ᠮᠣᠩᠭᠣᠯ ᠊ᠤᠨ ᠲᠤᠬᠠᠢ ᠵᠣᠭᠣᠭ-ᠪᠣᠷᠵᠢᠭᠢᠨ·ᠰᠡᠴᠡᠨᠬᠦᠦМонголын тухай зоог-Боржгин·сэцэнхүү
1278ᠮᠣᠩᠭᠣᠯ ᠊ᠤᠨ ᠲᠤᠬᠠᠢ ᠵᠣᠭᠣᠭ
ᠦᠭᠡ᠄ ᠪᠣᠷᠵᠢᠭᠢᠨ·ᠰᠡᠴᠡᠨᠬᠦᠦ
ᠤᠶᠠᠩᠭᠠᠯᠠᠭᠴᠢ᠄ ᠪᠤᠤ᠂ ᠰᠠᠷᠠᠨᠠ
ᠮᠣᠩᠭᠣᠯ— ᠲᠡᠦᠬᠡᠲᠦ ᠦᠨᠳᠦᠰᠦᠲᠡᠨ
ᠳᠠᠷᠬᠠᠨ ᠳᠡᠭᠡᠳᠦ ᠲᠡᠢ ᠤᠭᠰᠠᠭᠠᠲᠠᠨ
ᠮᠥᠩᠬᠡ ᠶ᠋ᠢᠨ ᠬᠡᠯᠡᠲᠡᠨ
ᠮᠠᠨᠳᠤᠵᠤ ᠬᠥᠭᠵᠢᠭᠰᠡᠨ ᠶᠠᠰᠤᠲᠠᠨ
ᠬᠡᠨ ᠴᠦ᠍ ᠡᠭᠦᠨ ᠢ᠋ ᠪᠢᠰᠢ ᠭᠡᠵᠦ ᠴᠢᠳᠠᠬᠤ ᠦᠭᠡᠢ
ᠬᠡᠯᠡᠪᠡᠯ ᠲᠡᠦᠬᠡ ᠭᠡᠷᠡᠴᠢ ᠪᠣᠯᠤᠨᠠ
ᠶᠠᠮᠠᠷᠴᠤ ᠬᠥᠮᠦᠨ ᠪᠠᠯᠠᠯᠵᠤ ᠳᠡᠢᠯᠬᠦ ᠦᠭᠡᠢ
ᠶᠡᠬᠡ ᠮᠣᠩᠭᠣᠯ ᠤ᠋ᠨ ᠰᠤᠳᠤᠷ ᠪᠣᠢ!
ᠣᠳᠣ ᠬᠡᠯᠡᠬᠦ ᠳ᠋ᠦ᠍ ᠬᠡᠯᠡᠯᠭᠡ ᠥᠭᠡᠷᠡᠲᠦᠵᠡᠢ
ᠣᠷᠴᠢᠯᠠᠩ ᠤ᠋ᠨ ᠬᠥᠮᠦᠨ ᠦ᠌ ᠶᠠᠷᠢᠶᠠ ᠣᠯᠠᠰᠢᠷᠠᠵᠠᠢ
ᠣᠯᠠᠨ ᠤ᠋ ᠠᠮᠠ ᠠᠭᠤᠯᠠ ᠨᠡᠭᠦᠯᠭᠡᠨᠡ ᠭᠡᠭᠴᠢ
ᠤᠴᠢᠷ ᠲᠠᠢ ᠶᠠᠷᠢᠶᠠ ᠮᠥᠨᠴᠥ ᠪᠣᠯᠪᠠ ᠤᠤ⁈
ᠮᠣᠩᠭᠣᠯ ᠪᠢᠰᠢ ᠪᠣᠯᠵᠠᠢ ᠭᠡᠬᠦ ᠶᠠᠷᠢᠶᠠ
ᠮᠤᠩ ᠦᠭᠡᠢ ᠣᠯᠠᠨ ᠳᠡᠯᠭᠡᠷᠡᠵᠦ ᠳ᠋ᠡ
ᠮᠠᠭᠤ ᠰᠠᠢᠨ ᠵᠥᠪ ᠪᠤᠷᠤᠭᠤ ᠣᠯᠠᠨ ᠦᠭᠡ
ᠮᠥᠨᠴᠥ ᠠᠷᠪᠢᠨ ᠶᠠᠷᠢᠭᠳᠠᠳᠠᠭ ᠪᠣᠯᠤᠯᠠ
ᠠᠭᠤᠯᠠ ᠨᠢ ᠤᠷᠭᠤᠮᠠᠯ ᠢ᠋ᠶ᠋ᠠᠨ ᠪᠠᠷᠠᠵᠤ ᠭᠡᠨᠡ
ᠤᠰᠤ ᠨᠢ ᠪᠤᠯᠠᠩᠭᠢᠷ ᠲᠠᠢ ᠪᠣᠯᠵᠤ ᠭᠡᠨᠡ
ᠦᠵᠡᠬᠦ ᠳ᠋ᠦ᠍ ᠠᠭᠤᠳᠠᠮ ᠪᠢᠰᠢ ᠭᠡᠨᠡ
ᠥᠷᠭᠡᠰᠦᠲᠦ ᠲᠣᠣᠷ ᠬᠥᠨᠳᠡᠯᠢᠰᠴᠦ ᠭᠡᠨᠡ
ᠳᠡᠯᠭᠡᠷᠡᠮᠡᠷ ᠴᠡᠴᠡᠭ ᠦ᠋ᠳ ᠠᠯᠠᠭᠠ ᠭᠡᠨᠡ
ᠲᠠᠯᠠ ᠨᠢ ᠬᠦᠷᠲᠡᠯᠡ ᠡᠯᠡᠰᠦ ᠶᠦ᠍ᠮ ᠭᠡᠨᠡ
ᠲᠠᠨᠠᠨ ᠴᠠᠭᠠᠨ ᠮᠣᠩᠭᠣᠯ ᠭᠡᠷ ᠨᠢ
ᠲᠡᠷᠡ ᠴᠢᠭ ᠢ᠋ᠶ᠋ᠡᠷ ᠤᠰᠠᠳᠴᠤ ᠭᠡᠨᠡ
ᠮᠣᠷᠢ ᠦᠵᠡᠭᠳᠡᠬᠦ ᠨᠢ ᠴᠥᠭᠡᠬᠡᠷᠡᠵᠦ ᠭᠡᠨᠡ
ᠮᠣᠲ᠋ᠣᠷ ᠲᠡᠭᠦᠨ ᠢ᠋ ᠨᠢ ᠣᠷᠣᠯᠠᠵᠤ ᠭᠡᠨᠡ
ᠮᠠᠯ ᠨᠢ ᠬᠦᠷᠲᠡᠯᠡ ᠨᠡᠷᠡ ᠪᠡᠨ ᠬᠠᠯᠠᠭᠠᠳ
ᠮᠢᠬᠠ ᠭᠡᠳᠡᠭ ᠴᠣᠯᠠ ᠠᠪᠴᠤ ᠭᠡᠨᠡ
ᠬᠥᠮᠦᠨ ᠨᠢ ᠬᠣᠪᠳᠣᠭ ᠪᠣᠯᠵᠤ ᠭᠡᠨᠡ
ᠬᠥᠨᠳᠡᠯᠡᠨ ᠦ᠌ ᠬᠠᠷᠢᠴᠠᠭᠠ ᠣᠯᠠᠰᠢᠷᠠᠵᠤ ᠭᠡᠨᠡ
ᠬᠡᠯᠡ ᠨᠢ ᠬᠦᠷᠲᠡᠯᠡ ᠬᠤᠪᠢᠷᠠᠵᠤ ᠭᠡᠨᠡ
ᠬᠠᠷᠢ ᠬᠡᠯᠡᠲᠡᠨ ᠪᠣᠯᠤᠭᠠᠳ ᠶᠠᠪᠤᠵᠤ ᠪᠠᠢᠨᠠ ᠭᠡᠨᠡ
ᠵᠠᠯᠠᠭᠤ ᠪᠠᠭᠠ ᠶ᠋ᠢᠨ ᠨᠠᠢᠵᠠ ᠨᠠᠷ ᠨᠢ
ᠵᠠᠮ ᠳ᠋ᠤ᠌ ᠲᠠᠭᠠᠷᠠᠪᠠᠴᠤ ᠲᠠᠨᠢᠬᠤ ᠦᠭᠡᠢ ᠭᠡᠨᠡ
ᠵᠠᠪᠳᠤᠬᠤ ᠦᠭᠡᠢ ᠪᠣᠯ ᠬᠣᠵᠢᠭᠳᠠᠨᠠ ᠭᠡᠵᠦ
ᠵᠣᠭᠣᠰ ᠭᠡᠳ ᠭᠦᠶᠦᠵᠦ ᠪᠠᠢᠨᠠ ᠭᠡᠨᠡ
ᠣᠯᠠᠨᠠ ᠤᠯᠠᠮᠵᠢᠯᠠᠭᠳᠠᠭᠰᠠᠨ ᠡᠨᠡᠬᠦ ᠶᠠᠷᠢᠶᠠ
ᠦᠨᠡᠨ ᠴᠦ᠍ ᠪᠣᠯᠤᠭ ᠬᠤᠳᠠᠯ ᠴᠤ᠌ ᠪᠣᠯᠤᠭ
ᠥᠰᠬᠡᠵᠦ ᠬᠥᠮᠦᠵᠢᠭᠦᠯᠦᠭᠰᠡᠨ ᠮᠣᠩᠭᠣᠯ ᠢ᠋ᠶ᠋ᠠᠨ
ᠥᠨᠢᠳᠡ ᠪᠢᠳᠡ ᠨᠠᠨᠳᠢᠩᠨᠠᠵᠤ ᠶᠠᠪᠤᠶᠠ
ᠴᠤᠤᠷᠬᠠᠯ ᠴᠤ᠌ ᠪᠣᠯᠤᠭ ᠡᠨᠡᠬᠦ ᠶᠠᠷᠢᠶᠠ ᠶ᠋ᠢ
ᠴᠢᠨᠠᠭᠰᠢ ᠪᠢᠳᠡ ᠰᠤᠳᠤᠯᠵᠤ ᠦᠵᠡᠶᠡ
ᠴᠣᠬᠣᠮ ᠶᠠᠮᠠᠷ ᠪᠣᠯᠵᠤ ᠪᠠᠢᠨᠠ ᠭᠡᠵᠦ
ᠴᠡᠭᠡᠵᠢᠨ ᠳ᠋ᠡᠭᠡᠨ ᠬᠡᠵᠢᠶᠡᠳᠡ ᠰᠢᠨᠵᠢᠯᠡᠵᠦ ᠦᠵᠡᠶᠡ
ᠳᠠᠶᠠᠭᠠᠷ ᠲᠤ᠌ ᠶᠠᠷᠢᠭᠳᠠᠭᠰᠠᠨ ᠡᠨᠡ ᠵᠣᠭᠣᠭ
ᠳᠠᠬᠢᠵᠤ ᠭᠠᠷᠬᠤ ᠦᠭᠡᠢ ᠪᠠᠢᠭᠠᠰᠠᠢ
ᠲᠡᠨᠢᠭᠡᠷ ᠠᠭᠤᠳᠠᠮ ᠮᠣᠩᠭᠣᠯ ᠮᠢᠨᠢ
ᠳᠡᠯᠭᠡᠷᠡᠵᠦ ᠬᠥᠭᠵᠢᠬᠦ ᠪᠣᠯᠲᠤᠭᠠᠢ!
ᠪᠣᠯᠲᠤᠭᠠᠢ! ᠪᠣᠯᠲᠤᠭᠠᠢ!
2004 ᠣᠨ ᠤ᠋ ᠪᠢᠯᠢᠭ ᠦ᠋ᠨ ᠤᠯᠠᠷᠢᠯ ᠤ᠋ᠨ ᠳᠡᠯᠭᠡᠷᠡᠬᠦ ᠵᠤᠨ ᠤ᠋ ᠵᠢᠷᠭᠤᠭᠠᠨ ᠰᠠᠷᠠ ᠳ᠋ᠤ᠌ ᠡᠬᠡ ᠪᠢᠴᠢᠭ ᠢ᠋ ᠪᠢᠴᠢᠵᠦ ᠠᠷᠭᠠ ᠶ᠋ᠢᠨ ᠤᠯᠠᠷᠢᠯ ᠤ᠋ᠨ2010 ᠣᠨ ᠤ᠋1 ᠰᠠᠷᠠᠢᠨ ᠠᠷᠪᠠᠨᠠ ᠬᠠᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠤᠤ᠂ ᠰᠠᠷᠠᠨᠠ
ᠦᠰᠦᠭ ᠬᠠᠳᠠᠭᠴᠢ᠄ ᠪᠤᠤ᠂ ᠰᠠᠷᠠᠨᠠ
ᠬᠢᠨᠠᠭᠴᠢ᠄ ᠳᠡᠭᠦᠦᠵᠠᠶᠠᠭᠠ᠂ ᠣᠳᠬᠠᠨᠰᠣᠠ