ᠨᠢᠭᠡᠨ ᠡᠮᠡᠭᠡᠨ ᠁ - ᠪᠠᠪᠤᠤ ᠶ᠋ᠢᠨ ᡀᠬᠠᠪᠠᠰᠥ᠋ᠷᠦᠩ Нэгэн эмгэн ᠁ – Бавуугийн Лхагвасүрэн
367ᠨᠢᠭᠡᠨ ᠡᠮᠡᠭᠡᠨ᠁
ᠨᠠᠷᠠᠨ ᠤ᠋ ᠭᠡᠷᠡᠯ ᠢ᠋ᠶ᠋ᠡᠷ ᠨᠢᠭᠡᠨ ᠡᠮᠡᠭᠡᠨ ᠪᠡᠶᠡ ᠪᠡᠨ ᠠᠷᠭᠠᠮᠵᠢᠨ
ᠨᠠᠮᠤᠭᠤᠬᠠᠨ ᠣᠷᠴᠢᠨ ᠤ᠋ ᠰᠠᠨᠳᠠᠯᠢ ᠪᠠᠷᠠᠳᠠᠨ
ᠥᠩᠬᠥᠷᠢᠭᠰᠡᠨ ᠳᠥᠭᠥᠳᠡᠭ ᠲᠡᠢ ᠪᠡᠨ ᠮᠥᠯᠬᠥᠵᠦ ᠬᠥᠭᠡᠭᠡᠴᠡᠯᠳᠦᠨ
ᠡᠳᠦᠷᠵᠢᠨ ᠶᠠᠭᠤ ᠴᠤ᠌ ᠶᠤᠮ᠁ ᠨᠡᠬᠡᠵᠦ ᠰᠠᠭᠤᠨᠠ᠃
ᠵᠦᠭ ᠴᠢᠭ ᠦᠭᠡᠢ ᠨᠡᠭᠦᠳᠡᠯ ᠳ᠋ᠦ᠍ ᠵᠡᠬᠡᠭᠰᠡᠨ ᠶᠦᠮ ᠰᠢᠭ
ᠵᠦᠳᠡᠭᠦᠦ ᠪᠡᠶᠡ ᠪᠡᠨ ᠡᠪᠬᠡᠵᠦ ᠰᠠᠭᠤᠭᠰᠠᠨ ᠡᠮᠡᠭᠡᠨ ᠦ᠌ ᠪᠠᠷᠢᠭᠰᠠᠨ
ᠤᠷᠲᠤ ᠵᠡᠭᠦᠦ ᠨᠦ᠍ᠭᠦᠳ ᠡᠪᠦᠷ ᠳᠡᠭᠡᠷᠡ ᠨᠢ ᠰᠣᠯᠪᠢᠨ ᠭᠢᠯᠠᠯᠵᠠᠵᠤ
ᠤᠳᠤᠷᠢᠳᠬᠠᠯ᠂ ᠲᠡᠭᠦᠰᠬᠡᠯ ᠦ᠋ᠨ ᠢᠯᠳᠦ ᠮᠡᠲᠦ ᠴᠠᠪᠴᠢᠯᠳᠤᠨᠠ᠃
ᠣᠢᠵᠤ ᠪᠠᠭᠤᠭᠰᠠᠨ ᠬᠡᠦᠬᠡᠳ ᠨᠠᠰᠤ ᠪᠠᠷ ᠢ᠋ᠶ᠋ᠠᠨ
ᠣᠢᠮᠣᠰᠤ ᠨᠡᠬᠡᠳᠡᠭ ᠪᠠᠢᠵᠤ ᠮᠡᠳᠡᠨᠡ
ᠣᠪᠯᠢᠭᠠ ᠦᠭᠡᠢ ᠶ᠋ᠢᠨ ᠰᠠᠯᠬᠢ ᠲᠠᠢ ᠵᠠᠯᠠᠭᠤ ᠨᠠᠰᠤ ᠪᠠᠷ ᠢ᠋ᠶ᠋ᠠᠨ
ᠣᠷᠢᠶᠠᠯᠲᠠ ᠨᠡᠬᠡᠳᠡᠭ ᠪᠠᠢᠵᠤ ᠮᠡᠳᠡᠨᠡ᠃
ᠠᠯᠳᠠᠵᠤ ᠶᠠᠪᠤᠭᠰᠠᠨ ᠠᠯᠳᠠᠭᠠ ᠪᠠᠨ ᠪᠣᠭᠣᠵᠤ
ᠠᠯᠴᠢᠭᠤᠷ ᠨᠡᠬᠡᠳᠡᠭ ᠪᠠᠢᠵᠤ ᠮᠡᠳᠡᠨᠡ᠃
᠁ ᠡᠮᠡ ᠬᠥᠮᠦᠨ ᠤᠷᠤᠭᠤᠯ ᠠ᠋ᠴᠠ ᠪᠠᠨ ᠡᠬᠢᠯᠡᠵᠦ ᠲᠡᠨᠡᠭᠯᠡᠳᠡᠭ᠁ ᠭᠡᠰᠡᠨ ᠦᠭᠡ ᠪᠡᠷ
ᠡᠨᠳᠡ ᠲᠡᠨᠳᠡ ᠨᠢ ᠬᠡ ᠨᠡᠬᠡᠳᠡᠭ ᠪᠠᠢᠵᠤ ᠮᠡᠳᠡᠨᠡ᠃
ᠲᠡᠷᠡ ᠲᠠᠩᠳᠠ ᠶᠠᠭᠤᠮᠠ ᠨᠡᠬᠡᠵᠦ ᠰᠠᠭᠤᠨᠠ᠃
ᠲᠡᠬᠡᠭᠦᠨ ᠣᠷᠴᠢᠯᠠᠩ ᠠ᠋ᠴᠠ ᠦᠬᠦᠯ《ᠨᠡᠬᠡᠵᠦ》 ᠰᠠᠭᠤᠨᠠ᠃
2010 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ