ᠵᠠᠯᠬᠠᠭᠤ ᠥᠬᠢᠨ ᠪᠠ ᠠᠵᠢᠯᠰᠠᠭ ᠥᠬᠢᠨЗалхуу охин ба ажилсаг охин
1236ᠵᠠᠯᠬᠠᠭᠤ ᠥᠬᠢᠨ ᠪᠠ ᠠᠵᠢᠯᠰᠠᠭ ᠥᠬᠢᠨ
ᠲᠣᠰᠬᠣᠨ ᠠ᠋ᠴᠠ ᠵᠠᠢᠳᠠᠭᠤ ᠨᠢᠭᠡᠨ ᠵᠢᠵᠢᠭ ᠪᠠᠢᠰᠢᠩ ᠳ᠋ᠤ᠌ ᠡᠬᠡᠨᠡᠷ ᠨᠥᠬᠥᠷ ᠬᠣᠶᠠᠷ ᠠᠮᠢᠳᠤᠷᠠᠨ ᠰᠠᠭᠤᠳᠠᠭ ᠪᠠᠢᠵᠠᠢ᠃ ᠲᠡᠳᠡ ᠠᠯᠢ ᠠᠯᠢᠨ ᠨᠢ ᠡᠮᠦᠨᠡ ᠨᠢ ᠬᠥᠮᠦᠨ ᠲᠡᠢ ᠰᠠᠭᠤᠵᠤ ᠨᠢᠭᠡ ᠨᠢᠭᠡ ᠥᠬᠢᠨ ᠲᠡᠢ ᠪᠣᠯᠤᠭᠰᠠᠨ ᠪᠠᠢᠵᠠᠢ᠃ ᠭᠡᠷ ᠦ᠋ᠨ ᠡᠵᠡᠭᠲᠡᠢ ᠥᠬᠢᠨ ᠳ᠋ᠦ᠍ ᠪᠡᠨ ᠮᠠᠰᠢ ᠶᠡᠬᠡ ᠬᠠᠢᠷᠠᠲᠠᠢ ᠪᠠᠢᠯᠠ᠃ ᠥᠬᠢᠨ ᠳ᠋ᠦ᠍ ᠪᠡᠨ ᠰᠢᠨᠡ ᠬᠤᠪᠴᠠᠰᠤ ᠥᠭᠴᠦ ᠂ ᠮᠥᠨ ᠭᠡᠷ ᠦ᠋ᠨ ᠠᠵᠢᠯ ᠬᠢ ᠭᠡᠵᠦ ᠣᠭᠲᠣᠬᠠᠨ ᠴᠤ᠌ ᠱᠠᠭᠠᠷᠳᠠᠳᠠᠭ ᠦᠭᠡᠢ ᠪᠠᠢᠯᠠ᠃ ᠡᠭᠦᠨ ᠡᠴᠡ ᠪᠣᠯᠵᠤ ᠥᠬᠢᠨ ᠨᠢ ᠮᠠᠰᠢ ᠵᠠᠯᠬᠠᠭᠤ ᠪᠣᠯᠵᠠᠢ ᠭᠡᠨᠡ᠃ ᠡᠳᠦᠷᠵᠢᠨ ᠥᠪᠡᠷ ᠢ᠋ ᠪᠡᠨ ᠲᠣᠯᠢᠳᠠᠵᠤ ᠰᠠᠭᠤᠬᠤ ᠠ᠋ᠴᠠ ᠥᠭᠡᠷᠡ ᠵᠦᠢᠯ ᠬᠢᠳᠡᠭ ᠦᠭᠡᠢ ᠪᠠᠢᠯᠠ᠃ ᠬᠠᠷᠢᠨ ᠡᠰᠡᠷᠭᠦ ᠪᠡᠷ ᠨᠢ ᠭᠡᠷ ᠦ᠋ᠨ ᠡᠵᠡᠭᠲᠡᠢ ᠳᠠᠭᠠᠪᠤᠷᠢ ᠥᠬᠢᠨ ᠳ᠋ᠦ᠍ ᠪᠡᠨ ᠮᠠᠰᠢ ᠮᠠᠭᠤ ᠬᠠᠨᠳᠤᠳᠠᠭ ᠪᠠᠢᠪᠠ᠃《ᠴᠢ ᠶᠠᠭᠠᠬᠢᠭᠠᠳ ᠡᠨᠳᠡ ᠰᠠᠭᠤᠭᠠᠳ ᠪᠠᠢᠭᠠ ᠶᠤᠮ᠂ ᠪᠣᠰᠤᠭᠠᠳ ᠭᠡᠷ ᠣᠷᠣᠨ ᠢ᠋ᠶ᠋ᠠᠨ ᠴᠡᠪᠡᠷᠯᠡᠭᠡᠳ ᠲᠡᠭᠡ》᠃《ᠭᠡᠬᠦ ᠳ᠋ᠦ᠍ ᠪᠡᠨ ᠡᠵᠢ ᠠ᠋᠂ ᠪᠢ ᠥᠷᠯᠥᠭᠡ ᠭᠡᠷ ᠢ᠋ᠶ᠋ᠡᠨ ᠴᠡᠪᠡᠷᠯᠡᠭᠰᠡᠨ ᠰᠢᠦ ᠳᠡ》᠃《ᠮᠠᠷᠭᠤᠯᠳᠤᠬᠤ ᠭᠡᠰᠡᠨ ᠦ᠌ ᠬᠡᠷᠡᠭ ᠦᠭᠡᠢ ᠰᠢᠦ᠂ ᠮᠢᠨᠦ ᠬᠡᠯᠡᠭᠰᠡᠨ ᠢ᠋ᠶ᠋ᠡᠷ ᠬᠢ》᠃《ᠵᠠ᠂ᠡᠵᠢ ᠠ᠋》᠃ᠭᠡᠷ ᠦ᠋ᠨ ᠡᠵᠡᠭᠲᠡᠢ ᠪᠦᠬᠦ ᠠᠵᠢᠯ ᠢ᠋ᠶ᠋ᠠᠨ ᠬᠢᠯᠭᠡᠳᠡᠭ ᠪᠠᠢᠭᠰᠠᠨ ᠴᠤ᠌ ᠳᠠᠭᠠᠪᠤᠷᠢ ᠥᠬᠢᠨ ᠨᠢᠭᠡ ᠴᠦ᠍ ᠤᠳᠠᠭᠠ ᠭᠣᠮᠣᠳᠠᠵᠤ ᠪᠠᠢᠭᠠ ᠦᠭᠡᠢ᠂ ᠡᠳᠦᠷ ᠪᠦᠷᠢ ᠨᠢᠭᠡ ᠠᠵᠢᠯ ᠢ᠋ᠶ᠋ᠠᠨ ᠠᠬᠢᠨ ᠳᠠᠬᠢᠨ ᠬᠢᠳᠡᠭ ᠪᠠᠢᠭᠰᠠᠨ ᠴᠤ᠌ ᠣᠭᠲᠣᠬᠠᠨ ᠴᠤ᠌ ᠵᠠᠯᠬᠠᠭᠤᠷᠠᠳᠠᠭ ᠦᠭᠡᠢ ᠪᠠᠢᠯᠠ ᠃
ᠠᠪᠤ ᠨᠢ ᠡᠨᠡ ᠪᠦᠬᠦᠨ ᠢ᠋ ᠬᠠᠷᠠᠵᠤ ᠪᠠᠢᠯᠠ᠃ ᠥᠬᠢᠨ ᠢ᠋ᠶ᠋ᠡᠨ ᠬᠠᠷᠠᠭᠠᠳ ᠵᠢᠷᠦᠬᠡ ᠨᠢ ᠡᠮᠲᠡᠷᠡᠳᠡᠭ ᠪᠠᠢᠭᠰᠠᠨ ᠴᠤ᠌ ᠶᠠᠭᠤ ᠴᠤ᠌ ᠬᠢᠵᠦ ᠴᠢᠳᠠᠳᠠᠭ ᠦᠭᠡᠢ ᠪᠠᠢᠪᠠ᠃ ᠴᠠᠭ ᠬᠤᠭᠤᠴᠠᠭᠠ ᠥᠩᠭᠡᠷᠡᠬᠦ ᠶ᠋ᠢᠨ ᠬᠢᠷᠢ ᠪᠡᠷ ᠠᠪᠤ ᠶ᠋ᠢᠨ ᠬᠢᠨᠢ ᠪᠡᠶᠡ ᠪᠠᠭᠠ ᠪᠠᠭᠠ ᠪᠠᠷ ᠮᠠᠭᠤᠳᠠᠵᠤ ᠪᠠᠢᠯᠠ᠃
ᠡᠪᠦᠭᠡᠨ᠄ ᠬᠠᠢᠷᠠᠲᠤ ᠥᠬᠢᠨ ᠮᠢᠨᠢ ᠨᠠᠮᠠ ᠶ᠋ᠢ ᠦᠨᠡᠬᠡᠷ ᠠᠭᠤᠴᠢᠯᠠᠭᠠᠷᠠᠢ ᠂ ᠪᠢ ᠴᠢᠮᠠ ᠳ᠋ᠤ᠌ ᠶᠠᠭᠤ ᠴᠤ᠌ ᠥᠭᠴᠦ ᠴᠢᠳᠠᠬᠤ ᠦᠭᠡᠢ ᠨᠢ ᠠ᠋᠃
ᠥᠬᠢᠨ᠄ ᠵᠦᠭᠡᠷ ᠳᠡ ᠠᠪᠤ ᠠ᠋᠂ ᠠᠭᠤᠴᠢᠯᠠᠯᠲᠠ ᠭᠤᠶᠤᠬᠤ ᠬᠡᠷᠡᠭ ᠦᠭᠡᠢ᠂ ᠲᠠ ᠡᠳᠦᠢ ᠬᠦᠷᠲᠡᠯᠡ ᠨᠠᠮᠠ ᠶ᠋ᠢ ᠬᠠᠷᠠᠵᠤ ᠬᠠᠨᠳᠤᠵᠤ ᠪᠠᠢᠭᠰᠠᠨ ᠰᠢᠦ ᠳᠡ᠂ ᠬᠠᠷᠢᠨ ᠪᠢ ᠣᠳᠣ ᠲᠠᠨ ᠢ᠋ ᠬᠠᠷᠠᠵᠤ ᠬᠠᠨᠳᠤᠬᠤ ᠴᠠᠭ ᠢᠷᠡᠭᠰᠡᠨ᠂ ᠪᠢ ᠠᠵᠢᠯ ᠬᠢᠵᠦ ᠶᠡᠬᠡ ᠮᠥᠩᠭᠥ ᠣᠯᠬᠤ ᠪᠣᠯᠤᠨᠠ᠂ ᠪᠢᠳᠡᠨ ᠳ᠋ᠦ᠍ ᠬᠦᠨᠳᠦ ᠦᠶᠡ ᠢᠷᠡᠭᠡᠳ ᠪᠠᠢᠨᠠ᠂ ᠤᠳᠠᠬᠤ ᠦᠭᠡᠢ ᠪᠦᠬᠦ ᠵᠦᠢᠯ ᠰᠠᠢᠬᠠᠨ ᠪᠣᠯᠤᠨᠠ᠃
ᠭᠡᠷ ᠦ᠋ᠨ ᠡᠵᠡᠭᠲᠡᠢ ᠲᠡᠳᠡᠨ ᠦ᠌ ᠶᠠᠷᠢᠬᠤ ᠶ᠋ᠢ ᠴᠢᠮᠡᠭᠡ ᠦᠭᠡᠢ ᠰᠣᠨᠣᠰᠴᠤ ᠪᠠᠢᠯᠠ᠃ ᠪᠢ ᠶᠠᠭᠠᠬᠢᠭᠠᠳ ᠡᠨᠡ ᠲᠠᠯᠠ ᠪᠠᠷ ᠪᠣᠳᠣᠭᠠ ᠦᠭᠡᠢ ᠶᠤᠮ ᠪᠣᠯ ᠠ᠋᠃ ᠪᠢ ᠲᠡᠭᠦᠨ ᠢ᠋ ᠪᠠᠶᠠᠨ ᠠᠢᠯ ᠤᠷᠤᠭᠤ ᠶᠠᠪᠤᠭᠤᠯᠵᠤ ᠠᠵᠢᠯ ᠬᠢᠯᠭᠡᠬᠦ ᠬᠡᠷᠡᠭ ᠲᠡᠢ᠂ ᠪᠢ ᠲᠡᠭᠦᠨ ᠢ᠋ ᠮᠥᠩᠭᠥ ᠣᠯᠣᠭᠤᠯᠬᠤ ᠪᠠᠷ ᠭᠡᠷ ᠡᠴᠡ ᠪᠡᠨ ᠶᠠᠪᠤᠭᠤᠯᠤᠨᠠ᠂ ᠣᠯᠤᠭᠰᠠᠨ ᠪᠦᠬᠦ ᠮᠥᠩᠭᠥ ᠨᠢ ᠮᠢᠨᠦᠬᠢ ᠪᠣᠯᠬᠤ ᠪᠣᠯᠤᠨᠠ᠃ ᠬᠠ ᠬᠠ᠂ ᠲᠡᠭᠡᠪᠡᠯ ᠥᠬᠢᠨ ᠪᠢᠳᠡ ᠬᠣᠶᠠᠭᠤᠯᠠ ᠦᠷᠭᠦᠯᠵᠢ ᠬᠦᠰᠡᠵᠦ ᠪᠠᠢᠭᠰᠠᠨ ᠠᠮᠢᠳᠤᠷᠠᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠠᠮᠢᠳᠤᠷᠠᠨᠠ ᠭᠡᠰᠡᠨ ᠦᠭᠡ᠃
ᠥᠬᠢᠨ᠄ᠴᠢᠨᠦ ᠵᠥᠪ ᠠ᠋᠃
ᠡᠮᠡᠭᠡᠨ᠄ ᠠᠪᠤ ᠶ᠋ᠢᠨ ᠴᠢᠨᠢ ᠪᠡᠶᠡ ᠶᠡᠬᠡ ᠮᠠᠭᠤ ᠪᠠᠢᠨᠠ᠂ ᠪᠠᠰᠠ ᠪᠤᠰᠤᠳ ᠵᠠᠷᠤᠳᠠᠯ ᠨᠤᠭᠤᠳ ᠭᠠᠷᠬᠤ ᠨᠢ ᠳᠠᠮᠵᠢᠭ ᠦᠭᠡᠢ᠂ ᠴᠢ ᠪᠠᠶᠠᠨ ᠠᠢᠯ ᠤ᠋ᠨ ᠳ᠋ᠤ᠌ ᠣᠴᠢᠵᠤ ᠠᠵᠢᠯ ᠬᠢᠬᠦ ᠬᠡᠷᠡᠭᠲᠡᠢ ᠂ ᠴᠢ ᠰᠠᠢᠨ ᠭᠡᠷ ᠦ᠋ᠨ ᠦᠢᠯᠡᠴᠢᠯᠡᠭᠴᠢ ᠪᠠᠢᠵᠤ ᠴᠢᠳᠠᠨᠠ᠃
ᠡᠪᠦᠭᠡᠨ᠄ ᠴᠢ ᠶᠠᠭᠠᠬᠢᠵᠤ ᠢᠩᠭᠢᠵᠦ ᠬᠡᠯᠡᠵᠦ ᠴᠢᠳᠠᠪᠠ? ᠴᠢ ᠶᠠᠭᠠᠬᠢᠭᠠᠳ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠥᠬᠢᠨ ᠢ᠋ ᠶᠠᠪᠤᠭᠤᠯᠬᠤ ᠦᠭᠡᠢ ᠪᠠᠢᠭᠠ ᠶᠤᠮ?
ᠡᠮᠡᠭᠡᠨ᠄ ᠶᠠᠪᠤᠭᠤᠯᠵᠤ ᠪᠣᠯᠤᠨᠠ᠂ ᠭᠡᠬᠦ ᠳ᠋ᠦ᠍ ᠪᠡᠨ ᠥᠬᠢᠨ ᠮᠢᠨᠢ ᠲᠣᠯᠢᠭᠠᠷ ᠭᠠᠷ᠂ ᠵᠢᠵᠢᠭᠬᠡᠨ ᠬᠥᠯ ᠳ᠋ᠦ᠍ ᠪᠡᠨ ᠦᠷᠭᠦᠯᠵᠢ ᠠᠩᠬᠠᠷᠤᠯ ᠲᠠᠯᠪᠢᠳᠠᠭ᠂ ᠠᠵᠢᠯ ᠬᠢᠪᠡᠯ ᠭᠤᠸᠠ ᠦᠵᠡᠰᠬᠦᠯᠡᠩ ᠨᠢ ᠦᠭᠡᠢ ᠪᠣᠯᠤᠨᠠ ᠰᠢᠦ ᠳᠡ᠃ ᠬᠠᠷᠢᠨ ᠴᠢᠨᠦ ᠥᠬᠢᠨ ᠲᠡᠢᠮᠦ ᠴᠦ᠍ ᠬᠥᠭᠡᠷᠦᠬᠦᠨ ᠪᠢᠰᠢ ᠰᠢᠦ ᠳᠡ᠂ ᠠᠵᠢᠯ ᠬᠢᠯᠡ ᠭᠡᠳ ᠲᠡᠭᠦᠨ ᠦ᠌ ᠭᠠᠳᠠᠷ ᠲᠥᠷᠬᠦ ᠣᠭᠲᠣᠬᠠᠨ ᠴᠤ᠌ ᠥᠭᠡᠷᠡᠴᠢᠯᠡᠭᠳᠡᠬᠦ ᠦᠭᠡᠢ᠂ ᠬᠠ ᠁ ᠪᠢᠳᠡ ᠰᠠᠨᠠᠯ ᠨᠢᠭᠡᠳᠦᠭᠰᠡᠨ ᠪᠢᠵᠡ ᠳᠡ᠂ ᠮᠠᠷᠭᠠᠰᠢ ᠥᠷᠯᠥᠭᠡ ᠴᠢ ᠪᠠᠶᠠᠨ ᠠᠢᠯ ᠣᠯᠵᠤ ᠠᠵᠢᠯ ᠬᠢᠬᠦ ᠪᠡᠷ ᠡᠨᠳᠡ ᠡᠴᠡ ᠶᠠᠪᠤᠨᠠ ᠰᠢᠦ᠃
ᠡᠪᠦᠭᠡᠨ᠄ᠶᠠᠭᠠᠬᠢᠳᠠᠭ ᠪᠢᠯᠡ? ᠲᠡᠷᠡ ᠭᠤᠸᠠ ᠦᠵᠡᠰᠬᠦᠯᠡᠩ ᠦ᠋ᠨ ᠲᠠᠯᠠ ᠪᠠᠷ ᠶᠠᠭᠤ ᠴᠤ᠌ ᠮᠡᠳᠡᠬᠦ ᠦᠭᠡᠢ᠂ ᠴᠢ ᠠᠵᠢᠯ ᠬᠢᠬᠦ ᠬᠡᠷᠡᠭ ᠦᠭᠡᠢ ᠥᠬᠢᠨ ᠮᠢᠨᠢ᠃
ᠥᠬᠢᠨ᠄ ᠵᠦᠭᠡᠷ ᠳᠡ ᠠᠪᠤ ᠠ᠋᠂ ᠪᠢ ᠠᠵᠢᠯ ᠬᠢᠮᠡᠷ ᠪᠠᠢᠨᠠ᠂ ᠬᠢᠬᠦ ᠶᠣᠰᠣᠲᠠᠢ ᠠᠵᠢᠯ ᠡᠴᠡ ᠪᠡᠨ ᠵᠢᠭᠤᠲᠠᠭᠠᠳ ᠪᠠᠢᠪᠠᠯ ᠶᠠᠭᠤ ᠴᠤ᠌ ᠥᠭᠡᠷᠡᠴᠢᠯᠡᠭᠳᠡᠬᠦ ᠦᠭᠡᠢ ᠪᠢᠯᠡ ᠳᠠ᠂ ᠰᠠᠨᠠᠭᠠ ᠪᠦᠦ ᠵᠣᠪᠠ᠂ ᠲᠠ ᠨᠠᠳᠠ ᠳ᠋ᠤ᠌ ᠣᠯᠠᠨ ᠵᠦᠢᠯ ᠵᠢᠭᠠᠵᠤ ᠰᠤᠷᠭᠠᠭᠰᠠᠨ᠂ ᠨᠢᠭᠡ ᠯᠡ ᠡᠳᠦᠷ ᠮᠢᠨᠦ ᠬᠢᠴᠢᠶᠡᠯ ᠵᠢᠳᠬᠦᠯ ᠦ᠋ᠨ ᠦᠷᠡ ᠳ᠋ᠦᠩ ᠭᠠᠷᠤᠨᠠ ᠭᠡᠳᠡᠭ ᠢ᠋ ᠪᠢ ᠮᠡᠳᠡᠵᠦ ᠪᠠᠢᠨᠠ᠃
ᠮᠠᠷᠭᠠᠰᠢ ᠥᠷᠯᠥᠭᠡ ᠨᠢ ᠥᠬᠢᠨ ᠶᠠᠪᠤᠬᠤ ᠳ᠋ᠤ᠌ ᠪᠡᠯᠡᠨ ᠪᠣᠯᠵᠠᠢ᠃ ᠪᠠᠶᠠᠨ ᠠᠢᠯ ᠣᠯᠵᠤ ᠭᠡᠷ ᠦ᠋ᠨ ᠦᠢᠯᠡᠴᠢᠯᠡᠭᠴᠢ ᠬᠢᠬᠦ ᠪᠡᠷ ᠭᠠᠷᠤᠯᠠ᠃ ᠬᠣᠢᠲᠤ ᠡᠵᠢ ᠨᠢ ᠥᠬᠢᠨ ᠳ᠋ᠦ᠍ ᠵᠠᠮ ᠳ᠋ᠤ᠌ ᠪᠠᠨ ᠢᠳᠡᠬᠦ ᠬᠣᠭᠣᠯᠠ ᠪᠠᠢᠲᠤᠭᠠᠢ ᠤᠰᠤ ᠴᠤ᠌ ᠥᠭᠭᠦᠭᠰᠡᠨ ᠦᠭᠡᠢ᠃ ᠥᠬᠢᠨ ᠡᠭᠦᠨ ᠢ᠋ ᠦᠯᠦ ᠣᠢᠰᠢᠶᠠᠪᠠ᠃
ᠡᠪᠦᠭᠡᠨ᠄ ᠠ᠁ ᠪᠡᠶᠡ ᠪᠡᠨ ᠰᠠᠢᠨ ᠪᠣᠳᠣᠭᠠᠷᠠᠢ ᠥᠬᠢᠨ ᠮᠢᠨᠢ᠂ ᠰᠠᠨᠠᠵᠤ ᠶᠠᠪᠤ᠂ ᠲᠤᠰᠠᠯᠠᠮᠵᠢ ᠭᠤᠶᠤᠭᠰᠠᠨ ᠨᠢᠭᠡᠨ ᠳ᠋ᠦ᠍ ᠲᠤᠰᠠᠯᠠᠬᠤ ᠠ᠋ᠴᠠ ᠬᠡᠵᠢᠶᠡᠳᠡ ᠪᠢᠲᠡᠭᠡᠢ ᠲᠠᠲᠠᠭᠠᠯᠵᠠ᠂ ᠪᠠᠰᠠ ᠬᠢᠴᠢᠶᠡᠩᠭᠦᠢ ᠪᠠᠢ! ᠶᠠᠭᠤ ᠴᠤ᠌ ᠬᠢᠯᠡ ᠭᠡᠰᠡᠨ ᠰᠡᠳᠬᠢᠯ ᠵᠢᠷᠦᠬᠡ ᠪᠡᠨ ᠵᠣᠷᠢᠭᠤᠯ᠃
ᠥᠬᠢᠨ᠄ ᠵᠠ᠂ ᠪᠢ ᠰᠠᠨᠠᠵᠤ ᠶᠠᠪᠤᠬᠤ ᠪᠣᠯᠤᠨᠠ ᠠᠪᠤ ᠠ᠋᠃
ᠢᠩᠭᠢᠭᠡᠳ ᠥᠬᠢᠨ ᠭᠡᠷ ᠡᠴᠡ ᠪᠡᠨ ᠶᠠᠪᠤᠯᠠ᠂ ᠣᠯᠠᠨ ᠠᠭᠤᠯᠠ ᠲᠤᠯᠤᠭᠠᠳ ᠳᠠᠪᠠᠨ ᠶᠠᠪᠤᠭᠰᠠᠨ ᠴᠤ᠌ ᠶᠠᠭᠤ ᠴᠤ᠌ ᠣᠯᠤᠭᠰᠠᠨ ᠦᠭᠡᠢ ᠭᠡᠨᠡ᠃ ᠣᠯᠠᠨ ᠡᠳᠦᠷ ᠠᠯᠬᠤᠭᠰᠠᠨ ᠴᠤ᠌ ᠨᠢᠭᠡ ᠴᠦ᠍ ᠬᠥᠮᠦᠨ ᠲᠡᠢ ᠲᠠᠭᠠᠷᠠᠭᠰᠠᠨ ᠦᠭᠡᠢ᠃ ᠲᠡᠭᠡᠯᠡ ᠭᠡᠳ ᠥᠬᠢᠨ ᠢᠲᠡᠭᠡᠯ ᠨᠠᠢᠳᠠᠪᠤᠷᠢ ᠪᠠᠨ ᠠᠯᠳᠠᠯ ᠦᠭᠡᠢ᠂ ᠠᠪᠤ ᠶ᠋ᠢᠨ ᠢ᠋ᠶ᠋ᠡᠨ ᠬᠡᠯᠡᠭᠰᠡᠨ ᠢ᠋ ᠪᠠᠢᠩᠭᠤ ᠰᠠᠨᠠᠵᠤ ᠪᠠᠢᠯᠠ᠃ᠲᠤᠰᠠᠯᠠᠮᠵᠢ ᠭᠤᠶᠤᠭᠰᠠᠨ ᠨᠢᠭᠡᠨ ᠳ᠋ᠦ᠍ ᠲᠤᠰᠠᠯᠠᠬᠤ ᠠ᠋ᠴᠠ ᠬᠡᠵᠢᠶᠡ ᠴᠦ᠍ ᠪᠦᠦ ᠲᠠᠲᠠᠭᠠᠯᠵᠠ᠂ᠪᠠᠰᠠ ᠬᠢᠴᠢᠶᠡᠩᠭᠦᠢ ᠪᠠᠢ ! ᠶᠠᠭᠤ ᠴᠤ᠌ ᠬᠢᠯᠡ ᠭᠡᠰᠡᠨ ᠰᠡᠳᠬᠢᠯ ᠵᠢᠷᠦᠬᠡ ᠪᠡᠨ ᠵᠣᠷᠢᠭᠤᠯ᠃
ᠥᠬᠢᠨ᠄ ᠪᠢ ᠠᠵᠢᠯ ᠣᠯᠬᠤ ᠳ᠋ᠤ᠌ ᠪᠦᠬᠦ ᠠᠩᠬᠠᠷᠤᠯ ᠢ᠋ᠶ᠋ᠠᠨ ᠬᠠᠨᠳᠤᠭᠤᠯᠬᠤ ᠬᠡᠷᠡᠭᠲᠡᠢ ᠂ ᠪᠢ ᠶᠠᠮᠠᠷ ᠠᠵᠢᠯ ᠬᠢᠯᠡ ᠴᠦ᠍ ᠭᠡᠰᠡᠨ ᠪᠦᠬᠦ ᠰᠡᠳᠬᠢᠯ ᠵᠢᠷᠦᠬᠡ ᠪᠡᠨ ᠵᠣᠷᠢᠭᠤᠯᠬᠤ ᠪᠣᠯᠤᠨᠠ᠃ ᠡᠳᠦᠷᠵᠢᠨ ᠠᠵᠢᠯᠯᠠᠬᠤ ᠪᠠᠢᠯᠠ ᠴᠤ᠌ ᠪᠢ ᠪᠠᠭᠤᠵᠤ ᠥᠭᠬᠦ ᠦᠭᠡᠢ᠃
ᠤᠳᠠᠯ ᠦᠭᠡᠢ ᠥᠬᠢᠨ ᠶᠠᠷᠢᠳᠠᠭ ᠮᠣᠳᠣ ᠲᠠᠢ ᠲᠠᠭᠠᠷᠠᠯᠳᠤᠯᠠ᠃ ᠮᠣᠳᠣ ᠪᠦᠬᠦᠯᠢ ᠳ᠋ᠦ᠍ ᠪᠡᠨ ᠬᠠᠲᠠᠵᠤ ᠬᠣᠷᠴᠢᠢᠬᠰᠠᠨ ᠪᠠᠢᠵᠠᠢ᠃
ᠮᠣᠳᠣ᠄ ᠰᠠᠢᠨ ᠤᠤ? ᠪᠢᠴᠢᠬᠠᠨ ᠥᠬᠢᠨ ᠮᠢᠨᠢ᠂ ᠴᠢ ᠬᠠᠮᠢᠭᠠ ᠨᠢᠭᠡ ᠲᠠᠰᠢ ᠪᠠᠨ ᠶᠠᠪᠤᠵᠤ ᠪᠠᠢᠭᠠ ᠪᠣᠯᠤᠯᠲᠠᠢ᠂ ᠬᠠᠲᠠᠭᠰᠠᠨ ᠮᠥᠴᠢᠷ ᠡᠴᠡ ᠪᠡᠨ ᠰᠠᠯᠬᠤ ᠳ᠋ᠤ᠌ ᠮᠢᠨᠢ ᠴᠢ ᠨᠠᠳᠠ ᠳ᠋ᠤ᠌ ᠲᠤᠰᠠᠯᠠᠬᠤ ᠦᠭᠡᠢ ᠪᠢᠵᠡ᠃ ᠬᠠᠷᠢᠭᠤ ᠳ᠋ᠤ᠌ ᠨᠢ ᠪᠢ ᠴᠢᠮᠠ ᠳ᠋ᠤ᠌ ᠲᠤᠰᠠᠯᠠᠨᠠ ᠭᠡᠳᠡᠭ ᠢ᠋ᠶ᠋ᠡᠨ ᠠᠮᠠᠯᠠᠵᠤ ᠪᠠᠢᠨᠠ᠃
ᠥᠬᠢᠨ᠄ ᠠ᠂ ᠳᠡᠭᠡᠯ ᠦᠭᠡᠢ ᠶᠠᠭᠠᠬᠢᠬᠤᠪ᠃
ᠥᠬᠢᠨ ᠮᠣᠳᠣ ᠤᠷᠤᠭᠤ ᠠᠪᠠᠷᠢᠵᠤ᠂ ᠬᠠᠲᠠᠭᠰᠠᠨ ᠪᠦᠬᠦ ᠮᠥᠴᠢᠷ ᠦ᠋ᠳ ᠢ᠋ ᠭᠠᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠬᠤᠭᠤᠯᠤᠯᠠ᠃ ᠮᠣᠳᠣ ᠶ᠋ᠢ ᠨᠢᠭᠡ ᠴᠤ᠌ ᠰᠢᠷᠬᠡᠭ ᠬᠠᠲᠠᠭᠰᠠᠨ ᠮᠥᠴᠢᠷ ᠦᠭᠡᠢ ᠪᠣᠯᠭᠠᠵᠤ᠂ ᠰᠢᠨᠡ ᠨᠠᠪᠴᠢ ᠵᠢᠮᠢᠰ ᠤᠷᠭᠤᠬᠤ ᠳ᠋ᠤ᠌ ᠪᠡᠯᠡᠨ ᠪᠣᠯᠬᠤ ᠬᠦᠷᠲᠡᠯᠡ ᠵᠣᠭᠰᠣᠭᠰᠠᠨ ᠦᠭᠡᠢ ᠭᠡᠨᠡ᠃ ᠮᠣᠳᠣᠨ ᠥᠬᠢᠨ ᠳ᠋ᠦ᠍ ᠲᠠᠯᠠᠷᠬᠠᠭᠰᠠᠨ ᠢ᠋ᠶ᠋ᠠᠨ ᠬᠡᠯᠡᠵᠦ ᠥᠬᠢᠨ ᠴᠠᠭᠠᠰᠢ ᠠᠯᠬᠤᠯᠠ᠃
ᠴᠠᠭᠠᠰᠢ ᠶᠠᠪᠤᠵᠤ ᠪᠠᠢᠲᠠᠯᠠ ᠥᠬᠢᠨ ᠦᠬᠦᠵᠦ ᠪᠣᠢ ᠤᠰᠤᠨ ᠦᠵᠦᠮ ᠦ᠋ᠨ ᠣᠷᠢᠶᠠᠩᠭᠤ ᠲᠠᠢ ᠲᠠᠭᠠᠷᠠᠪᠠ᠃ ᠣᠷᠢᠶᠠᠩᠭᠤ ᠶ᠋ᠢᠨ ᠬᠠᠵᠠᠭᠤ ᠳ᠋ᠤ᠌ ᠶᠡᠷᠦ ᠪᠤᠰᠤ ᠶ᠋ᠢᠨ ᠬᠦᠷᠵᠡ ᠬᠡᠪᠲᠡᠵᠦ ᠪᠠᠢᠯᠠ᠃
ᠣᠷᠢᠶᠠᠩᠭᠤ ᠥᠬᠢᠨ ᠳ᠋ᠦ᠍ ᠬᠠᠨᠳᠤᠨ᠄ ᠰᠠᠢᠨ ᠤᠤ ?ᠴᠢ ᠮᠢᠨᠦ ᠦᠨᠳᠦᠰᠦ ᠶ᠋ᠢ ᠢᠯᠡ ᠭᠠᠷᠭᠠᠭᠠᠳ ᠥᠭᠭᠦᠭᠡᠴᠢ ᠂ ᠪᠢ ᠬᠠᠷᠢᠭᠤ ᠳ᠋ᠤ᠌ ᠨᠢ ᠴᠢᠮᠠ ᠳ᠋ᠤ᠌ ᠲᠤᠰᠠᠯᠠᠨᠠ ᠰᠢᠦ᠃
ᠥᠬᠢᠨ ᠬᠦᠷᠵᠡ ᠶ᠋ᠢ ᠠᠪᠤᠨ ᠭᠠᠵᠠᠷ ᠬᠠᠭᠠᠯᠵᠤ ᠡᠬᠢᠯᠡᠪᠡ᠃ᠥᠬᠢᠨ ᠭᠠᠷ ᠤ᠋ᠨ ᠠᠯᠠᠭᠠ ᠪᠠᠨ ᠴᠦᠪᠦᠷᠢᠭᠦᠳᠡᠲᠡᠯᠡ ᠭᠠᠵᠠᠷ ᠬᠠᠭᠠᠯᠪᠠ ᠭᠡᠨᠡ᠃
ᠮᠣᠳᠣ᠄ ᠭᠠᠷ ᠴᠢᠨᠢ ᠶᠡᠬᠡ ᠡᠪᠡᠳᠴᠦ ᠪᠠᠢᠭᠠ ᠪᠠᠢᠬᠤ ᠳᠠ᠃
ᠥᠬᠢᠨ᠄ ᠵᠦᠭᠡᠷ ᠳᠡ᠂ ᠤᠳᠠᠬᠤ ᠦᠭᠡᠢ ᠵᠦᠭᠡᠷ ᠪᠣᠯᠴᠢᠬᠠᠨᠠ᠂ ᠲᠠᠨ ᠳ᠋ᠤ᠌ ᠲᠤᠰᠠᠯᠠᠮᠵᠢ ᠬᠡᠷᠡᠭᠲᠡᠢ ᠪᠠᠢᠭᠰᠠᠨ ᠤᠴᠢᠷ ᠪᠢ ᠲᠤᠰᠠᠯᠠᠭᠰᠠᠨ ᠶᠤᠮ᠃
ᠣᠷᠢᠶᠠᠩᠭᠤ ᠲᠠᠯᠠᠷᠬᠠᠭᠰᠠᠨ ᠢ᠋ᠶ᠋ᠠᠨ ᠢᠯᠡᠷᠬᠡᠢᠯᠡᠵᠦ ᠥᠬᠢᠨ ᠴᠠᠭᠠᠰᠢ ᠪᠠᠨ ᠶᠠᠪᠤᠯᠠ᠃ ᠴᠠᠭᠠᠰᠢ ᠶᠠᠪᠤᠵᠤ ᠪᠠᠢᠲᠠᠯᠠ ᠡᠪᠳᠡᠷᠡᠭᠰᠡᠨ ᠵᠤᠤᠬᠠ ᠲᠠᠭᠠᠷᠠᠯᠳᠤᠪᠠ᠃
ᠵᠤᠤᠬᠠ ᠥᠬᠢᠨ ᠳ᠋ᠦ᠍ ᠬᠠᠨᠳᠤᠨ᠄ ᠪᠢᠴᠢᠬᠠᠨ ᠥᠬᠢᠨ ᠮᠢᠨᠢ᠂ ᠴᠢ ᠠᠩ ᠴᠠᠪᠠ ᠶ᠋ᠢ ᠮᠢᠨᠢ ᠪᠥᠭᠯᠡᠭᠡᠳ ᠨᠠᠮᠠ ᠶ᠋ᠢ ᠴᠡᠪᠡᠷᠬᠡᠨ ᠪᠣᠯᠭᠠᠭᠠᠳ ᠥᠭᠭᠦᠭᠡᠴᠢ ᠳᠡ ᠂ ᠪᠢ ᠬᠠᠷᠢᠭᠤ ᠳ᠋ᠤ᠌ ᠨᠢ ᠴᠢᠮᠠ ᠳ᠋ᠤ᠌ ᠲᠤᠰᠠᠯᠠᠨᠠ ᠰᠢᠦ᠃
ᠥᠬᠢᠨ ᠵᠤᠤᠬᠠᠨ ᠳ᠋ᠤ᠌ ᠣᠯᠠᠨ ᠠᠩ ᠴᠠᠪᠠ ᠭᠠᠷᠤᠭᠰᠠᠨ ᠪᠠᠢᠭᠠ ᠶ᠋ᠢ ᠬᠠᠷᠠᠪᠠ᠃ ᠬᠡᠰᠡᠭ ᠪᠣᠳᠣᠭᠰᠠᠨ ᠤ᠋ ᠡᠴᠦᠰ ᠲᠦ᠍ ᠰᠢᠷᠣᠢ ᠠᠪᠴᠢᠷᠠᠨ ᠱᠠᠯᠪᠠᠭ ᠲᠤ᠌ ᠬᠢᠵᠦ ᠬᠥᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠬᠣᠯᠢᠯᠠ᠃ ᠰᠢᠪᠡᠷ ᠢ᠋ ᠠᠪᠴᠢᠷᠠᠨ ᠵᠤᠤᠬᠠᠨ ᠤ᠋ ᠠᠩ ᠴᠠᠪᠠ ᠶ᠋ᠢ ᠪᠦᠭᠯᠡᠵᠡᠢ ᠭᠡᠨᠡ᠃ ᠵᠤᠤᠬᠠ ᠢᠩᠭᠢᠭᠡᠳ ᠰᠢᠨᠡ ᠮᠡᠲᠦ ᠪᠣᠯᠤᠯᠠ᠃
ᠵᠤᠤᠬᠠ᠄ ᠪᠠᠶᠠᠷᠯᠠᠯᠠ᠂ ᠭᠡᠬᠦ ᠳ᠋ᠦ᠍ ᠪᠡᠨ ᠭᠠᠷ ᠬᠥᠯ ᠴᠢᠨᠢ ᠱᠠᠯᠪᠠᠭ ᠪᠣᠯᠴᠢᠬᠠᠯᠠ᠃
ᠥᠬᠢᠨ᠄ ᠵᠦᠭᠡᠷ ᠳᠡ᠂ ᠤᠰᠤ ᠪᠠᠷ ᠤᠬᠢᠶᠠᠭᠠᠳ ᠯᠠ ᠠᠷᠢᠯᠴᠢᠬᠠᠨᠠ᠂ ᠴᠢᠮᠠ ᠳ᠋ᠤ᠌ ᠲᠤᠰᠠᠯᠠᠮᠵᠢ ᠬᠡᠷᠡᠭᠲᠡᠢ ᠪᠠᠢᠭᠰᠠᠨ ᠤᠴᠢᠷ ᠪᠢ ᠲᠤᠰᠠᠯᠠᠭᠰᠠᠨ ᠶᠤᠮ᠃
ᠢᠩᠭᠢᠵᠦ ᠬᠡᠯᠡᠭᠡᠳ ᠥᠬᠢᠨ ᠴᠠᠭᠠᠰᠢ ᠠᠯᠬᠤᠯᠠ᠃ ᠤᠳᠠᠯ ᠦᠭᠡᠢ ᠲᠡᠷᠡ ᠪᠡᠷ ᠡᠪᠳᠡᠷᠡᠭᠰᠡᠨ ᠬᠤᠳᠳᠤᠭ ᠲᠠᠢ ᠲᠠᠭᠠᠷᠠᠪᠠ᠃
ᠬᠤᠳᠳᠤᠭ ᠥᠬᠢᠨ ᠳ᠋ᠦ᠍ ᠬᠠᠨᠳᠤᠨ ᠄ ᠬᠦ ᠰᠠᠢᠨ ᠤᠤ ? ᠴᠢ ᠮᠢᠨᠦ ᠳᠣᠲᠣᠷ ᠪᠠᠢᠭᠠ ᠪᠣᠬᠢᠷ ᠤᠰᠤ ᠶ᠋ᠢ ᠭᠠᠷᠭᠠᠵᠤ ᠥᠭᠴᠦ ᠨᠠᠮᠠ ᠶ᠋ᠢ ᠴᠡᠪᠡᠷᠯᠡᠵᠦ ᠦᠭᠭᠦᠭᠡᠴᠢ ᠳᠡ᠂ ᠪᠢ ᠬᠠᠷᠢᠭᠤ ᠳ᠋ᠤ᠌ ᠨᠢ ᠴᠢᠮᠠ ᠳ᠋ᠤ᠌ ᠲᠤᠰᠠᠯᠠᠨᠠ ᠭᠡᠳᠡᠭ ᠢ᠋ᠶ᠋ᠡᠨ ᠠᠮᠠᠯᠠᠶᠠ᠃
ᠥᠬᠢᠨ ᠬᠤᠳᠳᠤᠭ ᠠ᠋ᠴᠠ ᠪᠦᠬᠦ ᠪᠣᠬᠢᠷ ᠤᠰᠤ ᠶ᠋ᠢ ᠭᠠᠷᠭᠠᠨ ᠬᠤᠳᠳᠤᠭ ᠢ᠋ ᠰᠠᠢᠲᠤᠷ ᠴᠡᠪᠡᠷᠯᠡᠯᠡ᠃
ᠬᠤᠳᠳᠤᠭ᠄ ᠬᠦ᠂ ᠬᠤᠪᠴᠠᠰᠤ ᠴᠢᠨᠢ ᠪᠣᠬᠢᠷᠲᠤᠴᠢᠬᠠᠯᠠ ᠰᠢᠦ ᠳᠡ᠃
ᠥᠬᠢᠨ᠄ ᠵᠦᠭᠡᠷ ᠳᠡ᠂ ᠤᠬᠢᠶᠠᠴᠢᠬᠠᠵᠤ ᠪᠣᠯᠤᠨᠠ᠂ ᠴᠢᠮᠠ ᠳ᠋ᠤ᠌ ᠲᠤᠰᠠᠯᠠᠮᠵᠢ ᠬᠡᠷᠡᠭᠲᠡᠢ ᠪᠠᠢᠭᠰᠠᠨ ᠤᠴᠢᠷ ᠪᠢ ᠲᠤᠰᠠᠯᠠᠭᠰᠠᠨ ᠶᠤᠮ᠃
ᠬᠤᠳᠳᠤᠭ ᠲᠠᠯᠠᠷᠬᠠᠭᠰᠠᠨ ᠢ᠋ᠶ᠋ᠠᠨ ᠢᠯᠡᠷᠬᠡᠢᠯᠡᠵᠦ ᠥᠬᠢᠨ ᠴᠠᠭᠠᠰᠢ ᠠᠯᠬᠤᠯᠠ᠃ ᠤᠳᠠᠯ ᠦᠭᠡᠢ ᠥᠬᠢᠨ ᠨᠢᠭᠡᠨ ᠥᠬᠥᠭᠡᠷᠳᠡᠮᠡ ᠪᠢᠴᠢᠬᠠᠨ ᠠᠮᠢᠲᠠᠨ ᠤ᠋ ᠬᠣᠭᠣᠯᠠᠢ ᠰᠣᠨᠣᠰᠪᠠ ᠭᠡᠨᠡ᠃ ᠨᠣᠬᠠᠢ ᠪᠠᠢᠵᠠᠢ᠃ ᠲᠡᠷᠡ ᠨᠣᠬᠠᠢ ᠶ᠋ᠢᠨ ᠦᠰᠦ ᠨᠢ ᠤᠷᠲᠤ ᠤᠷᠭᠤᠵᠤ ᠪᠠᠰᠠ ᠮᠠᠰᠢ ᠶᠡᠬᠡ ᠪᠣᠬᠢᠷᠲᠤᠭᠰᠠᠨ ᠪᠠᠢᠯᠠ᠃
ᠨᠣᠬᠠᠢ᠄ ᠴᠢ ᠮᠢᠨᠦ ᠦᠰᠦ ᠶ᠋ᠢ ᠳᠠᠭᠠᠷᠢᠵᠤ᠂ ᠨᠠᠮᠠ ᠶ᠋ᠢ ᠭᠣᠣᠯ ᠳ᠋ᠤ᠌ ᠣᠷᠣᠭᠤᠯᠤᠭᠠᠳ ᠤᠬᠢᠶᠠᠭᠠᠳ ᠥᠭᠭᠦᠭᠡᠴᠢ ᠳᠡ ᠂ ᠬᠠᠷᠢᠭᠤ ᠳ᠋ᠤ᠌ ᠨᠢ ᠪᠢ ᠴᠢᠮᠠ ᠳ᠋ᠤ᠌ ᠲᠤᠰᠠᠯᠠᠨᠠ ᠭᠡᠳᠡᠭ ᠢ᠋ᠶ᠋ᠡᠨ ᠠᠮᠠᠯᠠᠶᠠ᠃
ᠥᠬᠢᠨ ᠬᠡᠯᠡᠭᠰᠡᠨ ᠢ᠋ᠶ᠋ᠡᠷ ᠨᠢ ᠬᠢᠯᠡ᠃ ᠨᠣᠬᠠᠢ ᠡᠷᠡᠭᠦᠯ ᠵᠢᠷᠭᠠᠯᠲᠠᠢ ᠬᠠᠷᠠᠭᠳᠠᠵᠤ ᠪᠠᠢᠪᠠ᠃ ᠨᠣᠬᠠᠢ ᠥᠬᠢᠨ ᠳ᠋ᠦ᠍ ᠲᠠᠯᠠᠷᠬᠠᠭᠰᠠᠨ ᠢ᠋ᠶ᠋ᠠᠨ ᠢᠯᠡᠷᠬᠡᠢᠯᠡᠵᠦ᠂ ᠥᠬᠢᠨ ᠭᠣᠣᠯ ᠳ᠋ᠤ᠌ ᠣᠷᠣᠨ ᠬᠤᠪᠴᠠᠰᠤ ᠪᠠᠨ ᠤᠬᠢᠶᠠᠭᠠᠳ ᠴᠠᠭᠠᠰᠢ ᠠᠯᠬᠤᠯᠠ᠃ ᠤᠳᠠᠯ ᠦᠭᠡᠢ ᠬᠠᠷᠠᠩᠭᠤᠢ ᠪᠣᠯᠵᠠᠢ᠃ ᠥᠬᠢᠨ ᠨᠢᠭᠡ ᠪᠠᠢᠰᠢᠩ ᠳ᠋ᠤ᠌ ᠲᠤᠯᠵᠤ ᠢᠷᠡᠪᠡ᠃
ᠲᠡᠷᠡ ᠪᠠᠢᠰᠢᠩ ᠳ᠋ᠤ᠌ ᠳᠣᠯᠣᠭᠠᠨ ᠰᠢᠳᠢᠲᠡᠨ ᠠᠮᠢᠳᠤᠷᠠᠳᠠᠭ ᠪᠠᠢᠪᠠ᠃
ᠥᠬᠢᠨ᠄ ᠰᠠᠭᠠᠳ ᠪᠣᠯᠤᠭᠰᠠᠨ ᠳ᠋ᠤ᠌ ᠠᠭᠤᠴᠢᠯᠠᠭᠠᠷᠠᠢ᠂ ᠭᠡᠬᠦ ᠳ᠋ᠦ᠍ ᠪᠡᠨ ᠭᠠᠳᠠᠭᠠ ᠬᠠᠷᠠᠩᠭᠤᠢ ᠪᠣᠯᠴᠢᠬᠠᠯᠠ᠂ ᠪᠢ ᠥᠨᠥᠳᠥᠷ ᠡᠨᠳᠡ ᠬᠣᠨᠣᠵᠤ ᠪᠣᠯᠬᠤ ᠤᠤ?
ᠰᠢᠳᠢᠲᠡᠨ᠄ ᠴᠢ ᠬᠠᠮᠢᠭᠠᠰᠢ ᠪᠠᠨ ᠶᠠᠪᠤᠵᠤ ᠪᠠᠢᠭᠠ ᠶᠤᠮ?
ᠥᠬᠢᠨ᠄ ᠪᠢ ᠠᠵᠢᠯ ᠬᠠᠢᠵᠤ ᠶᠠᠪᠤᠨᠠ᠃
ᠰᠢᠳᠢᠲᠡᠨ᠄ᠦᠨᠡᠨ ᠭᠡᠵᠢ ᠤᠤ ? ᠴᠢ ᠡᠨᠳᠡ ᠠᠵᠢᠯᠯᠠᠵᠤ ᠪᠣᠯᠤᠨᠠ ᠰᠢᠦ ᠳᠡ᠂ ᠡᠨᠡ ᠪᠠᠢᠰᠢᠩ ᠳ᠋ᠤ᠌ ᠳᠣᠯᠣᠭᠠᠨ ᠥᠷᠥᠭᠡ ᠪᠣᠢ᠂ ᠴᠢ ᠡᠳᠦᠷ ᠪᠦᠷᠢ ᠵᠢᠷᠭᠤᠭᠠᠨ ᠥᠷᠥᠭᠡ ᠶ᠋ᠢ ᠨᠢ ᠴᠡᠪᠡᠷᠯᠡᠬᠦ ᠶᠣᠰᠣᠲᠠᠢ᠂ ᠮᠠᠷᠲᠠᠵᠤ ᠪᠣᠯᠬᠤ ᠦᠭᠡᠢ ᠰᠢᠦ᠂ ᠳᠣᠯᠣᠳᠠᠬᠢ ᠥᠷᠥᠭᠡᠨ ᠳ᠋ᠦ᠍ ᠬᠡᠵᠢᠶᠡ ᠴᠦ᠍ ᠪᠢᠲᠡᠭᠡᠢ ᠣᠷᠣ᠂ ᠴᠢ ᠵᠥᠪᠰᠢᠶᠡᠷᠡᠵᠦ ᠪᠠᠢᠨᠠ ᠤᠤ ?
ᠥᠬᠢᠨ᠄ ᠦ᠂ ᠪᠢ ᠮᠠᠰᠢ ᠶᠡᠬᠡ ᠪᠠᠶᠠᠷᠯᠠᠵᠤ ᠪᠠᠢᠨᠠ᠂ ᠪᠠᠶᠠᠷᠯᠠᠯᠠ᠂ ᠶᠠᠭ ᠬᠡᠯᠡᠭᠰᠡᠨ ᠢ᠋ᠶ᠋ᠡᠷ ᠴᠢᠨᠢ ᠬᠢᠬᠦ ᠪᠣᠯᠤᠨᠠ᠃
ᠥᠬᠢᠨ ᠬᠡᠯᠡᠭᠰᠡᠨ ᠢ᠋ᠶ᠋ᠡᠷ ᠨᠢ ᠬᠢᠯᠡ᠃ ᠡᠳᠦᠷ ᠪᠦᠷᠢ ᠡᠷᠲᠡᠯᠡᠨ ᠪᠣᠰᠴᠤ᠂ ᠵᠢᠷᠭᠤᠭᠠᠨ ᠥᠷᠥᠭᠡ ᠶ᠋ᠢ ᠴᠡᠪᠡᠷᠯᠡᠳᠡᠭ ᠪᠠᠢᠪᠠ᠂ ᠥᠬᠢᠨ ᠳᠣᠯᠣᠳᠠᠬᠢ ᠥᠷᠥᠭᠡ ᠤᠷᠤᠭᠤ ᠬᠠᠷᠠᠳᠠᠭ ᠴᠤ᠌ ᠦᠭᠡᠢ ᠪᠠᠢᠯᠠ᠃ ᠨᠢᠭᠡ ᠵᠢᠯ ᠥᠩᠭᠡᠷᠡᠵᠦ ᠥᠬᠢᠨ ᠬᠠᠩᠭᠠᠯᠲᠠᠲᠠᠢ ᠶᠡᠬᠡ ᠮᠥᠩᠭᠥ ᠣᠯᠵᠠᠢ᠃ ᠡᠪᠡᠳᠴᠢᠲᠡᠢ ᠠᠪᠤ ᠤᠷᠤᠭᠤ ᠪᠠᠨ ᠪᠤᠴᠠᠵᠤ ᠣᠴᠢᠬᠤ ᠶ᠋ᠢ ᠭᠡᠷ ᠦ᠋ᠨ ᠡᠵᠡᠳ ᠡᠴᠡ ᠬᠦᠰᠡᠵᠡᠢ ᠭᠡᠨᠡ᠃
ᠰᠢᠳᠢᠲᠡᠨ᠄ ᠶᠠᠪᠤᠬᠤ ᠠ᠋ᠴᠠ ᠪᠠᠨ ᠡᠮᠦᠨᠡ ᠪᠢᠳᠡᠨ ᠳ᠋ᠦ᠍ ᠬᠡᠯᠡᠭᠡᠴᠢ᠂ ᠳᠣᠯᠣᠳᠠᠬᠢ ᠥᠷᠥᠭᠡ ᠴᠢᠨᠦ ᠰᠣᠨᠢᠷᠬᠠᠯ ᠢ᠋ ᠲᠠᠲᠠᠭᠠ ᠦᠭᠡᠢ ᠶᠤᠮ ᠭᠡᠵᠦ ᠤᠤ?
ᠥᠬᠢᠨ᠄ ᠠᠪᠤ ᠮᠠᠨᠢ ᠬᠢᠬᠦ ᠶᠣᠰᠣᠲᠠᠢ ᠠᠵᠢᠯ ᠢ᠋ᠶ᠋ᠠᠨ ᠬᠢᠵᠦ ᠪᠠᠢᠭᠠᠷᠠᠢ ᠭᠡᠵᠦ ᠨᠠᠳᠠ ᠳ᠋ᠤ᠌ ᠰᠤᠷᠭᠠᠭᠰᠠᠨ᠂ ᠡᠨᠳᠡ ᠠᠵᠢᠯᠯᠠᠵᠤ ᠪᠠᠢᠬᠤ ᠬᠤᠭᠤᠴᠠᠭᠠᠨ ᠳ᠋ᠤ᠌ ᠪᠢ ᠲᠠ ᠨᠠᠷ ᠤ᠋ᠨ ᠦᠭᠡ ᠶ᠋ᠢ ᠳᠠᠭᠠᠬᠤ ᠡᠭᠦᠷᠭᠡ ᠲᠡᠢ ᠪᠠᠢᠭᠰᠠᠨ ᠃
ᠰᠢᠳᠢᠲᠡᠨ᠄ ᠪᠢᠳᠡ ᠴᠢᠨᠦ ᠦᠨᠡᠨᠴᠢ ᠵᠠᠩ ᠳ᠋ᠤ᠌ ᠲᠠᠯᠠᠷᠬᠠᠵᠤ ᠪᠠᠢᠨᠠ᠂ ᠴᠢᠨᠦ ᠠᠵᠢᠯᠴᠢ ᠬᠢᠴᠢᠶᠡᠩᠭᠦᠢ ᠵᠠᠩ ᠪᠢᠳᠡᠨ ᠦ᠌ ᠭᠠᠢᠬᠠᠰᠢᠷᠠᠯ ᠢ᠋ ᠲᠥᠷᠥᠭᠦᠯᠦᠭᠰᠡᠨ ᠂ ᠪᠢᠳᠡᠨ ᠲᠡᠢ ᠬᠠᠮᠲᠤ ᠶᠠᠪᠤᠵᠤ ᠱᠠᠩᠨᠠᠯ ᠢ᠋ᠶ᠋ᠠᠨ ᠠᠪᠬᠤ ᠴᠠᠭ ᠴᠢᠨᠢ ᠪᠣᠯᠤᠯᠠ᠃
ᠰᠢᠳᠢᠲᠡᠨ ᠨᠤᠭᠥᠳ ᠥᠬᠢᠨ ᠢ᠋ ᠳᠠᠭᠠᠭᠤᠯᠤᠨ ᠳᠣᠯᠣᠳᠠᠬᠢ ᠥᠷᠥᠭᠡ ᠤᠷᠤᠭᠤ ᠶᠠᠪᠤᠯᠠ᠂ ᠥᠷᠥᠭᠡᠨ ᠳᠣᠲᠣᠷᠠ ᠣᠪᠣᠭᠠᠯᠠᠰᠤ ᠲᠠᠢ ᠠᠯᠲᠠ ᠮᠥᠩᠭᠥᠨ ᠵᠣᠭᠣᠰ ᠪᠠᠢᠯᠠ᠃
ᠰᠢᠳᠢᠲᠡᠨ᠄ ᠡᠨᠡ ᠠᠯᠲᠠ ᠮᠥᠩᠭᠥᠨ ᠵᠣᠭᠣᠰᠤᠨ ᠳᠡᠭᠡᠷᠡ ᠥᠩᠬᠥᠷᠢ ᠂ ᠪᠠᠶᠠᠨ ᠳᠡᠭᠡᠷᠡ ᠴᠢᠨᠢ ᠨᠠᠭᠠᠯᠳᠤᠭᠰᠠᠨ ᠵᠣᠭᠣᠰ ᠨᠤᠭᠤᠳ ᠴᠢᠨᠦᠬᠢ ᠪᠣᠯᠤᠨᠠ᠃
ᠥᠬᠢᠨ ᠬᠡᠯᠡᠭᠰᠡᠨ ᠢ᠋ᠶ᠋ᠡᠷ ᠨᠢ ᠬᠢᠯᠡ᠃ ᠣᠪᠣᠭᠠᠯᠠᠰᠤ ᠲᠠᠢ ᠠᠯᠲᠠᠨ ᠵᠣᠭᠣᠰᠤᠨ ᠳᠡᠭᠡᠷᠡ ᠨᠠᠭᠠᠰᠢ ᠴᠠᠭᠠᠰᠢ ᠥᠩᠬᠥᠷᠢᠪᠡ᠂ ᠳᠠᠷᠠᠭᠠ ᠨᠢ ᠮᠥᠩᠭᠥᠨ ᠵᠣᠭᠣᠰᠤᠨ ᠳᠡᠭᠡᠷᠡ ᠥᠩᠬᠥᠷᠢᠯᠡ᠃ ᠵᠣᠭᠣᠰᠤᠨ ᠪᠡᠶᠡ ᠶ᠋ᠢ ᠨᠢ ᠪᠦᠷᠬᠦᠨ᠂ ᠥᠬᠢᠨ ᠶᠠᠭ ᠭᠢᠯᠲᠠᠭᠠᠨᠠᠭᠰᠠᠨ ᠣᠳᠣ ᠰᠢᠭ᠋ ᠬᠠᠷᠠᠭᠳᠠᠵᠤ ᠪᠠᠢᠪᠠ᠃ ᠰᠢᠳᠢᠲᠡᠨ ᠨᠥᠬᠥᠳ ᠲᠡᠢ ᠰᠠᠯᠬᠤ ᠶᠣᠰᠣᠲᠠᠢ ᠬᠢᠨ ᠳᠠᠯᠠᠯᠵᠤ ᠵᠠᠮ ᠳ᠋ᠤ᠌ ᠪᠠᠨ ᠭᠠᠷᠤᠯᠠ᠃ ᠪᠤᠴᠠᠬᠤ ᠵᠠᠮ ᠳ᠋ᠤ᠌ ᠪᠠᠨ ᠤᠷᠢᠳ ᠨᠢ ᠲᠠᠭᠠᠷᠠᠵᠤ ᠭᠣᠣᠯ ᠤ᠋ᠨ ᠤᠰᠤᠨ ᠳ᠋ᠤ᠌ ᠤᠬᠢᠶᠠᠵᠤ ᠴᠡᠪᠡᠷᠯᠡᠭᠰᠡᠨ ᠨᠣᠬᠠᠢ ᠲᠠᠢ ᠪᠠᠨ ᠲᠠᠭᠠᠷᠠᠪᠠ᠃ ᠦᠰᠦᠨ ᠦ᠌ ᠬᠢᠨᠢ ᠣᠷᠣᠨ ᠳ᠋ᠤ᠌ ᠤᠷᠲᠤ ᠠ᠋ᠴᠠ ᠤᠷᠲᠤ ᠰᠤᠪᠤᠳ ᠪᠡᠶᠡ ᠶ᠋ᠢ ᠨᠢ ᠣᠷᠢᠶᠠᠭᠰᠠᠨ ᠪᠠᠢᠪᠠ᠃
ᠨᠣᠬᠠᠢ᠄ ᠨᠡᠰᠢ ᠢᠷᠡ ᠥᠬᠢᠨ ᠮᠢᠨᠢ᠂ ᠴᠢ ᠲᠤᠰᠠᠯᠠᠮᠵᠢ ᠬᠡᠷᠡᠭᠲᠡᠢ ᠦᠶᠡ ᠳ᠋ᠦ᠍ ᠮᠢᠨᠢ ᠨᠠᠳᠠ ᠳ᠋ᠤ᠌ ᠲᠤᠰᠠᠯᠠᠭᠰᠠᠨ᠂ ᠨᠡᠰᠢ ᠢᠷᠡ᠂ ᠮᠢᠨᠦ ᠰᠤᠪᠤᠳ ᠠ᠋ᠴᠠ ᠬᠦᠰᠡᠭᠰᠡᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠣᠯᠠᠨ ᠢ᠋ ᠠᠪ᠃
ᠥᠬᠢᠨ ᠭᠠᠷ ᠬᠥᠯ ᠬᠦᠵᠦᠭᠦᠦ ᠪᠡᠨ ᠲᠣᠭᠣᠷᠢᠭᠤᠯᠤᠨ ᠰᠤᠪᠤᠳ ᠢ᠋ᠶ᠋ᠠᠷ ᠪᠠᠭᠤᠪᠴᠢ ᠬᠦᠵᠦᠭᠦᠨ ᠦ᠌ ᠵᠡᠭᠦᠯᠲᠡ ᠬᠡᠯᠬᠢᠯᠡ᠃ ᠨᠣᠬᠠᠢ ᠳ᠋ᠤ᠌ ᠲᠠᠯᠠᠷᠬᠠᠯ ᠢᠯᠡᠷᠬᠡᠢᠯᠡᠨ ᠴᠠᠭᠠᠰᠢ ᠠᠯᠬᠤᠯᠠ᠃ ᠴᠠᠭᠠᠰᠢ ᠶᠠᠪᠤᠵᠤ ᠪᠠᠢᠲᠠᠯᠠ ᠤᠷᠢᠳ ᠨᠢ ᠴᠡᠪᠡᠷᠯᠡᠵᠦ ᠪᠠᠢᠭᠰᠠᠨ ᠬᠤᠳᠳᠤᠭ ᠲᠠᠢ ᠲᠠᠭᠠᠷᠠᠯᠠ᠃
ᠬᠤᠳᠳᠤᠭ᠄ ᠨᠠᠭᠠᠰᠢ ᠢᠷᠡ ᠥᠬᠢᠨ ᠮᠢᠨᠢ ᠂ᠴᠢ ᠲᠤᠰᠠᠯᠠᠮᠵᠢ ᠬᠡᠷᠡᠭᠲᠡᠢ ᠦᠶᠡ ᠳ᠋ᠦ᠍ ᠮᠢᠨᠢ ᠨᠠᠳᠠ ᠳ᠋ᠤ᠌ ᠲᠤᠰᠠᠯᠠᠭᠰᠠᠨ᠂ᠢᠷᠡᠭᠡᠳ ᠤᠰᠤᠨ ᠠ᠋ᠴᠠ ᠮᠢᠨᠢ ᠤᠤᠭᠤᠭᠠᠳ ᠴᠠᠩᠭᠠᠭᠠ ᠪᠠᠨ ᠲᠠᠢᠯᠤᠭᠠᠴᠢ ᠳᠠ᠃
ᠬᠤᠳᠳᠤᠭ ᠤ᠋ᠨ ᠵᠡᠷᠭᠡᠯᠡᠳᠡᠭᠡ ᠠᠶᠠᠯᠠᠭᠴᠢᠳ ᠲᠤ᠌ ᠵᠣᠷᠢᠭᠤᠯᠤᠭᠰᠠᠨ ᠶᠡᠬᠡ ᠣᠯᠠᠨ ᠤᠰᠤᠨ ᠤ᠋ ᠳᠣᠮᠪᠣ ᠪᠠᠢᠯᠠ᠃ ᠥᠬᠢᠨ ᠨᠢᠭᠡ ᠶ᠋ᠢ ᠨᠢ ᠠᠪᠴᠤ ᠤᠰᠤ ᠪᠠᠷ ᠳᠦᠭᠦᠷᠭᠡᠭᠡᠳ ᠴᠠᠩᠭᠠᠭᠠ ᠪᠠᠨ ᠲᠠᠢᠯᠤᠭᠳᠠᠲᠠᠯᠠ ᠤᠤᠭᠤᠪᠠ᠃ ᠬᠤᠳᠳᠤᠭ ᠲᠤ᠌ ᠲᠠᠯᠠᠷᠬᠠᠭᠰᠠᠨ ᠢ᠋ᠶ᠋ᠠᠨ ᠢᠯᠡᠷᠬᠡᠢᠯᠡᠭᠡᠳ ᠴᠠᠭᠠᠰᠢ ᠶᠠᠪᠤᠯᠠ᠃ ᠴᠠᠭᠠᠰᠢ ᠶᠠᠪᠤᠵᠤ ᠪᠠᠢᠲᠠᠯᠠ ᠤᠷᠢᠳ ᠨᠢ ᠲᠤᠰᠠᠯᠠᠭᠰᠠᠨ ᠵᠤᠤᠬᠠ ᠲᠠᠢ ᠲᠠᠭᠠᠷᠠᠵᠠᠢ᠃
ᠵᠤᠤᠬᠠ ᠄ᠨᠠᠭᠠᠰᠢ ᠢᠷᠡ ᠥᠬᠢᠨ ᠮᠢᠨᠢ ᠂ᠴᠢ ᠲᠤᠰᠠᠯᠠᠮᠵᠢ ᠬᠡᠷᠡᠭᠲᠡᠢ ᠦᠶᠡ ᠳ᠋ᠦ᠍ ᠮᠢᠨᠢ ᠨᠠᠳᠠ ᠳ᠋ᠤ᠌ ᠲᠤᠰᠠᠯᠠᠭᠰᠠᠨ᠂ ᠢᠷᠡᠭᠡᠳ ᠡᠨᠡ ᠰᠢᠨᠡᠬᠡᠨ ᠲᠠᠯᠬᠠ ᠪᠢᠯᠠᠦ ᠡᠴᠡ ᠬᠦᠰᠡᠭᠰᠡᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠢᠳᠡ᠃
ᠥᠬᠢᠨ ᠴᠠᠳᠲᠠᠯᠠ ᠪᠠᠨ ᠢᠳᠡᠵᠦ᠂ᠠᠪᠤ ᠳ᠋ᠤ᠌ ᠪᠠᠨ ᠴᠤ᠌ ᠲᠠᠯᠬᠠ ᠪᠢᠯᠠᠤ ᠪᠤᠭᠤᠨ ᠠᠪᠴᠠᠢ ᠭᠡᠨᠡ᠃ ᠵᠤᠤᠬᠠᠨ ᠳ᠋ᠤ᠌ ᠲᠠᠯᠠᠷᠬᠠᠭᠰᠠᠨ ᠢ᠋ᠶ᠋ᠠᠨ ᠢᠯᠡᠷᠬᠡᠢᠯᠡᠭᠡᠳ ᠴᠠᠭᠠᠰᠢ ᠶᠠᠪᠤᠯᠠ᠃ ᠤᠳᠠᠯ ᠦᠭᠡᠢ ᠥᠬᠢᠨ ᠬᠥᠷᠥᠰᠥ ᠶ᠋ᠢ ᠨᠢ ᠰᠤᠯᠠᠯᠠᠬᠤ ᠳ᠋ᠤ᠌ ᠲᠤᠰᠠᠯᠠᠭᠰᠠᠨ ᠣᠷᠢᠶᠠᠩᠭᠤ ᠲᠠᠢ ᠲᠠᠭᠠᠷᠠᠪᠠ᠃
ᠣᠷᠢᠶᠠᠩᠭᠤ᠄ᠨᠠᠭᠠᠰᠢ ᠢᠷᠡ ᠥᠬᠢᠨ ᠮᠢᠨᠢ ᠂ᠴᠢ ᠲᠤᠰᠠᠯᠠᠮᠵᠢ ᠬᠡᠷᠡᠭᠲᠡᠢ ᠦᠶᠡ ᠳ᠋ᠦ᠍ ᠮᠢᠨᠢ ᠨᠠᠳᠠ ᠳ᠋ᠤ᠌ ᠲᠤᠰᠠᠯᠠᠭᠰᠠᠨ᠂ ᠢᠷᠡᠭᠡᠳ ᠰᠢᠨᠡᠬᠡᠨ ᠤᠰᠤᠨ ᠦᠵᠦᠮ ᠦ᠋ᠨ ᠰᠢᠭᠦᠰᠦ ᠡᠴᠡ ᠤᠤᠭᠤᠭᠠᠴᠢ᠃ ᠥᠬᠢᠨ ᠤᠰᠤᠨ ᠦᠵᠦᠮ ᠦ᠋ᠨ ᠰᠢᠭᠦᠰᠦ ᠡᠴᠡ ᠬᠦᠰᠡᠭᠰᠡᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠤᠤᠭᠤᠵᠤ ᠮᠥᠨ ᠠᠪᠤ ᠳ᠋ᠤ᠌ ᠪᠠᠨ ᠥᠭᠬᠦ ᠪᠡᠷ ᠳᠣᠮᠪᠣ ᠳ᠋ᠤ᠌ ᠪᠠᠨ ᠬᠢᠯᠡ᠃ᠣᠷᠢᠶᠠᠩᠭᠤ ᠳ᠋ᠤ᠌ ᠲᠠᠯᠠᠷᠬᠠᠭᠰᠠᠨ ᠢ᠋ᠶ᠋ᠠᠨ ᠢᠯᠡᠷᠬᠡᠢᠯᠡᠭᠡᠳ ᠴᠠᠭᠠᠰᠢ ᠠᠯᠬᠤᠪᠠ᠃ ᠴᠠᠭᠠᠰᠢ ᠶᠠᠪᠤᠵᠤ ᠪᠠᠢᠲᠠᠯᠠ ᠤᠷᠢᠳ ᠨᠢ ᠲᠤᠰᠠᠯᠠᠭᠰᠠᠨ ᠮᠣᠳᠣ ᠲᠠᠢ ᠲᠠᠭᠠᠷᠠᠵᠠᠢ ᠭᠡᠨᠡ᠃ ᠮᠣᠳᠣ ᠨᠣᠭᠣᠭᠠᠷᠠᠵᠤ ᠳᠦᠭᠦᠷᠡᠩ ᠯᠢᠷ（ᠠᠯᠢᠮᠠ）ᠤᠷᠭᠤᠭᠤᠯᠤᠭᠰᠠᠨ ᠪᠠᠢᠯᠠ᠃
ᠮᠣᠳᠣ᠄ᠨᠠᠭᠠᠰᠢ ᠢᠷᠡ ᠥᠬᠢᠨ ᠮᠢᠨᠢ ᠂ᠴᠢ ᠲᠤᠰᠠᠯᠠᠮᠵᠢ ᠬᠡᠷᠡᠭᠲᠡᠢ ᠦᠶᠡ ᠳ᠋ᠦ᠍ ᠮᠢᠨᠢ ᠨᠠᠳᠠ ᠳ᠋ᠤ᠌ ᠲᠤᠰᠠᠯᠠᠭᠰᠠᠨ᠂ ᠢᠷᠡᠭᠡᠳ ᠮᠢᠨᠦ ᠤᠷᠭᠤᠭᠤᠯᠤᠭᠰᠠᠨ ᠰᠢᠨᠡᠬᠡᠨ ᠯᠢᠷ（ᠠᠯᠢᠮᠠ）ᠠ᠋ᠴᠠ ᠢᠳᠡᠭᠡᠴᠢ ᠳᠡ᠃
ᠥᠬᠢᠨ ᠯᠢᠷ（ᠠᠯᠢᠮᠠ）ᠠ᠋ᠴᠠ ᠬᠦᠰᠡᠭᠰᠡᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠢᠳᠡᠵᠦ ᠮᠥᠨ ᠠᠪᠤ ᠳ᠋ᠤ᠌ ᠪᠠᠨ ᠥᠭᠬᠦ ᠪᠡᠷ ᠠᠪᠴᠠᠢ ᠭᠡᠨᠡ᠃ᠮᠣᠳᠣᠨ ᠳ᠋ᠤ᠌ ᠲᠠᠯᠠᠷᠬᠠᠭᠰᠠᠨ ᠢ᠋ᠶ᠋ᠠᠨ ᠢᠯᠡᠷᠬᠡᠢᠯᠡᠭᠡᠳ ᠴᠠᠭᠠᠰᠢ ᠶᠠᠪᠤᠯᠠ᠃
ᠥᠬᠢᠨ ᠭᠡᠷ ᠲᠦ᠍ ᠪᠡᠨ ᠡᠷᠭᠢᠵᠦ ᠢᠷᠡᠨ ᠠᠪᠤ ᠶ᠋ᠢ ᠪᠡᠨ ᠬᠠᠷᠠᠭᠠᠳ ᠶᠡᠬᠡᠳᠡ ᠪᠠᠶᠠᠷᠯᠠᠪᠠ᠃
ᠠᠪᠤ ᠶ᠋ᠢᠨ ᠬᠢᠨᠢ ᠪᠡᠶᠡ ᠲᠡᠩᠬᠡᠷᠡᠵᠦ ᠥᠬᠢᠨ ᠢ᠋ᠶ᠋ᠡᠨ ᠬᠠᠭᠠᠯᠭᠠᠨ ᠳᠡᠭᠡᠷᠡ ᠪᠡᠨ ᠬᠦᠯᠢᠶᠡᠨ ᠵᠣᠭᠰᠣᠵᠤ ᠪᠠᠢᠵᠠᠢ᠃ ᠥᠬᠢᠨ ᠠᠪᠤ ᠤᠷᠤᠭᠤ ᠪᠠᠨ ᠭᠦᠶᠦᠨ ᠣᠴᠢᠵᠤ ᠴᠢᠩᠭᠠ ᠲᠡᠪᠡᠷᠢᠪᠡ᠃ ᠬᠣᠢᠲᠤ ᠡᠵᠢ ᠨᠢ ᠨᠥᠬᠥᠷ ᠢ᠋ᠶ᠋ᠡᠨ ᠡᠷᠡᠭᠦᠯ ᠰᠠᠷᠠᠭᠤᠯ᠂ ᠥᠬᠢᠨ ᠢ᠋ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠪᠣᠯᠤᠭᠰᠠᠨ ᠢ᠋ ᠬᠠᠷᠠᠭᠠᠳ ᠶᠡᠬᠡᠳᠡ ᠭᠠᠢᠬᠠᠪᠠ᠃ ᠥᠬᠢᠨ ᠲᠣᠯᠣᠭᠠᠢ ᠠ᠋ᠴᠠ ᠪᠠᠨ ᠬᠥᠯ ᠬᠦᠷᠲᠡᠯᠡ ᠪᠡᠨ ᠠᠯᠲᠠ ᠮᠥᠩᠭᠥ ᠰᠤᠪᠤᠳ ᠢ᠋ᠶ᠋ᠠᠷ ᠭᠣᠶᠣᠯᠠᠭᠰᠠᠨ ᠪᠠᠢᠯᠠ᠃ ᠭᠡᠷ ᠦ᠋ᠨ ᠡᠵᠡᠭᠲᠡᠢ ᠶ᠋ᠢ ᠦᠯᠦ ᠲᠣᠭᠣᠨ ᠠᠪᠤ ᠥᠬᠢᠨ ᠬᠣᠶᠠᠷ ᠭᠡᠷ ᠲᠦ᠍ ᠪᠡᠨ ᠣᠷᠣᠯᠠ᠃ ᠭᠡᠷ ᠦ᠋ᠨ ᠡᠵᠡᠭᠲᠡᠢ ᠨᠥᠬᠥᠷ ᠢ᠋ ᠪᠡᠨ ᠥᠪᠡᠷ ᠲᠦ᠍ ᠨᠢ ᠶᠠᠭᠤ ᠴᠤ᠌ ᠥᠭᠬᠦ ᠦᠭᠡᠢ ᠭᠡᠳᠡᠭ ᠢ᠋ ᠤᠬᠠᠭᠠᠷᠠᠯᠠ᠃ᠲᠡᠷᠡ ᠳᠠᠷᠤᠢ ᠳ᠋ᠤ᠌ ᠲᠥᠷᠥᠭᠰᠡᠨ ᠥᠬᠢᠨ ᠢ᠋ᠶ᠋ᠡᠨ ᠳᠠᠭᠤᠳᠠᠨ ᠪᠠᠶᠠᠨ ᠠᠢᠯ ᠳ᠋ᠤ᠌ ᠣᠴᠢᠵᠤ ᠠᠵᠢᠯ ᠬᠢ ᠭᠡᠮᠡᠨ ᠱᠠᠭᠠᠷᠳᠠᠯᠠ᠃
ᠡᠵᠡᠭᠲᠡᠢ ᠄ ᠮᠢᠨᠦ ᠦᠭᠡ ᠶ᠋ᠢ ᠰᠣᠨᠣᠰ᠂ ᠴᠢ ᠲᠡᠭᠦᠨ ᠡᠴᠡ ᠢᠯᠡᠭᠦᠦ ᠶᠡᠬᠡ ᠶ᠋ᠢ ᠣᠯᠬᠤ ᠶᠣᠰᠣᠲᠠᠢ᠂ ᠪᠢ ᠴᠢᠮᠠ ᠳ᠋ᠤ᠌ ᠢᠲᠡᠭᠡᠵᠦ ᠪᠠᠢᠨᠠ᠂ ᠲᠡᠷᠡ ᠰᠤᠪᠤᠳ ᠲᠠᠢ ᠪᠣᠯᠤᠭᠰᠠᠨ᠂ ᠬᠠᠷᠢᠨ ᠴᠢ ᠨᠠᠳᠠ ᠳ᠋ᠤ᠌ ᠡᠷᠳᠡᠨᠢ ᠶ᠋ᠢᠨ ᠴᠢᠯᠠᠭᠤ ᠠᠪᠴᠢᠷᠠ᠃
ᠥᠬᠢᠨ ᠡᠵᠢ ᠲᠡᠢ ᠪᠡᠨ ᠰᠠᠯᠬᠤ ᠶᠣᠰᠣ ᠬᠢᠨ ᠳᠠᠯᠠᠯᠵᠤ ᠵᠠᠮ ᠳ᠋ᠤ᠌ ᠪᠠᠨ ᠭᠠᠷᠤᠯᠠ᠃ ᠤᠳᠠᠯ ᠦᠭᠡᠢ ᠥᠬᠢᠨ ᠪᠦᠬᠦᠯᠢ ᠳ᠋ᠦ᠍ ᠪᠡᠨ ᠬᠠᠲᠠᠵᠤ ᠬᠣᠷᠴᠢᠢᠬᠰᠠᠨ ᠮᠣᠳᠣ ᠲᠠᠢ ᠲᠠᠭᠠᠷᠠᠵᠠᠢ᠃ ᠮᠣᠳᠣ ᠬᠠᠲᠠᠭᠰᠠᠨ ᠮᠥᠴᠢᠷ ᠡᠴᠡ ᠪᠡᠨ ᠰᠠᠯᠬᠤ ᠳ᠋ᠤ᠌ ᠮᠢᠨᠢ ᠲᠤᠰᠠᠯᠠᠪᠠᠯ ᠬᠠᠷᠢᠭᠤ ᠳ᠋ᠤ᠌ ᠨᠢ ᠪᠢ ᠴᠢᠮᠠ ᠳ᠋ᠤ᠌ ᠲᠤᠰᠠᠯᠠᠬᠤ ᠪᠣᠯᠤᠨᠠ ᠭᠡᠵᠦ ᠥᠬᠢᠨ ᠳ᠋ᠦ᠍ ᠬᠡᠯᠡᠪᠡ᠃
ᠥᠬᠢᠨ᠄ ᠠ ! ᠨᠠᠳᠠ ᠪᠠᠷ ᠳᠠᠭᠠᠵᠢᠩᠨᠠᠭᠠᠳ ᠪᠠᠢᠨᠠ ᠤᠤ? ᠪᠢ ᠴᠢᠨᠦ ᠬᠠᠲᠠᠭᠰᠠᠨ ᠮᠥᠴᠢᠷ ᠢ᠋ ᠰᠠᠯᠭᠠᠵᠤ᠂ ᠴᠡᠪᠡᠷᠬᠡᠨ ᠲᠣᠯᠢᠭᠠᠷ ᠭᠠᠷ ᠬᠥᠯ ᠢ᠋ᠶ᠋ᠡᠨ ᠪᠤᠬᠢᠷᠳᠤᠭᠤᠯᠬᠤ ᠦᠭᠡᠢ ᠰᠢᠦ᠂ ᠶᠠᠭᠠᠬᠢᠭᠰᠠᠨ ᠴᠤ᠌ ᠦᠭᠡᠢ᠃ ᠥᠬᠢᠨ ᠴᠠᠭᠠᠰᠢ ᠠᠯᠬᠤᠯᠠ᠃ ᠤᠳᠠᠯ ᠦᠭᠡᠢ ᠲᠡᠷᠡ ᠪᠠᠷ ᠦᠬᠦᠵᠦ ᠪᠣᠢ ᠤᠰᠤᠨ ᠦᠵᠦᠮ ᠦ᠋ᠨ ᠣᠷᠢᠶᠠᠩᠭᠤ ᠲᠠᠢ ᠲᠠᠭᠠᠷᠠᠪᠠ᠃ ᠣᠷᠢᠶᠠᠩᠭᠤ ᠥᠬᠢᠨ ᠳ᠋ᠦ᠍ ᠦᠨᠳᠦᠰᠦ ᠶ᠋ᠢ ᠮᠢᠨᠢ ᠢᠯᠡ ᠪᠣᠯᠭᠠᠵᠤ ᠥᠭᠭᠦᠭᠡᠴᠢ ᠂ ᠲᠡᠭᠡᠪᠡᠯ ᠬᠠᠷᠢᠭᠤ ᠳ᠋ᠤ᠌ ᠨᠢ ᠲᠤᠰᠠ ᠪᠣᠯᠤᠨᠠ ᠰᠢᠦ ᠭᠡᠵᠦ ᠬᠡᠯᠡᠯᠡ᠃
ᠥᠬᠢᠨ᠄ ᠭᠠᠳᠠᠭᠠ ᠡᠢᠮᠦ ᠰᠢᠲᠠᠮᠠ ᠬᠠᠯᠠᠭᠤᠨ ᠪᠠᠢᠬᠤ ᠳ᠋ᠤ᠌᠂ ᠪᠢ ᠴᠡᠪᠡᠷᠬᠡᠨ ᠲᠣᠯᠢᠭᠠᠷ ᠭᠠᠷ ᠬᠥᠯ ᠢ᠋ᠶ᠋ᠡᠨ ᠦᠬᠦᠵᠦ ᠪᠠᠢᠭᠠ ᠦᠨᠳᠦᠰᠦ ᠶ᠋ᠢ ᠴᠢᠨᠢ ᠴᠡᠪᠡᠷᠯᠡᠵᠦ ᠪᠤᠬᠢᠷᠳᠤᠭᠤᠯᠮᠠᠷ ᠦᠭᠡᠢ ᠪᠠᠢᠨᠠ ᠰᠢᠦ᠂ ᠶᠠᠭᠠᠬᠢᠭᠰᠠᠨ ᠴᠤ᠌ ᠦᠭᠡᠢ ᠭᠡᠵᠦ ᠬᠡᠯᠡᠭᠡᠳ ᠴᠠᠭᠠᠰᠢ ᠠᠯᠬᠤᠪᠠ᠃ ᠤᠳᠠᠯ ᠦᠭᠡᠢ ᠥᠬᠢᠨ ᠡᠪᠳᠡᠷᠬᠡᠢ ᠵᠤᠤᠬᠠ ᠲᠠᠢ ᠲᠠᠭᠠᠷᠠᠯᠳᠤᠪᠠ᠃ ᠵᠤᠤᠬᠠ ᠥᠬᠢᠨ ᠡᠴᠡ ᠲᠤᠰᠠᠯᠠᠮᠵᠢ ᠬᠦᠰᠡᠨ ᠬᠠᠷᠢᠭᠤ ᠳ᠋ᠤ᠌ ᠨᠢ ᠲᠤᠰᠠᠯᠠᠬᠤ ᠪᠠᠨ ᠠᠮᠠᠯᠠᠯᠠ᠃ ᠪᠢ ᠴᠡᠪᠡᠷᠬᠡᠨ ᠲᠣᠯᠢᠭᠠᠷ ᠭᠠᠷ ᠬᠥᠯ ᠢ᠋ᠶ᠋ᠡᠨ ᠶᠠᠭᠠᠬᠢᠭᠰᠠᠨ ᠴᠤ᠌ ᠪᠤᠬᠢᠷᠳᠤᠭᠤᠯᠵᠤ ᠴᠢᠳᠠᠬᠤ ᠦᠭᠡᠢ ᠃ ᠴᠠᠭᠠᠰᠢ ᠠᠯᠬᠤᠨ ᠪᠣᠬᠢᠷ ᠬᠤᠳᠳᠤᠭ ᠲᠠᠢ ᠲᠠᠭᠠᠷᠠᠪᠠ᠃ ᠬᠤᠳᠳᠤᠭ ᠥᠬᠢᠨ ᠡᠴᠡ ᠥᠪᠡᠷ ᠢ᠋ ᠨᠢ ᠴᠡᠪᠡᠷᠯᠡᠬᠦ ᠶ᠋ᠢ ᠭᠤᠶᠤᠨ ᠬᠠᠷᠢᠭᠤ ᠳ᠋ᠤ᠌ ᠨᠢ ᠲᠤᠰᠠᠯᠠᠬᠤ ᠪᠠᠨ ᠠᠮᠠᠯᠠᠪᠠ᠃ᠥᠬᠢᠨ ᠴᠢ ᠴᠢᠨᠢ ᠬᠤᠳᠳᠤᠭ ᠪᠢᠵᠡ ᠳᠡ᠂ ᠥᠪᠡᠷ ᠢ᠋ᠶ᠋ᠡᠨ ᠥᠪᠡᠷ ᠢ᠋ ᠪᠡᠨ ᠴᠡᠪᠡᠷᠯᠡ᠂ ᠪᠢ ᠴᠡᠪᠡᠷᠬᠡᠨ ᠲᠣᠯᠢᠭᠠᠷ ᠭᠠᠷ ᠬᠥᠯ ᠢ᠋ᠶ᠋ᠡᠨ ᠶᠠᠭᠠᠬᠢᠭᠰᠠᠨ ᠴᠤ᠌ ᠪᠤᠬᠢᠷᠳᠤᠭᠤᠯᠵᠤ ᠴᠢᠳᠠᠬᠤ ᠦᠭᠡᠢ ᠃ ᠴᠠᠭᠠᠰᠢ ᠠᠯᠬᠤᠭᠰᠠᠭᠠᠷ ᠨᠣᠬᠠᠢ ᠲᠠᠭᠠᠷᠠᠪᠠ᠃ ᠨᠣᠬᠠᠢ ᠥᠪᠡᠷ ᠢ᠋ ᠨᠢ ᠤᠰᠤᠨ ᠳ᠋ᠤ᠌ ᠣᠷᠣᠭᠤᠯᠬᠤ ᠶ᠋ᠢ ᠭᠤᠶᠤᠨ ᠬᠠᠷᠢᠭᠤ ᠳ᠋ᠤ᠌ ᠨᠢ ᠲᠤᠰᠠᠯᠠᠬᠤ ᠪᠠᠨ ᠠᠮᠠᠯᠠᠪᠠ᠃ᠥᠬᠢᠨ ᠴᠡᠪᠡᠷᠬᠡᠨ ᠲᠣᠯᠢᠭᠠᠷ ᠭᠠᠷ ᠬᠥᠯ ᠢ᠋ᠶ᠋ᠡᠨ ᠶᠠᠭᠠᠬᠢᠭᠰᠠᠨ ᠴᠤ᠌ ᠪᠤᠬᠢᠷᠳᠤᠭᠤᠯᠵᠤ ᠴᠢᠳᠠᠬᠤ ᠦᠭᠡᠢ ᠭᠡᠵᠦ ᠴᠢᠩᠭᠠ ᠣᠷᠢᠯᠠᠨ ᠴᠠᠭᠠᠰᠢ ᠭᠦᠶᠦᠨ ᠣᠳᠤᠯᠠ᠃ ᠤᠳᠠᠯ ᠦᠭᠡᠢ ᠲᠡᠷᠡ ᠪᠡᠷ ᠨᠢᠭᠡ ᠪᠠᠢᠰᠢᠩ ᠤ᠋ᠨ ᠡᠮᠦᠨᠡ ᠲᠤᠯᠵᠤ ᠢᠷᠡᠨ ᠲᠡᠨᠳᠡ ᠬᠣᠨᠣᠵᠤ ᠪᠣᠯᠬᠤ ᠤᠤ ᠭᠡᠮᠡᠨ ᠠᠰᠠᠭᠤᠪᠠ᠃ ᠲᠡᠷᠡ ᠪᠠᠢᠰᠢᠩ ᠳ᠋ᠤ᠌ ᠳᠣᠯᠣᠭᠠᠨ ᠰᠢᠳᠢᠲᠡᠨ ᠠᠮᠢᠳᠤᠷᠠᠳᠠᠭ ᠪᠠᠢᠵᠠᠢ᠃ ᠤᠷᠢᠳ ᠤ᠋ᠨ ᠠᠳᠠᠯᠢ ᠰᠢᠳᠢᠲᠡᠨ ᠨᠦ᠍ᠭᠦᠳ ᠥᠬᠢᠨ ᠡᠴᠡ ᠭᠡᠷ ᠲᠦ᠍ ᠨᠢ ᠨᠢᠭᠡ ᠵᠢᠯ ᠠᠵᠢᠯᠯᠠᠵᠤ᠂ ᠡᠳᠦᠷ ᠪᠣᠯᠭᠠᠨ ᠵᠢᠷᠭᠤᠭᠠᠨ ᠥᠷᠥᠭᠡ ᠶ᠋ᠢ ᠨᠢ ᠴᠡᠪᠡᠷᠯᠡᠬᠦ ᠶ᠋ᠢ ᠰᠠᠨᠠᠯ ᠪᠣᠯᠭᠠᠯᠠ᠃ ᠮᠠᠷᠲᠠᠵᠤ ᠪᠣᠯᠬᠤ ᠦᠭᠡᠢ ᠰᠢᠦ᠂ ᠳᠣᠯᠣᠳᠠᠬᠢ ᠥᠷᠥᠭᠡᠨ ᠳ᠋ᠦ᠍ ᠬᠡᠵᠢᠶᠡ ᠴᠦ᠍ ᠪᠢᠲᠡᠭᠡᠢ ᠣᠷᠣ᠃ ᠥᠬᠢᠨ ᠵᠥᠪᠰᠢᠶᠡᠷᠡᠯᠡ᠃
ᠡᠳᠦᠷ ᠪᠦᠷᠢ ᠡᠷᠲᠡᠯᠡᠨ ᠪᠣᠰᠴᠤ ᠵᠢᠷᠭᠤᠭᠠᠨ ᠥᠷᠥᠭᠡ ᠶ᠋ᠢ ᠨᠢᠭᠡᠳ ᠨᠢᠭᠡᠨ ᠦᠭᠡᠢ ᠴᠡᠪᠡᠷᠯᠡᠳᠡᠭ ᠪᠠᠢᠪᠠ᠃ ᠭᠡᠪᠡᠴᠦ ᠲᠡᠷᠡ ᠪᠡᠷ ᠰᠣᠨᠢᠭᠤᠴᠢ ᠵᠠᠩ ᠳ᠋ᠤ᠌ ᠪᠠᠨ ᠲᠠᠢᠯᠳᠠᠨ ᠳᠣᠯᠣᠳᠠᠬᠢ ᠥᠷᠥᠭᠡᠨ ᠳ᠋ᠦ᠍ ᠶᠠᠪᠤᠵᠤ ᠣᠷᠣᠯᠠ᠃ ᠥᠷᠥᠭᠡᠨ ᠳᠣᠲᠣᠷᠠ ᠬᠠᠷᠠᠩᠭᠤᠢ ᠪᠠᠢᠪᠠ᠃ ᠠᠯᠲᠠᠨ ᠮᠥᠩᠭᠥᠨ ᠵᠣᠭᠣᠰᠤᠨ ᠤ᠋ ᠣᠷᠣᠨ ᠳ᠋ᠤ᠌ ᠪᠠᠬᠠ ᠮᠡᠯᠡᠬᠡᠢ᠂ᠵᠥᠭᠡᠢ ᠪᠡᠷ ᠳᠦᠭᠦᠷᠡᠩ ᠪᠠᠢᠵᠠᠢ ᠭᠡᠨᠡ᠃ ᠵᠥᠭᠡᠢ ᠨᠦ᠍ᠭᠦᠳ ᠲᠡᠭᠦᠨ ᠢ᠋ ᠬᠠᠳᠬᠤᠨ ᠪᠡᠶᠡ ᠪᠡᠷ ᠨᠢ ᠳᠦᠭᠦᠷᠡᠩ ᠰᠢᠷᠬᠠ ᠪᠣᠯᠪᠠ᠃ ᠰᠢᠳᠢᠲᠡᠨ ᠨᠦ᠍ᠭᠦᠳ ᠦ᠋ᠨ ᠢᠷᠡᠬᠦ ᠶ᠋ᠢ ᠬᠦᠯᠢᠶᠡᠯ ᠦᠭᠡᠢ ᠥᠬᠢᠨ ᠪᠠᠢᠰᠢᠩ ᠠ᠋ᠴᠠ ᠭᠠᠷᠤᠨ ᠵᠢᠭᠤᠲᠠᠵᠠᠢ᠃ ᠪᠤᠴᠠᠬᠤ ᠵᠠᠮ ᠳ᠋ᠤ᠌ ᠪᠠᠨ ᠰᠤᠪᠤᠳ ᠢ᠋ᠶ᠋ᠠᠷ ᠪᠡᠶᠡ ᠪᠡᠨ ᠣᠷᠢᠶᠠᠭᠰᠠᠨ ᠨᠣᠬᠠᠢ ᠲᠠᠢ ᠲᠠᠭᠠᠷᠠᠪᠠ᠃ ᠰᠤᠪᠤᠳ ᠠ᠋ᠴᠠ ᠨᠢ ᠠᠪᠬᠤ ᠪᠠᠷ ᠨᠣᠬᠠᠢ ᠶ᠋ᠢᠨ ᠠᠷᠤ ᠠ᠋ᠴᠠ ᠳᠠᠭᠤᠨ ᠭᠦᠶᠦᠭᠰᠡᠨ ᠴᠦ᠍ ᠨᠣᠬᠠᠢ ᠶᠠᠪᠤᠵᠤ ᠣᠳᠤᠯᠠ᠃ ᠴᠠᠭᠠᠰᠢ ᠶᠠᠪᠤᠵᠤ ᠪᠠᠢᠭᠠᠳ ᠤᠷᠢᠳ ᠨᠢ ᠴᠡᠪᠡᠷᠯᠡᠬᠦ ᠡᠴᠡ ᠲᠠᠲᠠᠭᠠᠯᠵᠠᠭᠰᠠᠨ ᠬᠤᠳᠳᠤᠭ ᠲᠤ᠌ ᠲᠤᠯᠵᠤ ᠢᠷᠡᠯᠡ᠃ ᠤᠤᠭᠤᠬᠤ ᠤᠰᠤ ᠠᠪᠬᠤ ᠪᠠᠷ ᠳᠣᠭᠣᠭᠰᠢ ᠲᠣᠩᠭᠣᠢᠲᠠᠯᠠ ᠬᠤᠳᠳᠤᠭ ᠤ᠋ᠨ ᠤᠰᠤ ᠳᠣᠭᠣᠭᠰᠢᠯᠠᠭᠰᠠᠭᠠᠷ ᠥᠬᠢᠨ ᠬᠦᠷᠴᠦ ᠴᠢᠳᠠᠬᠤ ᠦᠭᠡᠢ ᠪᠣᠯᠪᠠ᠃ ᠴᠠᠭᠠᠰᠢ ᠶᠠᠪᠤᠵᠤ ᠪᠠᠢᠭᠠᠳ ᠤᠷᠢᠳ ᠨᠢ ᠠᠩ ᠴᠠᠪᠠ ᠶ᠋ᠢ ᠨᠢ ᠵᠠᠰᠠᠬᠤ ᠠ᠋ᠴᠠ ᠲᠠᠲᠠᠭᠠᠯᠵᠠᠭᠰᠠᠨ ᠵᠤᠤᠬᠠ ᠲᠠᠢ ᠲᠠᠭᠠᠷᠠᠪᠠ᠃ ᠵᠤᠤᠬᠠᠨ ᠤ᠋ ᠳᠡᠷᠭᠡᠳᠡ ᠰᠢᠨᠡᠬᠡᠨ ᠲᠠᠯᠬᠠ ᠪᠢᠯᠠᠤ ᠥᠷᠥᠭᠡᠰᠦᠲᠡᠢ ᠪᠠᠢᠭᠰᠠᠨ ᠴᠤ᠌ ᠥᠬᠢᠨ ᠠᠪᠬᠤ ᠪᠠᠷ ᠭᠠᠷ ᠢ᠋ᠶ᠋ᠠᠨ ᠰᠤᠩᠭᠠᠲᠠᠯᠠ ᠵᠤᠤᠬᠠ ᠭᠠᠷ ᠢ᠋ ᠨᠢ ᠲᠦᠯᠡᠵᠦ ᠣᠷᠬᠢᠪᠠ᠃ ᠴᠠᠭᠠᠰᠢ ᠶᠠᠪᠤᠵᠤ ᠪᠠᠢᠭᠠᠳ ᠤᠷᠢᠳ ᠨᠢ ᠬᠥᠷᠥᠰᠥ ᠶ᠋ᠢ ᠨᠢ ᠢᠯᠡ ᠭᠠᠷᠭᠠᠬᠤ ᠠ᠋ᠴᠠ ᠲᠠᠲᠠᠭᠠᠯᠵᠠᠭᠰᠠᠨ ᠤᠰᠤᠨ ᠦᠵᠦᠮ ᠦ᠋ᠨ ᠣᠷᠢᠶᠠᠩᠭᠤ ᠲᠠᠢ ᠲᠠᠭᠠᠷᠠᠵᠠᠢ᠃ ᠥᠬᠢᠨ ᠮᠠᠰᠢ ᠶᠡᠬᠡ ᠴᠠᠩᠭᠠᠭᠰᠠᠨ ᠪᠠᠢᠭᠰᠠᠨ ᠴᠤ᠌ ᠣᠷᠢᠶᠠᠩᠭᠤ ᠤᠰᠤᠨ ᠦᠵᠦᠮ ᠦ᠋ᠨ ᠰᠢᠭᠦᠰᠦ ᠥᠭᠭᠦᠭᠰᠡᠨ ᠦᠭᠡᠢ᠃ ᠴᠠᠭᠠᠰᠢ ᠠᠯᠬᠤᠭᠰᠠᠭᠠᠷ ᠤᠷᠢᠳ ᠨᠢ ᠲᠤᠰᠠᠯᠠᠬᠤ ᠠ᠋ᠴᠠ ᠲᠠᠲᠠᠭᠠᠯᠵᠠᠭᠰᠠᠨ ᠮᠣᠳᠣ ᠲᠠᠢ ᠲᠠᠭᠠᠷᠠᠪᠠ ᠭᠡᠨᠡ᠃ ᠮᠣᠳᠣ ᠨᠣᠭᠣᠭᠠᠷᠠᠵᠤ ᠰᠢᠨᠡᠬᠡᠨ ᠯᠢᠷ（ ᠠᠯᠢᠮᠠ）ᠤᠷᠭᠤᠭᠤᠯᠤᠭᠰᠠᠨ ᠪᠠᠢᠯᠠ᠃ ᠭᠡᠪᠡᠴᠦ ᠥᠬᠢᠨ ᠯᠢᠷ（ᠠᠯᠢᠮᠠ）ᠠᠪᠬᠤ ᠪᠠᠷ ᠭᠠᠷ ᠢ᠋ᠶ᠋ᠠᠨ ᠰᠤᠩᠭᠠᠲᠠᠯᠠ ᠮᠣᠳᠣ ᠳᠡᠭᠡᠭᠰᠢᠯᠡᠨ ᠥᠬᠢᠨ ᠵᠢᠮᠢᠰᠦᠨ ᠳ᠋ᠦ᠍ ᠬᠦᠷᠴᠦ ᠴᠢᠳᠠᠬᠤ ᠦᠭᠡᠢ ᠪᠣᠯᠪᠠ᠃ ᠥᠬᠢᠨ ᠴᠠᠭᠠᠰᠢ ᠠᠯᠬᠤᠯᠠ᠃ᠭᠡᠷ ᠲᠦ᠍ ᠪᠡᠨ ᠢᠷᠡᠲᠡᠯᠡ ᠡᠵᠢ ᠨᠢ ᠠᠯᠲᠠ ᠡᠷᠳᠡᠨᠢ ᠶ᠋ᠢᠨ ᠴᠢᠯᠠᠭᠤ ᠲᠠᠢ ᠢᠷᠡᠬᠦ ᠤᠴᠢᠷ ᠲᠠᠢ ᠪᠠᠢᠭᠰᠠᠨ ᠥᠬᠢᠨ ᠢ᠋ᠶ᠋ᠡᠨ ᠬᠦᠯᠢᠶᠡᠨ ᠬᠠᠭᠠᠯᠭᠠᠨ ᠳᠡᠭᠡᠷᠡ ᠪᠡᠨ ᠵᠣᠭᠰᠣᠵᠤ ᠪᠠᠢᠪᠠ᠃ ᠭᠡᠲᠡᠯᠡ ᠥᠬᠢᠨ ᠨᠢ ᠪᠣᠬᠢᠷ ᠬᠤᠪᠴᠠᠰᠤ ᠲᠠᠢ ᠤᠯᠠᠢᠵᠤ ᠰᠢᠷᠠᠭᠳᠠᠭᠰᠠᠨ ᠪᠡᠶᠡ ᠲᠡᠢ ᠡᠷᠭᠢᠵᠦ ᠢᠷᠡᠯᠡ᠃
ᠡᠪᠦᠭᠡᠨ᠄ ᠴᠢ ᠣᠳᠣ ᠣᠢᠯᠠᠭᠠᠪᠠ ᠤᠤ? ᠵᠠᠯᠬᠠᠭᠤᠷᠠᠯ ᠬᠥᠮᠦᠨ ᠳ᠋ᠦ᠍ ᠶᠠᠭᠤ ᠴᠤ᠌ ᠥᠭᠬᠦ ᠦᠭᠡᠢ᠂ ᠳᠠᠷᠤᠤ ᠦᠨᠡᠨᠴᠢ ᠵᠠᠩ ᠯᠠ ᠱᠠᠩᠨᠠᠭᠤᠯᠳᠠᠭ ᠶᠤᠮ ᠰᠢᠦ ᠳᠡ᠃ ᠴᠢ ᠴᠠᠭᠠᠰᠢᠲᠠ ᠡᠨᠡ ᠪᠠᠢᠰᠢᠩ ᠳ᠋ᠤ᠌ ᠠᠮᠢᠳᠤᠷᠠᠬᠤ ᠡᠷᠬᠡ ᠦᠭᠡᠢ᠂ ᠲᠠ ᠬᠣᠶᠠᠷ ᠶᠠᠪᠤᠬᠤ ᠶᠣᠰᠣᠲᠠᠢ᠃
ᠡᠵᠡᠭᠲᠡᠢ ᠥᠬᠢᠨ ᠢ᠋ᠶ᠋ᠡᠨ ᠳᠠᠭᠠᠭᠤᠯᠤᠨ ᠪᠠᠢᠰᠢᠩ ᠠ᠋ᠴᠠ ᠶᠠᠪᠤᠯᠠ᠃ ᠲᠡᠷᠡ ᠴᠠᠭ ᠠ᠋ᠴᠠ ᠬᠣᠢᠰᠢ ᠠᠵᠢᠯᠰᠠᠭ ᠥᠬᠢᠨ ᠠᠪᠤ ᠶ᠋ᠢᠨ ᠢ᠋ᠶ᠋ᠡᠨ ᠬᠠᠮᠲᠤ ᠪᠠᠷ ᠨᠠᠰᠤᠨ ᠲᠤᠷᠰᠢᠲᠠ ᠪᠠᠨ ᠠᠵᠠ ᠵᠢᠷᠭᠠᠯ ᠲᠠᠢ ᠠᠮᠢᠳᠤᠷᠠᠭᠰᠠᠨ ᠶᠤᠮ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠂ ᠬᠠᠲᠠᠭᠴᠢ ᠄ᠾᠦᠩ ᠸᠧᠢ
ᠬᠢᠨᠠᠯᠲᠠ᠄ ᠰᠡᠴᠡᠨᠴᠢᠮᠡᠭ᠃