ᠮᠣᠩᠭᠣᠯ ᠪᠦᠰᠡᠭᠦᠢ-ᠤᠯᠠᠭᠠᠨᠲᠤᠶᠠᠭᠠМонгол бүсгүй-Улаантуяа
288 ᠤᠯᠠᠭᠠᠨᠲᠤᠶᠠᠭᠠ
ᠦᠷ ᠦ᠋ᠨ ᠴᠣᠯᠮᠣᠨ ᠲᠠᠢ ᠤᠷᠤᠯᠳᠤᠨ ᠪᠣᠰᠴᠤ
ᠦᠨᠢᠶᠡᠨ ᠵᠠᠯᠠᠨ ᠳ᠋ᠤ᠌ ᠶᠠᠭᠠᠷᠠᠳᠠᠭ ᠰᠠᠭᠠᠯᠢᠴᠢᠨ ᠪᠦᠰᠡᠭᠦᠢ
ᠥᠷᠯᠥᠭᠡ ᠶ᠋ᠢᠨ ᠨᠠᠷᠠ ᠲᠠᠢ ᠵᠡᠷᠭᠡᠴᠡᠨ ᠭᠢᠯᠠᠯᠵᠠᠵᠤ
ᠥᠲᠡᠯᠦᠭᠡ ᠨᠢᠯᠬᠠᠰ ᠢ᠋ᠶ᠋ᠠᠨ ᠬᠠᠷᠠᠭᠠᠯᠵᠠᠳᠠᠭ ᠠᠵᠢᠯᠴᠢ ᠪᠦᠰᠡᠭᠦᠢ
ᠠᠭᠲᠠ ᠶ᠋ᠢᠨ ᠨᠢᠷᠤᠭᠤᠨ ᠳ᠋ᠤ᠌ ᠳᠥᠷᠥᠭᠡ ᠵᠢᠭᠢᠯᠭᠡᠨ
ᠠᠳᠤᠭᠤ ᠮᠠᠯ ᠢ᠋ᠶ᠋ᠠᠨ ᠬᠠᠷᠢᠭᠤᠯᠳᠠᠭ ᠮᠠᠯᠴᠢᠨ ᠪᠦᠰᠡᠭᠦᠢ
ᠠᠲᠠᠷ ᠤ᠋ᠨ ᠬᠥᠷᠥᠰᠥᠨ ᠳ᠋ᠦ᠍ ᠴᠢᠬᠢ ᠪᠣᠢᠵᠢᠭᠤᠯᠤᠨ
ᠠᠮᠤ ᠬᠤᠷᠢᠶᠠᠳᠠᠭ ᠲᠠᠷᠢᠶᠠᠴᠢᠨ ᠪᠦᠰᠡᠭᠦᠢ
ᠬᠣᠲᠠᠯᠠ ᠳᠠᠶᠠᠭᠠᠷ ᠲᠠᠢ ᠡᠶᠡᠯᠰᠡᠭ ᠬᠠᠷᠢᠯᠴᠠᠳᠠᠭ ᠵᠣᠴᠢᠨᠰᠠᠭ ᠪᠦᠰᠡᠭᠦᠢ
ᠬᠤᠸᠠᠷ ᠬᠠᠳᠬᠤᠨ ᠬᠤᠪᠴᠠᠰᠤ ᠤᠷᠠᠯᠠᠳᠠᠭ ᠤᠷᠠᠨ ᠪᠦᠰᠡᠭᠦᠢ
ᠪᠢᠯᠢᠭ ᠰᠣᠷᠢᠨ ᠨᠠᠢᠷᠠᠭ ᠤᠶᠠᠩᠭᠠᠯᠠᠳᠠᠭ ᠰᠡᠴᠡᠨ ᠪᠦᠰᠡᠭᠦᠢ
ᠪᠢᠷ ᠬᠤᠷᠴᠠᠯᠠᠨ ᠰᠤᠳᠤᠷ ᠪᠣᠰᠬᠠᠳᠠᠭ ᠵᠣᠬᠢᠶᠠᠯᠴᠢ ᠪᠦᠰᠡᠭᠦᠢ
ᠬᠠᠨᠢ ᠨᠥᠬᠥᠷ ᠢ᠋ ᠪᠡᠨ ᠬᠠᠢᠷᠠ ᠶ᠋ᠢᠨ ᠰᠠᠬᠢᠭᠤᠰᠤ ᠵᠢᠷᠤᠮᠲᠤ ᠪᠦᠰᠡᠭᠦᠢ
ᠬᠠᠢᠷᠠᠲᠤ ᠦᠷᠡ ᠶ᠋ᠢᠨ ᠢ᠋ᠶ᠋ᠡᠨ ᠬᠠᠯᠠᠮᠵᠢ ᠶ᠋ᠢᠨ ᠲᠩᠷᠢ ᠪᠤᠷᠬᠠᠨ ᠡᠵᠢ
ᠬᠠᠨ ᠬᠣᠷᠸᠠ ᠶ᠋ᠢ ᠬᠠᠢᠷᠠ ᠶ᠋ᠢᠨ ᠪᠦᠷᠢᠯᠸᠠ ᠳᠠᠭᠢᠨᠢ ᠪᠦᠰᠡᠭᠦᠢ
ᠬᠠᠯᠠᠭᠤᠨ ᠬᠠᠷᠠᠴᠠ ᠪᠠᠷ ᠢ᠋ᠶ᠋ᠠᠨ ᠬᠠᠷᠠᠴᠤᠳ ᠢ᠋ ᠤᠶᠠᠰᠬᠠᠬᠤ ᠬᠠᠷᠠ ᠨᠢᠳᠦᠨ ᠪᠦᠰᠡᠭᠦᠢ
ᠥᠭᠡᠯᠦᠨ ᠡᠬᠡ ᠶ᠋ᠢᠨ ᠰᠤᠷᠭᠠᠯ ᠢ᠋ ᠵᠢᠷᠤᠮᠯᠠᠵᠤ
ᠦᠷᠡ ᠬᠡᠦᠬᠡᠳ ᠢ᠋ᠶ᠋ᠡᠨ ᠬᠥᠮᠦᠵᠢᠭᠦᠯᠦᠭᠰᠡᠨ ᠰᠣᠳᠣᠨ ᠪᠦᠰᠡᠭᠦᠢ
ᠥᠨᠢᠳᠡ ᠶ᠋ᠢᠨ ᠵᠢᠷᠭᠠᠯ ᠢ᠋ ᠴᠣᠭᠴᠠᠯᠠᠵᠤ ᠶᠠᠪᠤᠭᠰᠠᠨ
ᠤᠬᠠᠭᠠᠨᠲᠤ ᠪᠦᠰᠡᠭᠦᠢᠴᠦᠳ ᠲᠠᠨᠠᠷ ᠮᠢᠨᠢ
ᠡᠩᠬᠡ ᠬᠣᠷᠸᠠ ᠶ᠋ᠢᠨ ᠮᠥᠩᠬᠡ ᠶ᠋ᠢᠨ ᠵᠢᠷᠭᠠᠯ ᠢ᠋ ᠡᠳ᠋ᠯᠡᠲᠦᠭᠡᠢ
ᠥᠨᠢ ᠡᠭᠦᠷᠢᠳᠡ ᠵᠠᠯᠠᠭᠤ ᠶ᠋ᠢᠨ ᠴᠣᠭ ᠢ᠋ᠶ᠋ᠠᠨ ᠪᠠᠳᠠᠷᠠᠭᠤᠯᠲᠤᠭᠠᠢ!
2025.3.8
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠤᠯᠠᠭᠠᠨᠲᠤᠶᠠᠭᠠ
ᠬᠢᠨᠠᠭᠴᠢ᠄ ᠣᠳᠬᠠᠨᠰᠣᠠ