ᠵᠢᠬᠡᠭᠦᠴᠡᠯ - ᠱ᠂ ᠭᠦᠷᠦᠪᠠᠽᠠᠷ Жихүүцэл - Ш᠂ Гүрбазар
288ᠵᠢᠬᠡᠭᠦᠴᠡᠯ
ᠶᠠᠭ ᠵᠡᠭᠦᠦ ᠦᠭᠡᠢ ᠯᠤᠤᠵᠢᠩ ᠰᠢᠭ᠋
ᠶᠠᠯᠠ ᠪᠠᠨ ᠰᠣᠨᠣᠰᠬᠤ ᠬᠡᠷᠡᠭᠲᠡᠨ
ᠶᠡᠷᠡ ᠵᠠᠩᠭᠢᠷᠠᠭᠰᠠᠨ ᠡᠭᠦᠯᠡ ᠰᠢᠭ
ᠤᠢᠳᠤᠭᠰᠠᠨ ᠬᠥᠮᠦᠨ ᠳᠠᠭᠤᠤ ᠠᠶᠠᠯᠬᠤ ᠨᠢ
ᠮᠥᠴᠢᠳ ᠰᠠᠯᠬᠢ ᠰᠡᠢᠭᠡᠬᠦ ᠰᠢᠭ
ᠤᠢᠳᠬᠠᠷ ᠵᠣᠬᠢᠶᠠᠵᠤ ᠭᠡᠶᠦᠷᠡᠬᠦ ᠨᠢ
ᠮᠥᠩᠭᠥ ᠤᠷᠠᠵᠤ ᠲᠡᠨᠡᠭᠯᠡᠬᠦ ᠰᠢᠭ
ᠬᠠᠳᠠᠮ ᠬᠤᠳᠠᠯ ᠢᠨᠢᠶᠡᠬᠦ ᠨᠢ
ᠬᠠᠷᠠᠴᠠ ᠪᠠᠷ ᠢ᠋ᠶ᠋ᠠᠨ ᠬᠠᠵᠠᠬᠤ ᠰᠢᠭ᠋
ᠬᠠᠢᠷᠠᠲᠤ ᠮᠢᠨᠢ ᠢᠷᠡᠯ ᠦᠭᠡᠢ ᠤᠳᠠᠬᠤ ᠨᠢ
ᠬᠠᠭᠠᠴᠠᠯ ᠢ᠋ᠶ᠋ᠠᠷ ᠠᠶᠤᠯᠭᠠᠬᠤ ᠰᠢᠭ᠋
ᠡᠭᠦᠳᠡ ᠪᠡᠨ ᠴᠢᠩᠨᠠᠵᠤ ᠭᠠᠭᠴᠠᠭᠠᠷᠳᠠᠬᠤ ᠨᠢ
ᠰᠡᠷᠡᠭᠦᠨ ᠵᠡᠭᠦᠳᠦᠯᠡᠬᠦ ᠰᠢᠭ
ᠦᠬᠦᠬᠦ ᠪᠡᠨ ᠪᠣᠳᠣᠵᠤ ᠠᠮᠢᠳᠤᠷᠠᠬᠤ ᠨᠢ
ᠰᠡᠳᠬᠢᠯ ᠢ᠋ᠶ᠋ᠡᠨ ᠵᠦᠰᠦᠬᠦ ᠰᠢᠭ᠁
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ