ᠰᠠᠨᠠᠵᠤ ᠰᠡᠷᠡᠬᠦᠢ ᠶ᠋ᠢᠨ ᠤᠨᠢᠶᠠᠷ ᠲᠤ - ᠱ᠂ ᠭᠦᠷᠦᠪᠠᠽᠠᠷ Санаж сэрэхүйн униарт - Ш᠂ Гүрбазар
309ᠰᠠᠨᠠᠵᠤ ᠰᠡᠷᠡᠬᠦᠢ ᠶ᠋ᠢᠨ ᠤᠨᠢᠶᠠᠷ ᠲᠤ
ᠤᠬᠠᠭᠠᠷᠠᠬᠤ ᠭᠡᠵᠦ ᠶᠠᠳᠠᠭᠰᠠᠭᠠᠷ ᠨᠠᠰᠤ ᠥᠩᠭᠡᠷᠡᠬᠦ ᠨᠢ
ᠦᠨᠡᠨᠴᠢ ᠶᠠᠪᠤᠬᠤ ᠰᠠᠨ ᠭᠡᠭᠰᠡᠭᠡᠷ ᠨᠡᠷᠡ ᠦᠭᠡᠢᠷᠡᠬᠦ ᠨᠢ
ᠥᠷᠥᠪᠴᠢᠬᠡᠨ ᠪᠠᠢᠬᠤ ᠰᠠᠨ ᠭᠡᠭᠰᠡᠭᠡᠷ ᠰᠦᠯᠳᠡ ᠵᠠᠢᠯᠠᠬᠤ ᠨᠢ
ᠠᠷᠤ᠂ ᠡᠩᠭᠡᠷ ᠬᠣᠶᠠᠷ ᠤ᠋ᠨ
ᠴᠢᠯᠠᠭᠤ ᠬᠠᠷᠢᠨ ᠡᠪᠦᠭᠡᠷᠡᠬᠦ ᠦᠭᠡᠢ ᠨᠢ
ᠠᠷᠠᠳ ᠤ᠋ᠨ ᠡᠩ ᠦ᠋ᠨ ᠳᠠᠭᠤᠤ ᠶ᠋ᠢᠨ ᠮᠢᠨᠢ
ᠠᠶᠠᠯᠭᠤ ᠬᠠᠷᠢᠨ ᠥᠲᠡᠯᠬᠦ ᠦᠭᠡᠢ ᠨᠢ
ᠬᠠᠷᠠᠭᠰᠠᠭᠠᠷ ᠶᠠᠪᠤᠲᠠᠯᠠ ᠬᠠᠷᠠᠴᠠᠨ ᠳ᠋ᠠᠭᠠᠨ ᠵᠠᠯᠬᠠᠬᠤ ᠨᠢ
ᠬᠠᠨᠢᠯᠠᠭᠰᠠᠭᠠᠷ ᠰᠠᠭᠤᠲᠠᠯᠠ ᠬᠣᠶᠠᠷ ᠪᠡᠶᠡ ᠳ᠋ᠡᠭᠡᠨ ᠨᠢᠭᠡᠰᠬᠦ ᠨᠢ
ᠮᠠᠷᠲᠠᠭᠳᠠᠭᠰᠠᠭᠠᠷ ᠪᠠᠢᠲᠠᠯᠠ ᠳᠤᠷᠠᠳᠬᠠᠯ ᠮᠢᠨᠢ ᠴᠥᠭᠡᠷᠡᠬᠦ ᠨᠢ
ᠮᠠᠰᠢᠳᠠ ᠰᠣᠭᠲᠣᠩᠭᠢ ᠨᠢᠭᠡᠨ ᠵᠢᠷᠠᠨ ᠥᠩᠭᠡᠷᠡᠬᠦ ᠨᠢ
ᠭᠠᠯ ᠰᠡᠷᠡᠭᠦᠨ ᠪᠠᠢᠭᠠ ᠴᠠᠭ ᠲᠤ ᠦᠨᠡᠰᠦ ᠨᠢ
ᠬᠡᠵᠢᠶᠡ ᠴᠤ᠌ ᠦᠲᠦᠷᠢᠬᠦ ᠦᠭᠡᠢ ᠨᠢ
ᠭᠠᠭᠴᠠ ᠶᠠᠪᠤᠭᠠ ᠨᠠᠰᠤᠨ ᠳ᠋ᠤ᠌ ᠮᠢᠨᠢ
ᠦᠢᠯᠡ ᠶ᠋ᠢᠨ ᠦᠷᠡ ᠭᠡᠭᠴᠢ ᠰᠠᠯᠬᠤ ᠦᠭᠡᠢ ᠨᠢ
ᠳᠠᠭᠤᠯᠠᠭᠰᠠᠭᠠᠷ ᠳᠠᠭᠤᠯᠠᠭᠰᠠᠭᠠᠷ ᠳᠠᠭᠤᠤ ᠰᠢᠨᠡ ᠪᠡᠷ ᠢ᠋ᠶ᠋ᠡᠨ
ᠳᠤᠷᠠᠯᠠᠭᠰᠠᠭᠠᠷ ᠳᠤᠷᠠᠯᠠᠭᠰᠠᠭᠠᠷ ᠴᠤ᠌ ᠳᠤᠷᠠᠯᠠᠯ ᠠᠩᠬᠠᠨ ᠤ᠋ ᠬᠢ ᠪᠡᠷ ᠢ᠋ᠶ᠋ᠡᠨ
ᠥᠲᠡᠯᠦᠭᠰᠡᠭᠡᠷ ᠥᠲᠡᠯᠦᠭᠰᠡᠭᠡᠷ ᠴᠤ᠌ ᠢᠵᠢᠢ ᠮᠢᠨᠢ ᠶᠠᠩᠵᠤ ᠪᠠᠷ ᠢ᠋ᠶ᠋ᠠᠨ
ᠥᠰᠦᠭᠰᠡᠭᠡᠷ ᠥᠰᠦᠭᠰᠡᠭᠡᠷ ᠴᠤ᠌ ᠦᠷᠡ ᠮᠢᠨᠢ ᠨᠢᠯᠬᠠ ᠪᠠᠷ ᠢ᠋ᠶ᠋ᠠᠨ
ᠡᠳᠦᠷ ᠰᠥᠨᠢ ᠬᠣᠶᠠᠷ ᠴᠤ᠌ ᠬᠠᠷᠢᠨ ᠵᠤᠯᠠᠢ ᠳᠡᠭᠡᠷᠡ ᠡᠴᠡ ᠮᠢᠨᠢ ᠬᠣᠯᠠᠳᠬᠤ ᠦᠭᠡᠢ ᠨᠢ
ᠥᠭᠰᠥᠨ ᠤᠷᠤᠭᠤᠳᠠᠬᠤ ᠬᠣᠶᠠᠷ ᠥᠯᠮᠡᠢ ᠳᠣᠣᠷᠠ ᠠ᠋ᠴᠠ ᠮᠢᠨᠢ ᠰᠠᠯᠬᠤ ᠦᠭᠡᠢ ᠨᠢ
ᠬᠣᠶᠠᠷ ᠦᠨᠡᠨ ᠦ᠌ ᠵᠠᠪᠰᠠᠷ ᠨᠢᠭᠡᠨ ᠬᠤᠳᠠᠯ ᠬᠠᠪᠴᠢᠭᠤᠯᠤᠭᠠᠰᠤᠲᠠᠢ
ᠬᠣᠷᠸᠠ ᠶ᠋ᠢᠨ ᠲᠣᠭᠣᠰᠣᠨ ᠳ᠋ᠤ᠌ ᠪᠢ ᠴᠢᠨᠢ ᠠᠯᠬᠠᠯᠠᠵᠦ ᠶᠠᠪᠤᠨᠠ ᠳᠠ᠁
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ