ᠪᠦᠰᠡᠭᠦᠢ ᠬᠥᠮᠦᠨ ᠰᠢᠯᠦᠭ ᠪᠢᠴᠢᠳᠡᠭ ᠦ᠋ᠨ ᠤᠴᠢᠷ-ᠦᠷᠡᠴᠡᠴᠡᠭБүсгүй хүмүүн шүлэг бичидгийн очир-Үрцэцэг
540ᠪᠦᠰᠡᠭᠦᠢ ᠬᠥᠮᠦᠨ ᠰᠢᠯᠦᠭ ᠪᠢᠴᠢᠳᠡᠭ ᠦ᠋ᠨ ᠤᠴᠢᠷ
ᠦᠷᠡᠴᠡᠴᠡᠭ
ᠠᠮᠢᠳᠤᠷᠠᠯ ᠬᠠᠢᠷᠠ ᠶ᠋ᠢᠨ ᠢᠯᠴᠢ ᠶ᠋ᠢ
ᠠᠯᠠᠭᠠᠨ ᠳᠡᠭᠡᠷᠡ ᠪᠡᠨ ᠲᠤᠰᠬᠤ ᠰᠠᠨ ᠭᠡᠵᠦ
ᠠᠮᠢ ᠨᠠᠰᠤᠨ ᠤ᠋ ᠠᠯᠳᠠᠩᠬᠠᠨ ᠮᠥᠴᠡ ᠪᠡᠨ
ᠢᠷᠠᠭᠤ ᠨᠠᠢᠷᠠᠭ ᠢ᠋ᠶ᠋ᠠᠷ ᠴᠢᠮᠡᠬᠦ ᠰᠠᠨ ᠭᠡᠵᠦ
ᠪᠦᠰᠡᠭᠦᠢ ᠬᠥᠮᠦᠨ ᠰᠢᠯᠦᠭ ᠪᠢᠴᠢᠳᠡᠭ ᠶᠤᠮ
ᠤᠬᠠᠭᠠᠨ ᠤ᠋ ᠠᠭᠤᠵᠢᠮ ᠴᠢᠯᠥᠭᠡᠨ ᠳ᠋ᠦ᠍ ᠪᠡᠨ
ᠣᠷᠴᠢᠯᠠᠩ ᠢ᠋ ᠪᠠᠭᠲᠠᠭᠠᠨ ᠶᠠᠪᠤᠳᠠᠭ ᠡᠴᠡ
ᠠᠲᠠᠭᠠ ᠵᠢᠲᠥᠭᠡ ᠭᠡᠵᠦ ᠴᠠᠯᠮᠠ ᠳ᠋ᠤ᠌ ᠪᠣᠭᠣᠭᠳᠠᠳᠠᠭ ᠦᠭᠡᠢ
ᠠᠰᠬᠠᠷᠠᠮᠠ ᠰᠦ᠋ ᠰᠢᠭ ᠰᠡᠳᠬᠢᠯ ᠦ᠋ᠨ ᠠᠷᠢᠭᠤᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ
ᠪᠦᠰᠡᠭᠦᠢ ᠬᠥᠮᠦᠨ ᠰᠢᠯᠦᠭ ᠪᠢᠴᠢᠳᠡᠭ ᠶᠤᠮ
ᠦᠨᠡᠨ ᠬᠠᠢᠷᠠ ᠡᠴᠡ ᠦᠯᠢᠭᠡᠷ ᠲᠦ᠍ ᠠᠭᠤᠰᠴᠤ
ᠥᠷᠥᠪᠴᠢᠬᠡᠨ ᠰᠡᠳᠬᠢᠯᠭᠡ ᠡᠮᠵᠡᠭᠯᠡᠵᠦ ᠨᠢᠭᠡ ᠵᠢᠷᠭᠠᠳᠠᠭ ᠡᠴᠡ
ᠣᠳᠣ ᠲᠠᠢ ᠲᠩᠷᠢ ᠶ᠋ᠢᠨ ᠬᠠᠶᠠᠭᠠ ᠰᠢᠷᠳᠡᠵᠦ
ᠤᠢᠳᠬᠠᠷ ᠪᠦᠬᠦᠨ ᠢ᠋ ᠡᠴᠦᠰ ᠦ᠋ᠨ ᠪᠣᠯᠤᠭᠠᠰᠠᠢ ᠭᠡᠵᠦ
ᠪᠦᠰᠡᠭᠦᠢ ᠬᠥᠮᠦᠨ ᠰᠢᠯᠦᠭ ᠪᠢᠴᠢᠳᠡᠭ ᠶᠤᠮ
ᠳᠠᠭᠢᠨᠢ ᠰᠢᠭ᠋ ᠭᠤᠸᠠ ᠲᠥᠷᠥᠴᠢᠬᠡᠯᠡ ᠭᠡᠳ
ᠲᠡᠷᠡ ᠨᠢ ᠮᠥᠩᠬᠡ ᠶ᠋ᠢᠨ ᠪᠢᠰᠢ ᠬᠣᠢᠨᠠ
ᠲᠠᠪᠢᠯᠠᠩ ᠵᠠᠶᠠᠭᠠᠨ ᠤ᠋ ᠪᠠᠷᠲᠠᠭᠠᠲᠤ ᠵᠠᠮ ᠢ᠋
ᠵᠢᠰᠦᠨ ᠦ᠌ ᠰᠠᠢᠬᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠢᠰᠢ ᠵᠢᠷᠦᠬᠡᠨ ᠲᠠᠮᠢᠷ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠳᠣᠭᠣᠯᠳᠠᠭ ᠡᠴᠡ
ᠪᠦᠰᠡᠭᠦᠢ ᠬᠥᠮᠦᠨ ᠰᠢᠯᠦᠭ ᠪᠢᠴᠢᠳᠡᠭ ᠶᠤᠮ
ᠡᠮᠡᠭᠡ ᠶ᠋ᠢᠨ ᠬᠠᠭᠤᠴᠢᠯᠠᠳᠠᠭ ᠲᠡᠷᠡ ᠰᠠᠢᠬᠠᠨ ᠵᠡᠭᠡᠷᠡ ᠲᠠᠭᠰᠢᠭᠰᠠᠨ ᠭᠣᠪᠢ ᠶ᠋ᠢ
ᠡᠷᠭᠢᠨ ᠣᠯᠵᠤ ᠬᠠᠷᠠᠬᠤ ᠡᠴᠡ ᠪᠠᠨ ᠬᠣᠯᠠᠳᠠᠭᠰᠠᠨ
ᠡᠮᠵᠡᠭ ᠰᠡᠳᠬᠢᠯ ᠢ᠋ᠶ᠋ᠡᠨ ᠨᠠᠢᠷᠠᠭ ᠢ᠋ᠶ᠋ᠠᠷ ᠠᠷᠭᠠᠳᠠᠵᠤ
ᠪᠦᠰᠡᠭᠦᠢ ᠬᠥᠮᠦᠨ ᠰᠢᠯᠦᠭ ᠪᠢᠴᠢᠳᠡᠭ ᠶᠦᠮ
ᠮᠣᠩᠭᠣᠯ ᠰᠣᠶᠣᠯ ᠤ᠋ᠨ ᠢ᠋ᠶ᠋ᠠᠨ ᠤᠨᠲᠠᠷᠠᠰᠢ ᠦᠭᠡᠢ ᠴᠣᠭ ᠢ᠋
ᠰᠡᠳᠬᠢᠯ ᠳ᠋ᠦ᠍ ᠪᠡᠨ ᠮᠠᠨᠠᠵᠤ
ᠮᠣᠷᠢᠲᠠᠨ ᠦᠨᠳᠦᠰᠦᠲᠡᠨ ᠦ᠌ ᠪᠡᠨ ᠪᠠᠭᠤᠷᠠᠰᠢ ᠦᠭᠡᠢ ᠰᠦᠷ ᠢ᠋
ᠵᠢᠷᠦᠬᠡᠨ ᠳ᠋ᠦ᠍ ᠪᠡᠨ ᠰᠢᠲᠦᠵᠦ
ᠳᠤᠨᠳᠠᠷᠠᠰᠢ ᠦᠭᠡᠢ ᠴᠠᠯᠭᠢᠬᠤ ᠨᠠᠢᠷᠠᠭ ᠤ᠋ᠨ ᠰᠠᠩ ᠳ᠋ᠤ᠌
ᠳᠤᠰᠤᠯ ᠴᠤ᠌ ᠭᠡᠰᠡᠨ ᠨᠡᠮᠡᠷᠢᠯᠡᠬᠦ ᠭᠡᠵᠦ
ᠪᠦᠰᠡᠭᠦᠢ ᠬᠥᠮᠦᠨ ᠰᠢᠯᠦᠭ ᠪᠢᠴᠢᠳᠡᠭ ᠦ᠋ᠨ ᠤᠴᠢᠷ ᠡᠨᠡ ᠠ᠋!
ᠢᠷᠡᠯᠲᠡ᠄ ᠪᠠᠶᠠᠨᠨᠠᠭᠤᠷ ᠬᠠᠮ ᠵᠠᠭᠤᠴᠢᠯᠠᠭᠤᠷ ᠡᠴᠡ ᠰᠣᠩᠭᠣᠪᠠ᠃
(ᠥᠪᠥᠷ ᠮᠣᠩᠭᠣᠯ ᠤ᠋ᠨ ᠰᠢᠯᠢ ᠶ᠋ᠢᠨ ᠭᠣᠣᠯ ᠠᠢᠮᠠᠭ ᠤ᠋ᠨ ᠠᠪᠠᠭᠠ ᠬᠤᠰᠢᠭᠤᠨ ᠤ᠋ ᠨᠠᠷᠠᠨᠪᠣᠯᠠᠭ ᠰᠤᠮᠤ ᠶ᠋ᠢᠨ ᠬᠥᠮᠦᠨ)
2025 ᠣᠨ ᠤ᠋3 ᠰᠠᠷᠠ ᠶ᠋ᠢᠨ8 ᠤ᠋ ᠡᠮᠡᠭᠲᠡᠢᠴᠦᠳ ᠦ᠋ᠨ ᠪᠠᠶᠠᠷ ᠤ᠋ᠨ ᠡᠳᠦᠷ ᠲᠦ᠍ ᠵᠣᠷᠢᠭᠤᠯᠪᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠰᠠᠨ ᠨᠢ᠄ ᠴᠢ᠊ · ᠤᠷᠠᠨᠴᠡᠴᠡᠭ
ᠬᠢᠨᠠᠭᠴᠢ᠄ ᠢᠷᠡᠭᠡᠳᠦᠢ