ᠺᠡᠦ᠋ᠺᠡᠽ ᠠᠶᠠᠯᠭᠤ -ᠷ ∙ ᠴᠣᠢᠨᠣᠮ-ᠨᠠᠢᠷᠠᠭᠯᠠᠯКавказ аялгуу-Р.Чойном Kavkaz ayalguu-R.Choinom
576ᠺᠡᠦ᠋ᠺᠡᠽ ᠠᠶᠠᠯᠭᠤ
ᠬᠠᠢᠷᠠ ᠰᠡᠳᠬᠢᠯ ᠦ᠋ᠨ ᠲᠤᠬᠠᠢ ᠨᠣᠮ
ᠨᠢᠭᠡ
ᠬᠦᠦ ᠴᠢᠨᠢ ᠪᠤᠭᠤᠷᠤᠯ ᠲᠣᠯᠣᠭᠠᠢ ᠪᠠᠨ
ᠠᠯᠠᠭᠠᠨ ᠳᠡᠭᠡᠷᠡ ᠲᠠᠨᠢ ᠲᠠᠯᠪᠢᠨᠠᠮ᠁
※ ※ ※
ᠬᠥᠮᠦᠨ ᠭᠡᠳᠡᠭ ᠠᠮᠢᠲᠠᠨ ᠭᠤᠷᠪᠠᠨ ᠳᠠᠭᠤᠤ ᠲᠠᠢ ᠠᠵᠢ
ᠬᠦᠢᠲᠡᠨ ᠭᠤᠨᠢᠭ ᠬᠠᠯᠠᠭᠤᠨ ᠪᠠᠶᠠᠷ ᠢ᠋ᠶ᠋ᠠᠨ ᠭᠤᠷᠪᠠᠭᠤᠯᠠ ᠳ᠋ᠤᠨᠢ ᠪᠠᠭᠲᠠᠭᠠᠵᠠᠢ
ᠬᠠᠮᠤᠭ ᠳᠠᠭᠤᠤ ᠡᠴᠡ ᠨᠠᠨᠳᠢᠨ᠂ ᠡᠬᠡ ᠶ᠋ᠢᠨ ᠨᠢᠭᠡᠨ ᠳᠠᠭᠤᠤ ᠶ᠋ᠢ ᠨᠢ
ᠬᠠᠯᠠᠭᠤᠨ ᠥᠯᠥᠭᠡᠢ ᠳᠡᠭᠡᠷᠡ ᠨᠢ ᠡᠵᠢ ᠬᠥᠮᠦᠨ ᠳᠠᠭᠤᠯᠠᠵᠠᠢ᠃
ᠥᠭᠡᠷᠡ ᠨᠢᠭᠡ ᠳᠠᠭᠤᠤ ᠶ᠋ᠢ ᠨᠢ ᠪᠠᠰᠠ ᠡᠬᠡ ᠬᠥᠮᠦᠨ
ᠥᠩᠭᠡᠷᠡᠭᠰᠡᠨ ᠬᠦᠦ ᠶ᠋ᠢᠨ ᠢ᠋ᠶ᠋ᠡᠨ ᠬᠦᠢᠲᠡᠨ ᠬᠠᠴᠠᠷ ᠢ᠋ ᠢᠯᠪᠢᠵᠦ
ᠪᠤᠯᠠᠰᠢ ᠪᠤᠩᠬᠤᠨ ᠳᠡᠭᠡᠷᠡ ᠨᠢ ᠤᠬᠢᠯᠠᠨ ᠳᠠᠭᠤᠯᠠᠳᠠᠭ ᠪᠠᠢᠨᠠᠮ
ᠪᠤᠰᠤᠳ ᠲᠤᠨᠢ ᠶᠠᠭᠠᠬᠢᠬᠤ ᠪᠣᠢ᠂ ᠪᠤᠰᠤᠳ ᠳᠠᠭᠤᠤ ᠨᠤᠭᠤᠳ ᠪᠠᠭᠲᠠᠨᠠᠮ᠃
ᠡᠬᠡ ᠬᠥᠮᠦᠨ
ᠠᠭᠤᠯᠠ ᠶ᠋ᠢᠨ ᠬᠢᠨ ᠦ᠌ ᠤᠳᠤᠮ ᠭᠡᠰᠡᠨ ᠳ᠋ᠡᠭᠡᠨ ᠠᠷᠭᠠ ᠦᠭᠡᠢ ᠯᠡ ᠪᠢ
ᠤᠷᠤᠭ ᠭᠡᠷ ᠢ᠋ᠶ᠋ᠡᠨ ᠴᠤᠤᠭᠢᠭᠤᠯᠤᠭᠰᠠᠨ ᠵᠢᠭᠠᠯ ᠪᠠᠢᠵᠠᠢ
ᠤᠬᠠᠭᠠᠨᠲᠤ ᠡᠵᠢ ᠲᠠᠨ ᠤ᠋ ᠪᠠᠨ ᠦᠭᠡᠨ ᠳ᠋ᠦ᠍
ᠤᠷᠪᠠᠢᠵᠤ ᠭᠦᠵᠢᠳᠡᠭ ᠬᠡᠦᠬᠡᠳ ᠪᠠᠢᠵᠠᠢ᠃
ᠬᠤᠭᠤᠴᠠᠭᠠ ᠴᠠᠭ ᠤᠯᠠᠷᠢᠬᠤ ᠳ᠋ᠤ᠌ ᠲᠡᠭᠦᠨ ᠦ᠌ ᠠᠶᠠ ᠪᠠᠷ ᠪᠢ
ᠬᠤᠪᠢ ᠵᠣᠬᠢᠶᠠᠯ ᠤ᠋ᠨ ᠡᠮᠦᠨᠡ ᠬᠤᠯᠴᠢᠢᠵᠤ ᠦᠵᠡᠭᠰᠡᠨ ᠦᠭᠡᠢ
ᠭᠡᠲᠡᠯᠡ ᠲᠠᠨ ᠤ᠋ ᠪᠠᠨ ᠡᠮᠦᠨᠡ ᠣᠳᠣ ᠬᠦᠷᠲᠡᠯᠡ
ᠭᠡᠮᠦᠷᠴᠦ ᠰᠦᠷᠳᠡᠬᠦᠶᠤᠮ᠂ ᠪᠠᠭᠠ ᠵᠢᠭᠠᠯ ᠰᠢᠭ᠋᠃
ᠠᠮᠢᠬᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠣᠳᠣ ᠬᠣᠶᠠᠭᠤᠯᠠᠬᠠᠨ ᠪᠠᠢᠨᠠ
ᠠᠬᠤᠢ ᠰᠡᠳᠬᠢᠯ ᠢ᠋ᠶ᠋ᠡᠨ ᠠᠭᠤᠳᠠᠯᠤᠩᠬᠠᠨ ᠶᠠᠷᠢᠵᠤ
ᠠᠯᠢ ᠬᠡᠳᠦᠢᠨᠡ ᠪᠤᠭᠤᠷᠤᠯᠲᠤᠭᠰᠠᠨ ᠲᠣᠯᠣᠭᠠᠢ ᠪᠠᠨ
ᠠᠯᠠᠭᠠᠨ ᠳᠡᠭᠡᠷᠡ ᠲᠠᠨᠢ ᠪᠥᠬᠥᠢᠨ ᠲᠠᠯᠪᠢᠶᠠ᠃
ᠬᠣᠩᠭᠣᠷ ᠡᠵᠢ ᠮᠢᠨᠢ ᠠ᠋᠂ ᠶᠠᠭᠠᠬᠢᠨᠠ ᠳᠠ᠂ ᠬᠦᠦ ᠴᠢᠨᠢ
ᠬᠣᠷᠸᠠ ᠶ᠋ᠢᠨ ᠰᠣᠬᠣᠷ ᠦᠢᠮᠡᠭᠡᠨ ᠳ᠋ᠦ᠍ ᠬᠥᠲᠥᠯᠦᠭᠳᠡᠨ
ᠲᠣᠭᠠᠲᠠᠢ ᠬᠣᠨᠣᠭ ᠤ᠋ᠨ ᠵᠢᠷᠭᠠᠯ ᠳ᠋ᠤ᠌ ᠲᠠᠨ ᠢ᠋ ᠪᠡᠨ
ᠲᠣᠭᠣᠵᠤ ᠠᠩᠵᠠᠭᠠᠷᠠᠭᠰᠠᠨ ᠨᠢ ᠴᠥᠭᠡᠬᠡᠨ ᠪᠠᠢᠨᠠ᠃
ᠣᠯᠠᠨ ᠤ᠋ ᠡᠷᠭᠢᠭᠦᠯᠭᠡᠨ ᠳ᠋ᠦ᠍ ᠬᠥᠯ ᠠᠯᠳᠠᠵᠤ
ᠣᠢᠵᠤ ᠪᠠᠭᠤᠵᠤ ᠶᠠᠪᠤᠲᠠᠯᠠ ᠬᠡᠪ ᠭᠡᠨᠡᠳᠲᠡᠬᠡᠨ
ᠣᠩᠭᠣᠨ ᠵᠢᠷᠦᠬᠡ ᠡᠪᠡᠳᠪᠡ᠃ 《ᠠᠷᠠᠢ ᠪᠢ
ᠣᠭᠲᠣ ᠮᠠᠷᠲᠠᠭᠠ ᠦᠭᠡᠢ ᠪᠠᠢᠭᠠ᠂ ᠡᠵᠢ ᠶ᠋ᠢ ᠪᠡᠨ?》
ᠬᠠᠷᠢᠨ ᠡᠵᠢ ᠮᠢᠨᠢ ᠬᠠᠢᠷᠠᠯᠠᠨ ᠰᠢᠨᠠᠯᠵᠤ
ᠬᠠᠷᠢᠶᠠᠬᠤ ᠶ᠋ᠢᠨ ᠣᠷᠣᠨ ᠳ᠋ᠤ᠌ ᠲᠦᠭᠰᠢᠨ ᠰᠢᠷᠲᠡᠵᠦ
ᠳᠣᠲᠣᠭᠠᠳᠤ ᠭᠤᠨᠢᠭ ᠢ᠋ᠶ᠋ᠠᠷ ᠰᠡᠭᠦᠷᠡᠰᠦᠨ ᠠᠯᠳᠠᠵᠤ
ᠳᠣᠭᠣᠯᠠᠩ ᠨᠢᠯᠪᠤᠰᠤ ᠪᠠᠨ ᠰᠡᠮᠬᠡᠨ ᠠᠷᠴᠢᠨᠠ᠃
ᠬᠦᠷᠬᠦ ᠯᠡ ᠴᠠᠭ ᠲᠠᠭᠠᠨ ᠬᠦᠷᠬᠦ ᠭᠡᠵᠦ
ᠬᠦᠢ ᠣᠭᠲᠠᠷᠭᠤᠢ ᠳ᠋ᠤ᠌ ᠣᠳᠣ ᠭᠢᠯᠠᠯᠵᠠᠳᠠᠭ ᠪᠢᠯᠡ ᠯᠠ
ᠬᠦᠦ ᠴᠢᠨᠢ ᠪᠤᠭᠤᠷᠤᠯ ᠲᠣᠯᠣᠭᠠᠢ ᠪᠠᠨ
ᠠᠯᠠᠭᠠᠨ ᠳᠡᠭᠡᠷᠡ ᠲᠠᠨᠢ ᠲᠠᠯᠪᠢᠨᠠᠮ᠃
※ ※ ※
ᠡᠷᠲᠡᠨ ᠦ᠌ ᠪᠢᠸᠠᠩᠷᠢᠳ᠋ ᠤ᠋ᠨ ᠵᠠᠷᠯᠢᠭ᠄
| ᠪᠤᠷᠬᠠᠨ ᠡᠴᠡ ᠢᠯᠡᠭᠦᠦ ᠪᠤᠷᠬᠠᠨ ᠦᠭᠡᠢ! ᠭᠡᠯᠡ᠃
ᠡᠳᠦᠭᠡ ᠮᠢᠨᠦ ᠦᠭᠡ᠄
| ᠡᠵᠢ ᠡᠴᠡ ᠢᠯᠡᠭᠦᠦ ᠲᠡᠢ ᠡᠵᠢ ᠯᠡ ᠦᠭᠡᠢ ᠪᠢᠯᠡ!᠁
ᠬᠥᠨᠳᠡᠭᠦᠷ ᠰᠣᠷᠪᠢ ᠰᠢᠭ᠋ ᠤᠯᠠᠢᠬᠤ ᠠᠶᠠᠨ ᠵᠠᠮ ᠤ᠋ᠨ ᠦᠵᠦᠭᠦᠷ ᠲᠦ᠍
ᠬᠥᠭᠡᠷᠦᠬᠦᠢ ᠡᠵᠢ ᠡᠴᠡ ᠥᠭᠡᠷᠡ ᠬᠡᠨ ᠴᠦ᠍ ᠡᠭᠦᠳᠡᠨᠡ ᠨᠠᠮᠠᠶ᠋ᠢ ᠲᠣᠰᠤᠭᠠ ᠨᠢ ᠦᠭᠡᠢ᠃
ᠣᠷᠣᠩᠭᠤᠲᠠ ᠡᠵᠢ ᠶ᠋ᠢᠨ ᠮᠢᠨᠢ ᠡᠷᠢᠭᠡ ᠨᠢᠳᠦᠨᠡ ᠳᠤᠰᠤᠨᠠᠮ᠃
ᠤᠷᠢ ᠭᠠᠭᠴᠠᠭᠠᠷ ᠪᠡᠲᠡᠭᠢᠷᠡᠵᠦ ᠰᠠᠭᠤᠬᠤ ᠳ᠋ᠠᠭᠠᠨ ᠡᠵᠢ ᠮᠢᠨᠢ
ᠬᠠᠷᠠ ᠳᠠᠷᠢ ᠶ᠋ᠢᠨ ᠰᠢᠷᠬᠡᠭ ᠰᠢᠭ ᠣᠯᠠᠨ ᠬᠠᠷᠠ ᠰᠥᠨᠢ ᠶ᠋ᠢ
ᠬᠠᠷᠪᠤᠨ ᠥᠩᠭᠡᠷᠡᠬᠦ ᠣᠯᠠᠨ ᠴᠠᠭᠠᠨ ᠡᠳᠦᠷ ᠢ᠋
ᠬᠠᠢᠷᠠᠲᠤ ᠬᠦᠦ ᠪᠡᠨ ᠭᠡᠭᠰᠡᠭᠡᠷ ᠡᠨᠡ ᠯᠡ ᠡᠷᠢᠬᠡᠨ ᠳ᠋ᠡᠭᠡᠨ ᠲᠣᠭᠠᠯᠠᠭᠠ ᠳᠠ᠃
ᠬᠠᠭᠠᠷᠢᠭᠤ ᠡᠪᠦᠯ ᠢ᠋ᠶ᠋ᠡᠷ ᠡᠨᠳᠡ ᠲᠡᠨᠳᠡ ᠡᠴᠡ ᠢᠷᠡᠬᠦ ᠳ᠋ᠦ᠍ ᠮᠢᠨᠢ
ᠬᠠᠨᠠᠨ ᠵᠤᠤᠬᠠ ᠪᠠᠨ ᠬᠡᠨ ᠣᠳᠣ ᠭᠠᠯᠯᠠᠬᠤ ᠪᠣᠢ?
ᠬᠠᠢᠷᠠᠯᠠᠵᠤ ᠨᠢᠭᠦᠯ ᠨᠢᠭᠦᠯ ᠢ᠋ ᠮᠢᠨᠢ ᠲᠠᠷᠨᠢᠳᠠᠨ
ᠬᠠᠷᠠ ᠲᠣᠯᠣᠭᠠᠢ ᠶ᠋ᠢᠨ ᠮᠢᠨᠢ ᠲᠥᠯᠥᠭᠡ ᠬᠡᠨ ᠣᠳᠣ ᠵᠠᠯᠪᠠᠷᠢᠬᠤ ᠪᠣᠢ?
ᠰᠦᠷᠡᠬᠡᠢ ᠬᠡ ᠴᠣᠬᠢᠭᠰᠠᠨ 《ᠺᠣᠷᠠᠨ》 ᠰᠤᠳᠤᠷ ᠲᠡᠪᠡᠷᠢᠵᠦ
ᠰᠦᠷᠲᠦ ᠢᠮᠠᠮᠠ (ᠬᠠᠮᠪᠤ) ᠶ᠋ᠢᠨ ᠡᠮᠦᠨᠡ ᠰᠥᠭᠥᠳᠦᠨ ᠰᠥᠭᠥᠳᠪᠡᠰᠦ
ᠲᠡᠷᠡ ᠠᠢᠯᠠᠳᠷᠤᠨ᠄
| ᠪᠤᠷᠬᠠᠨ ᠡᠴᠡ ᠢᠯᠡᠭᠦᠦ ᠪᠤᠷᠬᠠᠨ ᠭᠡᠵᠦ ᠦᠭᠡᠢ!
ᠪᠢ ᠥᠭᠦᠯᠡᠷᠦᠨ᠄
| ᠡᠵᠢ ᠡᠴᠡ ᠢᠯᠡᠭᠦᠦ ᠲᠡᠢ ᠡᠵᠢ ᠭᠡᠵᠦ ᠦᠭᠡᠢ!
※※※
ᠠᠭᠤᠯᠠ ᠶ᠋ᠢᠨ ᠬᠢᠨ ᠤᠭ ᠡᠴᠡ ᠪᠠᠨ ᠢᠩᠭᠢᠵᠦ ᠪᠣᠳᠣᠳᠠᠭ ᠶᠤᠮ
ᠣᠢ ᠭᠤᠨᠢᠭ ᠪᠣᠯᠵᠤ ᠪᠤᠯᠠᠰᠢᠨ ᠳᠡᠭᠡᠷᠡ ᠣᠴᠢᠭᠠᠳ
ᠪᠦᠭᠦᠳᠡᠭᠡᠷ ᠢ᠋ᠶ᠋ᠡᠨ ᠰᠣᠯᠣᠭᠠᠢ ᠲᠠᠯᠠ ᠳ᠋ᠤᠨᠢ ᠵᠣᠭᠰᠣᠬᠤ ᠳ᠋ᠠᠭᠠᠨ
ᠪᠦᠷᠢᠯᠡᠭᠡᠴᠢ ᠪᠢᠳᠡᠨ ᠢ᠋ ᠬᠠᠷᠠᠵᠤ ᠪᠠᠢᠭᠠ ᠭᠡᠳᠡᠭᠶᠤᠮ᠃
ᠠᠭᠤᠯᠠ ᠠᠭᠤᠯᠠ ᠡᠴᠡ ᠪᠠᠨ ᠵᠢᠭᠤᠲᠠᠳᠠᠭ ᠦᠭᠡᠢ
ᠤᠯᠠᠷᠢᠬᠤ ᠴᠠᠭ ᠠᠷᠢᠭᠤᠨ ᠳᠤᠷᠠᠳᠬᠠᠯ ᠢ᠋ ᠮᠠᠷᠲᠠᠳᠠᠭ ᠦᠭᠡᠢ
ᠤᠴᠢᠷ ᠡᠢᠮᠦ ᠡᠴᠡ ᠥᠯᠳᠡᠭᠰᠡᠨ ᠨᠢ ᠦᠬᠦᠭᠰᠡᠨ ᠳ᠋ᠡᠭᠡᠨ
ᠠᠭᠤᠴᠢᠯᠠᠯ ᠡᠷᠢᠵᠦ ᠪᠥᠬᠥᠢᠬᠦ ᠭᠡᠵᠦ ᠣᠴᠢᠳᠠᠭ ᠶᠤᠮ᠃
ᠠᠴᠢᠲᠤ ᠡᠵᠢ ᠶ᠋ᠢᠨ ᠢ᠋ᠶ᠋ᠡᠨ ᠱᠠᠷᠢᠯ ᠳᠡᠭᠡᠷᠡ
ᠠᠮᠠᠨ ᠳ᠋ᠠᠭᠠᠨ ᠤᠰᠤ ᠪᠠᠯᠭᠤᠭᠰᠠᠨ ᠮᠡᠲᠦ ᠵᠣᠭᠰᠣᠬᠤ
ᠠᠷᠭᠠ ᠳᠠᠩᠴᠤ ᠦᠭᠡᠢ ᠰᠠᠨ᠂ ᠮᠢᠨᠦ ᠬᠤᠪᠢ ᠳ᠋ᠤ᠌
ᠠᠢᠬᠤᠪᠲᠤᠷ ᠮᠥᠰᠥ ᠦᠭᠡᠢ ᠶᠠᠪᠤᠳᠠᠯ ᠲᠡᠷᠡ ᠪᠤᠶᠤ᠃
ᠠᠨᠢᠷ ᠦᠭᠡᠢ ᠶ᠋ᠢᠨ ᠭᠠᠵᠠᠷ ᠡᠵᠢ ᠪᠡᠨ ᠡᠷᠭᠢᠭᠡᠳ
ᠠᠭᠠᠵᠢᠮ ᠬᠡᠯᠲᠦᠷᠢᠨ ᠪᠤᠴᠠᠬᠤ ᠴᠠᠭ ᠲᠤ᠌
ᠠᠷᠢᠭᠤᠨ ᠶᠠᠪᠤᠳᠠᠯ ᠦᠢᠯᠡᠳᠦᠯᠡ ᠳᠡ ᠭᠡᠵᠦ
ᠠᠬᠤᠢ ᠰᠡᠳᠬᠢᠯ ᠳᠠᠯᠪᠢᠷᠠᠨ ᠴᠡᠯᠮᠡᠨᠡ᠃
ᠲᠠᠮᠤᠯᠭᠠ ᠰᠤᠳᠤᠷ ᠤ᠋ᠨ ᠰᠢᠯᠦᠭ ᠲᠦ᠍ ᠭᠠᠷᠳᠠᠭ ᠢ᠋ᠶ᠋ᠠᠷ
ᠲᠠᠢᠳᠬᠤᠷᠠᠰᠢ ᠦᠭᠡᠢ ᠪᠦᠬᠦᠨ ᠢ᠋ ᠲᠠᠢᠳᠬᠤᠷᠠᠭᠤᠯᠵᠤ
ᠲᠠᠯᠢᠢᠭᠠᠴᠢ ᠶ᠋ᠢᠨ ᠡᠮᠦᠨᠡ ᠬᠢᠯᠢᠨᠴᠡ ᠲᠡᠢ ᠪᠦᠬᠦᠨ ᠢ᠋
ᠲᠠᠷᠴᠢᠯᠠᠭᠠᠵᠤ ᠬᠢᠯᠢᠨᠴᠡ ᠳ᠋ᠦ᠍ᠨᠢ ᠬᠠᠲᠠᠭᠠᠨᠠ᠃
ᠡᠨᠳᠡ ᠪᠢᠰᠢ ᠬᠠᠷᠢ ᠬᠣᠯᠠ ᠳ᠋ᠤ᠌ ᠴᠤ᠌ ᠭᠡᠰᠡᠨ
ᠡᠩᠬᠦᠷᠡᠢ ᠳᠦᠷᠢ ᠨᠢ ᠬᠠᠷᠠᠭᠳᠠᠭᠰᠠᠭᠠᠷ ᠪᠠᠢᠳᠠᠭ
ᠡᠴᠢᠭᠡ ᠡᠪᠦᠭᠡ ᠶ᠋ᠢᠨ ᠱᠠᠷᠢᠯ ᠳ᠋ᠤ᠌ ᠪᠢ ᠰᠡᠳᠬᠢᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ
ᠡᠭᠡᠨᠡᠭᠲᠡ ᠰᠣᠯᠣᠭᠠᠢ ᠲᠠᠯᠠ ᠳ᠋ᠤᠨᠢ ᠵᠣᠭᠰᠣᠨᠠᠮ᠃
※ ※ ※
ᠲᠣᠰᠬᠣᠨ ᠠᠢᠯ ᠳ᠋ᠤ᠌ ᠡᠬᠡ ᠬᠥᠮᠦᠨ ᠦᠷᠡ ᠪᠡᠨ ᠪᠦᠪᠡᠢᠯᠡᠨᠡ
ᠲᠣᠭᠣᠰᠣᠲᠤ ᠬᠣᠷᠸᠠ ᠶ᠋ᠢᠨ ᠨᠢᠭᠡᠲᠡᠭᠡ ᠲᠤᠷᠤᠭ ᠰᠠᠷᠠᠨ ᠳᠣᠣᠷᠠ
ᠲᠣᠭᠠᠲᠤ ᠨᠠᠰᠤ ᠶ᠋ᠢ ᠲᠡᠮᠲᠡᠷᠢᠬᠦ ᠰᠤᠮᠤ ᠱᠤᠩᠭᠢᠨᠠᠵᠤ
ᠲᠣᠭᠣᠨᠣᠲᠤ ᠭᠡᠷ ᠲᠡᠭᠡᠨ ᠨᠢᠭᠡ ᠨᠢ ᠴᠦ᠍ ᠦᠯᠦ ᠡᠷᠭᠢᠨᠡ᠃
ᠬᠠᠷᠠᠩᠭᠤᠢ ᠰᠥᠨᠢ ᠪᠡᠷ ᠪᠦᠪᠡᠢ ᠶ᠋ᠢᠨ ᠳᠠᠭᠤᠤ ᠤᠶᠠᠩᠭᠠᠯᠠᠨᠠ
ᠬᠠᠮᠢᠭᠠ ᠨᠢᠭᠡᠲᠡᠢ ᠡᠴᠡ ᠡᠷᠯᠢᠭ ᠬᠠᠭᠠᠨ ᠥᠨᠳᠡᠢᠪᠡᠴᠦ
ᠬᠠᠮᠠᠭᠠᠯᠠᠨ ᠰᠠᠬᠢᠬᠤ ᠳ᠋ᠠᠷᠠ ᠡᠬᠡ ᠶ᠋ᠢᠨ ᠰᠦᠷ ᠲᠦ᠍
ᠬᠠᠷᠠ ᠵᠠᠨᠠᠷ ᠴᠢᠯᠠᠭᠤᠨ ᠵᠢᠭᠦᠷ ᠢ᠋ᠶ᠋ᠡᠨ ᠬᠤᠮᠬᠢᠵᠤ ᠪᠠᠢᠨᠠ᠃
ᠤᠨᠠᠭᠠᠨ ᠬᠠᠢᠷᠠ ᠪᠠᠨ ᠡᠬᠡ ᠬᠥᠮᠦᠨ ᠲᠦᠰᠢᠵᠦ ᠪᠠᠢᠨᠠ
ᠤᠢᠳᠬᠠᠷᠲᠤ ᠡᠳᠦᠷ ᠬᠠᠮᠢᠭᠠ ᠨᠢᠭᠡᠨᠲᠡ ᠡᠬᠢᠯᠡᠬᠦ ᠳ᠋ᠡᠭᠡᠨ
ᠤᠲᠤᠭᠠ ᠰᠠᠪᠰᠠᠭᠰᠠᠨ ᠴᠢᠰᠤᠨ ᠳᠡᠭᠡᠭᠦᠷ ᠥᠩᠭᠡᠢᠵᠦ
ᠤᠯᠠᠭᠠᠨ ᠬᠦᠷᠡᠩ ᠰᠡᠭᠦᠳᠡᠷ ᠢ᠋ᠶ᠋ᠡᠨ ᠣᠷᠬᠢᠵᠤ ᠪᠠᠢᠨᠠ᠃
ᠬᠠᠢᠷᠠᠲᠤ ᠦᠷᠡ ᠳ᠋ᠡᠭᠡᠨ ᠮᠥᠮᠥ ᠶᠦ᠍ᠭᠡᠨ ᠥᠭᠭᠦᠭᠡᠳ
ᠺᠡᠦ᠋ᠺᠡᠽ ᠪᠦᠰᠡᠭᠦᠢ ᠲᠣᠰᠬᠣᠨ ᠠᠢᠯ ᠳ᠋ᠠᠭᠠᠨ ᠰᠠᠭᠤᠵᠤ ᠪᠠᠢᠨᠠ
ᠬᠠᠮᠢᠭᠠ ᠨᠢᠭᠡᠲᠡᠭᠡ ᠪᠠᠰᠠ ᠯᠠ ᠨᠤᠷᠠᠭᠰᠠᠨ ᠪᠠᠯᠭᠠᠰᠤ ᠳᠤᠮᠳᠠᠭᠤᠷ
ᠬᠠᠷᠠ ᠭᠠᠰᠢᠭᠤᠳᠠᠯ ᠳ᠋ᠠᠭᠠᠨ ᠪᠠᠯᠠᠢᠷᠠᠭᠰᠠᠨ ᠡᠬᠡ ᠬᠥᠮᠦᠨ ᠲᠡᠨᠦᠵᠦ ᠶᠠᠪᠤᠨᠠ
ᠢᠪ ᠲᠠᠲᠠᠭᠤᠯᠤᠭᠰᠠᠨ ᠭᠠᠵᠠᠷ᠂ ᠨᠢᠭᠤᠪᠴᠢ ᠱᠤᠤᠳᠤᠤ
ᠢᠯᠡᠷᠬᠡᠢ ᠰᠣᠯᠢᠶᠠᠷᠠᠯ ᠤᠯᠠᠮ ᠣᠯᠠᠰᠢᠷᠠᠵᠠᠢ
ᠠᠬᠤᠢ ᠶᠢᠷᠲᠢᠨᠴᠦ ᠳ᠋ᠦ᠍ ᠦᠬᠦᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠦᠬᠦᠭᠰᠡᠳ ᠡᠴᠡ
ᠠᠯᠠᠭᠣᠯᠣᠠᠠᠳᠠᠠᠠᠰᠡᠣᠡ ᠶ᠋ᠢᠨ ᠲᠣᠭᠠ ᠢᠯᠡᠭᠦᠦ ᠭᠠᠷᠴᠠᠢ᠃
ᠬᠡᠭᠡᠷᠡ ᠶ᠋ᠢᠨ ᠡᠮᠨᠡᠯᠭᠡ ᠳ᠋ᠦ᠍ ᠤᠷᠢ ᠳᠠᠭᠤᠨ ᠬᠠᠲᠠᠵᠤ
ᠬᠡᠴᠡᠭᠦᠦ ᠭᠠᠯᠯᠠᠯᠲᠠ᠂ ᠪᠥᠮᠪᠥᠭᠡᠳᠡᠯᠭᠡ ᠲᠠᠬᠢᠯᠠ
ᠲᠦᠮᠡᠨ ᠣᠨ ᠢ᠋ ᠡᠯᠡᠭᠡᠭᠰᠡᠨ ᠡᠨᠡ ᠬᠦ᠌ ᠭᠠᠮᠰᠢᠭ
ᠲᠡᠦᠬᠡᠨ ᠳ᠋ᠦ᠍ ᠪᠠᠰᠠ ᠯᠠ ᠤᠷᠲᠤ ᠨᠠᠰᠤᠯᠠᠬᠤ ᠨᠢ ᠠ᠋᠃
ᠣᠯᠳᠠᠭᠰᠠᠨ᠂ ᠳᠤᠷᠠᠯᠠᠭᠰᠠᠨ ᠥᠪᠡᠷ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠵᠢᠮᠡ ᠪᠡᠷ
ᠣᠷᠴᠢᠯᠠᠩ ᠳᠣᠷᠭᠢᠵᠤ ᠯᠠ ᠪᠠᠢᠨᠠ᠂ ᠭᠡᠪᠡᠴᠦ ᠴᠠᠭ ᠢᠷᠡᠨᠡ ᠠ᠋
ᠠᠯᠠᠭ ᠦᠷᠡ ᠪᠡᠨ ᠪᠦᠪᠡᠢᠯᠡᠵᠦ ᠰᠠᠭᠤᠭᠠ ᠡᠬᠡ ᠰᠢᠭ
ᠠᠮᠤᠷ ᠲᠠᠢᠪᠤᠩ ᠡᠨᠡ ᠳᠡᠯᠡᠬᠡᠢ ᠶ᠋ᠢ ᠪᠦᠪᠡᠢᠯᠡᠬᠦ ᠪᠣᠯᠤᠨᠠ᠃
ᠡᠵᠢ
《ᠮᠠᠮᠠ》 ᠭᠡᠵᠦ ᠣᠷᠣᠰ ᠢ᠋ᠶ᠋ᠠᠷ 《ᠨᠠᠨᠡ》 ᠭᠡᠵᠦ ᠬᠦᠷᠵᠢ ᠪᠡᠷ
ᠮᠠᠨ ᠤ᠋ ᠠᠸᠠᠷ ᠬᠡᠯᠡ ᠪᠡᠷ 《ᠪᠠᠪᠠ》 ᠭᠡᠵᠦ ᠡᠷᠬᠡᠯᠡᠨ ᠳᠠᠭᠤᠳᠠᠳᠠᠭ
ᠳᠠᠯᠠᠢ ᠲᠢᠪ ᠦ᠋ᠨ ᠮᠢᠩᠭᠠ ᠮᠢᠩᠭᠠᠨ ᠦᠭᠡᠰ ᠡᠴᠡ
ᠳᠠᠩᠴᠤ ᠭᠣᠢᠳᠠ ᠰᠣᠨᠣᠰᠤᠭᠳᠠᠳᠠᠭ ᠡᠢᠮᠦ ᠨᠢᠭᠡᠨ ᠦᠭᠡ ᠪᠣᠢ᠃
ᠮᠠᠨᠴᠤᠢ ᠲᠠᠢ ᠴᠠᠭ ᠡᠴᠡ ᠡᠬᠢᠨ ᠦ᠌ ᠦᠭᠡ ᠪᠣᠯᠤᠭᠰᠠᠨ ᠡᠭᠦᠨ ᠢ᠋
ᠮᠠᠨᠠᠷᠠᠭᠰᠠᠨ ᠤᠲᠤᠭᠠᠨ ᠳᠤᠮᠳᠠ ᠤᠴᠢᠷ ᠲᠣᠬᠢᠶᠠᠯᠳᠤᠪᠠᠰᠤ
ᠮᠠᠭᠠᠳ ᠤ᠋ᠨ ᠦᠬᠦᠯ ᠳ᠋ᠦ᠍ ᠲᠤᠯᠤᠭᠰᠠᠨ ᠡᠭᠡᠯ ᠴᠡᠷᠢᠭ ᠡᠷᠡ
ᠡᠴᠦᠰ ᠦ᠋ᠨ ᠳᠠᠭᠤᠳᠠᠯᠭᠠ ᠪᠣᠯᠭᠠᠨ ᠬᠡᠯᠡᠳᠡᠭ ᠴᠦ᠍ ᠦᠶᠡ ᠪᠣᠢ᠃
ᠰᠡᠳᠬᠢᠯ ᠦ᠋ᠨ ᠭᠬᠢᠷ ᠬᠠᠯᠳᠠᠭᠠ ᠦᠭᠡᠢ ᠡᠨᠡ ᠦᠭᠡᠨ ᠳ᠋ᠦ᠍
ᠰᠡᠯᠡᠭᠦᠨ ᠴᠢᠮᠡᠭᠡ ᠦᠭᠡᠢ ᠶ᠋ᠢᠨ ᠳᠤᠮᠳᠠ ᠪᠤᠰᠤᠳ ᠦᠭᠡᠰ
ᠦᠶᠡ ᠴᠣᠬᠢᠯᠲᠠ ᠪᠦᠬᠦᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠰᠥᠬᠥᠷᠡᠩᠬᠡᠨ
ᠦᠨᠡᠨ ᠰᠦᠵᠢᠭ ᠢ᠋ᠶ᠋ᠡᠷ ᠪᠥᠬᠥᠢᠳᠡᠭ ᠪᠢᠯᠡ ᠯᠠ
ᠤᠰᠤᠴᠢᠨ ᠤ᠋ ᠳᠣᠮᠪᠣ ᠶ᠋ᠢ ᠭᠣᠷᠣᠭᠠ ᠶ᠋ᠢᠨ ᠤᠰᠤᠨ ᠳᠦᠭᠦᠷᠭᠡᠬᠦ ᠳ᠋ᠡᠭᠡᠨ
ᠠᠭᠤᠵᠢᠮ ᠳᠡᠯᠡᠬᠡᠢ ᠳ᠋ᠦ᠍ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠡᠬᠢ ᠪᠣᠯᠤᠭᠰᠠᠨ
ᠠᠭᠤᠯᠠ ᠶ᠋ᠢᠨ ᠣᠷᠭᠢᠯ ᠢ᠋ᠶ᠋ᠠᠨ ᠰᠠᠨᠠᠩᠬᠠᠨ ᠪᠠᠢᠵᠤ
ᠤᠶᠠᠷᠠᠭᠤᠨ ᠡᠨᠡ ᠦᠭᠡ ᠶ᠋ᠢ ᠱᠤᠯᠤᠭᠠᠨᠠᠳᠠᠭ ᠪᠢᠯᠡ ᠯᠠ᠃
ᠠᠶᠤᠩᠭᠠ ᠶ᠋ᠢᠨ ᠭᠢᠯᠪᠠᠭᠠ ᠬᠤᠷᠠ ᠶ᠋ᠢᠨ ᠡᠭᠦᠯᠡ ᠶ᠋ᠢ ᠬᠡᠷᠴᠢᠬᠦ ᠳ᠋ᠦ᠍
ᠠᠭᠠᠳᠠᠷ ᠤ᠋ᠨ ᠤᠰᠤᠨ ᠴᠢᠬᠢᠨᠡ ᠰᠣᠳᠣᠬᠠᠨ ᠢ᠋ᠶ᠋ᠠᠷ
ᠠᠩᠭᠠᠭᠰᠠᠨ ᠭᠠᠵᠠᠷ ᠲᠤ᠌ ᠰᠢᠩᠭᠡᠬᠦ ᠶ᠋ᠢᠨ ᠴᠠᠭ ᠲᠠᠭᠠᠨ
ᠠᠷᠢᠭᠤᠨ ᠳᠤᠰᠤᠯ ᠤ᠋ᠳ ᠨᠢ ᠡᠨᠡ ᠯᠡ ᠦᠭᠡ ᠶ᠋ᠢ ᠳᠠᠭᠤᠳᠠᠨᠠᠮ ᠪᠢᠯᠡ᠃
ᠭᠡᠮ ᠭᠤᠨᠢᠭ ᠢ᠋ᠶ᠋ᠠᠨ ᠨᠢᠭᠤᠵᠤ ᠰᠡᠭᠦᠷᠡᠰᠦ ᠠᠯᠳᠠᠩᠬᠠᠨ
ᠭᠡᠭᠡᠨ ᠡᠳᠦᠷ ᠨᠢᠯᠪᠤᠰᠤ ᠶᠤᠭᠠᠨ ᠳᠠᠯᠳᠠᠯᠠᠩᠬᠠᠨ
《ᠢᠵᠢᠢ ᠮᠢᠨᠢ ᠵᠣᠪᠠᠯᠲᠠ ᠦᠭᠡᠢ ᠬᠦᠦ ᠴᠢᠨᠢ ᠰᠠᠢᠨ》 ᠭᠡᠵᠦ
ᠢᠲᠡᠭᠡᠭᠦᠯᠦᠨ ᠪᠢ ᠥᠭᠦᠯᠡᠨᠡᠮ ᠪᠢᠯᠡ᠃
ᠦᠷᠡ ᠶ᠋ᠢᠨ ᠬᠣᠢᠨᠠ ᠡᠴᠡ ᠴᠠᠭ ᠢᠮᠠᠭᠲᠠ ᠵᠣᠪᠠᠬᠤ
ᠦᠢᠯᠡ ᠲᠡᠢ ᠲᠥᠷᠥᠭᠰᠡᠨ ᠠᠭᠤᠤ ᠶᠡᠬᠡ ᠠᠴᠢᠲᠠᠨ ᠢ᠋
《ᠮᠠᠮᠠ》 ᠭᠡᠵᠦ ᠣᠷᠣᠰ ᠢ᠋ᠶ᠋ᠠᠷ᠂ 《ᠨᠠᠨᠠ》 ᠭᠡᠵᠦ ᠬᠦᠷᠵᠢ ᠪᠡᠷ
ᠮᠠᠨ ᠤ᠋ ᠠᠸᠠᠷ ᠬᠡᠯᠡ ᠪᠡᠷ 《ᠪᠠᠪᠠ》 ᠭᠡᠵᠦ ᠡᠷᠬᠡᠯᠡᠨ ᠳᠠᠭᠤᠳᠠᠳᠠᠭ᠃
※※※
ᠡᠨᠡ ᠦᠯᠢᠭᠡᠷ ᠢ᠋ ᠪᠢ ᠤᠷᠢᠳᠤ ᠰᠣᠨᠣᠰᠤᠭᠰᠠᠨ ᠴᠤ᠌ ᠭᠡᠯᠡ
ᠡᠳᠦᠭᠡ ᠪᠣᠯᠲᠠᠯᠠ ᠰᠠᠨᠠᠭᠠᠨ ᠡᠴᠡ ᠭᠠᠷᠬᠤ ᠦᠭᠡᠢᠶᠤᠮ ᠠ᠋ :
ᠡᠨᠡᠯᠵᠦ ᠰᠢᠨᠠᠯᠤᠭᠰᠠᠨ ᠬᠦᠦ ᠨᠢ ᠨᠢᠳᠦ ᠦᠭᠡᠢ ᠡᠵᠢ ᠪᠡᠨ ᠬᠥᠲᠥᠯᠵᠦ
ᠡᠷᠭᠢᠬᠦ ᠬᠣᠷᠸᠠ ᠪᠠᠷ ᠲᠡᠨᠦᠭᠰᠡᠨᠶᠤᠮ ᠭᠡᠨᠡ ᠯᠡ ᠃
ᠲᠡᠨᠦᠭᠰᠡᠭᠡᠷ ᠲᠡᠨᠦᠭᠰᠡᠭᠡᠷ ᠠᠨᠠᠭᠠᠭᠰᠠᠨ ᠶᠤᠮ ᠭᠡᠨᠡ ᠯᠡ
ᠲᠡᠭᠡᠭᠡᠳ ᠡᠬᠡ ᠨᠢ ᠨᠠᠷᠠᠨ ᠤ᠋ ᠭᠡᠷᠡᠯ ᠬᠠᠷᠠᠭᠰᠠᠨ ᠶᠤᠮ ᠭᠡᠨᠡ ᠯᠡ
ᠲᠡᠭᠦᠨ ᠰᠢᠭ ᠨᠢᠳᠦ ᠦᠭᠡᠢ ᠭᠠᠵᠠᠷ | ᠣᠷᠣᠨ ᠴᠢ ᠭᠠᠷ ᠢ᠋ᠶ᠋ᠠᠨ ᠠᠯᠢ
ᠲᠡᠮᠡᠴᠡᠵᠦ ᠬᠠᠮᠲᠤ ᠶᠠᠪᠤᠭᠠᠳ ᠬᠠᠷᠠᠭᠠ ᠣᠷᠣᠭᠤᠯᠤᠶᠠ ᠴᠢᠮᠠ ᠳ᠋ᠤ᠌᠃
※※※
ᠤᠰᠤᠨ ᠤ᠋ ᠤᠷᠲᠤ ᠠᠭᠤᠯᠠ ᠶ᠋ᠢᠨ ᠴᠠᠭᠠᠳᠤ ᠳ᠋ᠤ᠌
ᠣ᠊ᠭ ᠨᠤᠳᠣ᠊ᠭ ᠤ᠋ᠨ ᠬᠢᠨ ᠴᠢᠨᠢ ᠦᠵᠡᠭᠳᠡᠨᠡ ᠊ᠤᠤ? ᠭᠡᠵᠦ
ᠡᠭᠦᠯᠡ | ᠲᠡᠭᠷᠢ ᠶ᠋ᠢᠨ ᠬᠠᠶᠠᠭᠠᠨ ᠡᠴᠡ ᠢᠷᠡᠬᠦ ᠳ᠋ᠦ᠍ ᠨᠢ
ᠦᠷᠡ ᠡᠴᠡ ᠪᠡᠨ ᠬᠠᠭᠠᠴᠠᠭᠰᠠᠨ ᠡᠬᠡ ᠬᠥᠮᠦᠨ ᠠᠰᠠᠭᠤᠪᠠ ᠯᠠ᠃
ᠨᠠᠳᠠ ᠲᠠᠢ ᠭᠠᠭᠴᠠ ᠯᠠ ᠠᠸᠠᠷ ᠬᠥᠮᠦᠨ ᠲᠠᠭᠠᠷᠠᠭᠰᠠᠨ ᠭᠡᠵᠦ
ᠨᠠᠭᠠᠨᠠ ᠴᠠᠭᠠᠨᠠ ᠶ᠋ᠢ ᠪᠣᠳᠣᠯ ᠦᠭᠡᠢ ᠬᠠᠭᠤᠷᠴᠢᠬᠠᠭᠰᠠᠨ ᠴᠢᠨᠢ
ᠠᠢ ᠬᠥᠭᠡᠷᠦᠬᠦᠢ ᠡᠬᠡ ᠳᠠᠭᠤ ᠦᠭᠡᠢ ᠪᠣᠯᠤᠭᠠᠳ ᠶᠠᠩᠵᠤ ᠨᠢ
ᠠᠯᠢ ᠡᠷᠲᠡ ᠦᠷᠡᠭᠳᠡᠭᠰᠡᠨ ᠬᠦᠦ ᠪᠡᠨ ᠭᠡᠵᠦ ᠪᠣᠳᠣᠪᠠ ᠪᠣᠯᠤᠯᠲᠠᠢ ᠃
※※※
ᠬᠥᠶ᠋ᠳᠠᠨ ᠪᠣᠯᠣᠳ ᠴᠢᠨᠵᠠᠯ ᠳᠡᠭᠡᠷᠡ ᠪᠡᠨ
ᠬᠡᠦᠬᠡᠳ ᠦ᠋ᠨ ᠢ᠋ᠶ᠋ᠡᠨ ᠨᠡᠷᠡ ᠶ᠋ᠢ ᠰᠡᠢᠯᠦᠨ ᠴᠣᠬᠢ
ᠬᠥᠮᠦᠨ ᠢ᠋ ᠨᠢᠭᠡᠨ ᠪᠡᠶᠡ ᠪᠡᠷ ᠨᠢ ᠮᠠᠷᠲᠠᠮᠠᠬᠠᠢ
ᠬᠦᠢᠲᠡᠭᠡᠨᠡᠭᠦᠷ ᠬᠥᠮᠦᠰ ᠰᠠᠨᠠᠵᠤ ᠰᠡᠷᠡᠵᠦ ᠪᠠᠢᠭ᠃
ᠡᠨᠡ ᠬᠢᠲᠤᠭᠠᠨ ᠤ᠋ ᠪᠠᠨ ᠪᠠᠷᠢᠭᠤᠯ ᠳᠡᠭᠡᠷᠡ
ᠡᠵᠢ ᠶ᠋ᠢᠨ ᠢ᠋ᠶ᠋ᠡᠨ ᠳᠦᠷᠢ ᠶ᠋ᠢ ᠭᠠᠷᠭᠠᠨ ᠰᠡᠢᠯ
ᠡᠩᠬᠦᠷᠡᠢᠯᠡᠯ ᠵᠢᠮᠡᠯᠡᠯ ᠬᠣᠣᠰᠯᠠᠭᠰᠠᠨ ᠬᠠᠷᠠᠴᠠ ᠪᠠᠷ
ᠡᠭᠡᠨᠡᠭᠲᠡ ᠴᠢᠮᠠᠶ᠋ᠢ ᠰᠢᠷᠲᠡᠵᠦ ᠪᠠᠢᠭ ᠃
※※※
ᠬᠠᠳᠠ ᠴᠢᠯᠠᠭᠤᠨ ᠳ᠋ᠤ᠌ ᠬᠠᠭᠠᠯᠤᠭᠰᠠᠨ ᠬᠥᠯ ᠢ᠋ᠶ᠋ᠡᠨ ᠴᠢᠷᠦᠭᠰᠡᠭᠡᠷ
ᠬᠠᠷᠠᠩᠭᠤᠢ ᠰᠥᠨᠢ ᠠᠷᠠᠢ ᠶᠠᠳᠠᠨ ᠬᠡᠯᠲᠦᠷᠢᠬᠦ ᠳ᠋ᠦ᠍ ᠮᠢᠨᠢ
ᠬᠠᠢᠷᠠᠲᠤ ᠢᠵᠢᠢ᠂ ᠭᠡᠭᠡᠪᠴᠢᠨ ᠳ᠋ᠡᠭᠡᠨ ᠭᠡᠷᠡᠯ ᠪᠠᠷᠢᠵᠤ
ᠬᠠᠯᠲᠤᠷᠢᠵᠤ ᠲᠥᠭᠡᠷᠢᠬᠦ ᠡᠴᠡ ᠨᠠᠮᠠᠶ᠋ᠢ ᠠᠪᠤᠷᠠᠳᠠᠭ ᠰᠠᠨ
ᠲᠡᠷᠡ ᠦᠶᠡ ᠡᠴᠡ ᠬᠣᠢᠰᠢ ᠣᠯᠠᠨ ᠵᠠᠮ ᠡᠯᠡᠭᠡᠯᠡ
ᠲᠡᠭᠷᠢ ᠶ᠋ᠢᠨ ᠮᠠᠭᠤᠬᠠᠢ | ᠪᠣᠷᠣᠭᠠ ᠰᠢᠭᠤᠷᠭᠠᠨ ᠳ᠋ᠤ᠌ ᠴᠤ᠌ ᠶᠠᠪᠤᠯᠠ
ᠬᠠᠮᠢᠭᠠ ᠴᠤ᠌ ᠶᠠᠪᠤᠭᠰᠠᠨ᠂ ᠠᠯᠤᠰ ᠤ᠋ᠨ ᠭᠡᠭᠡᠪᠴᠢ ᠶ᠋ᠢᠨ ᠪᠢᠴᠢᠬᠠᠨ ᠭᠡᠷᠡᠯ
ᠬᠠᠮᠠᠭᠠᠯᠠᠵᠤ ᠨᠠᠮᠠᠶ᠋ᠢ ᠬᠦᠷᠬᠦ ᠭᠠᠵᠠᠷ ᠮᠢᠨᠢ ᠬᠦᠷᠭᠡᠭᠰᠡᠭᠡᠷ ᠪᠠᠢᠨᠠ
※※※
ᠥᠴᠥᠭᠡᠳᠦᠷ ᠬᠣᠣᠰ ᠦᠭᠡᠢ ᠰᠠᠨᠠᠭᠳᠠᠭᠰᠠᠨ ᠳᠠᠭᠤᠤ ᠪᠠᠨ
ᠥᠨᠥᠳᠥᠷ ᠪᠢ ᠮᠠᠷᠲᠠᠵᠤ ᠣᠷᠬᠢᠭᠰᠠᠨ ᠪᠠᠢᠬᠤ ᠶᠤᠮ
ᠥᠨᠥᠳᠥᠷ ᠦ᠋ᠨ ᠳᠠᠭᠤᠤ ᠪᠠᠨ ᠮᠠᠷᠠᠭᠠᠰᠢ ᠪᠠᠰᠠ ᠯᠠ
ᠥᠩᠭᠡᠷᠡᠭᠰᠡᠨᠶᠤᠮ ᠭᠡᠳ ᠮᠠᠷᠲᠠᠬᠤ ᠪᠣᠯᠤᠨᠠ᠃
ᠳᠠᠯᠳᠠᠬᠠᠨ ᠭᠤᠨᠢᠭ ᠢ᠋ᠶ᠋ᠠᠷ ᠡᠵᠢ ᠮᠢᠨᠢ ᠳᠠᠭᠤᠯᠠᠭᠰᠠᠨ
ᠳᠠᠭᠠᠭᠠᠮᠠᠢ ᠨᠢᠭᠡ ᠳᠠᠭᠤᠤ ᠰᠡᠳᠬᠢᠯ ᠡᠴᠡ ᠭᠠᠷᠬᠤ ᠦᠭᠡᠢᠶᠤᠮ᠃
ᠳᠠᠩᠴᠤ ᠬᠠᠢᠷᠠ ᠶ᠋ᠢ ᠨᠠᠳᠠ ᠳ᠋ᠤ᠌ ᠲᠥᠷᠥᠭᠦᠯᠦᠭᠰᠡᠨ
ᠳᠠᠷᠬᠠᠨ ᠮᠥᠩᠬᠡ ᠶ᠋ᠢᠨ ᠳᠤᠷᠠᠰᠬᠠᠯᠲᠤ ᠳᠠᠭᠤᠤ ᠶᠤᠮ᠃
ᠡᠪᠡᠳᠦᠭᠰᠡᠨ ᠬᠦᠦ ᠳ᠋ᠡᠭᠡᠨ ᠳᠠᠭᠤᠯᠠᠭᠰᠠᠨ ᠡᠬᠡ ᠶ᠋ᠢᠨ ᠳᠠᠭᠤᠤ
ᠤᠭᠤᠭᠢᠭᠤᠯ ᠳᠠ ᠤᠭᠤᠭᠢᠭᠤᠯ᠂ ᠲᠠᠮᠠᠬᠢ ᠪᠠᠨ ᠤᠭᠤᠭᠢᠭᠤᠯ
ᠤᠤᠭᠤ ᠳᠠ ᠤᠤᠭᠤ ᠠᠷᠢᠬᠢ ᠳᠠᠷᠠᠰᠤ ᠪᠠᠨ ᠤᠤᠭᠤ
ᠪᠤᠭᠤᠷᠤᠯ ᠪᠣᠯᠤᠭᠰᠠᠨ ᠡᠵᠢ ᠪᠡᠨ ᠵᠣᠪᠠᠭᠠᠬᠤ ᠪᠠᠷ
ᠪᠤᠰᠢᠭᠤᠬᠠᠨ ᠡᠳᠡᠭᠡᠷᠡᠵᠦ ᠦᠵᠡ᠂ ᠮᠢᠨᠦ ᠬᠦᠦ
ᠶᠠᠪᠤ ᠳᠠ ᠶᠠᠪᠤ᠂ ᠠᠯᠤᠰ ᠤ᠋ᠨ ᠠᠯᠤᠰ ᠲᠤ᠌ ᠶᠠᠪᠤ
ᠶᠠᠭᠠᠮᠠᠢ ᠳᠠ ᠶᠠᠭᠠᠮᠠᠢ᠂ ᠵᠠᠬᠢᠶᠠ ᠪᠤᠤ ᠪᠢᠴᠢ
ᠬᠣᠷᠸᠠ ᠡᠴᠡ ᠳᠤᠷᠠᠲᠠᠢ ᠬᠡᠦᠬᠡᠨ ᠢ᠋ᠶ᠋ᠡᠨ ᠠᠪ
ᠬᠣᠲᠠ ᠶ᠋ᠢᠨ ᠪᠡᠯᠪᠡᠰᠦᠨ ᠲᠡᠢ ᠴᠦ᠍ ᠨᠥᠬᠥᠴᠡᠭᠰᠡᠨ ᠰᠠᠨ ᠤᠤ
ᠲᠣᠬᠣᠢ ᠶ᠋ᠢᠨ ᠴᠢᠨᠡᠭᠡ ᠳ᠋ᠦ᠍ ᠴᠢᠨᠢ ᠪᠦᠪᠡᠢᠯᠡᠵᠦ ᠰᠠᠭᠤᠯᠠ ᠪᠢ
ᠲᠣᠮᠣ ᠪᠣᠯᠲᠠᠯᠠ ᠴᠢᠨᠢ ᠲᠡᠪᠡᠷᠢᠵᠦ ᠪᠠᠢᠯᠠ ᠪᠢ
ᠪᠤᠵᠠᠷ ᠲᠠᠮᠠᠬᠢ ᠪᠠᠨ ᠲᠠᠲᠠᠳᠠᠭ ᠰᠠᠨ ᠤᠤ᠂ ᠠᠷᠢᠬᠢ ᠪᠠᠨ ᠤᠤᠭᠤᠳᠠᠭ ᠰᠠᠨ ᠤᠤ
ᠪᠤᠰᠢᠭᠤᠬᠠᠨ ᠯᠠ ᠡᠳᠡᠭᠡᠷᠡᠵᠦ ᠦᠵᠡ᠂ ᠮᠢᠨᠦ ᠬᠦᠦ᠃
(ᠣᠷᠣᠰ ᠡᠬᠡ ᠪᠣᠯᠤᠨ ᠣᠷᠴᠢᠭᠤᠯᠤᠭᠴᠢ ᠶ᠋ᠢᠨ ᠭᠠᠷ ᠤ᠋ᠨ ᠪᠢᠴᠢᠯᠭᠡ ᠪᠣᠢ)
※ ※ ※
ᠡᠮᠴᠢ ᠴᠦ᠍ ᠬᠡᠷᠡᠭ ᠦᠭᠡᠢ᠂ ᠡᠮ ᠴᠦ᠍ ᠬᠡᠷᠡᠭ ᠦᠭᠡᠢ ᠨᠠᠳᠠ ᠳ᠋ᠤ᠌
ᠡᠵᠢ ᠨᠦ᠍ᠭᠦᠳ ᠴᠢᠨᠢ ᠠᠮᠢᠳᠤ ᠪᠠᠢᠭᠠ ᠲᠠ ᠪᠦᠬᠦᠨ
ᠡᠩᠬᠦᠷᠡᠢ ᠦᠭᠡ ᠨᠠᠳᠠ ᠳ᠋ᠤ᠌ ᠬᠡᠯᠡᠬᠦ ᠭᠡᠵᠦ ᠴᠠᠭ ᠠᠯᠳᠠᠭᠠᠳ ᠶᠠᠭᠠᠬᠢᠬᠤ ᠪᠣᠢ?
ᠡᠭᠦᠨ ᠳ᠋ᠦ᠍ ᠴᠢᠨᠢ ᠪᠢ ᠥᠪᠡᠷᠦᠮᠰᠡᠵᠦ ᠥᠭᠬᠦ ᠦᠭᠡᠢᠶᠤᠮ᠃
ᠲᠠ ᠨᠠᠷ ᠢ᠋ ᠵᠢᠮᠡᠯᠡᠬᠦ ᠦᠭᠡᠢ᠂ ᠮᠠᠭᠤ ᠰᠠᠨᠠᠬᠤ ᠦᠭᠡᠢ
ᠲᠠᠯᠠᠭᠠᠷ ᠢᠩᠭᠢᠵᠦ ᠬᠠᠢᠷᠠᠯᠠᠭᠠᠳ ᠠᠰᠢᠭ ᠣᠯᠬᠤ ᠦᠭᠡᠢ
ᠵᠠᠢᠯᠠᠭᠤᠯ᠂ ᠮᠠᠭᠤ ᠡᠵᠢ ᠶ᠋ᠢ ᠪᠡᠨ ᠠᠮᠢᠳᠤ ᠳ᠋ᠤ᠌ ᠪᠢ ᠴᠦ᠍ ᠭᠡᠰᠡᠨ
ᠵᠠ ᠳᠠ᠂ ᠨᠢᠭᠡ ᠶᠡᠬᠡ ᠥᠷᠥᠪᠳᠦᠮᠡᠬᠡᠢ ᠬᠥᠮᠦᠨ ᠶᠠᠪᠤᠭᠠ ᠦᠭᠡᠢ
ᠨᠡᠷᠡᠲᠦ ᠳ᠋ᠦ᠍ ᠦᠭᠡᠢ ᠬᠥᠮᠦᠨ ᠢ᠋ ᠥᠷᠥᠪᠳᠦᠵᠦ ᠶᠠᠪᠤᠭᠰᠠᠨ ᠡᠴᠡ
ᠨᠠᠮᠠᠶ᠋ᠢ ᠤᠷᠤᠭᠤ ᠲᠠᠲᠠᠭᠠᠳ ᠤᠬᠢᠯᠠᠵᠤ ᠰᠠᠭᠤᠭᠰᠠᠨ ᠡᠴᠡ
ᠨᠠᠰᠤᠨ ᠳ᠋ᠤ᠌ ᠭᠠᠭᠴᠠᠬᠠᠨ ᠡᠵᠢ ᠶ᠋ᠢ ᠪᠡᠨ ᠠᠰᠠᠷᠠᠪᠠᠯ ᠳᠡᠭᠡᠷᠡ
ᠥᠷᠥᠭᠡᠯ ᠦ᠋ᠨ ᠭᠠᠷ ᠡᠴᠡ᠂ ᠥᠪᠡᠷ ᠦ᠋ᠨ ᠭᠠᠮᠰᠢᠭ ᠡᠴᠡ ᠴᠤ᠌
ᠥᠷᠢᠰᠴᠦ ᠶᠠᠭᠤ ᠪᠠᠨ ᠴᠤ᠌ ᠬᠠᠢᠷᠠ ᠦᠭᠡᠢ ᠬᠠᠮᠠᠭᠠᠯᠠᠪᠠᠯ ᠳᠡᠭᠡᠷᠡ᠃
ᠥᠨᠥ ᠴᠦ᠍ ᠭᠡᠰᠡᠨ᠂ ᠥᠨᠢᠳᠡ ᠴᠦ᠍ ᠭᠡᠰᠡᠨ ᠲᠠᠨ ᠡᠴᠡ ᠬᠦᠰᠡᠬᠦ ᠳ᠋ᠦ᠍
ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠡᠵᠢ ᠶ᠋ᠢ ᠡᠩᠬᠦᠷᠡᠢᠯᠡᠨ ᠬᠠᠢᠷᠠᠯᠠᠭᠠᠷᠠᠢ
ᠡᠰᠡ ᠲᠡᠭᠡᠪᠡᠯ ᠨᠡᠭᠡᠷᠡᠨ ᠰᠢᠦ᠂ ᠨᠢᠭᠡ ᠯᠡ ᠡᠳᠦᠷ ᠨᠢᠳᠦ ᠠᠨᠢᠵᠤ
ᠡᠴᠦᠰ ᠲᠦ᠋ᠨᠢ ᠲᠠ ᠦᠬᠦᠨ ᠦᠬᠦᠲᠡᠯᠡ ᠪᠡᠨ ᠭᠡᠮᠰᠢᠭᠡᠳ ᠪᠠᠷᠠᠬᠤ ᠦᠭᠡᠢ᠃
ᠭᠡᠭᠡᠨ ᠡᠳᠦᠷ ᠢ᠋ᠶ᠋ᠡᠷ ᠪᠢ ᠵᠠᠷᠢᠮ ᠳ᠋ᠠᠭᠠᠨ ᠮᠡᠭᠯᠡᠷᠡᠵᠦ
ᠭᠡᠷᠡᠯ ᠦᠭᠡᠢ ᠰᠥᠨᠢ ᠪᠡᠷ ᠣᠷᠢᠯᠠᠵᠤ ᠰᠡᠷᠡᠬᠦᠶᠤᠮ
ᠬᠥᠭᠡᠷᠦᠬᠦᠢ ᠡᠵᠢ ᠮᠢᠨᠢ ᠳᠠᠭᠤᠳᠠᠬᠤ ᠰᠢᠭ᠋ ᠰᠠᠨᠠᠭᠳᠠᠬᠤ ᠶᠤᠮ
《ᠬᠥᠪᠡᠭᠦᠯᠠᠢ》 ᠭᠡᠬᠦ ᠨᠢ ᠲᠣᠳᠣᠬᠠᠨ ᠰᠣᠨᠣᠰᠤᠭᠳᠠᠬᠤ ᠰᠢᠭ᠋ ᠪᠣᠯᠬᠤ ᠶᠤᠮ᠃
ᠠᠭᠤᠯᠵᠠᠶᠠ ᠭᠡᠵᠦ ᠣᠷᠣᠵᠤ ᠢᠷᠡᠵᠦ ᠪᠠᠢᠭᠠ ᠲᠠ
ᠤᠰᠤᠨ ᠨᠢᠳᠦᠯᠡᠭᠡᠳ ᠣᠯᠵᠠ ᠠᠰᠢᠭ ᠶᠠᠭᠤ ᠪᠢᠯᠡ᠃
ᠬᠣᠵᠢᠳᠠᠭᠠ ᠦᠭᠡᠢ ᠳᠡᠭᠡᠷᠡ ᠨᠢ ᠭᠡᠵᠦ ᠲᠠᠨ ᠳ᠋ᠤ᠌ ᠰᠠᠨᠠᠭᠤᠯᠬᠤ ᠳ᠋ᠤ᠌
ᠬᠣᠩᠭᠣᠷ ᠡᠵᠢ ᠶ᠋ᠢ ᠪᠡᠨ ᠠᠮᠢᠳᠤ ᠳ᠋ᠤᠨᠢ ᠬᠠᠯᠠᠮᠵᠢᠯᠠᠵᠤ ᠦᠵᠡ᠃
ᠬᠣᠶᠠᠷ
ᠫᠠᠲ᠋ᠢᠮᠠ ᠳ᠋ᠤ᠌
ᠡᠴᠦᠰ ᠦ᠋ᠨ ᠬᠢ ᠮᠡᠲᠦ ᠰᠢᠯᠦᠭ ᠶᠦ᠍ᠭᠡᠨ ᠪᠢᠴᠢᠬᠦᠢ
ᠡᠬᠢᠨ ᠦ᠌ ᠬᠢ ᠮᠡᠲᠦ ᠰᠡᠳᠬᠢᠯ ᠶᠦ᠍ᠭᠡᠨ ᠥᠭᠭᠦᠮᠦᠢ᠁
ᠫ᠂ ᠶᠦ ᠳ᠋ᠤ᠌
ᠤᠰᠤᠨ ᠪᠣᠷᠣᠭᠠᠨ ᠢ᠋ᠶ᠋ᠠᠷ ᠴᠤ᠌ ᠴᠢᠮᠠᠶ᠋ᠢ ᠪᠣᠳᠣᠬᠤ ᠶᠤᠮ
ᠴᠠᠰᠤᠨ ᠰᠢᠭᠤᠷᠭᠠᠨ ᠢ᠋ᠶ᠋ᠠᠷ ᠴᠤ᠌ ᠴᠢᠮᠠᠶ᠋ᠢ ᠰᠠᠨᠠᠬᠤ ᠶᠤᠮ
ᠦᠦᠷ ᠴᠥᠥᠷ ᠢ᠋ᠶ᠋ᠡᠷ ᠴᠦ᠍ ᠴᠢᠮᠠᠶ᠋ᠢ ᠯᠠ ᠬᠦᠰᠡᠬᠦᠶᠤᠮ
ᠦᠳᠡ ᠶ᠋ᠢᠨ ᠬᠠᠯᠠᠭᠤᠨ ᠳ᠋ᠤ᠌ ᠴᠤ᠌ ᠴᠢᠮᠠᠶ᠋ᠢ ᠯᠠ ᠭᠡᠬᠦᠶᠤᠮ᠃
ᠶᠠᠪᠤᠭᠰᠠᠨ ᠰᠢᠪᠠᠭᠤ ᠢᠷᠡᠬᠦ ᠳ᠋ᠦ᠍ ᠴᠦ᠍ ᠴᠢ ᠯᠡ ᠰᠠᠨᠠᠭᠳᠠᠨᠠ
ᠢᠷᠡᠭᠰᠡᠨ ᠰᠢᠪᠠᠭᠤ ᠪᠤᠴᠠᠬᠤ ᠳ᠋ᠤ᠌ ᠴᠤ᠌ ᠴᠢ ᠯᠡ ᠪᠣᠳᠣᠭᠳᠠᠨᠠ
ᠨᠣᠭᠣᠭᠠᠨ ᠪᠤᠲᠠ ᠪᠤᠭᠤᠷᠴᠠᠭᠯᠠᠨ ᠴᠡᠴᠡᠭᠯᠡᠪᠡᠴᠦ
ᠨᠣᠮᠢᠨ ᠵᠤᠨ ᠢ᠋ ᠪᠢᠰᠢ᠂ ᠴᠢᠮᠠᠶ᠋ᠢ ᠯᠠ ᠭᠡᠬᠦᠶᠤᠮ᠃
ᠨᠣᠢᠷ ᠴᠤ᠌ ᠦᠭᠡᠢ ᠂ᠬᠣᠭᠣᠯᠠ ᠴᠤ᠌ ᠦᠭᠡᠢ ᠢᠩᠭᠢᠵᠦ ᠬᠦᠰᠡᠬᠦ ᠶ᠋ᠢ ᠦᠵᠡᠪᠡᠰᠦ
ᠣᠢᠷᠠ ᠴᠤ᠌ ᠭᠡᠰᠡᠨ᠂ ᠬᠣᠯᠠ ᠴᠤ᠌ ᠭᠡᠰᠡᠨ ᠢᠵᠢᠯ ᠦᠭᠡᠢ ᠬᠡᠦᠬᠡᠨᠶᠤᠮ ᠳᠡ ᠴᠢ ᠃
※ ※ ※
ᠣᠳᠣᠬᠠᠨ᠂ ᠣᠳᠣᠬᠠᠨ ᠬᠠᠪᠤᠷ ᠤ᠋ᠨ ᠥᠷᠯᠥᠭᠡᠨ ᠦ᠌ ᠦᠦᠷ ᠣᠨᠢᠲᠤᠨᠠ
ᠣᠷᠣᠨ ᠳ᠋ᠠᠭᠠᠨ ᠬᠥᠮᠦᠰ ᠬᠠᠢᠷᠠ ᠶ᠋ᠢᠨ ᠵᠣᠪᠠᠯᠠᠩ ᠢ᠋ ᠬᠠᠢᠬᠤᠷᠬᠤ ᠦᠭᠡᠢ ᠤᠨᠲᠠᠨᠠ
ᠬᠠᠷᠢᠭᠤ ᠦᠭᠡᠢ ᠦᠦᠷ ᠭᠡᠢᠬᠦ ᠶ᠋ᠢᠨ ᠨᠣᠢᠷ ᠬᠡᠴᠢᠨᠡᠭᠡᠨ ᠰᠠᠢᠬᠠᠨ ᠪᠣᠢ
ᠬᠠᠷᠢᠨ ᠡᠳᠦᠭᠡ ᠪᠢ ᠴᠢᠮᠠᠶ᠋ᠢ ᠪᠣᠳᠣᠨ ᠰᠠᠭᠤᠨᠠᠮ᠃
ᠶᠠᠭᠠᠬᠢᠵᠤ ᠰᠢᠦ ᠶᠡᠬᠡ ᠬᠠᠢᠷᠠᠯᠠᠳᠠᠭ ᠢ᠋ ᠮᠢᠨᠢ ᠴᠢ ᠤᠢᠯᠠᠭᠠᠰᠠᠢ ᠳᠠ
ᠶᠠᠮᠠᠷ ᠰᠠᠢᠨ ᠳ᠋ᠠᠭᠠᠨ ᠪᠢ ᠨᠣᠢᠷ ᠦᠭᠡᠢ ᠰᠠᠭᠤᠬᠤ ᠪᠣᠢ ᠳᠠ
ᠪᠣᠯᠳᠠᠭ ᠰᠠᠨ ᠪᠣᠯ ᠵᠢᠷᠦᠬᠡ ᠪᠡᠨ ᠴᠢᠮᠠ ᠳ᠋ᠤ᠌ ᠥᠭᠬᠦ ᠰᠠᠨ
ᠪᠣᠯᠢᠬᠤ ᠪᠠᠢᠬᠠ ᠳᠠ ᠴᠢ ᠲᠡᠭᠡᠪᠡᠯ ᠥᠷᠯᠥᠭᠡ ᠤᠨᠲᠠᠵᠤ ᠬᠡᠪᠲᠡᠬᠦ ᠰᠠᠨ!
※ ※ ※
ᠠᠪᠤ ᠶ᠋ᠢᠨ ᠭᠣᠯᠣᠮᠲᠠ ᠪᠣᠷᠣᠬᠠᠨ ᠥᠷᠭᠥᠭᠡ ᠪᠡᠨ
ᠠᠯᠤᠰ ᠲᠤ᠌ ᠶᠠᠪᠤᠬᠤ ᠳ᠋ᠠᠭᠠᠨ ᠪᠢ ᠳᠤᠷᠠᠰᠳᠠᠭ ᠶᠤᠮ
ᠤᠨᠤᠵᠤ ᠥᠰᠦᠭᠰᠡᠨ ᠮᠣᠳᠣᠨ ᠰᠢᠯᠪᠢᠭᠦᠷ ᠢ᠋ᠶ᠋ᠡᠨ
ᠠᠭᠤᠯᠠ ᠶ᠋ᠢᠨ ᠲᠠᠰᠢᠯᠠᠩ ᠢ᠋ᠶ᠋ᠠᠨ ᠪᠢ ᠳᠤᠷᠠᠰᠳᠠᠭ ᠶᠤᠮ᠃
ᠬᠠᠢᠷᠠᠲᠤ ᠮᠢᠨᠢ ᠠᠩᠬᠠ ᠬᠤᠪᠢᠩ ᠪᠠᠷᠢᠵᠤ ᠢᠷᠡᠭᠰᠡᠨ
ᠬᠠᠶᠠᠭᠠᠨ ᠤ᠋ ᠪᠠᠨ ᠭᠣᠷᠣᠬᠠ ᠶ᠋ᠢ ᠪᠢ ᠳᠤᠷᠠᠰᠳᠠᠭ ᠶᠤᠮ
ᠰᠠᠢᠨ ᠶᠠᠪᠤᠭᠠᠷᠠᠢ ᠭᠡᠵᠦ ᠨᠠᠷᠠᠨ ᠢ᠋ᠶ᠋ᠠᠷ ᠲᠡᠷᠡ ᠮᠢᠨᠢ ᠦᠳᠡᠭᠰᠡᠨ
ᠰᠠᠯᠬᠢᠳᠠᠢᠬᠠᠨ ᠵᠠᠮ ᠢ᠋ ᠪᠢ ᠳᠤᠷᠠᠰᠳᠠᠭ ᠶᠤᠮ᠃
ᠢᠨᠠᠭᠯᠠᠵᠤ ᠴᠢᠮᠠ ᠳ᠋ᠠᠭᠠᠨ ᠬᠠᠢᠷᠠᠲᠠᠢ ᠪᠣᠯᠤᠭᠰᠠᠨ ᠢ᠋ᠶ᠋ᠠᠨ ᠪᠢ ᠳᠤᠷᠠᠰᠳᠠᠭ ᠦᠭᠡᠢ
ᠶᠠᠭᠠᠬᠢᠭᠠᠳ ᠭᠡᠪᠡᠯ ᠭᠱᠠᠨ ᠵᠠᠭᠤᠷᠠ ᠴᠤ᠌ ᠮᠠᠷᠲᠠᠬᠤ ᠦᠭᠡᠢᠶᠤᠮ ᠴᠢᠨᠢ᠃
ᠵᠠᠭᠤᠨ ᠬᠡᠦᠬᠡᠨ ᠳ᠋ᠦ᠍ ᠪᠢ ᠳᠤᠷᠠᠯᠠᠭᠰᠠᠨ
ᠵᠠᠭᠤᠨ ᠬᠡᠦᠬᠡᠨ ᠳ᠋ᠦ᠍ ᠪᠢ ᠳᠤᠷᠠᠯᠠᠭᠰᠠᠨ
ᠵᠠᠭᠤᠷᠠ ᠵᠠᠮ ᠳ᠋ᠤ᠌᠂ ᠡᠨᠳᠡ ᠲᠡᠨᠳᠡ
ᠬᠣᠭᠣᠯᠠ ᠨᠣᠢᠷ ᠢ᠋ᠶ᠋ᠠᠨ ᠴᠤ᠌ ᠮᠠᠷᠲᠠᠨ ᠳᠤᠷᠠᠯᠠᠭᠰᠠᠨ
ᠬᠣᠵᠢᠮ ᠬᠣᠢᠨᠠ ᠴᠤ᠌ ᠰᠠᠨᠠᠨ ᠳᠤᠷᠠᠯᠠᠭᠰᠠᠨ᠃
ᠬᠣᠯᠠ ᠲᠡᠷᠲᠡᠭᠡ ᠬᠠᠪᠤᠷ ᠴᠠᠭ
ᠬᠥᠯ ᠨᠢᠴᠦᠭᠦᠨ ᠬᠥᠪᠡᠭᠦᠨ ᠶᠠᠪᠤᠬᠤ ᠳ᠋ᠠᠭᠠᠨ
ᠤᠰᠤᠨ ᠤ᠋ ᠰᠠᠪᠠ ᠪᠠᠨ ᠪᠠᠷᠢᠭᠰᠠᠨ ᠥᠬᠢᠨ ᠲᠡᠢ
ᠤᠯᠪᠠᠭᠠ ᠵᠠᠮ ᠳᠡᠭᠡᠷᠡ ᠲᠠᠭᠠᠷᠠᠵᠤ ᠪᠢᠯᠡ᠃
ᠤᠴᠠᠷᠠᠭᠰᠠᠨ ᠲᠡᠷᠡ ᠥᠬᠢᠨ ᠮᠠᠨᠢ
ᠤᠰᠤᠨ ᠤ᠋ ᠰᠠᠪᠠ ᠰᠢᠭ᠋ ᠢ᠋ᠶ᠋ᠡᠨ ᠪᠢᠴᠢᠬᠠᠨ ᠪᠠᠢᠯᠠ
ᠰᠠᠪᠠ ᠲᠠᠢ ᠤᠰᠤ ᠨᠢ ᠰᠢᠳᠦ ᠶᠠᠩᠭᠢᠨᠠᠮᠠ
ᠰᠠᠢᠬᠠᠨ ᠬᠦᠢᠲᠡᠨ ᠪᠠᠢᠭᠰᠠᠨ ᠭᠢᠷᠢᠨᠡ
ᠡᠷᠭᠢ ᠭᠣᠷᠣᠬᠠᠨ ᠳ᠋ᠠᠭᠠᠨ ᠪᠤᠴᠠᠯᠤᠭᠰᠠᠨ ᠶᠤᠮ ᠰᠢᠭ᠋
ᠡᠭᠡᠭᠡ ᠨᠠᠮᠠᠶ᠋ᠢ ᠲᠦᠯᠡᠴᠢᠬᠡᠪᠡ ᠭᠡᠯᠲᠡᠢ᠄
ᠡᠯᠡᠭᠯᠡᠵᠦ ᠮᠢᠰᠢᠶᠡᠪᠡ᠁ ᠪᠤᠯᠳᠠᠷᠠᠮᠠᠳᠠᠭᠠᠢ ᠬᠠᠷᠠᠴᠠ ᠨᠢ
ᠡᠳᠦᠭᠡ ᠪᠣᠯᠲᠠᠯᠠ ᠰᠠᠨᠠᠭᠠᠨ ᠡᠴᠡ ᠭᠠᠷᠳᠠᠭ ᠦᠭᠡᠢ
ᠡᠩᠬᠦᠷᠡᠢᠯᠡᠭᠰᠡᠭᠡᠷ ᠶᠠᠪᠤᠨᠠ ᠠ᠋ ᠪᠢ | ᠣᠳᠣ ᠴᠤ᠌ ᠭᠡᠰᠡᠨ
ᠬᠠᠪᠤᠷ ᠤ᠋ᠨ ᠬᠠᠪᠰᠠᠷᠭᠠᠨ ᠳ᠋ᠤ᠌ ᠬᠣᠵᠢᠭᠤ ᠬᠣᠢᠨᠠ
ᠺᠠᠰᠫᠢ ᠶ᠋ᠢᠨ ᠪᠤᠭᠤᠷᠤᠯ ᠳᠣᠯᠭᠢᠰ ᠤ᠋ᠨ ᠵᠠᠬᠠ ᠳ᠋ᠤ᠌
ᠨᠢᠭᠡᠨ ᠬᠡᠦᠬᠡᠨ ᠢ᠋ ᠣᠨᠴᠠᠯᠠᠨ ᠬᠠᠷᠠᠵᠤ
ᠨᠡᠬᠡᠨ ᠳᠠᠭᠠᠨ ᠶᠠᠪᠤᠭᠰᠠᠨ ᠶᠤᠮᠰᠠᠨ
ᠵᠡᠭᠦᠳᠦᠨ ᠳ᠋ᠡᠭᠡᠨ ᠪᠣᠰᠤᠭᠰᠠᠨ ᠪᠠᠯᠠᠢ ᠬᠥᠮᠦᠨ ᠰᠢᠭ
ᠵᠦᠭ ᠴᠢᠭ ᠦᠭᠡᠢ ᠭᠤᠲᠤᠮ ᠢ᠋ᠶ᠋ᠠᠷ ᠡᠷᠭᠢᠯᠳᠦᠵᠦ
ᠬᠣᠶᠠᠳᠠᠬᠢ ᠳᠠᠪᠬᠤᠷ ᠤ᠋ᠨ ᠴᠣᠩᠬᠣᠨ ᠳ᠋ᠤ᠌ ᠲᠤᠰᠤᠭᠰᠠᠨ
ᠬᠣᠣᠰ ᠦᠭᠡᠢ ᠰᠡᠭᠦᠳᠡᠷ ᠢ᠋ ᠨᠢ ᠬᠠᠷᠠᠬᠤ ᠪᠢᠯᠡ ᠭᠡᠵᠦ
ᠠᠭᠴᠢ ᠶ᠋ᠢᠨ ᠥᠨᠳᠥᠷ ᠮᠣᠳᠣᠨ ᠥᠭᠡᠳᠡ
ᠠᠪᠠᠷᠢᠵᠤ ᠶᠠᠪᠤᠭᠰᠠᠨ ᠢ᠋ᠶ᠋ᠠᠨ ᠬᠡᠵᠢᠶᠡ ᠴᠦ᠍ ᠮᠠᠷᠲᠠᠬᠤ ᠦᠭᠡᠢ᠁
ᠠᠮᠠᠷᠠᠭᠯᠠᠭᠰᠠᠭᠠᠷ ᠶᠠᠪᠤᠨᠠ ᠠ᠋ ᠪᠢ᠂ ᠣᠳᠣ ᠴᠤ᠌ ᠭᠡᠰᠡᠨ᠃
ᠠᠮᠢᠳᠤ ᠨᠠᠰᠤᠨ ᠳ᠋ᠠᠭᠠᠨ ᠮᠠᠷᠲᠠᠬᠤ ᠠᠷᠭᠠ ᠦᠭᠡᠢ
ᠠᠩᠬᠢᠯ ᠨᠢᠭᠡᠨ ᠪᠦᠰᠡᠭᠦᠢ ᠲᠡᠢ ᠪᠢ
ᠠᠯᠤᠰ ᠬᠣᠯᠠ ᠶ᠋ᠢᠨ ᠮᠣᠰᠺᠸᠠ ᠶ᠋ᠢ ᠵᠣᠷᠢᠬᠤ ᠳ᠋ᠠᠭᠠᠨ
ᠠᠵᠠ ᠪᠠᠷ ᠴᠣᠭ ᠶᠠᠪᠤᠭᠰᠠᠨ ᠶᠤᠮᠰᠠᠨ
ᠬᠠᠮᠲᠤ ᠰᠠᠭᠤᠯᠭᠠᠵᠤ ᠨᠢᠭᠡᠨ ᠴᠣᠩᠬᠣ ᠪᠠᠷ
ᠬᠠᠷᠠᠴᠠ ᠨᠡᠢᠯᠡᠭᠦᠯᠦᠨ ᠡᠨᠡ ᠶᠢᠷᠲᠢᠨᠴᠦ ᠶ᠋ᠢ
ᠬᠠᠷᠠᠭᠤᠯᠵᠤ ᠨᠢᠭᠤᠷ ᠬᠠᠭᠠᠷᠠᠭᠤᠯᠵᠤ ᠥᠭᠭᠦᠭᠰᠡᠨ
ᠺᠠᠰᠫᠢ ᠶ᠋ᠢᠨ ᠪᠦᠰᠡᠭᠦᠢ ᠲᠠᠨᠠ ᠪᠠᠶᠠᠷᠯᠠᠯᠠ!
ᠦᠭᠡ ᠳᠠᠭᠤ ᠴᠤ᠌ ᠦᠭᠡᠢ ᠬᠣᠶᠠᠭᠤᠯᠠᠬᠠᠨ ᠲᠡᠭᠡᠵᠦ
ᠦᠬᠦᠨ ᠦᠬᠦᠲᠡᠯᠡ ᠪᠡᠨ ᠶᠠᠪᠤᠮᠠᠷ ᠰᠠᠨᠠᠭᠳᠠᠭᠰᠠᠨ ᠶᠤᠮ᠃
ᠣᠮᠣᠭ ᠲᠠᠢ ᠨᠢᠭᠡᠨ ᠡᠬᠡᠨᠡᠷ ᠢ᠋ ᠪᠢ ᠪᠠᠰᠠ
ᠣᠳᠣ ᠴᠤ᠌ ᠭᠡᠰᠡᠨ ᠬᠠᠢᠷᠠᠯᠠᠳᠠᠭ ᠶᠤᠮ
ᠠᠭᠤᠷ ᠨᠢ ᠰᠢᠲᠠᠬᠤ ᠳ᠋ᠠᠭᠠᠨ ᠰᠢᠯᠦᠭ ᠢ᠋ ᠮᠢᠨᠢ
ᠤᠷᠠᠭᠠᠳ ᠬᠠᠶᠠᠵᠤ ᠪᠠᠢᠵᠤ ᠪᠢᠯᠡ ᠯᠠ᠃
ᠬᠥᠭᠡᠷᠦᠬᠦᠢ ᠨᠢᠭᠡᠨ ᠵᠢᠭᠠᠯ ᠪᠦᠰᠡᠭᠦᠢ ᠶ᠋ᠢᠨ
ᠬᠥᠭᠵᠢᠭᠦᠨ ᠬᠠᠷᠠᠴᠠ ᠶ᠋ᠢ ᠬᠠᠢᠷᠠᠯᠠᠨᠠᠮ
ᠤᠷᠤᠯᠳᠤᠵᠤ ᠪᠢᠴᠢᠭᠰᠡᠨ ᠰᠢᠯᠦᠭ ᠢ᠋ ᠮᠢᠨᠢ ᠲᠡᠷᠡ
ᠣᠯᠠᠨ ᠣᠯᠠᠨ ᠭᠠᠢᠬᠠᠨ ᠱᠠᠭᠰᠢᠵᠤ ᠪᠢᠯᠡ ᠯᠠ᠃
ᠠᠭᠠᠰᠢ ᠲᠠᠢ ᠬᠡᠦᠬᠡᠨ ᠢ᠋ ᠴᠦ᠍ ᠬᠠᠢᠷᠠᠯᠠᠵᠤ
ᠠᠨᠠᠢ ᠳᠠᠷᠤᠤᠬᠠᠨ ᠢ᠋ ᠴᠦ᠍ ᠬᠠᠢᠷᠠᠯᠠᠵᠤ
ᠠᠢᠬᠤᠪᠲᠤᠷ ᠬᠠᠲᠠᠭᠤ ᠶ᠋ᠢ ᠨᠢ ᠴᠦ᠍ ᠬᠠᠢᠷᠠᠯᠠᠵᠤ
ᠠᠩᠭᠠᠷᠠᠢᠳᠠᠭᠰᠠᠨ ᠪᠠᠯᠴᠢᠷ ᠢ᠋ ᠴᠦ᠍ ᠬᠠᠢᠷᠠᠯᠠᠵᠤ
ᠳᠤᠮᠳᠠ ᠵᠡᠷᠭᠡ ᠶ᠋ᠢᠨ ᠬᠢ ᠶ᠋ᠢ ᠴᠦ᠍ ᠬᠠᠢᠷᠠᠯᠠᠵᠤ
ᠳᠠᠭᠤᠲᠠᠢ ᠱᠤᠤᠳᠠᠢ ᠶ᠋ᠢ ᠴᠦ᠍ ᠬᠠᠢᠷᠠᠯᠠᠵᠤ
ᠳᠤᠭᠤᠯᠭᠠᠪᠤᠷᠢᠲᠠᠢ ᠨᠣᠮᠣᠬᠠᠨ ᠢ᠋ ᠴᠦ᠍ ᠬᠠᠢᠷᠠᠯᠠᠵᠤ
ᠳᠤᠮᠳᠠᠭᠤᠷ ᠦᠭᠡᠢ ᠴᠥᠮ ᠢ᠋ ᠨᠢ ᠬᠠᠢᠷᠠᠯᠠᠯᠠ᠃
ᠬᠣᠢᠰᠢ ᠣᠷᠣᠭᠰᠢ ᠠᠶᠠᠯᠠᠬᠤ ᠪᠦᠬᠦᠨ ᠳ᠋ᠡᠭᠡᠨ ᠬᠠᠢᠷᠠᠯᠠᠵᠤ
ᠬᠣᠯᠠ ᠣᠢᠷᠠ ᠶ᠋ᠢᠨ ᠬᠣᠲᠠ ᠪᠦᠬᠦᠨ ᠳ᠋ᠦ᠍ ᠬᠠᠢᠷᠠᠯᠠᠵᠤ
ᠳᠡᠭᠡᠳᠦ ᠰᠤᠷᠭᠠᠭᠤᠯᠢ ᠶ᠋ᠢᠨ ᠠᠩᠭᠢ ᠪᠦᠬᠦᠨ ᠦ᠌
ᠳᠡᠪᠰᠢᠬᠦ ᠣᠶᠤᠲᠠᠨ ᠪᠦᠰᠡᠭᠦᠢ ᠪᠦᠬᠦᠨ ᠢ᠋ ᠬᠠᠢᠷᠠᠯᠠᠯᠠ᠃
ᠬᠣᠣᠰ ᠦᠭᠡᠢ ᠳᠤᠷᠠᠯᠠᠯ ᠳ᠋ᠠᠭᠠᠨ ᠬᠥᠭᠡᠷᠴᠦᠭᠯᠡᠨ ᠨᠢᠰᠴᠦ
《ᠬᠣᠩᠭᠣᠷ ᠮᠢᠨᠢ》 ᠭᠡᠵᠦ ᠴᠥᠮ ᠢ᠋ ᠨᠢ ᠳᠠᠭᠤᠳᠠᠵᠤ
ᠵᠠᠭᠤᠷᠠ ᠬᠣᠭᠣᠷᠣᠨᠳᠣ ᠨᠢ ᠠᠯᠠᠭ ᠴᠣᠭᠣᠭ ᠦᠭᠡᠢ
ᠵᠠᠭᠤᠨ ᠬᠡᠦᠬᠡᠨ ᠢ᠋ ᠠᠳᠠᠯᠢᠬᠠᠨ ᠬᠠᠢᠷᠠᠯᠠᠯᠠ᠃
ᠡᠬᠡᠨᠡᠷ ᠦ᠋ᠨ ᠴᠢᠷᠠᠢ ᠬᠣᠪᠢᠰᠬᠢᠭᠡᠳ
ᠡᠷᠡᠰᠯᠡᠭᠡᠳ ᠪᠣᠰᠤᠭᠠᠳ ᠢᠷᠡᠯᠡ ᠬᠥᠶᠢ
《ᠲᠡᠷᠡ ᠵᠠᠭᠤ ᠶ᠋ᠢᠨ ᠴᠢᠨᠢ ᠭᠠᠭᠴᠠ ᠨᠢ ᠪᠢ ᠤᠤ
ᠲᠡᠭᠦᠨ ᠢ᠋ ᠪᠡᠨ ᠬᠡᠯᠡᠭᠰᠡᠨ ᠳ᠋ᠦ᠍ ᠴᠢᠨᠢ ᠪᠠᠶᠠᠷᠯᠠᠯᠠ!····》 ᠭᠡᠪᠡ᠃
ᠲᠡᠰᠴᠦ ᠦᠵᠡ᠂ ᠪᠢᠲᠡᠭᠡᠢ ᠠᠭᠤᠷᠯᠠ
ᠲᠡᠷᠡ ᠵᠠᠭᠤ ᠴᠢᠨᠢ ᠴᠢ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠪᠠᠢᠬᠤ ᠦᠭᠡᠢ ᠶᠣ᠌
ᠵᠠᠭᠤᠨ ᠥᠩᠭᠡ ᠶ᠋ᠢ ᠪᠡᠶᠡ ᠳ᠋ᠡᠭᠡᠨ ᠴᠣᠭᠴᠠᠯᠠᠭᠤᠯᠵᠤ
ᠵᠠᠭᠤᠷᠠ ᠵᠠᠮ ᠳ᠋ᠤ᠌ ᠴᠢ ᠮᠢᠨᠢ ᠤᠴᠠᠷᠠᠭᠰᠠᠨ ᠶᠤᠮ᠃
ᠬᠥᠳᠡᠭᠡ ᠲᠣᠰᠬᠣᠨ ᠳ᠋ᠤ᠌ ᠮᠢᠨᠦ ᠪᠡᠶᠡ
ᠬᠥᠯ ᠨᠢᠴᠦᠭᠦᠨ ᠭᠦᠶᠦᠵᠦ ᠶᠠᠪᠤᠬᠤ ᠳ᠋ᠤ᠌
ᠤᠰᠤᠨ ᠤ᠋ ᠰᠠᠪᠠ ᠪᠠᠷᠢᠭᠠᠳ ᠴᠢ ᠥᠪᠡᠷ ᠢ᠋ᠶ᠋ᠡᠨ
ᠤᠯᠪᠠᠭᠠ ᠵᠠᠮ ᠳᠡᠭᠡᠷᠡ ᠤᠴᠠᠷᠠᠭᠠ ᠦᠭᠡᠢ ᠤᠤ?
ᠲᠠᠩᠭᠢᠰ ᠺᠠᠰᠫᠢ ᠲᠡᠯᠴᠢᠯᠡᠨ ᠬᠥᠷᠪᠡᠭᠡᠬᠦ
ᠲᠡᠷᠲᠡᠭᠡ ᠬᠣᠲᠠ ᠶ᠋ᠢᠨ ᠬᠥᠯ ᠬᠦᠰ ᠳᠤᠮᠳᠠ
ᠠᠷᠤ ᠡᠴᠡ ᠪᠠᠨ ᠮᠢᠨᠦ ᠳᠠᠭᠠᠵᠤ ᠶᠠᠪᠤᠭᠰᠠᠨ ᠢ᠋
ᠠᠵᠢᠭᠯᠠᠭᠠ ᠦᠭᠡᠢ ᠭᠡᠵᠦ ᠤᠤ ᠴᠢ?
ᠳᠠᠷᠠᠭᠠ ᠨᠢ ᠮᠣᠰᠺᠸᠠ ᠵᠣᠷᠢᠭᠰᠠᠨ ᠸᠠᠭᠣᠨ ᠤ᠋
ᠳᠠᠪᠬᠢᠭᠠ ᠲᠦᠷᠴᠢᠭᠢᠨᠡᠭᠡ ᠶ᠋ᠢ ᠰᠠᠨᠠᠨᠠ ᠤᠤ᠂ ᠣᠳᠣ?
ᠳᠠᠩᠴᠤ ᠰᠠᠢᠬᠠᠨ ᠵᠠᠭᠤᠨ ᠬᠡᠦᠬᠡᠨ ᠢ᠋
ᠳᠠᠩ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠴᠢ ᠣᠷᠣᠯᠠᠭᠰᠠᠨ ᠪᠤᠰᠤ ᠤᠤ?
ᠠᠭᠤᠷᠯᠠᠬᠤ ᠬᠠᠢᠷᠠᠯᠠᠬᠤ ᠬᠣᠣᠰᠯᠠᠨ ᠪᠠᠢᠵᠤ
ᠤᠬᠢᠯᠠᠨ ᠢᠨᠢᠶᠡᠨ ᠳᠠᠰᠤᠭᠰᠠᠨ ᠪᠤᠰᠤ ᠤᠤ?
ᠵᠠᠷᠢᠮ ᠳ᠋ᠠᠭᠠᠨ ᠴᠢ ᠵᠥᠷᠢᠭᠦᠳᠯᠡᠨ ᠪᠠᠢᠵᠤ
ᠵᠠᠩᠨᠠᠵᠤ ᠬᠠᠷᠢᠶᠠᠭᠰᠠᠨ ᠢ᠋ ᠨᠢᠭᠤᠭᠠᠳ ᠶᠠᠭᠠᠬᠢᠬᠤ ᠪᠣᠢ?
ᠵᠠᠷᠢᠮ ᠳ᠋ᠠᠭᠠᠨ ᠪᠠᠰᠠ ᠭᠠᠷ ᠤ᠋ᠨ ᠠᠶᠠᠰ ᠢ᠋ᠶ᠋ᠠᠷ
ᠵᠠᠢ ᠦᠭᠡᠢ ᠬᠠᠢᠷᠠᠯᠠᠳᠠᠭ ᠢ᠋ ᠶᠠᠷᠢᠭᠠᠳ ᠶᠠᠭᠠᠬᠢᠬᠤ ᠪᠣᠢ?
ᠥᠪᠡᠷ ᠢ᠋ ᠴᠢᠨᠢ ᠬᠠᠮᠢᠭᠠᠰᠢ ᠪᠠᠨ ᠪᠣᠯ ᠪᠢ ᠲᠠᠢᠰᠢ ᠪᠠᠨ
ᠥᠭᠡᠷᠡ ᠴᠦ᠍ ᠦᠭᠡᠢ ᠳᠠᠭᠠᠵᠤ ᠶᠠᠪᠤᠯᠠ
ᠬᠦᠰᠡᠭᠰᠡᠨ ᠢ᠋ ᠴᠢᠨᠢ ᠪᠢ ᠪᠠᠰᠠ ᠬᠦᠰᠡᠵᠦ
ᠬᠥᠮᠦᠨ ᠦ᠌ ᠳᠠᠢᠲᠠᠢ ᠶᠠᠪᠤᠵᠠᠭᠠᠯᠠ᠃
ᠡᠭᠦᠯᠡᠨ ᠰᠦᠷᠦᠭ ᠦᠳᠡᠯᠡᠨ ᠬᠤᠷᠠᠭᠰᠠᠨ
ᠠᠭᠤᠯᠠᠨ ᠳᠤᠮᠳᠠᠭᠤᠷ ᠬᠣᠶᠠᠭᠤᠯᠠ ᠠᠯᠬᠤᠵᠤ
ᠭᠠᠵᠠᠷ ᠭᠠᠵᠠᠷ ᠤ᠋ᠨ ᠬᠣᠲᠠ ᠪᠠᠷ ᠬᠣᠶᠠᠭᠤᠯᠠ
ᠭᠠᠷ ᠭᠠᠷ ᠡᠴᠡ ᠪᠠᠨ ᠬᠥᠲᠥᠯᠦᠯᠴᠡᠵᠦ ᠶᠠᠪᠤᠯᠠ᠃
ᠵᠠᠭᠤᠷᠠ ᠬᠣᠭᠣᠷᠣᠨᠳᠣ ᠨᠢ ᠠᠯᠠᠭ ᠴᠣᠭᠣᠭ ᠦᠭᠡᠢ
ᠵᠠᠭᠤᠨ ᠬᠡᠦᠬᠡᠨ ᠢ᠋ ᠠᠳᠠᠯᠢᠬᠠᠨ ᠬᠠᠢᠷᠠᠯᠠᠯᠠ᠁
ᠵᠠᠭᠤᠷᠠᠳᠤ ᠶ᠋ᠢᠨ ᠪᠢᠰᠢ᠂ ᠡᠭᠦᠷᠢᠳᠡ ᠶ᠋ᠢᠨ ᠬᠠᠢᠷᠠ ᠪᠠᠷ ᠢ᠋ᠶ᠋ᠠᠨ
ᠵᠠᠭᠤ ᠳᠠᠬᠢᠨ ᠴᠢᠮᠠᠶ᠋ᠢ 《ᠬᠣᠩᠭᠣᠷ ᠮᠢᠨᠢ》 ᠭᠡᠯᠡ᠃
ᠵᠠᠭᠤᠨ ᠳᠦᠷᠢ ᠴᠢᠮᠠ ᠳ᠋ᠤ᠌ ᠴᠣᠭᠴᠠᠯᠠᠭᠳᠠᠭᠰᠠᠨ ᠪᠣᠯᠬᠤ ᠪᠠᠷ
ᠵᠠᠭᠤᠨ ᠳᠠᠪᠬᠤᠷ ᠬᠠᠢᠷᠠᠯᠠᠭᠰᠠᠨ ᠶᠤᠮ᠂ ᠴᠢᠮᠠᠶ᠋ᠢ ᠪᠠᠨ!
ᠰᠠᠢᠬᠠᠨ ᠬᠡᠦᠬᠡᠨ
ᠤᠷᠤᠯᠳᠤᠵᠤ ᠪᠢᠴᠢᠵᠦ ᠴᠠᠭᠠᠰᠤ ᠣᠩᠭᠢᠴᠢᠵᠤ
ᠣᠷᠣᠵᠤ ᠢᠷᠡᠭᠰᠡᠨ ᠬᠥᠮᠦᠨ ᠳᠠᠷᠤᠭᠠ ᠤᠷᠤᠭᠤ ᠦᠰᠦᠴᠢᠵᠦ
ᠪᠢᠴᠢᠭᠡᠴᠢ ᠬᠡᠦᠬᠡᠨ ᠲᠣᠭᠲᠠᠭᠠᠯ ᠬᠤᠪᠢᠯᠵᠤ
ᠪᠢᠴᠢᠭ ᠬᠡᠷᠡᠭ᠂ ᠬᠡᠪᠯᠡᠯ ᠠᠪᠴᠤ
ᠪᠡᠶᠡ ᠵᠠᠭᠤᠷᠠ ᠪᠠᠨ ᠵᠠᠪ ᠦᠭᠡᠢ ᠪᠠᠢᠵᠠᠭᠠᠲᠠᠯᠠ᠁
ᠴᠣᠩᠬᠣᠨ ᠤ᠋ ᠳᠡᠷᠭᠡᠳᠡ ᠰᠠᠭᠤᠭᠰᠠᠨ ᠨᠢᠭᠡ ᠨᠢ
ᠴᠣᠴᠢᠭᠰᠠᠨ ᠶᠤᠮ ᠰᠢᠭ᠋ ᠭᠠᠷ ᠢ᠋ᠶ᠋ᠠᠨ ᠳᠣᠬᠢᠵᠤ
《ᠬᠠᠷᠠᠭᠠᠴᠢ ᠬᠥᠶᠢ᠂ ᠰᠣᠨᠣᠭᠠᠷ ᠬᠡᠦᠬᠡᠨ ᠠ᠋
ᠬᠠᠮᠢᠭᠠ ᠭᠠᠵᠠᠷ ᠬᠣᠪᠣᠷᠬᠠᠨ ᠠᠮᠢᠲᠠᠨ ᠠ᠋》 ᠭᠡᠪᠡ᠃
ᠬᠢᠵᠦ ᠪᠠᠢᠭᠰᠠᠨ ᠠᠵᠢᠯ᠂ ᠣᠷᠣᠵᠤ ᠢᠷᠡᠭᠰᠡᠨ ᠬᠥᠮᠦᠨ
ᠬᠡᠷᠡᠭᠦᠯ᠂ ᠪᠢᠴᠢᠭ ᠦ᠋ᠨ ᠮᠠᠰᠢᠨ ᠢ᠋ᠶ᠋ᠠᠨ ᠴᠥᠮ
ᠣᠷᠬᠢᠭᠠᠳ ᠪᠣᠰᠴᠠᠭᠠᠪᠠ᠃ ᠲᠠᠮᠠᠬᠢᠨ ᠤ᠋ ᠳ᠋ᠢᠽᠢ ᠶ᠋ᠢ
ᠣᠩᠬᠣᠯᠢᠳᠤᠭᠤᠯᠵᠤ ᠴᠣᠩᠬᠣ ᠤᠷᠤᠭᠤ ᠵᠢᠳᠬᠦᠵᠡᠭᠡᠪᠡ᠃
ᠠᠮᠢ ᠠᠮᠢᠨ ᠳ᠋ᠠᠭᠠᠨ ᠶᠠᠭᠠᠷᠠᠵᠤ ᠰᠢᠬᠠᠴᠠᠯᠳᠤᠨ
ᠠᠮᠠ ᠠᠮᠠᠨ ᠳ᠋ᠠᠭᠠᠨ 《ᠶᠠᠮᠠᠷ ᠭᠠᠩᠭᠠᠩ ᠪᠣᠢ?》 ᠭᠡᠯᠳᠡᠪᠠ
ᠰᠠᠢᠨ ᠬᠠᠷᠠᠬᠤ ᠭᠡᠵᠦ ᠬᠥᠭᠰᠢᠨ ᠨᠢᠭᠲᠠᠯᠠᠨ
ᠰᠠᠨᠳᠠᠯᠢ ᠳᠡᠭᠡᠷᠡ ᠭᠠᠷᠴᠤ ᠵᠣᠭᠰᠣᠪᠠ᠃
ᠪᠦᠭᠦᠳᠡ ᠴᠣᠩᠬᠣ ᠪᠠᠷ ᠭᠤᠳᠤᠮᠵᠢ ᠤᠷᠤᠭᠤ ᠰᠢᠷᠳᠡᠪᠡ
ᠪᠦᠲᠦᠨ ᠳᠣᠯᠣᠭᠠ ᠬᠣᠨᠣᠭ ᠲᠤ᠌ ᠠᠩᠬᠠ ᠤᠳᠠᠭᠠ
ᠰᠠᠢᠳ ᠮᠠᠨᠢ ᠢᠳᠡ ᠠᠵᠢᠯ ᠢ᠋ᠶ᠋ᠠᠨ ᠵᠠᠪᠰᠠᠷᠯᠠᠵᠤ
ᠰᠠᠢᠬᠠᠨ ᠬᠡᠦᠬᠡᠨ ᠢ᠋ ᠪᠠᠰᠠ ᠰᠢᠷᠲᠡᠪᠡ᠃
ᠬᠡᠦᠬᠡᠮᠰᠦᠭ ᠨᠢᠭᠡᠨ ᠵᠠᠯᠠᠭᠤ ᠡᠷᠡ ᠶ᠋ᠢᠨ
ᠬᠦᠵᠦᠭᠦᠦ ᠳᠥᠷᠪᠡᠨ ᠬᠤᠪᠢ ᠰᠤᠨᠪᠠ
ᠲᠡᠷᠡ ᠴᠣᠩᠬᠣ ᠤᠷᠤᠭᠤ ᠪᠢ ᠴᠦ᠍ ᠭᠦᠶᠦᠯᠡ
ᠲᠡᠭᠡᠭᠡᠳ ᠲᠡᠭᠡᠭᠡᠳ ᠨᠡᠮᠡᠷᠢ ᠦᠭᠡᠢᠳᠡᠯᠡ
ᠠᠷᠠᠢ ᠭᠡᠵᠦ ᠵᠢᠳᠬᠦᠭᠡᠳ ᠴᠣᠩᠬᠣᠨ ᠳ᠋ᠤ᠌ ᠬᠦᠷᠪᠡ
ᠠᠭᠠᠬᠢᠯᠤᠭᠰᠠᠭᠠᠷ ᠥᠯᠢᠢᠪᠡ᠂ ᠠᠯᠢ ᠪᠣᠢ ᠲᠡᠭᠡᠭᠡᠳ
ᠠᠲᠤᠭᠠᠷ ᠡᠪᠦᠭᠡᠨ ᠡᠮᠡᠭᠡᠨ ᠲᠡᠢ ᠪᠡᠨ ᠶᠠᠪᠤᠨᠠ
ᠠᠯᠪᠠᠨ ᠤ᠋ 《ᠽᠢᠮ》 ᠢ᠋ᠶ᠋ᠡᠨ ᠵᠢᠯᠣᠭᠣᠴᠢ ᠠᠷᠴᠢᠨᠠ᠁
ᠠᠯᠢ ᠪᠣᠢ ᠭᠡᠵᠦ ᠴᠣᠩᠬᠣ ᠪᠠᠷ ᠬᠠᠰᠬᠢᠷᠪᠠᠰᠤ
ᠠᠯᠢ ᠬᠡᠳᠦᠢᠨᠡ ᠶᠠᠪᠤᠴᠢᠬᠠᠭᠰᠠᠨ᠂ ᠵᠠᠢᠯᠠᠭᠤᠯ ᠴᠢ
《ᠠᠵᠠ ᠦᠭᠡᠢ ᠶᠡ ᠲᠡᠢᠮᠦ ᠶᠠᠭᠤᠮᠠᠨ ᠡᠴᠡ ᠬᠣᠴᠣᠷᠬᠤ⁈》 ᠭᠡᠵᠦ
ᠠᠩᠭᠠᠢᠲᠠᠯᠠ ᠢᠨᠢᠶᠡᠵᠦ ᠵᠢᠯᠣᠭᠣᠴᠢ ᠬᠠᠷᠢᠭᠤᠯᠪᠠ᠃
ᠶᠠᠮᠠᠷ ᠬᠡᠦᠬᠡᠨ ᠬᠠᠮᠢᠭᠠ ᠡᠴᠡ ᠢᠷᠡᠬᠦ ᠨᠢ ᠲᠡᠷᠡ ᠪᠣᠢ?
ᠢᠷᠠᠭᠤᠬᠠᠨ ᠬᠠᠪᠤᠷ ᠴᠣᠩᠬᠣ ᠪᠠᠷ ᠮᠢᠰᠢᠶᠡᠵᠦ
ᠢᠨᠠᠭ ᠤ᠋ᠨ ᠫᠠᠶᠠᠩ ᠢ᠋ᠶ᠋ᠠᠨ ᠬᠥᠮᠦᠨ ᠪᠦᠷᠢ ᠪᠣᠳᠣᠵᠤ
ᠭᠤᠳᠤᠮᠵᠢ ᠤᠷᠤᠭᠤ ᠬᠠᠷᠠᠮᠠᠲᠠᠭᠠᠢ ᠪᠤᠯᠵᠠᠭᠠᠪᠠ᠁
ᠨᠠᠮᠠᠶ᠋ᠢ ᠲᠡᠢᠨ ᠬᠦ᠌ ᠨᠢᠭᠡ ᠬᠠᠷᠠᠬᠤ ᠳ᠋ᠤ᠌
ᠨᠠᠢᠵᠠ ᠪᠦᠰᠡᠭᠦᠢᠴᠦᠦᠯ ᠳᠤᠮᠳᠠ ᠪᠠᠨ ᠴᠢ ᠮᠢᠨᠢ
ᠡᠩ ᠦᠭᠡᠢ ᠰᠠᠢᠬᠠᠨ ᠭᠤᠸᠠᠯᠢᠭ ᠬᠠᠷᠠᠭᠳᠠᠵᠤ ᠪᠢᠯᠡ᠂
《ᠡᠨᠡ ᠪᠠᠢᠨᠠ!》 ᠭᠡᠵᠦ ᠪᠢ ᠬᠠᠰᠬᠢᠷᠴᠤ ᠪᠢᠯᠡ᠃
ᠳᠤᠷᠠᠯᠠᠯ ᠬᠠᠢᠷᠠ
ᠳᠠᠬᠢᠭᠠᠳ ᠣᠯᠵᠠᠯᠠᠭᠳᠠᠪᠠ ᠠ᠋᠁
ᠳᠠᠩᠴᠤ ᠪᠠᠭᠠ ᠳ᠋ᠠᠭᠠᠨ ᠪᠢ ᠤᠷᠢᠳᠤ
ᠳᠠᠭᠠᠭᠠᠮᠠᠢ ᠳᠤᠷᠠᠯᠠᠯ ᠲᠠᠢ ᠤᠴᠠᠷᠠᠵᠤ ᠴᠡᠴᠡᠭ ᠬᠥᠨᠳᠡᠵᠦ
ᠳᠠᠯᠳᠠ ᠨᠢᠭᠤᠴᠠ ᠪᠠᠨ ᠠᠯᠪᠠ ᠪᠠᠷ ᠨᠡᠭᠡᠭᠡᠵᠦ
ᠳᠠᠮᠵᠢᠭ ᠦᠭᠡᠢ ᠡᠷᠡ ᠬᠥᠮᠦᠨ ᠪᠣᠯᠵᠤ ᠪᠢᠯᠡ᠃
ᠣᠳᠣ ᠪᠣᠯᠬᠤ ᠳ᠋ᠤ᠌ ᠨᠠᠰᠤ ᠪᠡᠶᠡ ᠶ᠋ᠢᠨ ᠮᠢᠨᠢ
ᠣᠢᠯ ᠬᠢᠷᠠ ᠳᠡᠭᠡᠷᠡ ᠳᠠᠭᠢᠨᠢ ᠰᠢᠭ᠋ ᠪᠢᠰᠢ
ᠲᠠᠷᠬᠢᠶᠠᠲᠠᠢᠬᠠᠨ ᠭᠠᠯ ᠬᠡᠦᠬᠡᠨ ᠲᠠᠭᠠᠷᠠᠵᠤ
ᠳᠠᠬᠢᠭᠠᠳ ᠨᠠᠮᠠᠶ᠋ᠢ ᠬᠡᠦᠬᠡᠳ ᠪᠣᠯᠭᠠᠴᠢᠬᠠᠯᠠ᠃
ᠤᠯᠠᠢᠮᠠ ᠴᠠᠢᠮᠠ᠂ ᠬᠡᠢᠷᠬᠡᠦ ᠬᠣᠶᠠᠷ ᠨᠢ ᠵᠡᠷᠭᠡᠴᠡᠵᠦ
ᠤᠨᠲᠠᠷᠠᠭᠰᠠᠨ ᠢ᠋ ᠠᠰᠠᠭᠠᠪᠠ᠃ ᠵᠢᠷᠦᠬᠡ ᠮᠢᠨᠢ
ᠰᠠᠷᠠᠨ ᠤ᠋ ᠳᠣᠣᠷᠠᠬᠢ ᠬᠣᠷᠸᠠ ᠳ᠋ᠤ᠌ ᠪᠦᠰᠡᠭᠦᠢ ᠬᠥᠮᠦᠨ ᠢ᠋
ᠰᠠᠬᠢᠭᠤᠰᠤ ᠰᠢᠲᠦᠭᠡᠨ ᠭᠡᠵᠦ ᠳᠦᠷᠰᠦᠯᠡᠨ ᠪᠢᠰᠢᠷᠡᠪᠡ᠃
ᠺᠣᠮᠠᠨᠳ᠋ᠯᠠᠭᠴᠢ ᠶ᠋ᠢᠨ ᠡᠨᠳᠡᠭᠦᠷᠡᠯ ᠢ᠋ᠶ᠋ᠡᠷ ᠵᠠᠷᠢᠮ ᠳ᠋ᠠᠭᠠᠨ
ᠬᠠᠢᠷᠠ ᠳᠤᠷᠠᠯᠠᠯ ᠬᠠᠯᠠ ᠪᠠᠯ (ᠪᠡᠯᠡ) ᠪᠣᠯᠵᠤ
ᠦᠭᠡ ᠳᠠᠭᠤᠨ ᠦᠭᠡᠢ ᠲᠤᠰᠢᠶᠠᠯ ᠪᠡᠶᠡᠯᠡᠭᠦᠯᠦᠭᠰᠡᠨ
ᠦᠨᠡᠨᠴᠢ ᠴᠡᠷᠢᠭ ᠦ᠋ᠨ ᠭᠠᠪᠢᠶᠠ ᠶ᠋ᠢ ᠭᠠᠷᠤᠵᠠᠳᠠᠳᠠᠭ᠃
ᠬᠠᠢᠷᠠ ᠳᠤᠷᠠᠯᠠᠯ᠂ ᠬᠤᠪᠢ ᠵᠠᠶᠠᠭᠠ ᠭᠡᠳᠡᠭ ᠮᠠᠨᠢ
ᠬᠠᠲᠠᠭᠤ ᠰᠢᠷᠦᠭᠦᠨ ᠲᠤᠯᠤᠯᠳᠤᠭᠠᠨ ᠲᠠᠢ ᠲᠥᠰᠦᠭᠡ ᠲᠡᠢ
ᠬᠠᠮᠢᠭᠠᠰᠢ ᠪᠠᠨ ᠴᠤ᠌ ᠭᠠᠷᠴᠠᠭᠠ ᠦᠭᠡᠢ ᠰᠦᠢᠷᠡᠵᠦ ᠪᠠᠢᠲᠠᠯᠠ
ᠬᠠᠷᠢᠨ᠂ ᠠᠢ ᠪᠠᠽᠠᠷᠪᠠᠨᠢ! ᠭᠡᠨᠡᠳᠲᠡ ᠢᠯᠠᠳᠠᠭ!
ᠢᠲᠡᠭᠡᠯ ᠰᠡᠳᠬᠢᠯ ᠭᠡᠳᠡᠭ ᠮᠠᠨᠢ
ᠢᠷᠮᠡᠭᠦᠨ ᠳᠣᠯᠣᠭᠠᠨ ᠲᠠᠢ ᠠᠳᠠᠯᠢᠬᠠᠨ
ᠰᠠᠨᠠᠭᠠᠨ ᠳ᠋ᠤ᠌ ᠦᠭᠡᠢ ᠪᠠᠢᠲᠠᠯᠠ ᠮᠠᠭᠤ ᠮᠡᠳᠡᠭᠡ ᠢᠷᠡᠵᠦ
ᠰᠠᠯᠤᠮᠠ ᠨᠢᠷᠭᠡᠭᠦᠯᠬᠦ ᠴᠦ᠍ ᠡᠳᠦᠷ ᠪᠣᠢ᠃
ᠬᠠᠢᠷᠠ ᠳᠤᠷᠠᠯᠠᠯ ᠭᠠᠢ ᠴᠢᠷᠴᠦ ᠢᠷᠡᠳᠡᠭ ᠴᠦ᠍
ᠬᠠᠶᠠ ᠪᠠᠰᠠ ᠶᠡᠬᠡ ᠰᠢᠷᠬᠠ ᠬᠦᠨᠳᠡᠯ ᠦᠭᠡᠢ
ᠬᠡᠭᠡᠷᠡ ᠲᠠᠯᠠ ᠳ᠋ᠤ᠌ ᠨᠠᠮᠢᠷᠠᠭᠠ ᠪᠣᠷᠣᠭᠠᠨ ᠢ᠋ᠶ᠋ᠠᠷ
ᠬᠡᠪᠡᠨᠡᠭ ᠦ᠋ᠨ ᠳᠣᠣᠷᠠ ᠵᠡᠭᠦᠳᠦᠯᠡᠭᠰᠡᠨ ᠵᠡᠭᠦᠳᠦ ᠰᠢᠭ
ᠬᠡᠰᠡᠭᠬᠡᠨ᠂ ᠠᠮᠲᠠᠲᠠᠢᠬᠠᠨ ᠴᠤ᠌ ᠪᠣᠢ᠃
ᠠᠬᠤᠢ ᠨᠠᠰᠤᠨ ᠤ᠋ ᠮᠢᠨᠢ ᠦᠳᠡ ᠬᠡᠯᠪᠡᠢᠵᠦ
ᠠᠶᠤᠬᠤ ᠢᠴᠢᠬᠦ ᠪᠡᠨ ᠥᠩᠭᠡᠷᠡᠭᠰᠡᠨ ᠡᠷᠡ ᠬᠥᠮᠦᠨ
ᠳᠠᠭᠤᠯᠠᠵᠤ ᠰᠢᠯᠦᠭᠯᠡᠬᠦ ᠨᠢ ᠡᠴᠦᠰ ᠦ᠋ᠨ ᠬᠢ ᠰᠢᠭ ᠪᠠᠢᠲᠠᠯᠠ
ᠳᠤᠷᠠᠯᠠᠵᠤ ᠣᠷᠬᠢᠭᠰᠠᠨ ᠴᠢᠨᠢ᠂ ᠡᠬᠢᠨ ᠦ᠌ ᠬᠢ ᠡᠴᠡ ᠥᠭᠡᠷᠡ ᠴᠦ᠍ ᠦᠭᠡᠢ ᠪᠠᠢᠨᠠ᠃
ᠴᠠᠰᠤᠨ ᠳ᠋ᠤ᠌ ᠭᠡᠭᠡᠭᠰᠡᠨ ᠮᠥᠷ
ᠡᠪᠦᠯ ᠦ᠋ᠨ ᠣᠢ ᠶ᠋ᠢᠨ ᠴᠠᠰᠤᠨ ᠳᠤᠮᠳᠠᠭᠤᠷ ᠴᠢ ᠪᠢᠳᠡᠨ
ᠡᠳᠦᠷᠵᠢᠨ ᠭᠤᠩᠬᠠᠯᠠ ᠭᠡᠰᠡᠨ ᠴᠢᠨᠢ᠂ ᠪᠤᠤ ᠮᠡᠳᠡ ᠳᠠ
ᠶᠠᠭᠠᠬᠢᠵᠤ ᠴᠣᠬᠣᠮ ᠭᠤᠩᠬᠠᠭᠠ ᠶᠤᠮ ᠪᠣᠯ᠂ ᠮᠢᠨᠦ ᠳᠡᠷᠭᠡᠳᠡ
ᠢᠨᠠᠭᠬᠠᠨ ᠲᠠᠨ ᠤ᠋ ᠮᠥᠷ ᠠᠯᠠᠭᠠ ᠪᠠᠢᠬᠤ ᠴᠢᠨᠢ ᠶᠠᠭᠤ ᠪᠣᠢ?
ᠦᠪᠡᠳᠡᠭᠰᠢ ᠢᠷᠠᠭᠤᠬᠠᠨ ᠳᠠᠭᠤᠨ ᠢ᠋ ᠡᠨᠳᠡ ᠪᠢ ᠴᠢᠩᠨᠠᠭᠰᠠᠨ ᠰᠠᠨ
ᠥᠪᠡᠷ ᠲᠦ᠍ ᠮᠢᠨᠢ ᠴᠢ ᠳᠠᠭᠤᠯᠠᠵᠤ ᠣᠢ ᠬᠥᠪᠴᠢ ᠲᠦᠷᠢᠵᠦ ᠪᠠᠢᠭᠰᠠᠨ ᠰᠠᠨ
ᠡᠪᠦᠯ ᠦ᠋ᠨ ᠵᠢᠪᠠᠷ ᠲᠤ᠌ ᠪᠡᠭᠡᠷᠡᠭᠰᠡᠨ ᠬᠤᠷᠤᠭᠤ ᠭᠠᠷ ᠢ᠋ ᠴᠢᠨᠢ ᠪᠢ
ᠥᠷᠭᠡᠨ ᠠᠯᠠᠭᠠᠨ ᠳ᠋ᠠᠭᠠᠨ ᠳᠤᠯᠠᠭᠠᠴᠠᠭᠤᠯᠵᠤ ᠪᠠᠢᠭᠠ ᠦᠭᠡᠢ ᠪᠢᠯᠡ ᠤᠤ?
ᠬᠦᠷᠦᠵᠦ ᠲᠠᠭᠠᠷᠠᠵᠤ ᠤᠯᠠᠢᠭᠠᠳ ᠲᠡᠷᠡ ᠯᠠ ᠭᠠᠴᠤᠷᠠ ᠶ᠋ᠢᠨ ᠴᠠᠭᠠᠨᠠ ᠡᠴᠡ
《ᠬᠥᠭᠡᠭᠡᠭᠡᠳ ᠪᠡᠷᠢ ᠯᠠ ᠳᠠ᠂ ᠶᠠᠭᠠᠬᠢᠳᠠᠭ ᠶᠤᠮ!》 ᠭᠡᠵᠦ ᠥᠳᠥᠭᠡᠭᠰᠡᠨ ᠢ᠋ᠶ᠋ᠡᠨ ᠴᠢ ᠮᠢᠨᠢ
ᠬᠥᠭᠡᠷᠦᠬᠦᠢ ᠡᠳᠦᠢ ᠳ᠋ᠦ᠍᠂ ᠴᠢᠮᠠ ᠳ᠋ᠤ᠌ ᠡᠰᠡ ᠪᠣᠯ ᠥᠭᠡᠷᠡ ᠬᠡᠨ ᠳ᠋ᠡᠭᠡᠨ ᠪᠢ
ᠭᠥᠭᠯᠡᠨ ᠲᠦᠭᠳᠡᠷᠡᠨ ᠪᠠᠢᠵᠤ ᠰᠢᠯᠦᠭ ᠴᠡᠭᠡᠵᠢ ᠪᠡᠷ ᠤᠩᠰᠢᠬᠤ ᠪᠢᠯᠡ?
ᠡᠨᠡ ᠬᠡᠰᠡᠭ ᠢ᠋ ᠪᠤᠷᠤᠭᠤ ᠤᠩᠰᠢᠯᠠ ᠭᠡᠵᠦ ᠨᠠᠮᠠᠶ᠋ᠢ ᠪᠠᠨ ᠴᠢ
ᠡᠯᠡᠭᠯᠡᠨ ᠢᠨᠢᠶᠡᠵᠦ ᠱᠣᠣᠯᠠᠨ ᠵᠢᠮᠡᠯᠡᠭᠡ ᠦᠭᠡᠢ ᠰᠠᠨ ᠪᠢᠯᠡ ᠤᠤ?
ᠬᠠᠢᠯᠤᠭᠰᠠᠨ ᠲᠤᠭᠤᠯᠭᠠ ᠰᠢᠭ᠋ ᠠᠭᠠᠰᠢᠨ ᠳ᠋ᠤ᠌ ᠴᠢᠨᠢ ᠬᠥᠯ ᠠᠯᠳᠠᠵᠤ
ᠬᠠᠯᠠᠭᠤᠨ ᠮᠠᠷᠭᠤᠭᠠᠨ ᠳ᠋ᠤ᠌ ᠴᠢᠨᠢ ᠪᠢ ᠭᠠᠷᠳᠠᠭᠠ ᠦᠭᠡᠢ ᠰᠠᠨ ᠪᠢᠯᠡ ᠤᠤ?
ᠠᠮᠢᠲᠠᠨ ᠬᠥᠳᠡᠭᠡ ᠦᠭᠡᠢ ᠴᠠᠰᠤᠨ ᠳ᠋ᠤ᠌ ᠨᠠᠳᠠ ᠲᠠᠢ ᠴᠢ ᠶᠠᠪᠤᠭᠰᠠᠨ ᠰᠠᠨ
ᠠᠷᠢᠭᠤᠨ ᠮᠥᠷ ᠴᠢᠨᠢ ᠶᠠᠭᠠᠬᠢᠪᠠ ᠪᠣᠢ? ᠮᠡᠳᠡᠬᠦ ᠶ᠋ᠢ ᠪᠣᠯᠢᠯᠠ····
ᠠᠯᠲᠠ ᠪᠡᠶᠡ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ···· ᠰᠡᠳᠬᠢᠯ ᠵᠥᠪᠬᠡᠨ ᠬᠦᠭᠡᠷᠦᠴᠢᠭᠡᠵᠡᠢ
ᠠᠮᠲᠠᠲᠤ ᠪᠣᠳᠣᠯ ᠤ᠋ᠨ ᠮᠥᠷ ᠭᠡᠵᠦ ᠴᠠᠰᠤᠨ ᠳ᠋ᠤ᠌ ᠶᠠᠭᠤ ᠨᠢ ᠦᠯᠡᠳᠡᠬᠦ ᠪᠣᠢ!
※※※
ᠭᠣᠮᠣᠳᠠᠯ ᠭᠤᠨᠢᠭ ᠢ᠋ᠶ᠋ᠠᠨ ᠪᠢ ᠬᠡᠨ ᠲᠡᠢ ᠪᠡᠨ ᠬᠤᠪᠢᠶᠠᠵᠤ
ᠭᠣᠣᠯ ᠤ᠋ᠨ ᠢ᠋ᠶ᠋ᠠᠨ ᠤᠢᠳᠬᠠᠷ ᠢ᠋ ᠪᠢ ᠬᠡᠨ ᠳ᠋ᠡᠭᠡᠨ ᠲᠣᠭᠠᠴᠢᠶᠠ ᠳᠠ?
ᠬᠠᠪᠤᠷ ᠭᠡᠭᠴᠢ ᠵᠢᠯ ᠡᠴᠡ ᠵᠢᠯ ᠳ᠋ᠦ᠍ ᠴᠡᠩᠭᠡᠭᠦᠨ ᠪᠣᠯᠵᠤ
ᠬᠠᠢᠷᠠᠯᠠᠨ ᠰᠢᠯᠦᠭᠯᠡᠬᠦ ᠮᠢᠨᠢ ᠣᠨ ᠡᠴᠡ ᠣᠨ ᠳ᠋ᠤ᠌ ᠴᠥᠭᠡᠷᠡᠪᠡ ᠯᠡ᠃
ᠭᠣᠮᠣᠳᠠᠯ ᠭᠤᠨᠢᠭ ᠢ᠋ᠶ᠋ᠠᠨ ᠪᠢ ᠬᠡᠨ ᠲᠡᠢ ᠪᠡᠨ ᠬᠤᠪᠢᠶᠠᠵᠤ
ᠭᠣᠣᠯ ᠤ᠋ᠨ ᠢ᠋ᠶ᠋ᠠᠨ ᠤᠢᠳᠬᠠᠷ ᠢ᠋ ᠪᠢ ᠬᠡᠨ ᠳ᠋ᠡᠭᠡᠨ ᠲᠣᠭᠠᠴᠢᠶᠠ ᠳᠠ?
ᠬᠠᠪᠤᠷ ᠭᠡᠭᠴᠢ ᠵᠢᠯ ᠡᠴᠡ ᠵᠢᠯ ᠳ᠋ᠦ᠍ ᠴᠡᠩᠭᠡᠭᠦᠨ ᠪᠣᠯᠵᠤ
ᠬᠠᠢᠷᠠᠯᠠᠨ ᠰᠢᠯᠦᠭᠯᠡᠬᠦ ᠮᠢᠨᠢ ᠣᠨ ᠡᠴᠡ ᠣᠨ ᠳ᠋ᠤ᠌ ᠴᠥᠭᠡᠷᠡᠪᠡ ᠯᠡ᠃
ᠭᠣᠮᠣᠳᠠᠯ ᠭᠤᠨᠢᠭ ᠢ᠋ᠶ᠋ᠠᠨ ᠪᠢ ᠬᠡᠨ ᠲᠡᠢ ᠪᠡᠨ ᠬᠤᠪᠢᠶᠠᠵᠤ
ᠭᠣᠣᠯ ᠤ᠋ᠨ ᠢ᠋ᠶ᠋ᠠᠨ ᠤᠢᠳᠬᠠᠷ ᠢ᠋ ᠪᠢ ᠬᠡᠨ ᠳ᠋ᠡᠭᠡᠨ ᠲᠣᠭᠠᠴᠢᠶᠠ ᠳᠠ?
ᠬᠡᠦᠬᠡᠨ ᠭᠡᠭᠴᠢ ᠣᠨ ᠡᠴᠡ ᠣᠨ ᠳ᠋ᠤ᠌ ᠡᠩᠬᠦᠷᠡᠢ ᠪᠣᠯᠵᠤ
ᠬᠦᠰᠡᠨ ᠰᠢᠯᠦᠭᠯᠡᠬᠦ ᠮᠢᠨᠢ ᠵᠢᠯ ᠡᠴᠡ ᠵᠢᠯ ᠳ᠋ᠦ᠍ ᠪᠠᠭᠤᠷᠠᠪᠠ ᠯᠠ᠃
ᠥᠪᠡᠷ ᠦ᠋ᠨ ᠭᠤᠨᠢᠭ ᠢ᠋ ᠪᠢ ᠬᠡᠨ ᠲᠡᠢ ᠪᠡᠨ ᠬᠤᠪᠢᠶᠠᠶᠠ ᠳᠠ? ᠭᠡᠵᠦ
ᠡᠳᠦᠷ ᠦ᠋ᠨ ᠪᠣᠳᠣᠯ ᠰᠥᠨᠢ ᠶ᠋ᠢᠨ ᠵᠡᠭᠦᠳᠦ ᠪᠣᠯᠵᠤ ᠶᠠᠪᠤᠨᠠᠮ
ᠡᠴᠢᠨᠡᠭᠡᠨ ᠶᠡᠬᠡ ᠬᠠᠢᠷᠠ ᠶ᠋ᠢᠨ ᠢ᠋ᠶ᠋ᠡᠨ ᠲᠤᠬᠠᠢ ᠰᠢᠯᠦᠭ ᠢ᠋
ᠬᠠᠮᠤᠭ ᠤ᠋ᠨ ᠰᠡᠭᠦᠯᠴᠢ ᠶ᠋ᠢᠨ ᠬᠠᠭᠤᠳᠠᠰᠤᠨ ᠳ᠋ᠤ᠌ ᠭᠠᠷᠭᠠᠬᠤ ᠤᠤ ᠳᠠ᠃
※※※
ᠭᠤᠷᠪᠠᠨ ᠴᠡᠴᠡᠭ ᠲᠠᠯᠪᠢᠴᠢᠬᠠᠭᠠᠳ
ᠴᠢᠨᠦ ᠲᠤᠬᠠᠢ ᠰᠢᠯᠦᠭ ᠢ᠋ᠶ᠋ᠡᠨ ᠡᠬᠢᠯᠡᠪᠡ
ᠭᠤᠷᠪᠠᠨ ᠴᠠᠭ ᠲᠠᠯᠪᠢᠴᠢᠬᠠᠭᠠᠳ
ᠴᠢᠨᠦ ᠲᠤᠬᠠᠢ ᠰᠢᠯᠦᠭ ᠢ᠋ᠶ᠋ᠡᠨ ᠵᠠᠪᠰᠠᠷᠯᠠᠪᠠ᠃
ᠠᠷᠪᠠᠨ ᠣᠨ ᠤ᠋ ᠬᠤᠸᠠᠩᠯᠢ ᠡᠯᠡᠭᠡᠵᠦ
ᠠᠨᠳᠠᠭᠤ ᠨᠢ ᠦᠭᠡᠢ ᠢᠢᠨ ᠬᠦ᠌ ᠪᠢᠴᠢᠯᠡ᠂
ᠠᠬᠢᠭᠠᠳ ᠪᠠᠰᠠ ᠡᠴᠢᠨᠡᠭᠡᠨ ᠰᠢᠯᠦᠭ ᠢ᠋ᠶ᠋ᠡᠨ
ᠡᠨᠳᠡᠭᠦᠦ ᠨᠢ ᠦᠭᠡᠢ ᠢᠩᠭᠢᠵᠦ ᠪᠢᠴᠢᠨᠡ ᠠ᠋᠃
ᠢᠩᠭᠢᠵᠦ ᠪᠢᠴᠢᠴᠢᠬᠡᠭᠡᠳ ᠭᠠᠷᠴᠠᠭ ᠲᠠᠯᠪᠢᠭᠰᠠᠨ ᠦᠭᠡᠢ᠂
ᠢᠯᠡᠷᠬᠡᠢᠯᠡᠵᠦ ᠲᠡᠳᠡᠨ ᠢ᠋ᠶ᠋ᠡᠨ ᠭᠠᠷᠴᠠᠭᠯᠠᠶᠠ ᠭᠡᠪᠡᠯ
ᠴᠤᠪᠤᠷᠠᠭᠠ ᠭᠤᠷᠪᠠᠨ ᠴᠡᠴᠡᠭ ᠲᠤᠨᠢ ᠪᠣᠯ ᠳᠠ
ᠴᠣᠭ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠨᠡᠷᠡ ᠰᠢᠩᠭᠡᠭᠡᠰᠦᠲᠡᠢ ᠪᠠᠢᠨᠠ ᠯᠠ····
ᠪᠢᠲᠡᠭᠦᠯᠡᠵᠦ ᠴᠢᠭᠯᠡᠭᠰᠡᠨ ᠭᠤᠷᠪᠠᠬᠠᠨ ᠦᠭᠡ
ᠪᠢᠳᠡᠨ ᠡᠴᠡ ᠡᠷᠲᠡᠨ ᠦ᠌ ᠪᠠᠢᠲᠠᠯᠠ ᠪᠠᠨ ᠪᠢᠳᠡᠨ ᠦ᠌ ᠦᠭᠡ᠂
ᠬᠡᠨ ᠪᠣᠯᠪᠠᠴᠤ ᠨᠠᠰᠤᠨ ᠳ᠋ᠠᠭᠠᠨ ᠭᠠᠭᠴᠠᠬᠠᠨ ᠬᠡᠯᠡᠳᠡᠭ
ᠬᠡᠯᠡᠬᠦ ᠳ᠋ᠦ᠍ ᠲᠡᠭᠡᠭᠡᠳ ᠬᠡᠴᠡᠭᠦᠦ ᠭᠡᠳᠡᠭ ᠵᠢᠭᠲᠡᠢᠬᠡᠨ᠃
ᠪᠠᠳᠠᠷᠠᠵᠤ ᠶᠠᠪᠤᠭᠰᠠᠨ ᠨᠠᠰᠤᠨ ᠤ᠋ ᠮᠢᠨᠢ
ᠳᠦᠷᠢ ᠨᠢ ᠪᠣᠯᠤᠭᠰᠠᠨ ᠭᠤᠷᠪᠠᠨ ᠴᠠᠭ᠂
ᠪᠠᠶᠠᠷ ᠪᠣᠯᠤᠭᠠᠳ ᠭᠤᠨᠢᠭ ᠤ᠋ᠨ ᠮᠢᠨᠢ
ᠳ᠋ᠦᠩ ᠨᠢ ᠪᠣᠯᠤᠭᠰᠠᠨ ᠭᠤᠷᠪᠠᠨ ᠴᠠᠭ᠃
ᠡᠭᠴᠡ ᠤᠷᠭᠤᠭᠰᠠᠨ ᠠᠪᠤᠷᠭᠤ ᠮᠣᠳᠣᠨ ᠤ᠋
ᠥᠪᠴᠢ ᠪᠦᠷᠬᠦᠭᠰᠡᠨ ᠴᠡᠴᠡᠭ ᠨᠠᠮᠠᠭᠠ ᠰᠢᠭ᠋
ᠡᠨᠡ ᠦᠭᠡᠨ ᠦ᠌ ᠡᠷᠭᠢᠨ ᠲᠣᠭᠣᠷᠢᠨ ᠳ᠋ᠤ᠌
ᠡᠷᠬᠢᠮ ᠪᠣᠳᠣᠯ ᠤ᠋ᠳ᠂ ᠦᠢᠯᠡ ᠶᠠᠪᠤᠳᠠᠯ ᠤ᠋ᠳ ᠮᠢᠨᠢ ᠪᠣᠢ᠃
ᠲᠤᠭ ᠨᠣᠢᠷ ᠢ᠋ᠶ᠋ᠠᠨ ᠮᠠᠷᠲᠠᠭᠰᠠᠨ ᠠᠷᠢᠭᠤᠨ ᠬᠦᠰᠡᠯ ᠮᠢᠨᠢ
ᠳᠤᠷᠠᠰᠤᠨ ᠳᠤᠷᠠᠰᠤᠭᠠᠳ ᠬᠠᠨᠤᠰᠢ ᠦᠭᠡᠢ ᠠᠮᠲᠠᠲᠤ ᠵᠡᠭᠦᠳᠦ ᠮᠢᠨᠢ
ᠡᠩᠬᠦᠷᠡᠢ ᠴᠢᠨᠦ ᠮᠢᠨᠢ ᠮᠡᠳᠡᠬᠦ ᠬᠢᠷᠢ ᠪᠡᠷ
ᠡᠨᠡ ᠴᠠᠭ ᠤ᠋ᠳ ᠲᠤ᠌ ᠣᠷᠣᠰᠢᠨ ᠪᠠᠢᠨᠠ ᠯᠠ᠃
ᠴᠢᠩᠬᠠ ᠳᠡᠭᠡᠷᠡᠬᠢ ᠲᠡᠷᠡ ᠭᠤᠷᠪᠠᠨ ᠴᠠᠭ
《ᠴᠢᠮᠠ ᠳ᠋ᠤ᠌ ᠪᠢ ᠬᠠᠢᠷᠠᠲᠠᠢ》 ᠭᠡᠵᠦ ᠪᠠᠢᠨᠠ᠃
※ ※ ※
ᠬᠠᠢᠷᠠ ᠳᠤᠷᠠᠯᠠᠯ ᠪᠢᠳᠡᠨ ᠳ᠋ᠦ᠍ ᠥᠰᠬᠦ ᠵᠠᠪ ᠥᠭᠭᠦᠭᠰᠡᠨ ᠦᠭᠡᠢ
ᠬᠠᠷᠠ ᠨᠢᠯᠬᠠ ᠪᠠᠷ ᠢ᠋ᠶ᠋ᠠᠨ ᠯᠠ ᠪᠠᠢᠵᠠᠭᠠᠨᠠ ᠰᠢᠦ ᠳᠡ᠃
ᠬᠠᠮᠠᠷᠯᠠᠭᠰᠠᠨ ᠬᠠᠰᠢᠶᠠ ᠮᠠᠨᠢ ᠴᠡᠴᠡᠷᠯᠢᠭ ᠢ᠋ᠶ᠋ᠡᠷ ᠨᠡᠢᠯᠡᠵᠦ
ᠬᠠᠷᠠ ᠪᠠᠭᠠ ᠡᠴᠡ ᠮᠠᠨᠢ ᠠᠢᠯ ᠠᠢᠮᠠᠭ ᠪᠠᠢᠵᠠᠭᠠᠯᠠ
ᠪᠠᠢᠭᠰᠠᠨ ᠲᠡᠷᠡ ᠴᠠᠭ ᠡᠴᠡ ᠣᠳᠣ ᠴᠤ᠌ ᠭᠡᠰᠡᠨ ᠳᠡ
ᠪᠠᠯᠴᠢᠷ ᠬᠡᠪ ᠢ᠋ᠶ᠋ᠡᠷ ᠯᠡ ᠶᠠᠪᠤᠬᠤ ᠰᠢᠭ᠋ ᠰᠠᠨᠠᠭᠳᠠᠬᠤ ᠶᠤᠮ᠃
ᠬᠠᠮᠤᠭ ᠤ᠋ᠨ ᠴᠣᠪᠣᠭᠣ ᠮᠠᠨᠢ ᠴᠤ᠌ ᠪᠠᠢᠵᠤ ᠪᠢᠯᠡ᠂
ᠬᠠᠴᠢᠨ ᠬᠡᠪᠯᠡᠬᠦᠨ ᠠᠭᠤᠷᠯᠠᠳᠠᠭ ᠰᠠᠨ᠂ ᠪᠠᠰᠠ
ᠳᠡᠰ ᠳᠡᠰ ᠬᠥᠬᠥᠷᠡᠳᠡᠭ ᠰᠠᠨ᠂ ᠣᠳᠣ ᠴᠤ᠌ ᠭᠡᠰᠡᠨ
ᠲᠠᠴᠢᠭᠢᠨᠠᠭᠰᠠᠨ ᠢᠨᠢᠶᠡᠳᠦ ᠶ᠋ᠢ ᠪᠢ ᠳᠠᠭᠤᠷᠢᠶᠠᠵᠠᠢ᠃
ᠨᠠᠢᠵᠠᠬᠠᠨ ᠬᠣᠩᠭᠣᠷ ᠮᠢᠨᠢ ᠴᠢ ᠥᠨᠥ ᠬᠢᠷᠢ ᠨᠢ
ᠨᠠᠰᠤᠨ ᠪᠠᠭᠠ ᠶ᠋ᠢᠨ ᠲᠣᠭᠯᠠᠭᠠᠮ ᠡᠴᠡ ᠪᠠᠨ ᠰᠠᠯᠤᠭᠰᠠᠨ ᠦᠭᠡᠢ
ᠲᠣᠮᠣᠭᠠ ᠦᠭᠡᠢ ᠵᠢᠭᠠᠬᠠᠨ ᠰᠢᠭ᠋ ᠢ᠋ᠶ᠋ᠡᠨ ᠯᠡ ᠬᠡᠪᠢᠰ ᠦ᠋ᠨ ᠳᠡᠭᠡᠷᠡ
ᠲᠣᠯᠣᠭᠠᠢ ᠳᠣᠣᠷᠠ ᠪᠠᠨ ᠭᠠᠷ ᠢ᠋ᠶ᠋ᠠᠨ ᠬᠢᠭᠡᠳ ᠤᠨᠲᠠᠴᠢᠬᠠᠬᠤ ᠶᠤᠮ᠃
ᠲᠠᠩᠭᠢᠰ ᠤ᠋ᠨ ᠡᠯᠡᠰᠦ ᠪᠡᠷ ᠤᠰᠤᠨ ᠣᠩᠭᠣᠴᠠ ᠪᠠᠷᠢᠵᠤ
ᠲᠡᠨᠳᠡ ᠶᠠᠪᠤᠭᠠ ᠰᠢᠪᠠᠭᠤᠨ ᠳ᠋ᠤ᠌ ᠣᠯᠵᠠ | ᠣᠮᠣᠭ ᠢᠷᠦᠭᠡᠵᠦ
ᠦᠬᠦᠭᠡᠷᠲᠦᠮᠡ ᠭᠠᠷ ᠲᠠᠭᠠᠨ ᠠᠯᠢᠮᠠ ᠠᠳᠬᠤᠭᠰᠠᠨ ᠨᠢ
ᠥᠨᠥᠬᠢ ᠯᠡ ᠵᠢᠭᠠᠬᠠᠨ ᠪᠥᠮᠪᠥᠭᠡ ᠰᠢᠭ ᠨᠢ ᠬᠠᠷᠠᠭᠳᠠᠨᠠ᠃
ᠴᠡᠩᠭᠡᠭᠦᠨ ᠰᠠᠢᠬᠠᠨ ᠳ᠋ᠡᠬᠸᠰᠲ᠋ᠠᠨ ᠤ᠋ ᠬᠠᠪᠤᠷ ᠳᠠᠬᠢᠭᠠᠳ ᠴᠢ
ᠴᠡᠩᠬᠡᠷ ᠬᠠᠪᠴᠢᠯ ᠡᠴᠡ ᠴᠡᠴᠡᠭ ᠦ᠋ᠨ ᠰᠠᠢᠬᠠᠨ ᠢ᠋ ᠲᠡᠭᠦᠵᠦ
ᠬᠥᠬᠡ ᠨᠣᠭᠣᠭᠠᠨ ᠳ᠋ᠤ᠌ ᠬᠤᠷᠠᠭᠠ ᠪᠠᠨ ᠢᠳᠡᠰᠢᠯᠡᠭᠦᠯᠵᠦ
ᠬᠥᠭᠡᠷᠦᠬᠦᠨ ᠢᠰᠢᠭᠡ ᠶ᠋ᠢ ᠬᠦᠢᠲᠡᠨ ᠤᠰᠤ ᠪᠠᠷ ᠤᠮᠳᠠᠯᠠᠨᠠ᠃
ᠮᠥᠩᠬᠡ ᠰᠠᠷᠢᠳᠠᠭ ᠲᠤᠨᠢ ᠰᠠᠯᠬᠢ ᠰᠦᠩᠭᠢᠨᠡᠭᠰᠡᠨ
ᠮᠥᠩᠭᠥᠨ ᠭᠣᠷᠣᠬᠠ ᠤᠷᠤᠭᠤ ᠬᠥᠲᠥᠯᠦᠯᠴᠡᠨ ᠣᠴᠢᠶᠠ ᠬᠦ
ᠬᠡᠦᠬᠡᠳ ᠦᠶᠡ ᠶ᠋ᠢᠨ ᠬᠢ ᠰᠢᠭ ᠢ᠋ᠶ᠋ᠡᠨ ᠡᠵᠢ ᠶ᠋ᠢ ᠳᠠᠭᠤᠷᠢᠶᠠᠵᠤ
ᠬᠦᠵᠦᠭᠦᠦ ᠪᠡᠷ ᠮᠢᠨᠢ ᠠᠯᠴᠢᠭᠤᠷ ᠢ᠋ᠶ᠋ᠠᠨ ᠨᠥᠮᠥᠷᠭᠡᠭᠡᠴᠢ᠁
ᠬᠠᠷᠠ ᠨᠢᠯᠬᠠ ᠪᠠᠷ ᠢ᠋ᠶ᠋ᠠᠨ ᠯᠠ ᠪᠠᠢᠵᠠᠭᠠᠨᠠ ᠰᠢᠦ ᠳᠡ᠃
ᠬᠠᠢᠷᠠ ᠳᠤᠷᠠᠯᠠᠯ ᠪᠢᠳᠡᠨ ᠳ᠋ᠦ᠍ ᠥᠰᠬᠦ ᠵᠠᠪ ᠥᠭᠭᠦᠭᠰᠡᠨ ᠦᠭᠡᠢ!
※ ※ ※
ᠦᠦᠷ ᠴᠦᠦᠷ ᠢ᠋ᠶ᠋ᠡᠷ ᠪᠢ ᠴᠢᠨᠢ ᠪᠣᠰᠤᠶᠠ᠂ ᠴᠢ ᠮᠢᠨᠢ ᠤᠨᠲᠠᠵᠤ ᠪᠠᠢ
ᠡᠭᠦᠳᠡ ᠬᠠᠭᠠᠯᠭᠠ ᠪᠠᠨ ᠪᠢ ᠴᠢᠨᠢ ᠴᠠᠯᠠᠢᠲᠠᠯᠠ ᠨᠡᠭᠡᠭᠡᠶᠡ
ᠠᠭᠤᠯᠠ ᠶ᠋ᠢᠨ ᠴᠠᠭᠠᠨᠠ ᠡᠴᠡ ᠨᠠᠮᠠᠶ᠋ᠢ᠂ ᠤᠷᠭᠤᠭᠠ ᠮᠣᠳᠣ᠂ ᠴᠡᠴᠡᠭᠡᠰ ᠢ᠋
ᠤᠭᠲᠤᠵᠤ ᠲᠡᠷᠡ ᠪᠦᠬᠦᠨ ᠢ᠋ ᠴᠢᠨᠢ᠂ ᠤᠷᠢᠲᠠᠵᠤ ᠪᠢ ᠰᠢᠯᠭᠠᠶᠠ᠃
ᠠᠯᠳᠠᠩᠬᠠᠨ ᠬᠠᠷᠢᠶᠠᠴᠠᠢ ᠡᠭᠦᠷ ᠲᠡᠭᠡᠨ ᠪᠠᠢᠨᠠ ᠤᠤ᠂ ᠬᠠᠷᠠᠶᠠ
(ᠠᠯᠢ ᠪᠠᠭᠠ ᠡᠴᠡ ᠪᠠᠨ ᠴᠢ ᠮᠢᠨᠢ ᠡᠨᠡ ᠰᠢᠪᠠᠭᠤᠬᠠᠢ ᠶ᠋ᠢᠨ ᠳᠠᠭᠤᠨ ᠳ᠋ᠤ᠌ ᠳᠤᠷᠠᠲᠠᠢ ᠰᠠᠨ)
ᠠᠷᠢᠭᠤᠬᠠᠨ ᠭᠣᠷᠣᠬᠠ ᠶ᠋ᠢᠨ ᠤᠰᠤᠨ ᠳ᠋ᠤ᠌ ᠪᠤᠯᠠᠩᠭᠢᠷ ᠪᠠᠢᠨᠠ ᠤᠤ᠂ ᠦᠵᠡᠶᠡ
ᠠᠯᠠᠭᠠ ᠪᠠᠷ ᠢ᠋ᠶ᠋ᠠᠨ ᠤᠳᠬᠤᠵᠤ ᠴᠢ ᠮᠢᠨᠢ ᠤᠤᠭᠤᠨᠠ ᠰᠢᠦ ᠳᠡ᠂ ᠲᠡᠭᠦᠨ ᠡᠴᠡ᠃
ᠣᠭᠲᠠᠷᠭᠤᠢ ᠴᠡᠯᠮᠡᠭ ᠪᠠᠢᠨᠠ ᠤᠤ᠂ ᠪᠢ ᠬᠠᠷᠠᠴᠢᠬᠠᠶᠠ
ᠣᠢ ᠮᠣᠳᠣ ᠴᠡᠴᠡᠭᠯᠡᠬᠦ ᠳᠥᠭᠥᠵᠦ ᠪᠠᠢᠨᠠ ᠤᠤ᠂ ᠦᠵᠡᠴᠢᠬᠡᠶᠡ
ᠥᠨᠳᠡᠢᠵᠦ ᠬᠣᠩᠭᠣᠷ ᠴᠢᠨᠦ ᠮᠢᠨᠢ ᠣᠷᠣ ᠡᠴᠡ ᠪᠠᠨ ᠪᠣᠰᠲᠠᠯᠠ
ᠡᠪᠡᠰᠦᠨ ᠦ᠌ ᠰᠢᠭᠦᠳᠡᠷᠢ ᠪᠤᠤ ᠬᠠᠳᠠᠭᠠᠰᠠᠢ ᠭᠡᠵᠦ ᠪᠢ ᠬᠦᠰᠡᠨᠡᠮ
ᠠᠩᠬᠢᠯᠤᠭᠤᠨ ᠥᠷᠯᠥᠭᠡ ᠡᠷᠲᠡ ᠶ᠋ᠢᠨ ᠡᠨᠡᠬᠡᠨ ᠴᠠᠭ ᠢ᠋ᠶ᠋ᠠᠷ
ᠠᠭᠤᠤ ᠪᠠᠢᠭᠠᠯᠢ ᠪᠡᠯᠡᠭ ᠳᠤᠷᠠᠰᠬᠠᠯ ᠤ᠋ᠨ ᠳᠡᠯᠭᠡᠭᠦᠷ ᠰᠢᠭ ᠰᠠᠨᠠᠭᠳᠠᠨᠠᠮ
ᠠᠸᠠᠷ ᠪᠦᠰᠡᠭᠦᠢᠲᠡᠨ ᠳ᠋ᠦ᠍ ᠶᠠᠭᠤ ᠨᠢ ᠲᠠᠭᠠᠯᠠᠭᠳᠠᠬᠤ ᠪᠣᠯ? ᠭᠡᠵᠦ ᠰᠢᠯᠢᠵᠦ ᠰᠣᠩᠭᠣᠨ
ᠠᠬᠢᠨ ᠳᠠᠬᠢᠨ ᠪᠢ ᠯᠠᠩᠭᠦᠢ ᠶ᠋ᠢᠨ ᠬᠢᠨᠢ ᠡᠮᠦᠨᠡ ᠡᠷᠭᠢᠯᠳᠦᠬᠦ ᠰᠢᠭ ᠪᠤᠳᠤᠭᠳᠠᠨᠠᠮ᠃
᠁ ᠲᠡᠭᠡᠭᠰᠡᠭᠡᠷ ᠪᠢ ᠬᠠᠯᠢᠯ ᠬᠠᠳᠠᠨ ᠤ᠋ ᠥᠨᠳᠥᠷ ᠢ᠋ ᠨᠢ ᠰᠣᠩᠭᠣᠯᠠ
ᠲᠩᠷᠢ ᠪᠡᠷ ᠬᠠᠯᠢᠬᠤ ᠪᠦᠷᠭᠦᠳ ᠦ᠋ᠨ ᠨᠣᠮᠣᠨ ᠵᠠᠮ ᠢ᠋ ᠰᠢᠯᠢᠯᠡ
ᠲᠡᠨᠳᠡ ᠡᠴᠡ ᠭᠡᠢᠬᠦ ᠦᠦᠷ ᠦ᠋ᠨ ᠭᠡᠭᠡ | ᠲᠤᠶᠠᠭᠠ ᠶ᠋ᠢ ᠬᠦᠷᠲᠡᠯᠡ
ᠲᠡᠩᠰᠡᠵᠦ ᠰᠢᠯᠢᠭᠡᠳ ᠪᠢ ᠥᠪᠡᠷ ᠢ᠋ᠶ᠋ᠡᠨ ᠪᠣᠳᠣᠭᠰᠠᠨ ᠶᠤᠮ ᠰᠢᠭ᠋ ᠪᠡᠶᠡᠰᠦᠯᠡ᠃
ᠬᠡᠨᠡᠭᠡᠨ ᠢᠨᠢᠶᠡᠮᠰᠦᠭᠯᠡᠯ ᠤᠷᠤᠭᠤᠯ ᠳ᠋ᠠᠭᠠᠨ ᠲᠣᠳᠣᠷᠠᠭᠤᠯᠵᠤ ᠴᠢ ᠰᠡᠷᠡᠯᠡ
ᠭᠡᠭᠡᠪᠴᠢ ᠴᠣᠩᠬᠣ ᠪᠠᠨ ᠵᠢᠭᠦᠷᠲᠡᠨ ᠦ᠌ ᠳᠡᠯᠢ ᠰᠢᠭ᠋ ᠳᠡᠯᠭᠡᠨ ᠨᠡᠭᠡᠭᠡᠯᠡ
ᠭᠡᠮ ᠦᠭᠡᠢᠬᠡᠨ ᠮᠡᠯᠮᠡᠢ ᠳ᠋ᠦ᠍ ᠴᠢᠨᠢ ᠴᠣᠭᠴᠠᠯᠠᠨ ᠲᠣᠯᠢᠯᠠᠭᠤᠯᠵᠤ
ᠭᠡᠷᠡᠯᠲᠦ ᠶᠢᠷᠲᠢᠨᠴᠦ ᠶ᠋ᠢ ᠲᠡᠷᠡ ᠴᠢᠭ ᠢ᠋ᠶ᠋ᠡᠷ ᠨᠢ ᠴᠢᠮᠠ ᠳ᠋ᠠᠭᠠᠨ ᠪᠢ ᠲᠡᠨᠢᠢᠯᠭᠡᠯᠡ᠃
ᠤᠷᠤᠰᠤᠨ ᠥᠩᠭᠡᠷᠡᠬᠦ ᠵᠢᠯ ᠦ᠋ᠳ ᠦ᠋ᠨ ᠣᠪᠣᠷ ᠪᠦᠬᠦᠨ ᠢ᠋ ᠰᠢᠩᠭᠡᠭᠡᠭᠰᠡᠨ
ᠤᠯᠢᠶᠠᠩᠭᠠᠷ ᠮᠣᠳᠣᠨ ᠤ᠋ ᠡᠩᠨᠡᠭᠡ ᠴᠢᠮᠠᠶ᠋ᠢ ᠮᠢᠨᠢ ᠬᠦᠷᠢᠶᠡᠯᠡᠵᠦ
ᠤᠶᠠᠰᠤᠨ ᠪᠢᠰᠢᠷᠡᠨ ᠬᠠᠢᠷᠠᠯᠠᠭᠰᠠᠨ ᠨᠠᠷᠠᠨ ᠡᠷᠳᠡᠨᠢ ᠥᠪᠡᠷ ᠢ᠋ᠶ᠋ᠡᠨ
ᠤᠷᠠᠨ ᠴᠠᠭᠠᠨ ᠭᠠᠷ ᠳᠡᠭᠡᠷᠡ ᠴᠢᠨᠢ ᠰᠠᠴᠤᠷᠠᠭ ᠮᠣᠳᠣᠷ ᠢ᠋ᠶ᠋ᠠᠨ ᠲᠠᠯᠪᠢᠯᠠ᠃
ᠠᠵᠠ ᠵᠢᠷᠭᠠᠯ ᠢ᠋ ᠴᠢᠨᠢ ᠪᠦᠲᠦᠭᠡᠯᠴᠡᠯᠠ᠂ ᠪᠠᠬᠠᠷᠬᠠᠯᠠ
ᠠᠭᠠᠰᠢ ᠳᠠᠷᠤᠤ᠂ ᠠᠯᠳᠠᠷ ᠪᠦᠲᠦᠨ ᠶᠠᠪᠤᠭᠠᠷᠠᠢ ᠳᠠ
ᠠᠭᠤᠤ ᠬᠣᠷᠸᠠ ᠨᠠᠳᠠ ᠲᠠᠢ ᠨᠠᠳᠠ ᠦᠭᠡᠢ ᠲᠠᠩᠰᠤᠭ ᠰᠠᠢᠬᠠᠨ ᠪᠢᠯᠡ᠂
ᠠᠷᠢᠭᠤᠨ ᠦᠵᠡᠮᠵᠢ ᠳ᠋ᠦ᠍ᠨᠢ ᠮᠢᠨᠦ ᠨᠡᠮᠡᠷᠢᠯᠡᠭᠰᠡᠨ ᠨᠢ ᠨᠢᠭᠡᠬᠡᠨ ᠢ᠋ᠶ᠋ᠡᠷ ᠦᠭᠡᠢ ᠠ᠋᠃
(ᠣᠷᠣᠰ ᠡᠬᠡ ᠪᠣᠯᠤᠨ ᠣᠷᠴᠢᠭᠤᠯᠤᠭᠴᠢ ᠶ᠋ᠢᠨ ᠭᠠᠷ ᠤ᠋ᠨ ᠪᠢᠴᠢᠯᠭᠡ ᠪᠣᠢ)
ᠴᠢᠨᠦ ᠲᠥᠷᠥᠭᠰᠡᠨ ᠡᠳᠦᠷ
ᠠᠷᠪᠠᠨ ᠬᠣᠶᠠᠷ ᠰᠠᠷᠠ ᠶ᠋ᠢᠨ ᠴᠠᠰᠤᠨ ᠴᠠᠢᠪᠠᠯᠵᠠᠵᠤ
ᠠᠮᠠ ᠪᠦᠬᠦᠨ ᠡᠴᠡ ᠬᠦᠢᠲᠡᠨ ᠦ᠌ ᠠᠮᠢᠰᠬᠤᠯ ᠰᠠᠪᠰᠠᠨᠠ᠂
ᠠᠭᠤᠯᠠ ᠶ᠋ᠢᠨ ᠵᠢᠪᠠᠷ᠂ ᠲᠠᠩᠭᠢᠰ ᠤ᠋ᠨ ᠰᠠᠯᠬᠢ ᠬᠣᠶᠠᠷ
ᠤᠷᠢᠳᠤ ᠤᠷᠢᠳᠤ ᠡᠴᠡ ᠪᠠᠨ ᠴᠣᠩᠬᠣᠨ ᠴᠠᠭᠠᠨᠠ ᠮᠥᠷᠭᠥᠯᠳᠦᠨᠡ᠃
ᠬᠣᠩᠭᠣᠷ ᠴᠢ ᠮᠢᠨᠢ ᠡᠢᠮᠦ ᠰᠠᠷᠠ ᠳ᠋ᠤ᠌ ᠲᠥᠷᠥᠵᠡᠢ᠂
ᠬᠣᠷᠸᠠ ᠭᠡᠳᠡᠭ ᠪᠠᠷᠢᠴᠠ ᠲᠠᠯᠪᠢᠴᠠ ᠦᠭᠡᠢᠶᠤᠮ ᠠ᠋᠃
ᠰᠠᠢᠬᠠᠨ ᠴᠡᠴᠡᠭ ᠡᠳᠦᠢ ᠳ᠋ᠦ᠍ ᠡᠬᠢᠯᠡᠨ ᠤᠷᠭᠤᠬᠤ ᠶ᠋ᠢ
ᠰᠠᠨᠠᠭᠠ | ᠰᠠᠪᠠᠨ ᠳ᠋ᠤ᠌ ᠣᠷᠣᠭᠠ ᠨᠢ ᠦᠭᠡᠢ ᠶᠠᠪᠤᠯᠠ᠄
ᠠᠩᠬᠢᠯᠤᠭᠤᠨ ᠨᠣᠭᠣᠭᠠ ᠡᠪᠦᠯ ᠢ᠋ᠶ᠋ᠡᠷ ᠴᠦ᠍ ᠭᠠᠷᠳᠠᠭ ᠪᠠᠢᠨᠠ᠂
ᠠᠯᠲᠠᠨ ᠬᠠᠷᠢᠶᠠᠴᠠᠢ ᠡᠪᠦᠯ ᠢ᠋ᠶ᠋ᠡᠷ ᠴᠦ᠍ ᠲᠥᠷᠥᠳᠡᠭ ᠪᠠᠢᠨᠠ᠃
※ ※ ※
《ᠬᠣᠩᠭᠣᠷ ᠮᠢᠨᠢ ᠠ᠋᠂ ᠴᠣᠬᠣᠮ ᠬᠡᠳᠦᠢ ᠳ᠋ᠦ᠍
ᠬᠣᠶᠠᠭᠤᠯᠠ ᠭᠡᠷᠡᠯᠲᠦᠯᠡ?》 ᠭᠡᠵᠦ ᠡᠬᠡᠨᠡᠷ ᠠᠰᠠᠭᠤᠪᠠ᠃
| 《 ᠬᠣᠶᠠᠷ ᠪᠡᠶᠡ ᠳ᠋ᠦ᠍ ᠮᠠᠨᠢ ᠬᠡᠷᠡᠭ ᠦᠭᠡᠢ ᠲᠡᠭᠦᠨ ᠢ᠋
ᠬᠣᠭ ᠳᠡᠭᠡᠷᠡ ᠬᠠᠶᠠᠴᠢᠬᠠᠭᠰᠠᠨ ᠠ᠋ 》 ᠭᠡᠵᠦ ᠪᠢ ᠬᠠᠷᠢᠭᠤᠯᠪᠠ᠃
※ ※ ※
ᠴᠡᠪᠳᠡᠭᠰᠡᠨ ᠠᠶᠠᠰᠲᠤ ᠨᠠᠮᠤᠷ ᠤ᠋ᠨ ᠰᠠᠯᠬᠢ
ᠴᠡᠴᠡᠭ ᠨᠣᠭᠣᠭᠠ ᠶ᠋ᠢ ᠦᠬᠦᠭᠦᠯᠦᠩᠭᠡᠨ ᠰᠠᠯᠬᠢᠯᠠᠪᠠ ᠯᠠ
ᠴᠡᠪᠡᠷᠬᠡᠨ ᠲᠥᠷᠥᠭᠰᠡᠨ ᠴᠢᠮᠠᠶ᠋ᠢ ᠪᠠᠨ ᠪᠢ ᠴᠢᠨᠢ
ᠴᠡᠴᠡᠭ ᠲᠡᠢ ᠵᠦᠢᠷᠯᠡᠬᠦ ᠪᠡᠨ ᠪᠣᠯᠢᠶᠠ ᠳᠠ ᠪᠠᠢᠵᠠ᠂ ᠶᠡᠷᠦ ᠨᠢ᠃
※ ※ ※
ᠠᠵᠠ ᠵᠢᠷᠭᠠᠯ ᠴᠢᠨᠢ ᠬᠡᠵᠢᠶᠡ ᠡᠬᠢᠯᠡᠭᠰᠡᠨ ᠪᠣᠢ?
ᠠᠭᠠᠷ ᠲᠩᠷᠢ ᠶ᠋ᠢᠨ ᠬᠠᠶᠠᠭᠠᠨ ᠳ᠋ᠤ᠌ ᠦᠦᠷ ᠭᠡᠢᠵᠦ
ᠠᠷᠢᠭᠤᠬᠠᠨ ᠨᠠᠷᠠᠨ ᠴᠣᠩᠬᠣ ᠪᠠᠷ ᠮᠢᠰᠢᠶᠡᠵᠦ
ᠠᠯᠳᠠᠩᠬᠠᠨ ᠲᠤᠶᠠᠭᠠ ᠨᠢ ᠭᠢᠯᠪᠠᠬᠤ ᠦᠶᠡ ᠪᠡᠷ ᠤᠤ?
ᠬᠠᠷᠢᠨ ᠮᠢᠨᠦ ᠬᠤᠪᠢ ᠳ᠋ᠤ᠌ ᠠᠩᠬᠠᠨ
ᠬᠠᠢᠷᠠ ᠶ᠋ᠢᠨ ᠬᠠᠷᠠᠴᠠ ᠪᠠᠷ ᠨᠠᠮᠠᠶ᠋ᠢ ᠬᠠᠷᠠᠭᠰᠠᠨ
ᠬᠠᠷᠠᠬᠠᠨ ᠨᠢᠳᠦᠲᠦ ᠮᠢᠨᠢ ᠠᠪᠴᠢᠷᠠᠭᠰᠠᠨ ᠶᠤᠮ᠃
※ ※ ※
ᠴᠢ ᠪᠢᠳᠡ ᠥᠭᠡᠷᠡ ᠥᠭᠡᠷᠡ ᠪᠡᠷ ᠪᠠᠶᠠᠷᠯᠠᠬᠤ ᠶᠤᠮ
ᠴᠢᠭ ᠴᠢᠭ ᠲᠡᠭᠡᠨ ᠪᠠᠰᠠ ᠥᠭᠡᠷᠡ ᠪᠡᠷ ᠭᠤᠨᠢᠬᠠᠷᠠᠬᠤ ᠶᠤᠮ᠁
ᠳᠠᠩ ᠪᠡᠶᠡ ᠶ᠋ᠢᠨ ᠢ᠋ᠶ᠋ᠡᠨ ᠵᠢᠷᠭᠠᠯ ᠢ᠋ ᠪᠣᠯᠳᠠᠭ ᠰᠠᠨ ᠪᠣᠯ
ᠳᠠᠶᠠᠭᠠᠷ ᠣᠯᠠᠨ ᠤ᠋ ᠵᠣᠪᠠᠯᠲᠠ ᠪᠠᠷ ᠰᠣᠯᠢᠬᠤ ᠶᠤᠮᠰᠠᠨ!
※ ※ ※
ᠮᠡᠾᠮᠦ᠋ᠳ᠋ ᠦ᠋ᠨ ᠰᠢᠯᠦᠭ ᠦ᠋ᠳ ᠢ᠋ ᠪᠢ ᠴᠡᠭᠡᠵᠢ ᠪᠡᠷ ᠮᠡᠳᠡᠨᠡ
ᠮᠭᠠᠡᠣᠡᠯᠠᠵᠣ ᠬᠠᠷᠢᠨ ᠨᠢᠭᠡ ᠯᠡ ᠶᠠᠭᠤᠮᠠ ᠶ᠋ᠢ ᠨᠢ ᠭᠠᠢᠬᠠᠨᠠᠮ᠄
ᠨᠠᠮᠠᠶ᠋ᠢ ᠳᠥᠷᠥᠭᠡ ᠴᠦ᠍ ᠦᠭᠡᠢ ᠪᠠᠢᠬᠤ ᠳ᠋ᠤ᠌ ᠲᠡᠷᠡ ᠰᠢᠯᠦᠭᠴᠢ᠄
ᠨᠠᠨᠳᠢᠨ ᠬᠠᠢᠷᠠ ᠶ᠋ᠢ ᠮᠢᠨᠢ ᠶᠠᠭᠠᠬᠢᠵᠤ ᠶᠣᠰᠣᠭᠠᠷ ᠨᠢ ᠪᠢᠴᠢᠭᠡ ᠶᠦ᠍ᠮ ᠪᠣᠯ?
※ ※ ※
ᠭᠠᠯᠲᠤ ᠲᠡᠷᠭᠡᠨ ᠦ᠌ ᠮᠠᠰᠢᠨᠴᠢ ᠶ᠋ᠢ ᠬᠠᠷᠢᠶᠠᠵᠤ
ᠭᠠᠷ ᠤ᠋ᠨ ᠴᠠᠭ ᠢ᠋ᠶ᠋ᠠᠨ ᠬᠢᠯᠠᠯᠵᠠᠭᠤᠯᠤᠭᠰᠠᠭᠠᠷ ᠳᠠᠬᠢᠭᠠᠳ ᠯᠠ ᠪᠢ
ᠭᠠᠭᠴᠠᠬᠠᠨ ᠴᠢᠮᠠ ᠳ᠋ᠠᠭᠠᠨ ᠶᠠᠭᠠᠷᠠᠨ ᠣᠴᠢᠵᠤ ᠶᠠᠪᠤᠨᠠ |
ᠭᠠᠩ ᠴᠣᠪᠣᠭᠠᠨ ᠤ᠋ ᠤᠳᠠᠭᠠᠨ ᠭᠡᠳᠡᠭ ᠢ᠋ ᠶᠠᠭᠠᠬᠢᠨᠠ!
ᠭᠠᠯᠠᠭᠤ ᠰᠢᠪᠠᠭᠤ ᠰᠢᠭ᠋ ᠨᠢᠰᠳᠡᠭ ᠴᠦ᠍ ᠪᠣᠯᠤᠭᠠᠰᠠᠢ
ᠭᠠᠯᠵᠠᠭᠤ ᠰᠢᠭᠤᠷᠭᠠ ᠰᠢᠭ᠋ ᠬᠡᠢᠰᠳᠡᠭ ᠴᠦ᠍ ᠪᠣᠯᠤᠭᠠᠰᠠᠢ
ᠭᠠᠨᠢᠬᠠᠷᠠᠭᠰᠠᠨ ᠪᠣᠳᠣᠯ ᠡᠴᠡ ᠮᠢᠨᠢ ᠲᠡᠷᠢᠭᠦᠯᠡᠳᠡᠭ ᠴᠦ᠍ ᠪᠣᠯᠤᠭᠠᠰᠠᠢ!᠁
ᠭᠠᠷ ᠢ᠋ᠶ᠋ᠠᠷ ᠰᠢᠨᠠ ᠪᠠᠨ ᠲᠤᠯᠵᠤ ᠴᠣᠩᠬᠣᠨ ᠤ᠋ ᠳᠡᠷᠭᠡᠳᠡ ᠪᠢ
ᠭᠠᠵᠠᠷ ᠤ᠋ᠨ ᠬᠣᠯᠠ᠂ ᠵᠠᠮ ᠤᠷᠲᠤ ᠶ᠋ᠢ ᠵᠥᠭᠡᠵᠦ ᠰᠠᠭᠤᠨᠠ
ᠭᠠᠷᠴᠤ ᠯᠠ ᠪᠠᠢᠨᠠ ᠨᠠᠷᠠ᠂ ᠰᠢᠩᠭᠡᠵᠦ ᠯᠡ ᠪᠠᠢᠨᠠ ᠨᠠᠷᠠ
ᠭᠠᠷᠴᠠᠭᠠ ᠦᠭᠡᠢ ᠦᠳᠡ ᠳᠤᠮᠳᠠ᠂ ᠭᠠᠵᠢᠭ ᠦᠭᠡᠢ ᠰᠥᠨᠢ ᠳᠦᠯᠢ᠁
ᠭᠠᠯ ᠭᠣᠯᠣᠮᠲᠠ ᠳ᠋ᠠᠭᠠᠨ ᠴᠢᠮᠠ ᠲᠠᠢ ᠪᠠᠨ ᠪᠠᠢᠬᠤ ᠳ᠋ᠠᠭᠠᠨ
ᠭᠠᠷᠬᠤ ᠣᠷᠣᠬᠤ ᠨᠠᠷᠠ ᠶ᠋ᠢ ᠬᠠᠷᠠᠵᠤ ᠠᠮᠵᠢᠭᠠ ᠦᠭᠡᠢ ᠪᠢᠯᠡ᠁
ᠭᠠᠨᠢᠬᠠᠨ ᠵᠢᠷᠦᠬᠡ ᠮᠢᠨᠢ ᠪᠣᠱᠣᠭᠠᠨ ᠳᠡᠭᠡᠷᠡ ᠪᠡᠨ
ᠭᠠᠭᠴᠠᠬᠠᠨ ᠪᠡᠶᠡ ᠮᠢᠨᠢ ᠸᠠᠭᠣᠨ ᠳᠣᠲᠣᠷᠠ ᠪᠠᠨ᠁
ᠭᠠᠵᠠᠷ ᠬᠣᠯᠠ ᠶ᠋ᠢᠨ ᠣᠳᠣᠳ ᠰᠢᠭᠤᠭᠳᠠᠬᠤ ᠳᠤᠷᠠ ᠦᠭᠡᠢ
ᠭᠠᠷᠭᠠᠵᠤ ᠥᠭᠴᠦ ᠶᠠᠪᠤᠨᠠ᠂ ᠨᠠᠮᠠᠶ᠋ᠢ ᠴᠢᠮᠠ ᠤᠷᠤᠭᠤ
ᠭᠠᠯ ᠭᠡᠷᠡᠯ ᠢ᠋ᠶ᠋ᠡᠨ ᠢᠷᠠᠢᠯᠭᠠᠭᠰᠠᠨ ᠲᠣᠮᠣ ᠬᠣᠲᠠ ᠨᠤᠭᠤᠳ
ᠭᠠᠷ ᠳᠡᠯᠭᠡᠨ ᠤᠷᠢᠵᠤ ᠪᠠᠢᠨᠠ᠂ ᠨᠠᠮᠠᠶ᠋ᠢ ᠴᠢᠮᠠ ᠤᠷᠤᠭᠤ
ᠭᠠᠳᠠᠨᠠ ᠴᠣᠩᠬᠣᠨ ᠤ᠋ ᠴᠠᠭᠠᠨᠠ ᠮᠠᠨᠠᠨ ᠤᠬᠢᠯᠠᠩᠨᠠᠨᠠ᠃
《ᠭᠠᠷᠤᠭᠰᠠᠭᠠᠷ ᠲᠡᠷᠡ ᠮᠢᠨᠢ ᠶᠠᠭᠠᠬᠢᠵᠤ ᠰᠠᠭᠤᠭᠠ ᠪᠣᠯ ᠳᠠ?》
ᠭᠠᠳᠠᠨᠠ ᠡᠴᠡ ᠴᠣᠩᠬᠣ ᠪᠠᠷ ᠨᠠᠷᠠᠨ ᠤ᠋ ᠭᠡᠷᠡᠯ ᠭᠢᠯᠪᠠᠨᠠ
《ᠭᠠᠭᠴᠠᠭᠠᠷ ᠲᠡᠷᠡ ᠮᠢᠨᠢ ᠶᠠᠮᠠᠷ ᠪᠠᠢᠭᠠ ᠪᠣᠯ ᠳᠠ?》
ᠭᠠᠢᠬᠠᠬᠤ ᠴᠥᠬᠥᠬᠦ ᠳ᠋ᠡᠭᠡᠨ ᠥᠪᠡᠷ ᠵᠠᠭᠤᠷᠠ ᠪᠠᠨ ᠪᠢ ᠦᠭᠡᠯᠡᠨᠡ
《ᠭᠠᠷᠴᠠᠭᠠ ᠦᠭᠡᠢ ᠲᠡᠷᠡ ᠮᠢᠨᠢ ᠨᠠᠮᠠᠶ᠋ᠢ ᠪᠠᠰᠠ ᠬᠦᠯᠢᠶᠡᠭᠡ ᠰᠢᠦ ᠪᠠᠢᠭᠠ ᠳᠠ?》
※ ※ ※
ᠴᠣᠩᠬᠣ ᠴᠢᠨᠢ ᠳᠠᠩᠭᠢᠨᠠᠲᠠᠯᠠ ᠬᠠᠭᠠᠯᠲᠠᠲᠠᠢ
ᠴᠢᠩᠬᠠ ᠳᠣᠣᠷᠠ ᠨᠢ ᠡᠪᠡᠰᠦ ᠨᠣᠭᠣᠭᠠ ᠤᠷᠭᠤᠵᠠᠢ
ᠨᠣᠭᠣᠭᠠ ᠭᠡᠳᠡᠭ ᠴᠢᠨᠢ ᠲᠣᠬᠣᠢ ᠭᠠᠷᠤᠨ ᠥᠨᠳᠥᠷ
ᠨᠣᠭᠣᠭᠠᠨ ᠭᠡᠳᠡᠭ ᠺᠦᠢᠰᠦ᠋ ᠭᠣᠣᠯ ᠰᠢᠭ᠋ ᠬᠠᠷᠠᠭᠳᠠᠨᠠ᠃
《ᠬᠥᠶᠢ᠂ ᠴᠣᠩᠬᠣ ᠪᠠᠨ!》 ᠭᠡᠵᠦ ᠠᠮᠠ ᠠᠩᠭᠠᠢᠭᠰᠠᠨ ᠴᠢᠨᠢ
ᠬᠥᠮᠦᠨ ᠲᠡᠭᠦᠨ ᠢ᠋ ᠨᠡᠭᠡᠭᠡᠵᠦ ᠥᠭᠬᠦ ᠰᠢᠨᠵᠢ ᠦᠭᠡᠢ
ᠡᠪᠡᠰᠦ ᠨᠣᠭᠣᠭᠠ ᠥᠳᠬᠡᠨ ᠭᠡᠭᠴᠢ ᠨᠢ ᠤᠷᠭᠤᠵᠠᠢ
ᠡᠳᠦᠷ ᠬᠣᠨᠣᠭ ᠲᠦᠷᠭᠡᠨ ᠭᠡᠭᠴᠢ ᠨᠢ ᠤᠯᠠᠷᠢᠵᠠᠢ!
ᠤᠷᠭᠤᠭᠤᠯᠤᠭᠠ ᠦᠭᠡᠢ ᠨᠣᠭᠣᠭᠠ ᠮᠢᠨᠢ ᠤᠷᠭᠤ ᠳᠠ᠂ ᠣᠳᠣ
ᠤᠷᠢᠳᠤ ᠨᠢ ᠪᠢ ᠥᠷᠯᠥᠭᠡ ᠦᠳᠡᠰᠢ ᠡᠳᠦᠷ ᠰᠥᠨᠢ ᠦᠭᠡᠢ
ᠭᠠᠵᠠᠷ ᠰᠢᠷᠣᠢ ᠶ᠋ᠢ ᠨᠢ ᠬᠥᠯ ᠬᠠᠢᠷᠠ ᠦᠭᠡᠢ ᠭᠢᠰᠬᠢᠯᠡᠭᠰᠡᠨᠶᠤᠮ᠃
ᠭᠠᠭᠴᠠᠬᠠᠨ ᠮᠢᠨᠦ ᠮᠥᠷ ᠯᠡ ᠳᠦᠭᠦᠷᠡᠩ ᠦᠯᠡᠳᠡᠭᠰᠡᠨᠶᠤᠮ᠃
※※※
ᠠᠶᠠᠨ ᠵᠠᠮ ᠡᠴᠡ ᠡᠷᠭᠢᠵᠦ ᠢᠷᠡᠩᠭᠦᠲᠡ ᠪᠡᠨ ᠪᠢ
ᠠᠮᠠᠷᠠᠭᠬᠠᠨ ᠬᠠᠷᠠᠴᠠ ᠲᠠᠢ ᠴᠢᠨᠢ ᠲᠤᠯᠭᠠᠷᠠᠪᠠ
ᠠᠩᠬᠠᠨ ᠤ᠋ ᠠᠩᠬᠠ ᠯᠠ ᠰᠢᠷᠳᠡᠯᠴᠡᠵᠦ ᠪᠠᠢᠭᠠ ᠶᠤᠮ ᠰᠢᠭ᠋
ᠠᠯᠠᠭᠬᠠᠨ ᠨᠢᠳᠦᠨ ᠦ᠌ ᠴᠢᠨᠢ ᠬᠥᠭᠡᠷᠦᠬᠦᠨ ᠢ᠋ ᠶᠠᠭᠠᠬᠢᠶᠠ ᠯᠠ!
ᠠᠶᠠᠨ ᠵᠠᠮ ᠡᠴᠡ ᠡᠷᠭᠢᠵᠦ ᠢᠷᠡᠩᠭᠦᠲᠡ ᠪᠡᠨ ᠪᠢ
ᠠᠮᠠᠷᠠᠭ ᠢ᠋ᠶ᠋ᠠᠨ ᠭᠡᠭᠰᠡᠭᠡᠷ ᠬᠠᠭᠠᠯᠭᠠ ᠪᠠᠨ ᠲᠠᠲᠠᠪᠠ
ᠠᠩᠬᠠᠨ ᠠᠮᠢᠳᠤᠷᠠᠯ ᠳ᠋ᠤ᠌ ᠵᠣᠯᠭᠠᠵᠤ ᠪᠠᠢᠭᠠ ᠶᠤᠮ ᠰᠢᠭ᠋
ᠠᠷᠢᠭᠤᠬᠠᠨ ᠭᠠᠷ ᠤ᠋ᠨ ᠴᠢᠨᠢ ᠬᠠᠯᠠᠭᠤᠬᠠᠨ ᠢ᠋ ᠶᠠᠭᠠᠬᠢᠶᠠ ᠯᠠ!
ᠠᠮᠰᠠᠵᠤ ᠬᠡᠵᠢᠶᠡ ᠴᠦ᠍ ᠴᠢᠩᠨᠠᠭᠠ ᠦᠭᠡᠢᠶᠤᠮ ᠰᠢᠭ
ᠠᠭᠠᠯᠢᠬᠠᠨ ᠢᠨᠢᠶᠡᠳᠦ ᠶ᠋ᠢᠨ ᠴᠢᠨᠢ ᠨᠠᠮᠤᠭᠤᠬᠠᠨ ᠢ᠋ ᠶᠠᠭᠠᠬᠢᠶᠠ ᠯᠠ!
ᠠᠷᠭᠠ ᠦᠭᠡᠢ ᠴᠢᠮᠠᠶ᠋ᠢ ᠪᠠᠨ ᠰᠣᠳᠣᠨ ᠬᠠᠨᠢ ᠭᠡᠵᠦ
ᠠᠬᠤᠢ ᠰᠡᠳᠬᠢᠯ ᠮᠢᠨᠢ ᠪᠢᠰᠢᠷᠡᠬᠦ ᠶ᠋ᠢ ᠶᠠᠭᠠᠬᠢᠶᠠ ᠯᠠ!
ᠠᠮᠢᠬᠠᠨ ᠳ᠋ᠠᠭᠠᠨ ᠬᠣᠶᠠᠭᠤᠯᠠ ᠵᠢᠷᠭᠠᠵᠤ ᠪᠠᠢᠭᠠ ᠪᠠᠨ
ᠠᠬᠢᠨ ᠳᠠᠬᠢᠨ ᠪᠠᠬᠠᠷᠬᠠᠬᠤ ᠶ᠋ᠢ ᠶᠠᠭᠠᠬᠢᠶᠠ ᠯᠠ!
ᠠᠮᠲᠠ ᠶ᠋ᠢ ᠨᠢ ᠠᠪᠬᠤ ᠭᠠᠭᠴᠠᠬᠠᠨ ᠰᠠᠷᠠ ᠰᠢᠭ
ᠠᠮᠢᠳᠤᠷᠠᠯ ᠢ᠋ ᠬᠤᠪᠢ ᠵᠠᠶᠠᠭᠠ ᠬᠠᠢᠷᠠᠯᠠᠵᠠᠢ
ᠠᠩᠬᠢᠯᠤᠭᠤᠨ ᠬᠠᠪᠤᠷ ᠢ᠋ ᠬᠣᠶᠠᠭᠤᠯᠠ ᠤᠭᠲᠤᠵᠤ
ᠠᠮᠤᠭᠤᠯᠠᠩ ᠲᠠᠯᠠ ᠳ᠋ᠤ᠌ ᠴᠡᠴᠡᠭ ᠲᠡᠭᠦᠶᠡ ᠯᠡ᠂
ᠠᠶᠠ᠂ ᠪᠢ ᠡᠷᠲᠡᠳᠡᠭᠰᠡᠨ ᠦᠭᠡᠢ᠂ ᠴᠢ ᠣᠷᠣᠢᠲᠠᠭᠰᠠᠨ ᠦᠭᠡᠢ
ᠠᠮᠠᠷᠠᠭᠯᠠᠨ ᠵᠠᠶᠠᠭᠠᠵᠠᠢ᠂ ᠪᠡᠶᠡ ᠪᠡᠶᠡ ᠳ᠋ᠡᠭᠡᠨ᠃
( ᠣᠷᠣᠰ ᠡᠬᠡ ᠪᠣᠯᠤᠨ ᠣᠷᠴᠢᠭᠤᠯᠤᠭᠴᠢ ᠶ᠋ᠢᠨ ᠭᠠᠷ ᠤ᠋ᠨ ᠪᠢᠴᠢᠯᠭᠡ ᠪᠣᠢ )
ᠭᠡᠵᠢᠭᠡ
ᠨᠢᠳᠦ ᠪᠣᠯᠤᠭᠠᠳ ᠬᠥᠮᠥᠰᠬᠡ ᠰᠢᠭ ᠢ᠋ᠶ᠋ᠡᠨ ᠲᠠᠰᠤ ᠬᠠᠷᠠ
ᠨᠦᠰᠡᠷ ᠡᠢᠮᠦ ᠭᠡᠵᠢᠭᠡ ᠥᠭᠡᠷᠡ ᠬᠥᠮᠦᠨ ᠳ᠋ᠦ᠍ ᠪᠠᠢᠬᠤ ᠦᠭᠡᠢ ᠠ᠋
ᠤᠷᠠᠨ ᠨᠠᠷᠢᠨ ᠬᠢᠯᠭᠠᠰᠤ ᠨᠢ ᠰᠢᠷᠬᠡᠭ ᠲᠠᠲᠠᠵᠤ
ᠠᠭᠤᠯᠠ ᠶ᠋ᠢᠨ ᠭᠣᠣᠯ ᠰᠢᠭ᠋ ᠲᠡᠷᠡ ᠳᠣᠷᠣᠭᠰᠢ ᠪᠠᠨ ᠡᠷᠴᠢᠯᠡᠵᠡᠢ᠃
ᠰᠠᠨᠳᠠᠯᠢ ᠳ᠋ᠤ᠌ ᠰᠠᠭᠤᠬᠤ ᠳ᠋ᠤ᠌ ᠴᠢᠨᠢ ᠥᠰᠥᠭᠡᠢ ᠶᠦ᠍ᠭᠡᠨ ᠳᠠᠪᠠᠵᠤ
ᠰᠠᠢᠬᠠᠨ ᠬᠠᠷᠠ ᠳᠣᠯᠭᠢᠶᠠᠨ ᠱᠠᠯᠠᠨ ᠳᠡᠭᠡᠷᠡ ᠲᠤᠨᠤᠷᠠᠨᠠ
ᠰᠠᠮᠨᠠᠭᠠ ᠰᠦᠯᠵᠢᠶᠡ ᠶ᠋ᠢ ᠨᠢ ᠵᠠᠳᠠᠯᠤᠩᠬᠠᠨ ᠤᠨᠲᠠᠬᠤ ᠴᠠᠭ ᠲᠤ᠌
ᠰᠠᠬᠤᠯᠢᠭ ᠬᠡᠪᠢᠰ ᠪᠣᠯᠵᠤ ᠣᠷᠣᠨ ᠪᠠᠢᠷᠢ ᠶ᠋ᠢ ᠪᠦᠷᠬᠦᠮᠡᠷ᠃
ᠦᠵᠡᠭᠡᠳ ᠥᠩᠭᠡᠷᠡᠬᠦ ᠣᠨ ᠴᠠᠭ ᠤ᠋ᠨ ᠤᠷᠤᠰᠬᠠᠯ ᠳ᠋ᠤ᠌
ᠦᠰᠦ ᠭᠡᠵᠢᠭᠡ ᠯᠡ ᠤᠨᠠᠭᠠᠨ ᠥᠩᠭᠡ ᠪᠡᠨ ᠠᠯᠳᠠᠳᠠᠭ ᠶᠤᠮ
ᠠᠶᠠ᠂ ᠨᠠᠢᠵᠠᠬᠠᠨ ᠪᠦᠰᠡᠭᠦᠢ ᠮᠢᠨᠢ ᠴᠢᠮᠠᠶ᠋ᠢ ᠪᠠᠨ ᠪᠢ
ᠠᠯᠢᠪᠠ ᠭᠤᠨᠢᠭ ᠲᠦᠭᠰᠢᠭᠦᠷᠢ ᠪᠦᠬᠦᠨ ᠡᠴᠡ ᠠᠪᠤᠷᠠᠬᠤ ᠰᠠᠨ
ᠣᠩᠭᠣᠨ ᠦᠰᠦ ᠶ᠋ᠢᠨ ᠴᠢᠨᠢ ᠰᠥᠨᠢ ᠶ᠋ᠢᠨ ᠬᠠᠷᠠ ᠥᠩᠭᠡ ᠶ᠋ᠢ
ᠣᠯᠠᠨ ᠣᠯᠠᠨ ᠵᠢᠯ ᠬᠡᠪ ᠢ᠋ᠶ᠋ᠡᠷ ᠨᠢ ᠪᠠᠢᠯᠭᠠᠬᠤ ᠰᠠᠨ᠃
※※※
ᠭᠠᠴᠠᠭᠠ | ᠰᠠᠭᠤᠷᠢᠨ ᠳ᠋ᠤ᠌ ᠨᠢᠭᠡ ᠡᠪᠦᠭᠡᠨ ᠲᠡᠢ ᠠᠢᠯ ᠪᠠᠢᠯᠠ
ᠭᠠᠳᠠᠭᠠᠯᠠᠵᠤ ᠪᠢᠳᠡ ᠬᠣᠶᠠᠷ ᠨᠢᠭᠡ ᠡᠳᠦᠷ ᠭᠣᠣᠯ ᠳᠡᠭᠡᠷᠡ ᠰᠠᠭᠤᠯᠠ
《ᠬᠡᠳᠦ ᠬᠦᠷᠴᠦ ᠪᠠᠢᠵᠤ ᠳᠤᠷᠠ ᠰᠡᠳᠬᠢᠯ ᠳᠤᠮᠳᠠᠷᠠᠬᠤ ᠪᠣᠯ ᠠ᠋
ᠬᠡᠯᠡᠵᠦ ᠥᠭᠭᠦᠨᠡ ᠤᠤ?》 ᠭᠡᠵᠦ ᠪᠢ᠂ ᠡᠪᠦᠭᠡᠨ ᠡᠴᠡ ᠠᠰᠠᠭᠤᠯᠠ
ᠦᠰᠦ ᠲᠡᠢ ᠲᠣᠯᠣᠭᠠᠢ ᠨᠢ ᠲᠤᠩ ᠴᠠᠭᠠᠨ ᠪᠣᠯᠤᠭᠰᠠᠨ ᠮᠥᠷᠲᠡᠯᠡ ᠪᠡᠨ
《ᠡᠭᠦᠨ ᠢ᠋ ᠴᠢᠨᠢ ᠪᠢ ᠮᠡᠳᠡᠬᠦ ᠦᠭᠡᠢᠶᠤᠮ᠂ ᠪᠣᠳᠣᠪᠠᠯ
ᠥᠲᠡᠭᠦᠰ ᠶᠡᠬᠡᠰ ᠦ᠋ᠳ ᠮᠡᠳᠡᠬᠦ ᠪᠠᠢᠯᠭᠦᠢ》 ᠭᠡᠵᠦ ᠪᠢᠯᠡ᠁
《ᠥᠨᠥ ᠪᠣᠯᠲᠠᠯᠠ ᠪᠢ᠂ ᠬᠡᠯᠡᠵᠦ ᠥᠭᠬᠦ ᠬᠥᠮᠦᠨ ᠣᠯᠤᠭᠠ ᠦᠭᠡᠢ ᠪᠢᠯᠡ
ᠲᠤᠩ ᠴᠠᠭᠠᠨ ᠡᠪᠦᠭᠡ ᠪᠣᠯᠤᠭ ᠯᠠ ᠳᠠ᠂ ᠪᠢ ᠶᠠᠭᠠᠬᠢᠬᠤ ᠪᠣᠢ
ᠳᠤᠷᠠ ᠬᠠᠢᠷᠠ ᠮᠢᠨᠢ ᠬᠡᠵᠢᠶᠡ ᠴᠦ᠍ ᠡᠪᠦᠭᠡᠨ ᠪᠣᠯᠤᠯ ᠦᠭᠡᠢ
ᠳᠤᠯᠠᠭᠠᠬᠠᠨ ᠢᠯᠴᠢ ᠪᠡᠷ ᠢ᠋ᠶ᠋ᠡᠨ ᠨᠠᠮᠠᠶ᠋ᠢ ᠴᠢᠮᠠᠶ᠋ᠢ ᠶ᠋ᠢ ᠲᠥᠭᠡᠨᠡᠵᠦ
ᠳᠠᠭᠤᠰᠤᠰᠢ ᠦᠭᠡᠢ ᠡᠷᠬᠡ ᠪᠡᠷ ᠢ᠋ᠶ᠋ᠡᠨ ᠮᠥᠩᠬᠡᠳᠡ ᠵᠠᠯᠠᠭᠤ ᠶᠠᠪᠤᠭ
ᠢᠨᠠᠭ ᠬᠠᠢᠷᠠ ᠭᠡᠭᠴᠢ ᠬᠡᠳᠦᠨ ᠨᠠᠰᠤ ᠶ᠋ᠢ ᠬᠦᠷᠲᠡᠯᠡ
ᠢᠷᠠᠭᠤᠬᠠᠨ ᠭᠡᠷᠡᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠰᠣᠶᠣᠷᠬᠠᠬᠤ ᠪᠣᠯ? ᠭᠡᠵᠦ ᠬᠥᠮᠦᠨ ᠠᠰᠠᠭᠤᠭ
ᠠᠢᠯ ᠤ᠋ᠨ ᠢ᠋ᠶ᠋ᠠᠨ ᠡᠪᠦᠭᠡᠨ ᠰᠢᠭ ᠠᠵᠢᠭ ᠴᠤ᠌ ᠦᠭᠡᠢ ᠪᠢ
ᠠᠬᠠ ᠨᠢ ᠮᠡᠳᠡᠬᠦ ᠦᠭᠡᠢᠶᠤᠮ ᠳᠡ᠂ ᠠᠭᠤᠴᠢᠯᠠᠭᠠᠷᠠᠢ᠂
ᠠᠵᠠᠢ ᠪᠤᠭᠤᠷᠤᠯ ᠤ᠋ᠳ ᠡᠴᠡ ᠠᠰᠠᠭᠤ ᠳᠠ᠁》 ᠭᠡᠵᠦ ᠪᠦᠭᠦᠳᠡ ᠳ᠋ᠦ᠍ ᠬᠡᠯᠡᠨᠡ᠃
※ ※ ※
ᠥᠴᠥᠭᠡᠳᠦᠷ ᠪᠢ ᠭᠠᠪ ᠭᠠᠭᠴᠠᠭᠠᠷ ᠢ᠋ᠶ᠋ᠠᠨ ᠲᠡᠨᠦᠵᠦ
ᠥᠪᠡᠷ ᠵᠠᠭᠤᠷᠠ ᠪᠠᠨ᠂ 《ᠵᠠᠢᠯᠠᠶᠠ》 ᠭᠡᠵᠦ ᠦᠭᠡᠯᠡᠪᠡ᠄
ᠵᠠᠢᠯᠠᠬᠤ ᠯᠠ ᠶᠤᠮ ᠪᠣᠯ ᠪᠦᠷᠢᠮᠦᠰᠦᠨ ᠵᠠᠢᠯᠠᠨᠠ
ᠵᠠᠶᠠᠭᠠ ᠨᠢ ᠡᠭᠦᠪᠡᠷ ᠡᠷᠭᠢᠵᠦ ᠢᠷᠡᠬᠦ ᠦᠭᠡᠢ ᠵᠠᠢᠯᠠᠨᠠ
ᠴᠢᠩ ᠦᠨᠡᠨ ᠢ᠋ ᠬᠡᠯᠡᠬᠦ ᠳ᠋ᠦ᠍ ᠴᠢᠨᠦ ᠪᠤᠷᠤᠭᠤ! ᠭᠡᠵᠦ
ᠴᠢᠨᠦ ᠦᠭᠡ ᠪᠦᠬᠦᠨ ᠢ᠋ ᠳᠣᠲᠣᠷᠠ ᠪᠠᠨ ᠮᠤᠰᠬᠢᠵᠦ
ᠴᠢᠮᠠ ᠲᠠᠢ ᠴᠢᠮᠠ ᠦᠭᠡᠢ ᠦᠦᠷ ᠴᠡᠢᠨᠡ ᠠ᠋ ᠭᠡᠵᠦ
ᠴᠢᠮᠠ ᠡᠴᠡ ᠥᠭᠡᠷᠡ ᠶᠠᠭᠤᠮᠠ ᠣᠯᠳᠠᠨᠠ ᠠ᠋ ᠭᠠᠢᠭᠤᠢ ᠭᠡᠵᠦ
ᠠᠮᠠᠨ ᠳ᠋ᠤ᠌ ᠪᠠᠨ ᠦᠭᠡᠯᠡᠵᠦ ᠪᠢ ᠠᠯᠬᠤᠭᠰᠠᠭᠠᠷ ᠪᠠᠢᠪᠠ
ᠠᠯᠬᠤᠭᠰᠠᠭᠠᠷ ᠬᠠᠭᠠᠯᠭᠠᠨ ᠳᠡᠭᠡᠷᠡ ᠴᠢᠨᠢ ᠢᠷᠡᠭᠰᠡᠨ ᠪᠠᠢᠪᠠ᠃
※※※
ᠲᠤᠯᠭᠠ ᠲᠣᠭᠣᠷᠢᠭᠰᠠᠨ ᠬᠡᠷᠡᠭᠦᠯᠬᠡᠨ ᠢ᠋
ᠲᠤᠯᠭᠠᠵᠤ ᠬᠦᠯᠢᠶᠡᠯᠭᠡᠬᠦ ᠶᠠᠷᠢᠶᠠᠬᠠᠨ ᠢ᠋
ᠪᠡᠶᠡ ᠪᠡᠶᠡ ᠪᠡᠨ ᠰᠢᠷᠦᠭᠦᠨ ᠬᠠᠷᠠᠬᠤ ᠶ᠋ᠢ ᠴᠦ᠍
ᠪᠢᠳᠡ ᠬᠣᠶᠠᠷ ᠰᠤᠷᠤᠭᠠ ᠨᠢ ᠦᠭᠡᠢ
ᠬᠡᠷᠪᠡ ᠦᠭᠡ ᠵᠥᠷᠢᠮᠡᠷ ᠪᠣᠯ
ᠬᠡᠳᠦᠨ ᠮᠥᠴᠡ ᠶ᠋ᠢᠨ ᠳᠠᠷᠠᠭᠠ
ᠲᠠᠭ ᠮᠠᠷᠲᠠᠵᠤ ᠬᠠᠷᠠᠴᠠ ᠪᠠᠷ ᠢ᠋ᠶ᠋ᠠᠨ
ᠲᠠᠯᠠ ᠲᠠᠲᠠᠵᠤ ᠮᠢᠰᠢᠶᠡᠯᠵᠡᠨᠡᠮ
ᠤᠶᠠᠬᠠᠨ ᠬᠠᠢᠷᠠ ᠡᠯᠪᠡᠭ ᠠᠬᠤᠢ ᠳ᠋ᠤ᠌
ᠤᠬᠢᠯᠠᠬᠤ ᠶ᠋ᠢᠨ ᠵᠣᠪᠠᠯᠠᠩ ᠦᠭᠡᠢ ᠴᠦ᠍ ᠭᠡᠯᠡ
ᠰᠢᠪᠰᠢᠬᠦ ᠲᠡᠳᠦᠢ ᠰᠠᠯᠬᠢ ᠨᠢ ᠬᠦ
ᠰᠢᠷᠦᠭᠦᠨ ᠪᠣᠷᠣᠭᠠ ᠶ᠋ᠢ ᠤᠷᠢᠳᠠᠭ ᠶᠣᠰᠣ ᠪᠣᠢ
ᠦᠭᠡᠢ ᠴᠦ᠍ ᠭᠡᠬᠦᠨᠡ᠂ ᠬᠠᠶᠠ ᠪᠠᠰᠠ
ᠦᠢᠯᠡ ᠶ᠋ᠢᠨ ᠦᠷᠡ ᠦᠭᠡᠢ ᠬᠠᠢᠷᠠ | ᠨᠠᠢᠷ ᠡᠴᠡ
ᠵᠠᠯᠠᠭᠤ ᠬᠣᠣᠰ ᠤ᠋ᠨ ᠵᠢᠷᠦᠬᠡ ᠥᠪᠡᠷ ᠢ᠋ᠶ᠋ᠡᠨ
ᠵᠠᠯᠬᠠᠵᠤ ᠬᠠᠩᠬᠤ ᠪᠠᠨ ᠶᠠᠳᠠᠬᠤ ᠦᠭᠡᠢ ᠲᠠᠭ᠃
※※※
ᠲᠤᠭᠤᠷᠭᠠᠨ ᠳ᠋ᠠᠬᠢ ᠪᠢᠴᠢᠬᠠᠨ ᠵᠢᠶᠠᠵᠠ ᠳᠣᠲᠣᠷᠠ ᠡᠴᠡ
ᠲᠤᠵᠢ ᠢᠨᠢᠶᠡᠭᠰᠡᠭᠡᠷ ᠨᠠᠮᠠᠶ᠋ᠢ ᠵᠢᠯ ᠰᠢᠷᠳᠡᠯᠡ ᠴᠢ
ᠪᠦᠰᠡᠭᠦᠢ ᠴᠢᠨᠦ ᠬᠥᠬᠢᠭᠦᠨ ᠴᠣᠪᠣᠭᠣ ᠢᠨᠢᠶᠡᠳᠦ
ᠪᠦᠯᠢᠶᠡᠴᠡᠭᠦᠯᠬᠦᠶᠤᠮ᠂ ᠡᠯᠦᠢ ᠬᠤᠯᠤᠢ ᠥᠷᠥᠭᠡ ᠶ᠋ᠢ ᠮᠢᠨᠢ᠃
ᠮᠠᠶᠢᠭ ᠤ᠋ᠨ ᠢᠨᠢᠶᠡᠳᠦ ᠴᠢᠨᠢ ᠭᠡᠪᠡᠴᠦ ᠪᠠᠭᠠᠳᠠᠭᠠᠳ ᠪᠠᠢᠨᠠ ᠠ᠋
ᠮᠢᠬᠠᠨ ᠪᠡᠶᠡ ᠴᠢᠨᠢ ᠨᠠᠳᠠ ᠳ᠋ᠤ᠌ ᠳᠤᠲᠠᠭᠠᠳ ᠪᠠᠢᠨᠠ ᠠ᠋
ᠡᠷᠡᠭᠡ ᠪᠠᠷᠢᠶᠠ ᠦᠭᠡᠢ ᠦᠨᠡᠨ ᠢ᠋ᠶ᠋ᠡᠨ ᠬᠡᠯᠡ ᠯᠡ ᠳᠡ᠄
ᠡᠨᠡ ᠵᠢᠶᠠᠵᠠ ᠴᠢᠨᠢ ᠳᠠᠪᠴᠢᠳᠠᠬᠤ ᠦᠭᠡᠢ ᠪᠠᠢᠨᠠ ᠤᠤ?
ᠥᠪᠡᠷ ᠢ᠋ᠶ᠋ᠡᠷ ᠴᠢᠨᠢ ᠳᠤᠲᠠᠭᠰᠠᠨ ᠨᠠᠮᠠᠶ᠋ᠢ ᠬᠠᠷᠠᠨ ᠬᠠᠷᠠᠭᠰᠠᠭᠠᠷ
ᠥᠷᠦᠪᠳᠦᠵᠦ ᠵᠠᠯᠬᠠᠬᠤ ᠦᠭᠡᠢ ᠪᠠᠢᠨᠠ ᠭᠡᠵᠦ ᠤᠤ?
ᠠᠪᠤ ᠡᠵᠢ ᠶ᠋ᠢᠨ ᠵᠠᠶᠠᠭᠠᠭᠰᠠᠨ ᠪᠡᠶᠡ ᠪᠡᠷ ᠢ᠋ᠶ᠋ᠡᠨ ᠢᠨᠢᠶᠡᠭᠰᠡᠭᠡᠷ
ᠠᠮᠢᠯᠠᠭᠠᠳ ᠴᠢ ᠵᠢᠶᠠᠵᠠ ᠡᠴᠡ ᠪᠠᠨ ᠭᠠᠷᠤᠭᠠᠳ ᠢᠷᠡᠭᠡᠴᠢ!
ᠴᠡᠴᠡᠷᠯᠢᠭ᠂ ᠭᠤᠲᠤᠮ᠂ ᠭᠦᠦᠷ᠂ ᠲᠡᠶᠠᠲ᠋ᠷ
ᠴᠡᠩᠭᠡᠯᠲᠦ ᠮᠣᠰᠺᠸᠠ ᠶ᠋ᠢ ᠴᠢᠮᠠ ᠳ᠋ᠠᠭᠠᠨ ᠦᠵᠡᠭᠦᠯᠦᠶᠡ᠁
ᠭᠡᠵᠦ ᠪᠢ ᠬᠡᠴᠢᠨᠡᠭᠡᠨ ᠬᠦᠰᠡᠨᠡᠮ ᠪᠣᠢ!
ᠭᠡᠪᠡᠴᠦ ᠴᠢ ᠬᠡᠪ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠢᠨᠢᠶᠡᠵᠦ ᠰᠠᠭᠤᠨᠠ᠃
ᠡᠷᠭᠢᠭᠡᠳ ᠮᠡᠨᠳᠦ ᠴᠦ᠍ ᠦᠭᠡᠢ ᠵᠢᠯ ᠪᠣᠯᠴᠢᠬᠠᠳᠠᠭ
ᠡᠨᠡ ᠵᠢᠷᠤᠭ ᠰᠢᠭ᠋ ᠬᠡᠦᠬᠡᠨ ᠪᠠᠢᠳᠠᠭ ᠯᠠ ᠳᠠ
ᠡᠷᠬᠢᠮ ᠮᠢᠨᠢ ᠴᠢ ᠲᠡᠢᠮᠦ ᠬᠥᠮᠦᠨ ᠪᠢᠰᠢ ᠪᠢᠵᠡ?᠁
ᠡᠭᠡᠭᠡ ᠦᠭᠡᠢ ᠪᠠᠢᠬᠠ ᠠ᠋᠂ ᠴᠢ ᠪᠣᠯ ᠥᠭᠡᠷᠡ ᠬᠥᠮᠦᠨ!
※※※
ᠥᠪᠡᠷ ᠦ᠋ᠨ ᠴᠢᠨᠢ ᠲᠤᠬᠠᠢ ᠪᠣᠳᠣᠯ ᠪᠦᠬᠦᠨ ᠢ᠋ ᠮᠢᠨᠢ
ᠦᠷᠦᠬᠦ ᠰᠢᠯᠦᠭ ᠦ᠋ᠨ ᠮᠥᠷ ᠪᠣᠯᠭᠠᠭᠰᠠᠨ ᠪᠣᠯ
ᠦᠷᠦ ᠵᠢᠷᠦᠬᠡᠨ ᠦ᠌ ᠬᠠᠢᠷᠠ ᠪᠠᠷ ᠳᠦᠭᠦᠷᠡᠩ
ᠥᠭᠡᠷᠡ ᠵᠤᠵᠠᠭᠠᠨ ᠨᠣᠮ ᠬᠠᠮᠢᠭᠠ ᠡᠴᠡ ᠴᠤ᠌ ᠴᠢ ᠣᠯᠬᠤ ᠦᠭᠡᠢ᠃
ᠲᠡᠭᠡᠲᠡᠯᠡ ᠡᠨᠡ ᠨᠣᠮ ᠠᠪᠰᠠᠷᠬᠠᠨ᠂ ᠵᠢᠵᠢᠩᠬᠡᠨ
ᠲᠡᠷᠡ ᠪᠣᠯᠭᠠᠨ ᠪᠢ ᠰᠢᠯᠦᠭ ᠲᠡᠢ ᠪᠡᠨ ᠨᠣᠴᠣᠯᠳᠤᠭᠠ ᠦᠭᠡᠢ
ᠴᠢᠮᠠ ᠲᠠᠢ ᠥᠩᠭᠡᠷᠡᠭᠡᠬᠦ ᠴᠠᠭ ᠢ᠋ᠶ᠋ᠠᠨ ᠰᠢᠯᠦᠭ ᠤᠷᠤᠭᠤ
ᠴᠢᠩᠳᠠᠯᠠᠨ ᠰᠢᠯᠵᠢᠭᠦᠯᠬᠦ ᠪᠡᠨ ᠬᠠᠷᠠᠮᠯᠠᠭᠰᠠᠨ ᠶᠤᠮ᠃
ᠴᠢᠨᠦ ᠬᠠᠷᠠᠴᠠ
ᠴᠢᠨᠦ ᠬᠠᠷᠠᠴᠠ ᠣᠯᠠᠨ ᠶᠠᠩᠵᠤ ᠬᠠᠷᠠᠭᠳᠠᠨᠠᠮ᠃
ᠴᠢᠮᠡᠭᠡ ᠦᠭᠡᠢ ᠲᠦᠩᠰᠦᠢᠵᠦ ᠠᠶᠤᠩᠭᠠ ᠭᠢᠯᠪᠠᠵᠤ
ᠬᠠᠯᠠᠭᠤᠨ ᠡᠳᠦᠷ ᠰᠢᠭ ᠭᠡᠷᠡᠯ ᠴᠡᠯᠮᠡᠵᠦ
ᠬᠠᠷᠠᠩᠭᠤᠢ ᠰᠥᠨᠢ ᠰᠢᠭ ᠰᠡᠭᠦᠳᠡᠷ ᠳᠠᠮᠨᠠᠵᠤ
ᠠᠭᠤᠯᠠ ᠶ᠋ᠢᠨ ᠨᠠᠭᠤᠷ ᠰᠢᠭ᠋ ᠮᠡᠯᠮᠡᠯᠵᠡᠩᠭᠡᠨ
ᠤᠷᠠᠨ ᠬᠥᠮᠦᠰᠬᠡᠨ ᠳᠣᠣᠷᠠ ᠡᠴᠡ ᠲᠤᠨᠤᠮᠠᠯ ᠬᠠᠷᠠᠴᠠ ᠪᠠᠷ ᠰᠢᠷᠲᠡᠨᠡᠮ᠃
ᠤᠷᠲᠤ ᠰᠣᠷᠮᠤᠤᠰᠤ ᠪᠠᠷ ᠢ᠋ᠶ᠋ᠠᠨ ᠬᠥᠰᠢᠭᠡ ᠲᠡᠳᠡᠨ ᠬᠠᠭᠠᠬᠤ ᠨᠢ
ᠤᠴᠢᠷᠲᠠᠢ ᠨᠢᠭᠡ ᠶᠠᠭᠤᠮᠠ᠂ ᠳᠠᠯᠳᠠ ᠶ᠋ᠢᠨ ᠳᠠᠯᠳᠠ ᠳ᠋ᠤ᠌ ᠨᠢᠭᠤᠴᠢᠬᠠᠬᠤ ᠰᠢᠭ᠋
ᠲᠡᠭᠡᠲᠡᠯᠡ᠂ ᠢᠨᠢᠶᠡᠳᠦ ᠬᠥᠷ ᠪᠢᠯᠬᠠᠬᠤ ᠴᠤ᠌ ᠰᠢᠭ᠋
ᠭᠡᠰᠡᠨ ᠢ᠋ᠶ᠋ᠡᠨ ᠤᠢᠳᠴᠤ ᠡᠴᠡᠭᠰᠡᠨ ᠴᠦ᠍ ᠪᠠᠢᠬᠤ ᠰᠢᠭ᠋᠁
ᠰᠢᠯᠦᠭ ᠦ᠋ᠨ ᠮᠢᠨᠢ ᠮᠥᠷ ᠦ᠋ᠳ ᠳᠡᠭᠡᠷᠡ ᠲᠣᠩᠭᠣᠢᠨᠠᠮ
ᠠᠮᠤᠷᠯᠢᠩᠭᠤᠢ ᠪᠣᠯᠤᠭᠠᠳ ᠲᠣᠪ ᠲᠣᠳᠣᠷᠬᠠᠢ ᠥᠩᠭᠡ ᠪᠡᠷ
ᠠᠮᠤᠭᠤᠯᠠᠩ ᠢ᠋ ᠵᠠᠶᠠᠭᠠᠭᠰᠠᠨ ᠡᠨᠡ ᠬᠠᠷᠠᠴᠠ ᠶ᠋ᠢ ᠪᠢ
ᠠᠬᠢᠨ ᠳᠠᠬᠢᠨ ᠳᠤᠷᠠᠰᠤᠨ ᠳᠠᠭᠤᠯᠠᠭᠰᠠᠭᠠᠷ ᠪᠠᠢᠨᠠ ᠃
※ ※ ※
ᠬᠠᠵᠠᠭᠤ ᠪᠠᠷ ᠳᠠᠪ ᠴᠦ᠍ ᠦᠭᠡᠢ ᠯᠡ ᠥᠩᠭᠡᠷᠡᠵᠡᠭᠡᠬᠦᠶᠤᠮ᠂
ᠬᠠᠢᠬᠤᠷᠬᠤ ᠦᠭᠡᠢ ᠪᠠᠢᠨᠠ ᠤᠤ ᠳᠠ᠂ ᠴᠢᠨᠦ ᠮᠢᠨᠢ ᠦᠵᠡᠮᠵᠢ ᠶ᠋ᠢ
ᠬᠠᠷᠠᠭᠠ ᠲᠠᠢ ᠮᠥᠷᠳᠡᠯᠡ ᠪᠡᠨ ᠬᠠᠷᠠᠯᠭᠠᠨ ᠤᠯᠤᠰ ᠪᠠᠢᠬᠤ ᠶᠤᠮ
ᠬᠠᠷᠠ ᠨᠢᠳᠦ ᠪᠡᠨ ᠥᠭᠴᠦ᠂ ᠴᠢᠮᠠᠶ᠋ᠢ ᠪᠠᠨ ᠬᠠᠷᠠᠭᠤᠯᠬᠤ ᠰᠠᠨ᠃
※ ※ ※
ᠥᠰᠦᠭᠰᠡᠨ ᠭᠠᠴᠠᠭᠠ ᠪᠠᠷ ᠢ᠋ᠶ᠋ᠠᠨ ᠰᠠᠶᠢᠬᠠᠨ ᠪᠢ ᠣᠴᠢᠯᠠ
ᠥᠪᠡᠷ ᠦ᠋ᠨ ᠳ᠋ᠡᠭᠡᠨ ᠬᠡᠳᠦ ᠬᠣᠨᠣᠯᠠ᠂ ᠲᠠᠨ ᠤ᠋ ᠬᠢ ᠪᠡᠷ ᠣᠷᠣᠯᠠ
ᠦᠷᠡ ᠪᠢᠳᠡ ᠨᠢ ᠳᠡᠭᠳᠡᠭᠡᠬᠡᠢ ᠰᠢᠭ ᠨᠢᠰᠦᠭᠡᠳ ᠶᠠᠪᠤᠴᠢᠬᠠᠭᠰᠠᠨ ᠬᠣᠢᠨᠠ
ᠡᠭᠦᠷ | ᠭᠡᠷ ᠮᠢᠨᠢ ᠡᠯᠦᠢ ᠬᠤᠯᠤᠢ᠂ ᠪᠥᠷᠥᠭᠬᠡᠨ ᠪᠠᠢᠨᠠ᠃
ᠲᠠᠨ ᠤ᠋ ᠮᠠᠨ ᠤ᠋ ᠬᠣᠶᠠᠷ ᠂ ᠠᠢᠯ ᠬᠠᠮᠠᠷ |
ᠲᠠᠷᠢᠭᠰᠠᠨ ᠴᠡᠴᠡᠷᠯᠢᠭ ᠨᠡᠢᠯᠡᠵᠦ ᠠᠮᠠᠷ |
ᠬᠣᠭᠣᠷᠣᠨᠳᠣ ᠨᠢ ᠮᠣᠷᠢ ᠪᠠᠷ ᠶᠠᠪᠤᠵᠤ᠂ ᠮᠣᠳᠣ ᠪᠠᠷ ᠬᠡᠮᠵᠢᠬᠦ ᠪᠢᠰᠢ
ᠬᠣᠷᠢ ᠭᠤᠴᠢᠭᠠᠳ ᠯᠠ ᠠᠯᠬᠤᠮ ᠪᠢᠵᠡ ᠰᠠᠢᠨ ᠳ᠋ᠠᠭᠠᠨ᠁
ᠬᠠᠷᠢᠨ ᠴᠢᠮᠠ ᠳ᠋ᠤ᠌ ᠬᠦᠷᠬᠦ ᠮᠢᠨᠦ ᠵᠠᠮ ᠬᠡᠴᠡᠭᠦᠦ
ᠬᠠᠩᠬᠠᠷ ᠠᠭᠤᠯᠠ᠂ ᠬᠠᠨᠠᠭᠠᠷ ᠬᠥᠨᠳᠡᠢ ᠶ᠋ᠢ ᠭᠠᠲᠤᠯᠵᠤ
ᠬᠠᠷᠠ ᠪᠡᠶᠡ ᠳ᠋ᠡᠭᠡᠨ ᠵᠣᠪᠠᠯ ᠵᠢᠷᠭᠠᠯ ᠠᠮᠰᠠᠵᠤ
ᠬᠠᠢᠷᠠᠲᠤ ᠮᠢᠨᠢ ᠠ᠋᠂ ᠵᠥᠩᠳᠡᠭᠡᠨ ᠯᠡ ᠶᠠᠭᠤᠮᠠ ᠦᠵᠡᠪᠡ ᠰᠢᠦ ᠳᠡ
ᠲᠡᠷᠲᠡᠭᠡᠬᠢ ᠠᠢᠯ ᠤ᠋ᠨ ᠢ᠋ᠶ᠋ᠠᠨ ᠪᠦᠰᠡᠭᠦᠢ ᠶ᠋ᠢ ᠣᠯᠣᠯ ᠦᠭᠡᠢ
ᠳᠡᠯᠡᠬᠡᠢ ᠶ᠋ᠢᠨ ᠬᠡᠴᠢᠨᠡᠭᠡᠨ ᠲᠣᠮᠣ ᠬᠣᠲᠠ ᠶ᠋ᠢ ᠡᠷᠭᠢᠭᠦᠯᠪᠡ ᠠ᠋!
ᠦᠢᠯᠡ ᠶ᠋ᠢ ᠮᠢᠨᠢ ᠦᠵᠡᠵᠦ ᠪᠠᠢᠵᠤ ᠴᠢ ᠨᠠᠳᠠ ᠳ᠋ᠤ᠌ ᠣᠯᠳᠠᠭᠰᠠᠨ ᠶᠤᠮ
ᠡᠭᠦᠨ ᠢ᠋ ᠪᠢ ᠮᠠᠷᠲᠠᠬᠤ ᠦᠭᠡᠢ᠂ ᠬᠠᠢᠷᠠᠯᠠᠵᠤ ᠭᠠᠮᠨᠠᠵᠤ ᠪᠠᠢᠳᠠᠭ ᠶᠤᠮ ᠃
( ᠣᠷᠣᠰ ᠡᠬᠡ ᠪᠣᠯᠤᠨ ᠣᠷᠴᠢᠭᠤᠯᠤᠭᠴᠢ ᠶ᠋ᠢᠨ ᠭᠠᠷ ᠤ᠋ᠨ ᠪᠢᠴᠢᠯᠭᠡ ᠪᠣᠢ )
※ ※ ※
ᠪᠢ ᠴᠢᠮᠠᠶ᠋ᠢ ᠭᠠᠷᠬᠤ ᠵᠢᠯ
ᠪᠢᠰᠢᠭᠦᠢ ᠳ᠋ᠡᠭᠡᠨ ᠲᠣᠮᠣ ᠪᠣᠯᠴᠢᠬᠠᠭᠰᠠᠨ
ᠨᠡᠯᠦᠩᠬᠡᠢ ᠭᠠᠴᠠᠭᠠ ᠪᠠᠨ ᠠᠨᠳᠠᠬᠤ ᠪᠠᠨ ᠪᠤᠯᠢᠴᠢᠬᠠᠭᠰᠠᠨ
ᠨᠢᠭᠡᠳᠦᠭᠡᠷ ᠠᠩᠭᠢ ᠳ᠋ᠤ᠌ ᠭᠦᠶᠦᠵᠦ ᠶᠠᠪᠤᠪᠠ ᠠ᠋᠃
ᠵᠠᠷᠢᠮ ᠳ᠋ᠠᠭᠠᠨ ᠴᠢᠨᠦ ᠡᠵᠢ
ᠵᠠᠪ ᠮᠠᠭᠤ ᠲᠠᠢ ᠪᠣᠯᠬᠤ ᠪᠠᠷ ᠢ᠋ᠶ᠋ᠠᠨ
ᠴᠢᠮᠠᠶ᠋ᠢ ᠰᠠᠭᠠᠲᠠᠭᠤᠯᠵᠤ ᠪᠠᠢ ᠭᠡᠵᠦ
ᠨᠠᠮᠠᠶ᠋ᠢ ᠳᠠᠭᠤᠳᠠᠳᠠᠭ ᠰᠠᠨ
ᠥᠬᠢᠨ ᠢ᠋ ᠮᠢᠨᠢ ᠰᠠᠭᠠᠲᠠᠭᠤᠯᠤᠭᠰᠠᠨ ᠭᠡᠵᠦ ᠨᠠᠳᠠ
ᠣᠪᠣᠭᠠ ᠱᠠᠩ ᠥᠭᠳᠡᠭ ᠬᠢᠷᠢ ᠨᠢ
ᠦᠨᠡᠨ ᠳ᠋ᠡᠭᠡᠨ ᠪᠢ᠂ ᠥᠯᠥᠭᠡᠢ ᠶ᠋ᠢᠨ ᠬᠢᠨᠢ ᠳᠡᠷᠭᠡᠳᠡ
ᠦᠬᠦᠲᠡᠯᠡ ᠪᠡᠨ ᠤᠢᠳᠴᠤ ᠰᠠᠭᠤᠳᠠᠭ ᠰᠠᠨ᠁
ᠣᠨ ᠵᠢᠯ ᠳᠠᠯᠠᠢᠵᠤ ᠥᠭᠴᠡᠢ
ᠣᠳᠣ ᠪᠢ ᠭᠠᠴᠠᠭᠠᠨ ᠳ᠋ᠠᠭᠠᠨ ᠢᠷᠡᠯᠡ
ᠥᠬᠢᠨ ᠴᠦ᠍ ᠥᠰᠴᠦ᠂ ᠭᠡᠵᠢᠭᠡ ᠨᠢ ᠴᠦ᠍ ᠤᠷᠭᠤᠵᠠᠢ ᠳᠠ
ᠣᠷᠴᠢᠯᠠᠩ ᠭᠡᠳᠡᠭ ᠮᠥᠨ ᠠᠮᠠᠷᠬᠠᠨ ᠠ᠋ ᠳᠠ!
ᠲᠣᠮᠣᠭᠠ ᠦᠭᠡᠢ ᠪᠠᠭᠠ ᠶ᠋ᠢᠨ ᠬᠢ ᠰᠢᠭ ᠢ᠋ᠶ᠋ᠡᠨ ᠪᠢ
ᠡᠵᠢ ᠶ᠋ᠢᠨ ᠴᠢᠨᠢ ᠳᠠᠭᠤᠳᠠᠬᠤ ᠶ᠋ᠢ ᠬᠦᠯᠢᠶᠡᠨᠡᠮ
ᠥᠬᠢᠨ ᠢ᠋ ᠮᠢᠨᠢ ᠰᠠᠭᠠᠲᠠᠭᠤᠯᠵᠤ ᠠᠯᠢ ᠭᠡᠳ
ᠣᠷᠣᠭᠠᠳ ᠢᠷᠡᠳᠡᠭ ᠦᠭᠡᠢ ᠯᠡᠶᠤᠮ ᠪᠠᠢᠬᠠ ᠳᠠ
ᠡᠵᠢ ᠶ᠋ᠢ ᠴᠢᠨᠢ ᠲᠡᠭᠡᠪᠡᠯ ᠡᠳᠦᠭᠡ
ᠡᠭᠡᠯᠵᠢᠨ ᠳ᠋ᠡᠭᠡᠨ ᠪᠢ ᠱᠠᠩᠨᠠᠮᠠᠷ ᠪᠠᠢᠨᠠ ᠠ᠋᠁
ᠲᠠᠨ ᠤ᠋ ᠬᠢ ᠵᠥᠪᠬᠡᠨ ᠬᠠᠭᠠᠯᠭᠠ ᠪᠠᠨ ᠯᠠ
ᠲᠠᠢᠯᠵᠤ ᠥᠭᠭᠦᠭᠡᠰᠡᠢ ᠨᠠᠳᠠ ᠳ᠋ᠤ᠌ |
ᠬᠠᠯᠠᠭ ᠭᠡᠵᠦ᠂ ᠣᠳᠣ ᠪᠣᠯ ᠪᠢ ᠴᠢᠮᠠᠶ᠋ᠢ
ᠬᠠᠴᠢᠨ ᠰᠠᠢᠬᠠᠨ ᠰᠠᠭᠠᠲᠠᠭᠤᠯᠤᠨᠠ ᠳᠠ!
※ ※ ※
ᠠᠮᠠᠷᠠᠭ ᠤ᠋ᠨ ᠲᠤᠬᠠᠢ ᠰᠢᠯᠦᠭ ᠢ᠋ ᠮᠢᠨᠢ ᠰᠡᠳᠬᠦᠯ ᠳ᠋ᠦ᠍ ᠳᠠᠬᠢᠭᠠᠳ ᠯᠠ ᠠᠪᠤᠭᠰᠠᠨ ᠦᠭᠡᠢ
ᠠᠷᠠᠳ ᠲᠦᠮᠡᠨ ᠤᠩᠰᠢᠬᠤ ᠦᠭᠡᠢ ᠪᠢᠵᠡ ᠭᠡᠵᠦ ᠷᠧᠳᠡᠺᠲ᠋ᠣᠷ ᠨᠢ ᠬᠡᠯᠡᠵᠦ ᠪᠠᠢᠨᠠ
ᠠᠨᠠᠢ ᠲᠡᠭᠡᠭᠡᠳ ᠨᠥᠭᠦᠭᠡ ᠰᠢᠯᠦᠭ ᠢ᠋ ᠮᠢᠨᠢ ᠡᠷᠭᠢᠭᠦᠯᠵᠦ ᠨᠠᠳᠠ ᠳ᠋ᠤ᠌ ᠥᠭᠭᠦᠭᠰᠡᠨ ᠦᠭᠡᠢ
ᠠᠪᠠᠭᠠᠢ ᠳ᠋ᠠᠭᠠᠨ ᠠᠪᠠᠴᠢᠵᠤ ᠤᠩᠰᠢᠵᠤ ᠥᠭᠭᠦᠶᠡ ᠭᠡᠵᠦ ᠷᠧᠳᠡᠺᠲ᠋ᠣᠷ ᠮᠢᠨᠢ ᠬᠡᠯᠡᠪᠡ ᠪᠠᠢᠨᠠ᠃
(ᠣᠷᠣᠰ ᠡᠬᠡ ᠪᠣᠯᠤᠨ ᠣᠷᠴᠢᠭᠤᠯᠤᠭᠴᠢ ᠶ᠋ᠢᠨ ᠭᠠᠷ ᠤ᠋ᠨ ᠪᠢᠴᠢᠯᠭᠡ ᠪᠣᠢ)
※ ※ ※
ᠲᠣᠬᠣᠭᠤ ᠲᠠᠢ ᠰᠢᠷᠲᠡᠬᠦ ᠳ᠋ᠦ᠍ ᠴᠢᠨᠢ ᠪᠢ ᠳᠤᠷᠠ ᠦᠭᠡᠢ ᠴᠢᠩᠭᠢᠵᠦ ᠪᠤᠤ ᠰᠢᠷᠲᠡᠭᠡᠴᠢ
ᠲᠣᠷᠬᠤ ᠨᠢᠭᠤᠴᠠ ᠲᠣᠬᠢᠶᠠᠬᠤ ᠳᠠᠯᠳᠠ ᠶ᠋ᠢ ᠴᠢ ᠮᠡᠳᠡᠴᠢᠬᠡᠭᠰᠡᠨ ᠴᠦ᠍ᠶᠤᠮ ᠰᠢᠭ
ᠲᠣᠯᠣᠭᠠᠢ ᠳ᠋ᠤ᠌ ᠣᠷᠣᠭᠰᠠᠨ ᠮᠥᠷᠦᠭᠡᠰᠦᠯ ᠢ᠋ ᠮᠢᠨᠢ ᠠᠯᠢ ᠬᠡᠳᠦᠢ ᠨᠢ ᠬᠠᠷᠠᠴᠢᠬᠠᠭᠰᠠᠨ ᠴᠤ᠌ ᠶᠤᠮ ᠰᠢᠭ᠋
ᠲᠣᠩᠭᠣᠴᠢᠵᠤ ᠪᠠᠢᠭᠠ ᠵᠢᠷᠦᠬᠡ ᠶ᠋ᠢ ᠮᠢᠨᠢ ᠠᠯᠠᠭᠠᠨ ᠳᠡᠭᠡᠷᠡ ᠪᠡᠨ ᠲᠠᠯᠪᠢᠴᠢᠬᠠᠭᠰᠠᠨ ᠴᠤ᠌ ᠶᠤᠮ ᠰᠢᠭ᠋
ᠥᠭᠡᠷᠡ ᠶᠠᠭᠤ ᠤᠷᠤᠭᠤ ᠴᠤ᠌ ᠪᠢ ᠲᠡᠮᠡᠦᠯᠵᠦ ᠬᠠᠮᠢᠭᠠᠭᠤᠷ ᠴᠤ᠌ ᠶᠠᠪᠤᠯᠠ ᠭᠡᠰᠡᠨ
ᠡᠳᠦᠷ ᠪᠦᠬᠦᠨ ᠢ᠋ ᠮᠢᠨᠢ᠂ ᠠᠯᠬᠤᠮ ᠪᠦᠷᠢ ᠶ᠋ᠢ ᠮᠢᠨᠢ ᠮᠡᠳᠡᠴᠢᠬᠡᠭᠰᠡᠨ ᠰᠢᠭ ᠰᠠᠨᠠᠭᠳᠠᠬᠤ ᠶᠤᠮ
ᠥᠷᠥᠵᠦ ᠴᠣᠭᠴᠠᠯᠠᠬᠤ ᠰᠢᠯᠦᠭ ᠦ᠋ᠨ ᠮᠢᠨᠢ ᠲᠣᠯᠣᠭᠠᠢ ᠳ᠋ᠤ᠌ ᠣᠷᠣᠪᠠ ᠤᠤ᠂ ᠦᠭᠡᠢ ᠤᠤ
ᠥᠴᠥᠭᠡᠳᠦᠷ ᠰᠢᠬᠠᠭᠤ ᠴᠢ ᠤᠩᠰᠢᠴᠢᠬᠠᠭᠠᠳ ᠲᠣᠭᠣᠬᠤ ᠦᠭᠡᠢ ᠪᠠᠢᠬᠤ ᠰᠢᠭ᠋ ᠰᠠᠨᠠᠭᠳᠠᠬᠤ ᠶᠤᠮ
ᠶᠠᠭᠤᠮᠠ ᠪᠦᠬᠦᠨ ᠢ᠋ ᠮᠢᠨᠢ ᠴᠢ ᠤᠷᠢᠲᠠᠵᠤ ᠮᠡᠳᠡᠴᠢᠬᠡᠭᠰᠡᠨ ᠪᠣᠯᠬᠤ ᠪᠠᠷ
ᠶᠠᠭᠤ ᠪᠠᠨ ᠴᠤ᠌ ᠶᠠᠷᠢᠬᠤ ᠪᠢᠯᠡ ᠭᠡᠳ ᠵᠤᠤᠮᠠᠯᠵᠠᠵᠤ ᠪᠠᠢᠬᠤ ᠰᠢᠭ᠋ ᠰᠠᠨᠠᠭᠳᠠᠬᠤ ᠶᠤᠮ
ᠬᠠᠷᠠᠴᠠ ᠶ᠋ᠢᠨ ᠴᠢᠨᠢ ᠡᠯᠡ ᠲᠣᠬᠣᠭᠤᠷᠬᠠᠯ ᠳ᠋ᠤ᠌ ᠠᠶᠠ ᠪᠢ ᠶᠠᠭᠤᠲᠠᠢ ᠳᠤᠷᠠ ᠦᠭᠡᠢ ᠪᠣᠢ!
ᠬᠠᠮᠤᠭ ᠤ᠋ᠨ ᠰᠢᠨᠡ ᠰᠢᠯᠦᠭ ᠰᠣᠨᠣᠰᠤᠭᠠᠴᠢ | ᠰᠠᠶᠢ ᠪᠢ ᠪᠢᠴᠢᠴᠡᠬᠡᠯᠠ᠃
※ ※ ※
ᠬᠤᠷᠠ ᠪᠣᠷᠣᠭᠠᠨ ᠢ᠋ᠶ᠋ᠠᠷ ᠰᠠᠴᠠᠭᠤ ᠬᠡᠷᠡᠯᠳᠦᠵᠦ
ᠬᠠᠷᠠ ᠪᠠᠷᠠᠭᠠᠨ ᠪᠣᠯᠲᠠᠯᠠ ᠪᠠᠨ ᠴᠢᠨᠦᠷᠡᠵᠡᠢ!
《ᠬᠡᠵᠢᠶᠡ ᠴᠦ᠍ ᠤᠴᠢᠷ ᠢ᠋ᠶ᠋ᠠᠨ ᠣᠯᠤᠯᠴᠠᠬᠤ ᠦᠭᠡᠢ ᠨᠢ!
ᠬᠡᠯᠡᠭᠡᠳ ᠬᠡᠯᠡᠨ ᠦ᠌ ᠭᠠᠷᠤᠵᠠ!》 ᠭᠡᠯᠴᠡᠵᠦ
ᠠᠮᠢᠰᠬᠤᠭᠠ᠂ ᠵᠢᠷᠦᠬᠡ ᠲᠣᠳᠣᠷᠠᠵᠤ
ᠠᠮᠠ ᠲᠠᠩᠭᠠᠷᠢᠭ ᠲᠠᠰᠤᠷᠠᠵᠤ
ᠥᠨᠥᠳᠥᠷ ᠯᠡ ᠶᠡᠷᠦ ᠳ᠋ᠡᠭᠡᠨ ᠪᠣᠯᠢᠶᠠ ᠭᠡᠵᠦ
ᠦᠰᠲᠡᠨ ᠳᠠᠢᠰᠤᠨ ᠪᠣᠯᠵᠤ ᠲᠠᠷᠠᠪᠠ ᠠ᠋᠃
ᠣᠷᠣᠬᠤ ᠪᠣᠷᠣᠭᠠᠨ ᠢ᠋ᠶ᠋ᠠᠷ ᠰᠠᠴᠠᠭᠤ ᠪᠡᠶᠡ ᠪᠡᠶᠡ ᠪᠡᠨ
ᠬᠠᠷᠠᠬᠤ ᠴᠤ᠌ ᠦᠭᠡᠢ ᠨᠠᠮᠵᠤᠷᠳᠠᠵᠠᠭᠠᠵᠤ
ᠪᠠᠷᠠᠭᠤᠨ ᠲᠠᠢᠰᠢ ᠪᠢ᠂ ᠵᠡᠭᠦᠨ ᠲᠠᠢᠰᠢ ᠴᠢ
ᠪᠠᠶᠠᠷᠲᠠᠢ ᠴᠤ᠌ ᠭᠡᠯ ᠦᠭᠡᠢ ᠰᠠᠯᠵᠠᠭᠠᠪᠠ᠃
ᠭᠠᠷ ᠪᠠᠷᠢᠬᠤ ᠲᠠᠢ ᠮᠠᠨᠠ ᠲᠠᠢ ᠪᠢ
ᠬᠡᠢ ᠥᠭᠡᠳᠡ ᠪᠡᠨ ᠠᠷᠢᠯᠵᠤ ᠥᠭᠭᠦᠯᠡ᠁
ᠪᠣᠳᠣᠭᠠᠳ ᠴᠤ᠌ ᠶᠠᠭᠠᠬᠢᠬᠤ ᠪᠣᠢ ᠵᠥᠪ ᠪᠤᠷᠤᠭᠤ ᠪᠠᠨ
ᠪᠣᠯᠢᠵᠤ ᠯᠠ ᠠᠮᠠᠷᠠᠶᠠ ᠵᠦᠭᠡᠷ!᠁
ᠬᠠᠷᠠ ᠠᠭᠤᠷ ᠲᠠᠭᠠᠨ ᠪᠢ ᠢᠩᠭᠢᠵᠦ ᠬᠠᠷᠢᠭᠠᠳ
ᠬᠠᠭᠠᠯᠭᠠ ᠪᠠᠨ ᠳᠠᠩᠭᠢᠨᠠᠲᠠᠯᠠ ᠲᠦᠭᠵᠢᠪᠡ
ᠬᠦᠢᠲᠡᠨ ᠪᠣᠷᠣᠭᠠᠨ ᠴᠣᠩᠬᠣ ᠪᠠᠯᠪᠠᠵᠤ
ᠬᠦᠨᠳᠦ ᠡᠭᠦᠯᠡᠰ ᠤᠯᠠᠮ ᠵᠤᠵᠠᠭᠠᠷᠠᠪᠠ᠃
ᠠᠢ᠂ ᠡᠨᠡ ᠴᠢᠨᠢ ᠶᠠᠭᠤ ᠪᠢᠯᠡ ᠥᠨᠥᠬᠢ ᠴᠢᠨᠢ
ᠠᠯᠴᠢᠭᠤᠷ ᠴᠤ᠌ ᠦᠭᠡᠢ ᠲᠣᠯᠣᠭᠠᠢ ᠨᠢᠴᠦᠭᠦᠨ
ᠰᠢᠪᠠᠬᠠᠢ ᠳᠤᠮᠳᠠ ᠬᠠᠯᠤᠱ ᠴᠤ᠌ ᠦᠭᠡᠢ ᠶᠠᠪᠤᠭᠠ
ᠱᠠᠯᠳᠠᠩ ᠰᠢᠬᠠᠭᠤ᠂ ᠴᠤᠪᠠ ᠴᠤ᠌ ᠦᠭᠡᠢ ᠶᠠᠪᠤᠭᠠ!
ᠭᠡᠵᠦ ᠪᠣᠳᠣᠩᠭᠤᠲᠠ ᠪᠠᠨ ᠴᠤᠪᠠ ᠶ᠋ᠢ ᠨᠢ ᠠᠪᠴᠤ
ᠭᠡᠷ ᠡᠴᠡ ᠪᠡᠨ ᠦᠰᠦᠷᠦᠨ ᠭᠠᠷᠤᠯᠠ
ᠬᠠᠳᠬᠤᠯᠭᠠ ᠲᠣᠰᠴᠤ ᠣᠷᠬᠢᠬᠤ ᠪᠣᠢ ᠭᠡᠵᠦ
ᠬᠠᠷᠠ ᠪᠣᠷᠣᠭᠠᠨ ᠢ᠋ᠶ᠋ᠠᠷ ᠴᠢᠮᠠ ᠣᠷᠣᠨᠠᠤ ᠭᠦᠶᠦᠯᠡ᠃
ᠬᠠᠷᠢᠭᠤ ᠵᠠᠬᠢᠳᠠᠯ
ᠥᠨᠥᠳᠥᠷ ᠦ᠋ᠨ ᠰᠢᠤᠳᠠᠨ ᠢ᠋ᠶ᠋ᠠᠷ ᠵᠠᠬᠢᠳᠠᠯ ᠢ᠋ ᠴᠢᠨᠢ ᠠᠪᠤᠯᠠ
ᠥᠳᠬᠡᠨ ᠨᠣᠭᠣᠭᠠ ᠬᠠᠯᠢᠭᠤᠷᠠᠭᠰᠠᠨ ᠴᠠᠳ ᠤ᠋ᠨ ᠬᠢᠷᠠ ᠳᠡᠭᠡᠷᠡ
ᠬᠠᠵᠠᠭᠤᠯᠳᠠᠨ ᠬᠡᠪᠲᠡᠵᠦ ᠤᠩᠰᠢᠯᠠ᠂ ᠪᠠᠶᠠᠷᠯᠠᠯᠠ ᠴᠢᠮᠠ ᠳ᠋ᠠᠭᠠᠨ
ᠬᠠᠢᠷᠠᠯᠠᠨ ᠰᠠᠨᠠᠵᠤ ᠠᠯᠳᠠᠷ ᠨᠡᠷᠡ ᠢᠷᠥᠭᠡᠭᠰᠡᠨ ᠳ᠋ᠦ᠍ ᠴᠢᠨᠢ
ᠨᠡᠷᠡ ᠮᠢᠨᠢ ᠰᠣᠨᠢᠨ ᠤ᠋ ᠨᠢᠭᠤᠷ᠂ ᠵᠢᠷᠤᠭᠲᠤ ᠬᠠᠭᠤᠳᠠᠰᠤᠨ ᠡᠴᠡ
ᠨᠡᠪᠲᠡᠷᠡᠭᠦᠯᠦᠭᠴᠢ ᠶ᠋ᠢᠨ ᠠᠮᠠ᠂ ᠵᠦᠴᠦᠭᠡ ᠶ᠋ᠢᠨ ᠵᠠᠷᠯᠠᠯ ᠡᠴᠡ
《ᠲᠡᠳᠦᠢ ᠴᠠᠭ ᠲᠤ᠌ ᠲᠡᠢᠮᠦ ᠵᠦᠴᠦᠭᠡ᠂ ᠵᠣᠬᠢᠶᠠᠭᠴᠢ ᠨᠢ ᠭᠠᠮᠽᠠᠲ᠋ᠤᠸ》 ᠭᠡᠵᠦ ᠪᠠᠢᠬᠤ ᠶ᠋ᠢ
ᠲᠡᠰᠬᠡᠯ ᠦᠭᠡᠢ ᠬᠦᠰᠡᠩᠭᠡᠨ ᠪᠠᠢᠵᠤ ᠴᠢ ᠪᠢᠴᠢᠭᠰᠡᠨ ᠪᠠᠢᠨᠠ᠃
ᠠᠲᠠᠷ ᠬᠢᠷᠠ ᠶ᠋ᠢ ᠤᠰᠤ ᠬᠠᠭᠠᠯᠵᠤ ᠪᠠᠢᠨᠠ᠂ ᠭᠡᠲᠡᠯᠡ ᠴᠢ
ᠠᠭᠤᠤ ᠶᠡᠬᠡ ᠤᠯᠤᠰ ᠲᠠᠢ ᠨᠠᠮᠠᠶ᠋ᠢ ᠵᠢᠲᠥᠭᠡᠷᠬᠡᠵᠦ
ᠠᠬᠢᠭᠤᠯᠵᠤ ᠵᠦᠴᠦᠭᠡ ᠶ᠋ᠢᠨ ᠵᠣᠬᠢᠶᠠᠯ ᠢ᠋ᠶ᠋ᠠᠨ ᠪᠠᠵᠠᠭᠠᠭᠰᠠᠨ ᠦᠭᠡᠢ ᠭᠡᠬᠦᠶᠤᠮ
ᠠᠶᠠᠭᠠ ᠴᠠᠢ᠂ ᠨᠠᠢᠷᠠᠭᠤᠯᠤᠭᠴᠢ ᠲᠠᠢ ᠪᠠᠨ ᠤᠤᠭᠤᠭᠰᠠᠨ ᠦᠭᠡᠢ ᠭᠡᠬᠦᠶᠤᠮ᠃
ᠬᠣᠩᠭᠣᠷ ᠮᠢᠨᠢ᠂ ᠣᠷᠴᠢᠯᠠᠩ ᠡᠴᠡ ᠪᠢ ᠡᠳᠦᠢᠬᠡᠨ ᠶᠠᠭᠤᠮᠠ ᠬᠦᠰᠡᠨᠡ ᠠ᠋
ᠬᠣᠷᠸᠠ ᠶ᠋ᠢᠨ ᠡᠭᠡᠯ ᠠᠵᠢᠯᠴᠢᠳ ᠲᠠᠢ ᠠᠳᠠᠯᠢᠬᠠᠨ ᠪᠠᠢᠬᠤ ᠶ᠋ᠢ ᠬᠦᠰᠡᠨᠡ
ᠡᠨᠡ ᠯᠡ ᠠᠭᠠᠷ ᠢ᠋ᠶ᠋ᠠᠷ ᠠᠮᠢᠰᠬᠤᠯᠯᠠᠵᠤ ᠪᠤᠭᠤᠷᠤᠯ ᠣᠷᠣᠭᠰᠠᠨ ᠦᠰᠦ ᠶ᠋ᠢ ᠮᠢᠨᠢ
ᠡᠩᠬᠦᠷᠡᠢᠯᠡᠵᠦ ᠴᠢ ᠮᠢᠨᠢ ᠢᠯᠪᠢᠵᠦ ᠪᠠᠢᠭᠠᠰᠠᠢ ᠭᠡᠵᠦ ᠬᠦᠰᠡᠨᠡ᠃
ᠡᠳᠦᠭᠡ ᠴᠢ ᠪᠢᠳᠡ᠂ ᠬᠡᠦᠬᠡᠳ ᠪᠢᠰᠢ᠂ ᠬᠥᠭᠰᠢᠳ ᠪᠢᠰᠢ
ᠡᠨᠡᠭᠦᠪᠡᠷ ᠵᠢᠮᠡᠯᠡᠵᠦ ᠠᠭᠤᠷᠰᠠᠨ ᠠᠯᠠᠭᠠᠳᠠᠬᠤ ᠶᠤᠮ ᠪᠣᠯ
ᠡᠷᠡᠭᠦᠯ ᠤᠬᠠᠭᠠᠨ ᠢ᠋ᠶ᠋ᠠᠨ ᠲᠠᠷᠢᠶᠠ ᠮᠡᠲᠦ ᠠᠭᠤᠯᠤᠭᠰᠠᠨ ᠠᠮᠪᠠᠷᠠ ᠪᠠᠨ
ᠡᠪᠳᠡᠯᠡᠵᠦ ᠬᠣᠭᠣᠰᠣᠯᠠᠨᠠ ᠭᠡᠰᠡᠨ ᠦᠭᠡ ᠰᠢᠦ᠃
ᠴᠡᠭᠡᠵᠢ ᠳᠡᠭᠡᠭᠦᠷ᠂ ᠰᠡᠳᠬᠢᠯ ᠥᠨᠳᠥᠷ ᠨᠤᠲᠤᠭ ᠤ᠋ᠨ ᠬᠢᠨ ᠡᠴᠡ ᠪᠡᠨ
ᠴᠡᠴᠡᠨ ᠴᠡᠯᠮᠡᠭ ᠠᠭᠤᠯᠠ ᠶ᠋ᠢᠨ ᠬᠢᠨ ᠡᠴᠡ ᠪᠡᠨ᠂ ᠲᠠᠷᠢᠶᠠᠴᠢᠳ ᠡᠴᠡ ᠪᠠᠨ
ᠬᠠᠳᠠᠨ ᠬᠠᠨᠠ ᠶ᠋ᠢ ᠪᠤᠲᠠᠯᠬᠤ ᠴᠢᠯᠠᠭᠤᠴᠢᠨ ᠨᠤᠭᠤᠳ ᠡᠴᠡ ᠪᠢ ᠢᠯᠡᠭᠦᠦ ᠭᠡᠵᠦ ᠤᠤ
ᠬᠠᠳᠧᠬᠠᠨ ᠳ᠋ᠤ᠌ ᠰᠠᠭᠤᠭᠠ ᠡᠪᠦᠭᠡᠴᠦᠦᠯ ᠡᠴᠡ ᠪᠡᠨ ᠪᠢ ᠳᠠᠪᠠᠭᠤ ᠭᠡᠵᠦ ᠤᠤ
ᠠᠬᠠᠨ ᠳᠡᠭᠦᠦᠰ ᠳᠤᠮᠳᠠ ᠪᠠᠨ ᠠᠷᠢᠭᠤᠨ ᠳᠤᠷᠠᠰᠬᠠᠯ ᠢ᠋ᠶ᠋ᠠᠨ ᠦᠯᠡᠳᠡᠭᠡᠵᠦ
ᠠᠶᠠᠷᠬᠠᠨ ᠴᠤ᠌ ᠭᠡᠰᠡᠨ ᠠᠯᠳᠠᠷ ᠨᠡᠷᠡ ᠪᠡᠨ᠂ ᠰᠠᠢᠨ ᠦᠢᠯᠡᠰ ᠢ᠋ᠶ᠋ᠡᠨ
ᠠᠯᠲᠠ ᠬᠦᠷᠬᠦ ᠦᠭᠡᠢ ᠫᠠᠢᠯᠤᠤᠷ ᠳᠡᠭᠡᠷᠡ ᠰᠡᠢᠯᠦᠭᠦᠯᠦᠭᠡᠳ
ᠠᠵᠠᠢ ᠪᠤᠭᠤᠷᠤᠯ ᠴᠢᠯᠠᠭᠤᠨ ᠳᠣᠣᠷᠠ᠂ ᠬᠠᠷᠠᠩᠭᠤᠢ ᠳ᠋ᠤ᠌ ᠬᠡᠪᠲᠡᠭᠡ
ᠠᠭᠤᠤ ᠰᠤᠤ ᠨᠢ ᠳᠦᠷᠬᠢᠷᠡᠭᠡ ᠦᠭᠡᠢ ᠨᠦ᠍ᠭᠦᠳ ᠡᠴᠡ ᠪᠡᠨ ᠪᠢ ᠢᠯᠡᠭᠦᠦ ᠭᠡᠵᠦ ᠤᠤ
ᠬᠣᠭᠣᠰᠣᠨ ᠠᠯᠳᠠᠷ ᠢ᠋ᠶ᠋ᠠᠷ ᠬᠡᠢᠷᠬᠡᠵᠦ ᠶᠠᠪᠤᠯᠠ! ᠣᠳᠣ ᠰᠠᠨᠠᠬᠤ ᠳ᠋ᠤ᠌ ᠢᠴᠢᠮᠡᠷ
ᠬᠣᠷᠢᠭᠠᠳ ᠨᠠᠰᠤ ᠮᠢᠨᠢ ᠬᠣᠯᠠ ᠶ᠋ᠢᠨ ᠬᠣᠯᠠ ᠦᠯᠡᠳᠡᠵᠡᠢ
ᠲᠡᠷᠡ ᠠᠯᠳᠠᠷ ᠭᠡᠭᠴᠢ ᠶᠠᠭᠤ ᠪᠣᠢ? ᠬᠥᠯ ᠦᠭᠡᠢ ᠭᠠᠩᠭᠠ ᠳᠡᠭᠡᠷᠡ ᠲᠠᠲᠠᠭᠰᠠᠨ ᠣᠯᠣᠰᠣ
ᠲᠡᠩᠴᠡᠭᠡᠳ ᠭᠠᠷᠴᠤ ᠴᠤ᠌ ᠮᠡᠳᠡᠨᠡ᠂ ᠨᠢᠰᠴᠦ ᠦᠬᠦᠵᠦ ᠴᠦ᠍ ᠮᠡᠳᠡᠨᠡ᠃
ᠠᠵᠢᠯ ᠦᠢᠯᠡᠰ ᠢ᠋ ᠬᠦᠰᠡᠬᠦ ᠡᠴᠡ ᠥᠭᠡᠷᠡ ᠶᠠᠭᠤ ᠶ᠋ᠢ ᠪᠢ ᠬᠦᠰᠡᠬᠦ ᠪᠣᠢ?
ᠠᠷᠪᠠᠨ ᠬᠤᠷᠤᠭᠤ ᠮᠢᠨᠢ ᠬᠣᠭᠣᠰᠣᠨ ᠦᠵᠡᠮᠵᠢ ᠪᠦᠦ ᠪᠠᠢᠭᠠᠰᠠᠢ
ᠠᠯᠳᠠᠷ ᠶᠠᠭᠠᠬᠢᠬᠤ ᠪᠣᠢ᠂ ᠲᠡᠷᠡ ᠬᠦ ᠥᠨᠳᠥᠷ ᠲᠦ᠍ ᠪᠢᠳᠡᠨ ᠢ᠋
ᠠᠮᠢᠳᠤᠷᠠᠭᠤᠯᠵᠤ᠂ ᠲᠡᠵᠢᠭᠡᠵᠦ ᠶᠠᠪᠤᠭᠠ ᠬᠥᠮᠦᠰ ᠯᠡ ᠬᠦᠷᠳᠡᠭ᠃
ᠬᠥᠷᠥᠯ ᠦᠭᠡᠢ᠂ ᠬᠡᠯᠡᠭᠰᠡᠨ ᠢ᠋ᠶ᠋ᠡᠨ ᠮᠠᠷᠲᠠᠪᠠᠯ ᠨᠢ ᠨᠠᠮᠠᠶ᠋ᠢ
ᠬᠥᠮᠦᠰ ᠮᠢᠨᠢ ᠰᠡᠭᠰᠦᠷᠴᠦ ᠰᠡᠭᠡᠭᠡ ᠣᠷᠣᠭᠤᠯᠤᠭᠠᠷᠠᠢ
ᠠᠢᠯ ᠤ᠋ᠨ ᠬᠤᠷᠢᠮ ᠳ᠋ᠤ᠌ ᠪᠥᠵᠢᠬᠦ ᠡᠴᠡ ᠪᠡᠨ ᠬᠡᠲᠦᠷᠡᠭᠰᠡᠨ ᠵᠢᠭᠠᠯ ᠮᠡᠲᠦ
ᠠᠷᠠᠰᠤ ᠶ᠋ᠢ ᠮᠢᠨᠢ ᠬᠠᠭᠤᠯᠤᠭᠠᠳ ᠥᠭᠭᠦᠭᠡᠷᠡᠢ᠂ ᠭᠡᠮ ᠦᠭᠡᠢ᠃
※※※
ᠰᠠᠢᠨ ᠬᠥᠮᠦᠨ ᠢ᠋ ᠴᠦ᠍ ᠰᠠᠯᠭᠠᠳᠠᠭ ᠤᠳᠠᠭᠠ ᠲᠠᠢ
ᠰᠠᠨᠠᠭᠠ ᠮᠠᠭᠤᠳᠠᠨ ᠰᠠᠯᠬᠢᠨ ᠤᠯᠠᠭᠠ ᠲᠠᠢ
ᠰᠠᠢᠬᠠᠨ ᠴᠢᠮᠠ ᠳ᠋ᠤ᠌ ᠮᠢᠨᠢ ᠲᠡᠳᠡᠨ ᠦ᠌ ᠬᠣᠪ ᠵᠢᠪ
ᠰᠠᠨᠠᠭᠰᠠᠨ ᠨᠠᠳᠠ ᠡᠴᠡ ᠲᠡᠷᠢᠭᠦᠯᠡᠨ ᠬᠦᠷᠴᠡᠢ᠃
ᠣᠪᠣᠢᠵᠤ ᠲᠡᠳᠡ ᠨᠠᠷ ᠳᠡᠭᠡᠭᠰᠢ ᠪᠡᠨ ᠲᠠᠬᠢᠭᠳᠠᠭᠠᠳ
ᠣᠪᠵᠢᠨ ᠴᠤᠤᠷᠬᠠᠯ ᠨᠢ ᠦᠨᠡᠨ ᠰᠠᠨᠠᠭᠳᠠᠭᠠᠳ
ᠣᠷᠣᠨ ᠳ᠋ᠤᠨᠢ ᠪᠢ᠂ ᠮᠠᠭᠤ ᠬᠥᠮᠦᠨ ᠬᠠᠷᠠᠭᠳᠠᠭᠠᠳ
ᠣᠭᠲᠣ ᠶ᠋ᠢᠨ ᠤᠷᠢᠯᠭᠠ ᠦᠭᠡᠢ ᠠᠢᠯᠴᠢᠨ ᠰᠢᠭ᠋ ᠬᠠᠶᠠᠭᠳᠠᠭᠠᠳ
ᠨᠣᠮ ᠱᠠᠭᠠᠢᠵᠤ ᠴᠢ ᠪᠤᠯᠤᠩ ᠳ᠋ᠤ᠌ ᠴᠣᠮᠴᠣᠢᠨᠠ
ᠲᠣᠮᠣ ᠵᠠᠩ ᠢ᠋ᠶ᠋ᠠᠷ ᠴᠢ ᠥᠪᠡᠷ ᠲᠡᠭᠡᠨ ᠴᠡᠮᠴᠡᠢᠨᠡ
ᠠᠷᠴᠠᠭᠠ ᠦᠭᠡᠢ ᠳᠠᠩᠬᠤᠨ ᠳ᠋ᠤ᠌ ᠬᠣᠷᠣ ᠰᠢᠷᠠ ᠪᠠᠨ ᠭᠠᠷᠭᠠᠭᠰᠠᠭᠠᠷ
ᠠᠶᠠᠭᠠ ᠴᠠᠢ ᠭᠠᠯ ᠳᠡᠭᠡᠷᠡ ᠪᠡᠨ ᠲᠠᠯᠪᠢᠪᠠ᠃
ᠠᠪᠴᠢᠷᠠᠭᠰᠠᠨ ᠪᠡᠯᠡᠭ ᠢ᠋ ᠮᠢᠨᠢ ᠦᠯᠦ ᠲᠣᠭᠣᠪᠠ ᠯᠠ
ᠠᠭᠠᠳᠠᠷ ᠳᠤᠰᠤᠯᠠᠵᠤ ᠪᠠᠢᠭᠠ ᠮᠡᠲᠦ ᠦᠷᠴᠢᠢᠪᠡ ᠯᠡ
ᠮᠤᠤᠷ ᠢ᠋ ᠨᠢ ᠢᠯᠪᠢᠪᠡᠰᠦ ᠣᠢᠰᠢᠶᠠᠮᠵᠢᠲᠠᠢ ᠲᠡᠷᠡ ᠠᠮᠢᠲᠠᠨ
ᠮᠠᠭᠤᠬᠠᠨ ᠬᠢᠨᠤᠵᠤ ᠰᠠᠢᠬᠠᠨ ᠬᠡᠷᠴᠢᠭᠢᠨᠡᠪᠡ ᠯᠡ᠃
ᠡᠭᠦᠳᠡ ᠪᠡᠷ ᠨᠢ ᠭᠠᠷᠤᠯᠠ᠂ ᠨᠣᠬᠠᠢ ᠨᠢ ᠡᠷᠬᠡᠯᠡᠨ ᠬᠤᠴᠠᠵᠤ
ᠦᠰᠦᠷᠦᠨ ᠢᠷᠡᠵᠦ ᠰᠢᠷᠪᠠᠭᠠᠨᠠᠨ ᠴᠣᠷᠣᠢᠪᠠ
ᠡᠯᠡ ᠠᠢᠯ ᠳ᠋ᠤ᠌ ᠪᠢ᠂ ᠬᠥᠮᠦᠨ ᠦ᠌ ᠬᠥᠮᠦᠨ ᠪᠣᠯᠵᠤ ᠭᠦᠢᠴᠡᠵᠡᠢ
ᠡᠨᠡ ᠨᠣᠬᠠᠢ ᠡᠴᠡ ᠪᠤᠰᠤᠳ ᠨᠢ ᠬᠠᠢᠬᠤᠷᠬᠤ ᠦᠭᠡᠢ ᠪᠣᠯᠵᠠᠢ
ᠠᠶᠠ᠂ ᠬᠥᠮᠦᠨ ᠦ᠌ ᠮᠥᠰᠥ ᠦᠭᠡᠢ ᠬᠦᠢᠲᠡᠨ ᠴᠠᠪᠳᠠᠭ ᠢ᠋ᠶ᠋ᠠᠷ
ᠠᠷᠢᠭᠤᠨ ᠴᠠᠭᠠᠨ ᠬᠥᠮᠦᠨ ᠢ᠋ ᠶᠠᠭᠤᠨ ᠳ᠋ᠤ᠌ ᠲᠠᠷᠴᠢᠯᠠᠭᠠᠨᠠ ᠪᠣᠢ?
ᠡᠨᠡ ᠪᠦᠬᠦᠨ ᠬᠤᠳᠠᠯ ᠭᠡᠰᠡᠨ ᠵᠢᠭᠠᠬᠠᠨ ᠦᠭᠡ ᠯᠡ
ᠡᠷᠭᠢᠭᠦᠯᠦᠨᠡ ᠰᠢᠦ ᠳᠡ᠂ ᠮᠢᠨᠦ ᠠᠵᠠ ᠵᠢᠷᠭᠠᠯ ᠢ᠋!
ᠴᠢᠮᠠᠶ᠋ᠢ ᠶᠠᠪᠤᠬᠤ ᠪᠠᠷ
ᠠᠭᠤᠯᠠᠨ ᠳ᠋ᠤ᠌ ᠵᠤᠰᠠᠬᠤ ᠪᠠᠷ ᠴᠢᠮᠠᠶ᠋ᠢ ᠶᠠᠪᠤᠬᠤ ᠳ᠋ᠤ᠌
ᠠᠭᠠᠵᠢᠭᠤ ᠲᠠᠢᠪᠤᠩ ᠪᠠᠢᠭᠠ ᠬᠥᠮᠦᠨ ᠪᠣᠯᠵᠤ ᠪᠢ
ᠦᠳᠡ ᠶ᠋ᠢᠨ ᠨᠠᠷᠠ ᠰᠢᠭ᠋ ᠥᠩᠭᠡ ᠣᠷᠣᠭᠰᠠᠨ ᠴᠢᠮᠠᠶ᠋ᠢ ᠪᠠᠨ
ᠦᠳᠡᠵᠦ᠄《 ᠰᠠᠢᠨ ᠶᠠᠪᠤᠭᠠᠷᠠᠢ 》 ᠭᠡᠪᠡ᠃
ᠬᠠᠷᠢᠨ ᠲᠡᠭᠡᠲᠡᠯᠡ ᠲᠡᠷᠡ ᠣᠷᠣᠢ ᠳ᠋ᠠᠭᠠᠨ
ᠬᠠᠵᠢᠨ ᠳ᠋ᠤ᠌ ᠣᠷᠣᠭᠰᠠᠨ ᠭᠥᠷᠥᠭᠡᠰᠦ ᠰᠢᠭ ᠪᠣᠯᠵᠤ
ᠬᠠᠴᠢᠨ ᠬᠥᠩᠭᠡᠨ ᠵᠠᠩᠨᠠᠭᠰᠠᠨ ᠢ᠋ᠶ᠋ᠠᠨ ᠤᠬᠠᠭᠠᠷᠠᠵᠤ
ᠬᠠᠷᠠᠮᠰᠠᠨ ᠰᠢᠨᠠᠯᠵᠤ ᠡᠬᠢᠯᠡᠬᠦ ᠨᠢ ᠲᠡᠷᠡ᠃
ᠰᠠᠷᠢᠳᠠᠭ ᠤ᠋ᠨ ᠨᠤᠷᠠᠯᠲᠠ ᠳ᠋ᠤ᠌ ᠵᠠᠮ ᠨᠢ ᠰᠦᠢᠷᠡᠭᠡᠳ
ᠰᠠᠢᠵᠢᠷᠠᠭᠤᠯᠬᠤ ᠠᠵᠢᠯᠴᠢᠳ ᠨᠢ ᠱᠠᠯ ᠰᠣᠭᠲᠣᠭᠠᠳ
ᠰᠠᠭᠠᠲᠠᠯ ᠡᠴᠡ ᠪᠣᠯᠵᠤ᠂ ᠴᠠᠭᠠᠰᠢ ᠪᠤᠤ ᠶᠠᠪᠤᠭᠠᠰᠠᠢ ᠭᠡᠵᠦ
ᠰᠠᠨᠠᠭᠠᠨ ᠳ᠋ᠤ᠌ ᠬᠠᠴᠢᠨ ᠪᠣᠳᠣᠯ ᠴᠤ᠌ ᠲᠥᠷᠥᠬᠦ ᠰᠢᠭ᠃
ᠠᠭᠠᠳᠠᠷ ᠪᠣᠷᠣᠭᠠᠨ ᠳ᠋ᠤ᠌ ᠭᠦᠦᠷ ᠨᠢ ᠡᠪᠳᠡᠷᠡᠭᠡᠳ
ᠠᠭᠰᠤᠷᠤᠨ ᠪᠤᠴᠠᠯᠬᠤ ᠺᠦᠢᠰᠦ᠋ ᠭᠣᠣᠯ ᠳᠡᠭᠡᠷᠡ
ᠠᠷᠭᠠ ᠪᠠᠨ ᠪᠠᠷᠠᠭᠠᠳ ᠵᠣᠭᠰᠣᠭᠠᠰᠠᠢ ᠭᠡᠰᠡᠨ
ᠠᠷᠴᠠᠭᠠ ᠦᠭᠡᠢ ᠶᠠᠭᠤᠮᠠ ᠴᠤ᠌ ᠰᠠᠨᠠᠭᠠᠨ ᠳ᠋ᠤ᠌ ᠣᠷᠣᠬᠤ ᠰᠢᠭ᠋
ᠥᠪᠡᠷ ᠦ᠋ᠨ ᠴᠢᠨᠢ ᠤᠷᠤᠭ ᠲᠥᠷᠥᠯ ᠲᠡᠭᠡᠭᠡᠳ
ᠡᠳᠦᠷ ᠦ᠋ᠨ ᠳᠠᠭᠤᠰᠤᠨ ᠥᠭᠡᠯᠡᠨ ᠵᠢᠮᠡᠯᠡᠵᠦ
ᠡᠷᠭᠢᠭᠦᠯᠦᠭᠡᠳ ᠬᠦᠷᠭᠡᠵᠦ ᠠᠯᠢ ᠭᠡᠵᠦ ᠴᠢ ᠮᠢᠨᠢ
ᠡᠯᠳᠡᠪ ᠢ᠋ᠶ᠋ᠡᠷ ᠭᠤᠶᠤᠵᠤ ᠪᠠᠢᠭᠠᠰᠠᠢ᠂ ᠡᠳᠦᠢ ᠳ᠋ᠦ᠍᠃
ᠡᠯᠡᠷ ᠪᠠᠯᠠᠷ ᠤ᠋ᠨ ᠵᠢᠷᠭᠤᠳᠤᠭᠠᠷ ᠵᠠᠭᠤᠨ ᠳ᠋ᠤ᠌
ᠡᠷᠲᠡᠨ ᠦ᠌ ᠬᠢᠲᠠᠳ ᠤ᠋ᠨ ᠭᠠᠷᠭᠠᠭᠰᠠᠨ ᠳᠠᠭᠤᠤ ᠰᠢᠭ᠋
ᠡᠯᠢᠭᠡ ᠵᠢᠷᠦᠬᠡᠨ ᠦ᠌ ᠭᠡᠬᠢᠯᠵᠡᠭᠰᠡᠨ ᠭᠤᠨᠢᠭ
ᠡᠳᠦᠭᠡ ᠦᠳᠡᠰᠢ ᠪᠡᠷ ᠤᠯᠠᠮ ᠵᠤᠵᠠᠭᠠᠷᠠᠪᠠ᠃
ᠦᠶᠡ ᠦᠶᠡᠷᠬᠡᠨ ᠭᠣᠮᠣᠷᠬᠠᠵᠤ ᠶᠠᠪᠤᠭᠰᠠᠨ ᠴᠤ᠌ ᠭᠡᠯᠡ
ᠦᠢ ᠵᠠᠢ ᠦᠭᠡᠢ ᠴᠢᠮᠠ ᠳ᠋ᠠᠭᠠᠨ ᠬᠠᠢᠷᠠᠲᠠᠢ ᠶᠤᠮᠰᠠᠨᠵᠠᠢ
ᠦᠶᠡᠷ ᠪᠣᠷᠣᠭᠠ᠂ ᠵᠠᠮ ᠭᠦᠦᠷ ᠮᠡᠲᠦᠰ ᠲᠦ᠍
ᠶᠠᠮᠠᠷ ᠰᠠᠢᠨ ᠳ᠋ᠠᠭᠠᠨ ᠵᠠᠯᠪᠠᠷᠢᠵᠤ ᠰᠠᠭᠤᠬᠤ ᠪᠣᠢ᠃
ᠶᠠᠪᠤᠯᠠ ᠪᠢ ᠴᠢᠨᠢ
ᠠᠯᠳᠠᠷᠠᠢ ᠮᠢᠨᠢ᠂ ᠶᠠᠪᠤᠯᠠ ᠪᠢ ᠴᠢᠨᠢ
ᠠᠪᠴᠤ ᠶᠠᠪᠤᠬᠤ ᠠᠴᠢᠶᠠ ᠦᠭᠡᠢ᠂ ᠬᠠᠷᠢᠨ ᠴᠢᠮᠠ ᠳ᠋ᠠᠭᠠᠨ
ᠠᠷᠢᠭᠤᠬᠠᠨ ᠥᠷᠯᠥᠭᠡᠨ ᠦ᠌ ᠰᠢᠪᠠᠭᠤᠨ ᠱᠤᠯᠤᠭᠠᠨᠠᠭᠠ ᠶ᠋ᠢ
ᠠᠩᠬᠢᠯᠤᠭᠤᠨ ᠬᠠᠪᠤᠷ ᠤ᠋ᠨ ᠡᠨᠡ ᠰᠠᠯᠬᠢ ᠶ᠋ᠢ ᠤᠷᠭᠢᠶᠠ᠃
ᠳᠠᠯᠠᠢ ᠶ᠋ᠢ ᠵᠣᠷᠢᠭᠰᠠᠨ ᠺᠦᠢᠰᠦ᠋ ᠭᠣᠣᠯ ᠤ᠋ᠨ ᠤᠷᠤᠰᠬᠠᠯ ᠢ᠋
ᠳᠠᠪᠠᠯᠭᠠᠨᠲᠤ ᠺᠠᠰᠫᠢ ᠶ᠋ᠢᠨ ᠠᠯᠤᠰ ᠤᠷᠤᠰᠬᠤ ᠳᠠᠭᠤᠷᠢᠰᠬᠤ ᠳᠠᠭᠤᠨ ᠢ᠋
ᠰᠠᠭᠯᠠᠭᠠᠷ ᠣᠢ ᠶ᠋ᠢᠨ ᠣᠩᠭᠣᠨ ᠴᠡᠴᠡᠭᠡᠰ ᠢ᠋
ᠰᠠᠷᠠᠨ ᠤ᠋ ᠮᠥᠩᠭᠥᠨ ᠲᠤᠶᠠᠭᠠ ᠶ᠋ᠢ ᠴᠢᠮᠠ ᠳ᠋ᠠᠭᠠᠨ ᠤᠷᠭᠢᠶᠠ᠃
ᠠᠰᠬᠠᠬᠤ ᠬᠤᠷᠠ᠂ ᠱᠠᠭᠠᠬᠢᠬᠣ ᠪᠣᠷᠣᠭᠠᠨ ᠤ᠋ ᠵᠦᠮᠪᠦᠷ ᠲᠡᠢ
ᠠᠪᠤᠷᠭᠤ ᠴᠣᠬᠢᠶᠠ ᠮᠥᠷᠥᠯᠡᠭᠰᠡᠨ ᠥᠨᠳᠥᠷ ᠲᠠᠰᠢᠯᠠᠩ ᠢ᠋
ᠠᠮᠠᠷᠠᠬᠤ ᠨᠣᠢᠷ ᠢ᠋ᠶ᠋ᠠᠨ ᠬᠤᠭᠤᠰᠯᠠᠭᠰᠠᠨ ᠡᠵᠢ ᠶ᠋ᠢᠨ ᠨᠢᠳᠦᠨ᠂
ᠠᠷᠢᠭᠤᠨ ᠬᠠᠴᠠᠷ ᠳᠡᠭᠡᠷᠡᠬᠢ ᠳᠣᠭᠣᠯᠠᠩ ᠨᠢᠯᠪᠤᠰᠤ ᠨᠢ ᠨᠢ ᠦᠯᠡᠳᠡᠭᠡᠶᠡ᠃
ᠰᠣᠯᠠᠺᠢ ᠶ᠋ᠢᠨ ᠢ᠋ᠶ᠋ᠡᠨ ᠤᠷᠤᠰᠬᠠᠯ ᠢ᠋ ᠪᠢ ᠠᠪᠴᠤ ᠶᠠᠪᠤᠬᠤ ᠦᠭᠡᠢ
ᠰᠤᠭᠰᠤᠷᠴᠤ ᠮᠥᠷᠥ ᠪᠡᠷ ᠲᠠᠲᠠᠭᠰᠠᠨ ᠨᠣᠭᠣᠭᠠ ᠶ᠋ᠢ ᠨᠢ ᠴᠦ᠍
ᠰᠤᠯᠠ ᠠᠰᠬᠠᠷᠠᠵᠤ ᠴᠢᠮᠠᠶ᠋ᠢ ᠮᠢᠨᠢ ᠡᠭᠡᠭᠡᠭᠰᠡᠨ ᠭᠡᠷᠡᠯ ᠢ᠋ ᠨᠢ ᠴᠦ᠍
ᠰᠤᠷ ᠳᠡᠭᠡᠰᠦ ᠪᠡᠷ ᠪᠠᠭᠯᠠᠭᠠᠳ ᠶᠠᠪᠤᠴᠢᠬᠠᠵᠤ ᠪᠣᠯᠬᠤ ᠪᠢᠰᠢ᠃
ᠤᠨᠠᠭᠠᠨ ᠪᠠᠭᠠ ᠡᠴᠡ ᠰᠡᠳᠬᠢᠯ ᠢᠳᠡᠭᠡᠰᠢᠵᠦ ᠥᠰᠦᠭᠰᠡᠨ
ᠠᠭᠤᠯᠠ ᠣᠷᠢᠶᠠᠭᠰᠠᠨ ᠰᠤᠷ ᠤ᠋ᠨ ᠪᠦᠰᠡ ᠰᠢᠭ ᠵᠢᠮ ᠢ᠋
ᠤᠷᠢ ᠬᠠᠩᠬᠤᠯᠬᠤ ᠨᠠᠮᠤᠷ ᠤ᠋ᠨ ᠬᠠᠳᠤᠯᠠᠩ ᠤ᠋ᠨ ᠰᠢᠮᠡ ᠶ᠋ᠢ
ᠤᠷᠲᠤ ᠶ᠋ᠢᠨ ᠵᠠᠮ ᠳ᠋ᠤ᠌ ᠪᠢ ᠠᠪᠤᠭᠠᠳ ᠶᠠᠪᠤᠴᠢᠬᠠᠵᠤ ᠴᠢᠳᠠᠬᠤ ᠦᠭᠡᠢ᠃
ᠬᠤᠷᠠ ᠪᠣᠷᠣᠭᠠ᠂ ᠬᠤᠷᠴᠠ ᠨᠠᠷᠠ ᠲᠠᠢ ᠴᠡᠩᠬᠡᠷ ᠲᠩᠷᠢ ᠪᠡᠨ
ᠬᠣᠷᠭᠣᠵᠤ ᠨᠢᠰᠦᠭᠰᠡᠨ ᠲᠣᠭᠣᠷᠤᠤ ᠶ᠋ᠢᠨ ᠴᠤᠪᠤᠭᠠ ᠲᠠᠢ ᠨᠢ ᠤᠷᠭᠢᠶᠠ᠁
ᠬᠤᠪᠢ ᠳ᠋ᠠᠭᠠᠨ ᠪᠢ ᠭᠡᠪᠡᠴᠦ᠂ ᠬᠠᠮᠤᠭ ᠤ᠋ᠨ ᠶᠡᠬᠡ ᠶᠠᠭᠤᠮᠠ ᠠᠪᠴᠤ ᠶᠠᠪᠤᠶᠠ
ᠬᠤᠪᠢᠷᠠᠰᠢ ᠦᠭᠡᠢ ᠬᠠᠢᠷᠠ ᠶ᠋ᠢᠨ ᠰᠡᠳᠬᠢᠯ ᠢ᠋ᠶ᠋ᠡᠨ ᠠᠪᠴᠤ ᠶᠠᠪᠤᠶᠠ᠃
※ ※ ※
ᠳᠠᠭᠠᠭᠠᠮᠠᠢ ᠲᠠᠨᠢᠯ ᠴᠤ᠌ ᠶᠤᠮ ᠊ᠤᠤ᠂ ᠳᠠᠭᠠᠷᠢᠯᠳᠤᠭᠰᠠᠨ ᠬᠥᠮᠦᠨ ᠴᠦ᠍ᠶᠤᠮ ᠊ᠤᠤ
ᠳᠠᠩᠴᠤ ᠴᠢᠮᠠᠶ᠋ᠢ ᠮᠢᠨᠢ ᠲᠤᠭᠤᠯ ᠦᠭᠡᠢ᠂ ᠪᠦᠷ ᠬᠠᠷᠠᠬᠤ ᠴᠤ᠌ ᠦᠭᠡᠢ ᠥᠩᠭᠡᠷᠡᠵᠦ
ᠠᠢᠬᠤᠪᠲᠤᠷ ᠭᠣᠮᠣᠳᠠᠬᠤ ᠶ᠋ᠢᠨ ᠲᠡᠷᠡ ᠠᠶᠤᠯ ᠡᠴᠡ ᠴᠢᠮᠠᠶ᠋ᠢ ᠪᠠᠨ
ᠠᠪᠤᠷᠠᠵᠤ ᠴᠢᠳᠠᠬᠤ ᠦᠭᠡᠢ ᠪᠣᠯ ᠊ᠤᠤ ᠭᠡᠵᠦ ᠠᠶᠤᠬᠤ ᠶᠤᠮ
ᠠᠶᠤᠬᠤ ᠶ᠋ᠢᠨ ᠴᠠᠭᠠᠭᠤᠷ ᠠᠶᠤᠬᠤ ᠶᠤᠮ᠃
ᠬᠣᠷᠣᠮᠬᠠᠨ ᠢ᠋ᠶ᠋ᠠᠨ ᠳᠡᠭᠳᠡᠭᠰᠡᠨ ᠰᠠᠯᠬᠢ᠂ ᠴᠢ ᠪᠢᠳᠡᠨ ᠦ᠌
ᠬᠣᠯᠪᠣᠭᠠᠰᠤ ᠤᠲᠠᠰᠤ ᠶ᠋ᠢ ᠲᠠᠰᠤ ᠦᠯᠢᠶᠡᠬᠦ ᠪᠣᠢ ᠭᠡᠵᠦ ᠠᠶᠤᠨᠠᠮ
ᠬᠣᠪᠣᠷᠬᠠᠨ ᠵᠢᠷᠭᠠᠯ ᠮᠠᠨᠢ ᠨᠢᠮᠭᠡᠨ ᠰᠢᠯ ᠶᠦ᠍ᠮ
ᠬᠣᠣᠰ ᠦᠭᠡᠢ ᠨᠢᠮᠭᠡᠨ ᠲᠣᠰᠤᠮ ᠢ᠋ᠶ᠋ᠠᠨ ᠬᠠᠭᠠ ᠲᠤᠰᠬᠤ ᠨᠢ ᠢᠯᠡ ᠶᠤᠮ᠃
ᠠᠶᠤᠬᠤ ᠵᠣᠪᠠᠨᠢᠬᠤ ᠶ᠋ᠢᠨ ᠮᠢᠨᠢ ᠶᠡᠬᠡ ᠳᠠᠯᠠᠢ
ᠠᠮᠠᠷᠠᠭ ᠴᠢᠮᠠᠶ᠋ᠢ ᠡᠷᠭᠢᠭᠦᠯᠦᠨ ᠤᠷᠤᠰᠬᠠᠬᠤ ᠪᠣᠢ ᠭᠡᠵᠦ
ᠠᠷᠪᠢᠨ ᠲᠡᠭᠦᠨ ᠦ᠌ ᠭᠠᠰᠢᠭᠤᠨ ᠨᠢᠰᠤᠭᠤᠨ ᠳᠣᠯᠭᠢᠰ ᠳᠤᠮᠳᠠ
ᠠᠯᠠᠭ ᠨᠢᠳᠦᠨ ᠳ᠋ᠦ᠍ ᠴᠢᠨᠢ ᠨᠢᠯᠪᠤᠰᠤ ᠤᠨᠠᠬᠤ ᠪᠣᠢ ᠭᠡᠵᠦ
ᠠᠶᠤᠨᠠᠮ᠂ ᠠᠶᠤᠨᠠᠮ᠂ ᠶᠠᠭᠠᠬᠢᠨᠠᠮ | ᠡᠢᠨᠡᠮ᠃᠃
※ ※ ※
ᠠᠯᠳᠠᠷᠲᠤ ᠺᠡᠦ᠋ᠺᠡᠽ ᠦ᠋ᠨ ᠰᠠᠢᠬᠠᠨ ᠪᠦᠰᠡᠭᠦᠢ
ᠠᠷᠴᠢᠵᠤ ᠥᠩᠭᠡᠯᠡᠭᠡᠳ ᠲᠡᠨᠢᠢᠯᠭᠡᠨ ᠲᠠᠲᠠᠭᠰᠠᠨ ᠶᠤᠮ ᠰᠢᠭ᠋
ᠠᠯᠤᠰᠯᠠᠬᠤ ᠬᠥᠨᠳᠡᠢ᠂ ᠵᠦᠯᠭᠡ ᠨᠤᠭᠤ ᠰᠡᠷᠭᠦᠭᠡᠳ
ᠠᠷᠢᠭᠤᠬᠠᠨ ᠨᠣᠭᠣᠭᠠᠨ ᠢ᠋ᠶ᠋ᠠᠷ ᠨᠢᠳᠦ ᠪᠤᠯᠢᠶᠠᠨ ᠴᠠᠯᠠᠢᠪᠠ᠃
ᠬᠠᠷᠢᠨ ᠂ ᠨᠣᠭᠣᠭᠠ ᠭᠠᠷᠬᠤ ᠶ᠋ᠢᠨ ᠲᠣᠭᠠᠯᠠᠩ ᠢ᠋ᠶ᠋ᠠᠷ
ᠬᠠᠢᠷᠠᠲᠤ ᠨᠥᠬᠥᠷ ᠮᠢᠨᠢ᠂ ᠴᠢ ᠪᠢᠳᠡ ᠪᠤᠭᠤᠷᠤᠯᠲᠤᠪᠠ ᠠ᠋᠃
ᠦᠦᠷ ᠦ᠋ᠨ ᠭᠡᠭᠡ ᠤᠯᠠᠢᠷᠠᠨ ᠤᠯᠠᠢᠷᠠᠨ ᠬᠦ
ᠡᠭᠦᠯᠡ ᠶ᠋ᠢᠨ ᠪᠡᠶᠡ ᠶ᠋ᠢ ᠶᠠᠭᠠᠷᠠᠭᠤᠯᠤᠨ ᠭᠤᠶᠤᠪᠠ ᠠ᠋
ᠪᠤᠬᠠ ᠶ᠋ᠢᠨ ᠣᠷᠣᠢ ᠳ᠋ᠤ᠌ ᠬᠦᠷᠡᠩ ᠤᠯᠠᠭᠠᠨ
ᠪᠣᠳᠣᠭ ᠰᠢᠭ᠋ ᠥᠩᠭᠡ ᠶ᠋ᠢ ᠰᠤᠷᠮᠠᠭ ᠬᠠᠶᠠᠪᠠ ᠠ᠋᠃
ᠦᠦᠷ ᠦ᠋ᠨ ᠭᠡᠭᠡ ᠤᠯᠠᠢᠷᠠᠨ ᠤᠯᠠᠢᠷᠠᠨ ᠪᠦᠷ
ᠦᠰᠦ ᠮᠢᠨᠢ ᠴᠠᠢᠷᠠᠨ ᠴᠠᠢᠷᠠᠪᠠ᠂ ᠨᠠᠢᠵᠠ ᠮᠢᠨᠢ
ᠬᠥᠬᠡᠷᠡᠨ ᠴᠡᠩᠬᠡᠷᠳᠡᠪᠡ ᠠ᠋᠂ ᠬᠠᠨ ᠬᠤᠷᠮᠤᠰᠲᠠ
ᠬᠥᠪᠥᠩ ᠡᠭᠦᠯᠡ ᠲᠡᠢ ᠴᠡᠩᠬᠡᠷ ᠠᠲᠠᠷ
ᠬᠣᠯᠠ ᠶ᠋ᠢᠨ ᠠᠭᠤᠯᠠᠰ ᠬᠦᠷᠲᠡᠯᠡ ᠴᠡᠩᠬᠡᠷ ᠢ᠋ᠶ᠋ᠡᠷ ᠬᠦᠦᠰᠢᠯᠡᠵᠦ
ᠬᠣᠩᠬᠣᠯᠠᠢ ᠪᠢᠴᠢᠬᠠᠨ ᠴᠡᠩᠬᠡᠷ ᠢ᠋ᠶ᠋ᠡᠷ ᠵᠢᠩᠭᠢᠨᠡᠪᠡ ᠠ᠋᠃
ᠬᠠᠨ ᠬᠤᠷᠮᠤᠰᠲᠠ ᠶ᠋ᠢᠨ ᠬᠥᠬᠡᠷᠡᠨ ᠴᠡᠯᠡᠢᠬᠦ ᠪᠦᠷᠢ
ᠬᠠᠷᠠ ᠦᠰᠦ ᠮᠢᠨᠢ ᠴᠠᠢᠷᠠᠨ ᠪᠠᠭᠣᠷᠠᠢᠪᠠ ᠠ᠋ ᠬᠦ
ᠠᠭᠤᠵᠢᠮ ᠲᠠᠯᠠ ᠬᠥᠨᠳᠡᠢ ᠵᠠᠯᠠᠭᠣᠰᠠᠵᠣ ᠪᠠᠢᠨᠠ᠁
ᠤᠷᠠᠨ ᠦᠭᠡ ᠬᠡᠯᠡᠬᠦ ᠨᠢ ᠪᠤᠰᠤ᠂ ᠲᠡᠭᠦᠪᠡᠷ ᠶᠠᠭᠠᠬᠢᠬᠤ ᠪᠣᠢ
ᠤᠯᠢᠶᠠᠩᠭᠠᠷ ᠤ᠋ᠨ ᠴᠠᠭᠠᠨ ᠨᠣᠣᠭᠣᠯᠣᠷ ᠭᠡᠵᠦ ᠠᠨᠳᠠᠭᠤᠷᠠᠯᠲᠠ ᠦᠭᠡᠢ
ᠤᠨᠠᠭᠠᠨ ᠰᠠᠨᠴᠢᠭ ᠲᠤ᠌ ᠮᠠᠨᠢ ᠴᠠᠰᠤ ᠪᠤᠰᠤ ᠦᠰᠦ ᠴᠠᠢᠪᠠ᠃
ᠴᠢ ᠪᠢᠳᠡ ᠬᠣᠶᠠᠷ ᠬᠡᠭᠡᠷᠡ ᠲᠠᠯᠠ ᠪᠤᠰᠤ
ᠴᠢᠭᠢᠭᠲᠦ ᠵᠤᠨ ᠢ᠋ᠶ᠋ᠠᠷ ᠴᠤ᠌ ᠴᠠᠢᠷᠠᠬᠤ ᠣᠷᠭᠢᠯ ᠤ᠋ᠳ ᠪᠤᠶᠤ᠃
※ ※ ※
ᠬᠡᠳᠦ ᠨᠣᠵᠣᠭᠣᠷᠠᠬᠤ ᠳᠦᠩᠰᠦᠭᠡᠷᠬᠡᠨ ᠰᠥᠨᠢ ᠪᠡᠷ
ᠬᠡᠴᠡ ᠥᠨᠳᠥᠷ ᠦ᠋ᠨ ᠳᠠᠷᠬᠠᠨ ᠪᠣᠱᠣᠭᠠ ᠶ᠋ᠢ ᠠᠯᠬᠤᠵᠤ
ᠪᠦᠯᠦᠭ ᠴᠦᠯᠦᠭ ᠣᠳᠣ ᠲᠠᠢ ᠦᠦᠷ ᠴᠦᠦᠷ ᠦ᠋ᠨ ᠵᠥᠷᠢᠭ ᠢ᠋ᠶ᠋ᠡᠷ
ᠰᠢᠯᠦᠭ ᠨᠣᠢᠷ ᠤ᠋ᠨ ᠳᠤᠮᠳᠠ ᠮᠢᠨᠢ ᠪᠠᠭᠤᠵᠤ ᠨᠢᠭᠡᠨ ᠢᠷᠡᠭᠡᠷᠡᠢ
ᠬᠠᠮᠤᠭ ᠤ᠋ᠨ ᠳᠥᠮᠥᠬᠡᠷ ᠪᠢᠴᠢᠭᠰᠡᠨ ᠮᠥᠷ ᠦ᠋ᠳ ᠢ᠋ᠶ᠋ᠡᠷ ᠮᠢᠨᠢ
ᠬᠠᠮᠢᠭᠠᠬᠢ ᠶ᠋ᠢᠨ ᠴᠦ᠍ ᠯᠠᠩᠭᠦᠢ ᠳ᠋ᠦ᠍ ᠪᠠᠢᠬᠤ ᠦᠭᠡᠢ ᠪᠠᠭᠤᠪᠴᠢ ᠳᠠᠪᠲᠠᠵᠤ ᠵᠡᠭᠦᠭᠡᠷᠡᠢ
ᠤᠶᠠᠷᠠᠯ ᠰᠠᠨᠠᠭᠠᠰᠢᠷᠠᠯ ᠪᠦᠬᠦᠨ ᠢ᠋ᠶ᠋ᠡᠷ ᠮᠢᠨᠢ ᠮᠢᠨᠳᠠᠰᠤᠨ ᠲᠦᠭᠦᠳᠡᠭ ᠵᠡᠬᠡᠵᠦ
ᠤᠲᠠᠰᠤ ᠪᠣᠯᠭᠠᠵᠤ ᠨᠡᠢᠳᠬᠡᠨ᠂ ᠭᠣᠶᠣᠯᠠᠯ ᠶᠤᠭᠠᠨ ᠣᠶᠣᠭᠠᠷᠠᠢ᠃
ᠵᠢᠷᠦᠬᠡᠨ ᠪᠣᠳᠣᠯ ᠤ᠋ᠨ ᠳᠠᠭᠤᠤ ᠰᠢᠩᠭᠡᠭᠰᠡᠨ ᠪᠠᠳᠠᠭ ᠢ᠋ᠶ᠋ᠠᠷ ᠮᠢᠨᠢ
ᠵᠦᠯᠭᠦᠨ ᠵᠦᠯᠭᠦᠨ ᠡᠭᠡᠮᠦᠭ ᠶᠦ᠍ᠭᠡᠨ ᠵᠡᠬᠡᠭᠡᠷᠡᠢ ᠰᠢᠯᠢᠭᠡᠷᠡᠢ
ᠵᠦᠮᠪᠦᠷᠢᠯᠡᠵᠦ ᠲᠤᠰᠤᠭᠰᠠᠨ ᠨᠢᠯᠪᠤᠰᠤ ᠶ᠋ᠢ ᠮᠢᠨᠢ ᠬᠡᠯᠬᠢᠨ ᠬᠡᠯᠬᠢᠨ
ᠵᠡᠭᠦᠵᠦ ᠦᠵᠡᠭᠡᠷᠡᠢ᠂ ᠬᠤᠨ ᠴᠠᠭᠠᠨ ᠬᠦᠵᠦᠭᠦᠨ ᠳ᠋ᠡᠭᠡᠨ᠂ ᠰᠤᠪᠤᠳ ᠤ᠋ᠨ ᠮᠡᠲᠦ ᠯᠡ᠃
ᠡᠭᠡᠯ ᠭᠠᠤᠯᠢᠨ ᠲᠦᠯᠬᠢᠭᠦᠷ ᠪᠢᠰᠢ᠂ ᠢᠳᠡ ᠰᠢᠳᠢ ᠶ᠋ᠢᠨ ᠲᠦᠯᠬᠢᠭᠦᠷ ᠢ᠋ᠶ᠋ᠡᠷ ᠢ᠋ᠶ᠋ᠡᠨ
ᠡᠷᠭᠢᠵᠦ ᠬᠥᠷᠪᠡᠭᠡᠬᠦ ᠬᠣᠨᠣᠭ ᠤ᠋ᠨ ᠠᠯᠢ ᠳᠤᠷᠠᠲᠠᠢ ᠴᠠᠭ ᠲᠠᠭᠠᠨ
ᠡᠨᠡᠬᠡᠨ ᠮᠢᠨᠦ ᠴᠡᠭᠡᠵᠢᠨ ᠦ᠌ ᠭᠦᠨ ᠳ᠋ᠦ᠍ ᠨᠢᠭᠤᠨ ᠨᠢᠭᠤᠭᠰᠠᠨ
ᠡᠷᠳᠡᠨᠢ ᠳᠦᠭᠦᠷᠡᠩ ᠬᠠᠢᠷᠴᠠᠭ ᠢ᠋ ᠨᠡᠭᠡᠭᠡᠨ ᠨᠡᠭᠡᠭᠡᠭᠡᠷᠡᠢ ᠯᠡ ᠳᠡ᠃
ᠣᠷᠭᠢᠯ ᠳ᠋ᠤᠨᠢ ᠪᠢ᠂ ᠠᠮᠢᠳᠤ ᠶ᠋ᠢᠨ ᠵᠢᠷᠭᠠᠯ ᠪᠦᠬᠦᠨ ᠢ᠋ ᠭᠤᠶᠤᠬᠤ ᠦᠭᠡᠢ᠂
ᠣᠷᠴᠢᠯᠠᠩ ᠡᠴᠡ ᠬᠠᠯᠢᠬᠤ ᠡᠳᠦᠷ ᠢ᠋ ᠮᠢᠨᠢ ᠬᠦᠷᠲᠡᠯᠡ ᠵᠥᠪᠬᠡᠨ
ᠬᠠᠨ ᠠᠭᠤᠯᠠ ᠮᠢᠨᠢ᠂ ᠦᠵᠦᠭ ᠴᠠᠭᠠᠰᠤ ᠮᠢᠨᠢ ᠯᠡ ᠪᠠᠢᠵᠤ ᠪᠠᠢᠭ
ᠬᠠᠷᠠᠩᠭᠤᠢ ᠰᠥᠨᠢ ᠰᠢᠭ ᠬᠡᠪᠡᠨᠡᠭ᠂ ᠨᠢᠭᠡ ᠦᠦᠷ ᠦ᠋ᠨ ᠭᠡᠭᠡ ᠰᠢᠭ ᠴᠢ ᠮᠢᠨᠢ ᠯᠡ ᠪᠠᠢᠵᠤ ᠪᠠᠢᠭ᠃
※ ※ ※
ᠦᠨᠡᠬᠡᠷ ᠢᠩᠭᠢᠵᠦ ᠪᠣᠯᠳᠠᠭ ᠰᠠᠨ ᠪᠣᠯ ᠬᠦ
ᠡᠭᠦᠳᠡᠨ ᠳ᠋ᠦ᠍ ᠴᠢᠨᠢ ᠬᠠᠷᠠᠭᠤᠯ ᠪᠣᠯᠤᠨ ᠵᠣᠭᠰᠣᠭᠠᠳ
ᠦᠦᠷ ᠡᠴᠡ᠂ ᠦᠦᠷ ᠴᠠᠢᠲᠠᠯᠠ ᠵᠣᠷᠴᠢᠬᠤ ᠪᠦᠬᠦᠨ ᠢ᠋
ᠦᠵᠡᠵᠦ ᠨᠢᠭᠲᠠᠯᠠᠵᠤ ᠣᠷᠣᠭᠤᠯᠬᠤ ᠶᠤᠮᠰᠠᠨ᠃
ᠬᠠᠮᠤᠭ ᠤ᠋ᠨ ᠲᠦᠷᠦᠭᠦᠨ ᠳ᠋ᠦ᠍ ᠭᠡᠷᠡᠯᠲᠦ ᠴᠠᠭᠠᠨ ᠮᠣᠷᠢᠲᠠᠢ
ᠬᠠᠯᠠᠭᠤᠨ ᠨᠦᠰᠡᠷ ᠦᠨᠡᠮᠯᠡᠭᠦᠲᠦ ᠡᠳᠦᠷ ᠢ᠋ ᠣᠷᠣᠭᠤᠯᠤᠨᠠ᠂
ᠬᠠᠪᠢᠷᠭᠠᠨ ᠰᠠᠷᠠᠨ ᠫᠢᠶᠣᠣᠲᠤ᠂ ᠣᠳᠣᠲᠤ ᠲᠣᠷᠭᠠᠨ ᠨᠥᠮᠥᠷᠭᠡ ᠲᠡᠢ
ᠬᠠᠷᠠ ᠬᠢᠯᠢᠩ ᠮᠣᠷᠢᠲᠤ ᠰᠥᠨᠢ ᠶ᠋ᠢ ᠪᠠᠰᠠ ᠣᠷᠣᠭᠤᠯᠤᠨᠠ
ᠠᠷᠢᠭᠤᠬᠠᠨ ᠬᠠᠪᠤᠷ ᠤ᠋ᠨ ᠨᠠᠷᠠ ᠶ᠋ᠢ ᠪᠢ ᠪᠠᠰᠠ ᠣᠷᠣᠭᠤᠯᠤᠨᠠ
ᠠᠮᠤᠭᠤᠯᠠᠩ ᠰᠥᠨᠢ ᠳᠦᠯᠢ ᠶ᠋ᠢ ᠪᠠᠰᠠ ᠶᠠᠭᠠᠷᠠᠨ ᠣᠷᠣᠭᠤᠯᠤᠨᠠ
ᠠᠮᠠᠷᠠᠭ ᠴᠢᠨᠦ ᠴᠣᠩᠬᠣᠨ ᠲᠤᠰᠢᠶᠠ ᠡᠭᠦᠷ ᠢ᠋ᠶ᠋ᠡᠨ ᠵᠠᠰᠠᠵᠤ
ᠠᠶᠠ ᠬᠥᠭ ᠡᠷᠭᠦᠵᠦ ᠰᠢᠪᠠᠭᠤ ᠵᠢᠷᠭᠢᠬᠦ ᠶ᠋ᠢ ᠪᠢ ᠵᠥᠪᠰᠢᠶᠡᠷᠡᠨᠡ
ᠠᠯᠲᠠᠨ ᠭᠤᠷᠭᠤᠤᠯᠳᠠᠢ ᠤᠯᠢᠶᠠᠩᠭᠠᠷ ᠤ᠋ᠨ ᠮᠥᠴᠢᠷ ᠲᠦ᠍ ᠰᠠᠭᠤᠭ
ᠠᠳᠠᠭ ᠤ᠋ᠨ ᠬᠡᠷᠢᠶᠡ ᠤᠯᠠ ᠮᠥᠷ ᠦᠭᠡᠢ ᠵᠠᠢᠯᠠᠭ
ᠪᠦᠯᠢᠶᠡᠬᠡᠨ ᠪᠣᠷᠣᠭᠠ ᠭᠠᠵᠠᠷ ᠪᠣᠯᠤᠭᠠᠳ ᠳᠡᠭᠡᠪᠦᠷ ᠳᠡᠭᠡᠷᠡ
ᠪᠦᠬᠦᠯᠢ ᠰᠥᠨᠢ ᠳ᠋ᠡᠭᠡᠨ ᠠᠭᠤᠯᠠ ᠶ᠋ᠢᠨ ᠪᠥᠵᠢᠭ ᠲᠣᠪᠰᠢᠭ᠃
ᠡᠷᠲᠡ ᠪᠣᠰᠴᠤ ᠪᠢ᠂ ᠴᠠᠭ ᠠᠭᠠᠷ ᠲᠤ᠌ ᠵᠠᠬᠢᠷᠤᠮᠵᠢ ᠥᠭᠭᠦᠨᠡ
ᠡᠩᠬᠦᠷᠡᠢ ᠴᠢᠨᠦ ᠡᠭᠦᠳᠡ ᠤᠷᠤᠭᠤ ᠭᠣᠷᠣᠬᠠ ᠶ᠋ᠢᠨ ᠤᠰᠤ ᠶ᠋ᠢ ᠶᠠᠭᠠᠷᠠᠭᠤᠯᠤᠨᠠ᠃
ᠠᠯᠲᠠᠨ ᠨᠠᠷᠠᠨ ᠤ᠋ ᠰᠠᠴᠤᠷᠠᠭ ᠢ᠋ᠶ᠋ᠠᠷ ᠱᠦᠭᠦᠷ ᠬᠢᠵᠦ
ᠠᠭᠠᠳᠠᠷ ᠤ᠋ᠨ ᠡᠭᠦᠯᠡ ᠰᠡᠯᠲᠡ ᠶ᠋ᠢ ᠵᠠᠢᠯᠠᠭᠤᠯᠤᠨ ᠠᠷᠴᠢᠨᠠ᠃
ᠤᠷᠢᠬᠠᠨ ᠨᠠᠮᠤᠷ ᠢ᠋ ᠳᠦᠭᠦᠷᠡᠩ ᠳᠣᠮᠪᠣ ᠲᠠᠢ ᠨᠢ
ᠤᠳᠠᠭᠠᠨ ᠰᠠᠭᠠᠲᠠᠭᠤᠯᠤᠯ ᠦᠭᠡᠢ ᠴᠢᠮᠠ ᠳ᠋ᠠᠭᠠᠨ ᠣᠴᠢᠭᠤᠯᠤᠨᠠ
ᠤᠶᠠᠬᠠᠨ ᠬᠠᠪᠤᠷ ᠤ᠋ᠨ ᠢᠲᠡᠭᠡᠯ | ᠪᠠᠶᠠᠷ ᠡᠪᠦᠷᠯᠡᠭᠰᠡᠨ
ᠠᠭᠤᠷ ᠴᠠᠭᠠᠨ ᠡᠪᠦᠯ ᠢ᠋ ᠰᠠᠭᠰᠤ ᠲᠠᠢ ᠨᠢ ᠣᠷᠣᠭᠤᠯᠤᠨᠠ᠃
ᠴᠠᠩ ᠬᠢᠷᠠᠭᠤ᠂ ᠬᠢᠷᠢ ᠬᠡᠮᠵᠢᠶᠡ ᠳ᠋ᠡᠭᠡᠨ ᠪᠠᠢᠭ
ᠴᠠᠰᠤ ᠶᠠᠭᠠᠬᠢᠬᠤ ᠪᠣᠢ᠂ ᠡᠯᠡᠰᠦᠨ ᠰᠢᠬᠢᠷ ᠰᠢᠭ ᠴᠡᠢᠭ
ᠡᠳᠦᠷ ᠴᠢᠮᠠᠶ᠋ᠢ ᠭᠡᠷ ᠡᠴᠡ ᠪᠡᠨ ᠭᠠᠷᠤᠨ ᠭᠤᠩᠬᠠᠬᠤ ᠳ᠋ᠤ᠌
ᠥᠯᠮᠡᠢ ᠳᠣᠣᠷᠠ ᠨᠢ ᠴᠠᠬᠢᠷ ᠴᠠᠬᠢᠷ ᠲᠣᠭᠠᠷᠳᠠᠭ᠃
ᠭᠡᠨᠡᠬᠡᠨ ᠬᠣᠩᠭᠣᠷ ᠴᠢᠨᠦ ᠮᠢᠨᠢ ᠡᠭᠦᠳᠡ ᠤᠷᠤᠭᠤ
ᠭᠡᠨᠡᠳᠡᠵᠦ ᠢᠷᠡᠭᠰᠡᠨ ᠭᠠᠢ ᠲᠣᠳᠬᠠᠷ ᠪᠦᠬᠦᠨ ᠦ᠌
ᠭᠡᠮ ᠦᠭᠡᠢ ᠴᠠᠷᠠᠢᠯᠠᠵᠣ ᠦᠵᠡᠭᠦᠯᠬᠦ ᠬᠢᠮᠡᠯ ᠫᠢᠶᠣᠣ ᠶ᠋ᠢ ᠨᠢ
ᠭᠡᠳᠡᠷᠭᠦ ᠨᠢ ᠪᠢ ᠬᠠᠰᠢᠶᠠᠨ ᠤ᠋ ᠡᠭᠦᠳᠡᠨ ᠡᠴᠡ ᠪᠤᠴᠠᠭᠠᠨᠠ᠃
ᠰᠢᠨᠤᠯ ᠭᠤᠸᠠᠢ ᠶ᠋ᠢ ᠪᠠᠰᠠ᠂ ᠠᠴᠢᠵᠤ ᠢᠷᠡᠭᠰᠡᠨ ᠠᠴᠢᠶᠠ ᠲᠠᠢ ᠨᠢ
ᠱᠤᠯᠤᠮ ᠴᠢᠳᠬᠥᠷ ᠤᠷᠤᠭᠤ ᠨᠢ ᠦᠯᠳᠡᠨ ᠬᠥᠭᠡᠭᠡᠨᠡ᠃
ᠰᠢᠩᠬᠤᠨ ᠠᠯᠲᠠᠨ ᠮᠠᠨᠳᠠᠳᠣ ᠲᠠᠢ ᠬᠠᠷᠠ ᠬᠣᠷᠣᠨ ᠰᠠᠨᠠᠭᠠ ᠶ᠋ᠢ
ᠰᠢᠳᠤᠷᠭᠤ ᠪᠠᠷ ᠲᠤᠯᠵᠤ ᠣᠷᠣᠭᠣᠯᠣᠯ ᠦᠭᠡᠢ ᠨᠢᠴᠤᠭᠠᠨᠠ᠃
ᠦᠨᠡᠬᠡᠷ ᠴᠢᠨᠦ ᠪᠡᠨ ᠵᠠᠶᠠᠭᠠ ᠲᠠᠪᠢᠯᠠᠩ ᠢ᠋ ᠳᠠᠮᠵᠢᠯᠠᠵᠤ
ᠡᠭᠦᠳᠡᠨ ᠳ᠋ᠦ᠍ ᠴᠢᠨᠢ ᠴᠤᠷᠠᠮ ᠬᠢᠯ ᠦᠭᠡᠢ ᠬᠠᠷᠠᠭᠤᠯ ᠬᠠᠷᠠᠵᠤ
ᠦᠦᠷ ᠡᠴᠡ ᠦᠦᠷ ᠴᠠᠢᠲᠠᠯᠠ ᠵᠣᠷᠴᠢᠬᠤ ᠪᠦᠬᠦᠨ ᠢ᠋
ᠦᠵᠡᠵᠦ ᠨᠢᠭᠲᠠᠯᠠᠵᠤ ᠣᠷᠣᠭᠤᠯᠬᠤ ᠶᠤᠮᠰᠠᠨ᠃
ᠥᠰᠦᠭᠰᠡᠨ ᠳᠣᠪᠣᠨ ᠳᠡᠭᠡᠷᠡ
ᠬᠠᠢᠷᠠᠲᠤ ᠴᠢᠨᠦ ᠮᠢᠨᠢ ᠲᠥᠷᠥᠭᠰᠡᠨ ᠬᠠᠭᠤᠴᠢᠨ ᠪᠠᠢᠰᠢᠩ
ᠬᠠᠮᠢᠭᠠᠬᠢ ᠶ᠋ᠢᠨ ᠴᠦ᠍ ᠣᠷᠳᠣᠨ ᠡᠴᠡ ᠬᠠᠪᠢ ᠦᠭᠡᠢ ᠢᠯᠡᠭᠦᠦ ᠰᠠᠨᠠᠭᠳᠠᠨᠠᠮ
ᠨᠠᠮᠬᠠᠨ ᠬᠣᠶᠠᠷ ᠯᠢᠷ ᠦ᠋ᠨ ᠮᠣᠳᠣ ᠴᠣᠩᠬᠣᠨ ᠳᠣᠣᠷᠠ ᠴᠢᠨᠢ ᠬᠠᠷᠠᠭᠳᠠᠨᠠᠮ
ᠨᠠᠮᠠᠶ᠋ᠢ ᠴᠢᠭᠯᠡᠭᠰᠡᠨ ᠨᠦᠰᠡᠷ ᠴᠡᠴᠢᠷᠯᠢᠭ ᠰᠢᠭ ᠰᠠᠨᠠᠭᠳᠠᠨᠠᠮ᠃
ᠦᠦᠷ ᠢ᠋ ᠤᠭᠲᠤᠨ ᠲᠣᠷᠣᠭᠰᠢᠯᠠᠭᠰᠠᠨᠨ ᠬᠠᠨᠠᠨ ᠬᠠᠳᠠᠨ ᠳᠡᠭᠡᠷᠡ ᠡᠴᠡ
ᠦᠵᠡᠲᠡᠯᠡ ᠨᠠᠷᠢᠬᠠᠨ ᠲᠠᠬᠢᠷ ᠭᠤᠲᠤᠮ ᠢ᠋ ᠬᠠᠷᠠᠵᠤ ᠪᠠᠢᠨᠠᠮ
ᠠᠮᠰᠠᠵᠤ ᠥᠩᠭᠡᠷᠡᠭᠰᠡᠨ ᠠᠬᠤᠢ ᠶᠢᠷᠲᠢᠨᠴᠦ ᠶ᠋ᠢ ᠮᠢᠨᠢ ᠠᠭᠤᠯᠤᠭᠰᠠᠨ
ᠠᠭᠤᠤ ᠨᠠᠨᠳᠢᠨ ᠦᠨᠡᠲᠦ ᠮᠦᠽᠧᠢ ᠭᠡᠭᠴᠢ ᠡᠨᠡ ᠪᠠᠢᠨᠠ᠃
ᠡᠨᠡᠬᠡᠨ ᠬᠠᠪᠢᠴᠠᠭᠠ ᠴᠢ ᠮᠢᠨᠢ ᠬᠥᠯ ᠨᠢᠴᠦᠭᠦᠨ ᠭᠦᠶᠦᠳᠡᠭ ᠰᠠᠨ
ᠡᠩᠭᠡᠷ ᠦ᠋ᠨ ᠵᠦᠯᠭᠡᠨ ᠳ᠋ᠦ᠍ ᠴᠢ ᠮᠢᠨᠢ ᠬᠤᠷᠠᠭᠠ ᠰᠢᠭ᠋ ᠲᠣᠩᠭᠣᠴᠢᠳᠠᠭ ᠰᠠᠨ
ᠠᠯᠠᠭ ᠴᠡᠴᠡᠭ ᠲᠡᠭᠦᠵᠦ ᠤᠰᠤᠨ ᠳ᠋ᠤ᠌ ᠴᠢ ᠤᠮᠪᠠᠳᠠᠭ ᠰᠠᠨ᠁
ᠠᠶᠠ᠂ ᠬᠡᠨ ᠦ᠌ ᠯᠡ ᠦᠷᠡ᠂ ᠣᠳᠣ ᠲᠡᠨᠳᠡ ᠴᠡᠴᠡᠭ ᠲᠡᠭᠦᠨᠡᠮ ᠪᠣᠢ?
ᠠᠩᠭᠢ ᠴᠢᠨᠢ ᠡᠨᠡ ᠪᠠᠢᠨᠠ᠂ ᠰᠢᠷᠡᠭᠡ ᠨᠤᠬᠥᠳ ᠨᠢ ᠬᠤᠷᠢᠶᠠᠯᠲᠠᠲᠠᠢ
ᠠᠯᠢᠨ ᠳ᠋ᠤ᠌ ᠴᠢ ᠮᠢᠨᠢ ᠰᠠᠭᠤᠵᠤ᠂ ᠬᠠᠮᠢᠭᠠᠬᠠᠨ ᠨᠢ ᠪᠠᠢᠯᠠ ᠳᠠ?
ᠰᠠᠮᠪᠠᠷᠠ ᠶ᠋ᠢᠨ ᠬᠢᠨᠢ ᠡᠮᠦᠨᠡ ᠣᠴᠢᠯᠠ᠂ ᠭᠠᠷ ᠲᠠᠭᠠᠨ ᠴᠠᠷᠳ᠋ ᠠᠪᠤᠯᠠ
ᠰᠠᠢᠨ ᠬᠠᠨᠢ ᠴᠢᠮᠠᠶ᠋ᠢ ᠪᠠᠨ ᠳᠠᠭᠤᠷᠢᠶᠠᠯᠠ᠂ ᠭᠡᠪᠡᠴᠦ ᠪᠢᠴᠢᠭᠰᠡᠨ ᠦᠭᠡᠢ
ᠠᠷᠠᠢ ᠭᠡᠵᠦ ᠲᠡᠨᠳᠡ ᠡᠴᠡ ᠨᠠᠮᠠᠶ᠋ᠢ ᠭᠠᠷᠤᠭᠠᠳ ᠶᠠᠪᠤᠲᠠᠯᠠ
ᠠᠩᠭᠢ ᠳ᠋ᠠᠭᠠᠨ ᠴᠢ ᠮᠢᠨᠢ ᠣᠷᠣᠵᠤ ᠶᠠᠪᠤᠬᠤ ᠰᠢᠭ᠋ ᠰᠠᠨᠠᠭᠳᠠᠪᠠ᠃
ᠭᠠᠭᠴᠠᠬᠠᠨ ᠲᠥᠭᠡ ᠭᠡᠵᠢᠭᠡ ᠨᠢ ᠰᠡᠷᠪᠡᠭᠡᠨ ᠳᠡᠭᠡᠷᠡ ᠪᠡᠨ ᠭᠣᠳᠣᠭᠣᠨᠠᠵᠤ
ᠭᠠᠯᠰᠲ᠋ᠤᠺ ᠨᠢ ᠭᠠᠯ ᠳᠥᠯᠥ ᠰᠢᠭ ᠤᠯᠠᠯᠵᠠᠨ ᠬᠠᠷᠠᠭᠳᠠᠪᠠ᠂
ᠬᠠᠢᠷᠠᠲᠠᠢ ᠴᠢᠨᠦ ᠪᠡᠨ ᠪᠠᠭᠠ ᠨᠠᠰᠤ ᠶ᠋ᠢ ᠡᠷᠭᠢᠨ ᠬᠠᠷᠠᠵᠤ
ᠬᠠᠷᠠᠭᠠ ᠶᠤᠭᠠᠨ ᠰᠠᠯᠭᠠᠵᠤ ᠴᠢᠳᠠᠯ ᠦᠭᠡᠢ ᠤᠳᠠᠲᠠᠯᠠ ᠵᠣᠭᠰᠣᠯᠠ᠃
※ ※ ※
ᠳᠠᠰᠤᠭᠰᠠᠨ ᠴᠢᠨᠦ ᠪᠡᠨ ᠡᠩᠬᠡ ᠶ᠋ᠢᠨ ᠲᠥᠯᠥᠭᠡ ᠤᠤᠭᠤᠪᠠ
ᠳᠠᠩᠴᠤ ᠰᠣᠭᠣᠭ ᠦᠭᠡᠢ ᠪᠠᠢᠭᠠᠰᠠᠢ ᠭᠡᠵᠦ ᠤᠤᠭᠤᠪᠠ
ᠲᠠᠰᠢᠷᠠᠮ ᠳ᠋ᠤᠨᠢ ᠰᠢᠯ ᠦ᠋ᠨ ᠠᠶᠠᠭᠠ ᠪᠠᠨ ᠬᠠᠭᠠ ᠤᠤᠭᠤᠪᠠ ᠯᠠ
ᠳᠠᠪ ᠬᠢᠵᠦ ᠴᠢ ᠠᠢᠬᠤᠪᠲᠤᠷ ᠮᠠᠭᠤᠬᠠᠢ ᠬᠠᠷᠠᠪᠠ᠃
ᠵᠢᠷ ᠦ᠋ᠨ ᠰᠢᠯ ᠪᠢᠰᠢ᠂ ᠪᠢ ᠥᠪᠡᠷ ᠢ᠋ᠶ᠋ᠡᠨ
ᠵᠢᠵᠢᠭ ᠵᠢᠵᠢᠭ ᠢ᠋ᠶ᠋ᠡᠷ ᠪᠤᠲᠠ ᠦᠰᠦᠷᠦᠭᠰᠡᠨ ᠰᠢᠭ
ᠵᠢᠩᠬᠢᠨᠢ ᠵᠢᠷᠦᠬᠡ ᠮᠢᠨᠢ ᠬᠠᠭᠠ ᠤᠨᠠᠵᠤ᠂ ᠴᠢ
ᠵᠢᠱᠢᠮ ᠦᠭᠡᠢ ᠪᠠᠢᠬᠤ ᠰᠢᠭ᠋ ᠰᠠᠨᠠᠭᠳᠠᠪᠠ ᠯᠠ᠃
ᠴᠢ ᠮᠡᠳᠡᠭᠡ ᠦᠭᠡᠢ ᠨᠢ ᠪᠣᠯᠬᠤ ᠡᠴᠡ᠂ ᠡᠨᠡ
ᠴᠢᠩ ᠵᠢᠷᠦᠬᠡ ᠰᠢᠦ᠂ ᠪᠣᠰᠢᠭᠣ ᠲᠡᠭᠦᠵᠦ ᠠᠪ
ᠴᠢᠬᠢᠨ ᠦ᠌ ᠪᠡᠨ ᠡᠭᠡᠮᠦᠭ ᠢ᠋ ᠠᠪᠴᠤ ᠲᠠᠯᠪᠢᠴᠢᠬᠠᠭᠠᠳ
ᠴᠢᠮᠡᠭᠡ ᠲᠦᠭᠰᠢᠶᠡ ᠶ᠋ᠢ ᠨᠢ ᠴᠢᠩᠨᠠᠵᠤ ᠠᠪ᠃
ᠳᠤᠭᠤᠯᠳᠠᠨᠠ ᠤᠤ? ᠴᠣᠬᠢᠯᠲᠠ ᠪᠦᠬᠦᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ
ᠳᠤᠷᠠᠳᠴᠤ 《ᠠᠶᠠ ᠶᠠᠭᠤᠮᠠᠨ ᠤ᠋ ᠤᠴᠢᠷ ᠮᠡᠳᠡᠬᠦ ᠦᠭᠡᠢ
ᠠᠯᠳᠠᠷᠠᠢ ᠮᠢᠨᠢ ᠳᠡ᠂ ᠪᠢ ᠴᠢᠨᠢ ᠭᠣᠮᠣᠳᠠᠭᠠᠳ
ᠠᠶᠠᠭᠠ ᠰᠢᠭ᠋ ᠬᠠᠭᠠ ᠦᠰᠦᠷᠦᠯᠡ》 ᠭᠡᠵᠦ ᠪᠠᠢᠨᠠ᠃
ᠠᠶᠠᠭᠠ ᠶᠠᠭᠠᠬᠢᠬᠤ ᠪᠣᠢ᠂ ᠬᠠᠭᠠᠷᠠᠭᠠ ᠯᠠ ᠪᠢᠵᠡ
ᠠᠬᠢᠭᠠᠳ ᠰᠢᠨᠡ ᠶ᠋ᠢ ᠠᠪᠴᠤ ᠪᠣᠯᠤᠨᠠ ᠰᠢᠦ ᠳᠡ
ᠠᠯᠠᠭ ᠵᠢᠷᠦᠬᠡ ᠪᠡᠨ ᠪᠤᠲᠠ ᠤᠨᠠᠭᠠᠵᠤ ᠣᠷᠬᠢᠪᠠᠯ
ᠠᠯᠢ ᠭᠠᠵᠠᠷ ᠤ᠋ᠨ ᠳᠠᠷᠬᠠᠨ ᠬᠢᠵᠦ ᠥᠭᠬᠦᠶᠤᠮ ᠪᠣᠯ?
※ ※ ※
ᠥᠨᠥᠳᠥᠷ ᠠᠨᠠᠢ ᠯᠠ ᠴᠠᠰᠤ
ᠡᠪᠦᠯ ᠦ᠋ᠨ ᠴᠣᠩᠬᠢᠭᠠᠷ ᠨᠠᠷᠠ
ᠬᠣᠩᠭᠣᠷ ᠮᠢᠨᠢ ᠳᠤᠯᠠᠭᠠᠨ ᠠᠯᠴᠢᠭᠤᠷ ᠪᠤᠭᠤ
ᠬᠣᠶᠠᠭᠤᠯᠠ ᠡᠳᠦᠷ ᠦ᠋ᠨ ᠳᠠᠭᠤᠰᠤᠨ ᠶᠠᠪᠤᠶᠠ᠂
ᠬᠣᠯᠠ ᠶ᠋ᠢᠨ ᠨᠠᠷᠠᠰᠤᠨ ᠣᠢ ᠳ᠋ᠤ᠌ ᠣᠴᠢᠶᠠ᠃
ᠴᠢᠮᠡᠭᠡ ᠲᠡᠳᠦᠢ ᠴᠦ᠍ ᠰᠠᠯᠬᠢ ᠦᠭᠡᠢ
ᠴᠢᠬᠢ ᠬᠤᠯᠤᠭᠤ ᠳ᠋ᠤ᠌ ᠠᠵᠢᠷᠠᠶᠠ
ᠨᠠᠮ ᠭᠦᠮ ᠢ᠋ ᠨᠢ ᠡᠪᠳᠡᠬᠦ ᠦᠭᠡᠢ ᠭᠡᠵᠦ
ᠨᠠᠢᠯᠵᠠᠭᠤᠷ ᠮᠥᠴᠢᠷ ᠢ᠋ ᠨᠢ ᠬᠥᠨᠳᠡᠬᠦ ᠦᠭᠡᠢ ᠭᠡᠵᠦ
ᠨᠠᠷᠢᠬᠠᠨ ᠵᠥᠷᠢᠭ ᠢ᠋ᠶ᠋ᠡᠨ ᠲᠠᠬᠢᠷᠯᠠᠶᠠ᠃
ᠴᠠᠭᠠᠨ ᠬᠢᠯᠠᠭᠠ ᠭᠡᠵᠢᠭᠡᠨ ᠳᠡᠭᠡᠷᠡ ᠪᠦᠷᠬᠦᠪᠡᠴᠦ
ᠴᠠᠰᠤᠨ ᠰᠡᠪᠰᠢᠶᠡ ᠮᠥᠷᠦᠨ ᠳᠡᠭᠡᠷᠡ ᠪᠥᠵᠢᠪᠡᠴᠦ
ᠳᠤᠯᠠᠭᠠᠨ ᠭᠡᠷ ᠲᠡᠭᠡᠨ ᠣᠷᠣᠬᠤ ᠶ᠋ᠢᠨ ᠴᠠᠭ ᠲᠤ᠌
ᠳᠠᠭᠤᠲᠠᠢ ᠵᠤᠤᠬᠠᠨ ᠳ᠋ᠤ᠌ ᠣᠢᠷᠠᠳᠬᠤ ᠶ᠋ᠢᠨ ᠦᠶᠡ ᠳ᠋ᠦ᠍
ᠲᠣᠰᠣᠨ ᠲᠣᠰᠣᠨ ᠬᠠᠢᠯᠬᠤ ᠨᠢ ᠯᠠᠪ
ᠠᠯᠲᠠ ᠭᠡᠵᠢᠭᠡ ᠴᠢᠨᠢ ᠬᠠᠷᠠ ᠪᠠᠢᠭ ᠭᠡᠵᠦ
ᠠᠷᠢᠭᠤᠨ ᠢᠨᠢᠶᠡᠳᠦ ᠴᠢᠨᠢ ᠲᠣᠳᠣ ᠪᠠᠢᠭ ᠭᠡᠵᠦ
ᠠᠯᠠᠭᠠ ᠪᠠᠷ ᠢ᠋ᠶ᠋ᠠᠨ ᠪᠢ ᠴᠠᠰᠤ ᠶ᠋ᠢ ᠨᠢ ᠬᠠᠢᠯᠤᠭᠤᠯᠪᠠᠰᠤ
ᠥᠩᠬᠥᠷᠢᠭᠰᠡᠨ ᠡᠨᠡ ᠬᠠᠢᠯᠤᠮᠠᠭ ᠳᠤᠰᠤᠯ
ᠪᠥᠮᠪᠥᠷᠢᠭᠰᠡᠨ ᠨᠢᠯᠪᠤᠰᠤ ᠶ᠋ᠢ ᠰᠠᠨᠠᠭᠳᠠᠭᠤᠯᠪᠠ᠃
ᠣᠷᠴᠢᠨ ᠲᠣᠭᠣᠷᠢᠨ ᠲᠤᠩ ᠴᠠᠭᠠᠨ
ᠣᠢ ᠴᠠᠰᠤᠨ ᠳ᠋ᠤ᠌ ᠭᠦᠨ ᠵᠤᠵᠠᠭᠠᠨ᠁
ᠡᠪᠦᠯ ᠦ᠋ᠨ ᠴᠠᠰᠤ ᠮᠥᠩᠬᠡ ᠶᠠᠭᠤᠮᠠ ᠪᠢᠰᠢ᠂
ᠥᠭᠡᠷᠡ ᠨᠢᠭᠡ ᠴᠠᠭᠠᠨ ᠰᠢᠷᠬᠡᠭ ᠯᠡ
ᠥᠩᠭᠡᠲᠦ ᠦᠰᠦᠨ ᠳ᠋ᠦ᠍ ᠴᠢᠨᠢ ᠪᠤᠤ ᠤᠨᠠᠭᠠᠰᠠᠢ᠃
※ ※ ※
ᠳᠠᠭᠤᠲᠠᠢ ᠱᠤᠤᠳᠠᠢ ᠭᠤᠳᠤᠮᠵᠢ ᠨᠤᠭᠤᠳ
ᠳᠠᠭᠤ ᠪᠠᠨ ᠬᠤᠷᠢᠶᠠᠪᠠ᠂ ᠴᠢᠮᠠᠶ᠋ᠢ ᠶᠠᠪᠤᠴᠢᠬᠠᠬᠤ ᠪᠠᠷ᠂
ᠲᠤᠤᠯᠢᠮᠠ ᠺᠠᠰᠫᠢ ᠶ᠋ᠢᠨ ᠤᠰᠤᠨ ᠪᠠᠭᠤᠳᠠᠯ
ᠬᠥᠯ ᠢ᠋ᠶ᠋ᠡᠨ ᠲᠠᠲᠠᠪᠠ᠂ ᠴᠢᠮᠠᠶ᠋ᠢ ᠶᠠᠪᠤᠴᠢᠬᠠᠬᠤ ᠪᠠᠷ᠃
ᠳᠤᠯᠠᠭᠠᠨ ᠴᠡᠩᠭᠡᠭᠦᠨ ᠥᠷᠥᠭᠡ ᠭᠡᠷ
ᠬᠠᠩᠬᠠᠢᠵᠤ ᠬᠥᠩᠬᠥᠢᠪᠡ ᠯᠡ᠂ ᠴᠢᠮᠠᠶ᠋ᠢ ᠶᠠᠪᠤᠴᠢᠬᠠᠬᠤ ᠪᠠᠷ᠃
ᠬᠥᠭᠵᠢᠮ ᠪᠠᠷᠢᠵᠤ ᠳᠠᠭᠤ ᠭᠠᠷᠭᠠᠪᠠᠴᠤ
ᠴᠢ ᠰᠣᠨᠣᠰᠬᠤ ᠪᠠᠷ ᠪᠢᠰᠢ᠂
ᠬᠥᠨᠳᠡᠭᠦᠷ ᠵᠢᠷᠦᠬᠡᠨ ᠦ᠌ ᠭᠤᠨᠢᠯ ᠳᠠᠭᠤᠤ ᠶ᠋ᠢ ᠮᠢᠨᠢ
ᠴᠢ ᠰᠣᠨᠣᠰᠬᠤ ᠪᠠᠷ ᠪᠢᠰᠢ
ᠬᠥᠭ | ᠫᠠᠶᠠᠩ ᠢ᠋ᠶ᠋ᠠᠨ ᠳᠡᠯᠭᠡᠨ ᠳᠠᠭᠤᠯᠠᠪᠠᠴᠤ
ᠴᠢ ᠰᠣᠨᠣᠰᠬᠤ ᠪᠠᠷ ᠪᠢᠰᠢ ᠳᠡ᠃
ᠡᠷᠭᠢᠭᠡᠳ ᠲᠠᠮᠠᠬᠢᠨ ᠳ᠋ᠠᠭᠠᠨ ᠣᠷᠣᠶᠠ
ᠴᠢ ᠯᠡ ᠡᠵᠡᠭᠦᠢ ᠡᠴᠡ ᠬᠣᠢᠰᠢ᠂
ᠡᠨᠡ ᠠ᠋ ᠲᠡᠷᠡ ᠠ᠋ ᠦᠭᠡᠢ ᠠᠮᠤᠷ ᠬᠡᠪᠲᠡᠶᠡ
ᠴᠢ ᠯᠡ ᠡᠵᠡᠭᠦᠢ ᠡᠴᠡ ᠬᠣᠢᠰᠢ᠂
ᠡᠬᠡᠨᠡᠷ ᠬᠡᠦᠬᠡᠨ ᠨᠤᠬᠥᠳ ᠬᠠᠷᠠᠶᠠ
ᠴᠢ ᠯᠡ ᠡᠵᠡᠭᠦᠢ ᠡᠴᠡ ᠬᠣᠢᠰᠢ᠃
ᠪᠠᠭᠤᠳᠠᠯ ᠴᠢᠭᠯᠡᠭᠡᠳ ᠯᠡ ᠣᠴᠢᠬᠤ ᠶᠤᠮ
ᠴᠢ ᠠᠯᠠᠭᠠ ᠯᠠ ᠪᠠᠢᠨᠠ᠁
ᠰᠠᠭᠤᠳᠠᠯ ᠲᠣᠰᠤᠭᠠᠳ ᠯᠠ ᠣᠴᠢᠬᠤ ᠶᠤᠮ
ᠴᠢ ᠠᠯᠠᠭᠠ ᠯᠠ ᠪᠠᠢᠨᠠ᠁
ᠰᠢᠭᠤᠳ ᠯᠠ ᠸᠠᠭᠣᠨ ᠤᠷᠤᠭᠤ ᠠᠪᠠᠷᠢᠬᠤ ᠶᠤᠮ
ᠴᠢ ᠠᠯᠠᠭᠠ ᠯᠠ ᠪᠠᠢᠨᠠ᠁
ᠭᠠᠢᠬᠠᠬᠤ ᠳ᠋ᠠᠭᠠᠨ ᠴᠡᠴᠡᠭ ᠲᠠᠰᠤᠯᠤᠩᠬᠠᠨ
ᠬᠦᠯᠢᠶᠡᠨᠡ᠂ ᠬᠦᠯᠢᠶᠡᠨᠡ
ᠭᠠᠩᠭᠠᠩ ᠳᠡᠯᠪᠢ ᠶ᠋ᠢ ᠨᠢ ᠤᠷᠠᠩᠬᠠᠨ
ᠬᠦᠯᠢᠶᠡᠨᠡ᠂ ᠬᠦᠯᠢᠶᠡᠨᠡ᠁
ᠭᠠᠵᠠᠷ ᠭᠡᠳᠡᠭ ᠶᠠᠭᠠᠬᠢᠭᠰᠠᠨ ᠠᠯᠤᠰ ᠪᠣᠢ
ᠬᠦᠯᠢᠶᠡᠨᠡ᠂ ᠬᠦᠯᠢᠶᠡᠨᠡᠮ!
ᠬᠣᠯᠪᠣᠭᠠᠨ ᠤ᠋ ᠡᠭᠦᠳᠡ ᠶ᠋ᠢ ᠡᠯᠡᠲᠡᠯᠡ
ᠴᠢ ᠪᠢᠴᠢᠬᠦ ᠦᠭᠡᠢᠶᠤᠮ
ᠬᠣᠶᠠᠷᠬᠠᠨ ᠦᠭᠡ ᠴᠦ᠍ ᠭᠡᠯᠡ
ᠴᠢ ᠪᠢᠴᠢᠬᠦ ᠦᠭᠡᠢᠶᠤᠮ
ᠬᠣᠩᠭᠣᠷ ᠢ᠋ ᠪᠡᠨ ᠭᠠᠭᠴᠠᠭᠠᠷ ᠢ᠋ ᠶᠠᠷᠢᠭᠤᠯᠤᠭᠠᠳ ᠯᠠ
ᠴᠢ ᠪᠢᠴᠢᠬᠦ ᠦᠭᠡᠢᠶᠤᠮ᠃
ᠠᠵᠠ ᠵᠢᠷᠭᠠᠯ ᠶᠠᠪᠤᠴᠢᠬᠠᠭᠰᠠᠨ ᠰᠢᠭ᠋ ᠪᠠᠢᠨᠠ
ᠴᠢᠮᠠᠶ᠋ᠢ ᠶᠠᠪᠤᠴᠢᠬᠠᠬᠤ ᠪᠠᠷ
ᠠᠢᠯ ᠤ᠋ᠨ ᠪᠦᠰᠡᠭᠦᠢ ᠴᠣᠩᠬᠣ ᠪᠠᠷ ᠬᠠᠷᠠᠵᠤ ᠪᠠᠢᠨᠠ
ᠴᠢᠮᠠᠶ᠋ᠢ ᠶᠠᠪᠤᠭᠰᠠᠨ ᠪᠣᠯᠬᠤ ᠪᠠᠷ
ᠠᠷᠭᠠ ᠦᠭᠡᠢ ᠶ᠋ᠢᠨ ᠡᠷᠬᠡᠨ ᠳ᠋ᠦ᠍ ᠢᠨᠢᠶᠡᠭᠴᠢ ᠪᠡᠨ ᠪᠣᠯᠪᠠ
ᠴᠢᠮᠠᠶ᠋ᠢ ᠶᠠᠪᠤᠴᠢᠬᠠᠭᠰᠠᠨ ᠪᠣᠯᠬᠤ ᠪᠠᠷ!
ᠠᠯᠲᠠᠨ ᠪᠣᠱᠣᠭᠠ ᠴᠢᠨᠢ ᠴᠢᠯᠥᠭᠡᠲᠡᠢ ᠪᠠᠢᠨᠠ
ᠬᠡᠵᠢᠶᠡ ᠴᠢ ᠮᠢᠨᠢ ᠢᠷᠡᠬᠦᠶᠤᠮ ᠪᠣᠯ?᠁
ᠠᠢᠯ ᠤ᠋ᠨ ᠬᠡᠦᠬᠡᠨ ᠦ᠌ ᠳᠡᠷᠭᠡᠳᠡᠭᠦᠷ ᠭᠤᠩᠬᠠᠶᠠ
ᠬᠡᠵᠢᠶᠡ ᠢᠷᠡᠭᠰᠡᠨ ᠴᠠᠭ ᠲᠤ᠌ ᠴᠢᠨᠢ!
ᠠᠷᠢᠭᠤᠨ ᠲᠠᠩᠭᠢᠰ ᠲᠤ᠌ ᠬᠣᠶᠠᠭᠤᠯᠠ ᠵᠣᠷᠴᠢᠶᠠ᠁
ᠬᠡᠵᠢᠶᠡ ᠴᠢ ᠮᠢᠨᠢ ᠢᠷᠡᠬᠦᠶᠤᠮ ᠪᠣᠢ?
※ ※ ※
ᠠᠭᠤᠷᠯᠠᠵᠤ ᠵᠢᠮᠡᠯᠡᠬᠦ ᠭᠡᠳ ᠴᠢᠮᠠ ᠤᠷᠤᠭᠤ ᠪᠣᠷᠣᠭᠠ ᠰᠢᠭ᠋ ᠭᠠᠷᠤᠯᠠ
ᠠᠭᠤᠯᠠ ᠶ᠋ᠢᠨ ᠴᠠᠭᠠᠨᠠ ᠡᠴᠡ ᠬᠤᠷᠠ ᠪᠣᠷᠣᠭᠠ ᠠᠢᠰᠤᠢᠬᠤ ᠳ᠋ᠠᠭᠠᠨ
ᠠᠭᠤᠵᠢᠮ ᠲᠩᠷᠢ ᠳ᠋ᠦ᠍ ᠴᠠᠭᠠᠨ ᠡᠭᠦᠯᠡ ᠪᠠᠢᠭᠠᠳ
ᠤᠴᠢᠷ ᠦᠭᠡᠢ ᠥᠨᠳᠥᠷ ᠡᠴᠡ ᠴᠠᠰᠤᠨ ᠪᠣᠯᠵᠤ ᠤᠨᠠᠭᠠᠳ
ᠤᠨᠠᠬᠤ ᠭᠠᠵᠠᠷ ᠢ᠋ᠶ᠋ᠠᠨ ᠬᠦᠷᠦᠯ ᠦᠭᠡᠢ ᠬᠠᠢᠯᠳᠠᠭ ᠰᠢᠦ ᠳᠡ᠃
ᠡᠢᠨ ᠬᠦ᠌ ᠣᠯᠠᠨ ᠶᠠᠪᠤᠭᠰᠠᠨ ᠬᠥᠮᠦᠨ ᠰᠢᠭ ᠢᠷᠡᠯᠡ
ᠢᠷᠡᠬᠦ ᠳ᠋ᠡᠭᠡᠨ ᠣᠮᠣᠭ ᠵᠣᠷᠢᠭ ᠶᠡᠬᠡᠲᠡᠢᠬᠡᠨ ᠢᠷᠡᠯᠡ
ᠢᠩᠭᠢᠭᠰᠡᠨ ᠴᠢᠨᠢ ᠠᠯᠠᠭᠬᠠᠨ ᠨᠢᠳᠦᠨ ᠦ᠌ ᠬᠢᠨᠢ ᠠᠯᠳᠠᠩᠬᠠᠨ ᠨᠢᠯᠪᠤᠰᠤ
ᠠᠮᠠᠷᠬᠠᠨ ᠠᠮᠠᠷᠬᠠᠨ ᠪᠥᠮᠪᠥᠷᠢᠨᠡᠮ ᠪᠣᠯᠬᠤ ᠪᠠᠷ ᠨᠢ
ᠠᠮᠠᠷᠠᠭ ᠴᠢᠨᠦ ᠣᠷᠣᠨ ᠳ᠋ᠤ᠌ ᠪᠢ ᠥᠪᠡᠷ ᠢ᠋ᠶ᠋ᠡᠨ ᠬᠠᠬᠠᠨ ᠴᠠᠴᠤᠨ ᠮᠡᠩᠳᠡᠪᠡ
ᠰᠡᠩᠳᠡ ᠮᠡᠩᠳᠡ ᠴᠢᠮᠠ ᠥᠭᠡᠳᠡ ᠪᠡᠨ ᠤᠬᠤᠰᠬᠢᠵᠦ
ᠰᠠᠢᠬᠠᠨ ᠦᠭᠡ ᠨᠢᠭᠡᠬᠡᠨ ᠢ᠋ ᠴᠦ᠍ ᠬᠡᠯᠡᠶᠡ ᠭᠡᠬᠦᠨᠡ
ᠰᠠᠴᠢᠢ ᠬᠦᠷᠦᠭᠰᠡᠨ ᠦᠭᠡᠢ᠂ ᠮᠡᠯᠮᠡᠢ ᠶᠦ᠍ᠭᠡᠨ ᠳ᠋ᠦ᠍ ᠴᠢᠨᠢ
ᠠᠰᠤᠷᠤ ᠭᠦᠨᠵᠡᠭᠡᠢ ᠲᠣᠭᠲᠠᠭᠰᠠᠨ ᠲᠠᠩᠭᠢᠰ ᠯᠤᠭᠠ
ᠠᠪᠢᠶᠠ ᠴᠢᠮᠡᠭᠡ ᠦᠭᠡᠢ ᠣᠢᠵᠤ ᠯᠠ ᠤᠨᠠᠬᠤ ᠨᠢ ᠲᠡᠷᠡ᠃
ᠠᠷᠭᠠ ᠲᠠᠰᠤᠷᠠᠵᠤ ᠵᠢᠪᠴᠦ ᠳᠠᠭᠤᠰᠬᠤ ᠶ᠋ᠢᠨ ᠲᠡᠨᠳᠡ
ᠠᠪᠤᠷᠠᠬᠤ ᠪᠦᠰᠡ ᠴᠢ ᠮᠢᠨᠢ ᠨᠠᠳᠠ ᠳ᠋ᠤ᠌ ᠰᠢᠲᠠᠪᠠ ᠠ᠋
ᠠᠶᠤᠬᠤ ᠠᠶᠤᠯ᠂ ᠵᠣᠪᠠᠬᠤ ᠵᠣᠪᠠᠯᠠᠩ ᠦᠭᠡᠢ ᠪᠣᠯᠪᠠ ᠠ᠋
ᠠᠮᠢᠳᠤᠷᠠᠯ ᠢ᠋ ᠮᠢᠨᠢ ᠡᠷᠭᠢᠭᠦᠯᠦᠭᠰᠡᠨ ᠶᠡᠬᠡ ᠬᠥᠮᠦᠨ ᠴᠢᠨᠦ ᠪᠡᠨ
ᠠᠮᠠ ᠶ᠋ᠢ ᠬᠠᠷᠠᠵᠤ ᠪᠢ ᠴᠢᠨᠢ ᠬᠦᠯᠢᠶᠡᠨ ᠰᠠᠭᠤᠨᠠᠮ᠃
※ ※ ※
ᠢᠳᠡ ᠰᠢᠳᠢ᠂ ᠵᠡᠭᠦᠳᠦ ᠵᠦᠩ ᠳ᠋ᠦ᠍ ᠪᠢ ᠦᠨᠡᠮᠰᠢᠳᠡᠭ ᠦᠭᠡᠢ
ᠢᠷᠡᠬᠦ ᠨᠢ ᠪᠣᠯᠤᠭᠰᠠᠨ ᠪᠣᠯ ᠦᠬᠦᠯ ᠥᠪᠡᠷ ᠢ᠋ᠶ᠋ᠡᠨ ᠢᠷᠡᠭ
ᠬᠣᠷᠸᠠ ᠡᠴᠡ ᠨᠠᠮᠠᠶ᠋ᠢ ᠠᠪᠠᠴᠢᠪᠠᠯ ᠠᠪᠠᠴᠢᠭ
ᠬᠣᠶᠠᠷ ᠵᠢᠯ ᠦ᠋ᠨ ᠳᠠᠷᠠᠭᠠ ᠪᠤᠴᠠᠭᠠᠵᠤ ᠨᠢᠭᠡ ᠶᠠᠪᠤᠭᠤᠯᠤᠭ
ᠦᠯᠡᠳᠡᠭᠡᠭᠰᠡᠨ ᠪᠦᠬᠦᠨ ᠢ᠋ᠶ᠋ᠡᠨ ᠡᠷᠭᠢᠵᠦ ᠬᠠᠷᠠᠬᠤ ᠭᠡᠵᠦ ᠪᠢ
ᠦᠯᠡᠮᠵᠢ ᠶ᠋ᠢᠨ ᠬᠣᠯᠠ ᠡᠴᠡ ᠢᠷᠡᠬᠦ ᠶ᠋ᠢᠨ ᠴᠠᠭ ᠲᠠᠭᠠᠨ
ᠭᠠᠰᠢᠭᠤᠳᠠᠭᠰᠠᠭᠠᠷ ᠪᠠᠢᠪᠠᠯ ᠴᠢᠨᠢ ᠴᠢᠮᠠ ᠳ᠋ᠠᠭᠠᠨ ᠦᠯᠡᠳᠡᠨᠡ
ᠭᠠᠢᠭᠤᠢ ᠪᠠᠢᠪᠠᠯ ᠴᠢᠨᠢ ᠪᠤᠴᠠᠭᠠᠳ ᠶᠠᠪᠤᠴᠢᠬᠠᠨᠠ᠃
※ ※ ※
ᠭᠡᠷᠭᠡᠢ ᠳ᠋ᠡᠭᠡᠨ ᠢᠷᠠᠭᠤ ᠨᠠᠢᠷᠠᠭᠴᠢ ᠰᠢᠯᠦᠭᠯᠡᠨᠡ᠄
《ᠭᠡᠷᠡᠯ ᠭᠡᠭᠡ᠂ ᠣᠳᠣᠨ ᠴᠣᠯᠮᠣᠨ ᠮᠡᠯᠮᠡᠢ ᠮᠢᠨᠢ
ᠲᠦᠰᠢᠩᠬᠡᠨ ᠰᠠᠭᠤᠬᠤ ᠡᠴᠡ ᠢᠯᠡᠭᠦᠦ ᠵᠢᠷᠭᠠᠯ ᠦᠭᠡᠢ》 ᠭᠡᠨᠡ
《ᠲᠦᠷ ᠴᠦ᠍ ᠭᠡᠰᠡᠨ ᠰᠠᠯᠬᠤ ᠡᠴᠡ ᠢᠯᠡᠭᠦᠦ ᠵᠣᠪᠠᠯᠠᠩ ᠦᠭᠡᠢ ᠯᠡ》 ᠭᠡᠨᠡ
ᠭᠡᠷᠡᠯ ᠭᠡᠭᠡ᠂ ᠣᠳᠣᠨ ᠴᠣᠯᠮᠣᠨ ᠨᠢ ᠪᠣᠯᠤᠭᠰᠠᠨ
ᠭᠡᠷᠭᠡᠢ ᠨᠢ ᠲᠡᠭᠡᠲᠡᠯᠡ ᠬᠠᠭᠠᠯᠭᠠ ᠲᠠᠲᠠᠪᠠ ᠭᠡᠨᠡ
《ᠶᠠᠭᠤ ᠪᠠᠨ ᠬᠢᠵᠦ ᠴᠢ ᠰᠡᠭᠦᠳᠡᠭᠡᠨᠡᠭᠡᠳ ᠪᠠᠢᠨᠠ ᠠ᠋
ᠶᠠᠭᠤᠮᠠ ᠬᠢᠯᠭᠡᠭᠡᠴᠢ!》 ᠭᠡᠵᠦ ᠢᠷᠠᠭᠤ ᠨᠠᠢᠷᠠᠭᠴᠢ ᠬᠠᠰᠬᠢᠷᠪᠠ ᠯᠠ
※ ※ ※
ᠦᠷᠡ ᠳ᠋ᠦᠩ ᠦᠭᠡᠢ ᠴᠢ ᠨᠠᠮᠠᠶ᠋ᠢ ᠰᠡᠷᠡᠳᠡᠵᠦ
ᠦᠨᠳᠦᠰᠦ ᠪᠠᠢᠬᠤ ᠦᠭᠡᠢ ᠵᠢᠮᠡᠯᠡᠬᠦᠶᠤᠮ ᠳᠡ
ᠬᠠᠶᠠ ᠴᠢ ᠨᠠᠮᠠᠶ᠋ᠢ ᠭᠣᠮᠣᠳᠠᠭᠠᠬᠤ ᠳ᠋ᠤ᠌
ᠬᠠᠷᠢᠨ ᠪᠢ ᠲᠡᠷᠡ ᠪᠦᠰᠡᠭᠦᠢ ᠶ᠋ᠢ ᠳᠤᠷᠠᠰᠳᠠᠭ ᠪᠠᠢᠬᠠ᠃
ᠮᠠᠷᠲᠠᠬᠤ ᠦᠭᠡᠢ ᠴᠦ᠍ ᠭᠡᠯᠡ ᠴᠢ ᠢᠲᠡᠭᠡᠭᠡᠷᠡᠢ
ᠮᠠᠭᠠᠳ ᠲᠡᠷᠡ ᠪᠦᠰᠡᠭᠦᠢ᠂ ᠪᠢᠳᠡᠨ ᠳ᠋ᠦ᠍ ᠭᠠᠢ ᠲᠠᠷᠢᠬᠤ ᠦᠭᠡᠢ
ᠲᠠᠰᠤ ᠬᠥᠨᠳᠡᠯᠡᠨ ᠡᠴᠡ ᠥᠭᠡᠷᠡ ᠬᠥᠮᠦᠨ ᠵᠣᠪᠠᠭᠠᠬᠤ ᠴᠠᠭ ᠲᠤ᠌
ᠲᠡᠷᠡ ᠪᠦᠰᠡᠭᠦᠢ ᠨᠠᠮᠠᠶ᠋ᠢ ᠬᠠᠶᠠ ᠰᠠᠨᠠᠳᠠᠭ ᠪᠠᠢᠬᠠ᠃
※ ※ ※
《ᠡᠷᠲᠡ ᠢᠷᠡᠭᠰᠡᠨ ᠵᠣᠴᠢᠨ ᠤᠳᠠᠳᠠᠭ ᠦᠭᠡᠢ》 ᠭᠡᠵᠦ
ᠡᠨᠳᠡᠬᠢ ᠨᠤᠲᠤᠭ ᠤ᠋ᠨ ᠬᠢᠨ ᠬᠡᠯᠡᠯᠴᠡᠳᠡᠭᠶᠤᠮ
ᠰᠡᠳᠬᠢᠯ ᠦ᠋ᠨ ᠴᠡᠴᠡᠷᠯᠢᠭ ᠲᠦ᠍ ᠥᠷᠯᠥᠭᠡ ᠢᠷᠡᠭᠰᠡᠨ ᠬᠠᠢᠷᠠ ᠳᠤᠷᠠᠯᠠᠯ
ᠰᠡᠷᠢᠭᠦᠨ ᠦᠳᠡᠰᠢ ᠪᠣᠯᠬᠤ ᠳ᠋ᠤ᠌ ᠪᠤᠴᠠᠭᠠ ᠦᠭᠡᠢ ᠯᠡ ᠪᠠᠢᠨᠠ ᠰᠢᠦ ᠳᠡ
《ᠳᠠᠷᠠᠰᠤ᠂ ᠲᠠᠯᠬᠠ ᠪᠠᠨ ᠵᠣᠴᠢᠨ ᠲᠠᠨᠠ ᠪᠠᠷᠢᠯᠠ
ᠳᠠᠩ ᠤᠳᠠᠯ ᠦᠭᠡᠢ ᠥᠨᠳᠥᠷᠯᠡᠨᠡ ᠰᠢᠦ ᠳᠡ》 ᠭᠡᠵᠦ ᠪᠢ ᠬᠡᠯᠡᠯᠡ
《ᠢᠯᠡᠭᠦᠦ ᠵᠣᠴᠢᠨ ᠪᠢᠰᠢ᠂ ᠭᠡᠷ ᠦ᠋ᠨ ᠴᠢᠨᠢ ᠡᠵᠡᠭᠲᠡᠢ ᠪᠠᠢᠨᠠ》 ᠭᠡᠵᠦ
ᠢᠨᠢᠶᠡᠮᠰᠦᠭᠯᠡᠭᠰᠡᠭᠡᠷ ᠲᠡᠷᠡ᠂ ᠬᠠᠷᠢᠭᠤ ᠬᠡᠯᠡᠳᠡᠭ ᠪᠠᠢᠨᠠ᠃
※ ※ ※
ᠵᠢᠭᠦᠷᠲᠡᠨ ᠤᠷᠤᠭᠤ᠂ ᠲᠡᠷᠡ ᠳᠤᠮᠳᠠ ᠪᠠᠨ ᠠᠯᠲᠠᠨ ᠭᠤᠷᠭᠤᠤᠯᠳᠠᠢ ᠤᠷᠤᠭᠤ
ᠵᠢᠵᠢᠭ ᠴᠦ᠍ ᠭᠡᠰᠡᠨ᠂ ᠴᠢᠯᠠᠭᠤ ᠪᠢᠲᠡᠭᠡᠢ ᠰᠢᠳᠡᠵᠦ ᠪᠠᠢ
ᠵᠢᠷ ᠦ᠋ᠨ ᠠᠮᠠᠷᠠᠭ ᠤ᠋ᠨ ᠢ᠋ᠶ᠋ᠠᠨ ᠵᠢᠷᠦᠬᠡ ᠶ᠋ᠢ ᠬᠡᠦᠬᠡᠨ ᠨᠦ᠍ᠭᠦᠳ ᠮᠢᠨᠢ
ᠵᠢᠬᠡᠭᠦᠴᠡᠭᠦᠯᠵᠦ ᠬᠡᠵᠢᠶᠡ ᠴᠦ᠍ ᠪᠢᠲᠡᠭᠡᠢ ᠵᠣᠪᠠᠭᠠᠵᠤ ᠪᠠᠢ!
ᠬᠣᠩᠭᠣᠷ ᠮᠢᠨᠢ ᠴᠢ ᠬᠠᠲᠠᠭᠤᠬᠠᠨ ᠪᠠᠢᠭᠠ ᠨᠢ ᠡᠨᠡ ᠭᠡᠳ
ᠬᠣᠢᠲᠤᠬᠢ ᠤᠷᠢᠳᠤᠬᠢ ᠪᠠᠨ ᠪᠣᠳᠣᠯ ᠦᠭᠡᠢ ᠦᠭᠡ ᠬᠠᠶᠠ ᠠᠯᠳᠠᠬᠤ ᠶᠤᠮ
ᠰᠢᠷᠦᠭᠦᠨ ᠲᠡᠷᠡ ᠦᠭᠡ ᠴᠢᠨᠢ ᠠᠮᠠᠷᠠᠭ ᠬᠥᠮᠦᠨ ᠦ᠌ ᠵᠢᠷᠦᠬᠡ ᠶ᠋ᠢ
ᠰᠢᠳᠡᠭᠰᠡᠨ ᠴᠢᠯᠠᠭᠤ ᠡᠴᠡ ᠥᠭᠡᠷᠡ ᠴᠦ᠍ ᠦᠭᠡᠢ ᠰᠢᠷᠬᠠᠯᠠᠭᠤᠯᠳᠠᠭ ᠶᠤᠮ ᠰᠢᠦ!
※ ※ ※
ᠳᠤᠷᠠ ᠰᠡᠳᠬᠢᠯ ᠢ᠋ᠶ᠋ᠡᠨ ᠪᠢ ᠶᠠᠭᠠᠬᠢᠬᠤ ᠶᠤᠮ ᠪᠢᠯᠡ ᠳᠠ?
ᠳᠤᠭᠤᠢ ᠴᠢᠮᠠ ᠳ᠋ᠤ᠌ ᠵᠠᠬᠢᠷᠤᠭᠳᠠᠨᠠᠮ ᠪᠢᠰᠢ ᠤᠤ ᠲᠡᠷᠡ
ᠲᠡᠭᠡᠬᠦ ᠳ᠋ᠡᠭᠡᠨ ᠪᠦᠷᠢᠨ ᠵᠠᠬᠢᠷᠬᠤ ᠳ᠋ᠤ᠌ ᠴᠢᠮᠠ ᠳ᠋ᠤ᠌ ᠮᠢᠨᠢ ᠬᠡᠴᠡᠭᠦᠦ ᠳᠡ
ᠲᠡᠷᠡ ᠳᠤᠮᠳᠠ ᠪᠠᠨ ᠨᠠᠳᠠ ᠳ᠋ᠤ᠌ ᠪᠦᠷ ᠴᠦ᠍ ᠬᠡᠴᠡᠭᠦᠦ ᠶᠦ᠍ᠮ ᠴᠢᠨᠢ
ᠬᠦᠰᠡᠯ ᠶᠦ᠍ᠭᠡᠨ ᠢ᠋ ᠮᠢᠨᠢ ᠴᠢ ᠪᠠᠯᠴᠢᠷ ᠬᠡᠦᠬᠡᠳ ᠰᠢᠭ
ᠬᠡᠦᠬᠡᠨ ᠵᠢᠭᠠᠬᠠᠨ ᠭᠠᠷ ᠲᠠᠭᠠᠨ ᠰᠠᠶᠢ ᠡᠴᠡ ᠲᠡᠪᠡᠷᠢᠯᠡ
ᠲᠡᠪᠡᠷᠢᠭᠡᠳ ᠲᠡᠪᠡᠷᠢᠭᠡᠳ ᠪᠦᠷᠢᠮᠦᠰᠦᠨ ᠪᠠᠷᠢᠵᠤ ᠦᠯᠡᠳᠡᠬᠦ ᠦᠭᠡᠢ
ᠲᠡᠭᠦᠨ ᠢ᠋ ᠴᠢᠨᠢ ᠬᠠᠷᠢᠨ ᠪᠢ ᠯᠡ ᠠᠷᠠᠢ ᠡᠷᠲᠡᠨ ᠡᠴᠡ ᠪᠠᠷᠢᠭᠰᠠᠨ ᠶᠤᠮ᠃
※ ※ ※
ᠪᠤᠭᠤᠳᠠᠢ ᠶ᠋ᠢᠨ ᠲᠠᠷᠢᠶᠠ ᠤᠷᠤᠭᠤ ᠭᠠᠭᠴᠠ ᠲᠤᠭᠤᠯ ᠠᠯᠳᠠᠴᠢᠬᠠᠭᠠᠳ
ᠪᠤᠳᠤᠯᠢᠵᠤ ᠡᠳᠦᠷ ᠦ᠋ᠨ ᠳᠠᠭᠤᠰᠤᠨ ᠡᠷᠢᠬᠦ ᠬᠦᠷᠲᠡᠯᠡ ᠪᠡᠨ
ᠪᠤᠬᠢᠮᠳᠤᠬᠤ ᠬᠣᠷᠣᠰᠬᠤ ᠶ᠋ᠢ ᠣᠭᠲᠣ ᠮᠡᠳᠡᠬᠦ ᠦᠭᠡᠢ
ᠪᠤᠵᠠᠭᠠᠢ ᠶᠠᠪᠤᠭᠰᠠᠨ ᠶᠤᠮ ᠭᠡᠨᠡ ᠯᠡ᠂ ᠮᠠᠯᠴᠢᠨ ᠬᠥᠮᠦᠨ ᠃
ᠵᠦᠭ ᠦᠭᠡᠢᠳᠡᠵᠦ ᠵᠤᠯᠢᠬᠳᠠᠵᠤ ᠶᠠᠪᠤᠭᠰᠠᠭᠠᠷ ᠪᠢ
ᠵᠢᠷᠦᠬᠡ ᠪᠡᠨ ᠴᠢᠮᠠ ᠤᠷᠤᠭᠤ ᠠᠯᠳᠠᠴᠢᠬᠠᠬᠤ ᠬᠦᠷᠲᠡᠯᠡ ᠪᠡᠨ
ᠵᠦᠳᠡᠷᠡᠯ ᠰᠠᠨᠳᠤᠷᠤᠯ ᠭᠡᠭᠴᠢ ᠶ᠋ᠢ ᠣᠭᠲᠣ ᠮᠡᠳᠡᠬᠦ ᠦᠭᠡᠢ
ᠵᠦᠭᠡᠷ ᠰᠠᠢᠬᠠᠨ ᠶᠠᠪᠤᠯᠠ ᠳᠠ ᠪᠢ ᠴᠦ᠍ ᠪᠠᠰᠠ ᠃
※ ※ ※
ᠬᠢᠲᠤᠭᠠ ᠲᠠᠯᠪᠢᠯ ᠦᠭᠡᠢ ᠮᠢᠬᠠ ᠢᠳᠡᠵᠦ ᠬᠤᠨᠳᠠᠭᠠ ᠲᠠᠯᠪᠢᠯ ᠦᠭᠡᠢ ᠳᠠᠷᠠᠰᠤ ᠬᠦᠷᠲᠡᠬᠦ
ᠬᠤᠷᠢᠮ ᠤ᠋ᠨ ᠰᠢᠷᠡᠭᠡ | ᠡᠨᠡ ᠵᠢᠷᠦᠬᠡ ᠮᠢᠨᠢ ᠪᠢᠯᠡ ᠃
ᠬᠤᠷᠠᠨ ᠴᠡᠩᠭᠡᠶᠡ ᠭᠡᠵᠦ ᠨᠠᠢᠵᠠ ᠨᠥᠬᠥᠳ ᠢ᠋ᠶ᠋ᠡᠨ ᠠᠪᠴᠢᠷᠠᠯᠠ ᠂
ᠬᠤᠪᠢᠬᠠᠨ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠴᠢ᠂ ᠤᠷᠢᠯᠭᠠ ᠵᠠᠯᠠᠯᠭᠠ ᠦᠭᠡᠢ ᠢᠷᠡᠴᠢᠬᠡᠯᠡ ᠃
ᠥᠨᠳᠥᠷ ᠵᠠᠭᠠᠨ ᠤ᠋ ᠡᠷᠡᠮᠪᠡ ᠪᠡᠷ ᠬᠤᠨᠳᠠᠭᠠ ᠡᠷᠭᠦᠵᠦ
ᠡᠮᠦᠨᠡ ᠴᠢᠨᠢ ᠪᠢᠳᠡ ᠪᠣᠰᠤᠨ ᠪᠣᠰᠤᠨ ᠬᠦᠨᠳᠦᠯᠡᠯᠡ
ᠥᠪᠡᠷ ᠢ᠋ᠶ᠋ᠡᠨ ᠴᠢ ᠨᠠᠢᠷ ᠳᠠᠷᠤᠭᠠᠯᠠᠭᠰᠠᠨ ᠡᠵᠡᠭᠲᠡᠢ ᠪᠣᠯᠵᠤ
ᠥᠴᠦᠬᠡᠨ ᠪᠢ ᠵᠣᠴᠢᠳ ᠳᠤᠮᠳᠠ ᠡᠴᠡ ᠢᠯᠡᠭᠦᠳᠡᠪᠡ ᠠ᠋᠃
※ ※ ※
ᠴᠢ ᠪᠢᠳᠡ ᠬᠣᠶᠠᠷ ᠢ᠋ ᠬᠣᠷᠸᠠ ᠳ᠋ᠤ᠌ ᠠᠩᠬᠠ ᠤᠴᠠᠷᠠᠬᠤ ᠳ᠋ᠤ᠌
ᠴᠢᠮᠬᠢᠭᠦᠨ ᠡᠪᠦᠯ ᠦ᠋ᠨ ᠣᠷᠣᠬᠤ ᠴᠠᠰᠤᠨ ᠵᠣᠭᠰᠣᠵᠤ
ᠪᠡᠶᠡ ᠪᠡᠶᠡ ᠪᠡᠨ ᠡᠷᠢᠭᠰᠡᠭᠡᠷ ᠠᠩᠬᠠᠨ ᠣᠯᠤᠭᠰᠠᠨ
ᠪᠢᠳᠡᠨ ᠬᠣᠶᠠᠷ ᠰᠢᠭ᠋ ᠬᠠᠪᠤᠷ ᠤ᠋ᠨ ᠴᠡᠴᠡᠭ ᠳᠡᠯᠭᠡᠷᠡᠭᠰᠡᠨ ᠠ᠋᠃
ᠠᠩᠬᠢᠯᠤᠭᠤᠨ ᠬᠠᠪᠤᠷ ᠵᠢᠯ ᠪᠦᠷᠢ ᠴᠡᠴᠡᠷᠯᠢᠭ ᠳᠣᠲᠣᠷᠠ
ᠠᠯᠢᠮᠠ ᠶ᠋ᠢᠨ ᠮᠣᠳᠣ ᠴᠠᠪ ᠴᠠᠭᠠᠨ ᠴᠡᠴᠡᠭ ᠢ᠋ᠶ᠋ᠡᠨ ᠮᠥᠷᠦᠨ ᠳᠡᠭᠡᠷᠡ ᠮᠠᠨᠢ ᠬᠠᠶᠠᠯᠠᠪᠠ
ᠠᠩᠬᠠᠯᠠᠨ ᠴᠢ ᠪᠢᠳᠡᠨ ᠢ᠋ ᠤᠴᠠᠷᠠᠬᠤ ᠶ᠋ᠢ ᠬᠦᠷᠲᠡᠯᠡ ᠬᠣᠷᠸᠠ ᠳ᠋ᠤ᠌
ᠠᠢᠬᠤᠪᠲᠤᠷ ᠬᠦᠢᠲᠡᠨ ᠡᠪᠦᠯ ᠪᠠᠢᠵᠠᠢ ᠳᠠ ᠭᠡᠵᠦ ᠰᠡᠳᠬᠢᠯ ᠳ᠋ᠦ᠍ ᠣᠷᠣᠨᠠᠮ ᠃
※ ※ ※
ᠠᠮᠠᠨ ᠡᠴᠡ ᠴᠢᠨᠢ ᠭᠠᠷᠬᠤ ᠠᠮᠲᠠᠲᠠᠢᠬᠠᠨ ᠦᠭᠡ
ᠠᠯᠠᠭ ᠵᠢᠷᠦᠬᠡ ᠤᠷᠤᠭᠤ ᠮᠢᠨᠢ ᠶᠠᠭ ᠯᠠ
ᠠᠷᠪᠠᠲᠤ ᠶ᠋ᠢᠨ ᠵᠣᠭᠣᠰ ᠣᠰᠤᠨᠠ ᠣᠷᠬᠢᠬᠤ ᠮᠡᠲᠦ
ᠠᠯᠤᠰ ᠢᠷᠣᠭᠠᠯ ᠢ᠋ ᠨᠢ ᠬᠦᠷᠲᠡᠯᠡ ᠣᠷᠣᠬᠤ ᠶᠤᠮ ᠃
ᠪᠤᠯᠲᠠᠵᠤ ᠵᠠᠢᠮᠤᠷᠠᠭᠰᠠᠨ ᠨᠢᠳᠦᠨ ᠦ᠌ ᠴᠢᠨᠢ
ᠪᠤᠯᠤᠩ ᠤ᠋ᠨ ᠨᠢᠯᠪᠤᠰᠤ᠂ ᠮᠢᠨᠦ ᠬᠠᠷᠠᠬᠤ ᠳ᠋ᠤ᠌
ᠪᠤᠯᠠᠭ ᠤᠰᠤᠨ ᠤ᠋ ᠲᠡᠨᠳᠡ ᠴᠠᠭᠠᠨ ᠬᠥᠳᠡᠬᠥᠤ ᠰᠢᠪᠠᠭᠤ
ᠪᠤᠲᠠᠨ ᠳᠤᠮᠳᠠ ᠪᠠᠨ ᠪᠤᠯᠲᠠᠯᠵᠠᠬᠤ ᠰᠢᠭ᠋ ᠰᠠᠨᠠᠭᠳᠠᠬᠤ ᠶᠤᠮ ᠃
※ ※ ※
ᠨᠠᠮᠠᠶ᠋ᠢ ᠪᠤᠭᠤᠷᠤᠯ᠂ ᠴᠢᠮᠠᠶ᠋ᠢ ᠵᠠᠯᠠᠭᠤ ᠭᠡᠵᠦ ᠲᠣᠳᠣᠷᠠᠭᠤᠯᠬᠤ ᠭᠡᠰᠡᠨ ᠪᠢᠰᠢ
ᠨᠠᠰᠤ ᠪᠠᠨ ᠲᠣᠭᠠᠴᠢᠭᠠᠳ ᠴᠤ᠌ ᠶᠠᠭᠠᠬᠢᠬᠤ ᠪᠣᠢ᠂ ᠮᠠᠷᠲᠠᠶᠠ ᠲᠦᠪᠡᠭ
ᠡᠨᠡ ᠪᠤᠭᠤᠷᠤᠯ ᠪᠣᠯᠳᠠᠭ ᠲᠤ᠌ ᠮᠢᠨᠢ ᠳᠡᠩᠳᠡᠭᠦᠦ ᠵᠠᠯᠠᠭᠤ ᠨᠠᠰᠤ ᠴᠢᠨᠢ
ᠡᠷᠬᠡᠪᠰᠢ ᠨᠥᠯᠥᠭᠡᠯᠡᠭᠰᠡᠨ ᠯᠡ ᠶᠦ᠍ᠮ ᠪᠢᠯᠡ ᠤᠤ ᠬᠡᠨ ᠮᠡᠳᠡᠯᠡ᠃
ᠥᠲᠡᠯᠦᠨᠡ ᠠ᠋ ᠭᠡᠳᠡᠭ ᠭᠡᠮ ᠪᠢᠰᠢ ᠶᠣᠰᠣ ᠬᠣᠢᠨᠠ
ᠥᠪᠡᠷ ᠲᠦ᠍ ᠮᠢᠨᠢ᠂ ᠨᠠᠰᠤ ᠶ᠋ᠢ ᠮᠢᠨᠢ ᠪᠢᠲᠡᠭᠡᠢ ᠬᠡᠯᠡᠵᠦ ᠪᠠᠢ
ᠡᠳᠡᠭᠡᠰᠢ ᠦᠭᠡᠢ ᠰᠢᠷᠬᠠᠳᠤᠭᠰᠠᠨ ᠬᠥᠮᠦᠨ ᠳ᠋ᠦ᠍ ᠬᠡᠨ ᠴᠦ᠍ ᠭᠡᠰᠡᠨ
ᠡᠨᠡ ᠰᠢᠷᠬᠠᠨ ᠡᠴᠡ ᠪᠠᠨ ᠦᠬᠦᠨᠡ ᠰᠢᠦ ᠴᠢ ᠭᠡᠵᠦ ᠬᠡᠯᠡᠳᠡᠭ ᠦᠭᠡᠢ ᠰᠢᠦ ᠳᠡ᠃
※ ※ ※
ᠥᠪᠡᠷ ᠢ᠋ ᠴᠢᠨᠢ ᠲᠠᠢᠪᠤᠩ ᠨᠣᠢᠷᠰᠤᠭᠤᠯᠬᠤ ᠭᠡᠵᠦ
ᠥᠯᠥᠭᠡᠢ ᠶ᠋ᠢᠨ ᠳᠠᠭᠤᠤ ᠳᠠᠭᠤᠯᠠᠭᠠᠳ ᠪᠢ ᠶᠠᠭᠠᠬᠢᠬᠤ ᠪᠣᠢ
ᠥᠷᠯᠥᠭᠡᠨ ᠦ᠌ ᠭᠡᠭᠡ ᠣᠷᠣᠨ ᠣᠷᠣᠲᠠᠯᠠ ᠡᠮᠦᠨᠡ ᠴᠢᠨᠢ
ᠥᠪᠡᠷ ᠢ᠋ᠶ᠋ᠡᠨ ᠪᠢ ᠨᠣᠮᠣᠬᠠᠨ ᠵᠣᠭᠰᠣᠮᠠᠷ ᠪᠠᠢᠨᠠ ᠃
ᠴᠢᠭᠢᠭᠲᠦ ᠨᠠᠮᠤᠷ ᠤ᠋ᠨ ᠤᠷᠲᠤ ᠶ᠋ᠢᠨ ᠤᠷᠲᠤ ᠰᠥᠨᠢᠵᠢᠨ ᠪᠢ
ᠴᠢᠨᠦ ᠪᠡᠨ ᠠᠮᠤᠷ ᠲᠠᠢᠪᠤᠩ ᠢ᠋ ᠬᠠᠮᠠᠭᠠᠯᠠᠨ ᠵᠣᠭᠰᠣᠬᠤ ᠰᠠᠨ
ᠴᠢᠮᠡᠭᠡ ᠦᠭᠡᠢ ᠴᠣᠩᠬᠣᠨ ᠳᠡᠭᠡᠷᠡ᠂ ᠮᠥᠷᠡᠨ ᠦ᠌ ᠤᠰᠤ ᠤᠷᠤᠭᠤ ᠪᠥᠬᠥᠢᠰᠬᠡᠵᠤ
ᠴᠢᠯᠡᠬᠰᠡᠨ ᠠᠭᠴᠢ ᠮᠣᠳᠣᠨ ᠲᠡᠭᠡᠵᠦ ᠬᠠᠷᠠᠭᠳᠠᠳᠠᠭ ᠠ᠋ ᠳᠠ ⁈
ᠣᠯᠠᠨ ᠡᠴᠡ ᠣᠨᠴᠠᠭᠠᠢ ᠴᠢᠨᠦ ᠪᠡᠨ ᠲᠤᠬᠠᠢ ᠪᠢ
ᠣᠨᠴᠠᠯᠠᠨ ᠪᠢᠴᠢᠬᠦ ᠡᠴᠡ ᠪᠡᠨ ᠠᠶᠤᠬᠤ ᠶᠤᠮ ᠂ ᠲᠡᠭᠦᠨ ᠢ᠋ ᠮᠠᠨᠢ
ᠣᠯᠵᠤ ᠤᠩᠰᠢᠴᠢᠬᠠᠭᠠᠳ᠂ ᠨᠠᠳᠠ ᠡᠴᠡ ᠳᠡᠭᠡᠷᠡ᠂ ᠨᠠᠳᠠ ᠡᠴᠡ ᠰᠠᠢᠬᠠᠨ ᠨᠢ
ᠣᠭᠣᠰᠣᠷᠯᠠᠴᠢᠬᠠᠬᠤ ᠪᠣᠢ ᠴᠢᠮᠠᠶ᠋ᠢ ᠮᠢᠨᠢ᠂ ᠨᠡᠭᠡᠷᠡᠨ ᠰᠢᠦ᠃
ᠣᠯᠠᠨ ᠡᠴᠡ ᠣᠨᠴᠠᠭᠠᠢ ᠴᠢᠨᠦ ᠪᠡᠨ ᠲᠤᠬᠠᠢ ᠪᠢ
ᠤᠷᠤᠯᠳᠤᠵᠤ ᠪᠢᠴᠢᠭᠡᠳ ᠴᠦ᠍ ᠶᠠᠭᠠᠬᠢᠬᠤ ᠪᠣᠢ᠂ ᠬᠡᠨ ᠨᠢᠭᠡ ᠨᠢ ᠦᠵᠡᠴᠢᠬᠡᠭᠡᠳ
ᠣᠯᠵᠤ ᠴᠢᠮᠠ ᠳ᠋ᠠᠭᠠᠨ ᠲᠡᠭᠦᠭᠰᠡᠨ ᠮᠢᠨᠦ ᠲᠡᠷᠡ ᠦᠭᠡᠰ ᠢ᠋
ᠣᠨᠳᠣᠣ ᠨᠢᠭᠡ ᠢᠨᠠᠭ ᠲᠠᠭᠠᠨ ᠬᠡᠯᠡᠵᠦ ᠶᠠᠪᠤᠬᠤ ᠪᠣᠢ ᠭᠡᠨᠡᠮ ᠃
※ ※ ※
ᠠᠩᠬᠠ ᠬᠠᠨᠢᠯᠠᠬᠤ ᠶ᠋ᠢᠨ ᠶᠠᠭᠤᠮᠠ ᠪᠦᠬᠦᠨ ᠨᠢ ᠠᠷᠢᠯᠵᠤ
ᠠᠭᠠᠰᠢ ᠨᠢ ᠬᠤᠪᠢᠷᠠᠵᠠᠢ ᠭᠡᠵᠦ ᠴᠢ ᠦᠨᠡᠨ ᠬᠡᠯᠡᠯᠡ
ᠠᠩᠬᠠ ᠬᠠᠨᠢᠯᠠᠬᠤ ᠳ᠋ᠠᠭᠠᠨ ᠪᠢ ᠴᠢᠮᠠ ᠲᠠᠢ ᠪᠠᠨ
ᠠᠵᠠᠲᠠᠢ ᠵᠠᠯᠠᠭᠤ ᠨᠠᠰᠤᠨ ᠤ᠋ ᠪᠠᠨ ᠪᠠᠶᠠᠷ ᠪᠦᠬᠦᠨ ᠢ᠋ ᠬᠤᠪᠢᠶᠠᠵᠤ ᠶᠠᠪᠤᠯᠠ᠃
ᠬᠣᠩᠭᠣᠷ ᠮᠢᠨᠢ ᠦᠨᠡᠮᠰᠢ᠂ ᠳᠣᠲᠣᠷ ᠮᠢᠨᠢ ᠬᠥᠷᠥᠬᠰᠡᠨ ᠶᠦ᠍ᠮ ᠪᠢᠰᠢ
ᠬᠣᠷᠸᠠ ᠡᠴᠡ ᠬᠦᠷᠲᠡᠬᠦ ᠶᠠᠭᠤᠮᠠ ᠪᠦᠬᠦᠨ ᠢ᠋ᠶ᠋ᠡᠨ ᠬᠤᠪᠢᠶᠠᠶᠠ ᠭᠡᠬᠦ ᠳ᠋ᠦ᠍
ᠤᠷᠮᠠ ᠵᠣᠷᠢᠭ ᠢ᠋ ᠴᠢᠨᠢ ᠭᠤᠲᠤᠭᠠᠬᠤ ᠪᠣᠢ ᠭᠡᠮᠡᠨ ᠵᠣᠪᠠᠯᠠ
ᠤᠢᠳᠬᠠᠷ ᠭᠤᠨᠢᠭ ᠢ᠋ᠶ᠋ᠠᠨ ᠬᠤᠪᠢᠶᠠᠯᠴᠠᠬᠤ ᠡᠴᠡ ᠪᠠᠨ ᠲᠦᠳᠡᠭᠡᠯᠵᠡᠯᠡ!
※ ※ ※
ᠲᠡᠭᠷᠢᠯᠢᠭ ᠨᠢᠳᠦ ᠪᠡᠨ ᠨᠠᠳᠠ ᠳᠡᠭᠡᠷᠡ ᠳᠤᠰᠬᠠᠵᠤ ᠦᠭᠡ ᠬᠠᠢᠷᠠᠯᠠᠭᠠᠴᠢ
ᠲᠡᠮᠳᠡᠭ ᠳᠣᠬᠢᠶᠠ ᠥᠭᠪᠡᠯ ᠴᠢᠨᠢ ᠪᠢ᠂ ᠣᠷᠭᠢᠯ ᠤ᠋ᠨ ᠣᠷᠭᠢᠯ ᠳ᠋ᠤ᠌ ᠭᠠᠷᠤᠶᠠ
ᠲᠡᠭᠡ ᠭᠡᠪᠡᠯ ᠴᠢᠨᠢ ᠪᠢ ᠤᠯᠠᠭᠠᠨ ᠭᠠᠯ ᠤᠷᠤᠭᠤ ᠣᠷᠣᠶᠠ
ᠲᠠᠩᠭᠢᠰ ᠳᠠᠯᠠᠢ ᠶ᠋ᠢᠨ ᠤᠰᠤᠨ ᠡᠷᠭᠢᠭᠦᠯᠭᠡ ᠤᠷᠤᠭᠤ ᠦᠰᠦᠷᠦᠶᠡ᠃
ᠬᠣᠷᠸᠠ ᠳᠡᠯᠡᠬᠡᠢ ᠶ᠋ᠢᠨ ᠲᠡᠩᠭᠡᠯᠢᠭ ᠬᠤᠪᠢᠶᠠᠨ ᠳᠣᠭᠣᠯᠤᠶᠠ
ᠬᠣᠩᠭᠣᠷ ᠲᠠᠨ ᠤ᠋ ᠠᠷᠢᠭᠤᠨ ᠨᠡᠷᠡ ᠶ᠋ᠢ ᠠᠯᠳᠠᠷᠰᠢᠭᠤᠯᠤᠶᠠ
ᠴᠢᠳᠠᠬᠤ ᠪᠦᠬᠦᠨ ᠢ᠋ᠶ᠋ᠡᠨ ᠬᠢᠶᠡ᠂ ᠵᠠᠷᠯᠢᠭ ᠢ᠋ᠶ᠋ᠠᠨ ᠲᠠ ᠪᠠᠭᠤᠯᠭᠠᠵᠤ
ᠴᠢᠩᠭᠠᠬᠠᠨ ᠦᠨᠦᠰᠦᠭᠡᠳ ᠨᠠᠮᠠᠶ᠋ᠢ ᠭᠠᠷᠭᠠᠵᠤ ᠥᠭ᠃
※ ※ ※
ᠢᠩᠲᠣᠣᠷ ᠤ᠋ᠨ ᠠᠷᠬᠠᠭ ᠮᠥᠴᠢᠷ ᠳᠣᠣᠷᠠ ᠬᠣᠣᠰ ᠵᠠᠯᠠᠭᠤ ᠦᠨᠦᠰᠦᠯᠳᠦᠨᠡ
ᠶᠡᠬᠡ ᠪᠦᠳᠡᠭᠢᠬᠡᠨ ᠰᠢᠪᠡᠨᠡᠭᠡ ᠨᠢ ᠦᠳᠡᠰᠢ ᠪᠡᠷ ᠨᠠᠳᠠ ᠳ᠋ᠤ᠌ ᠰᠣᠨᠣᠰᠤᠭᠳᠠᠨᠠ
ᠢᠩᠭᠢᠵᠦ ᠶᠠᠪᠤᠭᠰᠠᠨ ᠴᠠᠭ᠂ ᠰᠢᠪᠡᠨᠡᠵᠦ ᠬᠡᠯᠡᠭᠰᠡᠨ ᠠᠨᠳᠠᠭᠠᠢ ᠮᠢᠨᠢ
ᠢᠪ ᠢᠯᠡᠬᠡᠨ ᠰᠠᠨᠠᠭᠳᠠᠪᠠᠴᠤ ᠬᠣᠯᠠ ᠶ᠋ᠢᠨ ᠬᠣᠯᠠ ᠦᠯᠡᠳᠡᠵᠡᠢ!
ᠳᠡᠯᠡᠬᠡᠢ ᠰᠡᠷᠭᠦᠬᠦ ᠬᠠᠪᠤᠷ ᠤ᠋ᠨ ᠬᠢᠯᠢᠩ ᠬᠠᠷᠠ ᠰᠥᠨᠢ
ᠳᠡᠩᠳᠡᠭᠦᠦ ᠣᠩᠭᠣᠨ ᠪᠡᠶᠡᠰ ᠮᠢᠨᠢ ᠭᠬᠢᠷ ᠰᠠᠭᠤᠭᠠ ᠦᠭᠡᠢ ᠶᠠᠪᠤᠯᠠ
ᠤᠤᠭᠠᠨ ᠲᠠᠩᠭᠠᠷᠢᠭ ᠶᠤᠭᠠᠨ ᠤᠷᠤᠭᠤᠯ ᠮᠡᠳᠡᠨ ᠰᠢᠪᠡᠨᠡᠭᠰᠡᠨ
ᠤᠷᠭᠤᠭᠠ ᠮᠣᠳᠣᠨ ᠤ᠋ ᠴᠢᠯᠥᠭᠡᠨ ᠳ᠋ᠦ᠍ ᠥᠰᠪᠥᠷᠢ ᠨᠠᠰᠤᠨ ᠥᠲᠡᠯᠵᠡᠢ᠃
※ ※ ※
《ᠡᠢᠮᠦ ᠵᠠᠯᠠᠭᠤ ᠳ᠋ᠠᠭᠠᠨ ᠶᠠᠭᠠᠬᠢᠭᠠᠳ ᠪᠤᠭᠤᠷᠤᠯᠲᠤᠪᠠ ᠢᠨᠠᠭ ᠮᠢᠨᠢ!》 ᠭᠡᠵᠦ
ᠢᠯᠡᠷᠬᠡᠢ ᠭᠠᠢᠬᠠᠵᠤ ᠴᠢ ᠮᠢᠨᠢ ᠠᠰᠠᠭᠤᠬᠤ ᠶᠤᠮ ᠳᠠ
ᠢᠳᠡ ᠵᠤᠨ ᠤ᠋ ᠥᠷᠯᠥᠭᠡ᠂ ᠴᠣᠩᠬᠣ ᠪᠠᠷ ᠢ᠋ᠶ᠋ᠠᠨ ᠰᠠᠨᠠᠭᠠᠨ ᠳ᠋ᠤ᠌ ᠦᠭᠡᠢ ᠱᠠᠭᠠᠢᠵᠤ
ᠶᠡᠬᠡ ᠴᠠᠰᠤ ᠬᠠᠷᠠᠭᠰᠠᠨ ᠬᠥᠮᠦᠨ ᠰᠢᠭ ᠯᠡ ᠭᠠᠢᠬᠠᠬᠤ ᠶᠤᠮ ᠳᠠ᠂
ᠢᠨᠠᠭᠬᠠᠨ ᠮᠢᠨᠢ ᠪᠢ ᠥᠪᠡᠷ ᠢ᠋ᠶ᠋ᠡᠨ ᠴᠦ᠍ ᠤᠴᠢᠷ ᠢ᠋ ᠡᠰᠡ ᠮᠡᠳᠡᠨᠡ ᠠ᠋
ᠶᠠᠭᠠᠬᠢᠭᠠᠳ ᠴᠣᠬᠣᠮ ᠴᠠᠪ ᠴᠠᠭᠠᠨ ᠵᠢᠭᠦᠷᠲᠦ ᠰᠢᠪᠠᠭᠤᠬᠠᠢ
ᠤᠨᠠᠭᠠᠨ ᠦᠰᠦᠨ ᠳ᠋ᠦ᠍ ᠮᠢᠨᠢ ᠠᠰᠠᠭᠤᠯ ᠦᠭᠡᠢ ᠣᠷᠣᠵᠤ ᠢᠷᠡᠭᠡᠳ
ᠤᠷᠲᠤ ᠤᠳᠠᠭᠠᠨ ᠣᠷᠣᠩᠨᠠᠬᠤ ᠪᠣᠯᠤᠭᠰᠠᠨ ᠤ᠋ ᠤᠴᠢᠷ ᠶᠠᠭᠤ ᠶᠤᠮ ᠪᠣᠯ ᠠ᠋
ᠦᠭᠡᠢ ᠠ᠋᠂ ᠡᠨᠡ ᠥᠲᠡᠯᠦᠯᠲᠡ ᠪᠢᠰᠢ᠂ ᠢᠳᠡᠭᠡ ᠴᠢ ᠮᠢᠨᠢ
ᠦᠰᠦ ᠪᠤᠭᠤᠷᠤᠯᠲᠤᠬᠤ ᠨᠠᠰᠤ ᠴᠤ᠌ ᠪᠢᠰᠢ ᠴᠠᠭ ᠴᠤ᠌ ᠪᠢᠰᠢ
ᠵᠦᠢᠲᠡᠢᠬᠡᠨ ᠰᠢᠯᠦᠭ ᠦ᠋ᠨ ᠢ᠋ᠶ᠋ᠡᠨ ᠠᠮᠢᠨ ᠡᠴᠡ ᠭᠠᠷᠬᠤ ᠪᠢᠯᠡ ᠭᠡᠵᠦ
ᠵᠡᠭᠦᠳᠦᠯᠡᠭᠰᠡᠨ ᠦᠭᠡᠢ ᠶᠠᠪᠤᠯᠠ ᠬᠦ᠂ ᠠᠢ ᠪᠤᠤ ᠦᠵᠡᠭᠳᠡ
ᠰᠡᠮᠡᠬᠡᠨ ᠴᠦ᠍ ᠭᠡᠯᠡ ᠨᠢ ᠦᠷᠭᠦᠯᠵᠢᠯᠡᠭᠰᠡᠨ ᠦᠭᠡ ᠪᠡᠷ ᠨᠣᠴᠣᠯᠳᠤᠭᠰᠠᠨ ᠦᠭᠡᠢ
ᠰᠡᠳᠬᠢᠯᠭᠡ ᠪᠡᠷ ᠢ᠋ᠶ᠋ᠡᠨ ᠪᠢ ᠴᠢᠨᠢ ᠱᠠᠯ ᠬᠡᠦᠬᠡᠳ ᠶᠠᠪᠤᠯᠠ ᠯᠠ
ᠠᠭᠠᠷ ᠲᠤ᠌ ᠴᠤ᠌᠂ ᠴᠠᠰᠤᠨ ᠳᠡᠭᠡᠷᠡ ᠴᠦ᠍ ᠬᠠᠮᠢᠭᠠ ᠯᠠ ᠪᠣᠯ ᠬᠠᠮᠢᠭᠠ
ᠠᠮᠢᠰᠬᠤᠯᠯᠠᠭᠰᠠᠨ᠂ ᠶᠠᠪᠤᠭᠰᠠᠨ ᠭᠠᠵᠠᠷ ᠲᠠᠭᠠᠨ ᠰᠢᠯᠦᠭ ᠢ᠋ᠶ᠋ᠡᠷ ᠬᠡᠯᠬᠢᠯᠡ ᠯᠡ
ᠥᠨᠥ ᠯᠡ ᠳᠡᠪᠡᠷᠡᠭᠦᠨ ᠪᠣᠳᠣᠯ ᠥᠨᠳᠥᠷ ᠬᠦᠰᠡᠯᠡᠩ ᠬᠡᠪ ᠢ᠋ᠶ᠋ᠡᠷ
ᠥᠪᠡᠷ ᠢ᠋ ᠴᠢᠨᠢ ᠳᠠᠭᠤᠳᠠᠨ ᠰᠢᠪᠡᠨᠡᠭᠰᠡᠭᠡᠷ ᠤᠨᠲᠠᠵᠤ ᠬᠣᠴᠣᠷᠳᠠᠭ ᠴᠤ᠌ ᠬᠡᠪ ᠢ᠋ᠶ᠋ᠡᠷ᠁
ᠥᠳᠬᠡᠨ ᠴᠡᠴᠡᠷᠯᠢᠭ ᠲᠦ᠍ ᠭᠡᠲᠡᠯᠡ᠂ ᠤᠷᠭᠤᠵᠤ ᠪᠠᠢᠭᠠ ᠠᠯᠢᠮᠠ ᠶ᠋ᠢ
ᠥᠩᠭᠡ ᠴᠠᠭᠠᠨ ᠴᠠᠰᠤ ᠬᠤᠴᠢᠳᠠᠭ ᠰᠢᠦ ᠳᠡ ᠵᠠᠷᠢᠮ ᠳ᠋ᠠᠭᠠᠨ᠃
ᠦᠰᠦ ᠮᠢᠨᠢ ᠢᠩᠭᠢᠵᠦ ᠪᠤᠭᠤᠷᠤᠯᠲᠤᠳᠠᠭ ᠤ᠋ᠨ ᠤᠴᠢᠷ
ᠦᠬᠦᠲᠡᠯᠡ ᠪᠡᠨ ᠴᠢᠮᠠ ᠳ᠋ᠤ᠌ ᠳᠤᠷᠠᠯᠠᠭᠰᠠᠨ ᠤ᠋ ᠬᠢ ᠴᠦ᠍ ᠪᠠᠢᠵᠤ ᠮᠠᠭᠠᠳ ᠦᠭᠡᠢ
ᠦᠨᠡᠬᠡᠷ ᠦ᠋ᠨ ᠪᠢ ᠬᠠᠢᠷᠠᠲᠠᠢ ᠶᠠ! ᠡᠭᠦᠷᠢᠳᠡ ᠴᠢᠮᠠ ᠳ᠋ᠠᠭᠠᠨ ᠰᠡᠳᠬᠢᠯᠲᠡᠢ ᠶᠡ!
ᠦᠢᠯᠡ ᠶ᠋ᠢᠨ ᠦᠷᠡ ᠦᠭᠡᠢ ᠬᠠᠢᠷᠠ ᠡᠴᠡ ᠯᠠᠪ ᠪᠤᠭᠤᠷᠤᠯᠲᠤᠭᠰᠠᠨ ᠰᠢᠦ ᠡᠨᠡ!
ᠡᠰᠡᠪᠡᠯ᠂ ᠪᠢ ᠠᠯᠵᠢᠶᠠᠯ ᠤᠢᠳᠬᠠᠷ ᠡᠴᠡ ᠪᠣᠯᠤᠭᠰᠠᠨ ᠪᠠᠢᠬᠠ
ᠡᠨᠳᠡ ᠲᠡᠨᠳᠡᠬᠢ ᠶ᠋ᠢᠨ ᠠᠶᠠᠨ ᠵᠠᠮ ᠳ᠋ᠤ᠌ ᠪᠤᠭᠤᠷᠤᠯᠲᠤᠭᠰᠠᠨ ᠪᠠᠢᠬᠠ
ᠰᠠᠯᠤᠯᠲᠠ ᠨᠢ ᠶᠡᠬᠡ᠂ ᠠᠭᠤᠯᠵᠠᠯᠲᠠ ᠨᠢ ᠪᠠᠭᠠ ᠪᠠᠢᠭᠰᠠᠨ ᠪᠣᠯᠬᠤ ᠪᠠᠷ
ᠰᠠᠯᠤᠯᠲᠠ ᠡᠴᠡ ᠪᠣᠯᠵᠤ ᠦᠰᠦ ᠮᠢᠨᠢ ᠴᠠᠢᠵᠠᠢ ᠰᠢᠦ᠂ ᠪᠠᠽᠠᠷᠪᠠᠨᠢ!
ᠪᠠᠰᠠ᠂ ᠲᠡᠷᠡ ᠪᠦᠷᠢ ᠴᠢ ᠨᠠᠮᠠᠶ᠋ᠢ ᠪᠠᠨ ᠬᠠᠢᠷᠠᠯᠠᠭᠰᠠᠨ ᠦᠭᠡᠢ
ᠪᠠᠷᠤᠭᠲᠠᠢᠬᠠᠨ ᠬᠠᠨᠳᠤᠵᠤ ᠪᠠᠢᠭᠰᠠᠨ ᠦᠶᠡ ᠪᠣᠢ ᠰᠢᠦ
ᠮᠠᠭᠠᠳ ᠦᠭᠡᠢ ᠥᠴᠥᠭᠡᠳᠦᠷ ᠦ᠋ᠨ ᠴᠢᠨᠢ ᠡᠪ ᠦᠭᠡᠢ ᠦᠭᠡᠨ ᠡᠴᠡ ᠪᠣᠯᠵᠤ
ᠮᠠᠩᠨᠠᠢ ᠡᠴᠡ ᠪᠠᠨ ᠪᠤᠭᠤᠷᠤᠯᠲᠤᠵᠤ ᠴᠤ᠌ ᠪᠠᠢᠭᠠ ᠶᠤᠮ ᠪᠢᠯᠡ ᠤᠤ᠃
ᠡᠭᠦᠯᠡᠨ ᠳᠡᠭᠡᠭᠦᠷ ᠵᠠᠯᠠᠷᠠᠭᠠ ᠦᠭᠡᠢ ᠲᠣᠭᠣᠰᠣᠲᠤ ᠬᠣᠷᠸᠠ ᠳ᠋ᠤ᠌ ᠶᠠᠪᠤᠭᠰᠠᠨ ᠪᠣᠯᠬᠤ ᠪᠠᠷ
ᠦᠵᠡᠭᠰᠡᠨ ᠠᠮᠰᠠᠭᠰᠠᠨ ᠡᠴᠡ ᠪᠠᠨ ᠪᠣᠯᠤᠭᠠᠳ ᠴᠤ᠌ ᠪᠤᠭᠤᠷᠤᠯᠲᠤᠭᠰᠠᠨ ᠪᠠᠢᠵᠤ ᠮᠠᠭᠠᠳ ᠦᠭᠡᠢ
ᠦᠵᠡᠯ ᠦ᠋ᠨ ᠳᠠᠢᠰᠤᠨ ᠢ᠋ᠶ᠋ᠠᠨ ᠲᠠᠨᠢᠯ ᠦᠭᠡᠢ᠂ ᠠᠯᠳᠠᠷ ᠢ᠋ ᠨᠢ ᠡᠷᠭᠦᠭᠰᠡᠨ ᠨᠢ ᠪᠣᠢ
ᠦᠶᠡ ᠶ᠋ᠢᠨ ᠨᠠᠢᠵᠠ ᠮᠢᠨᠢ ᠨᠠᠮᠠᠶ᠋ᠢ ᠠᠷᠤ ᠪᠠᠷ ᠲᠠᠯᠪᠢᠭᠰᠠᠨ ᠴᠤ᠌ ᠴᠠᠭ ᠪᠣᠢ ᠃
ᠭᠡᠪᠡᠴᠦ ᠳᠠᠢᠰᠤᠨ ᠤ᠋ ᠬᠣᠣᠷ᠂ ᠨᠥᠬᠥᠳ ᠦ᠋ᠨ ᠬᠬᠢᠷ ᠡᠴᠡ ᠪᠢᠰᠢ
ᠭᠡᠬᠢᠯᠵᠡᠵᠦ ᠴᠢᠮᠠᠶ᠋ᠢ ᠭᠠᠨᠢᠬᠠᠷᠠᠬᠤ ᠳ᠋ᠤ᠌ ᠡᠯᠢᠭᠡ ᠵᠢᠷᠦᠬᠡ ᠮᠢᠨᠢ
ᠭᠡᠲᠦᠯᠦᠰᠢ ᠦᠭᠡᠢ ᠵᠣᠪᠠᠭᠤᠷᠢ ᠳ᠋ᠤ᠌ ᠤᠨᠠᠬᠤ ᠰᠢᠭ᠋ ᠪᠣᠯᠳᠠᠭ ᠤ᠋ᠨ ᠤᠴᠢᠷ
ᠴᠢᠨᠦ ᠪᠡᠨ ᠭᠤᠨᠢᠭ ᠡᠴᠡ ᠮᠢᠨᠦ ᠴᠢᠨᠢ ᠦᠰᠦ ᠴᠠᠢᠪᠠ ᠤᠤ ᠳᠠ᠃
ᠦᠭᠡᠢ ᠪᠣᠯ ᠠᠵᠠ ᠵᠢᠷᠭᠠᠯ ᠡᠴᠡ ᠪᠠᠨ ᠪᠤᠭᠤᠷᠤᠯᠲᠤᠭᠠ ᠪᠢᠵᠡ
ᠡᠭᠦᠷᠢᠳᠡ ᠴᠢ ᠮᠢᠨᠢ ᠮᠢᠨᠦ ᠪᠡᠨ ᠳᠡᠷᠭᠡᠳᠡ ᠭᠡᠢᠭᠦᠯᠵᠦ
ᠨᠠᠳᠠ ᠡᠴᠡ ᠥᠭᠡᠷᠡ ᠬᠥᠮᠦᠨ᠂ ᠵᠠᠭᠤᠨ ᠵᠢᠯ ᠬᠥᠯ ᠦᠭᠡᠢ ᠬᠥᠭᠡᠷᠦᠮᠡᠷ
ᠨᠠᠰᠤᠨ ᠤ᠋ ᠮᠢᠨᠢ ᠪᠠᠶᠠᠰᠬᠤᠯᠠᠩ ᠢ᠋ ᠵᠠᠶᠠᠭᠠᠭᠰᠠᠨ ᠪᠠᠢᠨᠠᠮ᠃
ᠵᠤᠨ ᠤ᠋ ᠴᠡᠴᠡᠷᠯᠢᠭ ᠢ᠋ ᠰᠡᠪᠰᠡᠭᠡᠷᠬᠡᠨ ᠬᠥᠨᠵᠢᠯᠡ ᠪᠡᠷ ᠢ᠋ᠶ᠋ᠡᠨ
ᠵᠤᠭᠤᠬᠠᠨ ᠬᠠᠶᠠᠯᠠᠬᠤ ᠴᠠᠰᠤ ᠪᠦᠷᠬᠦᠨ ᠪᠦᠲᠡᠭᠡᠬᠦ ᠴᠦ᠍ ᠪᠣᠢ᠃
ᠳᠤᠷᠠᠯᠠᠯᠲᠤ ᠴᠢᠨᠦᠬᠢ ᠪᠡᠨ ᠳᠡᠷᠭᠡᠳᠡ ᠪᠤᠭᠤᠷᠤᠯ ᠡᠪᠦᠭᠡᠨ ᠪᠣᠯᠤᠯ ᠦᠭᠡᠢ
ᠲᠤᠩ ᠴᠠᠭᠠᠨ ᠲᠣᠯᠣᠭᠠᠢ ᠲᠠᠢ ᠪᠠᠯᠴᠢᠷ ᠬᠥᠪᠡᠭᠦᠨ ᠪᠠᠢᠶᠠ ᠯᠠ᠃
ᠪᠠᠰᠠ ᠨᠢᠭᠡ ᠴᠠᠭ
ᠰᠠᠢᠨ ᠬᠥᠮᠦᠨ ᠴᠦ᠍ ᠶᠦ᠍ᠮ ᠪᠢᠯᠡ ᠤᠤ ᠪᠢ᠂ ᠨᠢᠭᠡ ᠴᠦ᠍ ᠤᠳᠠᠭᠠ ᠮᠡᠳᠡᠭᠰᠡᠨ ᠦᠭᠡᠢ
ᠰᠠᠢᠷᠬᠠᠵᠤ ᠴᠢ ᠡᠨᠡ ᠲᠤᠬᠠᠢ ᠨᠢᠭᠡ ᠴᠦ᠍ ᠭᠡᠯᠡ᠂ ᠶᠠᠷᠢᠭᠰᠠᠨ ᠦᠭᠡᠢ
ᠰᠠᠢᠷᠬᠠᠬᠤ ᠦᠭᠡ ᠴᠢᠨᠢ ᠵᠣᠬᠢᠶᠠᠮᠠᠯ ᠪᠠᠢᠭ ᠯᠠ ᠳᠠ
ᠰᠠᠢᠷᠬᠠᠬᠤ ᠪᠠᠨ ᠬᠠᠳᠠ ᠶᠥᠭᠡᠳᠡᠮᠡᠯ ᠪᠠᠢᠭ ᠯᠠ ᠳᠠ
ᠰᠠᠢᠨ ᠭᠡᠵᠦ ᠶᠠᠷᠢ ᠯᠠ ᠳᠠ᠂ ᠶᠠᠭᠠᠬᠢᠬᠤ ᠪᠣᠢ!
ᠮᠠᠭᠤ ᠬᠥᠮᠦᠨ ᠴᠦ᠍ᠶᠤᠮ ᠪᠢᠯᠡ ᠤᠤ ᠪᠢ᠂ ᠭᠠᠭᠴᠠ ᠤᠳᠠᠭᠠ ᠮᠡᠳᠡᠭᠰᠡᠨ ᠦᠭᠡᠢ
ᠮᠠᠭᠤᠰᠢᠶᠠᠵᠤ ᠴᠢ ᠡᠨᠡ ᠲᠤᠬᠠᠢ ᠭᠠᠭᠴᠠ ᠴᠤ᠌ ᠭᠡᠯᠡ ᠶᠠᠷᠢᠭᠰᠠᠨ ᠦᠭᠡᠢ
ᠮᠠᠭᠤᠰᠢᠶᠠᠬᠤ ᠦᠭᠡ ᠴᠢᠨᠢ ᠵᠣᠬᠢᠶᠠᠮᠠᠯ ᠪᠠᠢᠭ ᠯᠠ ᠳᠠ
ᠮᠠᠭᠤᠰᠢᠶᠠᠬᠤ ᠪᠠᠨ ᠬᠠᠳᠠ᠂ ᠢᠨᠢᠶᠡᠳᠦᠮ ᠲᠡᠢ ᠴᠦ᠍ ᠪᠠᠢᠭ
ᠮᠠᠭᠤ ᠭᠡᠵᠦ ᠶᠠᠷᠢ ᠯᠠ ᠳᠠ ᠶᠠᠭᠠᠬᠢᠬᠤ ᠪᠣᠢ!
ᠨᠠᠮᠠᠶ᠋ᠢ ᠭᠡᠵᠦ ᠶᠠᠪᠤᠭᠠᠳ ᠴᠢ ᠴᠠᠭ ᠬᠣᠵᠢᠭᠰᠠᠨ ᠪᠥᠭᠡᠰᠦ
ᠨᠠᠮᠠᠶ᠋ᠢ ᠪᠤᠰᠤ᠂ ᠲᠡᠷᠡ ᠰᠠᠢᠬᠠᠨ ᠴᠠᠭ ᠢ᠋ ᠯᠡ ᠮᠠᠭᠲᠠᠬᠤ ᠶᠤᠮ᠂
ᠨᠠᠮᠠᠶ᠋ᠢ ᠭᠡᠵᠦ ᠶᠠᠪᠤᠭᠠᠳ ᠴᠢ ᠴᠠᠭ ᠠᠯᠳᠠᠭᠰᠠᠨ ᠠᠪᠠᠰᠤ
ᠨᠠᠮᠠᠶ᠋ᠢ ᠪᠤᠰᠤ᠂ ᠲᠡᠷᠡ ᠥᠭᠡᠳᠡ ᠦᠭᠡᠢ ᠴᠠᠭ ᠢ᠋ ᠯᠡ ᠮᠠᠭᠤᠯᠠᠬᠤ ᠶᠤᠮ᠃
ᠡᠷᠬᠡᠪᠰᠢ ᠴᠢ ᠮᠢᠨᠢ ᠮᠡᠳᠡᠭᠦᠰᠢᠲᠡᠢ ᠪᠠᠰᠠ ᠨᠢᠭᠡᠨ ᠴᠠᠭ ᠪᠣᠢ
ᠡᠨᠡ ᠴᠠᠭ ᠤ᠋ᠨ ᠬᠣᠷᠣᠮ ᠪᠦᠬᠦᠨ ᠨᠢ ᠤᠳᠬᠠ ᠤᠴᠢᠷ ᠲᠠᠢ᠂
ᠡᠨᠡ ᠴᠠᠭ ᠪᠣᠯ ᠪᠢ ᠪᠠᠢᠨᠠ᠂ ᠪᠣᠯᠬᠤ ᠰᠠᠢᠨ ᠳ᠋ᠠᠭᠠᠨ ᠴᠤ᠌ ᠪᠣᠯᠤᠭᠰᠠᠨ ᠦᠭᠡᠢ
ᠡᠳᠦᠭᠡ ᠪᠣᠯᠲᠠᠯᠠ ᠴᠢ᠂ ᠵᠢᠩᠬᠢᠨᠢ ᠤᠳᠬᠠ ᠶ᠋ᠢ ᠨᠢ ᠣᠢᠯᠠᠭᠠᠭᠰᠠᠨ ᠦᠭᠡᠢ᠃
※ ※ ※
ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠲᠤᠬᠠᠢ᠂ ᠴᠢᠨᠦ ᠪᠡᠨ ᠲᠤᠬᠠᠢ ᠲᠣᠭᠣᠵᠢ ᠶ᠋ᠢ
ᠥᠪᠡᠷ ᠢ᠋ᠶ᠋ᠡᠨ ᠥᠪᠡᠷ ᠲᠡᠭᠡᠨ ᠳᠠᠬᠢᠨ ᠶᠠᠷᠢᠵᠤ ᠰᠠᠭᠤᠨᠠ ᠪᠢ
ᠦᠷᠦ ᠵᠢᠷᠦᠬᠡ ᠮᠢᠨᠢ᠂ ᠥᠪᠡᠷ ᠵᠠᠭᠤᠷᠠ ᠪᠠᠨ ᠪᠠᠰᠠ ᠯᠠ
ᠥᠨᠳᠥᠷ ᠨᠠᠮ ᠳᠤᠤᠭᠠᠷᠤᠯᠴᠠᠬᠤ ᠨᠢ ᠬᠣᠯᠠ ᠦᠭᠡᠢ ᠪᠠᠢᠨᠠ
ᠨᠡᠬᠡᠨ ᠳᠤᠭᠤᠷᠢᠭᠯᠠᠬᠤ ᠬᠤᠪᠢ ᠶ᠋ᠢᠨ ᠵᠠᠮ ᠭᠠᠵᠢᠵᠤ
ᠨᠢᠭᠡᠨ ᠪᠡᠶᠡ ᠴᠢᠨᠢ ᠪᠣᠯᠤᠨ ᠲᠡᠰᠦᠯᠡ ᠪᠢ
ᠬᠣᠣᠰ ᠪᠡᠶᠡ ᠶ᠋ᠢᠨ ᠨᠢᠭᠡ ᠨᠢ ᠮᠠᠷᠲᠠᠵᠤ ᠠᠬᠤᠢ ᠳ᠋ᠤ᠌
ᠬᠣᠶᠠᠳᠠᠬᠢ ᠨᠢ ᠴᠢᠮᠠ ᠶᠤᠭᠠᠨ ᠭᠡᠭᠰᠡᠭᠡᠷ ᠪᠢᠯᠡ
ᠴᠠᠭ ᠬᠤᠭᠤᠴᠠᠭᠠ ᠭᠠᠷ ᠢ᠋ᠶ᠋ᠠᠨ ᠲᠡᠨᠢᠢᠯᠭᠡᠵᠦ
ᠴᠠᠭᠠᠨ ᠨᠣᠭᠣᠭᠠᠨ ᠬᠣᠶᠠᠷ ᠥᠩᠭᠡ ᠬᠠᠢᠷᠠᠯᠠᠵᠠᠢ᠃
ᠴᠢᠷᠠᠢᠯᠢᠭ ᠴᠢ ᠮᠢᠨᠢ ᠴᠦ᠍ ᠭᠡᠰᠡᠨ ᠬᠣᠶᠠᠷ ᠬᠡᠦᠬᠡᠨ ᠢ᠋ ᠣᠷᠣᠯᠠᠵᠤ
ᠴᠠᠷᠴᠠᠭᠤ ᠮᠥᠰᠥ ᠰᠢᠭ᠂ ᠬᠠᠯᠠᠭᠤᠨ ᠳᠥᠯᠥ ᠰᠢᠭ ᠪᠠᠢᠬᠤ ᠶᠤᠮ᠃
ᠠᠯᠢ ᠨᠢ ᠰᠠᠢᠬᠠᠨ ᠪᠣᠢ᠂ ᠠᠳᠠᠯᠢ ᠰᠠᠢᠬᠠᠨ
ᠠᠨᠳᠠᠭᠠᠢᠯᠠᠵᠤ ᠪᠢ᠂ ᠲᠣᠯᠣᠭᠠᠢ ᠪᠠᠨ ᠲᠠᠯᠪᠢᠬᠤ ᠳ᠋ᠤ᠌ ᠪᠡᠯᠡᠨ
ᠠᠪᠰᠠᠨ ᠤ᠋ ᠲᠠᠭ ᠰᠡᠬᠦᠬᠦ᠂ ᠡᠴᠦᠰ ᠦ᠋ᠨ ᠡᠴᠦᠰ ᠬᠦᠷᠲᠡᠯᠡ
ᠠᠬᠢᠭᠠᠳ ᠭᠤᠷᠪᠠᠳᠠᠬᠢ ᠨᠢᠭᠡᠨ ᠬᠡᠷᠡᠭ ᠦᠭᠡᠢ ᠪᠢᠯᠡ ᠠ᠋!
ᠪᠢᠳᠡ ᠬᠣᠶᠠᠷ ᠬᠢᠭᠡᠳ ᠪᠢᠰᠢᠳ ᠦ᠋ᠨ ᠲᠤᠬᠠᠢ
ᠣᠷᠭᠢᠯ ᠥᠨᠳᠥᠷ ᠢ᠋ᠶ᠋ᠡᠷ ᠣᠷᠳᠣᠨ ᠬᠢᠵᠦ
ᠣᠯᠳᠠᠭᠰᠠᠨ ᠨᠣᠮ ᠢ᠋ᠶ᠋ᠠᠷ ᠬᠠᠨᠢ ᠬᠢᠬᠦᠢ
ᠴᠢᠮᠠᠶ᠋ᠢ ᠨᠠᠮᠠᠶ᠋ᠢ ᠪᠢᠴᠢᠭᠡ ᠦᠭᠡᠢ ᠪᠣᠯ
ᠴᠠᠪᠠᠰᠤ ᠳᠠ᠂ ᠬᠣᠭᠣᠰᠣᠨ ᠨᠣᠮ ᠪᠠᠢᠨᠠ᠃
ᠪᠢᠳᠡᠨ ᠬᠣᠶᠠᠷ᠂ ᠪᠤᠰᠤᠳ ᠤ᠋ᠨ ᠯᠠ ᠠᠳᠠᠯᠢ
ᠪᠡᠶᠡ᠂ ᠪᠡᠯᠴᠢᠭᠡᠷ᠂ ᠪᠣᠳᠣᠯ ᠢ᠋ᠶ᠋ᠠᠷ ᠢᠵᠢᠯ
ᠡᠨᠡ ᠪᠦᠬᠦᠨ ᠢ᠋ ᠪᠢᠴᠢᠭᠡ ᠦᠭᠡᠢ ᠪᠣᠯ
ᠡᠪᠡᠢ ᠭᠡᠵᠦ᠂ ᠬᠣᠭᠣᠰᠣᠨ ᠨᠣᠮ ᠪᠠᠢᠨᠠ᠃
ᠠᠯᠠᠭ ᠵᠢᠷᠦᠬᠡ ᠪᠡᠷ ᠢ᠋ᠶ᠋ᠡᠨ ᠬᠠᠨᠢ ᠬᠢᠬᠦᠢ
ᠠᠮᠠᠷᠠᠭ ᠰᠡᠳᠬᠢᠯ᠂ ᠭᠤᠨᠢᠭ ᠢ᠋ ᠶᠠᠷᠢᠪᠠ ᠯᠠ
ᠠᠷᠭᠠ ᠦᠭᠡᠢ ᠨᠠᠮᠠᠶ᠋ᠢ ᠴᠢᠮᠠᠶ᠋ᠢ ᠬᠣᠷᠸᠠ ᠶ᠋ᠢ
ᠠᠷᠢᠭᠤᠨ ᠴᠢᠰᠤ ᠪᠠᠷ ᠢ᠋ᠶ᠋ᠠᠨ ᠪᠢᠴᠢᠭᠰᠡᠨ ᠪᠠᠢᠨᠠᠮ᠃
ᠪᠢᠴᠢᠭᠰᠡᠨ ᠢ᠋ ᠨᠢ ᠣᠯᠠᠨ ᠲᠦᠮᠡᠨ ᠤᠩᠰᠢᠭᠠᠳ
ᠪᠢᠳᠡᠨ ᠦ᠌ ᠲᠤᠬᠠᠢ ᠳᠡᠰ ᠳᠠᠷᠠᠭᠠᠯᠠᠨ ᠰᠣᠨᠣᠰᠤᠭᠠᠳ
ᠭᠠᠢᠬᠠᠵᠤ᠂ ᠵᠢᠷᠦᠬᠡ ᠶ᠋ᠢ ᠮᠠᠨᠢ ᠴᠢᠩ ᠦᠨᠡᠨᠴᠢ ᠶ᠋ᠢ ᠨᠢ ᠳᠤᠷᠠᠰᠬᠤ
ᠭᠠᠷ ᠢ᠋ᠶ᠋ᠠᠷ ᠪᠢᠴᠢᠭᠡ ᠦᠭᠡᠢ ᠲᠣᠭᠣᠵᠢ ᠡᠨᠡ ᠪᠠᠢᠨᠠ᠃
※ ※ ※
ᠳᠤᠷᠠᠯᠠᠯ ᠬᠡᠮᠡᠬᠦ ᠲᠦᠮᠡᠨ ᠦ᠌ ᠳᠠᠯᠠᠢ ᠶ᠋ᠢᠨ
ᠳᠤᠰᠤᠯ ᠨᠢ ᠮᠢᠨᠦ ᠰᠤᠳᠠᠰᠤᠨ ᠳ᠋ᠤ᠌ ᠪᠣᠢ
ᠳᠤᠰᠤᠯ ᠨᠢ ᠪᠣᠢ ᠪᠣᠯᠬᠤ ᠪᠠᠷ ᠨᠡᠷᠡᠲᠦ ᠶ᠋ᠢᠨ ᠭᠡᠷᠡᠯ
ᠳᠤᠲᠠᠭᠤ ᠦᠭᠡᠢ ᠨᠠᠮᠠᠶ᠋ᠢ ᠭᠡᠢᠭᠦᠯᠦᠨᠡᠮ ᠪᠤᠰᠤ ᠤᠤ ?
ᠠᠮᠤᠭᠤᠯᠠᠩ ᠰᠥᠨᠢ ᠪᠡᠷ ᠲᠩᠷᠢ ᠶ᠋ᠢᠨ ᠵᠠᠭᠠᠳᠠᠯ ᠤ᠋ᠨ ᠣᠳᠣᠳ
ᠠᠯᠠᠭᠠᠨ ᠳ᠋ᠤ᠌ ᠮᠢᠨᠢ ᠲᠡᠷᠡ ᠯᠠ ᠬᠠᠢᠷᠠ ᠡᠴᠡ ᠲᠥᠭᠡᠨᠡᠨᠡ ᠪᠣᠯ ᠤᠤ?
ᠥᠨᠢᠷ ᠣᠯᠠᠨ ᠤ᠋ ᠬᠠᠢᠷᠠ ᠶ᠋ᠢᠨ ᠰᠠᠩ ᠡᠴᠡ
ᠥᠴᠦᠬᠡᠨ ᠰᠢᠷᠬᠡᠭ ᠨᠢ ᠮᠢᠨᠦ ᠰᠤᠳᠠᠰᠤᠨ ᠳ᠋ᠤ᠌ ᠪᠣᠢ᠃
ᠥᠪᠡᠷ ᠪᠤᠰᠤᠳ ᠲᠤ᠌ ᠬᠡᠷᠪᠡ ᠬᠡᠷᠡᠭᠯᠡᠭᠳᠡᠳᠡᠭ ᠦᠭᠡᠢ ᠰᠠᠨ ᠪᠣᠯ
ᠥᠭᠭᠢᠶᠡᠮᠦᠷ ᠬᠠᠢᠷᠠ ᠪᠠᠷ ᠪᠢ ᠪᠠᠶᠠᠵᠢᠬᠤ ᠰᠠᠨ ᠪᠣᠯ ᠤᠤ?
ᠬᠠᠢᠷᠠ ᠭᠡᠳᠡᠭ ᠬᠥᠮᠦᠰ ᠦ᠋ᠨ ᠰᠢᠳᠢᠲᠦ ᠡᠷᠳᠡᠨᠢ ᠶ᠋ᠢᠨ ᠰᠠᠩ ᠶᠤᠮ
ᠬᠠᠷᠠᠮ ᠦᠭᠡᠢ ᠲᠦᠭᠡᠭᠡᠭᠰᠡᠭᠡᠷ ᠠᠪᠠᠴᠤ ᠰᠢᠷᠭᠢᠰᠢ ᠦᠭᠡᠢ ᠳᠦᠭᠦᠷᠡᠩ ᠶᠤᠮ
ᠳᠠᠯᠳᠠ ᠰᠠᠩ ᠤ᠋ᠨ ᠢ᠋ᠶ᠋ᠠᠨ ᠳᠡᠭᠡᠷᠡ ᠨᠢ ᠰᠠᠭᠤᠬᠤ ᠭᠡᠬᠦ ᠲᠣᠰᠤᠮ
ᠳᠠᠷᠤᠴᠢᠬᠠᠬᠤ ᠭᠡᠵᠦ ᠲᠡᠷᠡ᠂ ᠮᠢᠨᠦ ᠳᠡᠭᠡᠷᠡ ᠡᠴᠡ ᠭᠠᠩᠬᠤᠬᠤ ᠶᠤᠮ᠃