ᠲᠤᠭᠤᠯ ᠲᠠᠲᠠᠳᠠᠭ᠋ ᠢ᠋ᠶ᠋ᠠᠨ ᠰᠠᠨᠠᠵᠤ ᠪᠠᠢᠨᠠ - ᠬᠡᠷᠡᠢᠳ ᠮᠥᠩᠬᠡᠨᠠᠰᠤᠨTогол татдагаа санаж байна-Хэрэйд Мөнхнасан
1030ᠲᠤᠭᠤᠯ ᠲᠠᠲᠠᠳᠠᠭ᠋ ᠢ᠋ᠶ᠋ᠠᠨ ᠰᠠᠨᠠᠵᠤ ᠪᠠᠢᠨᠠ
ᠵᠣᠬᠢᠶᠠᠭᠴᠢ᠄ ᠬᠡᠢᠷᠡᠳ ᠮᠥᠩᠬᠡᠨᠠᠰᠤᠨ
ᠤᠶᠠᠩᠭᠠᠯᠠᠭᠴᠢ᠄ ᠰᠣᠯᠤᠩᠭᠠ
ᠦᠨᠢᠶᠡᠨ ᠵᠠᠯᠠᠨ ᠳᠡᠭᠡᠷᠡ
ᠡᠵᠢ ᠳ᠋ᠦ᠍ ᠪᠡᠨ ᠦᠮᠦᠰᠢᠵᠤ ※
ᠲᠤᠭᠤᠯ ᠲᠠᠲᠠᠳᠠᠭ ᠢ᠋ᠶ᠋ᠠᠨ ᠰᠠᠨᠠᠵᠤ ᠪᠠᠢᠨᠠ
ᠡᠵᠢ ᠶ᠋ᠢᠨ ᠢ᠋ᠶ᠋ᠡᠨ ᠬᠠᠢᠷᠠ ᠳ᠋ᠤ᠌
ᠴᠠᠳᠤᠶᠠ ᠭᠡᠮᠡᠨ
ᠲᠣᠢᠮᠣᠭ ᠲᠤᠭᠤᠯ
ᠲᠣᠯᠣᠭᠠᠢ ᠬᠤᠷᠤᠢᠯᠠᠨ ᠲᠡᠮᠡᠦᠯᠦᠨᠡ
ᠠᠯᠢᠶᠠ ᠬᠥᠳᠡᠯᠵᠦ᠂ ᠲᠡᠭᠦᠨ ᠳ᠋ᠦ᠍
ᠥᠷᠥᠮᠡ ᠬᠤᠷᠤᠳ ᠢ᠋ ᠴᠢᠨᠢ ᠴᠦ᠍
ᠬᠤᠪᠢᠶᠠᠯᠴᠠᠨᠠ ᠰᠢᠦ! ᠭᠡᠵᠦ ᠳᠠᠭᠠᠵᠢᠩᠨᠠᠪᠠᠯ
ᠥᠨᠥᠬᠢ ᠲᠣᠢᠮᠣᠭ᠋
ᠡᠬᠡ ᠥᠭᠡᠳᠡ ᠪᠡᠨ
ᠨᠢᠳᠦ ᠦᠭᠡᠢ ᠶᠦ᠍ᠮ ᠰᠢᠬ ᠵᠢᠳᠬᠦᠨᠡ
ᠡᠨᠡ ᠦᠶᠡ
ᠡᠵᠢ ᠶ᠋ᠢᠨ ᠮᠢᠨᠢ ᠠᠷᠪᠠᠨ ᠬᠤᠷᠤᠭᠤᠨ ᠠ᠋ᠴᠠ
ᠰᠠᠭᠤᠯᠠᠭᠠᠨ ᠵᠦᠭ
ᠰᠣᠯᠣᠩᠭᠠ ᠲᠠᠲᠠᠳᠠᠭ ᠪᠠᠢᠭᠰᠠᠨ
ᠡᠵᠢ ᠶ᠋ᠢᠨ ᠮᠢᠨᠢ ᠪᠣᠷᠣᠬᠠᠨ ᠴᠢᠷᠠᠢ
ᠮᠢᠨᠦ ᠵᠦᠭ
ᠬᠠᠢᠷᠠ ᠪᠠᠨ ᠱᠠᠩᠨᠠᠳᠠᠭ ᠪᠠᠢᠭᠰᠠᠨ
ᠪᠢ ᠬᠡᠵᠢᠶᠡᠳᠡ ᠪᠡᠨ
ᠲᠤᠭᠤᠯ ᠰᠢᠤᠬᠠᠨ
ᠡᠵᠢ ᠶ᠋ᠢᠨ ᠢ᠋ᠶ᠋ᠡᠨ ᠬᠠᠵᠠᠭᠤ ᠳ᠋ᠤ᠌
ᠡᠷᠬᠡᠯᠡᠶᠡ ᠭᠡᠮᠡᠨ ᠪᠣᠳᠣᠳᠠᠭ ᠪᠠᠢᠭᠰᠠᠨ
ᠪᠢ ᠲᠠᠩᠳᠠ ᠪᠠᠨ ᠲᠤᠭᠤᠯ ᠲᠠᠲᠠᠵᠤ
ᠡᠵᠢ ᠶ᠋ᠢᠨ ᠢ᠋ᠶ᠋ᠡᠨ ᠬᠠᠢᠷᠠ ᠪᠠᠷ
ᠱᠠᠩᠨᠠᠭᠳᠠᠶᠠ ᠭᠡᠮᠡᠨ ᠪᠣᠳᠣᠳᠠᠭ ᠴᠤ᠌ ᠪᠠᠢᠭᠰᠠᠨ
ᠠᠢ ᠶᠠᠭᠠᠬᠢᠬᠤᠪ ᠬᠦᠭᠡᠷᠦᠬᠦᠢ
ᠡᠵᠢ ᠮᠢᠨᠢ ᠯᠡ ᠭᠡᠵᠦ
ᠡᠷᠪᠡᠢ ᠦᠷᠡ ᠶ᠋ᠢᠨ ᠢ᠋ᠶ᠋ᠡᠨ ᠲᠥᠯᠥᠭᠡ
ᠡᠨᠡ ᠬᠣᠷᠸᠠ ᠳ᠋ᠤ᠌ ᠢᠷᠡᠴᠢᠬᠡᠭᠡᠳ
ᠡᠪᠬᠡᠷᠡᠵᠦ ᠰᠢᠨᠠᠯᠵᠤ ᠭᠦᠢᠴᠡᠭᠡᠳ
ᠡᠷᠭᠢᠵᠦ ᠨᠢᠭᠡ ᠴᠦ᠍ ᠬᠠᠷᠠᠯ ᠦᠭᠡᠢ
ᠡᠭᠡᠯ ᠶᠡᠷᠦᠮᠳᠡᠭ ᠪᠤᠴᠠᠳᠠᠭ
ᠡᠩᠭᠡᠷ ᠴᠠᠭᠠᠨ ᠬᠠᠢᠷᠠ ᠪᠠᠢᠵᠠᠢ
ᠡᠴᠢᠨᠡ ᠳᠠᠯᠳᠠ ᠶ᠋ᠢᠨ ᠨᠢᠯᠪᠤᠰᠤ ᠪᠠᠢᠵᠠᠢ
※ ᠦᠮᠥᠰᠢᠵᠤ— ᠬᠠᠮᠵᠢᠵᠤ᠂ ᠬᠠᠪᠰᠣᠷᠴᠤ ᠭᠡᠰᠡᠨ ᠣᠷᠳᠤᠰ ᠬᠡᠯᠡᠯᠭᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠬᠡᠷᠡᠢᠳ· ᠮᠥᠩᠬᠡᠨᠠᠰᠤᠨ
ᠦᠰᠦᠭ ᠬᠠᠲᠠᠭᠴᠢ᠄ ᠥᠯᠵᠡᠢᠪᠠᠭᠠᠲᠤᠷ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ