ᠪᠠ᠊·ᠲᠣᠭᠣᠰ ᠤᠨ ᠡᠮᠬᠢᠳᠬᠡᠵᠦ ᠨᠠᠢᠷᠠᠭᠤᠯᠤᠭᠰᠠᠨ ᠰᠤᠷᠭᠠᠯ ᠮᠥᠷᠲᠦ ᠨᠤᠭᠦᠳ 202501Б·тогосын эмхэтгэж найруулсан сургаал мөрт нөхөд
594ᠳᠠᠮ ᠪᠣᠯ ᠲᠣᠮ ᠪᠣᠯ ᠡᠮ ᠪᠣᠯ
ᠡᠷᠳᠡᠨᠢᠲᠦ ᠬᠥᠮᠦᠨ ᠦ᠌ ᠠᠮᠢᠳᠤᠷᠠᠯ ᠪᠣᠯᠪᠠᠰᠤ
ᠡᠷᠳᠡᠨᠢ ᠮᠡᠲᠦ ᠬᠣᠪᠣᠷ ᠠᠵᠠ ᠲᠣᠬᠢᠶᠠᠯ
ᠡᠷᠳᠡᠨᠢ ᠮᠡᠲᠦ ᠨᠠᠨᠳᠢᠩᠨᠠᠭᠤᠰᠢᠲᠠᠢ ᠬᠣᠷᠣᠮ ᠪᠦᠷᠢ ᠪᠣᠯᠠᠢ᠃
2025.1.1
ᠡᠷᠳᠡᠨᠢᠲᠦ ᠬᠥᠮᠦᠨ ᠦ᠌ ᠪᠡᠶᠡ ᠭᠡᠭᠴᠢ ᠦᠨᠡᠬᠡᠷ ᠰᠠᠢᠬᠠᠨ
ᠡᠨᠡ ᠶᠢᠷᠲᠢᠨᠴᠦ ᠳᠡᠭᠡᠷᠡ ᠲᠡᠭᠦᠨ ᠲᠡᠢ ᠬᠣᠣᠰᠯᠠᠬᠤ ᠶᠠᠭᠤ ᠪᠠᠢᠨᠠᠮ᠃
2025.1.2
ᠣᠯᠳᠠᠬᠤᠶᠠ ᠪᠡᠷᠬᠡ ᠡᠷᠳᠡᠨᠢᠲᠦ ᠬᠥᠮᠦᠨ ᠦ᠌ ᠪᠡᠶᠡ ᠪᠡᠨ ᠬᠠᠢᠷᠠᠯᠠᠵᠤ ᠬᠠᠮᠠᠭᠠᠯᠠᠶᠤ
ᠣᠯᠳᠠᠰᠢ ᠦᠭᠡᠢ ᠡᠷᠳᠡᠨᠢᠲᠦ ᠬᠥᠮᠦᠨ ᠦ᠌ ᠠᠮᠢᠳᠤᠷᠠᠯ ᠢ᠋ᠶ᠋ᠠᠨ ᠬᠢᠮᠠᠭᠠᠳᠠᠨ ᠭᠡᠭᠡᠷᠡᠵᠦ ᠠᠮᠢᠳᠤᠷᠠᠶᠤ᠃
2025.1.3
ᠡᠷᠳᠡᠨᠢᠲᠦ ᠬᠥᠮᠦᠨ ᠦ᠌ ᠠᠮᠢᠳᠤᠷᠠᠯ ᠤᠨ ᠮᠢᠬᠠᠨ ᠪᠡᠶᠡ ᠪᠣᠯᠪᠠᠰᠤ ᠵᠣᠪᠠᠯᠠᠩ ᠤᠨ ᠦᠨᠳᠦᠰᠦ
ᠡᠨᠡᠬᠦ ᠶᠢᠷᠲᠢᠨᠴᠦ ᠶ᠋ᠢᠨ ᠵᠢᠷᠭᠠᠯ ᠪᠣᠯᠪᠠᠰᠤ ᠵᠣᠪᠠᠯᠠᠩ ᠤᠨ ᠰᠢᠯᠲᠠᠭᠠᠨ ᠪᠤᠶᠤ
ᠡᠷᠳᠡᠨᠢᠲᠦ ᠬᠥᠮᠦᠨ ᠦ᠌ ᠲᠥᠷᠥᠯ ᠢ᠋ ᠠᠰᠢᠭᠯᠠᠵᠤ ᠭᠡᠭᠡᠷᠡᠯ ᠳ᠋ᠦ᠍ ᠰᠢᠮᠳᠠᠶᠤ᠃
2025.1.4
ᠡᠷᠳᠡᠨᠢᠲᠦ ᠬᠥᠮᠦᠨ ᠦ᠌ ᠪᠡᠶᠡ ᠶ᠋ᠢ ᠣᠯᠵᠤ ᠲᠥᠷᠥᠨᠡ ᠭᠡᠳᠡᠭ ᠲᠤᠢᠯ ᠠ᠋ᠴᠠ ᠪᠡᠷᠬᠡ
ᠦᠯᠢᠭᠡᠷᠯᠡᠪᠡᠰᠦ《ᠳᠡᠭᠡᠭᠰᠢ ᠬᠠᠷᠠᠭᠤᠯᠤᠨ ᠬᠠᠳᠬᠤᠭᠰᠠᠨ ᠵᠡᠭᠦᠦ ᠶ᠋ᠢᠨ ᠦᠵᠦᠭᠦᠷ ᠲᠦ᠍ ᠠᠷᠪᠠᠢ ᠲᠣᠭᠲᠠᠭᠠᠬᠤ ᠲᠠᠢ ᠠᠳᠠᠯᠢ》 ᠪᠤᠶᠤ᠃
2025.1.5
ᠡᠷᠳᠡᠨᠢᠳᠦ ᠬᠥᠮᠦᠨ ᠦ ᠥᠲᠡᠯᠵᠦ ᠬᠥᠭᠰᠢᠷᠡᠬᠦ ᠨᠠᠰᠤ ᠶ᠋ᠢ
ᠶᠠᠮᠠᠷ ᠴᠦ᠍ ᠬᠥᠮᠦᠨ ᠲᠣᠭᠣᠷᠢᠵᠤ ᠭᠠᠷᠬᠤ ᠦᠭᠡᠢ᠂ ᠵᠠᠪᠠᠯ ᠳᠠᠭᠠᠷᠢᠵᠤ ᠭᠠᠷᠬᠤ ᠵᠢᠮᠡ ᠲᠠᠢ᠃
2025.1.6
ᠡᠷᠳᠡᠨᠢᠲᠦ ᠬᠥᠮᠦᠨ ᠦ ᠪᠡᠶᠡ ᠶ᠋ᠢ ᠣᠯᠵᠤ ᠲᠥᠷᠥᠭᠡᠳ
ᠪᠦᠲᠦᠭᠡᠵᠦ ᠴᠣᠭᠴᠠᠯᠠᠭᠰᠠᠨ ᠪᠤᠶᠠᠨ ᠤ ᠵᠦᠢᠯ
ᠳᠠᠭᠤᠷᠢᠰᠬᠤ ᠠᠯᠳᠠᠷ ᠨᠡᠷᠡ ᠪᠡᠷ ᠶ᠋ᠢᠡᠨ ᠬᠣᠶ᠋ᠢᠴᠢ ᠦᠶᠡ ᠳ᠋ᠤ᠌ ᠮᠥᠩᠬᠡᠷᠡᠳᠡᠭ ᠡᠴᠡ ᠪᠤᠰᠤ
ᠨᠠᠰᠤᠨ ᠤ ᠲᠣᠭᠠ ᠬᠡᠮᠵᠢᠶᠡ ᠪᠡᠷ ᠳᠠᠭᠤᠷᠢᠰᠬᠤ ᠦᠭᠡᠢ ᠪᠢᠯᠡ᠃
2025.1.7
ᠡᠷᠳᠡᠨᠢᠲᠦ ᠬᠥᠮᠦᠨ ᠥᠪᠡᠷ ᠶ᠋ᠢᠡᠨ ᠰᠢᠪᠬᠠᠭᠳᠠᠰᠢ ᠦᠭᠡᠢ ᠨᠢᠭᠡᠨ ᠶᠢᠷᠲᠢᠨᠴᠦ ᠪᠤᠶᠤ
ᠲᠡᠭᠦᠨ ᠦ ᠣᠶᠤᠨ ᠤᠬᠠᠭᠠᠨ ᠬᠢᠵᠠᠭᠠᠷ ᠦᠭᠡᠢ ᠪᠣᠯᠠᠢ᠃
2025.1.8
ᠡᠷᠳᠡᠨᠢᠲᠦ ᠬᠥᠮᠦᠨ ᠦ ᠨᠢᠭᠡ ᠨᠠᠰᠤᠨ ᠤ ᠠᠮᠢᠳᠤᠷᠠᠯ ᠳ᠋ᠤ᠌
ᠬᠥᠮᠦᠨ ᠬᠡᠮᠡᠬᠦ ᠡᠷᠳᠡᠨᠢ ᠶ᠋ᠢᠨ ᠡᠷᠬᠢᠮ ᠴᠢᠨᠠᠷ ᠶ᠋ᠢᠠᠨ ᠬᠠᠳᠠᠭᠠᠯᠠᠵᠤ ᠶᠠᠪᠤᠬᠤ ᠤᠴᠢᠷᠲᠠᠢ ᠪᠣᠯᠠᠢ᠃
2025.1.9
ᠡᠷᠳᠡᠨᠢᠲᠦ ᠬᠥᠮᠦᠨ ᠦ ᠠᠮᠢᠳᠤᠷᠠᠯ ᠪᠣᠯᠪᠠᠰᠤ
ᠡᠷᠲᠡᠨ ᠦ ᠪᠤᠷᠬᠠᠨ ᠮᠡᠷᠭᠡᠳ ᠦ᠋ᠨ ᠰᠤᠷᠭᠠᠯ ᠊ᠢ ᠢᠳᠡᠭᠡᠨ ᠦᠨᠡᠮᠰᠢᠬᠦ᠂ ᠵᠢᠷᠤᠮᠯᠠᠨ ᠳᠠᠭᠠᠬᠤ᠂ ᠪᠡᠶᠡ ᠪᠡᠷ ᠶ᠋ᠢᠡᠨ ᠬᠡᠪ ᠳᠠᠭᠤᠷᠢᠶᠠᠯ ᠦᠵᠡᠭᠦᠯᠬᠦ ᠵᠡᠷᠭᠡ ᠪᠠᠷ ᠦᠷᠭᠦᠯᠵᠢᠯᠡᠳᠡᠭ ᠪᠤᠶᠤ᠃
2025.1.10
ᠡᠷᠳᠡᠨᠢᠲᠦ ᠬᠥᠮᠦᠨ ᠪᠣᠯᠪᠠᠰᠤ
ᠨᠠᠰᠤᠨ ᠲᠤᠷᠰᠢ ᠳ᠋ᠠᠭᠠᠨ
ᠰᠤᠷᠴᠤ ᠬᠥᠮᠦᠵᠢᠳᠡᠭ᠂ ᠰᠡᠬᠡᠭᠡᠷᠡᠵᠦ ᠤᠬᠠᠭᠠᠷᠠᠳᠠᠭ᠂
ᠡᠭᠦᠨ ᠦ ᠤᠯᠠᠮ ᠠ᠋ᠴᠠ ᠭᠡᠭᠡᠷᠡᠯ ᠳ᠋ᠤ᠌ ᠬᠦᠷᠳᠡᠭ ᠪᠣᠯᠠᠢ᠃
2025.1.11
ᠡᠷᠳᠡᠨᠢᠲᠦ ᠬᠥᠮᠦᠨ ᠪᠣᠯᠪᠠᠰᠤ
ᠲᠥᠷᠥᠯᠬᠢ ᠮᠥᠨ ᠴᠢᠨᠠᠷ ᠲᠠᠭᠠᠨ ᠤᠬᠠᠭᠠᠨ ᠪᠢᠯᠢᠭ ᠲᠡᠭᠦᠯᠲᠡᠢ ᠤᠴᠢᠷ
ᠥᠪᠡᠷ ᠊ᠢ ᠪᠠᠨ ᠥᠪᠡᠷᠲᠡᠭᠡᠨ ᠤᠬᠠᠮᠰᠠᠷ ᠲᠠᠢ ᠪᠠᠷ ᠵᠢᠯᠣᠭᠣᠳᠴᠤ ᠬᠥᠮᠦᠵᠢᠭᠦᠯᠳᠡᠭ ᠪᠣᠯᠠᠢ᠃
2025.1.12
ᠡᠷᠳᠡᠨᠢᠲᠦ ᠬᠥᠮᠦᠨ ᠪᠣᠯᠪᠠᠰᠤ ᠣᠶᠤᠨ ᠤᠬᠠᠭᠠᠨ᠂ ᠰᠡᠳᠬᠢᠯ ᠰᠠᠨᠠᠭᠠ
ᠵᠣᠷᠢᠭ ᠬᠠᠲᠠᠭᠤᠵᠢᠯ ᠤ᠋ᠨ ᠬᠠᠮᠤᠭ ᠤ᠋ᠨ ᠠᠷᠢᠭᠤᠨ ᠨᠠᠨᠳᠢᠨ ᠴᠢᠨᠠᠷ ᠢ᠋ ᠡᠵᠡᠮᠰᠢᠵᠦ ᠬᠥᠮᠦᠵᠢᠪᠡᠯ
ᠠᠮᠢᠳᠤ ᠶᠠᠪᠤᠬᠤ ᠶ᠋ᠢᠨ ᠵᠢᠷᠭᠠᠯ ᠢ᠋ ᠦᠨᠡᠨᠬᠦ ᠤᠬᠠᠭᠠᠷᠠᠨ ᠣᠢᠯᠠᠭᠠᠵᠤ ᠳᠡᠭᠡᠳᠦᠯᠡᠵᠦ ᠴᠢᠳᠠᠳᠠᠭ ᠪᠣᠯᠠᠢ᠃
2025.1.13
ᠡᠷᠳᠡᠨᠢᠲᠦ ᠬᠥᠮᠦᠨ ᠪᠣᠯᠪᠠᠰᠤ
ᠥᠪᠡᠷ ᠦ᠋ᠨ ᠠᠮᠢᠳᠤᠷᠠᠯ ᠢ᠋ᠶ᠋ᠠᠨ
ᠤᠢᠳᠬᠠᠷ ᠵᠣᠪᠠᠯᠠᠩ ᠦᠭᠡᠢ ᠪᠡᠷ
ᠵᠣᠷᠢᠭ ᠰᠢᠨᠲᠠᠷᠠᠬᠤ ᠦᠭᠡᠢ ᠪᠡᠷ
ᠭᠠᠢᠬᠠᠯᠲᠠᠢ ᠰᠠᠢᠬᠠᠨ ᠢ᠋ᠶ᠋ᠠᠷ ᠵᠣᠬᠢᠶᠠᠵᠤ ᠪᠣᠯᠬᠤ ᠪᠣᠯᠤᠮᠵᠢ ᠪᠦᠷᠢᠨ ᠲᠡᠭᠦᠯᠳᠡᠷ ᠪᠠᠢᠳᠠᠭ ᠪᠤᠶᠤ᠃
2025.1.14
ᠡᠷᠳᠡᠨᠢᠲᠦ ᠬᠥᠮᠦᠨ ᠪᠣᠯᠪᠠᠰᠤ ᠪᠡᠶᠡ ᠪᠡᠨ ᠵᠥᠪ ᠠᠪᠴᠤ ᠶᠠᠪᠤᠬᠤ
ᠠᠳᠠᠯ ᠦᠢᠯᠡᠰ ᠢ᠋ᠶ᠋ᠡᠨ ᠪᠡᠶᠡᠯᠡᠭᠦᠯᠬᠦ
ᠬᠥᠮᠦᠨ ᠦ᠌ ᠮᠥᠰᠥ ᠪᠡᠷ ᠠᠷᠢᠭᠤᠨ ᠰᠠᠢᠨ ᠪᠠᠢᠬᠤ ᠶᠣᠰᠣ ᠲᠠᠢ᠃
2025.1.15
ᠡᠷᠳᠡᠨᠢᠲᠦ ᠬᠥᠮᠦᠨ ᠦ᠌ ᠠᠮᠢᠳᠤᠷᠠᠯ ᠳ᠋ᠤ᠌
ᠥᠰᠬᠦ ᠳ᠋ᠡᠭᠡᠨ ᠬᠠᠲᠠᠭᠤᠵᠢᠯ ᠲᠠᠢ ᠪᠣᠯ
ᠥᠲᠡᠯᠬᠦ ᠳ᠋ᠡᠭᠡᠨ ᠵᠢᠷᠭᠠᠯ ᠲᠠᠢ ᠪᠠᠢᠳᠠᠭ ᠪᠣᠯᠠᠢ᠃
2025.1.16
ᠡᠷᠳᠡᠨᠢᠲᠦ ᠬᠥᠮᠦᠨ ᠦ᠌ ᠠᠮᠢᠳᠤᠷᠠᠯ ᠳ᠋ᠤ᠌
ᠲᠡᠭᠦᠨ ᠢ᠋ ᠬᠢᠵᠦ ᠪᠦᠲᠦᠭᠡᠬᠦ ᠬᠦᠰᠡᠯ ᠪᠠᠢᠪᠠᠯ
ᠬᠡᠵᠢᠶᠡ ᠴᠦ᠍ ᠴᠠᠭ ᠦᠶᠡ ᠳ᠋ᠦ᠍ ᠬᠠᠶᠠᠭᠳᠠᠬᠤ ᠦᠭᠡᠢ
ᠬᠡᠮᠵᠢᠶᠡᠯᠡᠰᠢ ᠦᠭᠡᠢ ᠠᠵᠠ ᠵᠢᠷᠭᠠᠯ ᠢ᠋ ᠴᠣᠭᠴᠠᠯᠠᠵᠤ ᠴᠢᠳᠠᠳᠠᠭ ᠪᠤᠶᠤ᠃
2025.1.17
ᠡᠷᠳᠡᠨᠢᠲᠦ ᠬᠥᠮᠦᠨ ᠦ᠌ ᠠᠮᠢᠳᠤᠷᠠᠯ ᠳ᠋ᠤ᠌
ᠪᠡᠶᠡ ᠬᠡᠯᠡ ᠰᠡᠳᠬᠢᠯ ᠢ᠋ᠶ᠋ᠡᠨ ᠠᠷᠢᠭᠤᠰᠬᠠᠪᠠᠰᠤ
ᠠᠵᠤ ᠠᠮᠢᠳᠤᠷᠠᠯ ᠠᠵᠢᠯ ᠦᠢᠯᠡᠰ ᠨᠢ ᠦᠨᠡ ᠴᠠᠨᠠ ᠲᠠᠢ᠂ ᠤᠳᠬᠠ ᠠᠭᠤᠯᠭᠠ ᠲᠠᠢ ᠪᠣᠯᠵᠤ ᠴᠢᠳᠠᠮᠤᠢ᠃
2025.1.18
ᠡᠷᠳᠡᠨᠢᠲᠦ ᠬᠥᠮᠦᠨ ᠦ᠌ ᠠᠮᠢᠳᠤᠷᠠᠯ ᠪᠣᠯᠪᠠᠰᠤ
ᠥᠪᠡᠷ ᠦ᠋ᠨ ᠨᠢᠳᠦ ᠪᠡᠷ ᠢ᠋ᠶ᠋ᠡᠨ ᠦᠵᠡᠵᠦ
ᠥᠪᠡᠷ ᠦ᠋ᠨ ᠪᠡᠶᠡ ᠪᠡᠷ ᠢ᠋ᠶ᠋ᠡᠨ ᠲᠤᠭᠤᠯᠵᠤ ᠪᠠᠢᠮᠠᠨᠵᠢᠨ ᠤᠬᠠᠭᠠᠷᠠᠯ ᠭᠡᠭᠡᠷᠡᠯ ᠳ᠋ᠦ᠍ ᠬᠦᠷᠳᠡᠭ ᠪᠣᠯᠠᠢ
2025.1.19
ᠡᠷᠳᠡᠨᠢᠲᠦ ᠬᠥᠮᠦᠨ ᠦ᠌ ᠠᠮᠢᠳᠤᠷᠠᠯ ᠪᠣᠯᠪᠠᠰᠤ
ᠥᠪᠡᠷ ᠦ᠋ᠨ ᠪᠡᠶᠡ ᠶ᠋ᠢᠨ ᠳᠤᠲᠠᠭᠳᠠᠯ ᠲᠠᠢ ᠲᠠᠯᠠ ᠪᠠᠨ ᠵᠠᠰᠠᠨ ᠲᠡᠭᠦᠯᠳᠡᠷᠵᠢᠭᠦᠯᠬᠦ
ᠲᠡᠭᠦᠰ ᠤᠬᠠᠭᠠᠷᠠᠯ ᠳ᠋ᠤ᠌ ᠬᠦᠷᠬᠦ ᠲᠡᠮᠡᠦᠯᠦᠯ ᠪᠣᠯᠠᠢ᠃
2025.1.20
ᠡᠷᠳᠡᠨᠢᠲᠦ ᠬᠥᠮᠦᠨ ᠦ᠌ ᠠᠮᠢᠳᠤᠷᠠᠯ ᠪᠣᠯᠪᠠᠰᠤ
ᠴᠠᠢᠯᠭᠠᠨ ᠠᠷᠢᠭᠤᠨ ᠪᠣᠳᠢ ᠰᠡᠳᠬᠢᠯ ᠦ᠋ᠨ ᠮᠥᠨ ᠴᠢᠨᠠᠷ ᠢ᠋ᠶ᠋ᠠᠨ ᠢᠯᠡᠷᠡᠭᠦᠯᠵᠦ
ᠥᠪᠡᠷᠲᠡᠭᠡᠨ ᠥᠪᠡᠷ ᠢ᠋ ᠪᠡᠨ ᠠᠪᠤᠷᠠᠬᠤ ᠥᠩᠭᠡᠷᠡᠯᠲᠡ ᠪᠣᠯᠠᠢ᠃
2025.1.21
ᠡᠷᠳᠡᠨᠢᠲᠦ ᠬᠥᠮᠦᠨ ᠦ᠌ ᠠᠮᠢᠳᠤᠷᠠᠯ ᠳ᠋ᠤ᠌
ᠬᠠᠮᠤᠭ ᠤ᠋ᠨ ᠬᠠᠲᠠᠭᠤ ᠰᠢᠭᠦᠭᠴᠢ ᠪᠣᠯᠪᠠᠰᠤ
ᠥᠪᠡᠷ ᠦ᠋ᠨ ᠠᠷᠢᠭᠤᠨ ᠪᠣᠳᠢ ᠰᠡᠳᠬᠢᠯ ᠪᠣᠯᠠᠢ᠃
2025.1.22
ᠡᠷᠳᠡᠨᠢᠲᠦ ᠬᠥᠮᠦᠨ ᠦ᠌ ᠠᠮᠢᠳᠤᠷᠠᠯ ᠳ᠋ᠤ᠌
ᠰᠡᠳᠬᠢᠯ ᠦ᠋ᠨ ᠲᠡᠩᠬᠡᠭᠡ᠂ ᠪᠡᠶᠡ ᠶ᠋ᠢᠨ ᠲᠡᠩᠬᠡᠭᠡ ᠶ᠋ᠢ ᠡᠷᠭᠦᠵᠦ ᠶᠠᠪᠤᠬᠤ ᠶᠣᠰᠣ ᠶ᠋ᠢ ᠮᠡᠳᠡᠷᠡᠵᠦ ᠶᠠᠪᠤᠪᠠᠰᠤ
ᠨᠠᠰᠤᠨ ᠲᠤᠷᠰᠢ ᠠᠵᠠ ᠵᠢᠷᠭᠠᠯ ᠲᠠᠢ ᠪᠠᠶᠠᠷ ᠪᠠᠶᠠᠰᠤᠯ ᠲᠠᠢ ᠠᠮᠢᠳᠤᠷᠠᠵᠤ ᠴᠢᠳᠠᠮᠤᠢ᠃
2025.1.23
ᠡᠷᠳᠡᠨᠢᠲᠦ ᠬᠥᠮᠦᠨ ᠦ᠌ ᠠᠮᠢᠳᠤᠷᠠᠯ ᠪᠣᠯ
ᠡᠷᠡᠭᠦᠯ ᠪᠡᠶᠡ ᠰᠠᠷᠠᠭᠤᠯ ᠤᠬᠠᠭᠠᠨ ᠢ᠋ᠶ᠋ᠠᠷ ᠰᠠᠭᠤᠷᠢ ᠪᠣᠯᠭᠠᠵᠤ
ᠠᠷᠢᠭᠤᠨ ᠪᠣᠳᠢ ᠰᠡᠳᠬᠢᠯ ᠢ᠋ᠶ᠋ᠡᠷ ᠵᠠᠰᠠᠯ ᠭᠣᠶᠣᠯᠠᠯ ᠪᠣᠯᠭᠠᠵᠤ
ᠡᠨᠡᠷᠢᠩᠭᠦᠢ ᠥᠷᠥᠰᠢᠶᠡᠩᠭᠦᠢ ᠭᠡᠭᠡᠷᠡᠯ ᠢ᠋ᠶ᠋ᠡᠷ ᠵᠣᠷᠢᠯᠭᠠ ᠪᠣᠯᠭᠠᠳᠠᠭ ᠪᠣᠯᠠᠢ᠃
2025.1.24
ᠡᠷᠳᠡᠨᠢᠲᠦ ᠬᠥᠮᠦᠨ ᠦ᠌ ᠠᠮᠢᠳᠤᠷᠠᠯ ᠪᠣᠯ
ᠬᠠᠲᠠᠭᠤᠵᠢᠯᠲᠠᠢ ᠲᠡᠰᠪᠦᠷᠢᠲᠡᠢ ᠪᠡᠷ ᠬᠦᠴᠢᠷ ᠵᠣᠪᠠᠯᠠᠩ ᠢ᠋ ᠲᠤᠭᠤᠯᠵᠤ
ᠬᠥᠮᠦᠨ ᠦ᠌ ᠳᠡᠭᠡᠳᠦ ᠬᠥᠮᠦᠨ ᠪᠣᠯᠵᠤ
ᠵᠢᠷᠭᠤᠭᠠᠨ ᠵᠠᠮ ᠠ᠋ᠴᠠ ᠬᠡᠲᠦᠯᠦᠭᠳᠡᠨ ᠠᠪᠤᠷᠠᠭᠳᠠᠬᠤ ᠠᠶᠠᠯᠠᠯ ᠪᠣᠯᠠᠢ᠃
2025.1.25
ᠡᠷᠳᠡᠨᠢᠲᠦ ᠬᠥᠮᠦᠨ ᠦ᠌ ᠠᠮᠢᠳᠤᠷᠠᠯ ᠳ᠋ᠤ᠌
ᠪᠤᠶᠠᠨ ᠬᠤᠷᠢᠶᠠᠬᠤᠢ ᠶ᠋ᠢᠨ ᠳᠡᠭᠡᠳᠦ ᠨᠢ ᠠᠰᠠᠷᠠᠬᠤᠢ
ᠲᠤᠰᠠ ᠦᠢᠯᠡᠳᠬᠦ ᠶ᠋ᠢᠨ ᠳᠡᠭᠡᠳᠦ ᠨᠢ ᠨᠢᠭᠦᠯᠡᠰᠬᠦᠢ ᠭᠡᠳᠡᠭ ᠢ᠋ ᠣᠢᠯᠠᠭᠠᠪᠠᠰᠤ
ᠶᠡᠬᠡ ᠦᠢᠯᠡ ᠶ᠋ᠢ ᠪᠦᠲᠦᠭᠡᠵᠦ ᠴᠢᠳᠠᠮᠤᠢ᠃
2025.1.26
ᠡᠷᠳᠡᠨᠢᠲᠦ ᠬᠥᠮᠦᠨ ᠦ᠌ ᠠᠮᠢᠳᠤᠷᠠᠯ ᠳ᠋ᠤ᠌
ᠡᠷᠳᠡᠨᠢ ᠲᠠᠨᠠ ᠡᠯᠡᠭᠳᠡᠬᠦ ᠳᠣᠳᠣᠮ ᠥᠩᠭᠡ ᠣᠷᠣᠳᠠᠭ
ᠡᠷᠳᠡᠨᠢ ᠮᠡᠲᠦ ᠬᠥᠮᠦᠨ ᠵᠣᠪᠠᠯᠠᠩ ᠢ᠋ ᠲᠤᠭᠤᠯᠬᠤ ᠳᠣᠳᠣᠮ ᠤᠬᠠᠭᠠᠨ ᠣᠷᠣᠳᠠᠭ ᠵᠢᠮᠡ ᠶ᠋ᠢ ᠦᠨᠡᠨᠬᠦ ᠮᠡᠳᠡᠷᠡᠪᠡᠰᠦ ᠳᠡᠭᠡᠳᠦ ᠪᠣᠯᠠᠢ᠃
2025.1.27
ᠡᠷᠳᠡᠨᠢᠲᠦ ᠬᠥᠮᠦᠨ ᠦ᠌ ᠠᠮᠢᠳᠤᠷᠠᠯ ᠳ᠋ᠤ᠌
ᠬᠠᠲᠠᠭᠤᠵᠢᠵᠤ ᠶᠠᠪᠤᠪᠠᠯ ᠬᠠᠮᠤᠭ ᠲᠤ᠌ ᠲᠤᠰᠠᠲᠠᠢ
ᠠᠷᠢᠭᠤᠨ ᠶᠠᠪᠤᠪᠠᠯ ᠠᠰᠢᠳᠠ ᠲᠤᠰᠠᠲᠠᠢ ᠭᠡᠰᠡᠨ ᠢ᠋
ᠦᠢᠯᠡᠳᠦᠯᠭᠡ ᠳᠤᠮᠳᠠ ᠬᠡᠷᠡᠭᠵᠢᠭᠦᠯᠵᠦ ᠴᠢᠳᠠᠪᠠᠰᠤ ᠡᠷᠬᠢᠮ ᠪᠣᠯᠠᠢ᠃
2025.1.28
ᠡᠷᠳᠡᠨᠢᠲᠦ ᠬᠥᠮᠦᠨ ᠦ᠌ ᠠᠮᠢᠳᠤᠷᠠᠯ ᠳ᠋ᠤ᠌
ᠬᠠᠢᠷᠠ ᠪᠠᠷ ᠠᠮᠢᠳᠤᠷᠠᠯ ᠢ᠋ᠶ᠋ᠠᠨ ᠰᠦᠯᠡᠵᠦ ᠴᠢᠳᠠᠪᠠᠰᠤ
ᠠᠢᠯ ᠡᠷᠦᠬᠡ ᠠᠵᠢᠯ ᠦᠢᠯᠡᠰ
ᠰᠠᠨᠠᠭᠰᠠᠨ ᠶᠣᠰᠣᠭᠠᠷ ᠰᠡᠳᠭᠢᠴᠢᠯᠡᠨ ᠪᠦᠲᠦᠮᠦᠢ᠃
2025.1.29
ᠡᠷᠳᠡᠨᠢ ᠮᠡᠲᠦ ᠬᠥᠮᠦᠨ ᠦ᠌ ᠠᠮᠢᠳᠤᠷᠠᠯ ᠢ᠋ᠶ᠋ᠠᠨ
ᠡᠷᠬᠢᠮᠯᠡᠵᠦ ᠳᠡᠭᠡᠳᠦᠯᠡᠵᠦ
ᠡᠵᠡᠮᠳᠡᠵᠦ ᠡᠵᠡᠩᠨᠡᠵᠦ
ᠡᠷᠴᠢᠮᠵᠢᠭᠦᠯᠵᠦ ᠲᠡᠭᠦᠯᠳᠡᠷᠵᠢᠭᠦᠯᠵᠦ ᠶᠠᠪᠤᠶᠤ᠃
2025.1.30
ᠡᠷᠳᠡᠨᠢ ᠮᠡᠲᠦ ᠬᠥᠮᠦᠨ᠂ ᠵᠠᠶᠠᠭᠠ ᠲᠠᠪᠢᠯᠠᠩ ᠢ᠋ᠶ᠋ᠠᠨ
ᠲᠤᠩᠭᠠᠯᠠᠭ ᠴᠡᠪᠡᠷ ᠠᠷᠢᠭᠤᠰᠬᠠᠵᠤ
ᠬᠡᠬᠡᠷᠡᠭᠦᠯᠵᠦ ᠭᠡᠷᠡᠯᠲᠦᠭᠦᠯᠵᠦ
ᠪᠣᠳᠢ ᠬᠤᠲᠤᠭ ᠲᠤ᠌ ᠬᠦᠷᠭᠡᠶᠡ᠃
2025.1.31
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠ᠊· ᠲᠣᠭᠣᠰ
ᠦᠰᠦᠭ ᠬᠢᠨᠠᠭᠴᠢ᠄ ᠲᠣ᠊· ᠨᠠᠨᠳᠢᠨ᠂ ᠣᠳᠬᠠᠨᠰᠣᠠ