ᠪᠦᠬᠦᠯᠢ ᠰᠢᠭᠦᠰᠦᠨ ᠦ᠌ ᠢᠷᠥᠭᠡᠯ-ᠰᠢᠷᠠ ᠪᠦᠰᠡᠲᠡᠨ᠂ ᠪᠦᠷᠢᠨᠪᠢᠯᠢᠭБүхэл шүүсэний ерөөл-Шар бүстэн,Бүрнбилэг
2251ᠪᠦᠬᠦᠯᠢ ᠰᠢᠭᠦᠰᠦᠨ ᠦ᠌ ᠢᠷᠥᠭᠡᠯ
ᠪᠦᠬᠦᠯᠢ ᠰᠢᠭᠦᠰᠦᠨ ᠦ᠌ ᠢᠷᠥᠭᠡᠯ
ᠰᠢᠷᠠ ᠪᠦᠰᠡᠲᠡᠨ᠂ ᠪᠦᠷᠢᠨᠪᠢᠯᠢᠭ
ᠵᠠ! ᠣᠮ ᠰᠠᠢᠨ ᠠᠮᠤᠭᠤᠯᠠᠩ ᠪᠣᠯᠲᠤᠭᠠᠢ!
ᠡᠩᠬᠡ ᠰᠠᠢᠨ ᠵᠢᠷᠭᠠᠯᠠᠩ ᠪᠣᠯᠲᠤᠭᠠᠢ!
ᠡᠷᠲᠡ ᠳᠡᠭᠡᠳᠦ ᠶ᠋ᠢᠨ ᠵᠤᠷᠰᠢᠯ
ᠡᠨᠡ ᠲᠥᠷᠥ ᠶ᠋ᠢᠨ ᠵᠠᠩᠰᠢᠯ
ᠤᠷᠢᠳᠤ ᠳᠡᠭᠡᠳᠦ ᠶ᠋ᠢᠨ ᠦᠶᠡ ᠡᠴᠡ
ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ ᠢᠳᠡᠭᠡᠨ
ᠤᠷᠤᠭ ᠲᠥᠷᠥᠯ ᠦ᠋ᠨ ᠣᠯᠠᠨ ᠳ᠋ᠠᠭᠠᠨ
ᠬᠥᠨᠳᠡᠵᠦ ᠪᠠᠷᠢᠭᠰᠠᠨ ᠢᠳᠡᠭᠡᠨ
ᠮᠢᠩᠭᠠᠨ ᠬᠣᠨᠢᠨ ᠤ᠋ ᠮᠠᠩᠯᠠᠢ
ᠲᠦᠮᠡᠨ ᠬᠣᠨᠢᠨ ᠤ᠋ ᠲᠦᠷᠦᠭᠦᠦ
ᠡᠷᠬᠢᠮ ᠨᠠᠢᠷ ᠲᠤ᠌ ᠳᠡᠪᠰᠢᠭᠦᠯᠦᠭᠰᠡᠨ
ᠡᠨᠡ ᠰᠠᠢᠬᠠᠨ ᠢᠷᠭᠡ ᠪᠣᠯ
ᠠᠯᠲᠠᠨ ᠥᠯᠥᠭᠡᠢ ᠨᠤᠲᠤᠭ ᠢ᠋ᠶ᠋ᠠᠷ
ᠪᠡᠯᠴᠢᠭᠡᠷ ᠶᠤᠭᠡᠨ ᠪᠣᠯᠭᠠᠭᠰᠠᠨ
ᠷᠠᠰᠢᠶᠠᠨ ᠪᠤᠯᠠᠭ ᠤ᠋ᠨ ᠤᠰᠤ ᠪᠠᠷ
ᠤᠮᠳᠠ ᠶᠤᠭᠠᠨ ᠪᠣᠯᠭᠠᠭᠰᠠᠨ
ᠠᠮᠪᠠᠨ ᠰᠠᠢᠬᠠᠨ ᠪᠡᠶᠡ ᠲᠡᠢ
ᠠᠴᠠ ᠳᠥᠷᠪᠡᠨ ᠲᠤᠭᠤᠷᠠᠢ ᠲᠠᠢ
ᠠᠩᠭᠠᠯ ᠴᠠᠩᠭᠠᠯ ᠤ᠋ᠨ ᠤᠰᠤ ᠪᠠᠷ
ᠠᠷᠠᠭ ᠶᠠᠰᠤ ᠨᠢ ᠪᠦᠲᠦᠭᠰᠡᠨ
ᠠᠭᠢ ᠳᠠᠭᠠᠨᠠ ᠶ᠋ᠢᠨ ᠰᠢᠮᠡ ᠪᠡᠷ
ᠠᠮᠲᠠ ᠴᠢᠨᠠᠷ ᠨᠢ ᠪᠦᠷᠢᠳᠦᠭᠰᠡᠨ
ᠳᠠᠪᠠᠭᠠᠨ ᠠᠷᠤ ᠶ᠋ᠢᠨ ᠪᠡᠯᠴᠢᠭᠡᠷ ᠲᠦ
ᠳᠠᠯᠤ ᠨᠢᠷᠤᠭᠤ ᠨᠢ ᠵᠤᠵᠠᠭᠠᠷᠠᠵᠤ
ᠳᠠᠪᠤᠰᠤᠨ ᠨᠠᠭᠤᠷ ᠤ᠋ᠨ ᠬᠤᠵᠢᠷ ᠲᠤ᠌
ᠲᠡᠰᠢᠶᠡ ᠰᠡᠭᠦᠯ ᠨᠢ ᠥᠭᠡᠬᠦᠯᠡᠭᠰᠡᠨ
ᠮᠣᠯᠣᠷ ᠡᠷᠳᠡᠨᠢ ᠶ᠋ᠢᠨ ᠲᠣᠯᠣᠭᠠᠢ ᠲᠠᠢ
ᠮᠤᠬᠤᠷ ᠡᠷᠳᠡᠨᠢ ᠶ᠋ᠢᠨ ᠣᠯᠣᠭᠠᠢ ᠲᠠᠢ
ᠬᠠᠨᠠ ᠮᠡᠲᠦ ᠬᠠ ᠲᠠᠢ
ᠬᠠᠭᠠᠯᠭᠠ ᠮᠡᠲᠦ ᠭᠤᠶᠠ ᠲᠠᠢ
ᠳᠤᠭᠤᠷᠠᠭᠬᠠᠨ ᠡᠪᠡᠷ ᠲᠡᠢ
ᠲᠥᠭᠥᠷᠢᠭᠬᠡᠨ ᠰᠡᠭᠦᠯ ᠲᠡᠢ
ᠲᠤᠩ ᠴᠠᠭᠠᠨ ᠬᠣᠨᠢᠨ ᠤ᠋
ᠲᠣᠯᠣᠭᠠᠢ ᠴᠠᠭᠠᠨ ᠰᠢᠭᠦᠰᠦ ᠶ᠋ᠢ
ᠵᠠᠭᠠᠮᠠᠯ ᠲᠠᠪᠠᠭ ᠲᠤ᠌ ᠬᠢᠵᠦ
ᠽᠠᠨᠳᠠᠨ ᠰᠢᠷᠡᠭᠡᠨ ᠳ᠋ᠦ᠍ ᠲᠠᠯᠪᠢᠭᠠᠳ
ᠤᠭᠤᠷᠠᠭ ᠰᠡᠭᠦᠯ ᠢ᠋ ᠨᠢ ᠬᠥᠨᠳᠡᠵᠦ
ᠤᠪᠤᠭᠠ ᠬᠠᠢᠷᠬᠠᠨ ᠳ᠋ᠤ᠌ ᠪᠠᠨ ᠡᠷᠭᠦᠶᠡ
ᠤᠭᠤᠴᠠ ᠬᠠᠵᠠᠭᠤ ᠶ᠋ᠢ ᠨᠢ ᠤᠨᠠᠭᠠᠵᠤ
ᠤᠷᠤᠭ ᠲᠥᠷᠥᠯ ᠳ᠋ᠡᠭᠡᠨ ᠪᠠᠷᠢᠶᠠ
ᠲᠥᠭᠡᠨᠡ ᠶ᠋ᠢ ᠨᠢ ᠲᠦᠮᠡᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠳᠡᠭᠡᠵᠢᠯᠡᠵᠦ
ᠲᠡᠭᠦᠰ ᠣᠯᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠠᠮᠰᠠᠮᠤ!
ᠪᠦᠬᠦᠯᠢ ᠶ᠋ᠢ ᠪᠥᠭᠡᠮ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠠᠮᠰᠠᠵᠤ
ᠪᠦᠭᠦᠳᠡ ᠣᠯᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠵᠣᠭᠣᠭᠯᠠᠮᠤ!
2024.9 ᠰᠠᠷᠠ ᠳ᠋ᠤ᠌ ᠡᠷᠢᠶᠡᠨ ᠬᠣᠲᠠᠨᠠ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠤᠤ᠂ ᠰᠠᠷᠠᠨᠠ
ᠦᠰᠦᠭ ᠬᠠᠲᠠᠭᠴᠢ᠄ ᠪᠦᠦ ᠰᠠᠷᠠᠨᠠ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ᠋