ᠭᠤᠷᠪᠠᠨ ᠰᠠᠷᠠ ᠶ᠋ᠢᠨ ᠨᠠᠢ᠍ᠮᠠᠨ ᠤ᠋ ᠰᠢᠯᠦᠭ — ᠳ᠋ᠠᠨᠽᠠᠨ ᠤ᠋ ᠨᠢᠮᠠᠰᠦ᠋ᠷᠦᠩ Гурван сарын наймны шүлэг — Данзаны Нямсүрэн
858 ᠭᠤᠷᠪᠠᠨ ᠰᠠᠷᠠ ᠶ᠋ᠢᠨ ᠨᠠᠢ᠍ᠮᠠᠨ ᠳ᠋ᠤ᠌
ᠵᠥᠪᠬᠡᠨ ᠴᠢᠮᠠᠶ᠋ᠢ ᠪᠠᠨ ᠦᠨᠦᠰᠦᠨᠡ
ᠬᠠᠪᠤᠷ ᠤ᠋ᠨ ᠰᠢᠪᠠᠭᠤᠳ ᠤ᠋ᠨ ᠵᠢᠷᠭᠢᠭᠡᠨ ᠳᠤᠮᠳᠠ
ᠬᠠᠢᠷᠠᠲᠠᠢ ᠭᠡᠵᠦ ᠳᠠᠪᠲᠠᠨ ᠬᠡᠯᠡᠨᠡ᠃
ᠨᠠᠨᠳᠢᠨ ᠰᠠᠢᠬᠠᠨ ᠡᠨᠡ ᠯᠡ ᠦᠭᠡ ᠶ᠋ᠢ
ᠨᠠᠳᠠ ᠠ᠋ᠴᠠ ᠣᠨᠳᠣᠣ ᠬᠥᠮᠦᠨ ᠴᠢᠮᠠ ᠳ᠋ᠤ᠌ ᠬᠡᠯᠡᠬᠦ ᠦᠭᠡᠢ
ᠨᠠᠰᠤᠨ ᠳ᠋ᠤ᠌ ᠭᠠᠭᠴᠠᠬᠠᠨ ᠢᠷᠡᠬᠦ
ᠨᠠᠮᠤᠷ ᠲᠠᠭᠠᠨ ᠬᠣᠶᠠᠭᠤᠯᠠ ᠪᠠᠨ ᠳᠤᠷᠠᠯᠠᠶᠠ!
ᠠᠩᠬᠠ ᠴᠢᠨᠦ
ᠠᠳᠬᠤᠨ ᠳ᠋ᠠᠭᠠᠨ ᠪᠠᠵᠠᠭᠰᠠᠨ ᠨᠣᠭᠣᠭᠠ᠂
ᠠᠩᠬᠠ ᠮᠢᠨᠦ
ᠠᠶᠠᠷᠬᠠᠨ ᠰᠣᠭᠲᠣᠭᠰᠠᠨ ᠡᠪᠡᠰᠦ᠃
ᠶᠠᠭᠤ ᠲᠠᠢ ᠰᠠᠢᠬᠠᠨ ᠴᠡᠩᠬᠡᠷᠬᠡᠨ ᠨᠤᠭᠤ ᠮᠢᠨᠢ
ᠰᠢᠪᠠᠭᠤᠳ ᠤ᠋ᠨ ᠳᠤᠮᠳᠠ ᠣᠳᠣᠳ ᠤ᠋ᠨ ᠬᠣᠭᠣᠷᠣᠨᠳᠣ ᠪᠣᠢ᠁
ᠠᠩᠬᠠᠨ ᠤ᠋ ᠦᠨᠦᠰᠦᠯᠲᠡ ᠠᠩᠬᠠᠨ ᠤ᠋ ᠨᠠᠮᠤᠷ
ᠠᠩᠬᠠᠨ ᠤ᠋ ᠶᠠᠭᠤᠮᠠ ᠪᠦᠬᠦᠨ
ᠠᠬᠢᠭᠠᠳ ᠢᠷᠡᠬᠦ ᠦᠭᠡᠢ
ᠠᠶᠠ᠂ ᠬᠣᠩᠭᠣᠷ ᠮᠢᠨᠢ
ᠠᠮᠵᠢᠵᠤ ᠨᠠᠮᠠᠶ᠋ᠢ ᠪᠠᠨ ᠦᠨᠦᠰ ᠨᠠᠮᠠᠶ᠋ᠢ ᠪᠠᠨ᠁
ᠭᠤᠷᠪᠠᠨ ᠰᠠᠷᠠ ᠶ᠋ᠢᠨ ᠨᠠᠢ᠍ᠮᠠᠨ ᠳ᠋ᠤ᠌
ᠵᠥᠪᠬᠡᠨ ᠴᠢᠮᠠᠶ᠋ᠢ ᠪᠠᠨ ᠦᠨᠦᠰᠦᠨᠡ
ᠬᠠᠪᠤᠷ ᠤ᠋ᠨ ᠰᠢᠪᠠᠭᠤᠳ ᠤ᠋ᠨ ᠵᠢᠷᠭᠢᠭᠡᠨ ᠳᠤᠮᠳᠠ
ᠬᠠᠢᠷᠠᠲᠠᠢ ᠭᠡᠵᠦ ᠳᠠᠪᠲᠠᠨ ᠬᠡᠯᠡᠨᠡ᠃
ᠨᠠᠨᠳᠢᠨ ᠰᠠᠢᠬᠠᠨ ᠡᠨᠡ ᠯᠡ ᠦᠭᠡ ᠪᠡᠨ
ᠨᠠᠷᠠ ᠲᠠᠢ ᠳᠡᠯᠡᠬᠡᠢ ᠲᠡᠢ ᠪᠡᠨ ᠴᠢᠮᠠ ᠳ᠋ᠠᠭᠠᠨ ᠥᠭᠭᠦᠶᠡ
ᠨᠠᠰᠤᠨ ᠤ᠋ ᠮᠥᠩᠭᠥᠨ ᠨᠠᠮᠤᠷ ᠲᠠᠭᠠᠨ
ᠨᠠᠭᠠᠳᠴᠤ ᠬᠣᠶᠠᠭᠤᠯᠠ ᠪᠠᠨ ᠵᠢᠷᠭᠠᠶᠠ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ