ᠡᠬᠡ ᠣᠷᠣᠨ ᠥᠲᠡᠯᠳᠡᠭ ᠦᠭᠡᠢ - ᠱ᠂ ᠭᠦᠷᠦᠪᠠᠽᠠᠷ Эх орон үдэлдэггүй - Ш᠂ Гүрбазар
832ᠡᠬᠡ ᠣᠷᠣᠨ ᠥᠲᠡᠯᠳᠡᠭ ᠦᠭᠡᠢ
ᠮᠥᠩᠬᠡ ᠶ᠋ᠢᠨ ᠡᠷᠡᠭᠡᠯᠵᠡᠭᠡ ᠶ᠋ᠢ ᠲᠠᠢᠯᠤᠭᠰᠠᠨ
ᠱᠠᠳ ᠭᠠᠭᠴᠠ ᠶ᠋ᠢ ᠵᠣᠬᠢᠶᠠᠴᠢᠬᠠᠯᠠ ᠳᠠ᠂ ᠪᠢ
ᠮᠥᠬᠥᠯ ᠦᠭᠡᠢ ᠠᠯᠲᠠᠨ ᠲᠡᠭᠦᠰᠬᠡᠯ ᠲᠡᠢ
ᠦᠨᠡᠨ ᠭᠠᠭᠴᠠ ᠶ᠋ᠢ ᠣᠯᠴᠢᠬᠠᠯᠠ ᠳᠠ᠂ ᠪᠢ
ᠡᠪᠦᠭᠡᠷᠡᠳᠡᠭ ᠦᠭᠡᠢ ᠲᠩᠷᠢ ᠶ᠋ᠢᠨ ᠳᠣᠣᠷᠠ
ᠥᠲᠡᠯᠳᠡᠭ ᠦᠭᠡᠢ ᠭᠠᠵᠠᠷ ᠰᠢᠷᠣᠢ ᠲᠠᠢ ᠪᠠᠨ
ᠪᠤᠲᠠᠷᠠᠳᠠᠭ ᠡᠷᠬᠡᠰ ᠦ᠋ᠨ ᠳᠣᠣᠷᠠ ᠴᠤ᠌
ᠪᠦᠲᠦᠨ ᠣᠷᠣᠰᠢᠬᠤ ᠭᠦᠷᠦᠨ ᠲᠡᠢ ᠳ᠋ᠡᠭᠡᠨ ᠣᠮᠣᠭᠰᠢᠶᠠ
ᠮᠥᠩᠬᠡ ᠶ᠋ᠢᠨ ᠦᠨᠡᠨ ᠦ᠌ ᠡᠷᠢᠯ ᠳ᠋ᠦ᠍
ᠬᠠᠲᠠᠭᠠᠳ ᠴᠤ᠌ ᠶᠠᠭᠠᠬᠢᠨᠠ
ᠮᠣᠩᠭᠣᠯ ᠮᠢᠨᠢ ᠪᠠᠢᠨᠠ
ᠡᠷᠭᠢᠵᠦ ᠲᠥᠷᠥᠬᠦ ᠡᠴᠡ ᠡᠷᠡᠭᠡᠯᠵᠡᠭᠡᠳ ᠶᠠᠭᠠᠬᠢᠨᠠ
ᠡᠬᠡ ᠣᠷᠣᠨ ᠮᠢᠨᠢ ᠥᠲᠡᠯᠬᠦ ᠦᠭᠡᠢ ᠶᠦᠮ ᠴᠢᠨᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ