ᠵᠡᠷᠯᠢᠭ ᠬᠤᠨ ᠰᠢᠪᠠᠭᠤᠳЗэрлэг Хун ШувуудZerleg Khun Shuvuud
2537ᠵᠡᠷᠯᠢᠭ ᠬᠤᠨ ᠰᠢᠪᠠᠭᠤᠳ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ᠌ ᠠᠷᠪᠠᠨ ᠨᠢᠭᠡᠨ ᠬᠦᠦ ᠭᠠᠭᠴᠠ ᠥᠬᠢᠨ ᠲᠡᠢ ᠨᠢᠭᠡᠨ ᠬᠠᠭᠠᠨ ᠪᠠᠢᠵᠠᠢ᠃ ᠥᠬᠢᠨ ᠢ᠋ ᠨᠢ ᠢᠯᠢᠰᠢᠶᠠ ᠭᠡᠳᠡᠭ᠂ ᠠᠷᠪᠠᠨ ᠬᠣᠶᠠᠷ ᠬᠡᠦᠬᠡᠳ ᠪᠦᠭᠦᠳᠡ ᠰᠡᠷᠭᠦᠯᠡᠩ᠂ ᠶᠠᠭᠤᠮᠠ ᠰᠤᠷᠬᠤ ᠳ᠋ᠤ᠌ ᠪᠠᠨ ᠠᠳᠠᠲᠠᠢ᠃ᠲᠡᠳᠡ ᠰᠢᠯᠲᠦᠭᠡᠨ ᠳ᠋ᠦ᠍ ᠪᠡᠨ ᠠᠵᠠ ᠵᠢᠷᠭᠠᠯ ᠲᠠᠢ ᠠᠮᠢᠳᠤᠷᠠᠳᠠᠭ ᠪᠠᠢᠪᠠ᠃
ᠡᠴᠦᠰ ᠲᠡᠭᠡᠨ ᠨᠢᠭᠡ ᠡᠳᠦᠷ ᠬᠠᠭᠠᠨ ᠳᠠᠬᠢᠨ ᠭᠡᠷᠯᠡᠬᠦ ᠪᠡᠷ ᠰᠢᠢᠳᠴᠡᠢ᠃ᠡᠬᠡᠨᠡᠷ ᠨᠢ ᠭᠤᠨᠢᠭ ᠲᠠᠢ ᠪᠠᠷ ᠥᠭᠡᠳᠡ ᠪᠣᠯᠤᠭᠰᠠᠨ ᠤ᠋ ᠳᠠᠷᠠᠭᠠ ᠬᠠᠭᠠᠨ ᠭᠠᠭᠴᠠᠭᠠᠷᠳᠠᠯ ᠳᠤᠮᠳᠠ ᠠᠮᠢᠳᠤᠷᠠᠵᠤ ᠪᠠᠢᠪᠠ᠃ᠲᠡᠭᠡᠭᠡᠳ ᠨᠢᠵᠢᠭᠢᠷ ᠨᠠᠢᠷ ᠬᠢᠯᠡ᠂ ᠬᠡᠦᠬᠡᠳ ᠦ᠋ᠳ ᠰᠢᠨᠡ ᠡᠬᠡ ᠶ᠋ᠢ ᠪᠡᠨ ᠬᠦᠯᠢᠶᠡᠵᠦ ᠪᠠᠢᠪᠠ᠂ ᠲᠡᠳᠡ ᠡᠵᠢ ᠲᠡᠢ ᠪᠣᠯᠬᠤ ᠰᠠᠢᠬᠠᠨ ᠪᠠᠢᠨᠠ ᠭᠡᠵᠦ ᠪᠣᠳᠣᠵᠤ ᠪᠠᠢᠯᠠ᠃ᠭᠡᠪᠡᠴᠦ ᠲᠡᠳᠡᠨ ᠦ᠌ ᠲᠥᠰᠦᠭᠡᠯᠡᠭᠰᠡᠨ ᠡᠴᠡ ᠥᠭᠡᠷᠡ ᠪᠡᠷ ᠪᠣᠯᠵᠠᠢ᠂ ᠰᠢᠨᠡ ᠬᠠᠲᠤᠨ ᠬᠣᠷᠤᠨ ᠰᠠᠨᠠᠭᠠᠲᠤ ᠱᠤᠯᠤᠮ ᠪᠠᠢᠪᠠ᠃ᠬᠡᠦᠬᠡᠳ ᠦ᠋ᠳ ᠲᠦ᠍ ᠣᠭᠲᠣ ᠰᠠᠢᠬᠠᠨ ᠬᠠᠨᠳᠤᠭᠰᠠᠨ ᠦᠭᠡᠢ᠃ ᠬᠡᠦᠬᠡᠳ ᠦ᠋ᠳ ᠲᠡᠭᠦᠨ ᠲᠡᠢ ᠠᠭᠤᠯᠵᠠᠭᠠᠳ ᠪᠦᠭᠦᠳᠡ ᠭᠤᠨᠢᠭᠯᠠᠵᠠᠢ᠃
《ᠪᠢ ᠡᠳᠡᠨ ᠡᠴᠡ ᠰᠠᠯᠤᠮᠠᠷ ᠪᠠᠢᠨᠠ᠂ ᠪᠦᠭᠦᠳᠡ ᠡᠴᠡ ᠨᠢ》
ᠵᠣᠷᠢᠯᠭᠠ ᠳ᠋ᠤ᠌ ᠪᠠᠨ ᠬᠦᠷᠬᠦ ᠶ᠋ᠢᠨ ᠲᠤᠯᠠᠳᠠ ᠲᠡᠷᠡ ᠢᠯᠢᠰᠢᠶᠠ ᠶ᠋ᠢ ᠲᠠᠷᠢᠶᠠᠴᠢᠨ᠂ ᠲᠠᠷᠢᠶᠠᠴᠢᠨ ᠤ᠋ ᠡᠬᠡᠨᠡᠷ ᠬᠣᠶᠠᠷ ᠲᠠᠢ ᠬᠠᠮᠲᠤ ᠠᠯᠤᠰ ᠬᠣᠯᠠ ᠶᠠᠪᠤᠭᠤᠯᠤᠯᠠ᠃ ᠲᠡᠷᠡ ᠠᠷᠪᠠᠨ ᠨᠢᠭᠡᠨ ᠬᠠᠨ ᠬᠥᠪᠡᠭᠦᠳ ᠦ᠋ᠨ ᠲᠠᠯᠠ ᠪᠠᠷ ᠠᠶᠤᠮᠰᠢᠭᠲᠠᠢ ᠶᠠᠭᠤᠮᠠ ᠵᠣᠬᠢᠶᠠᠵᠤ ᠶᠠᠷᠢᠭᠰᠠᠨ ᠢ᠋ᠶ᠋ᠠᠷ ᠬᠠᠭᠠᠨ ᠲᠡᠳᠡᠨ ᠢ᠋ ᠰᠢᠯᠲᠦᠭᠡᠨ ᠡᠴᠡ ᠶᠠᠪᠤᠬᠤ ᠶ᠋ᠢ ᠲᠤᠰᠢᠶᠠᠯᠠ᠃ᠡᠨᠡ ᠪᠣᠯᠤᠮᠵᠢ ᠶ᠋ᠢ ᠠᠰᠢᠭᠯᠠᠵᠤ ᠬᠠᠲᠤᠨ ᠲᠡᠳᠡᠨ ᠢ᠋ ᠶᠢᠯᠸᠢᠳᠡᠵᠡᠢ ᠃
《ᠲᠠᠨᠠᠷ ᠦᠯᠡᠳᠡᠭᠰᠡᠨ ᠠᠮᠢᠳᠤᠷᠠᠯ ᠢ᠋ᠶ᠋ᠠᠨ ᠦᠵᠡᠰᠢ ᠦᠭᠡᠢ ᠮᠠᠭᠤᠬᠠᠢ ᠬᠡᠯᠡ ᠦᠭᠡᠢ ᠰᠢᠪᠠᠭᠤ ᠪᠣᠯᠤᠨ ᠥᠩᠭᠡᠷᠡᠭᠡᠨᠡ᠂ ᠨᠢᠰᠴᠡᠭᠡ!》
ᠬᠠᠨ ᠬᠥᠪᠡᠭᠦᠳ ᠠᠷᠢᠭᠤᠨ ᠰᠡᠳᠬᠢᠯ ᠲᠡᠢ ᠪᠣᠯᠬᠣᠷ ᠰᠢᠳᠢ ᠪᠦᠷᠢᠨ ᠦᠢᠯᠡᠴᠢᠯᠡᠭᠰᠡᠨ ᠦᠭᠡᠢ᠂ ᠦᠵᠡᠰᠢ ᠦᠭᠡᠢ ᠮᠠᠭᠤᠬᠠᠢ ᠰᠢᠪᠠᠭᠤᠳ ᠪᠢᠰᠢ ᠦᠵᠡᠰᠬᠦᠯᠡᠩᠲᠦ ᠬᠤᠨ ᠰᠢᠪᠠᠭᠤᠳ ᠪᠣᠯᠵᠤ ᠬᠤᠪᠢᠷᠠᠭᠠᠳ ᠣᠷᠳᠣᠨ ᠠ᠋ᠴᠠ ᠨᠢᠰᠴᠡᠬᠡᠯᠡ᠃ ᠢᠯᠢᠰᠢᠶᠠ ᠳ᠋ᠤ᠌ ᠠᠮᠢᠳᠤᠷᠠᠵᠤ ᠪᠠᠢᠭᠠ ᠭᠠᠵᠠᠷ ᠨᠢ ᠲᠠᠭᠠᠯᠠᠭᠳᠠᠭᠰᠠᠨ ᠦᠭᠡᠢ ᠳᠡᠭᠦᠦ ᠨᠠᠷ ᠢ᠋ᠶ᠋ᠠᠨ ᠮᠠᠰᠢ ᠶᠡᠬᠡ ᠰᠠᠨᠠᠵᠤ ᠪᠠᠢᠯᠠ᠃ᠠᠷᠪᠠᠨ ᠲᠠᠪᠤᠨ ᠨᠠᠰᠤ ᠬᠦᠷᠬᠦ ᠳ᠋ᠦ᠍ ᠨᠢ ᠣᠷᠳᠣᠨ ᠳ᠋ᠤ᠌ ᠣᠴᠢᠵᠤ ᠬᠠᠭᠠᠨ ᠳ᠋ᠤ᠌ ᠪᠠᠷᠠᠯᠬᠠᠬᠤ ᠶ᠋ᠢ ᠵᠥᠪᠰᠢᠶᠡᠷᠡᠵᠡᠢ᠃ᠬᠠᠲᠤᠨ ᠬᠠᠭᠠᠨ ᠭᠦᠩᠵᠦ ᠬᠣᠶᠠᠷ ᠢ᠋ ᠠᠭᠤᠯᠵᠠᠭᠤᠯᠬᠤ ᠶ᠋ᠢ ᠬᠦᠰᠡᠭᠰᠡᠨ ᠦᠭᠡᠢ᠂ ᠵᠠᠯᠠᠭᠤ ᠦᠵᠡᠰᠬᠦᠯᠡᠩᠲᠡᠢ ᠢᠯᠢᠰᠢᠶᠠ ᠶ᠋ᠢ ᠬᠠᠷᠠᠭᠠᠳ ᠬᠠᠲᠤᠨ ᠶᠡᠬᠡᠳᠡ ᠠᠲᠠᠭᠠᠷᠬᠠᠵᠠᠢ᠃
《ᠲᠡᠷᠡ ᠨᠠᠳᠠ ᠠ᠋ᠴᠠ ᠢᠯᠡᠭᠦᠦ ᠦᠵᠡᠰᠬᠦᠯᠡᠩᠲᠡᠢ ᠪᠠᠢᠵᠤ ᠪᠣᠯᠬᠤ ᠦᠭᠡᠢ》
ᠭᠡᠬᠦ ᠳ᠋ᠡᠭᠡᠨ ᠯᠡ ᠰᠠᠢᠬᠠᠨ ᠰᠡᠳᠬᠢᠯ ᠲᠡᠢ ᠪᠣᠯᠵᠤ ᠵᠦᠴᠦᠭᠡᠯᠡᠪᠡ᠃
《ᠲᠠᠪᠠᠲᠠᠢ ᠮᠣᠷᠢᠯᠠ᠂ ᠬᠣᠩᠭᠣᠷ ᠮᠢᠨᠢ ᠣᠷᠳᠣᠨ ᠳ᠋ᠤ᠌ ᠡᠷᠭᠢᠭᠡᠳ ᠲᠠᠪᠠᠲᠠᠢ ᠮᠣᠷᠢᠯᠠ᠂ ᠡᠬᠢᠯᠡᠭᠡᠳ ᠮᠢᠨᠦ ᠥᠷᠥᠭᠡᠨ ᠳ᠋ᠦ᠍ ᠣᠴᠢᠶᠠ᠂ ᠪᠢ ᠴᠢᠮᠠᠲᠤ ᠪᠡᠯᠡᠭ ᠪᠡᠯᠡᠳᠦᠭᠰᠡᠨ᠂ ᠴᠢᠮᠠ ᠶ᠋ᠢ ᠡᠨᠳᠡ ᠴᠢᠳᠬᠥᠷ ᠦ᠋ᠨ ᠨᠢᠳᠦᠨ ᠡᠴᠡ ᠬᠠᠮᠠᠭᠠᠯᠠᠬᠤ ᠡᠨᠡ ᠲᠣᠰᠣ ᠶ᠋ᠢ ᠨᠢᠭᠤᠷ ᠦᠰᠦᠨ ᠳ᠋ᠦ᠍ ᠴᠢᠨᠢ ᠳᠦᠷᠭᠢᠭᠡᠳ ᠥᠭᠭᠦᠶᠡ》
ᠲᠡᠷᠡ ᠲᠣᠰᠣ ᠨᠢ ᠢᠯᠢᠰᠢᠶᠠ ᠶ᠋ᠢ ᠴᠢᠷᠠᠢ ᠮᠠᠭᠤᠲᠠᠢ ᠪᠣᠯᠭᠠᠬᠤ ᠬᠠᠲᠤᠨ ᠤ᠋ ᠵᠠᠯᠢ ᠪᠠᠢᠵᠠᠢ᠃ᠬᠠᠭᠠᠨ ᠢᠯᠢᠰᠢᠶᠠ ᠶ᠋ᠢ ᠬᠠᠷᠠᠭᠠᠳ ᠶᠡᠬᠡᠳᠡ ᠬᠢᠯᠢᠩᠨᠡᠪᠡ᠃
《ᠠ᠂ ᠡᠨᠡ ᠦᠵᠡᠰᠢ ᠦᠭᠡᠢ ᠮᠠᠭᠤᠬᠠᠢ ᠶᠠᠭᠤᠮᠠ ᠮᠢᠨᠦ ᠥᠬᠢᠨ ᠪᠠᠢᠬᠤ ᠶᠣᠰᠣ ᠦᠭᠡᠢ᠂ ᠠᠪᠤᠭᠠᠳ ᠶᠠᠪᠤ᠂ ᠪᠢ ᠡᠭᠦᠨ ᠢ᠋ ᠬᠠᠷᠠᠮᠠᠷ ᠦᠭᠡᠢ ᠪᠠᠢᠨᠠ 》
ᠲᠡᠭᠡᠭᠡᠳ ᠥᠬᠢᠨ ᠢ᠋ ᠣᠷᠳᠣᠨ ᠠ᠋ᠴᠠ ᠬᠥᠭᠡᠭᠡᠵᠦ ᠭᠠᠷᠭᠠᠯᠠ᠃
《ᠧ ᠧ᠂ ᠳᠡᠭᠦᠦ ᠨᠠᠷ ᠮᠢᠨᠢ ᠬᠠᠮᠲᠤ ᠪᠠᠢᠳᠠᠭ ᠴᠤ᠌ ᠪᠣᠯᠤᠭᠠᠰᠠᠢ》
ᠢᠯᠢᠰᠢᠶᠠ ᠳᠡᠭᠦᠦ ᠨᠠᠷ ᠢ᠋ᠶ᠋ᠠᠨ ᠬᠠᠢᠬᠤ ᠡᠷᠢᠯ ᠳ᠋ᠦ᠍ ᠭᠠᠷᠤᠯᠠ᠂ ᠲᠡᠭᠡᠭᠡᠳ ᠣᠢ ᠳ᠋ᠤ᠌ ᠶᠠᠪᠤᠵᠤ ᠪᠠᠢᠭᠠᠳ ᠵᠢᠵᠢᠭᠬᠡᠨ ᠴᠥᠭᠥᠷᠥᠮ ᠣᠯᠤᠨ ᠨᠢᠭᠤᠷ ᠢ᠋ᠶ᠋ᠠᠨ ᠤᠬᠢᠶᠠᠲᠠᠯᠠ ᠡᠷᠭᠢᠭᠡᠳ ᠬᠥᠭᠡᠷᠦᠬᠦᠨ ᠥᠬᠢᠨ ᠪᠣᠯᠤᠭᠰᠠᠨ ᠳ᠋ᠤ᠌ ᠪᠠᠨ ᠶᠡᠬᠡᠳᠡ ᠪᠠᠶᠠᠷᠯᠠᠵᠠᠢ᠃ ᠨᠠᠷᠠᠨ ᠤ᠋ ᠲᠤᠶᠠᠭᠠ ᠥᠨᠳᠥᠷ ᠮᠣᠳᠣᠳ ᠤ᠋ᠨ ᠵᠠᠪᠰᠠᠷ ᠢ᠋ᠶ᠋ᠠᠷ ᠭᠠᠵᠠᠷ ᠲᠤ᠌ ᠪᠠᠷᠤᠭ ᠬᠦᠷᠬᠦ ᠪᠡᠷ ᠦᠭᠡᠢ ᠥᠳᠬᠡᠨ ᠣᠢ ᠪᠠᠢᠯᠠ᠃ᠬᠠᠷᠠᠩᠭᠤᠢ ᠪᠣᠯᠵᠤ ᠪᠠᠢᠬᠤ ᠳ᠋ᠤ᠌ ᠢᠯᠢᠰᠢᠶᠨ ᠣᠢ ᠶ᠋ᠢᠨ ᠭᠦᠨ ᠳ᠋ᠦ᠍ ᠬᠦᠷᠦᠯᠡ᠃ ᠲᠡᠨᠳᠡ ᠬᠡᠨ ᠴᠦ᠍ ᠪᠠᠢᠭᠰᠠᠨ ᠦᠭᠡᠢ᠃ ᠢᠯᠢᠰᠢᠶᠠ ᠠᠯᠬᠤᠭᠠᠳ ᠯᠠ ᠪᠠᠢᠯᠠ᠂ ᠠᠯᠬᠤᠭᠠᠳ ᠯᠠ ᠪᠠᠢᠯᠠ᠃ ᠬᠡᠰᠡᠭ ᠬᠤᠭᠤᠴᠠᠭᠠᠨ ᠤ᠋ ᠳᠠᠷᠠᠭᠠ ᠲᠡᠷᠡ ᠬᠥᠯ ᠦ᠋ᠨ ᠴᠢᠮᠡᠭᠡ ᠰᠣᠨᠣᠰᠤᠯᠠ᠃ ᠶᠡᠬᠡ ᠠᠶᠤᠵᠤ ᠨᠢᠭᠤᠭᠳᠠᠬᠤ ᠭᠡᠵᠦ ᠣᠷᠣᠯᠳᠣᠪᠠ᠃ ᠨᠢᠭᠤᠭᠳᠠᠵᠤ ᠴᠦ᠍ ᠠᠮᠵᠢᠭᠠ ᠦᠭᠡᠢ ᠪᠠᠢᠲᠠᠯᠠ ᠨᠢᠭᠡᠨ ᠡᠮᠡᠭᠡᠨ ᠲᠡᠢ ᠲᠠᠭᠠᠷᠠᠵᠠᠢ᠃
《ᠪᠢ ᠴᠢᠮᠠ ᠶ᠋ᠢ ᠠᠶᠤᠯᠭᠠᠴᠢᠬᠠᠪᠠ ᠤᠤ?》
《ᠠ᠂ ᠲᠡᠢᠮᠦ ᠠ᠋ ᠵᠢᠭᠠᠬᠠᠨ ᠯᠠ》
《ᠪᠢ ᠡᠨᠳᠡ ᠵᠢᠮᠢᠰ ᠲᠡᠭᠦᠬᠦ ᠪᠡᠷ ᠢᠷᠡᠳᠡᠭ ᠶᠤᠮ᠂ ᠴᠢ ᠵᠢᠮᠢᠰ ᠢᠳᠡᠬᠦ ᠤᠤ?》
《ᠥ᠂ ᠲᠡᠢᠮᠦ ᠠ᠋᠂ ᠲᠡᠭᠡᠶᠡ᠂ ᠪᠢ ᠮᠠᠰᠢ ᠶᠡᠬᠡ ᠥᠯᠥᠰᠴᠦ ᠪᠠᠢᠨᠠ᠂ ᠪᠢ ᠪᠠᠰᠠ ᠰᠢᠷᠢᠩᠭᠢ ᠳ᠋ᠦ᠍ ᠶᠠᠭᠤ ᠢᠳᠡᠵᠦ ᠪᠣᠯᠳᠠᠭ ᠢ᠋ ᠮᠡᠳᠡᠬᠦ ᠦᠭᠡᠢ》
《ᠡᠭᠦᠨ ᠢ᠋ ᠠᠪ᠂ ᠭᠡᠬᠦ ᠳ᠋ᠦ᠍ ᠪᠡᠨ ᠴᠢ ᠡᠨᠳᠡ ᠶᠠᠭᠤ ᠬᠢᠵᠦ ᠪᠠᠢᠳᠠᠭ ᠪᠢᠯᠡ? 》
《ᠪᠢ ᠠᠷᠪᠠᠨ ᠨᠢᠭᠡᠨ ᠬᠠᠨ ᠬᠥᠪᠡᠭᠦᠳ ᠢ᠋ ᠬᠠᠢᠵᠤ ᠪᠠᠢᠨᠠ᠂ ᠲᠠ ᠲᠡᠳᠡᠨ ᠢ᠋ ᠬᠠᠷᠠᠭᠰᠠᠨ ᠤᠤ?》
《ᠦᠭᠡᠢ᠂ ᠬᠠᠷᠠᠭᠠ ᠦᠭᠡᠢ᠂ ᠭᠡᠬᠦ ᠳ᠋ᠦ᠍ ᠪᠡᠨ ᠪᠢ ᠲᠣᠯᠣᠭᠠᠢ ᠳ᠋ᠠᠭᠠᠨ ᠲᠢᠲᠢᠮ ᠲᠡᠢ ᠬᠡᠳᠦᠨ ᠬᠤᠨ ᠰᠢᠪᠠᠭᠤ ᠬᠠᠷᠠᠭᠰᠠᠨ᠂ ᠲᠡᠳᠡ ᠮᠥᠷᠡᠨ ᠳ᠋ᠦ᠍ ᠰᠡᠯᠢᠵᠦ ᠪᠠᠢᠨᠠ ᠯᠠᠢ᠂ ᠲᠠᠢᠰᠢ ᠪᠠᠨ ᠣᠴᠢᠪᠠᠯ ᠲᠠᠭᠠᠷᠠᠵᠤ ᠮᠠᠭᠠᠳ ᠦᠭᠡᠢ》
ᠢᠯᠢᠰᠢᠶᠠ ᠨᠥᠭᠦᠭᠡ ᠡᠮᠡᠭᠡᠨ ᠳ᠋ᠦ᠍ ᠲᠠᠯᠠᠷᠬᠠᠭᠠᠳ ᠭᠣᠣᠯ ᠤ᠋ᠨ ᠡᠷᠭᠢ ᠳ᠋ᠡᠭᠡᠨ ᠠᠯᠬᠤᠵᠤ ᠡᠬᠢᠯᠡᠯᠡ᠂ ᠲᠡᠭᠡᠭᠡᠳ ᠬᠡᠳᠦᠨ ᠴᠠᠭ ᠠᠯᠬᠤᠭᠰᠠᠨ ᠤ᠋ ᠳᠠᠷᠠᠭᠠ ᠭᠣᠣᠯ ᠤ᠋ᠨ ᠳᠠᠯᠠᠢ ᠳ᠋ᠤ᠌ ᠴᠢᠳᠬᠤᠳᠠᠭ ᠬᠡᠰᠡᠭ ᠲᠦ᠍ ᠢᠷᠡᠯᠡ᠃
《ᠡᠨᠳᠡ ᠬᠡᠨ ᠴᠦ᠍ ᠠᠯᠠᠭᠠ᠂ ᠠ ᠪᠢ ᠶᠠᠭᠠᠬᠢᠵᠤ ᠳᠡᠭᠦᠦ ᠨᠠᠷ ᠢ᠋ᠶ᠋ᠠᠨ ᠣᠯᠬᠤ ᠪᠣᠢ?》
ᠳᠠᠯᠠᠢ ᠶ᠋ᠢᠨ ᠵᠠᠮᠠᠭ ᠤ᠋ᠨ ᠳᠡᠷᠭᠡᠳᠡ ᠴᠠᠭᠠᠨ ᠬᠤᠨ ᠤ᠋ ᠠᠷᠪᠠᠨ ᠨᠢᠭᠡᠨ ᠰᠢᠷᠬᠡᠭ ᠥᠳᠥ ᠪᠠᠢᠬᠤ ᠶ᠋ᠢ ᠣᠯᠵᠤ ᠬᠠᠷᠠᠯᠠ᠃
《ᠠᠷᠪᠠᠨ ᠨᠢᠭᠡ ᠪᠠᠢᠨᠠ᠂ ᠠᠷᠪᠠᠨ ᠨᠢᠭᠡᠨ ᠳᠡᠭᠦᠦ ᠪᠡᠨ ᠤᠳᠠᠬᠤ ᠦᠭᠡᠢ ᠣᠯᠵᠤ ᠮᠠᠭᠠᠳ ᠦᠭᠡᠢ ᠶᠦ᠍ᠮ》
ᠨᠠᠷᠠ ᠵᠢᠷᠭᠠᠬᠤ ᠭᠡᠵᠦ ᠪᠠᠢᠬᠤ ᠳ᠋ᠤ᠌ ᠲᠡᠷᠡ ᠠᠷᠪᠠᠨ ᠨᠢᠭᠡᠨ ᠦᠵᠡᠰᠬᠦᠯᠡᠩᠲᠦ ᠬᠤᠨ ᠲᠡᠭᠷᠢ ᠳ᠋ᠦ᠍ ᠨᠢᠰᠴᠦ ᠪᠠᠢᠬᠤ ᠶ᠋ᠢ ᠬᠠᠷᠠᠵᠠᠢ᠃ ᠲᠡᠳᠡ ᠵᠣᠭᠰᠣᠵᠤ ᠪᠠᠢᠭᠰᠠᠨ ᠭᠠᠵᠠᠷ ᠤᠷᠤᠭᠤ ᠢᠷᠡᠵᠦ ᠡᠩᠨᠡᠨ ᠪᠠᠭᠤᠵᠠᠭᠠᠯᠠ᠂ ᠪᠠᠰᠠ ᠨᠠᠷᠠ ᠵᠢᠷᠭᠠᠬᠤ ᠳ᠋ᠤ᠌ ᠲᠡᠳᠡ ᠠᠷᠪᠠᠨ ᠨᠢᠭᠡᠨ ᠬᠠᠨ ᠬᠥᠪᠡᠭᠦᠳ ᠪᠣᠯᠵᠤ ᠬᠤᠪᠢᠷᠠᠵᠠᠭᠠᠯᠠ᠃
《ᠳᠡᠭᠦᠦ ᠨᠠᠷ ᠮᠢᠨᠢ᠂ ᠦ ᠠᠷᠠᠢ ᠭᠡᠵᠦ ᠲᠠᠨᠠᠷ ᠢ᠋ ᠪᠡᠨ ᠣᠯᠤᠯᠠ᠂ ᠪᠢ ᠢᠯᠢᠰᠢᠶᠠ ᠪᠠᠢᠨᠠ》
ᠢᠯᠢᠰᠢᠶᠠ ᠲᠠᠢ ᠠᠭᠤᠯᠵᠠᠭᠠᠳ ᠲᠡᠳᠡ ᠪᠦᠭᠦᠳᠡ ᠪᠠᠶᠠᠷᠯᠠᠵᠠᠢ᠃
《ᠪᠢᠳᠡᠨ ᠳ᠋ᠦ᠍ ᠵᠢᠯ ᠳ᠋ᠦ᠍ ᠨᠢᠭᠡ ᠤᠳᠠᠭᠠ ᠭᠡᠷ ᠲᠡᠭᠡᠨ ᠬᠠᠷᠢᠬᠤ ᠶ᠋ᠢ ᠵᠥᠪᠰᠢᠶᠡᠷᠡᠳᠡᠭ᠂ ᠪᠢᠳᠡ ᠮᠠᠷᠭᠠᠰᠢ ᠣᠷᠳᠣᠨ ᠳ᠋ᠤ᠌ ᠣᠴᠢᠨᠠ᠂ ᠲᠠ ᠪᠢᠳᠡᠨ ᠲᠡᠢ ᠬᠠᠮᠲᠤ ᠶᠠᠪᠤᠬᠤ ᠤᠤ?》
《ᠲᠡᠭᠡᠯᠭᠦᠢ ᠶᠠᠭᠠᠬᠢᠬᠤᠪ ᠳᠠ᠂ ᠪᠠᠰᠠ ᠪᠢ ᠲᠠ ᠨᠠᠷ ᠤ᠋ᠨ ᠡᠨᠡ ᠮᠠᠭᠤᠬᠠᠢ ᠬᠠᠷᠢᠶᠠᠯ ᠢ᠋ ᠠᠷᠢᠯᠭᠠᠮᠠᠷ ᠪᠠᠢᠨᠠ》
ᠮᠠᠷᠭᠠᠰᠢ ᠥᠷᠯᠥᠭᠡ ᠨᠢ ᠬᠠᠨ ᠬᠥᠪᠡᠭᠦᠳ ᠳᠠᠬᠢᠨ ᠬᠤᠨ ᠪᠣᠯᠵᠤ ᠬᠤᠪᠢᠷᠠᠵᠠᠭᠠᠯᠠ᠃ ᠲᠡᠳᠡ ᠢᠯᠢᠰᠢᠶᠠ ᠶ᠋ᠢ ᠲᠤᠤᠷᠠᠨ ᠳᠡᠭᠡᠷᠡ ᠰᠠᠭᠤ ᠭᠡᠪᠡ᠃ ᠲᠡᠭᠡᠭᠡᠳ ᠲᠣᠣᠷ ᠢ᠋ ᠬᠤᠰᠢᠭᠤᠨ ᠳ᠋ᠠᠭᠠᠨ ᠵᠠᠭᠤᠭᠠᠳ ᠨᠢᠰᠴᠦ ᠣᠳᠤᠯᠠ᠃ ᠢᠯᠢᠰᠢᠶᠠ ᠳ᠋ᠤ᠌ ᠨᠢᠰᠬᠦ ᠶᠡᠬᠡ ᠲᠠᠭᠠᠯᠠᠭᠳᠠᠵᠠᠢ᠃ ᠡᠭᠦᠯᠡᠰ ᠲᠡᠭᠦᠨ ᠦ᠌ ᠳᠣᠣᠷᠠ ᠬᠥᠪᠴᠦ ᠪᠠᠢᠯᠠ᠂ ᠪᠠᠰᠠ ᠲᠡᠳᠡᠨ ᠦ᠌ ᠳᠣᠣᠷᠠ ᠠᠭᠤᠯᠠᠰ ᠣᠢ ᠬᠣᠲᠠ ᠲᠣᠰᠬᠣᠳ᠂ ᠪᠠᠰᠠ ᠣᠷᠳᠣᠨ ᠰᠢᠯᠲᠦᠭᠡᠨ ᠥᠩᠭᠡᠷᠡᠵᠦ ᠪᠠᠢᠪᠠ᠃ ᠣᠷᠣᠢ ᠭᠡᠬᠦ ᠳ᠋ᠦ᠍ ᠲᠡᠳᠡ ᠨᠢᠭᠡᠨ ᠠᠭᠤᠢ ᠶ᠋ᠢᠨ ᠣᠢᠷᠠᠯᠴᠠᠭᠠ ᠭᠠᠵᠠᠷ ᠲᠤ᠌ ᠪᠠᠭᠤᠵᠠᠭᠠᠯᠠ᠃ ᠲᠡᠳᠡ ᠠᠭᠤᠢ ᠳ᠋ᠤ᠌ ᠬᠣᠨᠣᠭ ᠲᠥᠭᠡᠷᠢᠭᠦᠯᠬᠦ ᠪᠡᠷ ᠰᠢᠢᠳᠴᠡᠢ᠃ᠰᠥᠨᠢ ᠢᠯᠢᠰᠢᠶᠠ ᠤᠨᠲᠠᠵᠤ ᠪᠠᠢᠭᠠᠳ ᠰᠢᠳᠢᠲᠦ ᠳᠠᠭᠢᠨᠢ ᠢᠷᠡᠵᠦ ᠠᠭᠤᠯᠵᠠᠯᠠ ᠭᠡᠵᠦ ᠵᠡᠭᠦᠳᠦᠯᠡᠵᠡᠢ᠂ ᠲᠡᠷᠡ ᠰᠢᠳᠢᠲᠦ ᠳᠠᠭᠢᠨᠢ ᠣᠢ ᠳ᠋ᠤ᠌ ᠲᠠᠭᠠᠷᠠᠭᠰᠠᠨ ᠡᠮᠡᠭᠡᠨ ᠲᠡᠢ ᠶᠡᠬᠡ ᠠᠳᠠᠯᠢᠬᠠᠨ ᠪᠣᠯᠬᠤ ᠶ᠋ᠢ ᠢᠯᠢᠰᠢᠶᠠ ᠠᠩᠵᠠᠭᠠᠷᠠᠵᠠᠢ᠃
《ᠰᠠᠢᠨ ᠤᠤ? ᠢᠯᠢᠰᠢᠶᠠ ᠶᠠᠭᠤᠨ ᠳ᠋ᠤ᠌ ᠰᠠᠨᠠᠭᠠ ᠵᠣᠪᠠᠵᠤ ᠪᠠᠢᠭᠠ ᠶ᠋ᠢ ᠴᠢᠨᠢ ᠮᠡᠳᠡᠨᠡ 》
《ᠲᠡᠢᠮᠦ ᠠ᠋᠂ ᠳᠡᠭᠦᠦ ᠨᠠᠷ ᠢ᠋ᠶ᠋ᠠᠨ ᠲᠡᠷᠡ ᠬᠠᠷᠢᠶᠠᠯ ᠠ᠋ᠴᠠ ᠭᠠᠷᠭᠠᠮᠠᠷ ᠪᠠᠢᠨᠠ᠂ ᠭᠡᠪᠡᠴᠦ ᠶᠠᠭᠠᠬᠢᠵᠤ ᠬᠢᠳᠡᠭ ᠢ᠋ᠶ᠋ᠡᠨ ᠮᠡᠳᠡᠳᠡᠭ ᠦᠭᠡᠢ》
《ᠬᠦᠰᠡᠭᠰᠡᠨ ᠳ᠋ᠡᠭᠡᠨ ᠬᠦᠷᠬᠦ ᠶ᠋ᠢᠨ ᠲᠤᠯᠠᠳᠠ ᠴᠢ ᠵᠣᠷᠢᠭ ᠲᠠᠢ ᠲᠡᠪᠴᠢᠶᠡᠷᠢ ᠲᠡᠢ ᠪᠠᠢᠬᠤ ᠶᠣᠰᠣᠲᠠᠢ᠂ ᠬᠡᠷᠪᠡ ᠴᠢᠳᠠᠨᠠ ᠭᠡᠪᠡᠯ ᠪᠢ ᠴᠢᠮᠠ ᠳ᠋ᠤ᠌ ᠠᠷᠭᠠ ᠵᠢᠭᠠᠵᠤ ᠥᠭᠭᠦᠶᠡ》
《ᠪᠢ ᠳᠡᠭᠦᠦ ᠨᠠᠷ ᠤ᠋ᠨ ᠢ᠋ᠶ᠋ᠠᠨ ᠲᠥᠯᠥᠭᠡ ᠶᠠᠭᠤ ᠴᠤ᠌ ᠬᠢᠵᠦ ᠴᠢᠳᠠᠨᠠ》
《ᠬᠣᠷᠣᠰᠴᠤ ᠡᠪᠡᠳᠦᠨᠡ ᠰᠢᠦ》
《ᠪᠢ ᠡᠪᠡᠳᠦᠯᠲᠡ ᠶ᠋ᠢ ᠲᠡᠰᠦᠨᠡ᠂ ᠨᠠᠳᠠ ᠳ᠋ᠤ᠌ ᠠᠷᠭᠠ ᠪᠠᠨ ᠵᠢᠭᠠᠵᠤ ᠥᠭ ᠯᠡ ᠳᠡ》
《ᠡᠨᠡ ᠠᠭᠤᠢ ᠶ᠋ᠢᠨ ᠣᠢᠷᠠᠯᠴᠠᠭᠠ ᠣᠷᠣᠰᠢᠭᠤᠯᠭᠠ ᠶ᠋ᠢᠨ ᠭᠠᠵᠠᠷ ᠲᠤ᠌ ᠤᠷᠭᠤᠳᠠᠭ ᠲᠤᠰᠬᠠᠢ ᠬᠠᠯᠠᠭᠠᠢ ᠪᠠᠢᠳᠠᠭ ᠶᠤᠮ᠂ ᠴᠢ ᠲᠡᠭᠦᠨ ᠢ᠋ ᠤᠲᠠᠰᠤ ᠪᠣᠯᠭᠠᠨ ᠡᠭᠡᠷᠡᠭᠡᠳ ᠠᠷᠪᠠᠨ ᠨᠢᠭᠡᠨ ᠰᠢᠷᠬᠡᠭ ᠬᠦᠷᠮᠡ ᠨᠡᠬᠡᠭᠡᠷᠡᠢ᠂ ᠬᠦᠷᠮᠡ ᠶ᠋ᠢ ᠬᠤᠨ ᠳᠡᠭᠡᠷᠡ ᠰᠢᠳᠡᠬᠦ ᠳ᠋ᠦ᠍ ᠬᠠᠷᠢᠶᠠᠯ ᠠᠷᠢᠯᠬᠤ ᠪᠣᠯᠤᠨᠠ᠂ ᠭᠡᠪᠡᠴᠦ ᠬᠠᠮᠤᠭ ᠤ᠋ᠨ ᠴᠢᠬᠤᠯᠠ ᠨᠢ ᠡᠨᠡ ᠳᠠᠭᠠᠭᠠᠯᠭᠠᠪᠤᠷᠢ ᠶ᠋ᠢ ᠡᠬᠢᠯᠡᠬᠦ ᠡᠴᠡ ᠳᠠᠭᠤᠰᠬᠤ ᠬᠦᠷᠲᠡᠯᠡ ᠴᠢ ᠨᠢᠭᠡ ᠴᠦ᠍ ᠦᠭᠡ ᠳᠤᠤᠭᠠᠷᠴᠤ ᠪᠣᠯᠬᠤ ᠦᠭᠡᠢ᠂ ᠬᠡᠷᠪᠡ ᠴᠢ ᠦᠭᠡ ᠳᠤᠤᠭᠠᠷᠪᠠᠯ ᠳᠡᠭᠦᠦ ᠨᠠᠷ ᠴᠢᠨᠢ ᠦᠬᠦᠬᠦ ᠪᠣᠯᠤᠨᠠ ᠰᠢᠦ》
《ᠵᠠ ᠪᠢ ᠬᠢᠨᠡ》
ᠢᠯᠢᠰᠢᠶᠠ ᠢᠩᠭᠢᠵᠦ ᠬᠡᠯᠡᠭᠡᠳ ᠰᠡᠷᠢᠭᠰᠡᠨ ᠴᠢᠨᠢ ᠵᠡᠭᠦᠳᠦ ᠪᠠᠢᠭᠰᠠᠨ ᠢ᠋ ᠨᠢ ᠣᠢᠯᠠᠭᠠᠪᠠ ᠃ ᠲᠡᠭᠡᠭᠡᠳ ᠳᠡᠭᠦᠦ ᠨᠠᠷ ᠢ᠋ᠶ᠋ᠠᠨ ᠬᠠᠢᠲᠠᠯᠠ ᠪᠦᠭᠦᠳᠡ ᠪᠠᠢᠬᠤ ᠦᠭᠡᠢ ᠪᠠᠢᠯᠠ᠃
《ᠲᠡᠷᠡ ᠳᠠᠭᠠᠭᠠᠯᠭᠠᠪᠤᠷᠢ ᠶ᠋ᠢ ᠡᠬᠢᠯᠡᠬᠦ ᠳ᠋ᠦ᠍ ᠶᠠᠭ ᠲᠣᠬᠢᠷᠠᠬᠤ ᠴᠠᠭ ᠪᠠᠢᠨᠠ》
ᠢᠯᠢᠰᠢᠶᠠ ᠭᠠᠷᠴᠤ ᠬᠠᠯᠠᠭᠠᠢ ᠲᠡᠭᠦᠵᠦ ᠡᠬᠢᠯᠡᠯᠡ᠃ ᠬᠠᠳᠬᠤᠵᠤ ᠡᠪᠡᠳᠴᠦ ᠪᠠᠢᠯᠠ᠂ ᠭᠡᠪᠡᠴᠦ ᠢᠯᠢᠰᠢᠶᠠ ᠡᠬᠢᠯᠡᠭᠰᠡᠨ ᠵᠡᠭᠦᠳᠦ ᠪᠡᠨ ᠳᠠᠭᠤᠰᠬᠠᠬᠤ ᠪᠠᠷ ᠦᠷᠭᠦᠯᠵᠢᠯᠡᠭᠦᠯᠪᠡ᠃ ᠬᠠᠯᠠᠭᠠᠢ ᠲᠡᠭᠦᠭᠡᠳ ᠠᠭᠤᠢ ᠳ᠋ᠤ᠌ ᠠᠪᠴᠢᠷᠠᠵᠤ ᠤᠲᠠᠰᠤ ᠪᠣᠯᠭᠠᠨ ᠡᠭᠡᠷᠡᠵᠦ ᠡᠬᠢᠯᠡᠯᠡ᠃ ᠢᠯᠢᠰᠢᠶᠠ ᠶᠠᠭᠤ ᠬᠢᠬᠦ ᠶ᠋ᠢ ᠨᠢᠭᠡ ᠬᠤᠯᠤᠭᠠᠨᠠ ᠠᠩᠬᠠᠷᠤᠯ ᠲᠠᠢ ᠬᠠᠷᠠᠵᠤ ᠪᠠᠢᠪᠠ᠃ ᠲᠡᠭᠦᠨ ᠳ᠋ᠦ᠍ ᠰᠣᠨᠢᠷᠬᠠᠯᠲᠠᠢ ᠰᠠᠨᠠᠭᠳᠠᠵᠤ ᠢᠯᠢᠰᠢᠶᠠ ᠳ᠋ᠤ᠌ ᠲᠤᠰᠠᠯᠠᠵᠤ ᠡᠬᠢᠯᠡᠯᠡ᠃ ᠣᠷᠣᠢ ᠪᠣᠯᠵᠤ ᠳᠡᠭᠦᠦ ᠨᠠᠷ ᠨᠢ ᠠᠭᠤᠢ ᠳ᠋ᠤ᠌ ᠢᠷᠡᠬᠦ ᠳ᠋ᠦ᠍ ᠢᠯᠢᠰᠢᠶᠠ ᠨᠢᠭᠡ ᠯᠡ ᠨᠢᠭᠤᠴᠠᠯᠢᠭ ᠶᠠᠭᠤᠮᠠ ᠬᠢᠭᠡᠳ ᠪᠠᠢᠭᠠ ᠶ᠋ᠢ ᠠᠩᠵᠠᠭᠠᠷᠠᠵᠠᠢ᠃
《ᠶᠠᠭᠤ ᠬᠢᠵᠦ ᠪᠠᠢᠭᠠ ᠶᠤᠮ ᠪᠣᠢ? ᠢᠯᠢᠰᠢᠶᠠ》
《ᠶᠠᠭᠠᠬᠢᠭᠠᠳ ᠬᠠᠷᠢᠭᠤᠯᠬᠤ ᠦᠭᠡᠢ ᠪᠠᠢᠭᠠ ᠶᠤᠮ ᠪᠣᠢ ? ᠡᠭᠡᠴᠢ ᠠ᠋᠂ ᠪᠢᠲᠡᠭᠡᠢ ᠨᠢᠭᠤᠯ ᠳᠠ᠂ ᠭᠤᠶᠤᠶᠠ ᠶᠠᠭᠤᠮᠠ ᠬᠡᠯᠡ ᠯᠡ ᠳᠡ》
《ᠳᠠᠭᠤᠰᠤᠨ ᠳᠠᠭᠤᠰᠲᠠᠯᠠ ᠨᠢ ᠨᠢᠭᠡ ᠴᠦ᠍ ᠦᠭᠡ ᠳᠤᠤᠭᠠᠷᠬᠤ ᠪᠠᠷ ᠦᠭᠡᠢ ᠲᠡᠢᠮᠦ ᠠᠵᠢᠯ ᠬᠢᠵᠦ ᠪᠠᠢᠬᠤ ᠰᠢᠭ᠋ ᠪᠠᠢᠨᠠ》
ᠣᠳᠬᠣᠨ ᠳᠡᠭᠦᠦ ᠨᠢ ᠡᠭᠡᠴᠢ ᠳ᠋ᠦ᠍ ᠪᠡᠨ ᠣᠴᠢᠭᠠᠳ ᠭᠠᠷ ᠢ᠋ ᠨᠢ ᠡᠷᠭᠦᠪᠡ᠃ᠬᠠᠯᠠᠭᠠᠢ ᠳ᠋ᠤ᠌ ᠬᠠᠳᠬᠤᠭᠤᠯᠵᠤ ᠰᠢᠷᠬᠠᠯᠠᠭᠰᠠᠨ ᠭᠠᠷ ᠢ᠋ ᠬᠠᠷᠠᠭᠠᠳ ᠨᠢᠳᠦᠨ ᠳ᠋ᠦ᠍ ᠨᠢ ᠨᠢᠯᠪᠤᠰᠤ ᠴᠡᠢᠯᠡᠭᠡᠨᠨᠡᠯᠡ᠂ ᠬᠡᠳᠦᠨ ᠳᠤᠰᠤᠯ ᠨᠢᠯᠪᠤᠰᠤ ᠢᠯᠢᠰᠢᠶᠠ ᠶ᠋ᠢᠨ ᠭᠠᠷ ᠳᠡᠭᠡᠷᠡ ᠳᠤᠰᠤᠯᠠᠵᠤ ᠡᠪᠡᠳᠦᠯᠲᠡ ᠶ᠋ᠢ ᠨᠠᠮᠵᠢᠭᠠᠵᠤ ᠢᠯᠢᠰᠢᠶᠠ ᠤᠨᠲᠠᠭᠠᠳ ᠥᠭᠭᠦᠯᠡ᠃ ᠢᠯᠢᠰᠢᠶᠠ ᠣᠯᠠᠨ ᠡᠳᠦᠷ ᠡᠨᠡ ᠠᠵᠢᠯ ᠢ᠋ᠶ᠋ᠠᠨ ᠦᠷᠭᠦᠯᠵᠢᠯᠡᠭᠦᠯᠪᠡ᠃ ᠬᠤᠯᠤᠭᠠᠨᠠ ᠰᠠᠢᠨ ᠳᠤᠷᠠ ᠪᠠᠷ ᠢ᠋ᠶ᠋ᠠᠨ ᠲᠡᠭᠦᠨ ᠳ᠋ᠦ᠍ ᠲᠤᠰᠠᠯᠠᠵᠤ ᠪᠠᠢᠯᠠ ᠃ ᠢᠯᠢᠰᠢᠶᠠ ᠨᠢᠭᠡ ᠬᠦᠷᠮᠡ ᠳᠠᠭᠤᠰᠬᠠᠭᠠᠳ ᠳᠠᠷᠠᠭᠠ ᠶ᠋ᠢᠨ ᠬᠦᠷᠮᠡ ᠪᠡᠨ ᠡᠬᠢᠯᠡᠭᠦᠯᠪᠡ ᠃ᠨᠢᠭᠡ ᠡᠳᠦᠷ ᠬᠠᠯᠠᠭᠠᠢ ᠲᠡᠭᠦᠵᠦ ᠪᠠᠢᠭᠠᠳ ᠣᠢᠷᠠᠬᠠᠨ ᠶᠡᠬᠡ ᠴᠢᠩᠭᠠ ᠴᠢᠮᠡᠭᠡ ᠭᠠᠷᠬᠤ ᠶ᠋ᠢ ᠰᠣᠨᠣᠰᠤᠭᠠᠳ ᠠᠭᠤᠢ ᠤᠷᠤᠭᠤ ᠪᠠᠨ ᠪᠤᠴᠠᠬᠤ ᠪᠠᠷ ᠰᠢᠢᠳᠦᠯᠡ᠃ᠭᠡᠪᠡᠴᠦ ᠬᠡᠳᠦᠨ ᠨᠣᠬᠠᠳ ᠠᠩᠴᠢᠳ ᠲᠡᠭᠦᠨ ᠢ᠋ ᠲᠣᠭᠣᠷᠢᠨ ᠵᠣᠭᠰᠣᠵᠠᠢ᠃ ᠪᠦᠭᠦᠳᠡ ᠰᠠᠢᠨ ᠬᠤᠪᠴᠠᠰᠤ ᠡᠮᠦᠰᠦᠭᠰᠡᠨ ᠪᠠᠢᠵᠠᠢ᠃ ᠴᠢᠷᠠᠢᠯᠢᠭ ᠵᠠᠯᠠᠭᠤ ᠡᠷᠡ ᠮᠣᠷᠢᠨ ᠠ᠋ᠴᠠ ᠪᠠᠨ ᠪᠠᠭᠤᠭᠠᠳ ᠢᠯᠢᠰᠢᠶᠠ ᠳ᠋ᠤ᠌ ᠣᠢᠷᠠᠲᠤᠵᠤ ᠢᠷᠡᠪᠡ᠃
《ᠰᠠᠢᠨ ᠤᠤ? ᠡᠨᠳᠡ ᠶᠠᠭᠤ ᠬᠢᠵᠦ ᠪᠠᠢᠭᠠ ᠶᠤᠮ᠂ ᠪᠢ ᠴᠢᠮᠠ ᠳ᠋ᠤ᠌ ᠲᠤᠰᠠᠯᠠᠬᠤ ᠤᠤ? ᠪᠢ ᠴᠢᠮᠠ ᠶ᠋ᠢ ᠡᠨᠡ ᠠᠶᠤᠯ ᠲᠠᠢ ᠭᠠᠵᠠᠷ ᠲᠤ᠌ ᠣᠷᠬᠢᠵᠤ ᠴᠢᠳᠠᠬᠤ ᠦᠭᠡᠢ᠂ ᠪᠢ ᠪᠣᠯ ᠡᠨᠡ ᠨᠤᠲᠤᠭ ᠤ᠋ᠨ ᠬᠠᠭᠠᠨ᠂ ᠨᠠᠳᠠ ᠲᠠᠢ ᠬᠠᠮᠲᠤ ᠣᠷᠳᠣᠨ ᠤᠷᠤᠭᠤ ᠮᠢᠨᠢ ᠶᠠᠪᠤᠯ ᠳᠠ᠂ ᠴᠢ ᠲᠡᠨᠳᠡ ᠠᠶᠤᠯ ᠦᠭᠡᠢ ᠪᠠᠢᠨᠠ》
ᠢᠯᠢᠰᠢᠶᠠ ᠳ᠋ᠤ᠌ ᠬᠠᠭᠠᠨ ᠲᠠᠢ ᠶᠠᠪᠤᠬᠤ ᠠ᠋ᠴᠠ ᠥᠭᠡᠷᠡ ᠠᠷᠭᠠ ᠪᠠᠢᠭᠰᠠᠨ ᠦᠭᠡᠢ᠂ ᠲᠡᠳᠡ ᠨᠠᠷᠠ ᠵᠢᠷᠭᠠᠬᠤ ᠶ᠋ᠢᠨ ᠡᠮᠦᠨᠡ ᠬᠠᠭᠠᠨ ᠤ᠋ ᠣᠷᠳᠣᠨ ᠳ᠋ᠤ᠌ ᠢᠷᠡᠵᠡᠭᠡᠯᠡ᠂ ᠦᠨᠡᠬᠡᠷ ᠰᠠᠢᠬᠠᠨ ᠰᠢᠯᠲᠦᠭᠡᠨ ᠪᠠᠢᠪᠠ᠃ ᠭᠡᠪᠡᠴᠦ ᠢᠯᠢᠰᠢᠶᠠ ᠳ᠋ᠤ᠌ ᠲᠡᠨᠳᠡ ᠵᠢᠷᠭᠠᠯ ᠲᠠᠢ ᠪᠠᠢᠭᠰᠠᠨ ᠦᠭᠡᠢ᠃ ᠲᠡᠷᠡ ᠳᠡᠭᠦᠦ ᠨᠠᠷ ᠢ᠋ᠶ᠋ᠠᠨ ᠦᠭᠡᠢᠯᠡᠵᠦ ᠡᠳᠦᠷᠵᠢᠨ ᠤᠬᠢᠯᠠᠳᠠᠭ ᠪᠠᠢᠪᠠ᠂ ᠬᠠᠭᠠᠨ ᠥᠬᠢᠨ ᠦ᠌ ᠤᠲᠠᠰᠤ ᠪᠣᠯᠤᠨ ᠨᠡᠬᠡᠵᠦ ᠪᠠᠢᠭᠰᠠᠨ ᠬᠦᠷᠮᠡ ᠶ᠋ᠢ ᠠᠪᠴᠢᠷᠠᠵᠤ ᠥᠭᠭᠦᠯᠡ᠃
《ᠴᠢᠮᠠ ᠳ᠋ᠤ᠌ ᠪᠦᠬᠦ ᠶᠠᠭᠤᠮᠠ ᠶ᠋ᠢ ᠴᠢᠨᠢ ᠥᠭᠭᠦᠯᠡ᠂ ᠲᠡᠢᠮᠦ ᠡᠴᠡ ᠭᠡᠷ ᠲᠡᠭᠡᠨ ᠪᠠᠢᠭᠠ ᠶᠤᠮ ᠰᠢᠭ᠋ ᠪᠠᠢᠭᠠᠷᠠᠢ᠂ ᠬᠦᠦᠬᠡ᠂ ᠶᠠᠮᠠᠷ ᠰᠠᠢᠬᠠᠨ ᠢᠨᠢᠶᠡᠮᠰᠦᠭᠯᠡᠯ ᠪᠣᠢ? ᠪᠢ ᠴᠢᠮᠠ ᠳ᠋ᠤ᠌ ᠵᠢᠷᠦᠬᠡ ᠰᠡᠳᠬᠢᠯ ᠢ᠋ᠶ᠋ᠡᠨ ᠠᠯᠳᠠᠵᠤ ᠪᠠᠢᠬᠤ ᠰᠢᠭ᠋ ᠪᠠᠢᠨᠠ》
ᠢᠯᠢᠰᠢᠶᠠ ᠲᠡᠨᠳᠡ ᠬᠦᠷᠮᠡ ᠨᠡᠬᠡᠬᠦ ᠡᠴᠡ ᠥᠭᠡᠷᠡ ᠶᠠᠭᠤ ᠴᠦ᠍ ᠬᠢᠳᠡᠭ ᠦᠭᠡᠢ ᠪᠠᠢᠯᠠ᠃ᠲᠡᠷᠡ ᠠᠷᠪᠠᠨ ᠬᠦᠷᠮᠡ ᠨᠡᠬᠡᠵᠡᠢ᠃ᠰᠡᠭᠦᠯᠴᠢ ᠶ᠋ᠢᠨ ᠭᠠᠭᠴᠠ ᠶ᠋ᠢ ᠨᠡᠬᠡᠵᠦ ᠪᠠᠢᠲᠠᠯᠠ ᠬᠠᠯᠠᠭᠠᠢ ᠨᠢ ᠳᠠᠭᠤᠰᠴᠢᠬᠠᠵᠠᠢ ᠭᠡᠨᠡ ᠃ ᠥᠬᠢᠨ ᠣᠷᠳᠣᠨ ᠤ᠋ ᠣᠢᠷᠠᠯᠴᠠᠭᠠᠬᠢ ᠣᠷᠣᠰᠢᠭᠤᠯᠭᠠ ᠶ᠋ᠢᠨ ᠭᠠᠵᠠᠷ ᠤᠷᠤᠭᠤ ᠶᠠᠪᠤᠵᠤ ᠬᠠᠯᠠᠭᠠᠢ ᠲᠡᠭᠦᠶᠡ ᠭᠡᠵᠦ ᠪᠣᠳᠣᠵᠠᠢ᠃ ᠲᠡᠭᠡᠭᠡᠳ ᠥᠬᠢᠨ ᠰᠥᠨᠢ ᠳᠦᠯᠢ ᠪᠡᠷ ᠣᠷᠳᠣᠨ ᠠ᠋ᠴᠠ ᠭᠠᠷᠴᠤ ᠣᠷᠣᠰᠢᠭᠤᠯᠭᠠ ᠶ᠋ᠢᠨ ᠭᠠᠵᠠᠷ ᠢ᠋ ᠬᠠᠢᠯᠠ᠃ ᠲᠡᠭᠦᠨ ᠢ᠋ ᠬᠠᠯᠠᠭᠠᠢ ᠲᠡᠭᠦᠵᠦ ᠪᠠᠢᠲᠠᠯᠠ ᠬᠠᠭᠠᠨ ᠪᠣᠯᠤᠨ ᠬᠠᠭᠠᠨ ᠤ᠋ ᠵᠥᠪᠯᠡᠬᠦ ᠦ᠋ᠳ ᠥᠬᠢᠨ ᠢ᠋ ᠣᠯᠵᠤ ᠲᠣᠭᠣᠷᠢᠨ ᠵᠣᠭᠰᠣᠪᠠ᠃
《ᠡᠨᠳᠡ ᠪᠠᠢᠨᠠ ᠶᠠᠭᠤ ᠬᠢᠵᠦ ᠪᠠᠢᠭᠠ ᠶᠤᠮ ᠪᠣᠢ? ᠬᠠᠯᠠᠭᠠᠢ ᠲᠡᠭᠦᠵᠦ ᠪᠠᠢᠨᠠ ᠤᠤ ?ᠶᠠᠭᠠᠬᠢᠬᠤ ᠭᠡᠵᠦ? ᠷᠢᠳᠢ ᠰᠢᠳᠢᠨ ᠳ᠋ᠦ᠍ ᠵᠣᠷᠢᠭᠤᠯᠵᠤ ᠬᠡᠷᠡᠭᠯᠡᠳᠡᠭ ᠪᠠᠢᠵᠤ ᠲᠠᠭᠠᠷᠠᠨᠠ᠂
ᠴᠢ ᠨᠠᠳᠠ ᠳ᠋ᠤ᠌ ᠱᠤᠯᠤᠮ ᠶᠤᠮ ᠰᠢᠭ᠋ ᠰᠠᠨᠠᠭᠳᠠᠭᠠᠳ ᠪᠠᠢᠭᠰᠠᠨ᠂ ᠡᠭᠦᠨ ᠢ᠋ ᠪᠡᠨ ᠴᠦ᠍ ᠪᠠᠲᠤᠯᠠᠯᠠ᠂ ᠡᠷᠬᠢᠮ ᠳᠡᠭᠡᠳᠦᠰ ᠠ᠋᠂
ᠪᠢ ᠡᠬᠢᠨ ᠳ᠋ᠦ᠍ ᠪᠡᠨ ᠬᠥᠮᠦᠰ ᠲᠡᠭᠡᠨ ᠢᠲᠡᠭᠡᠭᠡ ᠦᠭᠡᠢ᠂ ᠭᠡᠪᠡᠴᠦ ᠣᠳᠣ ᠮᠠᠷᠭᠠᠰᠢ ᠰᠢᠭᠦᠬᠦ ᠪᠡᠷ ᠤᠷᠤᠭᠤᠯ!
ᠮᠢᠨᠦ ᠬᠥᠮᠦᠰ ᠰᠢᠳᠬᠡᠯ ᠢ᠋ ᠨᠢ ᠲᠣᠭᠲᠠᠭᠠᠬᠤ ᠪᠣᠯᠤᠨᠠ᠂ ᠲᠡᠭᠡᠬᠦ ᠪᠡᠷ ᠬᠥᠳᠡᠭᠡ ᠶ᠋ᠢᠨ ᠬᠥᠮᠦᠰ ᠦ᠋ᠨ ᠡᠮᠦᠨᠡ ᠠᠯᠠᠪᠠᠯ ᠵᠣᠬᠢᠨᠠ᠂
ᠡᠰᠡᠪᠡᠯ ᠵᠠᠭᠠᠨ ᠢ᠋ᠶ᠋ᠠᠷ ᠳᠡᠪᠰᠡᠭᠦᠯᠵᠦ ᠬᠥᠨᠥᠭᠡ!
ᠡᠢᠮᠦ ᠱᠤᠯᠤᠮ ᠢ᠋ ᠮᠠᠨ ᠤ᠋ ᠤᠯᠤᠰ ᠲᠤ᠌ ᠪᠠᠢᠬᠤ ᠶ᠋ᠢ ᠵᠥᠪᠰᠢᠶᠡᠷᠡᠳᠡᠭ ᠦᠭᠡᠢ ᠶᠦ᠍ᠮ᠂
ᠲᠡᠷᠡ ᠮᠠᠷᠭᠠᠰᠢ ᠦᠬᠦᠬᠦ ᠶᠣᠰᠣᠲᠠᠢ᠂ ᠣᠷᠣᠢᠲᠠᠭᠤᠯᠵᠤ ᠪᠣᠯᠬᠤ ᠦᠭᠡᠢ》
ᠢᠯᠢᠰᠢᠶᠠ ᠶ᠋ᠢ ᠣᠷᠳᠣᠨ ᠠ᠋ᠴᠠ ᠬᠣᠯᠠ ᠠᠷᠠᠯ ᠳᠡᠭᠡᠷᠡ ᠴᠦᠯᠡᠬᠦ ᠶᠣᠰᠣᠲᠠᠢ ᠭᠡᠵᠦ ᠰᠢᠢᠳᠴᠡᠢ᠃ ᠥᠬᠢᠨ ᠢ᠋ ᠦᠨᠡᠬᠡᠷ ᠠᠶᠤᠮᠰᠢᠭᠲᠠᠢ ᠱᠣᠷᠣᠩ ᠳ᠋ᠤ᠌ ᠬᠣᠷᠢᠯᠠ᠂ ᠡᠨᠳᠡ ᠲᠡᠷᠡ ᠡᠴᠦᠰ ᠦ᠋ᠨ ᠰᠥᠨᠢ ᠪᠡᠨ ᠥᠩᠭᠡᠷᠡᠭᠡᠬᠦ ᠶᠣᠰᠣᠲᠠᠢ᠂ ᠶᠠᠭ ᠡᠨᠡ ᠦᠶᠡ ᠳ᠋ᠦ᠍ ᠬᠠᠭᠠᠯᠭᠠ ᠨᠡᠭᠡᠭᠡᠭᠳᠡᠯᠡ᠂ ᠲᠡᠭᠡᠭᠡᠳ ᠪᠦᠬᠦ ᠬᠦᠷᠮᠡ ᠬᠠᠯᠠᠭᠠᠢ ᠶ᠋ᠢ ᠨᠢ ᠬᠣᠷᠢᠬᠤ ᠥᠷᠥᠭᠡ ᠤᠷᠤᠭᠤ ᠰᠢᠳᠡᠴᠢᠬᠡᠪᠡ᠃
《ᠬᠠᠭᠠᠨ ᠴᠢᠮᠠ ᠳ᠋ᠤ᠌ ᠥᠭᠭᠦᠭᠦᠯᠦᠯᠡ᠂ ᠡᠨᠡ ᠴᠢᠮᠠ ᠶ᠋ᠢ ᠲᠠᠭᠠᠷᠠᠭᠤᠯᠬᠤ ᠦᠭᠡᠢ ᠪᠠᠢᠯᠭᠠᠨᠠ》
《ᠳᠠᠭᠠᠭᠠᠯᠭᠠᠪᠤᠷᠢ ᠪᠠᠨ ᠭᠦᠢᠴᠡᠳᠬᠡᠬᠦ ᠰᠡᠭᠦᠯᠴᠢ ᠶ᠋ᠢᠨ ᠪᠣᠯᠤᠮᠵᠢ ᠮᠢᠨᠢ ᠡᠨᠡ᠂ ᠭᠡᠪᠡᠴᠦ ᠤᠲᠠᠰᠤ ᠡᠭᠡᠷᠡᠬᠦ ᠳ᠋ᠦ᠍ ᠨᠠᠳᠠ ᠳ᠋ᠤ᠌ ᠳᠠᠬᠢᠭᠠᠳ ᠬᠠᠯᠠᠭᠠᠢ ᠬᠡᠷᠡᠭᠲᠡᠢ》
ᠶᠠᠭ ᠲᠡᠷᠡ ᠦᠶᠡ ᠳ᠋ᠦ᠍ ᠱᠣᠷᠣᠩ ᠤ᠋ᠨ ᠥᠷᠥᠭᠡᠨ ᠦ᠌ ᠴᠣᠩᠬᠣ ᠪᠠᠷ ᠨᠥᠭᠦᠭᠡ ᠬᠤᠯᠤᠭᠠᠨᠠ ᠣᠷᠣᠵᠤ ᠢᠷᠡᠪᠡ᠂ ᠢᠯᠢᠰᠢᠶᠠ ᠶᠠᠭᠠᠷᠠᠨ ᠠᠵᠢᠯᠯᠠᠵᠤ ᠡᠬᠢᠯᠡᠯᠡ᠃ᠬᠤᠯᠤᠭᠠᠨᠠ ᠱᠣᠷᠣᠩ ᠣᠷᠣᠰᠢᠭᠤᠯᠭᠠ ᠶ᠋ᠢᠨ ᠭᠠᠵᠠᠷ ᠤ᠋ᠨ ᠬᠣᠭᠣᠷᠣᠨᠳᠣ ᠭᠦᠶᠦᠭᠰᠡᠭᠡᠷ ᠲᠡᠷᠡ ᠪᠡᠷ ᠮᠠᠰᠢ ᠶᠡᠬᠡ ᠬᠠᠯᠠᠭᠠᠢ ᠲᠡᠭᠦᠵᠦ ᠢᠯᠢᠰᠢᠶᠠ ᠳ᠋ᠤ᠌ ᠠᠪᠴᠢᠷᠠᠵᠤ ᠥᠭᠴᠦ ᠪᠠᠢᠪᠠ᠃ᠥᠷᠯᠥᠭᠡ ᠲᠡᠭᠦᠨ ᠢ᠋ ᠠᠪᠴᠤ ᠶᠠᠪᠤᠬᠤ ᠬᠦᠷᠲᠡᠯᠡ ᠢᠯᠢᠰᠢᠶᠠ ᠡᠴᠦᠰ ᠦ᠋ᠨ ᠬᠦᠷᠮᠡ ᠶ᠋ᠢ ᠨᠡᠬᠡᠵᠦ ᠳᠠᠭᠤᠰᠬᠤ ᠪᠠᠢᠯᠠ᠃ᠲᠡᠷᠭᠡᠨ ᠳᠡᠭᠡᠷᠡ ᠰᠠᠭᠤᠭᠠᠳ ᠥᠪᠡᠷ ᠢ᠋ ᠨᠢ ᠬᠠᠷᠢᠶᠠᠬᠤ ᠪᠠᠷ ᠢᠷᠡᠭᠰᠡᠨ ᠵᠠᠭᠤ ᠵᠠᠭᠤᠨ ᠬᠥᠮᠦᠰ ᠢ᠋ ᠴᠦ᠍ ᠣᠢᠰᠢᠶᠠᠯ ᠦᠭᠡᠢ ᠬᠦᠷᠮᠡ ᠪᠡᠨ ᠨᠡᠭᠡᠭᠡᠭᠰᠡᠭᠡᠷ ᠯᠡ ᠪᠠᠢᠵᠠᠢ᠃ᠠᠷᠪᠠᠨ ᠬᠦᠷᠮᠡ ᠳᠡᠷᠭᠡᠳᠡ ᠨᠢ ᠬᠡᠪᠲᠡᠨᠡ᠂ ᠲᠡᠷᠭᠡ ᠢᠯᠢᠰᠢᠶᠠ ᠶ᠋ᠢ ᠠᠪᠴᠤ ᠶᠠᠪᠤᠬᠤ ᠶᠣᠰᠣᠲᠠᠢ ᠬᠥᠯᠭᠡ ᠳ᠋ᠦ᠍ ᠪᠠᠷᠤᠭ ᠯᠠ ᠬᠦᠷᠬᠦ ᠭᠡᠵᠦ ᠪᠠᠢᠯᠠ᠂ ᠶᠠᠭ ᠲᠡᠷᠡ ᠮᠥᠴᠡ ᠳ᠋ᠦ᠍ ᠢᠯᠢᠰᠢᠶᠠ ᠲᠠᠨᠢᠯ ᠴᠢᠮᠡᠭᠡ ᠰᠣᠨᠣᠰᠪᠠ᠂ ᠢᠯᠢᠰᠢᠶᠠ ᠠᠷᠪᠠᠨ ᠨᠢᠭᠡᠨ ᠴᠠᠭᠠᠨ ᠬᠤᠨ ᠳᠡᠭᠡᠭᠦᠷ ᠨᠢ ᠨᠢᠰᠴᠦ ᠪᠠᠢᠬᠤ ᠶ᠋ᠢ ᠬᠠᠷᠠᠯᠠ᠃ ᠲᠡᠳᠡ ᠡᠭᠡᠴᠢ ᠶ᠋ᠢ ᠪᠡᠨ ᠬᠠᠮᠠᠭᠠᠯᠠᠬᠤ ᠪᠠᠷ ᠲᠡᠷᠭᠡ ᠶ᠋ᠢ ᠲᠣᠭᠣᠷᠢᠨ ᠰᠠᠭᠤᠪᠠ᠃ ᠢᠯᠢᠰᠢᠶᠠ ᠰᠡᠭᠦᠯᠴᠢ ᠶ᠋ᠢᠨ ᠬᠦᠷᠮᠡ ᠪᠡᠨ ᠳᠠᠭᠤᠰᠴᠠᠢ᠃ ᠲᠡᠷᠡ ᠪᠦᠬᠦ ᠬᠦᠷᠮᠡ ᠪᠡᠨ ᠪᠦᠭᠦᠳᠡ ᠶ᠋ᠢ ᠨᠢ ᠨᠢᠭᠡ ᠨᠢᠭᠡ ᠪᠡᠷ ᠨᠢ ᠰᠢᠳᠡᠵᠦ ᠬᠤᠨ ᠰᠢᠪᠠᠭᠤᠳ ᠠᠷᠪᠠᠨ ᠨᠢᠭᠡᠨ ᠴᠢᠷᠠᠢᠯᠢᠭ ᠬᠥᠪᠡᠭᠦᠳ ᠪᠣᠯᠵᠤ ᠬᠤᠪᠢᠷᠠᠵᠠᠭᠠᠯᠠ᠃
《ᠦ᠂ ᠬᠦᠦᠬᠡ》
《ᠪᠢ ᠳᠡᠭᠦᠦ ᠨᠠᠷ ᠢ᠋ᠶ᠋ᠠᠨ ᠠᠪᠤᠷᠠᠯᠠ᠂ ᠣᠳᠣ ᠶᠠᠷᠢᠵᠤ ᠪᠣᠯᠤᠨᠠ᠂ ᠪᠢ ᠱᠤᠯᠤᠮ ᠪᠢᠰᠢ ᠠ᠋ ᠬᠠᠷᠢᠨ ᠳᠡᠭᠦᠦ ᠨᠠᠷ ᠢ᠋ᠶ᠋ᠠᠨ ᠱᠤᠯᠤᠮ ᠤ᠋ᠨ ᠰᠢᠳᠢ ᠡᠴᠡ ᠠᠪᠤᠷᠠᠬᠤ ᠭᠡᠵᠦ ᠪᠠᠢᠭᠰᠠᠨ ᠶᠤᠮ》
ᠭᠦᠩᠵᠦ ᠪᠣᠯᠤᠭᠰᠠᠨ ᠶᠠᠪᠤᠳᠠᠯ ᠢ᠋ᠶ᠋ᠠᠨ ᠪᠦᠭᠦᠳᠡ ᠶ᠋ᠢ ᠨᠢ ᠬᠠᠭᠠᠨ ᠳ᠋ᠤ᠌ ᠬᠡᠯᠡᠯᠡ᠃ ᠬᠠᠭᠠᠨ ᠢᠯᠢᠰᠢᠶᠠ ᠳ᠋ᠤ᠌ ᠲᠡᠭᠡᠵᠦ ᠬᠠᠨᠳᠤᠭᠰᠠᠨ ᠳ᠋ᠤ᠌ ᠪᠠᠨ ᠶᠡᠬᠡᠳᠡ ᠢᠴᠢᠪᠡ᠃
《ᠴᠢᠮᠠ ᠳ᠋ᠤ᠌ ᠡᠷᠡᠭᠡᠯᠵᠡᠭᠰᠡᠨ ᠳ᠋ᠦ᠍ ᠪᠡᠨ ᠪᠢ ᠮᠠᠰᠢ ᠶᠡᠬᠡ ᠬᠠᠷᠠᠮᠰᠠᠵᠤ ᠪᠠᠢᠨᠠ᠂ ᠨᠠᠳᠠ ᠲᠠᠢ ᠭᠡᠷᠯᠡᠭᠡᠴᠢ᠂ ᠭᠤᠶᠤᠶᠠ》
《ᠲᠡᠭᠡᠶᠡ》
ᠣᠷᠳᠣᠨ ᠤ᠋ ᠬᠥᠮᠦᠨ ᠪᠦᠷᠢ ᠬᠠᠭᠠᠨ ᠤ᠋ ᠬᠤᠷᠢᠮ ᠤ᠋ᠨ ᠲᠤᠬᠠᠢ ᠮᠡᠳᠡᠭᠡ ᠶ᠋ᠢ ᠰᠣᠨᠣᠰᠤᠭᠠᠳ ᠦᠨᠡᠬᠡᠷ ᠪᠠᠶᠠᠷᠯᠠᠵᠠᠭᠠᠪᠠ᠃ᠠᠷᠪᠠᠨ ᠨᠢᠭᠡ ᠬᠠᠨ ᠬᠥᠪᠡᠭᠦᠳ ᠬᠠᠭᠠᠨ ᠤ᠋ ᠬᠤᠷᠢᠮ ᠳ᠋ᠤ᠌ ᠣᠷᠣᠯᠴᠠᠯᠠ᠃ᠬᠠᠭᠠᠨ ᠢᠯᠢᠰᠢᠶᠠ ᠬᠠᠲᠤᠨ ᠠᠷᠪᠠᠨ ᠨᠢᠭᠡᠨ ᠬᠠᠨ ᠬᠥᠪᠡᠭᠦᠳ ᠦ᠋ᠨ ᠬᠠᠮᠲᠤ᠂ ᠬᠣᠷᠣᠨ ᠰᠠᠨᠠᠭᠠᠲᠤ ᠬᠠᠲᠤᠨ ᠤ᠋ ᠡᠵᠡᠨᠲᠦ ᠤᠯᠤᠰ ᠢ᠋ ᠡᠵᠡᠯᠡᠵᠦ ᠱᠤᠯᠤᠮ ᠢ᠋ ᠨᠠᠰᠤ ᠪᠠᠷ ᠨᠢ ᠬᠣᠷᠢᠯᠠ᠃ᠢᠩᠭᠢᠭᠡᠳ ᠬᠠᠭᠠᠨ ᠱᠤᠯᠤᠮ ᠤ᠋ᠨ ᠷᠢᠳᠢ ᠰᠢᠳᠢ ᠡᠴᠡ ᠴᠢᠯᠥᠭᠡᠯᠡᠭᠳᠡᠯᠡ᠃ ᠲᠡᠳᠡ ᠪᠦᠭᠦᠳᠡ ᠠᠮᠤᠷ ᠰᠠᠢᠬᠠᠨ ᠳ᠋ᠠᠭᠠᠨ ᠵᠢᠷᠭᠠᠭᠰᠠᠨ ᠶᠤᠮ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠲᠦᠮᠡᠨᠴᠡᠴᠡᠭ
ᠦᠰᠦᠭ ᠬᠠᠳᠠᠭᠴᠢ᠄ ᠤᠷᠢᠶᠠᠩᠬᠠᠢ᠂ ᠨᠠᠷᠠᠨᠮᠠᠨᠳᠠ
ᠬᠢᠨᠠᠭᠴᠢ᠄ ᠢᠷᠡᠭᠡᠳᠦᠢ