ᠥᠷᠭᠡᠰᠦᠲᠦ ᠬᠡᠮᠬᠡ ᠬᠤᠯᠤᠭᠠᠨᠠ ᠬᠣᠶᠠᠷ-ᠰᠠᠷᠠᠨᠭᠡᠷᠡᠯ ᠤᠩᠰᠢᠪᠠ Өргөст хэмх хулгана хоёр-Сарангэрэл уншив
705ᠥᠷᠭᠡᠰᠦᠲᠦ ᠬᠡᠮᠬᠡ ᠬᠤᠯᠤᠭᠠᠨᠠ ᠬᠣᠶᠠᠷ
ᠰᠠᠷᠠᠨᠭᠡᠷᠡᠯ ᠤᠩᠰᠢᠪᠠ
ᠲᠠᠮᠰᠢᠶᠠᠯᠠᠵᠤ ᠢᠳᠡᠬᠦ ᠡᠴᠡ ᠥᠭᠡᠷᠡ ᠶ᠋ᠢ ᠮᠡᠳᠡᠳᠡᠭ ᠦᠭᠡᠢ ᠲᠠᠷᠭᠤᠨ᠂ ᠵᠠᠯᠠᠬᠠᠢ ᠬᠤᠯᠤᠭᠠᠨᠠ ᠶ᠋ᠢᠨ ᠲᠤᠬᠠᠢ ᠦᠯᠢᠭᠡᠷ᠂ ᠲᠠᠭᠠᠯᠠᠨ ᠪᠣᠯᠭᠣᠭᠠᠨᠠ ᠤᠤ᠂ ᠪᠠᠭᠠᠴᠤᠤᠯ ᠠ᠋᠂
ᠲᠡᠷᠡ ᠬᠤᠯᠤᠭᠠᠨᠠ ᠥᠷᠯᠥᠭᠡ ᠪᠣᠰᠤᠩᠭᠤᠲᠠ ᠪᠠᠨ《ᠰᠠᠨᠠᠭᠠ ᠠᠮᠤᠷ᠂ ᠭᠡᠳᠡᠰᠦ ᠴᠠᠳᠬᠤᠯᠠᠩ ᠠᠮᠢᠳᠤᠷᠠᠬᠤ ᠰᠠᠨ》 ᠭᠡᠮᠡᠨ ᠦᠭᠡᠯᠡᠵᠦ ᠱᠣᠭᠰᠢᠷᠠᠵᠤ ᠭᠠᠷᠳᠠᠭ ᠶᠤᠮ᠃
ᠲᠡᠭᠡᠭᠡᠳ ᠨᠦᠬᠡᠨ ᠡᠴᠡ ᠪᠡᠨ ᠭᠠᠷᠴᠤ ᠭᠠᠷ ᠰᠤᠯᠠ ᠬᠥᠯ ᠬᠥᠰᠡᠷ ᠬᠡᠪᠲᠡᠵᠦ ᠪᠠᠢᠭᠠᠳ ᠥᠭᠡᠷᠡ ᠨᠢᠭᠡ ᠬᠤᠯᠤᠭᠠᠨᠠ ᠶ᠋ᠢᠨ ᠨᠦᠬᠡ ᠤᠷᠤᠭᠤ ᠳᠠᠭᠠᠷᠢᠵᠤ ᠬᠤᠷᠢᠶᠠᠵᠤ ᠴᠤᠭᠯᠠᠭᠤᠯᠤᠭᠰᠠᠨ ᠢ᠋ ᠨᠢ ᠬᠠᠤ ᠬᠠᠮᠤᠵᠤ ᠢᠳᠡᠨᠡ᠃
ᠪᠣᠷᠣ ᠬᠤᠯᠤᠭᠠᠨᠠ ᠨᠤᠭᠤᠳ ᠴᠥᠮ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠣᠷᠪᠢ ᠪᠣᠬᠢᠰᠬᠢᠬᠦ ᠦᠭᠡᠢ ᠭᠦᠶᠦᠯᠳᠦᠵᠦ ᠪᠠᠢᠬᠤ ᠳ᠋ᠤ᠌ ᠵᠠᠯᠬᠠᠭᠤ ᠬᠤᠯᠤᠭᠠᠨᠠ ᠬᠠᠷᠢᠨ ᠪᠤᠰᠤᠳ ᠤ᠋ᠨ ᠬᠣᠭᠣᠯᠠ ᠶ᠋ᠢ ᠪᠤᠯᠢᠶᠠᠵᠤ ᠢᠳᠡᠴᠢᠬᠡᠭᠡᠳ ᠪᠤᠲᠠᠨ ᠤ᠋ ᠢᠷᠣᠭᠠᠷ ᠲᠤ᠌ ᠰᠠᠬᠠᠯ ᠢ᠋ᠶ᠋ᠠᠨ ᠰᠡᠷᠪᠡᠯᠵᠡᠭᠦᠯᠦᠭᠡᠳ ᠤᠨᠲᠠᠵᠤ ᠯᠠ ᠪᠠᠢᠨᠠ᠂ ᠤᠨᠲᠠᠵᠤ ᠪᠣᠰᠤᠭᠠᠳ ᠤᠬᠤᠰᠬᠢᠭᠡᠳ ᠪᠦᠯᠢ ᠨᠢᠭᠡᠲᠡᠨ ᠢ᠋ᠶ᠋ᠡᠨ ᠲᠦᠢᠪᠡᠭᠡᠵᠦ ᠪᠦᠬᠦ ᠬᠣᠭᠣᠯᠠ ᠶ᠋ᠢ ᠨᠢ ᠪᠤᠯᠢᠶᠠᠵᠤ ᠢᠳᠡᠨᠡ᠂ ᠲᠠᠷᠭᠤᠨ ᠴᠤ᠌ ᠭᠡᠵᠦ ᠵᠢᠭᠲᠡᠢᠬᠡᠨ ᠰᠡᠭᠦᠯ ᠳ᠋ᠦ᠍ ᠪᠡᠨ ᠥᠭᠡᠬᠦ ᠨᠢ ᠲᠤᠯᠤᠭᠠᠳ ᠬᠠᠷᠢᠭᠤ ᠦᠭᠡᠢ ᠬᠠᠭᠠᠷᠠᠬᠤ ᠳ᠋ᠤ᠌ ᠪᠠᠨ ᠲᠤᠯᠵᠠᠢ᠃
ᠲᠡᠭᠡᠭᠡᠳ ᠨᠢᠭᠡ ᠡᠳᠦᠷ ᠨᠦᠬᠡᠨ ᠦ᠌ ᠪᠡᠨ ᠬᠠᠵᠠᠭᠤ ᠪᠠᠷ ᠤᠷᠤᠰᠳᠠᠭ ᠭᠣᠣᠯ ᠤ᠋ᠨ ᠡᠷᠭᠢ ᠳ᠋ᠦ᠍ ᠬᠡᠪᠲᠡᠵᠦ ᠪᠠᠢᠲᠠᠯᠠ ᠨᠢᠭᠡ ᠲᠣᠮᠣ ᠥᠷᠭᠡᠰᠦᠲᠦ ᠬᠡᠮᠬᠡ ᠬᠥᠪᠴᠦ ᠶᠠᠪᠤᠭᠠ ᠬᠠᠷᠠᠭᠳᠠᠵᠠᠢ᠂ ᠤᠮᠳᠠ ᠬᠣᠭᠣᠯᠠ ᠲᠠᠢ ᠪᠠᠢᠪᠠᠯ ᠤᠰᠤᠨ ᠳ᠋ᠤ᠌ ᠬᠥᠪᠴᠦ ᠶᠠᠪᠤᠭᠰᠠᠨ᠂ ᠭᠠᠵᠠᠷ ᠨᠦᠬᠡᠨ ᠳ᠋ᠦ᠍ ᠬᠡᠪᠲᠡᠭᠰᠡᠨ ᠬᠣᠶᠠᠷ ᠢᠯᠭᠠᠭᠠ ᠶᠠᠭᠤᠨ ᠭᠡᠵᠦ ᠪᠣᠳᠣᠭᠠᠳ ᠨᠥᠭᠦᠭᠡ ᠬᠤᠯᠤᠭᠠᠨᠠ ᠥᠷᠭᠡᠰᠦᠲᠦ ᠬᠡᠮᠬᠡ ᠤᠷᠤᠭᠤ ᠦᠰᠦᠷᠴᠦ ᠣᠷᠬᠢᠪᠠ᠂ ᠲᠡᠭᠡᠭᠡᠳ ᠨᠥᠭᠦᠭᠡ ᠥᠷᠭᠡᠰᠦᠲᠦ ᠬᠡᠮᠬᠡ ᠪᠡᠨ ᠮᠠᠷᠠᠭᠡᠳ ᠯᠡ᠂ ᠬᠦᠪᠦᠭᠡᠳ ᠯᠡ᠂ ᠬᠡᠪᠲᠡᠭᠡᠳ ᠶᠠᠪᠤᠭᠠᠳ ᠯᠠ ᠪᠠᠢᠵᠤ ᠭᠡᠨᠡ᠃
ᠪᠡᠶᠡ ᠪᠡᠨ ᠵᠣᠪᠠᠭᠠᠬᠤ ᠦᠭᠡᠢ ᠪᠡᠯᠡᠨ ᠬᠣᠭᠣᠯᠠ ᠲᠠᠢ ᠪᠣᠯᠤᠯᠠ ᠭᠡᠵᠦ ᠪᠣᠳᠣᠵᠤ ᠬᠡᠪᠲᠡᠭᠰᠡᠨ ᠬᠤᠯᠤᠭᠠᠨᠠ ᠨᠢᠭᠡ ᠮᠡᠳᠡᠭᠰᠡᠨ ᠴᠢᠨᠢ ᠲᠠᠭ ᠤᠨᠲᠠᠵᠤ ᠣᠷᠬᠢᠵᠠᠢ᠂ ᠬᠠᠮᠤᠭ ᠪᠡᠶᠡ ᠨᠢ ᠬᠦᠢᠲᠡ ᠳᠠᠭᠠᠭᠠᠭᠠᠳ ᠳᠠᠪ ᠬᠢᠭᠡᠳ ᠰᠡᠷᠡᠭᠰᠡᠨ ᠴᠢᠨᠢ ᠥᠷᠭᠡᠰᠦᠲᠦ ᠬᠡᠮᠬᠡ ᠪᠠᠷᠠ ᠦᠭᠡᠢ ᠪᠣᠯᠤᠭᠠᠳ ᠬᠥᠯ ᠦᠭᠡᠢ ᠤᠰᠤᠨ ᠳ᠋ᠤ᠌ ᠬᠥᠪᠴᠦ ᠶᠠᠪᠤᠬᠤ ᠨᠢ ᠲᠡᠷᠡ᠂ ᠢᠳᠡᠭᠰᠡᠭᠡᠷ ᠪᠠᠢᠭᠠᠳ ᠲᠡᠷᠡ ᠬᠤᠯᠤᠭᠠᠨᠠ ᠢᠩᠭᠢᠵᠦ ᠵᠢᠪᠴᠦ ᠦᠬᠦᠭᠰᠡᠨ ᠭᠡᠳᠡᠭ ᠶᠦ᠍ᠮ᠃
ᠪᠤᠰᠤᠳ ᠣᠯᠠᠨ ᠬᠤᠯᠤᠭᠠᠨᠠ ᠲᠡᠭᠦᠨ ᠦ᠌ ᠠᠯᠠᠭᠠ ᠪᠣᠯᠤᠭᠰᠠᠨ ᠢ᠋ ᠨᠢᠭᠡ ᠡᠳᠦᠷ ᠭᠡᠨᠡᠳᠲᠡᠬᠡᠨ ᠦᠭᠡᠢᠯᠡᠭᠡᠳ᠂
- ᠳᠡᠭᠡᠷᠡᠯᠬᠡᠦ ᠳᠡᠭᠡᠷᠡᠮᠴᠢᠨ ᠬᠤᠯᠤᠭᠠᠨᠠ ᠠᠰᠢᠭᠦᠢ ᠳᠠᠯᠳᠠ ᠣᠷᠣᠵᠤ᠂ ᠠᠬᠢᠵᠤ ᠪᠦᠦ ᠦᠵᠡᠭᠳᠡᠭᠡᠰᠡᠢ ᠭᠡᠰᠡᠨ ᠭᠡᠳᠡᠭ᠃
1 ᠵᠠᠯᠠᠬᠠᠢ- ᠰᠠᠯᠠᠩ ᠵᠠᠳᠠᠭᠠᠢ ᠴᠠᠯᠠᠭᠠᠷ ᠨᠠᠵᠠᠭᠠᠢ᠃
