ᠭᠤᠴᠢᠳᠤᠭᠠᠷ ᠵᠠᠭᠤᠨ ᠳᠤ ᠠᠮᠢᠳᠤᠷᠠᠬᠤ ᠥᠬᠢᠨ ᠳᠦ ᠢᠯᠡᠭᠡᠬᠦ ᠰᠢᠯᠦᠭ - ᠸᠠᠴᠢᠷᠪᠠᠲᠤ ᠶ᠋ᠢᠨ ᠳᠠᠰᠢᠪᠠᠯᠪᠠᠷ Гучдугаар зуунд амьдрах охинд илгээх шүлэг - Очирбатын Дашбалбар
612 ᠠᠷᠪᠠᠨ ᠵᠠᠭᠤᠨ ᠪᠢᠳᠡᠨ ᠢ᠋ ᠲᠤᠰᠠᠭᠠᠷᠯᠠᠵᠤ
ᠠᠯᠲᠠᠢ ᠶ᠋ᠢᠨ ᠨᠢᠷᠤᠭᠤ ᠰᠢᠭ᠋ ᠬᠥᠨᠳᠡᠯᠢᠳᠦᠨᠡ
ᠣᠳᠣᠳ ᠤ᠋ᠨ ᠲᠤᠶᠠᠭᠠᠨ ᠳ᠋ᠤ᠌ ᠪᠢ ᠴᠢᠮᠠᠶ᠋ᠢ ᠲᠥᠰᠦᠭᠡᠯᠡᠵᠦ
ᠣᠨ ᠵᠢᠯ ᠦ᠋ᠨ ᠡᠨᠡ ᠡᠷᠭᠢ ᠡᠴᠡ ᠰᠢᠯᠦᠭ ᠢ᠋ᠶ᠋ᠡᠨ ᠢᠯᠡᠭᠡᠨᠡ
ᠴᠢᠨᠦ ᠢᠷᠡᠬᠦ ᠡᠷᠭᠢ ᠳ᠋ᠦ᠍ ᠪᠣᠳᠣᠯ ᠮᠢᠨᠢ ᠬᠦᠷᠬᠦ ᠳ᠋ᠦ᠍
ᠴᠢᠭᠢᠭᠲᠦ ᠦᠳᠡᠰᠢ ᠶ᠋ᠢᠨ ᠠᠭᠠᠷ ᠲᠤ᠌ ᠪᠢ ᠠᠭᠤᠰᠤᠨᠠ
ᠣᠷᠣᠰᠢᠨ ᠪᠣᠢ ᠬᠣᠭᠣᠰᠣᠨ ᠵᠠᠢ ᠳ᠋ᠤ᠌ ᠴᠢᠨᠢ ᠨᠠᠮᠠᠶ᠋ᠢ ᠰᠢᠯᠵᠢᠬᠦ ᠳ᠋ᠦ᠍
ᠣᠷᠣᠨ ᠳ᠋ᠤ᠌ ᠮᠢᠨᠢ ᠢᠷᠡᠬᠦ ᠴᠢ ᠮᠢᠨᠦ ᠲᠤᠬᠠᠢ ᠲᠥᠰᠦᠭᠡᠯᠡᠯ ᠮᠡᠳᠬᠡᠨᠡ
ᠭᠤᠳᠤᠮᠵᠢ ᠪᠠᠢᠰᠢᠩ ᠢ᠋ ᠴᠢᠨᠢ ᠪᠢ ᠮᠡᠳᠡᠬᠦ ᠦᠭᠡᠢ
ᠭᠤᠴᠢᠳᠤᠭᠠᠷ ᠵᠠᠭᠤᠨ ᠭᠡᠵᠦ ᠬᠠᠶᠢᠭᠯᠠᠨᠠ
ᠶᠠᠮᠠᠷ ᠴᠤ᠌ ᠤᠨᠤᠭᠠ ᠡᠨᠳᠡ ᠡᠴᠡ ᠵᠦᠭᠯᠡᠬᠦ ᠦᠭᠡᠢ ᠠᠯᠤᠰ ᠲᠤ᠌
ᠢᠷᠠᠭᠤ ᠨᠠᠢᠷᠠᠭ ᠢ᠋ᠶ᠋ᠠᠷ ᠳᠠᠮᠵᠢᠨ ᠪᠢ ᠣᠴᠢᠨᠠ
ᠣᠳᠣᠳ ᠭᠡᠢᠭᠰᠡᠨ ᠦᠳᠡᠰᠢ ᠴᠣᠩᠬᠣᠨ ᠤ᠋ ᠴᠠᠭᠠᠨᠠ ᠰᠠᠭᠤᠬᠤ ᠳ᠋ᠤ᠌ ᠴᠢᠨᠢ
ᠣᠨ ᠵᠢᠯ ᠢ᠋ ᠲᠤᠭᠤᠯᠤᠭᠰᠠᠨ ᠮᠢᠨᠦ ᠠᠯᠬᠤᠭᠠ ᠰᠣᠨᠣᠰᠳᠠᠨᠠ
ᠴᠣᠩᠬᠣᠨ ᠤ᠋ ᠴᠢᠨᠢ ᠬᠥᠰᠢᠭᠡ ᠱᠠᠵᠢᠭᠢᠨᠠᠨ ᠪᠢ ᠣᠷᠣᠵᠤ ᠣᠴᠢᠨᠠ
ᠰᠣᠴᠢᠬᠤ ᠳ᠋ᠠᠭᠠᠨ ᠴᠢ ᠰᠢᠯᠦᠭ ᠦ᠋ᠨ ᠮᠢᠨᠢ ᠲᠡᠭᠦᠪᠦᠷᠢ ᠶ᠋ᠢ ᠭᠠᠷ ᠠ᠋ᠴᠠ ᠪᠠᠨ ᠠᠯᠳᠠᠨᠠ
ᠦᠯᠦ ᠦᠵᠡᠭᠳᠡᠬᠦ ᠮᠢᠨᠦ ᠨᠠᠮᠤᠭᠤᠬᠠᠨ ᠳᠠᠭᠤ ᠶ᠋ᠢ ᠰᠣᠨᠣᠰᠬᠤ ᠳ᠋ᠠᠭᠠᠨ
ᠦᠯᠡᠮᠵᠢ ᠭᠤᠸᠠ ᠥᠬᠢᠨ ᠴᠢ ᠠᠶᠤᠬᠤ ᠬᠡᠷᠡᠭ ᠦᠭᠡᠢ ᠶ᠋ᠢ ᠤᠬᠠᠭᠠᠷᠠᠨᠠ
ᠪᠤᠭᠤᠷᠤᠯ ᠬᠣᠷᠸᠠ ᠳ᠋ᠤ᠌ ᠮᠢᠩᠭᠠᠨ ᠵᠢᠯ ᠦ᠋ᠨ ᠡᠮᠦᠨᠡ ᠠᠮᠢᠳᠤᠷᠠᠭᠠᠳ
ᠪᠤᠴᠠᠭᠠᠳ ᠶᠠᠪᠤᠴᠢᠬᠠᠭᠰᠠᠨ ᠨᠠᠢᠷᠠᠭᠴᠢ ᠡᠷᠭᠢᠵᠦ ᠢᠷᠡᠭᠰᠡᠨ ᠢ᠋ ᠣᠢᠯᠠᠭᠠᠨᠠ᠃