ᠴᠥᠬᠥᠷᠡᠭᠰᠡᠨ ᠰᠢᠯᠦᠭ - ᠪᠠᠪᠤᠤ ᠶ᠋ᠢᠨ ᡀᠬᠠᠪᠠᠰᠥ᠋ᠷᠦᠩ Цөхөрсөн шүлэг – Бавуугийн Лхагвасүрэн
ᠴᠥᠬᠥᠷᠡᠭᠰᠡᠨ ᠰᠢᠯᠦᠭ
ᠠᠶᠠ᠂ ᠦᠭᠡ ᠶ᠋ᠢ ᠨᠢ ᠲᠣᠷᠭᠠᠨ ᠴᠢᠨᠠᠳᠤ ᠶ᠋ᠢᠨ
ᠠᠯᠢ ᠶ᠋ᠢ ᠨᠢ ᠴᠤ᠌ ᠴᠢ ᠣᠢᠯᠠᠭᠠᠬᠤ ᠦᠭᠡᠢ ᠴᠤ᠌
ᠠᠵᠢᠶᠠᠷᠠᠨ ᠴᠢᠩᠨᠠᠵᠤ ᠪᠠᠢᠭᠠ ᠳᠦᠷᠢ ᠡᠰᠬᠡ!
ᠪᠢ ᠪᠠᠶᠠᠷᠯᠠᠶᠠ!
ᠪᠢ ᠴᠢᠮᠠ ᠳ᠋ᠤ᠌ ᠤᠬᠢᠯᠠᠵᠤ ᠥᠭᠭᠦᠶᠡ!
ᠡᠪᠦᠷ ᠳᠡᠭᠡᠷᠡ ᠴᠢᠨᠢ ᠲᠣᠰᠴᠤ ᠪᠠᠢᠭᠠ ᠨᠢᠯᠪᠤᠰᠤ
ᠥᠷᠥᠴᠡᠨ ᠴᠠᠭᠠᠨᠠ ᠠ᠋ᠴᠠ ᠣᠷᠬᠢᠭᠰᠠᠨ ᠴᠢᠰᠤ ᠭᠡᠳᠡᠭ ᠢ᠋ ᠨᠢ
ᠴᠢ ᠮᠡᠳᠡᠬᠦ ᠦᠭᠡᠢ ᠴᠤ᠌
ᠦᠷᠦ ᠡᠪᠡᠳᠴᠦ ᠪᠠᠢᠭᠠ ᠳᠦᠷᠢ ᠡᠰᠬᠡ!
ᠪᠢ ᠪᠠᠶᠠᠷᠯᠠᠶᠠ!
ᠪᠢ ᠴᠢᠮᠠ ᠳ᠋ᠤ᠌ ᠦᠯᠢᠭᠡᠷ ᠬᠡᠯᠡᠶᠡ!
ᠬᠠᠴᠢᠨ ᠰᠠᠢᠬᠠᠨ ᠪᠦᠰᠡᠭᠦᠢ ᠨᠠᠳᠠ ᠳ᠋ᠤ᠌ ᠳᠤᠷᠠᠯᠠᠵᠤ
ᠬᠠᠮᠲᠤ᠂ ᠰᠠᠷᠠ ᠲᠠᠯᠠᠯᠠᠵᠤ ᠬᠣᠨᠣᠯᠠ ᠭᠡᠬᠦ ᠳ᠋ᠦ᠍
ᠴᠢ ᠲᠣᠭᠣᠬᠤ ᠦᠭᠡᠢ ᠴᠤ᠌
ᠬᠠᠷᠠᠳᠠᠵᠤ ᠪᠠᠢᠭᠠ ᠳᠦᠷᠢ ᠡᠰᠬᠡ!
ᠪᠢ ᠪᠠᠶᠠᠷᠯᠠᠶᠠ!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ
