ᠮᠣᠷᠢᠨ ᠳᠠᠪᠬᠢᠭᠠ ᠳᠡᠭᠡᠷᠡ ᠡᠴᠡ ᠰᠢᠯᠦᠭ ᠠᠨᠢᠷᠲᠤᠭᠤᠯᠬᠤ ᠨᠤᠲᠤᠭ ᠤ᠋ᠨ ᠵᠠᠮ - ᠴᠢ᠊ · ᠭᠡᠷᠡᠯᠲᠦМорин давхиа дээрээс шүлэг аниртоэ нутгийн зам-Ч ·Гэрэлт
1260ᠮᠣᠷᠢᠨ ᠳᠠᠪᠬᠢᠭᠠ ᠳᠡᠭᠡᠷᠡ ᠡᠴᠡ ᠰᠢᠯᠦᠭ ᠠᠨᠢᠷᠲᠤᠭᠤᠯᠬᠤ ᠨᠤᠲᠤᠭ ᠤ᠋ᠨ ᠵᠠᠮ
ᠴᠢ᠊ · ᠭᠡᠷᠡᠯᠲᠦ
ᠡᠨᠡᠬᠡᠨ ᠪᠡᠶᠡ ᠶ᠋ᠢ ᠡᠷᠳᠡᠮ ᠳ᠋ᠦ᠍ ᠬᠦᠷᠭᠡᠭᠰᠡᠨ ᠰᠤᠳᠤᠷ ᠤ᠋ᠨ ᠵᠠᠮ
ᠡᠵᠢ ᠠᠪᠤ ᠳ᠋ᠤ᠌ ᠮᠢᠨᠢ ᠡᠪᠦᠳᠦᠭ ᠰᠥᠬᠦᠷᠡᠭᠦᠯᠦᠨ ᠤᠴᠠᠷᠠᠭᠤᠯᠳᠠᠭ ᠡᠨᠡᠷᠢᠯ ᠦ᠋ᠨ ᠵᠠᠮ
ᠠᠮᠠᠷᠠᠭ ᠬᠠᠨᠢ ᠪᠠᠨ ᠳᠠᠭᠠᠭᠤᠯᠤᠭᠠᠳ ᠢᠷᠡᠳᠡᠭ ᠬᠥᠮᠦᠰ ᠦ᠋ᠨ ᠥᠯᠵᠡᠢᠲᠦ ᠵᠠᠮ
ᠠᠬᠠ ᠳᠡᠭᠦᠦ ᠨᠠᠷ ᠤ᠋ᠨ ᠨᠠᠢᠷᠰᠠᠭ ᠳᠡᠭᠡᠳᠦᠯᠡᠨ ᠳᠠᠪᠬᠢᠵᠤ ᠢᠷᠡᠳᠡᠭ ᠲᠣᠭᠣᠰᠣᠲᠤ ᠵᠠᠮ
ᠰᠤᠮᠤᠨ ᠳ᠋ᠤ᠌ ᠬᠠᠶᠠ ᠮᠣᠷᠳᠠᠭᠤᠯᠳᠠᠭ ᠬᠣᠷᠰᠢᠶᠠᠨ ᠤ᠋ ᠵᠠᠮ
ᠰᠣᠨᠢᠨ ᠢ᠋ ᠪᠠᠢᠩᠭᠤ ᠲᠤᠭᠤᠯᠠᠭᠤᠯᠳᠠᠭ ᠰᠤᠷᠠᠭ ᠤ᠋ᠨ ᠵᠠᠮ
ᠠᠶᠠᠨ ᠤ᠋ ᠬᠥᠮᠦᠨ ᠳ᠋ᠦ᠍ ᠠᠯᠲᠠᠨ ᠵᠢᠯᠣᠭᠣ ᠪᠣᠯᠳᠠᠭ ᠭᠠᠪᠢᠶᠠᠲᠤ ᠵᠠᠮ
ᠠᠮᠤᠭᠤᠯᠠᠩ ᠲᠠᠯᠠ ᠠ᠋ᠴᠠ ᠳᠡᠯᠡᠬᠡᠢ ᠳ᠋ᠦ᠍ ᠳᠡᠭᠦᠯᠢᠭᠦᠯᠬᠦ ᠨᠤᠲᠤᠭ ᠤ᠋ᠨ ᠰᠢᠷᠠ ᠵᠠᠮ
ᠮᠣᠷᠢ ᠲᠠᠢ ᠮᠠᠰᠢᠨ ᠲᠠᠢ ᠬᠥᠮᠦᠰ ᠦ᠋ᠨ ᠢᠷᠡᠵᠦ ᠪᠤᠴᠠᠳᠠᠭ ᠲᠠᠨᠢᠯ ᠵᠠᠮ
ᠦᠬᠡᠷ ᠬᠣᠨᠢ ᠠᠪᠳᠠᠭ ᠮᠠᠢᠮᠠᠢᠴᠢᠨ ᠬᠥᠮᠦᠰ ᠦ᠋ᠨ ᠮᠥᠩᠭᠥᠨ ᠵᠠᠮ
ᠥᠴᠥᠭᠡᠳᠦᠷ ᠥᠨᠥᠳᠥᠷ ᠢ᠋ ᠬᠣᠯᠪᠣᠵᠤ ᠪᠠᠢᠳᠠᠭ ᠲᠡᠦᠬᠡᠲᠦ ᠵᠠᠮ
ᠮᠤᠷᠤᠢ ᠪᠣᠯᠪᠠᠴᠤ ᠲᠦᠮᠡᠨ ᠢ᠋ᠶ᠋ᠡᠨ ᠲᠥᠭᠡᠷᠢᠭᠦᠯᠳᠡᠭ ᠦᠭᠡᠢ ᠦᠨᠡᠨᠴᠢ ᠵᠠᠮ
ᠠᠯᠠᠭ ᠣᠷᠴᠢᠯᠠᠩ ᠤ᠋ᠨ ᠦᠨᠡᠨ ᠢ᠋ ᠨᠤᠭᠤᠯᠤᠭᠠ ᠪᠦᠬᠦᠨ ᠳ᠋ᠦ᠍ ᠪᠡᠨ ᠰᠢᠩᠭᠡᠭᠡᠭᠰᠡᠨ
ᠬᠥᠳᠡᠭᠡ ᠲᠠᠯᠠ ᠶ᠋ᠢᠨ ᠬᠥᠷᠥᠰᠥ ᠵᠥᠭᠡᠯᠡᠨ ᠬᠥᠭᠵᠢᠯᠲᠦ ᠵᠠᠮ
ᠦᠨᠳᠦᠰᠦᠲᠡᠨ ᠶᠠᠰᠤᠲᠠᠨ ᠢ᠋ ᠢᠯᠭᠠᠯ ᠦᠭᠡᠢ ᠠᠯᠠᠭᠠᠨ ᠳᠡᠭᠡᠷᠡ ᠪᠡᠨ ᠪᠠᠭᠲᠠᠭᠠᠭᠰᠠᠨ
ᠬᠥᠮᠦᠯᠢᠭ ᠶᠣᠰᠣ ᠲᠠᠢ ᠲᠠᠯᠠ ᠨᠤᠲᠤᠭ ᠤ᠋ᠨ ᠴᠠᠭᠠᠨ ᠵᠠᠮ ᠶᠤᠮ
ᠮᠢᠨᠦ ᠨᠤᠲᠤᠭ ᠤ᠋ᠨ ᠵᠠᠮ!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠴᠢ᠊ · ᠭᠡᠷᠡᠯᠲᠦ
ᠦᠰᠦᠭ ᠬᠠᠳᠠᠭᠴᠢ᠄ ᠴᠢ᠊ · ᠭᠡᠷᠡᠯᠲᠦ
ᠬᠢᠨᠠᠭᠴᠢ᠄ ᠲᠥᠮᠡᠨᠴᠡᠴᠡᠭ