ᠳᠠᠯᠠᠨ ᠬᠤᠳᠠᠯᠴᠢ-ᠠᠯᠠᠱᠠ ᠡᠬᠡДалан худалч
1152
ᠳᠠᠯᠠᠨ ᠬᠤᠳᠠᠯᠴᠢ-ᠠᠯᠠᠱᠠ ᠡᠬᠡ
ᠬᠥᠬᠡ᠄ ᠲᠠᠨ ᠤ᠋ ᠠᠯᠳᠠᠷ ᠨᠡᠷᠡ ᠬᠡᠨ ᠭᠡᠭᠴᠢ ᠪᠣᠢ?
ᠬᠥᠬᠡᠭᠴᠢᠨ᠄ ᠮᠢᠨᠦ ᠨᠡᠷᠡ ᠪᠣᠯ ᠯᠣᠪᠰᠠᠩᠴᠥ᠋ᠯᠳᠦᠮᠨᠠᠭᠪᠠᠷᠳᠠᠪᠠᠬᠠ ᠭᠡᠳᠡᠭ᠃
ᠬᠥᠬᠡ᠄ ᠲᠠᠨ ᠤ᠋ ᠥᠷᠭᠥᠭᠡ ᠨᠤᠲᠤᠭ ᠬᠠᠮᠢᠭᠠᠭᠤᠷ ᠪᠠᠢᠳᠠᠭ ᠪᠣᠢ?
ᠬᠥᠬᠡᠭᠴᠢᠨ᠄ ᠮᠢᠨᠦ ᠨᠤᠲᠤᠭ ᠪᠣᠯ ᠪᠤᠬᠠ ᠪᠤᠢᠯᠠ᠂ ᠭᠤᠨᠵᠢᠨ ᠮᠡᠢᠷᠡᠨ᠂ ᠭᠤᠷᠪᠠᠨ ᠡᠷᠢᠶᠡᠨ᠂ ᠳᠥᠷᠪᠡᠨ ᠴᠠᠭᠠᠨ ᠡᠴᠡ ᠬᠣᠢᠰᠢ ᠪᠠᠢᠨᠠ᠃
ᠬᠥᠬᠡ᠄ ᠲᠡᠷᠡ ᠴᠢᠨᠢ ᠬᠠᠮᠢᠭᠠ ᠪᠠᠢᠬᠤ ᠭᠠᠵᠠᠷ ᠪᠣᠢ?
ᠬᠥᠬᠡᠭᠴᠢᠨ᠄ ᠲᠩᠷᠢ ᠡᠯᠡᠰᠦ᠂ ᠲᠡᠮᠡᠭᠡᠨ ᠬᠦᠵᠦᠭᠦᠦ᠂ ᠬᠣᠨᠢ ᠮᠠᠢᠯᠠ᠂ ᠬᠣᠪᠴᠢ ᠶ᠋ᠢᠨ ᠲᠠᠷᠢᠶᠠᠨ ᠡᠴᠡ ᠣᠷᠣᠭᠰᠢ ᠪᠠᠢᠳᠠᠭ᠃
ᠬᠥᠬᠡ᠄ ᠪᠢ ᠦᠵᠡᠬᠦ ᠳ᠋ᠦ᠍ ᠲᠠ ᠴᠢᠨᠢ ᠶᠣᠰᠣᠲᠠᠢ ᠯᠠ ᠬᠤᠳᠠᠯᠴᠢ ᠬᠥᠮᠦᠨ ᠪᠠᠢᠬᠠ᠃
ᠬᠥᠬᠡᠭᠴᠢᠨ᠄ ᠣᠮ ᠮᠠ ᠨᠢ ᠪᠠᠳ ᠮᠠ ᠬᠣᠩ᠂ ᠯᠠᠮᠠ ᠬᠥᠮᠦᠨ ᠦ᠌ ᠰᠠᠬᠢᠯ ᠰᠠᠨᠸᠠᠷ ᠲᠤ᠌ ᠬᠤᠳᠠᠯ ᠬᠡᠯᠡᠬᠦ ᠪᠣᠯ ᠬᠠᠮᠤᠭ ᠤ᠋ᠨ ᠴᠡᠭᠡᠷ ᠲᠡᠢ ᠨᠢᠭᠡ ᠵᠦᠢᠯ ᠪᠣᠯᠤᠨᠠ᠂ ᠪᠢ ᠬᠤᠳᠠᠯ ᠬᠡᠯᠡᠳᠡᠭ᠂ ᠬᠥᠮᠦᠨ ᠢ᠋ ᠮᠡᠬᠡᠯᠡᠳᠡᠭ ᠬᠥᠮᠦᠨ ᠳ᠋ᠦ᠍ ᠲᠤᠢᠯ ᠤ᠋ᠨ ᠳᠤᠷᠠ ᠦᠭᠡᠢ ᠶᠦ᠍ᠮ᠃
ᠬᠥᠬᠡ᠄ ᠵᠠ! ᠲᠡᠭᠡᠪᠡᠯ ᠲᠠ ᠶᠠᠮᠠᠷ ᠠᠵᠢᠯ ᠦᠢᠯᠡᠰ ᠲᠡᠢ ᠬᠥᠮᠦᠨ ᠪᠣᠢ?
ᠬᠥᠬᠡᠭᠴᠢᠨ᠄ ᠪᠢ ᠠᠪᠤᠷᠠᠯᠲᠤ ᠪᠤᠷᠬᠠᠨ ᠢ᠋ ᠢᠮᠠᠭᠲᠠ ᠰᠢᠲᠦᠭᠡᠳ᠂ ᠠᠴᠢᠲᠤ ᠪᠯᠠᠮᠠ ᠪᠠᠭᠰᠢ ᠪᠠᠨ ᠡᠷᠭᠦᠨ ᠬᠦᠨᠳᠦᠯᠡᠵᠦ᠂ ᠠᠪᠤᠭᠰᠠᠨ ᠰᠠᠬᠢᠯ ᠰᠠᠨᠸᠠᠷ ᠢ᠋ᠶ᠋ᠠᠨ ᠴᠢᠩᠭᠠ ᠰᠠᠬᠢᠵᠤ᠂ ᠠᠯᠢᠪᠠ ᠡᠷᠳᠡᠮ ᠨᠣᠮ ᠢ᠋ ᠨᠡᠪᠲᠡᠷᠬᠡᠢ ᠰᠤᠷᠤᠭᠠᠳ᠂ ᠣᠯᠠᠨ ᠨᠠᠨᠳᠢᠨ ᠠᠳᠢᠰ ᠲᠠᠢ ᠣᠷᠣᠨ ᠳ᠋ᠤ᠌ ᠡᠷᠭᠢᠴᠡ ᠮᠥᠷᠭᠥᠯ ᠬᠢᠪᠡ᠃
ᠬᠥᠬᠡ᠄ ᠲᠠ ᠶᠠᠮᠠᠷ ᠶᠠᠮᠠᠷ ᠠᠳᠢᠰ ᠲᠠᠢ ᠣᠷᠣᠨ ᠳ᠋ᠤ᠌ ᠡᠷᠭᠢᠴᠡ ᠮᠥᠷᠭᠥᠯ ᠬᠢᠪᠡ?
ᠬᠥᠬᠡᠭᠴᠢᠨ᠄ ᠪᠢ ᠣᠷᠣᠭᠰᠢ ᠶᠠᠪᠤᠵᠤ ᠸᠧᠢ ᠵᠧᠦ ᠳ᠋ᠠᠢ ᠵᠧᠦ᠂ ᠦᠯᠢᠭᠡᠷ ᠮᠠᠬᠠᠢ᠂ ᠰᠡᠭᠡᠷ ᠦ᠋ᠨ ᠬᠣᠭᠣᠯᠠᠢ᠂ ᠰᠠᠷᠠᠪᠴᠢ ᠶ᠋ᠢᠨ ᠮᠠᠢᠳᠠᠷ ᠲᠤ᠌ ᠮᠥᠷᠭᠥᠭᠡᠳ ᠵᠡᠭᠦᠨᠰᠢ ᠶᠠᠪᠤᠵᠤ ᠵᠥᠭᠡᠢ ᠶ᠋ᠢᠨ ᠴᠠᠭᠠᠨ ᠴᠢᠯᠠᠭᠤ᠂ ᠵᠦᠨᠵᠠᠢ ᠶ᠋ᠢᠨ ᠴᠠᠭᠠᠨ ᠰᠤᠪᠤᠷᠭᠠ᠂ ᠬᠢᠯᠪᠠᠷ ᠤ᠋ᠨ ᠴᠠᠭᠠᠨ ᠤᠲᠠᠢ ᠳ᠋ᠤ᠌ ᠮᠥᠷᠭᠥᠯᠡ᠃ ᠲᠡᠨᠳᠡᠴᠡ ᠬᠣᠢᠰᠢ ᠶᠠᠪᠤᠵᠤ ᠳᠠ ᠬᠦᠷᠢᠶᠡ᠂ ᠳᠠᠮᠪᠠᠳᠠᠷᠴᠢ᠂ ᠡᠷᠳᠡᠨᠢ ᠵᠣᠣ᠂ ᠪᠢᠯᠬᠠᠮᠠ ᠶ᠋ᠢᠨ ᠭᠡᠭᠡᠨ ᠳ᠋ᠦ᠍ ᠮᠥᠷᠭᠥᠭᠡᠳ᠂ ᠪᠠᠷᠠᠭᠤᠨᠰᠢ ᠠᠯᠬᠤᠵᠤ ᠶᠠᠪᠤᠭᠠᠳ ᠠᠮᠳᠣ ᠶ᠋ᠢᠨ ᠠᠷᠪᠠᠨ ᠭᠤᠷᠪᠠᠨ ᠬᠡᠢᠳ ᠲᠦ᠍ ᠮᠥᠷᠭᠥᠵᠦ᠂ ᠭᠦᠶᠦᠵᠦ ᠶᠠᠪᠤᠭᠠᠳ ᠭᠦᠮᠪᠦᠮ ᠳ᠋ᠦ᠍ ᠬᠦᠷᠬᠦᠯᠡ᠂ ᠬᠠᠷᠢᠨ ᠨᠠᠮᠠᠶ᠋ᠢ ᠶᠡᠬᠡ ᠪᠠᠭᠰᠢ ᠪᠣᠯᠭᠠᠵᠤ᠂ ᠰᠡᠮᠲᠡᠨ ᠴᠣᠷᠳᠣᠩ ᠢ᠋ᠶ᠋ᠠᠷ ᠵᠠᠯᠠᠭᠳᠠᠵᠤ᠂ ᠰᠢᠷᠠ ᠬᠠᠷᠠ ᠣᠯᠠᠨ ᠠᠮᠢᠲᠠᠨ ᠳ᠋ᠤ᠌ ᠸᠠᠩ ᠯᠦᠩ ᠲᠠᠯᠪᠢᠵᠤ᠂ ᠣᠷᠣᠢ ᠶ᠋ᠢᠨ ᠴᠢᠮᠡᠭ ᠯᠠᠮᠠ ᠪᠣᠯᠪᠠ᠃
ᠬᠥᠬᠡ᠄ ᠲᠠ ᠴᠢᠨᠢ ᠦᠨᠡᠬᠡᠷ ᠶᠡᠬᠡ ᠪᠠᠭᠰᠢ ᠪᠠᠢᠨᠠ ᠳᠠ? ᠲᠡᠭᠡᠭᠡᠳ ᠶᠠᠭᠠᠬᠢᠬᠤᠪ?
ᠬᠥᠬᠡᠭᠴᠢᠨ᠄ᠵᠠᠭᠳᠠᠩ ᠡᠬᠢᠨ ᠳ᠋ᠦ᠍ ᠵᠠᠪ ᠤ᠋ᠨ ᠣᠯᠪᠣᠭ ᠳᠡᠭᠡᠷᠡ ᠰᠠᠭᠤᠵᠤ᠂ ᠠᠷᠪᠠᠯᠠᠨ ᠰᠢᠭ᠋ ᠠᠷᠬᠢᠷᠠᠵᠤ ᠯᠤᠤ ᠰᠢᠭ᠋ ᠬᠦᠷᠴᠢᠭᠢᠨᠡᠵᠦ᠂ ᠬᠠᠷᠠ ᠼᠠᠩ ᠢ᠋ ᠬᠠᠪᠢᠷᠤᠭᠤᠯᠤᠨ ᠬᠠᠷᠰᠢᠭᠤᠯᠵᠤ᠂ ᠤᠩᠰᠢᠯᠭᠠ ᠨᠣᠮ ᠳ᠋ᠤ᠌ ᠨᠡᠪᠲᠡᠷᠡᠭᠰᠡᠨ ᠤᠮᠵᠠᠳ ᠪᠣᠯᠪᠠ᠃
ᠬᠥᠬᠡ᠄ ᠲᠠ ᠴᠢᠨᠢ ᠣᠷᠣᠢ ᠶ᠋ᠢᠨ ᠴᠢᠮᠡᠭ ᠯᠠᠮᠠ ᠪᠣᠯᠵᠤ ᠪᠠᠢᠭᠠᠳ᠂ ᠶᠠᠭᠠᠬᠢᠭᠠᠳ ᠪᠠᠰᠠ ᠪᠠᠭᠤᠷᠠᠵᠤ ᠤᠮᠵᠠᠳ ᠪᠣᠯᠴᠢᠬᠠᠪᠠ?
ᠬᠥᠬᠡᠭᠴᠢᠨ᠄ ᠱᠠᠰᠢᠨ ᠬᠤᠷᠠᠯ ᠤ᠋ᠨ ᠶᠣᠰᠣᠨ ᠳ᠋ᠤ᠌ ᠯᠠᠮᠠ ᠬᠤᠸᠠᠷᠠᠭ ᠬᠥᠮᠦᠨ ᠪᠣᠯ ᠰᠢᠷᠡᠭᠡᠨ ᠯᠠᠮᠠ ᠡᠴᠡ ᠠᠪᠤᠭᠠᠳ ᠰᠢᠷᠲᠡᠭ ᠦ᠋ᠨ ᠪᠠᠨᠳᠢ ᠬᠦᠷᠲᠡᠯᠡ ᠱᠠᠰᠢᠨ ᠤ᠋ ᠦᠢᠯᠡᠰ ᠢ᠋ ᠬᠢᠬᠦ ᠶᠣᠰᠣᠲᠠᠢ ᠶᠤᠮ᠃
ᠬᠥᠬᠡ᠄ ᠲᠡᠢᠮᠦ ᠤᠤ? ᠵᠠ᠂ ᠲᠡᠭᠡᠭᠡᠳ ᠶᠠᠭᠠᠬᠢᠬᠤᠪ?
ᠬᠥᠬᠡᠭᠴᠢᠨ᠄ ᠵᠠᠯᠪᠤ ᠠᠪᠠ ᠶ᠋ᠢᠨ ᠵᠠᠶᠢᠭ᠋ ᠢ᠋ ᠰᠠᠢᠨ ᠮᠡᠳᠡᠳᠡᠭ ᠡᠴᠡ ᠬᠡᠪᠢᠬᠦ ᠪᠣᠯᠵᠤ᠂ ᠭᠦᠵᠡᠭᠡ ᠶᠡᠬᠡᠲᠡᠢ ᠪᠣᠯᠬᠤᠯᠠ ᠨᠢᠷᠪᠠ ᠰᠠᠭᠤᠵᠤ᠂ ᠬᠤᠷᠠᠯ ᠤ᠋ᠨ ᠨᠣᠮ ᠤ᠋ᠨ ᠴᠠᠪ ᠮᠠᠩᠵᠠ ᠶ᠋ᠢ ᠪᠡᠯᠡᠳᠬᠡᠵᠦ᠂ ᠭᠦᠶᠦᠳᠡᠯ ᠰᠠᠢᠨ ᠪᠣᠯᠬᠣᠷ ᠭᠣᠨᠢᠷ ᠪᠣᠯᠵᠤ᠂ ᠵᠢᠱ᠌ᠢᠶᠡ ᠬᠥᠷᠥᠮ ᠦ᠋ᠨ ᠤᠩᠰᠢᠯᠭᠠ ᠶ᠋ᠢ ᠤᠩᠰᠢᠵᠤ ᠪᠠᠢᠭᠠᠳ᠂ ᠬᠠᠮᠤᠭ ᠤ᠋ᠨ ᠰᠡᠭᠦᠯ ᠳ᠋ᠦ᠍ ᠬᠣᠭᠣᠯᠠ ᠪᠤᠳᠠᠭᠠ ᠶ᠋ᠢ ᠰᠠᠢᠨ ᠬᠢᠳᠡᠭ ᠪᠣᠯᠬᠣᠷ ᠣᠯᠠᠨ ᠬᠤᠷᠠᠯ ᠤ᠋ᠨ ᠴᠠᠪ ᠮᠠᠩᠵᠠ ᠶ᠋ᠢ ᠴᠢᠨᠠᠵᠤ ᠵᠠᠮᠠ ᠪᠣᠯᠵᠤ ᠨᠠᠷᠭᠢᠪᠠ᠃
ᠬᠥᠬᠡ᠄ ᠲᠠ ᠬᠤᠷᠠᠯ ᠨᠣᠮ ᠤ᠋ᠨ ᠦᠢᠯᠡᠰ ᠢ᠋ ᠡᠬᠢᠨ ᠡᠴᠡ ᠡᠴᠦᠰᠯᠡᠲᠡᠯᠡ ᠪᠦᠬᠦᠨ ᠢ᠋ ᠬᠢᠵᠦ ᠥᠩᠭᠡᠷᠡᠭᠡᠯᠡ? ᠣᠳᠣ ᠶᠠᠭᠤ ᠬᠢᠵᠦ ᠪᠠᠢᠨᠠ ᠤᠤ??
ᠬᠥᠬᠡᠭᠴᠢᠨ᠄ ᠭᠡᠷ ᠡᠴᠡ ᠭᠠᠷᠤᠭᠠᠳ ᠤᠳᠠᠭᠰᠠᠨ ᠪᠣᠯᠬᠣᠷ ᠭᠡᠷ ᠲᠡᠭᠡᠨ ᠬᠠᠷᠢᠬᠤ ᠪᠠᠷ ᠴᠢᠯᠥᠭᠡ ᠭᠣᠶᠣᠬᠤᠯᠠ᠂ ᠰᠦᠮᠡ ᠬᠡᠢᠳ ᠦ᠋ᠨ ᠠᠵᠢᠯ ᠦᠢᠯᠡᠰ ᠢ᠋ ᠰᠠᠢᠨ ᠬᠢᠯᠡ ᠭᠡᠵᠦ ᠨᠠᠳᠠ ᠮᠢᠩᠭᠠᠨ ᠯᠠᠩ ᠮᠥᠩᠭᠥ ᠪᠡᠷ ᠱᠠᠩᠨᠠᠯᠠ᠃
ᠬᠥᠬᠡ᠄ ᠲᠠ ᠶᠡᠬᠡ ᠮᠥᠩᠭᠥ ᠲᠡᠢ ᠪᠠᠶᠠᠨ ᠬᠥᠮᠦᠨ ᠪᠣᠯᠤᠭᠠᠳ ᠶᠡᠬᠡ ᠪᠠᠶᠠᠷᠯᠠᠭᠰᠠᠨ ᠪᠢᠵᠡ?
ᠬᠥᠬᠡᠭᠴᠢᠨ᠄ ᠮᠢᠨᠦ ᠪᠠᠶᠠᠷᠯᠠᠭᠰᠠᠨ ᠢ᠋ ᠬᠡᠯᠡᠬᠦ ᠶ᠋ᠢᠨ ᠠᠷᠭᠠ ᠠᠯᠠᠭᠠ᠃ ᠲᠡᠷᠡ ᠳᠣᠣᠷᠠ ᠪᠠᠨ ᠶᠠᠪᠤᠵᠤ ᠡᠮᠦᠨᠡᠲᠦ ᠣᠷᠣᠨ ᠳ᠋ᠤ᠌ ᠬᠦᠷᠦᠭᠡᠳ ᠥᠩᠭᠡ ᠪᠦᠷᠢ ᠶ᠋ᠢᠨ ᠲᠣᠷᠭᠠ ᠳᠤᠷᠳᠤᠩ᠂ ᠵᠡᠭᠦᠦ ᠤᠲᠠᠰᠤ᠂ ᠬᠡᠪ ᠬᠠᠳᠠᠭ᠂ ᠵᠠᠭᠠᠷ ᠪᠠᠯᠪᠤ ᠶ᠋ᠢᠨ ᠣᠷᠣᠨ ᠡᠴᠡ ᠵᠠᠰᠠᠷᠠᠢ ᠵᠢᠩᠰᠡ᠂ ᠬᠣᠷᠬᠢ ᠮᠠᠩᠨᠤᠭ᠂ ᠵᠣᠣ ᠲᠥᠪᠡᠳ ᠣᠷᠣᠨ ᠤ᠋ ᠵᠠᠰᠠᠯ ᠴᠢᠮᠡᠭ᠂ ᠬᠣᠪᠣᠷ ᠦᠨᠡᠲᠡᠢ ᠡᠮ ᠳᠠᠩ᠂ ᠽᠠᠮᠪᠠ ᠲᠣᠰᠣ᠂ ᠨᠠᠩᠭᠢᠶᠠᠳ ᠣᠷᠣᠨ ᠤ᠋ ᠬᠣᠲᠠ ᠮᠠᠢᠮᠠᠢ ᠡᠴᠡ ᠦᠨᠦᠷᠲᠦ ᠠᠷᠢᠬᠢ᠂ ᠦᠵᠦᠮ ᠦ᠋ᠨ ᠠᠷᠢᠬᠢ᠂ ᠰᠠᠮ ᠰᠢᠬᠦᠷ᠂ ᠰᠠᠪᠤᠩ ᠡᠩᠰᠢᠭᠡ᠂ ᠶᠡᠬᠡ ᠰᠢᠬᠢᠷ(ᠡᠯᠡᠰᠦᠨ ᠰᠢᠬᠢᠷ)᠂ ᠭᠠᠩᠰᠠ ᠲᠠᠮᠠᠬᠢ ᠵᠡᠷᠭᠡ ᠶᠠᠭᠤ ᠪᠦᠬᠦᠨ ᠢ᠋ ᠬᠤᠳᠠᠯᠳᠤᠨ ᠠᠪᠤᠭᠠᠳ ᠬᠤᠳᠠᠯᠳᠤᠭᠠᠴᠢᠨ ᠪᠣᠯᠵᠤ᠂ ᠭᠠᠵᠠᠷ ᠪᠦᠷᠢ ᠶ᠋ᠢᠨ ᠣᠯᠠᠨ ᠠᠮᠢᠲᠠᠨ ᠴᠤᠭᠯᠠᠷᠠᠵᠤ ᠶᠡᠬᠡ ᠨᠠᠷᠭᠢᠶᠠᠨ ᠪᠣᠯᠤᠯᠠ᠃
ᠬᠥᠬᠡ ᠄ ᠲᠠ ᠴᠢᠨᠢ ᠯᠠᠮᠠ ᠪᠠᠭᠰᠢ ᠪᠠᠢᠭᠰᠠᠨ ᠡᠴᠡ ᠶᠡᠬᠡ ᠬᠤᠳᠠᠯᠳᠤᠭᠠᠴᠢᠨ ᠪᠣᠯᠵᠤ᠂ ᠶᠡᠬᠡ ᠬᠣᠨᠵᠢᠪᠤᠷᠢ ᠣᠯᠵᠤ ᠪᠠᠶᠠᠵᠢᠵᠤ ᠳᠠ᠂ ᠲᠡᠭᠡᠭᠡᠳ ᠶᠠᠭᠠᠬᠢᠬᠤᠪ?
ᠬᠥᠬᠡᠭᠴᠢᠨ᠄ ᠬᠥᠮᠦᠨ ᠪᠣᠯᠵᠤ ᠬᠦᠵᠦᠭᠦᠦ ᠲᠣᠯᠣᠭᠠᠢ ᠵᠠᠯᠭᠠᠭᠰᠠᠨ ᠪᠣᠯᠬᠣᠷ ᠶᠠᠭᠤᠮᠠ ᠪᠦᠬᠦᠨ ᠢ᠋ ᠬᠢᠵᠦ ᠰᠤᠷᠬᠤ ᠬᠡᠷᠡᠭᠲᠡᠢ ᠰᠢᠦ!
ᠬᠥᠬᠡ᠄ ᠵᠠ᠂ ᠶᠡᠬᠡ ᠮᠠᠢᠮᠠᠢ ᠬᠢᠭᠡᠳ᠂ᠬᠣᠨᠵᠢᠪᠤᠷᠢ ᠶᠠᠮᠠᠷ ᠪᠣᠯᠪᠠ ?
ᠬᠥᠬᠡᠭᠴᠢᠨ᠄ᠬᠣᠨᠵᠢᠪᠤᠷᠢ ᠠᠯᠠᠭᠠ᠂ ᠬᠠᠷᠢᠨ ᠠᠯᠳᠠᠭᠠᠳ ᠬᠠᠮᠤᠭ ᠬᠥᠷᠥᠩᠭᠡ ᠪᠡᠨ ᠪᠠᠷᠠᠴᠢᠬᠠᠯᠠ᠃
ᠬᠥᠬᠡ᠄ ᠲᠠ ᠴᠢᠨᠢ ᠬᠡᠴᠡᠭᠦᠦ ᠰᠡᠷᠭᠡᠭ ᠬᠥᠮᠦᠨ ᠪᠠᠢᠲᠠᠯᠠ ᠶᠠᠭᠠᠬᠢᠭᠠᠳ ᠠᠯᠳᠠᠴᠢᠬᠠᠪᠠ ᠳᠠ᠂ ᠪᠠᠷᠤᠭ ᠳᠠᠩᠰᠠ ᠪᠠᠨ ᠪᠤᠷᠤᠭᠤ ᠪᠣᠳᠣᠭᠰᠠᠨ ᠪᠠᠢᠯᠭᠦᠢ᠃
ᠬᠥᠬᠡᠭᠴᠢᠨ᠄ ᠪᠢ ᠳᠠᠩᠰᠠ ᠪᠠᠨ ᠣᠭᠲᠣ ᠪᠤᠷᠤᠭᠤ ᠪᠣᠳᠣᠭᠰᠠᠨ ᠦᠭᠡᠢ᠃ ᠬᠠᠷᠢᠨ ᠳᠡᠭᠡᠳᠦ ᠵᠡᠷᠭᠡ ᠶ᠋ᠢᠨ ᠬᠡᠦᠬᠡᠨ ᠳ᠋ᠦ᠍ ᠳᠡᠪᠡᠯ ᠦ᠋ᠨ ᠲᠣᠷᠭᠠ᠂ ᠳ᠋ᠧᠩᠰᠸ ᠮᠥᠩᠭᠥ᠂ ᠳᠤᠮᠳᠠ ᠵᠡᠷᠭᠡ ᠶ᠋ᠢᠨ ᠬᠡᠦᠬᠡᠨ ᠳ᠋ᠦ᠍ ᠳᠤᠷᠳᠤᠩ ᠠᠯᠴᠢᠭᠤᠷ᠂ ᠳᠤᠭᠤᠢ ᠶᠧᠪᠢᠩ᠂ ᠠᠳᠠᠭ ᠤ᠋ᠨ ᠬᠡᠦᠬᠡᠨ ᠳ᠋ᠦ᠍ ᠠᠳᠬᠤ ᠰᠢᠬᠢᠷ᠂ ᠠᠮᠠ ᠶᠣᠷᠣᠭ ᠥᠭᠴᠦ ᠪᠠᠢᠭᠠᠳ ᠬᠠᠮᠤᠭ ᠮᠥᠩᠭᠥ ᠪᠡᠨ ᠳᠠᠭᠤᠰᠬᠠᠴᠢᠬᠠᠪᠠ᠃
ᠬᠥᠬᠡ᠄ ᠲᠠ ᠳᠠᠩᠰᠠ ᠠᠯᠳᠠᠭᠰᠠᠨ ᠤᠴᠢᠷ ᠪᠢᠰᠢ᠂ ᠬᠠᠷᠢᠨ ᠰᠠᠬᠢᠯ ᠰᠠᠨᠸᠠᠷ ᠢ᠋ᠶ᠋ᠠᠨ ᠰᠠᠬᠢᠨ ᠬᠢᠴᠢᠶᠡᠭᠰᠡᠨ ᠦᠭᠡᠢ ᠶ᠋ᠢᠨ ᠤᠴᠢᠷ ᠪᠣᠯᠪᠠ᠃ ᠵᠠ ᠲᠡᠭᠡᠭᠡᠳ ᠶᠠᠭᠠᠬᠢᠬᠤᠪ ?
ᠬᠥᠬᠡᠭᠴᠢᠨ᠄ ᠠᠯᠠᠭᠠ ᠲᠠᠰᠢᠵᠤ ᠠᠮᠠᠨ ᠬᠥᠭᠡᠰᠦ ᠪᠡᠨ ᠪᠠᠷᠠᠲᠠᠯᠠ ᠭᠦᠷᠢᠮᠳᠡᠵᠦ ᠠᠷᠪᠠᠨ ᠵᠣᠭᠣᠰ᠂ ᠬᠣᠩᠬᠣ ᠴᠣᠬᠢᠵᠤ᠂ ᠬᠣᠭᠣᠯᠠᠢ ᠪᠠᠨ ᠰᠥᠭᠡᠲᠡᠯᠡ ᠨᠣᠮ ᠤᠩᠰᠢᠵᠤ᠂ ᠭᠠᠢ ᠴᠢᠳᠬᠥᠷ ᠭᠠᠷᠭᠠᠵᠤ ᠬᠣᠷᠢᠨ ᠵᠣᠭᠣᠰ ᠣᠯᠵᠤ ᠶᠠᠪᠤᠭᠰᠠᠭᠠᠷ ᠬᠠᠷᠢᠵᠤ ᠢᠷᠡᠪᠡ᠃
ᠬᠥᠬᠡ᠄ ᠣᠳᠣ ᠭᠡᠷ ᠲᠡᠭᠡᠨ ᠬᠠᠷᠢᠭᠠᠳ ᠶᠠᠭᠤ ᠬᠢᠪᠡ?
ᠬᠥᠬᠡᠭᠴᠢᠨ᠄ ᠪᠢ ᠭᠡᠷ ᠲᠡᠭᠡᠨ ᠬᠠᠷᠢᠵᠤ ᠢᠷᠡᠭᠡᠳ᠂ ᠥᠪᠡᠷ ᠦ᠋ᠨ ᠠᠪᠤ ᠲᠦᠷᠦᠭᠡᠳᠦᠢ ᠪᠠᠢᠬᠤ ᠳ᠋ᠤ᠌ ᠡᠪᠦᠭᠡ ᠠᠪᠤ ᠶ᠋ᠢᠨ ᠢ᠋ᠶ᠋ᠡᠨ ᠲᠡᠮᠡᠭᠡ ᠶ᠋ᠢ ᠬᠠᠷᠢᠭᠤᠯᠵᠤ ᠶᠠᠪᠤᠯᠠ᠃
ᠬᠥᠬᠡ᠄ ᠴᠢᠨᠦ ᠡᠨᠡ ᠦᠭᠡ ᠦᠨᠡᠬᠡᠷ ᠰᠣᠨᠢᠨ ᠵᠢᠭᠲᠡᠢ ᠲᠠ᠃ ᠬᠠᠭᠤᠴᠢᠨ ᠤ᠋ ᠦᠯᠢᠭᠡᠷ ᠲᠦ᠍ ᠪᠡᠴᠢᠨ ᠪᠠᠭᠰᠢ ᠪᠣᠯ ᠬᠠᠳᠠ ᠬᠠᠭᠠᠷᠠᠵᠤ ᠭᠠᠷᠤᠭᠰᠠᠨ ᠭᠡᠳᠡᠭ᠂ ᠴᠢ᠂ ᠬᠠᠷᠢᠨ ᠠᠪᠤ ᠡᠴᠡ ᠪᠠᠨ ᠤᠷᠢᠳ ᠲᠥᠷᠥᠵᠡᠢ᠃ ᠴᠣᠬᠣᠮ ᠠᠪᠤ ᠴᠢᠨᠢ ᠬᠠᠮᠢᠭᠠ ᠪᠠᠢᠬᠤ ᠪᠣᠢ?
ᠬᠥᠬᠡᠭᠴᠢᠨ᠄ ᠡᠭᠦᠨ ᠢ᠋ ᠮᠠᠷᠭᠤᠭᠠᠳ ᠪᠠᠢᠬᠤ ᠬᠡᠷᠡᠭ ᠦᠭᠡᠢ᠂ ᠥᠭᠡᠷᠡ ᠤᠴᠢᠷ ᠢ᠋ᠶ᠋ᠠᠨ ᠶᠠᠷᠢᠯᠴᠠᠪᠠᠯ ᠳᠡᠭᠡᠷᠡ ᠦᠭᠡᠢ ᠦᠦ?
ᠬᠥᠬᠡ᠄ ᠵᠠ ᠲᠡᠭᠡᠪᠡᠯ ᠶᠠᠷᠢ ᠳᠠ᠂
ᠬᠥᠬᠡᠭᠴᠢᠨ᠄ ᠪᠢ ᠬᠥᠳᠡᠭᠡ ᠬᠣᠨᠣᠵᠤ ᠬᠥᠰᠡᠷ ᠳᠡᠷᠡᠯᠡᠵᠦ ᠲᠡᠮᠡᠭᠡ ᠪᠡᠨ ᠬᠠᠷᠢᠭᠤᠯᠵᠤ ᠪᠠᠢᠲᠠᠯᠠ ᠬᠠᠷᠢᠨ ᠰᠡᠷᠡᠭᠡ ᠴᠠᠭᠠᠨ ᠬᠠᠢᠮᠠᠯ ᠮᠣᠷᠢ ᠨᠢ ᠰᠢᠯᠢᠷᠡᠭᠡᠳ ᠶᠠᠪᠤᠴᠢᠬᠠᠪᠠ᠃
ᠬᠥᠬᠡ᠄ ᠴᠢᠨᠦ ᠡᠨᠡ ᠦᠭᠡ ᠴᠢᠨᠢ ᠶᠡᠬᠡ ᠢᠨᠢᠶᠡᠳᠦᠮ ᠲᠠᠢ ᠳᠠ᠃ ᠬᠠᠢᠮᠠᠯ ᠢᠩᠭᠡ ᠭᠡᠵᠦ ᠬᠡᠯᠡᠳᠡᠭ ᠡᠴᠡ ᠪᠢᠰᠢ᠂ ᠬᠠᠷᠢᠨ ᠬᠠᠢᠮᠠᠯ ᠮᠣᠷᠢ ᠭᠡᠵᠦ ᠬᠡᠯᠡᠳᠡᠭ ᠢ᠋ ᠪᠢ ᠣᠳᠣ ᠰᠠᠶᠢ ᠰᠣᠨᠣᠰᠤᠯᠠ᠃
ᠬᠥᠬᠡᠭᠴᠢᠨ᠄ ᠳᠥᠷᠪᠡᠨ ᠬᠥᠯ ᠲᠡᠢ ᠬᠡᠭᠡᠯ ᠲᠡᠢ ᠶᠤᠮ ᠴᠢᠨᠢ ᠶᠠᠭᠤᠨ ᠤ᠋ ᠮᠣᠷᠢ ᠲᠡᠮᠡᠭᠡ ᠭᠡᠵᠦ ᠨᠠᠷᠢᠨ ᠢᠯᠭᠠᠭᠠᠳ ᠪᠠᠢᠬᠤ ᠪᠣᠢ!
ᠬᠥᠬᠡ᠄ ᠴᠢ ᠭᠡᠭᠴᠢ ᠲᠡᠮᠡᠭᠡ ᠮᠣᠷᠢ ᠶ᠋ᠢ ᠢᠯᠭᠠᠳᠠᠭ ᠦᠭᠡᠢ᠂ ᠮᠠᠯ ᠮᠡᠳᠡᠳᠡᠭ ᠦᠭᠡᠢ ᠮᠠᠨᠴᠤ ᠶ᠋ᠢᠨ ᠲᠣᠯᠣᠭᠠᠢ ᠪᠠᠢᠨᠠ ᠳᠠ᠂ ᠵᠠ ᠪᠠᠰᠠ ᠲᠡᠭᠡᠭᠡᠳ?
ᠬᠥᠬᠡᠭᠴᠢᠨ᠄ ᠪᠢ ᠠᠯᠳᠠᠭᠰᠠᠨ ᠲᠡᠮᠡᠭᠡ ᠪᠡᠨ ᠡᠷᠢᠬᠦ ᠪᠡᠷ ᠶᠠᠪᠤᠬᠤ ᠳ᠋ᠠᠭᠠᠨ ᠶᠠᠳᠠᠷᠠᠬᠤ ᠡᠴᠡ ᠠᠶᠤᠨ ᠬᠠᠷᠠ ᠪᠠᠢᠰᠢᠩ ᠤ᠋ᠨ ᠢ᠋ᠶ᠋ᠠᠨ ᠬᠠᠲᠠᠪᠴᠢ ᠡᠴᠡ ᠨᠢᠭᠡ ᠵᠢᠷᠣᠭᠠ ᠰᠢᠷᠭᠠ ᠮᠣᠷᠢ ᠶ᠋ᠢ ᠮᠢᠩᠭᠠᠨ ᠯᠠᠩ ᠮᠥᠩᠭᠥ ᠪᠡᠷ ᠬᠤᠳᠠᠯᠳᠤᠨ ᠠᠪᠴᠤ ᠤᠨᠤᠭᠠᠳ ᠶᠠᠪᠤᠯᠠ᠃
ᠬᠥᠬᠡ᠄ ᠰᠠᠢᠨ ᠤᠨᠤᠭᠠ ᠲᠠᠢ ᠪᠣᠯᠵᠠᠢ᠃ ᠬᠤᠷᠳᠤᠨ ᠡᠷᠢᠯ ᠳ᠋ᠦ᠍ ᠭᠠᠷᠤᠯᠠ ᠪᠢᠵᠡ?
ᠬᠥᠬᠡᠭᠴᠢᠨ᠄ ᠠᠯᠳᠠᠭᠰᠠᠨ ᠲᠡᠮᠡᠭᠡ ᠪᠡᠨ ᠲᠥᠯᠭᠡ ᠦᠵᠡᠳᠡᠭ ᠲᠦᠮᠡᠨ ᠬᠤᠳᠠᠯᠴᠢ᠂ ᠳᠠᠯᠤ ᠰᠢᠨᠵᠢᠳᠡᠭ ᠳᠠᠯᠠᠨ ᠬᠤᠳᠠᠯᠴᠢ᠂ ᠵᠠᠶᠠᠭᠠ ᠪᠣᠳᠣᠳᠠᠭ ᠵᠢᠷᠠᠨ ᠬᠤᠳᠠᠯᠴᠢ ᠨᠠᠷ ᠢ᠋ᠶ᠋ᠠᠷ ᠲᠥᠯᠭᠡ ᠦᠵᠡᠭᠦᠯᠪᠡ᠃
ᠬᠥᠬᠡ᠄ ᠣᠯᠠᠨ ᠲᠥᠯᠭᠡᠴᠢ ᠶᠠᠭᠤ ᠭᠡᠵᠦ ᠬᠡᠯᠡᠪᠡ ᠲᠠ?
ᠬᠥᠬᠡᠭᠴᠢᠨ᠄ ᠡᠷᠢᠭᠡᠳ ᠶᠠᠪᠤᠪᠠᠯ ᠣᠯᠬᠤ ᠦᠭᠡᠢ ᠶᠤᠮ ᠪᠠᠢᠨᠠ᠂ ᠡᠷᠢᠬᠦ ᠦᠭᠡᠢ ᠪᠣᠯ ᠣᠯᠬᠤ ᠶᠤᠮ ᠪᠠᠢᠨᠠ ᠭᠡᠵᠦ ᠬᠡᠯᠡᠪᠡ᠃
ᠬᠥᠬᠡ᠄ ᠲᠡᠭᠡᠪᠡᠯ ᠲᠡᠮᠡᠭᠡ ᠴᠢᠨᠢ ᠥᠪᠡᠷ ᠢ᠋ᠶ᠋ᠡᠨ ᠢᠷᠡᠬᠦ ᠶᠤᠮ ᠪᠠᠢᠯᠭᠦᠢ ᠳᠠ!
ᠬᠥᠬᠡᠭᠴᠢᠨ᠄ ᠪᠢ ᠪᠣᠯ ᠬᠤᠳᠠᠯᠴᠢ ᠬᠥᠮᠦᠨ ᠢ᠋ ᠶᠡᠷᠦ ᠡᠴᠡ ᠢᠳᠡᠭᠳᠡᠭ ᠦᠭᠡᠢ ᠪᠣᠯᠬᠣᠷ ᠲᠡᠮᠡᠭᠡ ᠪᠡᠨ ᠡᠷᠢᠵᠦ᠂ ᠣᠭᠴᠢᠨ ᠪᠠᠢᠪᠠᠯ ᠦᠵᠡᠵᠦ᠂ ᠣᠷᠣᠢ ᠪᠠᠢᠪᠠᠯ ᠭᠠᠷᠴᠤ᠂ ᠰᠢᠯᠢ ᠪᠠᠢᠪᠠᠯ ᠬᠡᠰᠦᠵᠦ᠂ ᠰᠢᠷᠡᠭᠡ ᠲᠡᠮᠡᠭᠡ ᠪᠠᠢᠪᠠᠯ ᠦᠵᠡᠵᠦ ᠶᠠᠪᠤᠲᠠᠯᠠ᠂ ᠨᠢᠭᠡ ᠬᠤᠳᠳᠤᠭ ᠲᠠᠭᠠᠷᠠᠯᠳᠤᠭᠠᠳ ᠮᠣᠷᠢ ᠪᠠᠨ ᠤᠰᠤᠯᠠᠬᠤ ᠭᠡᠰᠡᠨ ᠴᠢᠨᠢ ᠤᠳᠬᠤᠭᠤᠷ ᠦᠭᠡᠢ ᠪᠣᠯᠬᠤᠯᠠ ᠲᠣᠯᠣᠭᠠᠢ ᠪᠠᠨ ᠠᠪᠴᠤ ᠤᠳᠬᠤᠭᠤᠷ ᠪᠣᠯᠭᠠᠨ ᠮᠣᠷᠢ ᠪᠠᠨ ᠤᠰᠤᠯᠠᠭᠠᠳ ᠶᠠᠪᠤᠬᠤ ᠳ᠋ᠠᠭᠠᠨ ᠲᠣᠯᠣᠭᠠᠢ ᠪᠠᠨ ᠠᠪᠬᠤ ᠪᠠᠨ ᠲᠠᠭ ᠮᠠᠷᠲᠠᠭᠠᠳ ᠶᠠᠪᠤᠵᠤ ᠪᠠᠢᠲᠠᠯᠠ᠂ ᠬᠡᠳᠦᠨ ᠬᠥᠮᠦᠨ ᠲᠡᠢ ᠠᠭᠤᠯᠵᠠᠭᠰᠠᠨ ᠳ᠋ᠤ᠌ ᠲᠡᠳᠡ ᠨᠠᠮᠠᠢ ᠶ᠋ᠢ ᠲᠣᠯᠣᠭᠠᠢ ᠦᠭᠡᠢ ᠴᠢᠳᠬᠥᠷ ᠶᠠᠪᠤᠵᠤ ᠪᠠᠢᠨᠠ ᠭᠡᠳ ᠨᠠᠮᠠᠶ᠋ᠢ ᠪᠠᠷᠢᠬᠤ ᠪᠠᠷ ᠬᠥᠭᠡᠭᠡᠭᠰᠡᠨ ᠳ᠋ᠦ᠍᠂ ᠪᠢ ᠭᠡᠳᠡᠷᠭᠦ ᠳᠤᠲᠠᠭᠠᠵᠤ ᠬᠤᠳᠳᠤᠭ ᠳᠡᠭᠡᠷᠡ ᠪᠡᠨ ᠢᠷᠡᠭᠰᠡᠨ ᠳ᠋ᠦ᠍᠂ᠬᠠᠷᠢᠨ ᠮᠢᠨᠦ ᠲᠣᠯᠣᠭᠠᠢ ᠶ᠋ᠢᠨ ᠨᠠᠷᠠᠨ ᠲᠠᠯᠠ ᠶ᠋ᠢ ᠨᠠᠭᠠᠯᠳᠤᠭᠰᠠᠨ ᠨᠢ ᠬᠥᠯᠳᠡᠵᠦ᠂ ᠰᠡᠭᠦᠳᠡᠷ ᠲᠠᠯᠠ ᠨᠢ ᠬᠠᠢᠯᠤᠭᠠᠳ ᠢᠯᠵᠢᠷᠡᠵᠦ᠂ ᠨᠠᠮᠠᠶ᠋ᠢ ᠦᠵᠡᠭᠡᠳ ᠮᠠᠭᠰᠢᠨ ᠢᠨᠢᠶᠡᠵᠦ ᠪᠠᠢᠯᠠ᠃ ᠪᠢ ᠲᠣᠯᠣᠭᠠᠢ ᠪᠠᠨ ᠠᠪᠴᠤ ᠴᠡᠭᠡᠵᠢᠨ ᠳᠡᠭᠡᠷᠡ ᠪᠡᠨ ᠲᠠᠯᠪᠢᠭᠠᠳ ᠴᠢᠨᠠᠭᠰᠢ ᠶᠠᠪᠤᠵᠤ ᠪᠠᠢᠲᠠᠯᠠ ᠨᠣᠢᠷ ᠬᠦᠷᠬᠦᠯᠡ ᠮᠣᠷᠢᠨ ᠡᠴᠡ ᠪᠠᠨ ᠪᠠᠭᠤᠵᠤ ᠤᠨᠲᠠᠪᠠ᠃ ᠨᠣᠢᠷ ᠤ᠋ᠨ ᠳᠤᠮᠳᠠ ᠬᠠᠷᠢᠨ ᠲᠦᠰ ᠲᠦᠰ ᠭᠡᠰᠡᠨ ᠳᠠᠭᠤᠨ ᠭᠠᠷᠴᠤ᠂ ᠪᠢ ᠨᠣᠢᠷ ᠡᠴᠡ ᠪᠠᠨ ᠰᠡᠷᠡᠪᠡ᠃
ᠬᠥᠬᠡ᠄ ᠲᠦᠰ ᠲᠦᠰ ᠭᠡᠵᠦ ᠶᠠᠭᠤ ᠳᠤᠤᠭᠠᠷᠴᠤ ᠪᠠᠢᠬᠤ ᠪᠣᠢ?
ᠬᠥᠬᠡᠭᠴᠢᠨ᠄ ᠪᠢ ᠪᠣᠰᠤᠭᠠᠳ ᠦᠵᠡᠬᠦᠯᠡ ᠬᠠᠷᠢᠨ ᠶᠠᠯᠮᠠᠨ ᠠᠪᠠᠭᠠᠢ ᠰᠡᠭᠦᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠯᠢᠶᠠᠩᠬᠢ ᠪᠣᠯᠭᠠᠵᠤ ᠴᠢᠬᠢ ᠪᠡᠷ ᠢ᠋ᠶ᠋ᠡᠨ ᠳᠡᠪᠢᠭᠦᠷ ᠪᠣᠯᠭᠠᠵᠤ᠂ ᠰᠥᠯᠢᠭᠡᠷ ᠴᠣᠬᠢᠵᠤ ᠪᠠᠢᠵᠠᠢ᠃ ᠪᠢ ᠶᠠᠯᠮᠠᠨ ᠠᠪᠠᠭᠠᠢ ᠡᠴᠡ ᠲᠡᠮᠡᠭᠡ ᠪᠡᠨ ᠠᠰᠠᠭᠤᠭᠰᠠᠨ ᠳ᠋ᠤ᠌ ᠭᠤᠷᠪᠠᠨ ᠵᠢᠯ ᠦ᠋ᠨ ᠡᠮᠦᠨᠡ ᠰᠢᠷᠡᠭᠡ ᠴᠠᠭᠠᠨ ᠲᠡᠮᠡᠭᠡ ᠢᠷᠡᠵᠦ᠂ ᠮᠢᠨᠦ ᠲᠠᠯᠬᠠ ᠶ᠋ᠢ ᠴᠠᠳᠲᠠᠯᠠ ᠢᠳᠡᠭᠡᠳ ᠦᠨᠡᠬᠡᠷ ᠰᠠᠢᠬᠠᠨ ᠲᠠᠯᠬᠠ ᠪᠠᠢᠨᠠ ᠳᠠ ᠭᠡᠵᠦ ᠬᠡᠯᠡᠭᠡᠳ ᠶᠠᠪᠤᠭᠰᠠᠨ ᠪᠢᠯᠡ ᠭᠡᠪᠡ᠃ ᠪᠢ ᠰᠤᠷᠠᠭ ᠢ᠋ ᠨᠢ ᠰᠣᠨᠣᠰᠤᠯᠠ᠃
ᠬᠥᠬᠡ᠄ ᠰᠤᠷᠠᠭ ᠢ᠋ ᠨᠢ ᠰᠣᠨᠣᠰᠤᠭᠰᠠᠨ ᠪᠣᠯ ᠬᠤᠷᠳᠤᠨ ᠡᠷᠢᠨᠡ ᠪᠢᠵᠡ?
ᠬᠥᠬᠡᠭᠴᠢᠨ᠄ᠲᠡᠭᠡᠯᠭᠦᠢ᠂ ᠰᠤᠷᠠᠭ ᠢ᠋ ᠨᠢ ᠰᠣᠨᠣᠰᠤᠭᠰᠠᠨ ᠨᠢ ᠣᠯᠤᠭᠰᠠᠨ ᠲᠠᠢ ᠠᠳᠠᠯᠢ᠂ ᠲᠡᠨᠳᠡ ᠡᠴᠡ ᠴᠢᠨᠠᠭᠰᠢ ᠰᠢᠷᠬᠡ ᠴᠠᠢᠳᠠᠮ ᠢ᠋ ᠵᠦᠰᠦᠵᠦ᠂ ᠬᠥᠲᠥᠯ ᠬᠥᠨᠳᠡᠢ ᠶ᠋ᠢ ᠭᠡᠲᠦᠯᠵᠦ᠂ ᠬᠡᠳᠦᠨ ᠵᠠᠭᠤᠨ ᠤ᠋ ᠭᠠᠵᠠᠷ ᠢ᠋ ᠬᠣᠢᠨᠠ ᠪᠠᠨ ᠣᠷᠬᠢᠵᠤ ᠶᠠᠪᠤᠲᠠᠯᠠ ᠶᠠᠭ ᠲᠠᠵᠢᠣᠠᠮᠡ ᠶ᠋ᠢᠨ ᠭᠡᠷ ᠲᠦ᠍ ᠬᠦᠷᠦᠯᠡ᠃
ᠬᠥᠬᠡ᠄ ᠲᠡᠭᠡᠭᠡᠳ ᠶᠠᠭᠠᠬᠢᠬᠤᠪ?
ᠬᠥᠬᠡᠭᠴᠢᠨ᠄ ᠳᠡᠵᠢᠳᠮᠠ ᠶ᠋ᠢᠨ ᠬᠡᠦᠬᠡᠨ ᠲᠡᠢ ᠪᠦᠲᠦᠨᠡ ᠰᠢᠪᠠᠭᠤ ᠰᠢᠭ᠋ ᠬᠡᠷᠡᠯᠳᠦᠵᠦ ᠪᠥᠭᠡᠰᠦ ᠰᠢᠭ ᠴᠢᠬᠢᠯᠳᠦᠵᠦ ᠰᠠᠭᠤᠭᠠᠳ ᠭᠤᠷᠪᠠᠨ ᠵᠢᠯ ᠪᠣᠯᠵᠤ᠂ ᠲᠡᠮᠡᠭᠡ ᠲᠡᠮᠡᠭᠡ ᠪᠡᠷ ᠱᠥᠯᠥ ᠤᠤᠭᠤᠵᠤ᠂ ᠲᠡᠷᠭᠡ ᠲᠡᠷᠭᠡ ᠪᠡᠷ ᠡᠮ ᠤᠤᠭᠤᠵᠤ᠂ ᠲᠡᠮᠪᠦᠦ ᠶᠠᠷᠠ ᠭᠠᠷᠴᠤ ᠨᠠᠷᠭᠢᠪᠠ᠃
ᠬᠥᠬᠡ᠄ ᠠᠯᠳᠠᠭᠤᠯ ᠢ᠋ᠶ᠋ᠠᠨ ᠡᠷᠢᠬᠦ ᠪᠡᠨ ᠪᠠᠢᠴᠢᠬᠠᠭᠰᠠᠨ ᠶᠤᠮ ᠤᠤ?
ᠬᠥᠬᠡᠭᠴᠢᠨ᠄ ᠲᠡᠨᠳᠡ ᠡᠴᠡ ᠴᠠᠭᠠᠰᠢ ᠶᠠᠪᠤᠵᠤ ᠱᠠᠭᠳᠠᠷ ᠮᠡᠢᠷᠡᠨ ᠦ᠌ ᠳ᠋ᠦ᠍ ᠬᠦᠷᠬᠦᠯᠡ ᠭᠤᠷᠪᠠᠨ ᠵᠢᠯ ᠰᠤᠪᠠᠢᠷᠠᠭᠰᠠᠨ ᠬᠠᠯᠵᠠᠨ ᠬᠠᠷᠠ ᠪᠠᠲᠠᠭᠠᠨᠠ ᠶ᠋ᠢ ᠠᠯᠠᠵᠤ᠂ ᠨᠠᠳᠠ ᠳᠥᠷᠪᠡᠨ ᠥᠨᠳᠥᠷ ᠬᠠᠪᠢᠰᠤ ᠶ᠋ᠢ ᠨᠢ ᠴᠢᠨᠠᠵᠤ ᠦᠭᠭᠦᠭᠰᠡᠨ ᠳ᠋ᠦ᠍ ᠪᠢ ᠠᠷᠠᠢ ᠴᠢᠷᠠᠢ ᠢᠳᠡᠵᠦ ᠪᠠᠷᠠᠭᠠᠳ ᠴᠢᠨᠠᠭᠰᠢ ᠶᠠᠪᠤᠯᠠ᠃ ᠨᠠᠷᠠᠨ ᠣᠷᠣᠢᠲᠠᠬᠤᠯᠠ ᠪᠢ ᠬᠥᠳᠡᠭᠡ ᠤᠨᠲᠠᠵᠤ ᠪᠠᠢᠲᠠᠯᠠ ᠨᠣᠢᠷ ᠳᠣᠲᠣᠷᠠ ᠬᠡᠷᠡᠭᠦᠯ ᠵᠣᠳᠣᠭᠠᠨ ᠪᠣᠯᠪᠠ᠃ ᠪᠢ ᠰᠡᠷᠡᠭᠡᠳ ᠦᠵᠡᠬᠦᠯᠡ ᠬᠠᠷᠢᠨ ᠮᠢᠨᠦ ᠬᠣᠶᠠᠷ ᠭᠤᠲᠤᠯ ᠬᠣᠭᠣᠷᠣᠨᠳᠣ ᠪᠠᠨ ᠴᠢ ᠶᠡᠬᠡ ᠲᠣᠰᠣ ᠢᠳᠡᠯᠡ᠂ ᠪᠢ ᠪᠠᠭᠠ ᠲᠣᠰᠣ ᠢᠳᠡᠯᠡ ᠭᠡᠵᠦ ᠬᠡᠷᠡᠭᠦᠯᠳᠡᠵᠦ ᠪᠠᠢᠵᠠᠢ᠃ ᠪᠢ ᠵᠥᠪ ᠪᠤᠷᠤᠭᠤ ᠭᠡᠰᠡᠨ ᠦᠭᠡᠢ ᠪᠡᠷ ᠬᠣᠶᠠᠷ ᠭᠤᠲᠤᠯ ᠢ᠋ᠶ᠋ᠠᠨ ᠨᠢᠭᠡ ᠨᠢᠭᠡ ᠠᠯᠠᠭᠠᠲᠠᠯᠠ᠂ ᠤᠴᠢᠷ ᠨᠢ ᠤᠷᠢᠲᠠᠢ ᠢᠳᠡᠭᠰᠡᠨ ᠪᠠᠲᠠᠭᠠᠨᠠ ᠶ᠋ᠢᠨ ᠬᠠᠪᠢᠰᠤᠨ ᠤ᠋ ᠲᠣᠰᠣ ᠶ᠋ᠢ ᠭᠤᠲᠤᠯ ᠳ᠋ᠠᠭᠠᠨ ᠠᠷᠴᠢᠭᠰᠠᠨ ᠡᠴᠡ ᠬᠡᠷᠡᠭᠦᠯ ᠵᠣᠳᠣᠭᠠᠨ ᠪᠣᠯᠤᠭᠰᠠᠨ ᠪᠠᠢᠵᠠᠢ᠃
ᠬᠥᠬᠡ᠄ ᠲᠡᠭᠡᠭᠡᠳ ᠶᠠᠭᠠᠬᠢᠬᠤᠪ?
ᠬᠥᠬᠡᠭᠴᠢᠨ᠄ ᠲᠡᠨᠳᠡ ᠡᠴᠡ ᠮᠣᠷᠢᠨ ᠳ᠋ᠠᠭᠠᠨ ᠮᠣᠷᠳᠠᠭᠠᠳ ᠶᠠᠪᠤᠲᠠᠯᠠ ᠬᠠᠷᠢᠨ ᠮᠢᠨᠦ ᠡᠷᠢᠭᠰᠡᠨ ᠰᠡᠷᠡᠭᠡ ᠴᠠᠭᠠᠨ ᠢᠩᠭᠡ ᠶ᠋ᠢᠨ ᠰᠡᠷᠡᠭᠡ ᠪᠦᠬᠦ ᠨᠢ ᠰᠢᠷᠢ ᠪᠣᠯᠤᠭᠠᠳ ᠰᠠᠢᠷᠠᠨ ᠲᠠᠪᠠᠭ ᠨᠢ ᠢᠯᠭᠢ ᠪᠣᠯᠤᠭᠠᠳ ᠰᠠᠶᠢ ᠪᠣᠲᠣᠭᠣᠯᠠᠵᠤ ᠪᠠᠢᠵᠠᠢ᠃ ᠪᠢ ᠪᠠᠶᠠᠷᠯᠠᠭᠠᠳ ᠡᠬᠡ ᠶ᠋ᠢ ᠨᠢ ᠤᠨᠤᠭᠠᠳ ᠪᠣᠲᠣᠭᠣ ᠶ᠋ᠢ ᠨᠢ ᠳᠡᠭᠦᠷᠡᠭᠡᠳ ᠶᠠᠪᠤᠬᠤ ᠭᠡᠰᠡᠨ ᠴᠢᠨᠢ ᠪᠣᠰᠴᠤ ᠴᠢᠳᠠᠭᠰᠠᠨ ᠦᠭᠡᠢ᠂ ᠬᠠᠷᠢᠨ ᠪᠣᠲᠣᠭᠣ ᠶ᠋ᠢ ᠨᠢ ᠤᠨᠤᠭᠠᠳ ᠡᠬᠡ ᠶ᠋ᠢ ᠨᠢ ᠳᠡᠭᠦᠷᠡᠭᠡᠳ ᠶᠠᠪᠤᠭᠰᠠᠨ ᠴᠢᠨᠢ ᠣᠷᠣᠢ ᠤᠬᠴᠢᠨ ᠦᠭᠡᠢ ᠲᠠᠪᠠᠷᠠᠭᠠᠵᠤ ᠲᠡᠰᠢᠭᠦᠯᠦᠨ ᠶᠠᠪᠤᠭᠠᠳ ᠬᠠᠷᠢᠵᠤ ᠢᠷᠡᠯᠡ ᠃
ᠬᠥᠬᠡ᠄ ᠣᠳᠣ ᠲᠡᠮᠡᠭᠡ ᠪᠡᠨ ᠣᠯᠤᠭᠠᠳ ᠬᠠᠷᠢᠵᠤ ᠢᠷᠡᠭᠰᠡᠨ ᠶᠤᠮ ᠴᠢᠨᠢ ᠠᠮᠠᠷᠠᠵᠤ ᠰᠠᠭᠤᠨᠠ ᠪᠢᠵᠡ?
ᠬᠥᠬᠡᠭᠴᠢᠨ᠄ ᠶᠠᠭᠤᠨ ᠤ᠋ ᠠᠮᠠᠷᠠᠬᠤ ᠶᠤᠮ ᠪᠠᠢᠬᠤᠪ᠂ ᠬᠠᠷᠢᠨ ᠸᠠᠩᠵᠢᠯ ᠸᠠᠩ ᠵᠠᠬᠢᠶᠠ ᠪᠠᠭᠤᠵᠤ᠂ ᠬᠤᠳᠠᠯᠴᠢ ᠨᠠᠮᠠᠶ᠋ᠢ ᠪᠡᠷᠢ ᠭᠡᠳ ᠮᠢᠩᠭᠠᠨ ᠴᠡᠷᠢᠭ ᠭᠠᠷᠭᠠᠵᠤ ᠡᠷᠢᠵᠦ ᠪᠠᠢᠭᠰᠠᠨ ᠲᠠᠢ ᠲᠠᠭᠠᠷᠠᠯᠳᠤᠭᠠᠳ ᠪᠢ ᠪᠠᠷᠢᠭᠳᠠᠪᠠ᠃
ᠬᠥᠬᠡ᠄ ᠬᠠᠷᠠᠯᠠ᠂ ᠣᠳᠣ ᠶᠠᠭᠠᠬᠢᠳᠠᠭ ᠪᠢᠯᠡ?
ᠬᠥᠬᠡᠭᠴᠢᠨ᠄ ᠨᠠᠮᠠᠶ᠋ᠢ ᠣᠯᠠᠨ ᠴᠡᠷᠢᠭ ᠪᠦᠰᠡᠯᠡᠨ ᠵᠣᠭᠰᠣᠵᠤ᠂ ᠰᠢᠢᠳᠬᠡᠭᠴᠢ ᠨᠣᠶᠠᠨ ᠰᠢᠷᠡᠭᠡ ᠵᠠᠰᠠᠵᠤ ᠨᠠᠮᠠᠶ᠋ᠢ ᠰᠢᠭᠦᠬᠦ ᠪᠡᠷ ᠪᠡᠯᠡᠳᠬᠡᠯᠡ᠃
ᠬᠥᠬᠡ᠄ ᠣᠳᠣ ᠲᠦᠪᠡᠭ ᠲᠡᠢ ᠪᠣᠯᠤᠯᠠ᠃ ᠶᠠᠭᠠᠬᠢᠪᠠᠯ ᠰᠠᠢᠨ ᠪᠣᠯ ᠳᠠ?
ᠬᠥᠬᠡᠭᠴᠢᠨ᠄ ᠰᠢᠭᠦᠭᠴᠢ ᠨᠣᠶᠠᠨ ᠳ᠋ᠤ᠌ ᠮᠡᠳᠡᠭᠦᠯᠵᠦ ᠬᠡᠯᠡᠭᠰᠡᠨ ᠪᠣᠯ᠂ ᠵᠠ! ᠮᠢᠨᠦ ᠬᠤᠳᠠᠯ ᠬᠡᠯᠡᠵᠦ ᠣᠯᠠᠨ ᠢ᠋ ᠮᠡᠬᠡᠯᠡᠵᠦ ᠶᠠᠪᠤᠭᠰᠠᠨ ᠪᠣᠯ ᠪᠤᠷᠤᠭᠤ᠂ ᠭᠡᠪᠡᠴᠦ ᠨᠠᠮᠠᠶ᠋ᠢ ᠬᠤᠳᠠᠯ ᠬᠡᠯᠡᠬᠦ ᠡᠴᠡ ᠡᠮᠦᠨᠡ᠂ ᠨᠠᠮᠠᠶ᠋ᠢ ᠰᠢᠢᠳᠬᠡᠭᠰᠡᠨ ᠦᠭᠡᠢ ᠪᠣᠯ ᠲᠠᠨ ᠤ᠋ ᠪᠤᠷᠤᠭᠤ᠂ ᠮᠢᠨᠦ ᠡᠨᠡ ᠮᠣᠷᠢ ᠪᠣᠯ ᠲᠤᠤᠬᠠ ᠨᠢᠷᠤᠭᠤ ᠶ᠋ᠢ ᠨᠢ ᠪᠢ ᠪᠠᠷᠠᠭᠰᠠᠨ ᠶᠤᠮ᠂ ᠲᠤᠭ ᠰᠡᠭᠦᠯ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠮᠢᠬᠤᠸᠠᠷ᠂ ᠤᠶᠤᠨᠴᠢᠮᠡᠭ᠂ ᠨᠠ᠊᠂ ᠴᠠᠭᠠᠨ᠂ ᠣᠳᠬᠠᠨᠴᠡᠴᠡᠭ᠂ ᠪᠥᠷᠢᠠᠴᠠᠴᠡᠭ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ᠂ ᠲᠣᠳᠤᠭᠡᠷᠡᠯ ᠂ᠲᠣᠭᠲᠠᠭᠤᠨ