ᠮᠢᠨᠦ ᠨᠠᠢᠵᠠ-ᠪᠣᠷᠵᠢᠭᠢᠨ ᠪᠦᠯᠢᠶᠡᠨМиний найз-Боржгин Бүлээн
471ᠮᠢᠨᠦ ᠨᠠᠢᠵᠠ
ᠪᠣᠷᠵᠢᠭᠢᠨ ᠪᠦᠯᠢᠶᠡᠨ
ᠰᠡᠳᠬᠢᠯ ᠦ᠋ᠨ ᠭᠤᠨᠢᠭ ᠢ᠋ᠶ᠋ᠠᠨ ᠳᠠᠷᠤᠨ
ᠰᠡᠮᠡᠬᠡᠷ ᠤᠬᠢᠯᠠᠳᠠᠭ ᠪᠣᠷᠣᠽᠠᠨᠳᠠᠨ ᠮᠢᠨᠢ
ᠰᠡᠷᠡᠮᠵᠢ ᠦᠭᠡᠢ ᠢᠷᠡᠳᠡᠭ ᠵᠣᠪᠠᠯᠠᠩ ᠳ᠋ᠤ᠌
ᠰᠡᠮᠡᠰᠡᠷᠡᠲᠡᠯᠡ ᠳᠠᠭᠠᠷᠢᠭᠳᠠᠭᠰᠠᠨ ᠮᠢᠨᠦ ᠨᠠᠢᠵᠠ
ᠡᠯᠢᠭᠡᠨ ᠳᠡᠯᠡᠬᠡᠢ ᠳ᠋ᠦ᠍ ᠡᠷᠭᠢᠵᠦ ᠣᠯᠳᠠᠰᠢ ᠦᠭᠡᠢ
ᠡᠬᠡ ᠶ᠋ᠢᠨ ᠬᠠᠢᠷᠠ ᠶ᠋ᠢ ᠡᠭᠡᠭᠡ ᠯᠡ ᠭᠥᠷᠳᠡᠲᠡᠯᠡ ᠨᠢ
ᠡᠷᠬᠢᠮ ᠪᠠᠭᠰᠢ ᠡᠵᠢ ᠶ᠋ᠢ ᠨᠢ ᠡᠮᠭᠡᠭ ᠡᠪᠡᠳᠴᠢᠨ ᠳᠠᠭᠠᠷᠢᠪᠠ᠁
ᠡᠵᠢ ᠪᠡᠨ ᠣᠷᠣᠯᠠᠵᠤ ᠳᠡᠯᠡᠬᠡᠢ ᠶ᠋ᠢ ᠡᠭᠦᠷᠪᠡ ᠪᠣᠷᠣᠽᠠᠨᠳᠠᠨ ᠮᠢᠨᠢ
ᠥᠪᠡᠷ ᠦ᠋ᠨ ᠭᠠᠷ ᠤᠬᠠᠭᠠᠨ ᠳᠠᠮ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠭᠡᠷ ᠢ᠋ᠶ᠋ᠡᠨ ᠡᠷᠭᠦᠵᠦ
ᠦᠨᠡᠨ ᠵᠢᠷᠦᠬᠡᠨ ᠤ᠋ ᠬᠦᠰᠡᠯ ᠢ᠋ᠶ᠋ᠡᠨ ᠬᠣᠶᠠᠷ ᠳᠡᠭᠦᠦ ᠳ᠋ᠡᠭᠡᠨ ᠨᠠᠢᠳᠠᠵᠤ
ᠦᠯᠡᠮᠵᠢ ᠪᠡᠶᠡ ᠪᠡᠨ ᠵᠦᠳᠡᠭᠡᠨ ᠬᠠᠲᠠᠭᠤ ᠬᠣᠷᠸᠠ ᠶ᠋ᠢ ᠲᠤᠭᠤᠯᠵᠤ
ᠡᠪᠦᠯ ᠵᠤᠨ ᠤ᠋ ᠤᠯᠠᠷᠢᠯ ᠢ ᠳᠠᠬ᠍ᠵᠢᠰ ᠲᠠᠢ ᠵᠢᠬᠡᠭᠦᠨ ᠢ᠋ᠶ᠋ᠡᠷ ᠥᠩᠭᠡᠷᠡᠭᠦᠯᠵᠡᠢ
ᠵᠢᠷᠦᠬᠡᠨ ᠳ᠋ᠦ᠍ᠨᠢ ᠲᠣᠨᠣᠭᠰᠠᠨ ᠡᠮᠵᠢᠩᠬᠡᠨ ᠰᠢᠷᠬᠠ
ᠵᠡᠭᠦᠳᠦᠨ ᠳ᠋ᠦ᠍ ᠪᠡᠨ ᠴᠦ᠍ ᠤᠬᠢᠯᠠᠳᠠᠭ ᠡᠬᠡᠰᠢᠭᠡ ᠦᠭᠡᠢ ᠨᠢᠯᠪᠤᠰᠤ
ᠵᠣᠪᠠᠵᠤ ᠰᠢᠨᠠᠯᠬᠤ ᠶ᠋ᠢ ᠬᠠᠨᠠᠲᠠᠯᠠ ᠠᠮᠰᠠᠭᠰᠠᠨ ᠮᠢᠨᠦ ᠨᠠᠢᠵᠠ
ᠵᠡᠯᠢᠭᠦᠳ ᠭᠣᠪᠢ ᠶ᠋ᠢᠨ ᠥᠨᠥᠴᠢᠨ ᠴᠠᠭᠠᠨ ᠢᠨᠵᠠᠭᠠ ᠮᠢᠨᠢ
ᠲᠡᠭᠷᠢ ᠭᠠᠵᠠᠷ ᠬᠥᠮᠦᠨ ᠭᠤᠷᠪᠠ ᠶ᠋ᠢᠨ ᠡᠶᠡ ᠵᠣᠬᠢᠴᠠᠯ
ᠲᠡᠭᠰᠢ ᠪᠤᠰᠤ ᠶᠢᠷᠲᠢᠨᠴᠦ ᠶ᠋ᠢᠨ ᠬᠠᠷᠠᠰᠠᠯ ᠵᠠᠨᠤᠯ ᠭᠣᠮᠣᠳᠠᠯ
ᠲᠡᠪᠡᠨᠡ ᠶ᠋ᠢᠨ ᠦᠵᠦᠭᠦᠷ ᠰᠢᠭ ᠮᠡᠰᠡ ᠶ᠋ᠢᠨ ᠳᠤᠮᠳᠠᠭᠤᠷ ᠲᠡᠮᠡᠴᠡᠭᠡᠳ
ᠲᠡᠭᠷᠢ ᠴᠡᠯᠮᠡᠭᠰᠢᠵᠦ ᠲᠡᠷᠭᠡᠯ ᠰᠠᠷᠠᠨ ᠮᠡᠲᠦ ᠳᠤᠸᠠᠯᠠᠵᠤ ᠪᠠᠢᠨᠠ ᠮᠢᠨᠦ ᠨᠠᠢᠵᠠ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠬᠥᠬᠡ ᠮᠣᠩᠭᠣᠯ
ᠬᠢᠨᠠᠭᠴᠢ᠄ ᠪᠣᠷᠵᠢᠭᠢᠨ ᠪᠦᠯᠢᠶᠡᠨ
2025᠂02᠂26