ᠪᠢ ᠬᠥᠮᠦᠨБи хүн-Todko Samson ᠰᠢᠯᠦᠭ ᠢᠷᠠᠭᠤ ᠨᠠᠢᠷᠠᠭ

  ᠠᠷᠤ ᠮᠣᠩᠭᠣᠯ ᠤᠨ ᠥᠪᠥᠷᠬᠠᠩᠭᠠᠢ ᠠᠢᠮᠠᠭ ᠤᠨ ᠮᠣᠩᠭᠣᠯ ᠡᠭᠡᠴᠢ ᠮᠢᠨᠢ ᠮᠣᠩᠭᠣᠯ ᠦᠰᠦᠭ ᠬᠠᠳᠠᠵᠤ ᠥᠭᠭᠦᠯ᠎ᠡ᠂ ᠴᠢᠩ ᠰᠡᠳᠬᠢᠯ ᠡᠴᠡ ᠪᠡᠨ ᠲᠠᠯᠠᠷᠬᠠᠵᠤ ᠪᠠᠢᠨ᠎ᠠ᠂

ᠮᠥᠨᠴᠦ ᠡᠯᠢᠭᠡ ᠨᠢᠭᠡᠲᠡᠢ ᠠᠷᠤ ᠮᠣᠩᠭᠣᠯᠴᠤᠳ ᠮᠢᠨᠢ ᠡᠬᠡ ᠬᠡᠯᠡ ᠪᠡᠨ ᠰᠡᠷᠭᠦᠬᠦ ᠶᠢᠨ ᠲᠥᠯᠥᠭᠡ ᠲᠡᠮᠡᠦᠯᠦᠨ ᠴᠢᠷᠮᠠᠢᠵᠤ ᠪᠠᠢᠬᠤ ᠳ᠋ᠤᠨᠢ ᠥᠪᠥᠷ ᠮᠣᠩᠭᠣᠯᠴᠤᠳ ᠦᠨ ᠰᠡᠳᠬᠢᠯ ᠳᠦ ᠲᠤᠩ ᠲᠠᠭᠠᠯᠠᠮᠵᠢᠲᠠᠢ ᠪᠠᠢᠨ᠎ᠠ᠃

ᠠᠮᠢᠳᠤᠷᠠᠯ ᠠᠴᠠ ᠳᠠᠩᠳᠠ ᠴᠡᠴᠡᠭ ᠢ ᠨᠢ ᠲᠡᠭᠦᠨ᠎ᠡ ᠭᠡᠵᠦ ᠭᠠᠷᠤᠭᠠᠳ

ᠠᠷᠭ᠎ᠠ ᠶᠠᠳᠠᠭᠠᠳ ᠬᠠᠯᠠᠭᠠᠢ ᠴᠤ᠌ ᠣᠯᠣᠭᠠᠳᠤᠢ ᠦᠶ᠎ᠡ ᠨᠠᠳᠠ ᠳᠤ ᠪᠠᠢᠭᠰᠠᠨ

ᠪᠢ ᠠᠳᠠᠯᠢᠬᠠᠨ ᠬᠦᠮᠦᠨ
ᠠᠮᠠᠷᠠᠭ ᠲᠤ ᠪᠠᠨ ᠦᠷᠭᠦᠯᠵᠢ ᠦᠭᠡᠰ ᠦᠨ ᠰᠠᠢᠬᠠᠨ ᠢ ᠬᠡᠯᠡᠨ᠎ᠡ ᠭᠡᠵᠦ ᠬᠦᠰᠡᠳᠡᠭ ᠴᠤ᠌
ᠠᠮᠠ ᠪᠠᠨ ᠪᠠᠷᠢᠵᠤ ᠬᠡᠷᠡᠭᠦᠯ ᠦᠨ ᠠᠷᠤ ᠠᠴᠠ ᠬᠠᠷᠠᠮᠰᠠᠬᠤ ᠴᠠᠭ ᠢᠷᠡᠳᠡᠭ
ᠪᠢ ᠪᠠᠰᠠ ᠬᠦᠮᠦᠨ..᠃

ᠪᠣᠷᠣᠭᠠᠨ ᠳᠤ ᠳᠤᠷᠠᠲᠠᠢ..᠃
ᠭᠡᠬᠦ ᠳᠦ ᠪᠡᠨ ᠴᠠᠰᠤᠨ ᠳᠤ ᠢᠯᠡᠭᠦᠦ ᠬᠠᠢᠷᠠᠲᠠᠢ
ᠪᠢ ᠵᠥᠭᠡᠯᠡᠨ ᠬᠦᠮᠦᠨ
ᠪᠣᠳᠣᠬᠤ ᠬᠡᠷᠡᠭᠲᠡᠢ..᠃
ᠭᠡᠪᠡᠴᠦ ᠴᠡᠩᠭᠡᠵᠦ ᠠᠮᠵᠢᠬᠤ ᠡᠷᠬᠡ ᠲᠡᠢ
ᠪᠢ ᠵᠠᠯᠠᠭᠤ ᠬᠦᠮᠦᠨ

ᠬᠦᠮᠦᠨ ᠦ ᠨᠤᠲᠤᠭ ᠤᠨ ᠲᠦᠮᠡᠨ ᠰᠠᠢᠬᠠᠨ ᠳᠤ
ᠨᠢᠳᠦ ᠤᠨᠠᠭᠠᠪᠠᠴᠤ
ᠰᠡᠳᠬᠢᠯ ᠤᠨᠠᠭᠠᠬᠤ ᠦᠭᠡᠢ
ᠪᠢ ᠮᠣᠩᠭᠣᠯ ᠬᠦᠮᠦᠨ
ᠥᠪᠡᠷ ᠦᠨ ᠨᠤᠲᠤᠭ ᠤᠨ ᠮᠢᠩᠭᠠᠨ ᠮᠠᠭᠤᠬᠠᠢ ᠳᠤ
ᠤᠷᠤᠭᠤᠯ ᠳᠣᠷᠳᠣᠢᠪᠠᠴᠤ
ᠡᠯᠢᠭᠡ ᠳᠣᠷᠳᠣᠢᠬᠤ ᠦᠭᠡᠢ
ᠪᠢ ᠦᠨᠳᠦᠰᠦᠷᠬᠡᠭ ᠬᠦᠮᠦᠨ

ᠤᠷᠠᠨ ᠪᠠᠷᠢᠯᠭ᠎ᠠ᠂ ᠴᠠᠷᠳᠠᠮᠠᠯ ᠵᠠᠮ ᠠᠴᠠ ᠢᠯᠡᠭᠦᠦ
ᠠᠭᠤᠯᠠ ᠤᠰᠤᠨ ᠳᠤ ᠣᠢᠷ᠎ᠠ ᠪᠠᠢᠬᠤ ᠶᠢ ᠬᠦᠰᠡᠳᠡᠭ
ᠪᠢ ᠵᠡᠷᠯᠢᠭ ᠬᠦᠮᠦᠨ
ᠤᠯᠠᠭᠠᠨᠪᠠᠭᠠᠲᠤᠷ ᠤᠨ ᠪᠤᠳᠤᠮᠠᠯ ᠱᠠᠭᠠᠵᠠᠩ ᠰᠢᠭ ᠬᠡᠦᠬᠡᠨ ᠨᠦᠭᠦᠳ ᠡᠴᠡ
ᠤᠯᠠᠭᠠᠨ ᠬᠠᠴᠠᠷ ᠲᠠᠢ ᠪᠦᠷᠦᠭ ᠢᠴᠢᠮᠡᠬᠡᠢ ᠳᠦ ᠨᠢ ᠰᠢᠨᠤᠬᠤ
ᠪᠢ ᠰᠣᠨᠢᠨ ᠬᠦᠮᠦᠨ

ᠰᠢᠯᠦᠭ ᠪᠦᠬᠦᠨ ᠢᠶᠡᠨ ᠪᠤᠰᠤᠳ ᠲᠠᠢ ᠬᠤᠪᠢᠶᠠᠯᠴᠠᠭᠰᠠᠨ
ᠪᠢ ᠥᠭᠯᠢᠭᠡᠴᠢ ᠬᠦᠮᠦᠨ
ᠰᠢᠯᠦᠭ  ᠡᠴᠡ ᠥᠭᠡᠷ᠎ᠡ ᠶᠠᠭᠤ ᠪᠠᠨ ᠴᠤ᠌ ᠬᠤᠪᠢᠶᠠᠯᠴᠠᠬᠤ ᠦᠭᠡᠢ
ᠪᠢ ᠪᠠᠰᠠ ᠬᠠᠷᠠᠮᠴᠢ ᠬᠦᠮᠦᠨ

ᠰᠢᠨ᠎ᠡ ᠶᠢᠨ ᠨᠢᠭᠡᠨ ᠳᠦ ᠢᠵᠢᠢ ᠪᠡᠨ ᠨᠢᠯᠪᠤᠰᠤ ᠲᠠᠢ ᠬᠦᠯᠢᠶᠡᠯᠭᠡᠭᠰᠡᠨ

ᠪᠢ ᠶᠡᠬᠡ ᠮᠠᠭᠤ ᠬᠦᠮᠦᠨ
ᠭᠡᠬᠦ ᠳᠡᠬᠡᠨ ᠰᠢᠨ᠎ᠡ ᠪᠢᠴᠢᠬᠦ ᠮᠥᠷ ᠪᠦᠷᠢ ᠳᠡᠬᠡᠨ ᠢᠵᠢᠢ ᠪᠡᠨ ᠨᠤᠲᠤᠭ ᠲᠠᠢ ᠨᠢ ᠪᠠᠭᠲᠠᠭᠠᠬᠤ ᠰᠠᠨ ᠭᠡᠵᠦ ᠬᠦᠰᠡᠳᠡᠭ

ᠪᠢ ᠶᠡᠬᠡ ᠰᠠᠢᠨ ᠬᠦᠮᠦᠨ

ᠵᠣᠪᠠᠯᠠᠩ ᠳᠤ ᠢᠯᠡᠭᠦᠦ ᠴᠢᠪᠴᠢᠷᠠᠵᠤ ᠵᠢᠷᠭᠠᠯ ᠳᠤ ᠠᠮᠠᠷᠬᠠᠨ ᠲᠠᠰᠢᠭᠤᠷᠠᠳᠠᠭ
ᠪᠢ ᠲᠡᠨᠡᠭ ᠬᠦᠮᠦᠨ
ᠵᠣᠷᠢᠯᠭ᠎ᠠ ᠮᠥᠷᠥᠭᠡᠳᠦᠯ ᠬᠣᠶᠠᠷ ᠢᠶᠠᠨ ᠲᠡᠪᠡᠷᠢᠵᠦ ᠦᠵᠡᠭᠰᠡᠨ
ᠪᠢ ᠠᠵᠠ ᠲᠠᠢ ᠬᠦᠮᠦᠨ

ᠬᠤᠷᠤᠭᠤᠨ ᠳᠤ ᠨᠢ ᠬᠦᠷᠦᠭᠰᠡᠨ ᠪᠣᠯ
ᠤᠷᠤᠭᠤᠯ ᠳᠤ ᠨᠢ ᠵᠢᠳᠬᠦᠬᠦ

ᠪᠢ ᠰᠢᠨᠤᠯ ᠲᠠᠢ ᠬᠦᠮᠦᠨ
ᠨᠢᠷᠤᠭᠤᠨ ᠠᠴᠠ ᠨᠢᠯᠪᠤᠭᠰᠠᠨ ᠪᠣᠯᠭᠠᠨ ᠢ
ᠪᠤᠷᠤᠭᠤ ᠪᠠᠷ ᠰᠠᠨᠠᠵᠤ ᠶᠠᠪᠤᠬᠤ ᠦᠭᠡᠢ..᠃
ᠪᠢ ᠮᠠᠷᠲᠠᠮᠠᠬᠠᠢ ᠬᠦᠮᠦᠨ

ᠴᠠᠭᠠᠨ ᠲᠣᠯᠣᠭᠠᠢ ᠶᠢ ᠲᠡᠭᠦᠰᠬᠡᠯ ᠡᠴᠡ ᠨᠢ ᠡᠬᠢᠯᠡᠵᠦ ᠰᠣᠷᠣᠭᠰᠠᠨ
ᠪᠢ ᠵᠥᠷᠢᠭᠦᠳ ᠬᠦᠮᠦᠨ..᠃
ᠴᠠᠭ ᠢᠶᠠᠨ ᠬᠠᠷᠠ ᠳ᠋ᠠ!

ᠪᠢ ᠲᠠᠨ ᠤ ᠳᠣᠲᠣᠷ᠎ᠠ ᠬᠡᠳᠦᠨ ᠬᠣᠷᠤᠮ ᠤᠷᠤᠰᠢᠪᠡ ᠡ?!
ᠪᠢ ᠡᠢᠮᠦ ᠯᠠ ᠬᠦᠮᠦᠨ..᠃