ᠮᠥᠬᠥᠬᠦ ᠶᠣᠰᠣ᠌ ᠦᠭᠡᠢ ᠮᠣᠩᠭᠣᠯ ᠬᠡᠯᠡМөхөх ёсгүй монгол хэлMökhökh yosgüi mongol khel
2794ᠮᠥᠬᠥᠬᠦ ᠶᠣᠰᠣ᠌ ᠦᠭᠡᠢ ᠮᠣᠩᠭᠣᠯ ᠬᠡᠯᠡ
ᠵᠠ᠂ ᠡᠨᠡ ᠡᠳᠦᠷ ᠪᠣᠯ ᠳᠡᠯᠡᠬᠡᠢ ᠶ᠋ᠢᠨ ᠡᠬᠡ ᠬᠡᠯᠡ ᠪᠡᠨ ᠬᠠᠢᠷᠠᠯᠠᠬᠤ ᠡᠳᠦᠷ᠂ ᠡᠨᠡ ᠡᠳᠦᠷ ᠲᠦ᠍ ᠲᠣᠬᠢᠶᠠᠯᠳᠤᠭᠤᠯᠤᠭᠠᠳ ᠪᠢ ᠥᠪᠡᠷ ᠦ᠋ᠨ ᠡᠬᠡ ᠬᠡᠯᠡᠨ ᠦ᠌ ᠪᠡᠨ ᠲᠤᠬᠠᠢ ᠬᠡᠳᠦᠨ ᠦᠭᠡ ᠬᠡᠯᠡᠶᠡ ᠭᠡᠵᠦ ᠪᠣᠳᠣᠵᠤ ᠪᠠᠢᠨᠠ᠃ ᠣᠷᠴᠢᠮ ᠤ᠋ᠨ ᠵᠢᠯ᠂ ᠲᠡᠷᠡᠴᠢᠯᠡᠨ ᠡᠭᠦᠨ ᠡᠴᠡ ᠨᠡᠯᠢᠶᠡᠳ ᠡᠷᠲᠡ ᠡᠴᠡ ᠡᠬᠢᠯᠡᠭᠡᠳ᠂ (ᠵᠠᠷᠢᠮ ) ᠬᠥᠮᠦᠰ ᠮᠠᠨ ᠤ᠋ ᠮᠣᠩᠭᠣᠯ ᠬᠡᠯᠡ ᠬᠡᠷᠡᠭ ᠦᠭᠡᠢ ᠮᠣᠩᠭᠣᠯ ᠬᠡᠯᠡ ᠲᠤᠰᠠ ᠦᠭᠡᠢ ᠭᠡᠰᠡᠨ ᠦᠭᠡ ᠶᠠᠷᠢᠶᠠ ᠶ᠋ᠢ ᠶᠡᠬᠡ ᠳᠡᠯᠭᠡᠷᠡᠭᠦᠯᠦᠭᠰᠡᠨ ᠪᠠᠢᠳᠠᠭ᠃ ᠲᠡᠷᠡᠴᠢᠯᠡᠨ ᠲᠠᠪᠢᠨ ᠵᠢᠯ ᠦ᠋ᠨ ᠳᠠᠷᠠᠭᠠ ᠮᠣᠩᠭᠣᠯ ᠬᠡᠯᠡ ᠮᠥᠬᠥᠨᠡ ᠭᠡᠵᠦ ᠬᠡᠯᠡᠭᠰᠡᠨ ᠪᠠᠢᠳᠠᠭ᠃ ᠪᠢ ᠡᠨᠡ ᠦᠭᠡ ᠶ᠋ᠢ ᠶᠡᠬᠡ ᠭᠠᠢᠬᠠᠭᠠᠳ ᠪᠠᠢᠨᠠ᠂ ᠴᠢ ᠥᠪᠡᠷ ᠢ᠋ᠶ᠋ᠡᠨ ᠮᠣᠩᠭᠣᠯ ᠦᠭᠡ ᠬᠡᠯᠡᠵᠦ ᠪᠠᠢᠭᠠᠳ᠂ᠶᠠᠭᠠᠬᠢᠭᠠᠳ ᠮᠣᠩᠭᠣᠯ ᠦᠭᠡ ᠴᠢᠨᠢ ᠲᠤᠰᠠ ᠦᠭᠡᠢ ᠪᠣᠯᠴᠢᠬᠠᠭᠰᠠᠨ ᠶᠤᠮ? ᠦᠷᠡ ᠬᠡᠦᠬᠡᠳ ᠲᠡᠢ ᠪᠡᠨ ᠡᠴᠢᠭᠡ ᠡᠬᠡ ᠲᠡᠢ ᠪᠡᠨ ᠰᠠᠳᠤᠨ ᠲᠥᠷᠥᠯ ᠲᠡᠢ ᠪᠡᠨ ᠠᠬᠠ ᠳᠡᠭᠦᠦ ᠨᠠᠷ ᠲᠠᠢ ᠪᠠᠨ ᠨᠡᠪᠲᠡᠷᠡᠯᠴᠡᠬᠦ ᠳ᠋ᠦ᠍ ᠡᠨᠡ ᠮᠣᠩᠭᠣᠯ ᠬᠡᠯᠡ ᠪᠡᠨ ᠬᠡᠷᠡᠭᠯᠡᠵᠦ ᠪᠠᠢᠬᠤ ᠪᠢᠰᠢ ᠶᠤᠮ ᠤᠤ? ᠡᠨᠡ ᠮᠣᠩᠭᠣᠯ ᠬᠡᠯᠡ ᠴᠢᠨᠢ ᠴᠢᠮᠠ ᠳ᠋ᠤ᠌ ᠲᠤᠰᠠ ᠪᠣᠯᠵᠤ ᠪᠠᠢᠬᠤ ᠪᠢᠰᠢ ᠶᠤᠮ ᠤᠤ? ᠶᠠᠭᠠᠬᠢᠭᠠᠳ ᠲᠤᠰᠠ ᠦᠭᠡᠢ ᠭᠡᠳᠡᠭ ᠦᠭᠡ ᠶ᠋ᠢ ᠬᠡᠯᠡᠬᠦ ᠪᠣᠯᠴᠢᠬᠠᠭᠰᠠᠨ ᠶᠤᠮ? ᠳᠡᠭᠡᠷᠡ ᠨᠢ ᠮᠠᠨ ᠤ᠋ ᠬᠢ ᠨᠦ᠍ᠭᠦᠳ ᠦ᠋ᠨ ᠬᠡᠯᠡᠵᠦ ᠪᠠᠢᠭᠠ ᠮᠣᠩᠭᠣᠯ ᠦᠭᠡ ᠲᠤᠰᠠ ᠦᠭᠡᠢ ᠬᠡᠷᠡᠭ ᠦᠭᠡᠢ ᠭᠡᠵᠦ ᠪᠠᠢᠬᠤ ᠶ᠋ᠢᠨ ᠤᠴᠢᠷ ᠨᠢ ᠪᠣᠯ ᠮᠣᠩᠭᠣᠯᠴᠤᠳ ᠤ᠋ᠨ ᠬᠥᠮᠦᠨ ᠨᠢ ᠴᠥᠭᠡᠬᠡᠨ ᠭᠡᠨᠡ᠂ ᠲᠡᠭᠡᠪᠡᠯ ᠪᠢ ᠠᠰᠠᠭᠤᠶᠠ᠂ ᠶᠠᠮᠠᠷ ᠨᠢᠭᠡᠨ ᠶᠠᠭᠤᠮᠠ ᠶ᠋ᠢ ᠬᠡᠯᠡᠬᠦ ᠦᠶᠡ ᠳ᠋ᠦ᠍ ᠬᠡᠷᠡᠭᠯᠡᠬᠦ ᠦᠶᠡ ᠳ᠋ᠦ᠍ ᠵᠠᠪᠠᠯ ᠡᠨᠡ ᠬᠥᠮᠦᠨ ᠦ᠌ ᠬᠢᠨᠢ ᠠᠷᠪᠢᠨ ᠴᠥᠭᠡᠬᠡᠨ ᠢ᠋ᠶ᠋ᠡᠷ ᠲᠣᠭᠲᠠᠭᠠᠭᠳᠠᠨᠠ ᠤᠤ?ᠵᠢᠱ᠌ᠢᠶᠡᠯᠡᠪᠡᠯ᠄ ᠳᠡᠯᠡᠬᠡᠢ ᠶ᠋ᠢᠨ ᠲᠣᠭᠠᠨ ᠤ᠋ ᠤᠬᠠᠭᠠᠨ ᠤ᠋ ᠨᠡᠷᠡᠲᠦ ᠡᠷᠳᠡᠮᠲᠡᠨ ᠨᠦ᠍ᠭᠦᠳ ᠦ᠋ᠨ ᠲᠣᠭᠠᠨ ᠤ᠋ ᠲᠣᠮᠢᠶᠠ ᠶ᠋ᠢ ᠬᠡᠳᠦᠨ ᠬᠥᠮᠦᠨ ᠣᠢᠯᠭᠠᠳᠠᠭ ᠶᠤᠮ? ᠭᠡᠲᠡᠯᠡ ᠡᠭᠦᠨ ᠡᠴᠡ ᠪᠣᠯᠤᠭᠠᠳ ᠬᠡᠷᠡᠭ ᠦᠭᠡᠢ ᠭᠡᠵᠦ ᠬᠡᠯᠡᠵᠦ ᠪᠣᠯᠤᠨᠠ ᠤᠤ? ᠲᠡᠭᠡᠪᠡᠯ ᠮᠠᠨ ᠤ᠋ ᠮᠡᠳᠡᠳᠡᠭ ᠠᠩᠭ᠌ᠯᠢ ᠶ᠋ᠢᠨ᠂ ᠭᠧᠷᠮᠠᠨ ᠤ᠋᠂ ᠶᠠᠫᠣᠨ ᠤ᠋᠂ ᠨᠡᠷᠡᠲᠦ ᠲᠡᠷᠭᠡ ᠨᠦ᠍ᠭᠦᠳ᠂ ᠡᠭᠦᠨ ᠢ᠋ ᠪᠢᠳᠡ ᠶᠠᠮᠠᠷ ᠲᠡᠳᠡᠨ ᠦ᠌ ᠬᠡᠯᠡ ᠶ᠋ᠢ ᠨᠢ ᠮᠡᠳᠡᠴᠢᠬᠡᠭᠡᠳ ᠬᠡᠷᠡᠭᠯᠡᠵᠦ ᠪᠠᠢᠨᠠ ᠤᠤ? ᠳᠠᠬᠢᠭᠠᠳ ᠬᠡᠯᠡᠪᠡᠯ ᠡᠳᠡᠭᠡᠷ ᠳᠡᠯᠡᠬᠡᠢ ᠳ᠋ᠦ᠍ ᠨᠡᠷᠡᠲᠡᠢ ᠲᠡᠷᠭᠡ ᠤᠨᠤᠭᠠ ᠶ᠋ᠢ ᠬᠢᠵᠦ ᠪᠠᠢᠭᠠ ᠤᠯᠤᠰ᠂ ᠠᠵᠤ ᠠᠬᠤᠢ ᠶ᠋ᠢᠨ ᠦᠷᠡ ᠠᠰᠢᠭ ᠭᠠᠷᠭᠠᠵᠤ ᠪᠠᠢᠭᠠ ᠬᠥᠮᠦᠰ᠂ ᠲᠡᠷᠡ ᠠᠵᠤ ᠠᠬᠤᠢᠯᠠᠯ ᠰᠠᠶᠢ ᠬᠡᠳᠦᠢ ᠬᠥᠮᠦᠨ ᠲᠡᠢ ᠪᠣᠢ᠂ᠬᠡᠲᠦᠷᠡᠬᠦ ᠳ᠋ᠦ᠍ ᠪᠡᠨ ᠠᠷᠪᠠᠭᠠᠳ ᠬᠥᠮᠦᠨ ᠭᠣᠣᠯᠯᠠᠨᠠ᠂ ᠴᠢᠨᠠᠭᠰᠢᠳᠠ ᠬᠡᠯᠡᠯᠭᠡᠨ ᠦᠭᠡᠢ ᠠᠵᠢᠯᠲᠠᠨ ᠢ᠋ ᠨᠢ ᠬᠡᠯᠡᠪᠡᠯ ᠶᠠᠮᠠᠷᠴᠤ ᠬᠥᠮᠦᠨ ᠭᠡᠳ ᠡᠯᠰᠡᠴᠦ ᠵᠠᠷᠤᠵᠤ ᠪᠠᠢᠭᠠ ᠮᠠᠭᠠᠳ ᠦᠭᠡᠢ᠂ ᠭᠡᠪᠡᠴᠦ ᠭᠣᠣᠯ ᠡᠵᠡᠨ ᠮᠡᠳᠡᠵᠦ ᠪᠠᠢᠭᠠ ᠨᠢ ᠠᠷᠪᠠᠭᠠᠳ ᠬᠥᠮᠦᠨ ᠰᠢᠳᠡ᠂ ᠠᠷᠪᠠᠭᠠᠳ ᠬᠥᠮᠦᠨ ᠳᠠᠷᠤᠢ ᠡᠨᠡ ᠳᠡᠯᠡᠬᠡᠢ ᠳ᠋ᠦ᠍ ᠲᠦᠭᠡᠭᠡᠭᠰᠡᠨ ᠠᠵᠤ ᠠᠬᠤᠢᠯᠠᠯ ᠢ᠋ ᠡᠷᠬᠢᠯᠡᠵᠦ ᠪᠠᠢᠨᠠ᠂ ᠡᠨᠡ ᠶᠠᠭᠠᠬᠢᠭᠠᠳ ᠬᠥᠮᠦᠨ ᠦ᠌ ᠲᠣᠭᠠ ᠲᠠᠢ ᠬᠣᠯᠪᠣᠭᠠ ᠲᠠᠢ ᠭᠡᠵᠦ ᠬᠡᠯᠡᠭᠡᠳ ᠪᠠᠢᠬᠤ ᠶᠤᠮ? ᠴᠢᠩᠭᠢᠭᠡᠳ ᠪᠢ ᠪᠣᠳᠣᠯᠠ᠂ ᠥᠪᠡᠷ ᠦ᠋ᠨ ᠡᠬᠡ ᠬᠡᠯᠡ ᠬᠡᠷᠡᠭ ᠦᠭᠡᠢ ᠭᠡᠵᠦ ᠪᠣᠳᠣᠵᠤ ᠪᠠᠢᠭᠠ ᠬᠥᠮᠦᠨ ᠪᠣᠯ ᠲᠡᠷᠡ ᠬᠥᠮᠦᠨ ᠳᠠᠷᠤᠢ ᠬᠡᠷᠡᠭ ᠦᠭᠡᠢ ᠪᠣᠯᠵᠤ ᠪᠠᠢᠨᠠ᠂ ᠲᠡᠷᠡ ᠬᠥᠮᠦᠨ ᠥᠪᠡᠷ ᠢ᠋ᠶ᠋ᠡᠨ ᠬᠡᠷᠡᠭ ᠲᠡᠢ ᠬᠡᠷᠡᠭᠴᠡᠭᠡᠲᠡᠢ ᠬᠥᠮᠦᠨ ᠪᠣᠯᠴᠢᠬᠠ᠂ ᠢᠩᠭᠢᠵᠦ ᠪᠣᠳᠣᠬᠤ ᠦᠭᠡᠢ᠂ ᠢᠩᠭᠢᠵᠦ ᠬᠡᠯᠡᠬᠦ ᠦᠭᠡᠢ᠂ ᠥᠨᠥ ᠠᠩᠭ᠌ᠯᠢ ᠬᠡᠯᠡ ᠳᠡᠯᠡᠬᠡᠢ ᠳᠠᠶᠠᠭᠠᠷ ᠲᠦᠭᠡᠵᠦ ᠪᠠᠢᠨᠠ᠂ ᠭᠡᠲᠡᠯᠡ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ᠋ ᠦᠶᠡ ᠳ᠋ᠦ᠍ ᠮᠣᠩᠭᠣᠯ ᠬᠡᠯᠡ ᠳᠡᠯᠡᠬᠡᠢ ᠳ᠋ᠦ᠍ ᠶᠡᠬᠡᠪᠡᠷ ᠨᠡᠪᠲᠡᠷᠡᠵᠦ ᠬᠡᠷᠡᠭᠯᠡᠭᠳᠡᠵᠦ ᠪᠠᠢᠭᠠ ᠦᠶᠡ ᠳ᠋ᠦ᠍ ᠠᠩᠭ᠌ᠯᠢ ᠬᠡᠯᠡ ᠨᠢ ᠵᠥᠪᠬᠡᠨ ᠨᠢᠭᠡ ᠵᠢᠵᠢᠭ ᠠᠷᠠᠯ ᠳᠡᠭᠡᠷᠡᠬᠢ ᠬᠡᠳᠦᠨ ᠵᠢᠭᠠᠰᠤᠴᠢᠳ ᠤ᠋ᠨ ᠬᠣᠭᠣᠷᠣᠨᠳᠣ ᠪᠠᠨ ᠨᠡᠪᠲᠡᠷᠡᠬᠦ ᠳ᠋ᠦ᠍ ᠬᠡᠷᠡᠭᠯᠡᠬᠦ ᠥᠴᠦᠬᠡᠨ ᠬᠡᠯᠡ ᠪᠠᠢᠭᠰᠠᠨ᠂ ᠥᠨᠥ ᠳᠡᠯᠡᠬᠡᠢ ᠳᠠᠶᠠᠭᠠᠷ ᠬᠡᠷᠡᠭᠯᠡᠵᠦ ᠪᠠᠢᠭᠠ ᠶᠡᠬᠡ ᠬᠡᠯᠡ ᠪᠣᠯᠵᠠᠢ᠂ ᠭᠡᠲᠡᠯᠡ ᠠᠩᠭ᠌ᠯᠢ ᠬᠡᠯᠡ ᠶᠠᠭᠤ ᠴᠤ᠌ ᠪᠢᠰᠢ ᠨᠢᠭᠡ ᠥᠴᠦᠬᠡᠨ ᠠᠷᠠᠯ ᠤ᠋ᠨ ᠬᠡᠯᠡ ᠪᠠᠢᠬᠤ ᠦᠶᠡ ᠮᠠᠨ ᠤ᠋ ᠮᠣᠩᠭᠣᠯ ᠬᠡᠯᠡ ᠪᠡᠷ ᠢ᠋ᠶ᠋ᠡᠨ ᠳᠡᠯᠡᠬᠡᠢ ᠶ᠋ᠢᠨ ᠬᠡᠯᠡ ᠪᠠᠢᠭᠰᠠᠨ᠂ ᠮᠣᠩᠭᠣᠯ ᠬᠡᠯᠡ ᠳᠡᠯᠡᠬᠡᠢ ᠶ᠋ᠢᠨ ᠬᠡᠯᠡ ᠪᠣᠯᠵᠤ ᠥᠩᠭᠡᠷᠡᠯᠡ ᠰᠢᠦ᠂ ᠰᠦᠷᠡᠬᠡᠢ ᠬᠡᠯᠡ ᠭᠡᠰᠡᠨ ᠢ᠋ᠶ᠋ᠡᠨ ᠬᠡᠷᠴᠢᠯᠡᠴᠢᠬᠡᠭᠰᠡᠨ᠂ ᠭᠡᠲᠡᠯᠡ ᠥᠨᠥ ᠶᠠᠭᠠᠬᠢᠭᠠᠳ ᠣᠳᠣ ᠳᠡᠷᠭᠡᠳᠡ ᠪᠠᠢᠭᠠ ᠬᠡᠳᠦᠨ ᠬᠥᠮᠦᠨ ᠲᠡᠢ ᠪᠡᠨ ᠬᠡᠯᠡᠯᠴᠡᠭᠡᠳ ᠪᠠᠰᠠ ᠳᠣᠲᠣᠷᠠ ᠨᠢ ᠬᠡᠳᠦᠨ ᠣᠨᠳᠣᠣ ᠬᠡᠯᠡ ᠬᠣᠯᠢᠬᠤ ᠦᠭᠡᠢ ᠪᠣᠯ ᠨᠡᠪᠲᠡᠷᠡᠵᠦ ᠳᠡᠢᠯᠬᠦ ᠦᠭᠡᠢ ᠪᠣᠯᠴᠢᠬᠠᠭᠰᠠᠨ ᠪᠣᠢ? ᠡᠨᠡ ᠭᠣᠣᠯ ᠬᠥᠮᠦᠨ ᠳ᠋ᠦ᠍ ᠨᠢ ᠪᠠᠢᠨᠠ᠃ ᠬᠥᠮᠦᠨ ᠨᠢ ᠳᠣᠷᠣᠢᠲᠠᠵᠤ ᠪᠠᠢᠨᠠ ᠭᠡᠵᠦ ᠪᠢ ᠦᠵᠡᠵᠦ ᠪᠠᠢᠨᠠ᠂ ᠮᠠᠨ ᠤ᠋ ᠡᠬᠡ ᠬᠡᠯᠡ ᠪᠣᠯ ᠳᠣᠷᠣᠢᠲᠠᠭᠠ ᠦᠭᠡᠢ ᠪᠠᠢᠬᠤ ᠶᠤᠮ᠂ ᠮᠠᠨ ᠤ᠋ ᠬᠥᠮᠦᠨ ᠨᠢ ᠪᠣᠯ ᠳᠣᠷᠣᠢᠲᠠᠵᠠᠢ᠃ ᠬᠠᠮᠤᠭ ᠨᠠᠭᠠᠳᠤ ᠵᠠᠬᠠ ᠨᠢ ᠪᠢᠳᠡ ᠬᠡᠷᠪᠡ ᠮᠣᠩᠭᠣᠯᠴᠤᠳ ᠪᠦᠬᠦ ᠳᠡᠯᠡᠬᠡᠢ ᠶ᠋ᠢᠨ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠳ᠋ᠦ᠍ ᠬᠡᠷᠡᠭᠴᠡᠭᠡ ᠲᠡᠢ ᠶᠠᠮᠠᠷ ᠨᠢᠭᠡ ᠶᠠᠭᠤᠮᠠ ᠶ᠋ᠢ ᠡᠭᠦᠳᠦᠭᠡᠳ ᠡᠭᠦᠨ ᠢ᠋ ᠬᠡᠷᠡᠭᠯᠡᠬᠦ ᠠᠷᠭᠠ ᠶ᠋ᠢ ᠮᠣᠩᠭᠣᠯ ᠦᠰᠦᠭ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠢᠴᠢᠭᠡᠳ ᠣᠷᠣᠭᠤᠯᠴᠢᠬᠠᠪᠠᠯ᠂ ᠬᠥᠮᠦᠨ ᠯᠠᠪ ᠴᠢᠨᠦ ᠮᠣᠩᠭᠣᠯ ᠬᠡᠯᠡ ᠶ᠋ᠢ ᠴᠢᠨᠢ ᠬᠦᠨᠳᠦᠯᠡᠨᠡ᠂ ᠰᠤᠷᠤᠨᠠ᠂ ᠭᠡᠲᠡᠯᠡ ᠡᠴᠢᠨᠡᠨ ᠵᠢᠯ ᠦ᠋ᠨ ᠲᠤᠷᠰᠢ ᠲᠡᠢᠮᠦ ᠬᠥᠮᠦᠨ ᠭᠠᠷᠤᠭᠠ ᠦᠭᠡᠢ᠂ ᠲᠡᠷᠡᠴᠢᠯᠡᠨ ᠡᠬᠡ ᠬᠡᠯᠡ ᠶ᠋ᠢ ᠪᠡᠨ ᠬᠠᠶᠠᠭᠠᠳ ᠶᠠᠪᠤᠪᠠᠯ ᠰᠠᠢᠨ ᠭᠡᠵᠦ ᠪᠣᠳᠣᠵᠤ ᠪᠠᠢᠨᠠ᠂ ᠵᠢᠱ᠌ᠢᠶᠡᠯᠡᠪᠡᠯ: ᠪᠢ ᠲᠠᠨᠤᠰ ᠲᠤ᠌ ᠬᠡᠯᠡᠵᠦ ᠥᠭᠭᠦᠶᠡ᠂ᠦᠨᠡᠨ ᠮᠣᠩᠭᠣᠯ ᠬᠡᠯᠡ ᠪᠡᠨ ᠬᠠᠶᠠᠴᠢᠬᠠᠪᠠᠯ ᠰᠠᠢᠨ ᠭᠡᠵᠦ ᠤᠤ? ᠬᠠᠷᠢ ᠬᠡᠯᠡ ᠶ᠋ᠢ ᠰᠤᠷᠪᠠᠯ ᠰᠠᠢᠨ ᠭᠡᠵᠦ ᠤᠤ? ᠬᠠᠷᠢ ᠬᠡᠯᠡ ᠶ᠋ᠢ ᠰᠤᠷᠬᠤ ᠪᠠᠷ ᠪᠣᠳᠣᠬᠤ ᠳ᠋ᠤ᠌ ᠡᠨᠡ ᠪᠣᠯ ᠵᠥᠪᠬᠡᠨ ᠨᠢᠭᠡ ᠪᠠᠭᠠᠵᠢ᠂ ᠨᠡᠪᠲᠡᠷᠡᠬᠦ ᠨᠢᠭᠡ ᠵᠦᠢᠯ ᠦ᠋ᠨ ᠠᠷᠭᠠ ᠬᠡᠯᠪᠡᠷᠢ ᠲᠡᠳᠦᠢ᠂ ᠴᠢ ᠬᠡᠳᠦᠢ ᠬᠠᠷᠢ ᠬᠡᠯᠡ ᠶ᠋ᠢ ᠮᠡᠳᠡᠯᠡ ᠭᠡᠳ ᠥᠪᠡᠷ ᠦ᠋ᠨ ᠴᠢᠨᠢ ᠬᠥᠮᠦᠨ ᠥᠩᠭᠡᠷᠡᠦ ᠲᠤᠰᠠ ᠦᠭᠡᠢ ᠥᠭᠡᠳᠡ ᠦᠭᠡᠢ ᠪᠣᠯ ᠴᠢ᠂ ᠶᠠᠮᠠᠷ ᠬᠡᠯᠡ ᠰᠤᠷᠤᠭᠰᠠᠨ ᠴᠦ᠍ ᠲᠡᠭᠡᠵᠦ ᠥᠭᠡᠳᠡ ᠲᠡᠢ ᠶᠠᠪᠤᠵᠤ ᠴᠢᠳᠠᠬᠤ ᠦᠭᠡᠢ᠂ ᠡᠨᠡ ᠪᠣᠯ ᠵᠠᠢᠯᠠᠰᠢ ᠦᠭᠡᠢ᠃ ᠳᠡᠭᠡᠷᠡ ᠨᠢ ᠡᠪᠦᠭᠡ ᠳᠡᠭᠡᠳᠦᠰ ᠡᠴᠡ ᠪᠡᠨ ᠠᠪᠤᠭᠠᠳ ᠡᠢᠮᠦ ᠠᠭᠤᠤ ᠶᠡᠬᠡ ᠪᠠᠢᠵᠤ ᠪᠠᠢᠭᠰᠠᠨ ᠡᠬᠡ ᠬᠡᠯᠡ ᠶ᠋ᠢ ᠪᠡᠨ ᠳᠣᠷᠣᠢ ᠪᠠᠭᠤᠷᠠᠢ ᠪᠣᠯᠭᠠᠴᠢᠬᠠᠭᠠᠳ ᠲᠡᠷᠡᠴᠢᠯᠡᠨ ᠬᠠᠶᠠᠭᠠᠳ ᠶᠠᠪᠤᠭᠰᠠᠨ ᠬᠥᠮᠦᠨ ᠲᠡᠷᠡ ᠶᠠᠮᠠᠷ ᠥᠭᠡᠳᠡ ᠲᠡᠢ ᠪᠠᠢᠳᠠᠭ ᠪᠣᠢ? ᠤᠴᠢᠷ ᠨᠢ ᠶᠠᠮᠠᠷ ᠨᠢᠭᠡᠨ ᠶᠠᠪᠤᠳᠠᠯ ᠢ᠋ ᠪᠦᠲᠦᠭᠡᠬᠦ ᠦᠶᠡ ᠳ᠋ᠦ᠍᠂ ᠶᠠᠮᠠᠷ ᠨᠢᠭᠡᠨ ᠠᠵᠢᠯ ᠦᠢᠯᠡᠰ ᠢ᠋ ᠪᠦᠲᠦᠭᠡᠬᠦ ᠦᠶᠡ ᠳ᠋ᠦ᠍ ᠬᠠᠮᠤᠭ ᠲᠡᠷᠢᠭᠦᠨ ᠳ᠋ᠦ᠍ ᠡᠨᠡ ᠬᠥᠮᠦᠨ ᠦ᠌ ᠪᠣᠳᠣᠯ ᠪᠣᠯ ᠴᠢᠬᠤᠯᠠ ᠪᠠᠢᠳᠠᠭ᠂ ᠪᠦᠬᠦ ᠶᠠᠭᠤᠮᠠ ᠪᠣᠳᠣᠯ ᠠ᠋ᠴᠠ ᠡᠭᠦᠰᠳᠡᠭ᠂ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠦᠭᠡ ᠬᠡᠯᠡ ᠶ᠋ᠢ ᠬᠦᠷᠲᠡᠯᠡ ᠬᠠᠶᠠᠭᠠᠳ ᠶᠠᠪᠤᠵᠤ ᠪᠠᠢᠬᠤ ᠬᠥᠮᠦᠨ᠂ ᠥᠭᠡᠷᠡ ᠶᠠᠮᠠᠷ ᠨᠢᠭᠡ ᠶᠠᠭᠤᠮᠠ ᠶ᠋ᠢ ᠬᠠᠶᠠᠬᠤ ᠳ᠋ᠤ᠌ ᠬᠠᠢᠷᠠ ᠨᠠᠢᠷ ᠦᠭᠡᠢ ᠰᠢᠦ᠂ᠲᠡᠷᠡ ᠮᠥᠷᠲᠡᠭᠡᠨ ᠶᠠᠮᠠᠷ ᠨᠢᠭᠡᠨ ᠶᠠᠭᠤᠮᠠ ᠶ᠋ᠢ ᠲᠤᠭᠤᠯᠵᠤ ᠳᠡᠢᠯᠬᠦ ᠦᠭᠡᠢ᠂ ᠬᠦᠴᠢᠷ ᠪᠡᠷᠬᠡᠰᠢᠶᠡᠯ ᠢ᠋ ᠳᠠᠭᠠᠭᠠᠬᠤ ᠪᠠᠷ ᠮᠠᠭᠤ᠂ ᠤᠴᠢᠷ ᠢ᠋ ᠪᠡᠨ ᠪᠦᠷᠢᠨ ᠲᠣᠳᠣᠷᠬᠠᠢ ᠲᠠᠨᠢᠵᠤ ᠳᠡᠢᠯᠬᠦ ᠦᠭᠡᠢ᠂ ᠶᠠᠭᠤ ᠪᠦᠭᠦᠳᠡ ᠨᠢ ᠥᠭᠡᠷᠡ ᠬᠥᠮᠦᠨ ᠳ᠋ᠦ᠍ ᠲᠦᠯᠬᠢᠳᠡᠭ᠂ ᠥᠪᠡᠷ ᠦ᠋ᠨ ᠪᠡᠶᠡ ᠳ᠋ᠡᠭᠡᠨ ᠰᠡᠪ ᠬᠠᠯᠳᠠᠭᠠᠬᠤ ᠦᠭᠡᠢ ᠪᠠᠢᠳᠠᠭ᠂ ᠮᠠᠨ ᠤ᠋ ᠬᠢ ᠨᠦ᠍ᠭᠦᠳ ᠦ᠋ᠨ ᠮᠣᠩᠭᠣᠯ ᠬᠡᠯᠡ ᠲᠤᠰᠠ ᠦᠭᠡᠢ ᠬᠡᠷᠡᠭ ᠦᠭᠡᠢ ᠭᠡᠵᠦ ᠬᠡᠯᠡᠵᠦ ᠪᠠᠢᠭᠠ ᠬᠥᠮᠦᠰ᠂ ᠥᠪᠡᠷ ᠦ᠋ᠨ ᠪᠡᠶᠡ ᠪᠡᠷ ᠢ᠋ᠶ᠋ᠡᠨ ᠤᠷᠤᠭᠤ ᠳᠣᠷᠣᠢ ᠪᠠᠨ ᠬᠡᠯᠡᠬᠦ ᠦᠭᠡᠢ ᠰᠢᠦ᠂《ᠤᠴᠢᠷ ᠨᠢ ᠪᠣᠯ ᠪᠦᠷ ᠮᠠᠨ ᠤ᠋ ᠮᠣᠩᠭᠣᠯ ᠬᠡᠯᠡᠨ ᠳ᠋ᠦ᠍ ᠪᠠᠢᠨᠠ ᠮᠣᠩᠭᠣᠯ ᠬᠥᠮᠦᠨ ᠪᠣᠯᠵᠤ ᠲᠥᠷᠥᠭᠡᠳ ᠮᠠᠨ ᠤ᠋ ᠮᠣᠩᠭᠣᠯ ᠦᠭᠡ ᠬᠡᠯᠡ ᠶ᠋ᠢ ᠣᠢᠯᠭᠠᠬᠤ ᠬᠥᠮᠦᠨ ᠠᠷᠪᠢᠨ ᠦᠭᠡᠢ ᠶᠤᠮ ᠴᠢᠨᠢ᠂ᠡᠢᠮᠦ ᠡᠴᠡ ᠪᠣᠯᠤᠭᠠᠳ ᠪᠢ ᠢᠩᠭᠢᠵᠦ ᠠᠮᠢᠳᠤᠷᠠᠵᠤ ᠪᠠᠢᠨᠠ 》ᠪᠢ ᠬᠡᠷᠪᠡ ᠥᠭᠡᠷᠡ ᠦᠨᠳᠦᠰᠦᠲᠡᠨ ᠪᠣᠯᠵᠤ ᠲᠥᠷᠥᠭᠰᠡᠨ ᠪᠣᠯ᠂ ᠡᠨᠡ ᠦᠶᠡ ᠠᠰᠲᠠᠭᠠᠨ ᠪᠠᠢᠬᠠ 》᠁ ᠥᠭᠡᠷᠡ ᠦᠨᠳᠦᠰᠦᠲᠡᠨ ᠦ᠌ ᠳᠣᠲᠣᠷᠠ ᠪᠠᠰᠠ ᠥᠭᠡᠬᠦᠨ ᠳ᠋ᠦ᠍ ᠬᠢᠭᠡᠳ ᠨᠣᠬᠠᠢ ᠦᠨᠦᠷᠲᠦᠬᠦ ᠦᠭᠡᠢ᠂ ᠡᠪᠡᠰᠦᠨ ᠳ᠋ᠦ᠍ ᠪᠠᠭᠯᠠᠭᠠᠳ ᠦᠬᠡᠷ ᠢᠳᠡᠬᠦ ᠦᠭᠡᠢ ᠪᠠᠢᠬᠤ ᠯᠠ᠂ ᠲᠡᠷᠡ ᠬᠥᠮᠦᠨ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠪᠣᠯᠬᠤ ᠠ᠋ᠴᠠ ᠪᠢᠰᠢ ᠦᠭᠡ ᠬᠡᠯᠡ ᠲᠡᠢ ᠬᠠᠮᠢᠶᠠ ᠦᠭᠡᠢ ᠪᠠᠢᠬᠠ᠂ ᠳᠠᠬᠢᠭᠠᠳ ᠬᠡᠯᠡᠪᠡᠯ ᠮᠣᠩᠭᠣᠯ ᠢ᠋ᠶ᠋ᠠᠷ ᠰᠤᠷᠤᠭᠰᠠᠨ ᠬᠥᠮᠦᠰ ᠦ᠋ᠨ ᠳᠣᠲᠣᠷᠠ ᠳᠡᠯᠡᠬᠡᠢ ᠳ᠋ᠦ᠍ ᠨᠡᠷᠡᠲᠡᠢ ᠶᠠᠪᠤᠵᠤ ᠪᠠᠢᠭᠠ ᠬᠥᠮᠦᠨ ᠠᠷᠪᠢᠨ ᠪᠠᠢᠨᠠ᠂ ᠡᠳᠡᠭᠡᠷ ᠵᠢᠱ᠌ᠢᠶᠡ ᠶ᠋ᠢ ᠲᠠᠨᠤᠰ ᠨᠢᠭᠡ ᠨᠢᠭᠡ ᠪᠡᠷ ᠪᠣᠳᠣᠪᠠᠯ ᠲᠠᠭᠠᠷᠠᠴᠢᠬᠠᠨᠠ᠂ ᠵᠢᠱ᠌ᠢᠶᠡᠯᠡᠪᠡᠯ: ᠰᠢᠭᠤᠷᠭᠠᠨ ᠪᠠᠭᠰᠢ᠂ ᠸᠠᠩ ᠪᠠᠭᠠᠲᠤᠷ ᠪᠠᠭᠰᠢ᠂ ᠮᠢᠩᠭᠠᠨᠴᠣᠭᠲᠤ ᠡᠷᠳᠡᠮᠲᠡᠨ᠁ ᠥᠪᠡᠷ ᠦ᠋ᠨ ᠡᠬᠡ ᠬᠡᠯᠡ ᠪᠡᠷ ᠢ᠋ᠶ᠋ᠡᠨ ᠪᠦᠷ ᠶᠠᠪᠤᠵᠤ ᠪᠠᠢᠭᠠ ᠬᠥᠮᠦᠨ ᠠᠷᠪᠢᠨ ᠪᠠᠢᠨᠠ᠃ ᠥᠪᠡᠷ ᠦ᠋ᠨ ᠡᠬᠡ ᠬᠡᠯᠡ ᠪᠡᠨ ᠪᠠᠷᠢᠮᠲᠠᠯᠠᠵᠤ᠂ ᠡᠬᠡ ᠬᠡᠯᠡ ᠪᠡᠷ ᠢ᠋ᠶ᠋ᠡᠨ ᠰᠤᠷᠤᠯᠴᠠᠭᠠᠳ ᠪᠦᠷ ᠠᠮᠵᠢᠯᠲᠠ ᠣᠯᠵᠤ ᠪᠠᠢᠭᠠ ᠬᠥᠮᠦᠨ ᠠᠷᠪᠢᠨ ᠪᠠᠢᠨᠠ ᠰᠢᠳᠡ᠂ ᠪᠢᠳᠡ ᠶᠠᠭᠠᠬᠢᠭᠠᠳ ᠲᠡᠳᠡᠨ ᠢ᠋ ᠨᠢ ᠦᠵᠡᠵᠦ ᠪᠣᠯᠳᠠᠭ ᠦᠭᠡᠢ ᠪᠣᠢ? ᠶᠠᠭᠠᠬᠢᠭᠠᠳ ᠰᠢᠯᠲᠠᠭ ᠢ᠋ ᠶᠠᠭᠤ ᠪᠦᠬᠦᠨ ᠳ᠋ᠦ᠍ ᠲᠦᠯᠬᠢᠭᠡᠳ ᠮᠠᠭᠤ ᠰᠤᠷᠴᠢᠬᠠᠭᠰᠠᠨ ᠶᠤᠮ? ᠥᠪᠡᠷ ᠦ᠋ᠨ ᠪᠡᠶᠡ ᠡᠴᠡ ᠪᠡᠨ ᠡᠷᠢᠬᠦ ᠦᠭᠡᠢ ᠪᠣᠢ? ᠶᠠᠪᠤᠭᠰᠠᠭᠠᠷ ᠶᠠᠪᠤᠭᠰᠠᠭᠠᠷ ᠪᠠᠢᠲᠠᠯᠠ ᠡᠪᠦᠭᠡ ᠳᠡᠭᠡᠳᠦᠰ ᠡᠴᠡ ᠦᠯᠡᠳᠡᠭᠡᠭᠰᠡᠨ ᠡᠬᠡ ᠬᠡᠯᠡ ᠳ᠋ᠦ᠍ ᠪᠡᠨ ᠬᠡᠷᠡᠭ ᠣᠷᠣᠭᠤᠯᠵᠤ ᠪᠠᠢᠬᠤ ᠶᠤᠮ? ᠶᠠᠭᠠᠬᠢᠭᠠᠳ ᠬᠠᠮᠠᠭᠠᠯᠠᠵᠤ ᠪᠣᠯᠬᠤ ᠦᠭᠡᠢ ᠶᠤᠮ? ᠬᠥᠮᠦᠰ ᠬᠠᠮᠤᠭ ᠨᠠᠭᠠᠳᠤ ᠵᠠᠬᠠ ᠨᠢ ᠥᠪᠡᠷ ᠦ᠋ᠨ ᠭᠡᠰᠡᠨ ᠶᠠᠭᠤᠮᠠ ᠪᠠᠨ ᠬᠠᠮᠠᠭᠠᠯᠠᠵᠤ ᠳᠡᠢᠯᠬᠦ ᠦᠭᠡᠢ ᠶᠤᠮ ᠪᠣᠯ ᠥᠭᠡᠷᠡ ᠶᠠᠭᠤᠮᠠ ᠪᠦᠲᠦᠭᠡᠨᠡ ᠭᠡᠳᠡᠭ ᠴᠢᠨᠢ ᠬᠡᠷᠡᠭ ᠦᠭᠡᠢ ᠦᠭᠡ᠂ ᠭᠤᠨᠵᠢ ᠶ᠋ᠢᠨ ᠵᠣᠭᠣᠭ᠂ ᠵᠢᠱ᠌ᠢᠶᠡᠯᠡᠪᠡᠯ: ᠨᠢᠭᠡ ᠬᠥᠮᠦᠨ ᠥᠪᠡᠷ ᠦ᠋ᠨ ᠦᠷᠡ ᠬᠡᠦᠬᠡᠳ ᠲᠡᠭᠡᠨ ᠬᠠᠢᠷᠠ ᠦᠭᠡᠢ ᠡᠴᠢᠭᠡ ᠡᠬᠡ ᠳ᠋ᠦ᠍ ᠪᠡᠨ ᠬᠠᠢᠷᠠ ᠦᠭᠡᠢ ᠶᠤᠮ ᠪᠣᠯ ᠥᠭᠡᠷᠡ ᠬᠥᠮᠦᠨ ᠳ᠋ᠦ᠍ ᠬᠠᠢᠷᠠᠲᠠᠢ ᠪᠣᠯᠵᠤ ᠳᠡᠢᠯᠬᠦ ᠶᠤᠮ ᠭᠡᠵᠢ ᠤᠤ? ᠡᠬᠡ ᠬᠡᠯᠡ ᠴᠢᠨᠢ ᠪᠠᠰᠠ ᠲᠡᠢᠮᠦ᠂ ᠶᠠᠭ ᠴᠢᠨᠦ ᠴᠢᠰᠤ ᠶᠠᠰᠤᠨ ᠳ᠋ᠤ᠌ ᠰᠢᠩᠭᠡᠭᠰᠡᠨ ᠶᠠᠭᠤᠮᠠ᠂ ᠶᠢᠷᠲᠢᠨᠴᠦ ᠳᠡᠭᠡᠷᠡ ᠠᠩᠬᠠ ᠭᠠᠷᠴᠤ ᠢᠷᠡᠬᠦ ᠦᠶᠡ ᠳ᠋ᠦ᠍ ᠡᠴᠢᠭᠡ ᠡᠬᠡ ᠶ᠋ᠢᠨ ᠢ᠋ᠶ᠋ᠡᠨ ᠠᠮᠠᠨ ᠠ᠋ᠴᠠ ᠰᠣᠨᠣᠰᠤᠭᠠᠳ ᠥᠪᠡᠷ ᠦ᠋ᠨ ᠦᠶᠡ ᠳ᠋ᠦ᠍ ᠪᠡᠨ ᠪᠠᠰᠠ ᠡᠨᠡ ᠦᠭᠡ ᠪᠡᠷ ᠡᠬᠢᠯᠡᠵᠦ ᠬᠡᠯᠡᠭᠰᠡᠨ᠂ ᠭᠡᠲᠡᠯᠡ ᠡᠭᠦᠨ ᠢ᠋ᠶ᠋ᠡᠨ ᠶᠠᠭᠤᠨ ᠳ᠋ᠤ᠌ ᠭᠣᠯᠣᠵᠤ ᠪᠠᠢᠨᠠ ᠳᠠ? ᠬᠥᠮᠦᠨ ᠨᠢᠭᠡ ᠨᠠᠰᠤᠨ ᠳ᠋ᠤ᠌ ᠪᠠᠨ ᠬᠡᠳᠦᠢ ᠶᠠᠭᠤᠮᠠ ᠶ᠋ᠢ ᠬᠠᠶᠠᠵᠤ ᠳᠡᠢᠯᠳᠡᠭ ᠶᠤᠮ? ᠨᠢᠭᠡᠨ ᠦᠨᠳᠦᠰᠦᠲᠡᠨ ᠬᠡᠳᠦᠢ ᠶᠠᠭᠤᠮᠠ ᠶ᠋ᠢ ᠬᠠᠶᠠᠵᠤ ᠳᠡᠢᠯᠳᠡᠭ ᠪᠣᠢ? ᠶᠠᠭᠤ ᠭᠡᠵᠦ ᠬᠠᠶᠠᠳᠠᠭ ᠶᠤᠮ? ᠬᠠᠶᠠᠭᠰᠠᠭᠠᠷ ᠥᠭᠡᠳᠡᠯᠡᠴᠢᠬᠡᠨᠡ ᠭᠡᠵᠦ ᠤᠤ? ᠴᠤᠭᠯᠠᠭᠤᠯᠤᠭᠠᠳ ᠥᠭᠡᠳᠡᠯᠡᠭᠰᠡᠨ ᠬᠥᠮᠦᠨ ᠪᠠᠢᠳᠠᠭ ᠠ᠋ᠴᠠ ᠪᠢᠰᠢ ᠬᠠᠮᠠᠭᠠᠯᠠᠭᠠᠳ ᠥᠭᠡᠳᠡᠯᠡᠭᠰᠡᠨ ᠬᠥᠮᠦᠨ ᠪᠠᠢᠳᠠᠭ ᠠ᠋ᠴᠠ ᠪᠢᠰᠢ᠂ ᠬᠠᠶᠠᠭᠠᠳ ᠥᠭᠡᠳᠡᠯᠡᠭᠰᠡᠨ ᠬᠥᠮᠦᠨ ᠦ᠌ ᠪᠢ ᠥᠩᠭᠡᠷᠡᠦ ᠣᠯᠵᠤ ᠦᠵᠡᠭᠰᠡᠨ ᠦᠭᠡᠢ᠃ ᠬᠠᠮᠤᠭ ᠤ᠋ᠨ ᠬᠠᠢᠷᠠᠲᠠᠢ ᠶᠠᠰᠤ ᠴᠢᠰᠤᠨ ᠳ᠋ᠤ᠌ ᠰᠢᠩᠭᠡᠭᠰᠡᠨ ᠶᠠᠭᠤᠮᠠ ᠪᠠᠨ ᠬᠠᠶᠠᠭᠠᠳ ᠥᠭᠡᠳᠡᠯᠡᠭᠰᠡᠨ ᠬᠥᠮᠦᠨ ᠢ᠋ ᠪᠢ ᠶᠠᠭ ᠣᠯᠵᠤ ᠦᠵᠡᠭᠡ ᠦᠭᠡᠢ᠃ ᠬᠡᠯᠡᠯᠭᠡᠨ ᠦᠭᠡᠢ ᠭᠬᠢᠷ ᠪᠤᠷᠲᠠᠭ ᠢ᠋ ᠤᠬᠢᠶᠠᠵᠤ ᠪᠣᠯᠤᠨᠠ᠂ ᠭᠡᠪᠡᠴᠦ ᠭᠠᠷ ᠬᠥᠯ ᠢ᠋ ᠠᠪᠴᠤ ᠪᠣᠯᠬᠤ ᠦᠭᠡᠢ ᠰᠢᠲᠠ᠂ ᠵᠢᠱ᠌ᠢᠶᠡᠯᠡᠪᠡᠯ ᠡᠢᠮᠦ ᠨᠢᠭᠡ ᠦᠭᠡ ᠪᠠᠢᠳᠠᠭ᠂ ᠬᠠᠮᠠᠷ ᠢ᠋ᠶ᠋ᠠᠨ ᠨᠢᠰᠤᠲᠠᠢ ᠭᠡᠳ ᠬᠠᠮᠢᠭᠠ ᠠᠪᠠᠴᠢᠵᠤ ᠬᠠᠶᠠᠨᠠ ᠳᠠ ᠭᠡᠵᠦ᠂ ᠪᠢᠳᠡ ᠨᠢᠰᠦ ᠶ᠋ᠢ ᠠᠷᠢᠯᠭᠠᠵᠤ ᠪᠣᠯᠤᠨᠠ᠂ ᠭᠡᠲᠡᠯᠡ ᠬᠠᠮᠠᠷ ᠢ᠋ᠶ᠋ᠠᠨ ᠣᠭᠲᠣᠯᠤᠭᠠᠳ ᠬᠠᠶᠠᠴᠢᠬᠠᠬᠤ ᠲᠡᠷᠡ ᠬᠥᠮᠦᠨ ᠢ᠋ ᠤᠬᠠᠭᠠᠨ ᠲᠠᠢ ᠬᠥᠮᠦᠨ ᠳ᠋ᠦ᠍ ᠲᠣᠭᠠᠴᠠᠭᠳᠠᠬᠤ ᠦᠭᠡᠢ᠂ ᠮᠠᠨ ᠤ᠋ ᠡᠬᠡ ᠬᠡᠯᠡ ᠪᠡᠨ ᠬᠠᠶᠠᠨᠠ ᠭᠣᠯᠣᠨᠠ ᠭᠡᠳᠡᠭ ᠴᠢᠨᠢ ᠦᠨᠡᠨ ᠳ᠋ᠦ᠍ ᠪᠡᠨ ᠬᠠᠮᠠᠷ ᠢ᠋ᠶ᠋ᠠᠨ ᠨᠢᠰᠤᠲᠠᠢ ᠭᠡᠳ ᠬᠠᠮᠠᠷ ᠢ᠋ᠶ᠋ᠠᠨ ᠣᠭᠲᠣᠯᠵᠤ ᠬᠠᠶᠠᠨᠠ ᠭᠡᠵᠦ ᠪᠠᠢᠬᠤ ᠲᠠᠢ ᠠᠪ ᠠᠳᠠᠯᠢᠬᠠᠨ᠃ ᠬᠠᠮᠠᠷ ᠢ᠋ᠶ᠋ᠠᠨ ᠪᠢᠳᠡ ᠴᠡᠪᠡᠷᠯᠡᠵᠦ ᠪᠣᠯᠤᠨᠠ᠂ ᠡᠨᠡ ᠶ᠋ᠢ ᠨᠢ ᠪᠤᠷᠤᠭᠤ ᠭᠡᠬᠦ ᠦᠭᠡᠢ᠂ ᠭᠡᠪᠡᠴᠦ ᠬᠡᠵᠢᠶᠡᠳᠡ ᠣᠭᠲᠣᠯᠵᠤ ᠪᠣᠯᠬᠤ ᠦᠭᠡᠢ ᠰᠢᠦ᠂ ᠵᠠᠷᠢᠮ ᠵᠦᠢᠯ ᠨᠢ ᠬᠤᠪᠴᠠᠰᠤ ᠬᠤᠨᠠᠷ ᠭᠬᠢᠷ ᠪᠤᠷᠲᠠᠭ ᠲᠠᠢ ᠠᠳᠠᠯᠢ ᠮᠠᠭᠠᠳ ᠦᠭᠡᠢ᠂ ᠦᠷᠭᠦᠯᠵᠢ ᠰᠣᠯᠢᠵᠤ ᠪᠣᠯᠤᠨᠠ᠂ ᠬᠠᠶᠠᠵᠤ ᠪᠣᠯᠤᠨᠠ᠂ ᠭᠡᠪᠡᠴᠦ ᠭᠠᠷ ᠬᠥᠯ ᠡᠯᠢᠭᠡ ᠵᠢᠷᠦᠬᠡ ᠲᠠᠷᠢᠬᠢ ᠲᠣᠯᠣᠭᠠᠢ ᠶ᠋ᠢ ᠪᠣᠯ ᠬᠡᠵᠢᠶᠡ ᠴᠦ᠍ ᠬᠠᠶᠠᠵᠤ ᠪᠣᠯᠳᠠᠭ ᠦᠭᠡᠢ᠂ ᠰᠣᠯᠢᠵᠤ ᠪᠣᠯᠳᠠᠭ ᠦᠭᠡᠢ᠂ ᠡᠬᠡ ᠬᠡᠯᠡ ᠪᠣᠯ ᠳᠠᠷᠤᠢ ᠥᠪᠡᠷ ᠦ᠋ᠨ ᠪᠡᠶᠡ ᠳ᠋ᠦ᠍ ᠰᠢᠩᠭᠡᠭᠰᠡᠨ ᠡᠯᠡ ᠡᠷᠬᠡᠲᠡᠨ ᠲᠡᠢ ᠠᠳᠠᠯᠢ ᠭᠡᠵᠦ ᠪᠢ ᠬᠣᠪᠢᠨ ᠳ᠋ᠤ᠌ ᠪᠠᠨ ᠪᠣᠳᠣᠵᠤ ᠪᠠᠢᠨᠠ᠂ ᠲᠡᠭᠡᠬᠦ ᠪᠡᠷ ᠢ᠋ᠶ᠋ᠡᠨ ᠨᠠᠢᠵᠠ ᠨᠤᠭᠤᠳ ᠠ᠋᠂ ᠰᠠᠢᠬᠠᠨ ᠪᠣᠳᠣᠵᠤ ᠦᠵᠡ᠂ ᠮᠠᠨ ᠤ᠋ ᠬᠢᠨ ᠡᠨᠡ ᠡᠳᠦᠷ ᠤᠷᠤᠭᠤ ᠳᠣᠷᠣᠢ ᠪᠠᠢᠬᠤ ᠪᠣᠯ ᠬᠡᠯᠡᠨ ᠳ᠋ᠦ᠍ ᠦᠭᠡᠢ ᠰᠢᠦ᠂ ᠬᠥᠮᠦᠨ ᠳ᠋ᠦ᠍ ᠪᠠᠢᠨᠠ᠂ ᠬᠥᠮᠦᠨ ᠨᠢ ᠴᠢᠷᠮᠠᠢᠶᠠ! ᠬᠥᠮᠦᠨ ᠨᠢ ᠬᠥᠮᠦᠨ ᠦ᠌ ᠳᠡᠭᠡᠲᠡᠢ ᠬᠥᠮᠦᠨ ᠪᠣᠯᠵᠤ ᠠᠮᠢᠳᠤᠷᠠᠬᠤ ᠪᠠᠷ ᠴᠢᠷᠮᠠᠢᠶᠠ! ᠲᠡᠢᠮᠦ ᠤᠬᠠᠭᠠᠨ ᠢ᠋ ᠣᠯᠣᠨ ᠲᠡᠢᠮᠦ ᠤᠬᠠᠭᠠᠨ ᠢ᠋ ᠪᠠᠷᠢᠮᠲᠠᠯᠠᠨ ᠲᠡᠢᠮᠦ ᠤᠬᠠᠭᠠᠨ ᠢ᠋ ᠬᠥᠭᠵᠢᠭᠦᠯᠦᠨᠡ ᠭᠡᠵᠦ ᠴᠢᠷᠮᠠᠢᠵᠠᠭᠠᠶᠠ! ᠣᠨᠴᠠᠭᠠᠢᠯᠠᠨ ᠡᠨᠡ ᠲᠠᠪᠢᠨ ᠵᠢᠯ ᠦ᠋ᠨ ᠳᠠᠷᠠᠭᠠ ᠮᠣᠩᠭᠣᠯ ᠦᠭᠡ ᠬᠡᠯᠡ ᠮᠥᠬᠥᠨᠡ ᠭᠡᠵᠦ ᠬᠡᠯᠡᠵᠦ ᠪᠠᠢᠭᠠ ᠬᠥᠮᠦᠰ ᠦ᠋ᠨ ᠦᠭᠡ ᠶ᠋ᠢ ᠰᠣᠨᠣᠰᠤᠭᠠᠳ ᠭᠠᠢᠬᠠᠵᠤ ᠪᠠᠢᠨᠠ᠂ ᠶᠠᠭᠠᠬᠢᠭᠠᠳ ᠮᠥᠬᠥᠳᠡᠭ ᠪᠣᠢ? ᠮᠠᠨ ᠤ᠋ ᠦᠷᠡ ᠬᠡᠦᠬᠡᠳ᠂ ᠵᠢᠱ᠌ᠢᠶᠡᠯᠡᠪᠡᠯ: ᠮᠢᠨᠦ ᠵᠢᠷᠭᠤᠭᠠᠨ ᠨᠠᠰᠤᠲᠠᠢ ᠥᠬᠢᠨ ᠮᠣᠩᠭᠣᠯ ᠢ᠋ᠶ᠋ᠠᠷ ᠬᠡᠯᠡᠭᠡᠳ ᠰᠤᠷᠴᠢᠬᠠᠵᠠᠢ᠂ ᠲᠠᠪᠢᠨ ᠵᠢᠯ ᠦ᠋ᠨ ᠳᠠᠷᠠᠭᠠ ᠰᠠᠶᠢ ᠲᠠᠪᠤ ᠵᠢᠷᠭᠤᠭᠠᠬᠠᠨ ᠨᠠᠰᠤᠲᠠᠢ ᠬᠥᠮᠦᠨ᠂ ᠮᠢᠨᠦ ᠥᠬᠢᠨ ᠨᠠᠶᠠ ᠶᠡᠷᠡ ᠵᠠᠭᠤ ᠭᠦᠷᠦᠭᠡᠰᠡᠢ ᠭᠡᠵᠦ ᠪᠢ ᠠᠪᠤ ᠨᠢ ᠡᠨᠳᠡ ᠡᠴᠡ ᠢᠷᠦᠭᠡᠵᠦ ᠪᠠᠢᠨᠠ᠂ ᠥᠭᠡᠷᠡ ᠠᠢᠯ ᠤ᠋ᠨ ᠬᠡᠦᠬᠡᠳ ᠪᠠᠰᠠ ᠲᠥᠷᠥᠵᠦ ᠪᠠᠢᠨᠠ ᠥᠰᠴᠦ ᠪᠠᠢᠨᠠ᠂ ᠪᠠᠭᠠ ᠠ᠋ᠴᠠ ᠪᠠᠨ ᠮᠣᠩᠭᠣᠯ ᠬᠡᠯᠡ ᠰᠤᠷᠴᠤ ᠪᠠᠢᠨᠠ᠂ ᠲᠠᠪᠢᠨ ᠵᠢᠯ ᠦ᠋ᠨ ᠳᠠᠷᠠᠭᠠ ᠶᠠᠭᠠᠬᠢᠭᠠᠳ ᠮᠥᠬᠥᠨᠡ ᠳᠡ? ᠮᠥᠬᠥᠨᠡ ᠭᠡᠰᠡᠨ ᠦᠭᠡ ᠶ᠋ᠢ ᠬᠡᠨ ᠬᠡᠯᠡᠵᠦ ᠭᠠᠷᠭᠠᠵᠤ ᠪᠠᠢᠬᠤ ᠪᠣᠢ? ᠮᠢᠨᠦ ᠪᠣᠳᠣᠬᠤ ᠪᠠᠷ ᠮᠥᠬᠥᠬᠦ ᠶᠣᠰᠣ ᠦᠭᠡᠢ ᠶᠠ! ᠶᠠᠭᠠᠬᠢᠭᠠᠳ ᠮᠥᠬᠥᠨᠡ ᠳᠡ? ᠮᠥᠬᠥᠨᠡ ᠭᠡᠵᠦ ᠬᠡᠯᠡᠵᠦ ᠪᠠᠢᠭᠠ ᠬᠥᠮᠦᠨ ᠪᠣᠯ ᠳᠠᠷᠤᠢ ᠮᠣᠩᠭᠣᠯ ᠬᠡᠯᠡ ᠪᠡᠨ ᠮᠥᠬᠥᠭᠡᠵᠦ ᠪᠠᠢᠭᠠ ᠬᠥᠮᠦᠨ ᠦ᠌ ᠨᠢᠭᠡ ᠨᠢ ᠮᠥᠨ᠃ ᠮᠥᠬᠥᠭᠡᠬᠦ ᠦᠭᠡᠢ ᠪᠣᠯ ᠮᠥᠬᠥᠭᠡᠬᠦ ᠦᠭᠡᠢ ᠰᠢᠲᠠ᠂ ᠦᠨᠡᠨ ᠳ᠋ᠦ᠍ ᠪᠡᠨ ᠨᠢᠭᠡ ᠬᠡᠯᠡ ᠮᠥᠬᠥᠨᠡ ᠤᠤ ᠦᠭᠡᠢ ᠤᠤ ᠭᠡᠳᠡᠭ ᠪᠣᠯ ᠭᠣᠣᠯ ᠵᠠᠩᠭᠢᠯᠠᠭᠠ ᠨᠢ ᠲᠥᠪ ᠳᠥᠬᠥᠮᠬᠡᠨ᠂ ᠡᠨᠡ ᠦᠨᠳᠦᠰᠦᠲᠡᠨ ᠦ᠌ ᠦᠷᠡ ᠬᠡᠦᠬᠡᠳ᠂ ᠡᠨᠡ ᠦᠨᠳᠦᠰᠦᠲᠡᠨ ᠦ᠌ ᠡᠨᠡ ᠴᠠᠭ ᠦᠶᠡ ᠳ᠋ᠦ᠍ ᠠᠮᠢᠳᠤᠷᠠᠵᠤ ᠪᠠᠢᠬᠤ ᠬᠥᠮᠦᠨ ᠮᠥᠬᠥᠭᠡᠨᠡ ᠤᠤ ᠮᠥᠬᠥᠭᠡᠬᠦ ᠦᠭᠡᠢ ᠤᠤ ᠭᠡᠰᠡᠨ ᠳᠣᠲᠣᠷᠠ ᠯᠠ ᠪᠠᠢᠨᠠ᠂ ᠥᠭᠡᠷᠡ ᠶᠠᠭᠤ ᠲᠠᠢ ᠴᠤ᠌ ᠬᠣᠯᠪᠣᠭᠠ ᠦᠭᠡᠢ᠂ ᠡᠨᠡ ᠴᠠᠭ ᠦᠶᠡ ᠳ᠋ᠦ᠍ ᠠᠮᠢᠳᠤᠷᠠᠵᠤ ᠪᠠᠢᠬᠤ ᠬᠥᠮᠦᠨ ᠪᠣᠯᠤᠨ ᠡᠨᠡ ᠴᠠᠭ ᠦᠶᠡ ᠳ᠋ᠦ᠍ ᠠᠮᠢᠳᠤᠷᠠᠵᠤ ᠪᠠᠢᠬᠤ ᠬᠥᠮᠦᠨ ᠦ᠌ ᠦᠷᠡ ᠬᠡᠦᠬᠡᠳ ᠲᠡᠢ ᠯᠡ ᠬᠣᠯᠪᠣᠭᠠ ᠲᠠᠢ᠃ ᠳᠥᠭᠥᠮ ᠢ᠋ᠶ᠋ᠡᠷ ᠬᠡᠯᠡᠪᠡᠯ: ᠡᠨᠡ ᠴᠠᠭ ᠦᠶᠡ ᠳ᠋ᠦ᠍ ᠠᠮᠢᠳᠤᠷᠠᠵᠤ ᠪᠠᠢᠭᠠ ᠬᠥᠮᠦᠨ᠂ ᠡᠨᠡ ᠴᠠᠭ ᠦᠶᠡ ᠳ᠋ᠦ᠍ ᠠᠮᠢᠳᠤᠷᠠᠵᠤ ᠪᠠᠢᠭᠠ ᠬᠥᠮᠦᠨ ᠦ᠌ ᠦᠷᠡ ᠬᠣᠢᠴᠢᠰ ᠬᠡᠷᠪᠡ ᠰᠠᠢᠨ ᠲᠥᠷᠥᠭᠰᠡᠨ ᠪᠣᠯ ᠮᠥᠬᠥᠭᠡᠬᠦ ᠦᠭᠡᠢ᠂ ᠮᠠᠭᠤ ᠲᠥᠷᠥᠭᠰᠡᠨ ᠪᠣᠯ ᠮᠥᠬᠥᠭᠡᠨᠡ᠃ ᠡᠢᠮᠦ ᠯᠡ ᠳᠥᠭᠥᠮ᠃ ᠪᠢᠳᠡ ᠬᠣᠵᠢᠮ ᠤ᠋ᠨ ᠲᠡᠦᠬᠡᠨ ᠳᠡᠭᠡᠷᠡ ᠮᠣᠩᠭᠣᠯ ᠤ᠋ᠨ ᠠᠯᠢ ᠴᠠᠭ ᠦᠶᠡ ᠶ᠋ᠢᠨ ᠡᠳᠡᠭᠡᠷ ᠬᠥᠮᠦᠰ ᠨᠢ ᠪᠣᠯ ᠮᠠᠭᠤ ᠲᠥᠷᠥᠵᠡᠢ᠂ ᠲᠡᠭᠡᠭᠡᠳ ᠡᠬᠡ ᠬᠡᠯᠡ ᠪᠡᠨ ᠮᠥᠬᠥᠭᠡᠵᠡᠢ ᠭᠡᠰᠡᠨ ᠢ᠋ ᠪᠤᠤ ᠪᠢᠴᠢᠭᠦᠯᠦᠶᠡ! ᠡᠨᠡ ᠴᠢᠨᠢ ᠪᠠᠰᠠ ᠨᠢᠭᠡ ᠨᠢᠭᠤᠷ ᠰᠢᠦ! ᠪᠢᠳᠡ ᠨᠢᠭᠤᠷ ᠲᠤ᠌ ᠳᠤᠷᠠᠲᠠᠢ ᠪᠠᠢᠳᠠᠭ ᠪᠢᠰᠢ ᠶᠤᠮ ᠤᠤ?ᠡᠨᠡ ᠴᠢᠨᠢ ᠪᠠᠰᠠ ᠨᠢᠭᠡ ᠨᠢᠭᠤᠷ᠂ ᠲᠡᠦᠬᠡᠨ ᠳ᠋ᠦ᠍ ᠦᠯᠡᠳᠡᠬᠦ ᠨᠢᠭᠤᠷ᠃ ᠬᠥᠮᠦᠨ ᠲᠥᠷᠥᠯᠬᠢᠲᠡᠨ ᠦ᠌ ᠨᠡᠢᠭᠡᠮ ᠳᠡᠭᠡᠷᠡ ᠦᠯᠡᠳᠡᠬᠦ ᠨᠢᠭᠤᠷ᠃ ᠡᠬᠡ ᠬᠡᠯᠡ ᠮᠥᠬᠥᠬᠦ ᠦᠭᠡᠢ᠂ ᠴᠢ ᠥᠪᠡᠷ ᠢ᠋ᠶ᠋ᠡᠨ ᠰᠠᠢᠨ ᠲᠥᠷᠥᠭᠰᠡᠨ ᠪᠣᠯ ᠦᠷᠡ ᠬᠡᠦᠬᠡᠳ ᠢ᠋ ᠪᠡᠨ ᠮᠣᠩᠭᠣᠯ ᠢ᠋ᠶ᠋ᠠᠷ ᠰᠤᠷᠭᠠᠵᠤ ᠳᠡᠢᠯᠪᠡᠯ ᠮᠥᠬᠥᠬᠦ ᠦᠭᠡᠢ᠂ ᠲᠡᠷᠡ ᠶᠠᠭᠠᠬᠢᠵᠤ ᠮᠥᠬᠥᠨᠡ ᠳᠡ! ᠮᠥᠬᠥᠨᠡ ᠤᠤ ᠦᠭᠡᠢ ᠤᠤ ᠭᠡᠳᠡᠭ ᠪᠠᠰᠠ ᠯᠠ ᠬᠥᠮᠦᠨ ᠦ᠌ ᠬᠢᠨ ᠰᠠᠢᠨ ᠮᠠᠭᠤ ᠳ᠋ᠤ᠌ ᠪᠠᠢᠨᠠ᠃ ᠬᠥᠮᠦᠨ ᠳ᠋ᠦ᠍ ᠯᠡ ᠪᠠᠢᠨᠠ᠃ ᠬᠥᠮᠦᠨ ᠨᠢ ᠬᠥᠮᠦᠨ ᠰᠢᠭ ᠶᠠᠪᠤᠴᠢᠬᠠᠪᠠᠯ᠂ ᠮᠠᠨ ᠤ᠋ ᠮᠣᠩᠭᠣᠯ ᠬᠡᠯᠡ ᠮᠥᠬᠥᠬᠦ ᠦᠭᠡᠢ!
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠤᠷᠢᠶᠠᠩᠬᠠᠢ ᠨᠠᠷᠠᠨᠮᠠᠨᠳᠠ
ᠬᠢᠨᠠᠭᠰᠠᠨ ᠨᠢ᠄ ᠭᠠᠷ ᠤᠲᠠᠰᠤᠨ ᠳᠡᠭᠡᠷᠡ ᠬᠡᠷᠡᠭᠯᠡᠳᠡᠭ ᠬᠢᠨᠠᠯᠲᠠ ᠶ᠋ᠢᠨ ᠰᠢᠰᠲ᠋ᠧᠮ