ᠴᠠᠭ ᠢᠷᠠᠪᠠᠰᠤ-ᠷ ∙ ᠴᠣᠢᠨᠣᠮЦаг ирвээс-Р.Чойном Цаг ирвээс-R.Choinom
294ᠴᠠᠭ ᠢᠷᠠᠪᠠᠰᠤ
ᠷ᠂ ᠴᠤᠢᠨᠥᠮ
ᠠᠮᠠᠷᠠᠭ ᠮᠢᠨᠢ ᠴᠢ ᠂ᠨᠠᠮᠠᠶ᠋ᠢ ᠪᠠᠨ
ᠠᠮᠢᠳᠤ ᠰᠡᠷᠡᠭᠦᠨ ᠴᠠᠭ ᠲᠤᠨᠢ ᠬᠠᠢᠷᠠᠯᠠᠭᠰᠠᠨ ᠰᠢᠭ᠋ ᠬᠠᠢᠷᠠᠯᠠᠭᠠᠷᠠᠢ ᠂
ᠡᠷᠭᠢᠭᠡᠳ ᠣᠯᠳᠠᠬᠤ ᠦᠭᠡᠢ ᠡᠷᠳᠡᠨᠢ ᠮᠢᠨᠢ ᠪᠢᠯᠡ ᠭᠡᠵᠦ
ᠡᠩᠬᠦᠷᠡᠢᠯᠡᠯ ᠪᠦᠬᠦᠨ ᠦ᠌ ᠪᠡᠨ ᠳᠡᠭᠡᠵᠢ ᠶ᠋ᠢ ᠵᠣᠷᠢᠭᠤᠯᠤᠭᠠᠷᠠᠢ ᠃
ᠡᠨᠡᠬᠡᠨ ᠽᠠᠮᠪᠤᠯᠢᠩ ᠳ᠋ᠤ᠌ ᠮᠥᠷ ᠢ᠋ᠶ᠋ᠡᠨ ᠭᠠᠷᠭᠠᠬᠤ ᠨᠠᠰᠤ ᠮᠢᠨᠢ ᠂
ᠡᠯᠢᠭᠡᠨ ᠲᠦᠮᠡᠨ ᠳ᠋ᠡᠭᠡᠨ ᠳᠠᠭᠤᠤ ᠪᠠᠨ ᠳᠠᠭᠤᠯᠠᠬᠤ ᠣᠨ ᠨᠤᠭᠤᠳ ᠮᠢᠨᠢ ᠂
ᠡᠩᠬᠦᠷᠡᠢ ᠴᠢᠮᠠ ᠲᠠᠢ ᠪᠠᠨ ᠡᠷᠬᠡᠯᠡᠩᠬᠡᠨ ᠰᠠᠭᠤᠬᠤ ᠡᠳᠦᠷ ᠦ᠋ᠳ ᠮᠢᠨᠢ
ᠡᠷᠢᠬᠡᠨ ᠦ᠌ ᠬᠡᠯᠬᠢᠶᠡ ᠰᠢᠭ ᠲᠣᠭᠠ ᠬᠡᠮᠵᠢᠶᠡ ᠲᠡᠢ ᠪᠢᠯᠡ ᠁
ᠠᠮᠢᠳᠤᠷᠠᠬᠤ ᠬᠤᠭᠤᠴᠠᠭᠠ ᠳᠠᠭᠤᠰᠤᠭᠰᠠᠨ ᠲᠡᠷᠡ ᠴᠠᠭ ᠲᠤ᠌
ᠠᠮᠠᠷᠠᠭ ᠢ᠋ᠶ᠋ᠠᠨ ᠴᠢ ᠦᠬᠦᠯ ᠲᠡᠢ ᠪᠤᠯᠢᠶᠠᠴᠠᠯᠳᠤᠵᠤ ᠳᠡᠮᠡᠢ ᠪᠢᠲᠡᠭᠡᠢ ᠵᠣᠪᠠᠭᠠᠷᠠᠢ ᠂
ᠥᠭᠬᠦ ᠶᠣᠰᠣᠲᠠᠢ ᠪᠦᠬᠦᠨ ᠢ᠋ᠶ᠋ᠡᠨ ᠠᠮᠢᠳᠤ ᠳ᠋ᠤᠨᠢ ᠬᠠᠢᠬᠤᠷᠤᠯ ᠦᠭᠡᠢ ᠶᠠᠪᠤᠭᠠᠳ
ᠥᠩᠭᠡᠷᠡᠭᠰᠡᠨ ᠬᠣᠢᠨᠠ ᠨᠢ ᠠᠮᠠ ᠪᠠᠨ ᠪᠠᠷᠢᠵᠤ ᠂ ᠪᠡᠶᠡ ᠪᠡᠨ ᠪᠤᠤ ᠲᠠᠮᠤᠯᠠᠭᠠᠷᠠᠢ ᠃
ᠬᠣᠷᠸᠠ ᠳ᠋ᠤ᠌ ᠢᠷᠡᠭᠰᠡᠨ ᠬᠥᠮᠦᠨ ᠪᠤᠴᠠᠳᠠᠭ ᠵᠢᠮᠡ ᠲᠡᠢ
ᠬᠣᠶᠠᠷ ᠠᠮᠠᠷᠠᠭ ᠤ᠋ᠨ ᠨᠢᠭᠡ ᠨᠢ ᠵᠠᠪᠠᠯ ᠲᠡᠷᠢᠭᠦᠯᠡᠳᠡᠭ ᠶᠣᠰᠣᠲᠠᠢ!
ᠤᠰᠤᠨ ᠤ᠋ ᠮᠠᠨᠳᠠᠯ ᠳ᠋ᠤ᠌ ᠯᠢᠩᠬᠤᠠ ᠴᠡᠴᠡᠭ ᠭᠠᠩᠳᠠᠳᠠᠭ ᠴᠠᠭ ᠪᠣᠢ
ᠥᠮᠥ ᠽᠠᠨᠳᠠᠨ ᠤᠷᠭᠤᠬᠤ ᠦᠶᠡ ᠪᠠᠢᠬᠤ ᠳ᠋ᠤ᠌ ᠤᠨᠠᠬᠤ ᠦᠶᠡ ᠪᠠᠰᠠ ᠪᠣᠢ!
ᠥᠷᠯᠥᠭᠡ ᠭᠠᠷᠤᠭᠰᠠᠨ ᠨᠠᠷᠠ ᠣᠷᠣᠢ ᠰᠢᠩᠭᠡᠳᠡᠭ ᠪᠢᠯᠡ
ᠥᠨᠳᠥᠷ ᠲᠦ᠍ ᠨᠢᠰᠦᠭᠰᠡᠨ ᠰᠢᠪᠠᠭᠤ ᠭᠠᠵᠠᠷ ᠲᠤ᠌ ᠪᠠᠭᠤᠳᠠᠭ ᠪᠢᠯᠡ
ᠥᠷᠭᠡᠨ ᠮᠥᠷᠡᠨ ᠪᠣᠯᠪᠠᠴᠤ ᠰᠢᠷᠭᠢᠬᠦ ᠶᠣᠰᠣ ᠪᠠᠢᠳᠠᠭ ᠶᠤᠮ
ᠥᠴᠦᠬᠡᠨ ᠮᠢᠨᠦ ᠪᠡᠨ ᠬᠣᠢᠨᠠ ᠠ᠋ᠴᠠ ᠤᠬᠢᠯᠠᠭᠠᠳ ᠤᠬᠢᠯᠠᠭᠠᠳ ᠶᠠᠭᠠᠬᠢᠬᠤ ᠪᠣᠢ
ᠬᠡᠵᠢᠶᠡ ᠨᠢᠭᠡᠨ ᠴᠠᠭ ᠲᠤ᠌ ᠪᠢ ᠴᠢᠨᠢ ᠶᠠᠪᠤᠯᠠ ᠴᠤ᠌ ᠭᠡᠰᠡᠨ
ᠬᠡᠯᠡᠵᠦ ᠪᠠᠢᠭᠰᠠᠨ ᠦᠭᠡ ᠮᠢᠨᠢ ᠴᠢᠨᠦ ᠴᠡᠭᠡᠵᠢᠨ ᠳ᠋ᠦ᠍ ᠦᠯᠡᠳᠡᠨᠡ
ᠬᠡᠪᠡᠷᠡᠭᠬᠡᠨ ᠲᠥᠷᠥᠭᠰᠡᠨ ᠪᠡᠶᠡ ᠮᠢᠨᠢ ᠬᠡᠭᠡᠷᠡ ᠬᠥᠳᠡᠭᠡ ᠨᠣᠢᠷᠰᠤᠪᠠᠴᠤ
ᠬᠡᠯᠬᠢᠵᠦ ᠪᠠᠢᠭᠰᠠᠨ ᠰᠢᠯᠦᠭ ᠮᠢᠨᠢ ᠠᠮᠢᠳᠤ ᠰᠡᠷᠡᠭᠦᠨ ᠦᠯᠡᠳᠡᠨᠡ ᠃
1979.1. 5