ᠮᠠᠨᠵᠤᠰᠢᠷᠢ ᠶ᠋ᠢᠨ ᠮᠠᠭᠲᠠᠭᠠᠯМанзуширын магтаал
1410ᠮᠠᠨᠵᠤᠰᠢᠷᠢ ᠶ᠋ᠢᠨ ᠮᠠᠭᠲᠠᠭᠠᠯ ᠬᠡᠮᠡᠬᠦ ᠣᠷᠣᠰᠢᠪᠠ
ᠣᠮ ᠠ ᠬᠣᠩ ᠅
ᠮᠠᠨᠵᠤᠰᠢᠷᠢ ᠶ᠋ᠢᠨ ᠮᠠᠭᠲᠠᠭᠠᠯ
ᠢᠯᠠᠭᠤᠭᠰᠠᠨ ᠭᠠᠭᠴᠠ ᠡᠴᠢᠭᠡ ᠃
ᠵᠠᠯᠠᠭᠤᠰ ᠤ᠋ᠨ ᠳᠦᠷᠢ ᠪᠠᠷᠢᠭᠰᠠᠨ᠃
ᠪᠡᠯᠭᠡ ᠪᠢᠯᠢᠭ ᠲᠠᠪᠤᠨ ᠥᠰᠨᠢᠷᠲᠦ᠃
ᠮᠠᠨᠵᠤᠰᠢᠷᠢ ᠲᠠᠨ ᠳ᠋ᠤᠷ ᠮᠥᠷᠭᠥᠮᠦ᠅
ᠠᠯᠲᠠᠨ ᠰᠦᠮᠪᠦᠷ ᠠᠭᠤᠯᠠᠨ ᠨᠠᠷᠠᠨ ᠤ᠋᠃
ᠭᠡᠷᠡᠯ ᠲᠣᠰᠴᠤ ᠪᠦᠬᠦᠢ ᠶ᠋ᠢᠨ ᠠᠳᠠᠯᠢ᠃
ᠭᠡᠭᠡᠨ ᠪᠡᠶᠡ ᠦᠵᠡᠪᠡᠰᠦ ᠭᠤᠸᠠ᠃
ᠮᠠᠨᠵᠤᠰᠢᠷᠢ ᠲᠠᠨ ᠳ᠋ᠤᠷ ᠮᠥᠷᠭᠥᠮᠦ᠅
ᠨᠠᠢ᠍ᠮᠠᠨ ᠳᠡᠪᠬᠡ ᠶ᠋ᠢᠨ ᠬᠥᠭᠲᠦ ᠠᠶᠠᠰ ᠢ᠋᠃
ᠰᠣᠷᠢᠶᠠ ᠪᠠᠷ ᠳᠠᠷᠤᠨ ᠴᠢᠳᠠᠭᠴᠢ᠃
ᠵᠠᠷᠯᠢᠭ ᠠᠨᠤ ᠨᠣᠮ ᠤ᠋ᠨ ᠣᠳᠬᠠᠨᠲᠦ᠃
ᠮᠠᠨᠵᠤᠰᠢᠷᠢ ᠲᠠᠨ ᠳ᠋ᠤᠷ ᠮᠥᠷᠭᠥᠮᠦ ᠅
ᠶᠠᠮᠪᠠᠷ ᠮᠡᠲᠦ ᠬᠡᠳᠦᠢ ᠪᠦᠬᠦᠨ ᠦ᠌᠃
ᠮᠡᠳᠡᠭᠳᠡᠬᠦᠨ ᠬᠠᠮᠤᠭ ᠣᠷᠣᠨ ᠢ᠋᠃
ᠰᠡᠳᠬᠢᠯ ᠳ᠋ᠡᠭᠡᠨ ᠰᠠᠢᠲᠤᠷ ᠮᠡᠳᠡᠭᠴᠢ᠃
ᠮᠠᠨᠵᠤᠰᠢᠷᠢ ᠲᠠᠨ ᠳ᠋ᠤᠷ ᠮᠥᠷᠭᠥᠮᠦ᠅
ᠳᠡᠯᠭᠡᠷᠡᠭᠰᠡᠨ ᠪᠠᠳᠮᠠ ᠶ᠋ᠢᠨ ᠬᠦᠢᠰᠦᠨ ᠳ᠋ᠦ᠍ᠷ ᠃
ᠳᠦᠭᠦᠷᠦᠭᠰᠡᠨ ᠰᠠᠷᠠᠨ ᠮᠠᠨᠳᠠᠯ ᠳ᠋ᠤᠷ ᠃
ᠲᠡᠭᠦᠰᠦᠭᠰᠡᠨ ᠯᠡᠭᠱᠠᠨ ᠨᠠᠢᠷᠠᠭᠲᠦ᠃
ᠮᠠᠨᠵᠤᠰᠢᠷᠢ ᠲᠠᠨ ᠳ᠋ᠤᠷ ᠮᠥᠷᠭᠥᠮᠦ᠅
ᠪᠠᠷᠠᠭᠤᠨ ᠭᠠᠷ ᠲᠤᠷ ᠢᠯᠳᠦ ᠪᠠᠷᠢᠭᠠᠳ᠃
ᠵᠡᠭᠦᠨ ᠭᠠᠷ ᠲᠤᠷ ᠤᠳᠪᠠᠯᠠ ᠳᠡᠭᠡᠷᠡ᠃
ᠪᠠᠷᠠᠮᠢᠳ ᠤ᠋ᠨ ᠳᠡᠪᠲᠡᠷ ᠪᠠᠷᠢᠭᠰᠠᠨ᠃
ᠮᠠᠨᠵᠤᠰᠢᠷᠢ ᠲᠠᠨ ᠳ᠋ᠤᠷ ᠮᠥᠷᠭᠥᠮᠦ ᠅
ᠬᠥᠬᠡᠮᠳᠦᠭ ᠬᠠᠷᠠ ᠦᠰᠦ ᠪᠡᠨ᠃
ᠲᠠᠪᠤᠨ ᠬᠡᠰᠡᠭ ᠦᠰᠨᠢᠷ ᠵᠠᠩᠭᠢᠳᠤᠨ᠃
ᠮᠦᠰᠢᠶᠡᠬᠦᠢ ᠪᠥᠭᠡᠳ ᠵᠢᠪᠬᠤᠯᠠᠩ᠃
ᠮᠠᠨᠵᠤᠰᠢᠷᠢ ᠲᠠᠨ ᠳ᠋ᠤᠷ ᠮᠥᠷᠭᠥᠮᠦ᠅
ᠲᠡᠭᠷᠢ ᠶ᠋ᠢᠨ ᠡᠳ᠋ ᠦ᠋ᠨ ᠬᠤᠪᠴᠠᠳ ᠡᠮᠦᠰᠦᠨ ᠃
ᠡᠷᠳᠡᠨᠢᠰ ᠦ᠋ᠨ ᠴᠢᠮᠡᠭ ᠵᠡᠭᠦᠭᠰᠡᠨ᠃
ᠲᠡᠭᠦᠰ ᠵᠢᠷᠭᠠᠯᠠᠩ ᠤ᠋ᠨ ᠳᠦᠷᠢᠲᠦ ᠃
ᠮᠠᠨᠵᠤᠰᠢᠷᠢ ᠲᠠᠨ ᠳ᠋ᠤᠷ ᠮᠥᠷᠭᠥᠮᠦ᠅
ᠪᠡᠶᠡ ᠡᠴᠡ ᠭᠡᠷᠡᠯ ᠪᠠᠳᠠᠷᠠᠨ ᠃
ᠰᠣᠯᠣᠩᠭᠠᠨ ᠤ᠋ ᠭᠡᠷ ᠦ᠋ᠨ ᠲᠥᠪ ᠳᠤᠮᠳᠠ᠃
ᠸᠴᠢᠷ ᠵᠠᠪᠢᠯᠠᠯ ᠢ᠋ᠶ᠋ᠠᠷ ᠰᠠᠭᠤᠭᠰᠠᠨ ᠃
ᠮᠠᠨᠵᠤᠰᠢᠷᠢ ᠲᠠᠨ ᠳ᠋ᠤᠷ ᠮᠥᠷᠭᠥᠮᠦ᠅
ᠴᠢᠨᠦ ᠪᠡᠯᠭᠡ ᠪᠢᠯᠢᠭ ᠠᠳᠢᠰᠲᠢᠳ᠃
ᠮᠤᠩᠬᠠᠭ ᠬᠠᠷᠠ ᠶ᠋ᠢᠨ ᠤᠭ ᠢ᠋ ᠡᠴᠦᠳᠬᠡᠨ᠃
ᠭᠡᠭᠡᠨ ᠪᠢᠯᠢᠭ ᠤᠳ ᠢ᠋ ᠦᠭᠭᠦᠮᠦᠢ᠃
ᠮᠠᠨᠵᠤᠰᠢᠷᠢ ᠲᠠᠨ ᠳ᠋ᠤᠷ ᠮᠥᠷᠭᠥᠮᠦ᠅
ᠴᠢᠨᠦ ᠡᠷᠳᠡᠮ ᠤᠳ ᠢ᠋ ᠪᠦᠷᠢᠨᠡ᠃
ᠲᠣᠭᠠᠯᠠᠵᠤ ᠦᠯᠦ ᠴᠢᠳᠠᠮᠤᠢ᠃
ᠲᠣᠪᠴᠢᠯᠠᠷᠤᠨ ᠪᠡᠯᠭᠡ ᠪᠢᠯᠢᠭᠲᠦ᠃
ᠮᠠᠨᠵᠤᠰᠢᠷᠢ ᠲᠠᠨ ᠳ᠋ᠤᠷ ᠮᠥᠷᠭᠥᠮᠦ᠅
ᠴᠢᠨᠦ ᠪᠢᠯᠢᠭ ᠨᠠᠷᠠᠨ ᠭᠡᠷᠡᠯ ᠢ᠋ᠶ᠋ᠡᠷ᠃
ᠮᠢᠨᠦ ᠮᠤᠩᠬᠠᠭ ᠣᠢ ᠶ᠋ᠢ ᠭᠡᠢᠭᠦᠯᠦᠨ᠃
ᠵᠠᠷᠯᠢᠭ ᠱᠠᠰᠲᠢᠷ ᠭᠣᠣᠯ ᠢ᠋ ᠣᠨᠣᠬᠤᠢ᠃
ᠣᠶᠤᠨ ᠪᠢᠯᠢᠭ ᠥᠭᠭᠦᠨ ᠰᠣᠶᠣᠷᠬᠠ᠅᠃᠅
ᠦᠰᠦᠭ ᠠᠮᠢᠯᠠᠭᠤᠯᠦᠭ᠍ᠴᠢ᠄ ᠲᠡᠭᠰᠢᠮᠥ᠋ᠩᠬᠡ
ᠬᠢᠨᠠᠭᠴᠢ᠄ ᠱᠠᠰᠢᠨ ᠰᠢᠲᠦᠯᠭᠡ ᠬᠤᠯᠪᠤᠭᠠ
