᠪᠠᠨ ᠯᠤᠺᠠ ᠶᠢᠨ ᠬᠠᠷᠠᠩᠭᠤᠢ ᠶ᠋ᠢ ᠳᠠᠷᠤᠭᠴᠢ᠃ ᠮᠠᠨᠽᠤᠰᠢᠷᠢ ᠢᠲᠡᠭᠡᠯ ᠳ᠋ᠦ᠍ᠷ ᠮᠥᠷᠭᠥᠮᠦ ᠅
ᠮᠠᠰᠢ ᠬᠡᠳᠦ ᠣᠷᠣᠨ ᠳ᠋ᠠᠬᠢ ᠪᠤᠲᠠ ᠡᠳ᠋᠃ ᠴᠣᠭᠲᠤ ᠮᠥᠩᠬᠡ ᠵᠢᠷᠭᠠᠯ ᠦᠭᠬᠦᠢ ᠲᠠᠬᠢᠯ ᠢ᠋᠃
ᠰᠦᠰᠦᠯᠬᠦᠢ ᠪᠡᠷ ᠦᠷᠭᠦᠯᠵᠢᠳᠡ ᠡᠷᠭᠦᠮᠦ᠃ ᠯᠠᠮᠠ ᠢᠳᠠᠮ ᠡᠨᠡᠷᠢᠵᠦ ᠠᠪᠲᠤᠭᠠᠢ ᠅
ᠴᠠᠭᠯᠠᠰᠢ ᠦᠭᠡᠢ ᠵᠣᠪᠠᠯᠠᠩ ᠤ᠋ᠳ ᠪᠣᠯᠤᠭᠴᠢ᠃ᠪᠡᠶᠡ ᠬᠡᠯᠡ ᠰᠡᠳᠬᠢᠯ ᠳ᠋ᠡᠬᠢ ᠨᠢᠭᠦᠯ ᠢ᠋᠃
ᠰᠠᠨᠠᠯ ᠰᠢᠢᠳᠴᠦ ᠲᠠᠨ ᠳ᠋ᠤᠷ ᠨᠠᠮᠠᠨᠴᠢᠯᠠᠮᠤ᠃ᠪᠦᠷᠢ ᠲᠦᠷᠭᠡᠨ ᠠᠷᠢᠯᠬᠤᠶᠠ ᠪᠣᠯᠲᠤᠭᠠᠢ ᠅
ᠪᠦᠬᠦ ᠲᠤᠰᠠ ᠵᠢᠷᠭᠠᠯᠠᠩ ᠤ᠋ᠨ ᠰᠢᠯᠲᠠᠭᠠᠨ᠃ᠪᠤᠶᠠᠨ ᠬᠢᠭᠡᠳ ᠪᠡᠯᠭᠡ ᠪᠢᠯᠢᠭ ᠬᠣᠶᠠᠷ ᠤ᠋ᠨ᠃
ᠴᠢᠭᠤᠯᠭᠠᠨ ᠢ᠋ ᠬᠡᠨ ᠊ᠢᠠ ᠬᠤᠷᠢᠶᠠᠪᠠᠰᠤ᠃ᠲᠡᠭᠦᠨᠡ ᠪᠢ ᠪᠠᠶᠠᠰᠤᠯᠴᠠᠨ ᠳᠠᠭᠠᠮᠤᠢ ᠅
ᠢᠲᠡᠭᠡᠯ ᠴᠢ ᠣᠭᠲᠠᠷᠭᠤᠢ ᠶ᠋ᠢ ᠠᠲᠠᠯᠠ᠃ᠨᠢᠷᠸᠠᠨ ᠳ᠋ᠤᠷ ᠦᠯᠦ ᠨᠥᠭᠴᠢᠨ ᠪᠠᠲᠤᠳᠴᠤ᠃
ᠬᠠᠷᠠᠩᠭᠤᠢ ᠳ᠋ᠤᠷ ᠤᠨᠠᠨ ᠮᠣᠩᠬᠠᠷᠠᠭᠰᠠᠤᠨ᠌ᠡ᠃ᠨᠣᠮ ᠤ᠋ᠨ ᠬᠦᠷᠳᠦ ᠡᠷᠭᠢᠭᠦᠯᠦᠨ ᠰᠣᠶᠣᠷᠬᠠ ᠅
ᠮᠢᠨᠦ ᠦᠢᠯᠡᠳᠦᠭᠰᠡᠨ ᠬᠢᠭᠡᠳ ᠦᠢᠯᠡᠳᠬᠦᠢ᠃ᠪᠤᠶᠠᠨ ᠴᠣᠭᠴᠠ ᠬᠡᠳᠦᠢ ᠠᠭᠰᠠᠨ ᠪᠥᠭᠡᠰᠦ᠃
ᠲᠡᠳᠡᠭᠡᠷ ᠢ᠋ ᠠᠮᠢᠲᠠᠨ ᠤ᠋ ᠲᠤᠰᠠᠳᠠ᠃ᠪᠣᠳᠢ ᠶ᠋ᠢᠨ ᠲᠤᠢᠯ ᠳ᠋ᠤᠷ ᠣᠭᠣᠭᠠᠲᠠ ᠵᠣᠷᠢᠮᠤ ᠅
ᠳᠡᠯᠡᠬᠡᠢ ᠳ᠋ᠦ᠍ᠷ ᠬᠦᠵᠢ ᠰᠦᠷᠴᠢᠨ ᠴᠡᠴᠡᠭ ᠤ᠋ᠳ ᠢ᠋ ᠳᠡᠯᠭᠡᠵᠦ᠃
ᠰᠦᠮᠪᠦᠷ ᠳᠥᠷᠪᠡᠨ ᠲᠢᠪ ᠢ᠋ ᠨᠠᠷᠠᠨ ᠰᠠᠷᠠᠨ ᠢ᠋ᠶ᠋ᠠᠷ ᠴᠢᠮᠡᠵᠦ᠃
ᠪᠤᠷᠬᠠᠨ ᠪᠦᠬᠦᠢ ᠣᠷᠣᠨ ᠭᠡᠮᠡᠨ ᠵᠣᠷᠢᠬᠤᠢ ᠪᠠᠷ ᠡᠷᠭᠦᠮᠦ᠃
ᠠᠮᠢᠲᠠᠨ ᠢ᠋ᠶ᠋ᠠᠷ ᠠᠷᠢᠯᠤᠭᠰᠠᠨ ᠣᠷᠣᠨ ᠣᠯᠬᠤ ᠪᠣᠯᠲᠤᠭᠠᠢ᠅
ᠢᠳᠠᠮ ᠬᠦᠷᠦ ᠷᠠᠤᠡᠨᠠ ᠮᠠᠨᠷᠠᠯᠠ ᠺᠠᠮ ᠨᠢᠷᠶᠠ ᠳ᠋ᠠᠶᠠᠮᠢ ᠅᠃᠅
ᠢᠲᠡᠭᠡᠯ ᠤᠨ ᠴᠢᠭᠤᠯᠭᠠᠨ
ᠰᠤᠳᠤᠷ ᠤ᠋ᠨ ᠦᠰᠦᠭ ᠢ᠋ ᠳᠡᠭᠰᠢᠮᠥ᠋ᠩᠬᠡ ᠠᠮᠢᠯᠠᠭᠤᠯᠪᠠ᠃
ᠬᠢᠨᠠᠯᠲᠠ ᠬᠢᠭᠰᠡᠨ ᠨᠢ《ᠬᠡᠢᠮᠣᠷᠢ》 ᠰᠦᠯᠵᠢᠶᠡ ᠶ᠋ᠢᠨ《ᠱᠠᠰᠢᠨ ᠰᠢᠲᠦᠯᠭᠡ》 ᠬᠣᠯᠪᠣᠭᠠ᠃