ᠬᠣᠢᠯᠣᠭХойлогKhoilog-ᠲᠠᠬᠢᠶᠠᠯᠢᠭ ᠰᠢᠪᠠᠭᠤᠨ ᠊ᠤ᠌᠋ ᠪᠠᠭ ᠊ᠤᠨ ᠣᠳᠣᠢ ᠰᠡᠭᠦᠯᠲᠦ ᠰᠢᠪᠠᠭᠤᠳ ᠡᠴᠡ
1432
ᠬᠣᠢᠯᠣᠭ
ᠲᠠᠬᠢᠶᠠᠯᠢᠭ ᠰᠢᠪᠠᠭᠤᠨ ᠤ᠋ ᠪᠠᠭ ᠤ᠋ᠨ ᠣᠳᠣᠢ ᠰᠡᠭᠦᠯᠲᠦ ᠰᠢᠪᠠᠭᠤ
ᠬᠥᠬᠡ ᠲᠣᠯᠢ
ᠺᠠᠰᠫᠢ᠂ ᠺᠠᠪᠺᠠᠼᠢᠨᠢ᠂ ᠲᠥᠪᠡᠳ᠂ ᠭᠧᠷᠮᠠᠨ᠂ ᠮᠣᠩᠭᠣᠯ ᠳ᠋ᠤ᠌ ᠲᠠᠷᠬᠠᠯᠲᠠ ᠲᠠᠢ ᠪᠥᠭᠡᠳ ᠬᠡᠳᠦ ᠬᠡᠳᠦᠨ ᠲᠥᠷᠥᠯ ᠵᠦᠢᠯ ᠪᠠᠢᠳᠠᠭ᠃ ᠠᠯᠲᠠᠢ ᠶ᠋ᠢᠨ ᠬᠣᠢᠯᠣᠭ ᠪᠣᠯ ᠬᠥᠬᠡ ᠪᠣᠷᠣᠪᠲᠤᠷ ᠵᠢᠰᠦᠲᠡᠢ᠂ ᠨᠢᠷᠤᠭᠤ ᠪᠠᠷ ᠢ᠋ᠶ᠋ᠠᠨ ᠬᠠᠷᠠ ᠰᠤᠳᠠᠰᠤ ᠲᠠᠢ᠂ ᠡᠯᠢᠭᠡᠨ ᠳ᠋ᠡᠭᠡᠨ ᠴᠠᠭᠠᠨ ᠲᠣᠯᠪᠣ ᠲᠠᠢ᠂ ᠥᠨᠳᠥᠷ ᠠᠭᠤᠯᠠ ᠶ᠋ᠢᠨ ᠬᠠᠳᠠ ᠪᠤᠲᠠᠨ ᠳᠣᠲᠣᠷᠠ ᠡᠭᠦᠷᠯᠡᠵᠦ 5-12 ᠥᠨᠳᠡᠭᠡ ᠥᠨᠳᠡᠭᠡᠯᠡᠳᠡᠭ᠃ ᠨᠢᠰᠴᠦ ᠴᠢᠳᠠᠬᠤ ᠦᠭᠡᠢ᠂ ᠭᠠᠵᠠᠷ ᠤ᠋ᠨ ᠥᠭᠡᠳᠡ ᠭᠦᠶᠦᠳᠡᠭ ᠵᠤᠷᠰᠢᠯ ᠲᠠᠢ᠃ ᠰᠦᠷᠦᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠢᠳᠡᠰᠢᠯᠡᠵᠦ ᠬᠡᠳᠦ ᠨᠢ ᠬᠠᠷᠠᠭᠤᠯᠳᠠᠵᠤ ᠠᠶᠤᠯ ᠢ᠋ ᠰᠡᠷᠡᠮᠡᠭᠴᠡ ᠴᠢᠮᠡᠭᠡ ᠥᠭᠳᠡᠭ᠃
ᠵᠥᠪᠬᠡᠨ ᠴᠠᠪᠴᠢᠮᠠ ᠥᠨᠳᠥᠷ ᠠᠭᠤᠯᠠ ᠬᠠᠳᠠᠨ ᠳᠤᠮᠳᠠ ᠤᠷᠭᠤᠳᠠᠭ ᠡᠮ ᠦ᠋ᠨ ᠤᠷᠭᠤᠮᠠᠯ ᠤ᠋ᠨ ᠦᠨᠳᠦᠰᠦ᠂ ᠦᠷᠡ ᠪᠡᠷ ᠬᠣᠭᠣᠯᠠᠯᠠᠳᠠᠭ᠃ ᠡᠢᠮᠦ ᠡᠴᠡ ᠮᠢᠬᠠ ᠶ᠋ᠢ ᠨᠢ ᠢᠳᠡᠵᠦ᠂ ᠶᠠᠰᠤ ᠶ᠋ᠢ ᠨᠢ ᠪᠤᠴᠠᠯᠭᠠᠵᠤ ᠤᠤᠭᠤᠭᠰᠠᠨ ᠬᠥᠮᠦᠨ ᠦᠬᠦᠳᠡᠭ ᠦᠭᠡᠢ ᠭᠡᠬᠦ ᠶᠠᠷᠢᠶᠠ ᠮᠣᠩᠭᠣᠯᠴᠤᠳ ᠤ᠋ᠨ ᠳᠤᠮᠳᠠ ᠤᠯᠠᠮᠵᠢᠯᠠᠭᠳᠠᠵᠠᠢ᠃ ᠪᠡᠶᠡ ᠶ᠋ᠢᠨ ᠳᠠᠷᠬᠠᠯᠠᠭᠠ ᠶ᠋ᠢ ᠳᠠᠬᠢᠨ ᠢ᠋ᠶ᠋ᠠᠷ ᠰᠠᠢᠵᠢᠷᠠᠭᠤᠯᠵᠤ᠂ ᠣᠯᠠᠨ ᠲᠥᠷᠥᠯ ᠦ᠋ᠨ ᠠᠮᠢᠨ ᠳᠠᠮ ᠬᠠᠩᠭᠠᠳᠠᠭ᠃ ᠰᠢᠨᠵᠢᠯᠡᠬᠦ ᠤᠬᠠᠭᠠᠨ ᠬᠥᠭᠵᠢᠭᠡ ᠦᠭᠡᠢ ᠴᠦ᠍ ᠮᠣᠩᠭᠣᠯᠴᠤᠳ ᠬᠡᠵᠢᠶᠡᠨ ᠡᠴᠡ ᠠᠯᠢᠪᠠ ᠵᠦᠢᠯ ᠳ᠋ᠦ᠍ ᠠᠭᠤᠵᠢᠭᠤ ᠤᠬᠠᠭᠠᠨ ᠢ᠋ᠶ᠋ᠠᠷ ᠬᠠᠨᠳᠤᠳᠠᠭ ᠤᠴᠢᠷ ᠪᠠᠭᠠ ᠨᠠᠰᠤᠨ ᠤ᠋ ᠣᠬᠢᠳ ᠨᠠᠰᠤ ᠪᠡᠶᠡ ᠳ᠋ᠦ᠍ ᠬᠦᠷᠦᠭᠰᠡᠨ ᠪᠦᠰᠡᠭᠦᠢᠴᠦᠳ ᠲᠦ᠍ ᠠᠮᠰᠠᠭᠤᠯᠳᠠᠭ ᠦᠭᠡᠢ ᠪᠠᠢᠪᠠ᠃ ᠤᠴᠢᠷ ᠨᠢ ᠬᠣᠵᠢᠮ ᠤ᠋ᠨ ᠡᠳᠦᠷ ᠲᠥᠷᠥᠵᠦ ᠬᠥᠩᠭᠡᠵᠢᠬᠦ ᠳ᠋ᠦ᠍ ᠶᠠᠰᠤ ᠪᠡᠬᠢᠵᠢᠨ ᠬᠦᠨᠳᠦᠷᠡᠯᠲᠡᠢ ᠪᠣᠯᠤᠨᠠ ᠭᠡᠨᠡ᠃
ᠡᠷᠲᠡ ᠡᠳᠦᠭᠡ ᠡᠴᠡ ᠡᠬᠢᠯᠡᠭᠡᠳ ᠥᠨᠥᠳᠥᠷ ᠬᠦᠷᠲᠡᠯᠡ ᠬᠣᠢᠯᠣᠭ ᠢ᠋ ᠬᠠᠢᠷᠠᠯᠠᠨ ᠬᠠᠮᠠᠭᠠᠯᠠᠵᠤ ᠳᠠᠷᠬᠠᠨ ᠴᠠᠭᠠᠵᠠᠲᠤ ᠠᠮᠢᠲᠠᠨ ᠳ᠋ᠤ᠌ ᠪᠠᠭᠲᠠᠭᠠᠭᠰᠠᠨ ᠶᠤᠮ᠃ ᠭᠡᠮᠲᠦᠵᠦ ᠪᠡᠷᠲᠡᠭᠰᠡᠨ ᠬᠥᠮᠦᠨ ᠳ᠋ᠦ᠍ ᠭᠣᠢᠳᠠ ᠨᠥᠯᠥᠭᠡ ᠦᠵᠡᠭᠦᠯᠳᠡᠭ ᠡᠨᠡᠬᠦ ᠰᠢᠪᠠᠭᠤ ᠶ᠋ᠢ ᠴᠢᠩᠭᠢᠰ ᠬᠠᠭᠠᠨ ᠤ᠋ ᠴᠡᠷᠢᠭ ᠡᠷᠡᠰ ᠪᠠᠢᠯᠳᠤᠬᠤ ᠠ᠋ᠴᠠ ᠡᠮᠦᠨᠡ ᠢᠳᠡᠳᠡᠭ ᠪᠠᠢᠭᠰᠠᠨ ᠲᠡᠦᠬᠡ ᠪᠣᠢ᠃ ᠬᠡᠷᠪᠡ ᠣᠯᠵᠤ ᠢᠳᠡᠭᠡ ᠦᠭᠡᠢ ᠠᠪᠠᠰᠤ ᠬᠣᠢᠯᠣᠭ ᠤ᠋ᠨ ᠮᠢᠬᠠ ᠢᠳᠡᠭᠰᠡᠨ ᠨᠢᠭᠡᠨ ᠢ᠋ᠶ᠋ᠡᠨ ᠲᠤᠯᠤᠯᠳᠤᠭᠠᠨ ᠤ᠋ ᠡᠮᠦᠨᠡ ᠬᠣᠢᠯᠣᠭᠳᠠᠳᠠᠭ᠋ ᠪᠠᠢᠭᠰᠠᠨ ᠭᠡᠵᠦ ᠲᠡᠮᠳᠡᠭᠯᠡᠨ ᠦᠯᠡᠳᠡᠭᠡᠵᠡᠢ᠃ ᠲᠡᠢᠮᠦ ᠡᠴᠡ ᠢᠳᠡᠭᠰᠡᠨ ᠢ᠋ᠶ᠋ᠡᠨ ᠬᠡᠨ ᠳ᠋ᠦ᠍ ᠴᠦ᠍ ᠬᠡᠯᠡᠳᠡᠭ ᠦᠭᠡᠢ ᠪᠠᠢᠭᠰᠠᠨ ᠭᠡᠳᠡᠭ ᠪᠥᠭᠡᠳ ᠴᠠᠭᠠᠨᠠ ᠪᠠᠨ ᠠᠮᠢ ᠭᠠᠷᠬᠤ ᠭᠡᠰᠡᠨ ᠬᠦᠰᠡᠯ ᠪᠠᠢᠭᠠ ᠨᠢ ᠬᠡᠨ ᠳ᠋ᠦ᠍ ᠴᠦ᠍ ᠣᠢᠯᠠᠭᠠᠮᠵᠢᠲᠠᠢ᠃
ᠮᠠᠰᠢ ᠬᠠᠷᠢᠶᠠᠯᠴᠢ ᠰᠢᠪᠠᠭᠤ ᠤᠴᠢᠷ ᠬᠣᠢᠯᠣᠭ ᠠᠯᠠᠭᠰᠠᠨ ᠬᠥᠮᠦᠨ ᠬᠣᠢᠴᠢ ᠶ᠋ᠢᠨ ᠵᠠᠮ ᠦᠭᠡᠢ ᠭᠡᠳᠡᠭ᠂ ᠬᠣᠢᠯᠣᠭ ᠤ᠋ᠨ ᠪᠠᠭᠠᠰᠤ ᠨᠢ ᠶᠠᠷᠠ ᠰᠢᠷᠬᠠ ᠪᠣᠯᠤᠨ ᠶᠠᠰᠤᠨ ᠤ᠋ ᠪᠠᠷᠳᠠᠯᠲᠠ ᠳ᠋ᠤ᠌ ᠰᠠᠢᠨ᠃ ᠵᠤᠨ ᠳ᠋ᠠᠭᠠᠨ ᠪᠠᠭᠠᠰᠤ ᠨᠢ ᠬᠠᠷᠠ ᠨᠣᠭᠣᠭᠠᠨ᠂ ᠡᠪᠦᠯ ᠳ᠋ᠡᠭᠡᠨ ᠦᠵᠦᠭᠦᠷ ᠨᠢ ᠴᠠᠭᠠᠨ ᠬᠣᠷᠭᠣᠯᠵᠢᠨ ᠪᠣᠯᠳᠠᠭ᠃ ᠮᠥᠨ ᠪᠠᠭᠠᠰᠤ ᠶ᠋ᠢ ᠢᠳᠡᠳᠡᠭ ᠮᠠᠰᠢ ᠣᠯᠠᠨ ᠲᠥᠷᠥᠯ ᠦ᠋ᠨ ᠰᠢᠪᠠᠭᠤᠳ᠂ ᠠᠩ ᠭᠥᠷᠥᠭᠡᠰᠦ᠂ ᠠᠷᠢᠶᠠᠲᠠᠨ ᠠᠮᠢᠲᠠᠨ᠂ ᠬᠣᠷᠣᠬᠠᠢ ᠰᠢᠪᠡᠵᠢ ᠪᠠᠢᠳᠠᠭ ᠤᠴᠢᠷ ᠬᠣᠢᠯᠣᠭ ᠬᠣᠪᠣᠷᠳᠠᠪᠠᠯ ᠬᠣᠷᠸᠠ ᠠᠬᠤᠷᠳᠠᠨᠠ ᠭᠡᠰᠡᠨ ᠦᠭᠡ ᠴᠦ᠍ ᠪᠣᠢ᠃
ᠦᠰᠦᠭ ᠠᠮᠢᠯᠠᠭᠤᠯᠦᠭ᠍ᠴᠢ᠄ ᠪᠦᠷᠢᠨᠠ
ᠬᠢᠨᠡᠭ᠍ᠴᠢ᠄ ᠬᠣᠪᠣᠷ ᠵᠢᠭᠦᠷᠲᠡᠨ ᠬᠣᠯᠪᠣᠭᠠ