ᠮᠢᠨᠦ ᠳᠠᠭᠤᠯᠠᠬᠤ ᠳᠠᠭᠤᠤ- ᠸᠠᠴᠢᠷᠪᠠᠲᠤ ᠶ᠋ᠢᠨ ᠳᠠᠰᠢᠪᠠᠯᠪᠠᠷ Миний дуулах дуу - Очирбатын Дашбалбар
584ᠮᠢᠨᠦ ᠳᠠᠭᠤᠯᠠᠬᠤ ᠳᠠᠭᠤᠤ
ᠠᠨᠢᠷ ᠴᠢᠮᠡᠭᠡ ᠦᠭᠡᠢ ᠠᠮᠢᠳᠤᠷᠠᠵᠤ ᠶᠠᠪᠤᠬᠤ ᠳ᠋ᠤᠨᠢ ᠠᠩᠵᠠᠭᠠᠷᠠᠮᠠ ᠦᠭᠡᠢ ᠴᠦ᠍
ᠠᠶᠤᠯ ᠲᠤᠯᠤᠭᠠᠳ ᠢᠷᠡᠬᠦ ᠳ᠋ᠦ᠍ ᠠᠶᠤᠩᠭᠠ ᠪᠣᠯᠣᠭᠰᠠᠳ ᠢ᠋ ᠠᠯᠳᠠᠷᠰᠢᠭᠤᠯᠤᠨ ᠳᠠᠭᠤᠯᠠᠨᠠᠮ
ᠴᠠᠰᠤᠲᠤ ᠲᠠᠯᠠ ᠳ᠋ᠤ᠌ ᠡᠪᠦᠯ ᠦ᠋ᠨ ᠰᠥᠨᠢ ᠠᠳᠤᠭᠤ ᠪᠠᠨ ᠣᠳᠣᠳ ᠲᠠᠢ ᠴᠣᠭ ᠮᠠᠨᠠᠵᠤ ᠬᠣᠨᠣᠳᠠᠭ
ᠴᠠᠩᠳᠠᠭᠰᠠᠨ ᠬᠥᠮᠥᠰᠬᠡ ᠲᠡᠢ ᠴᠦ᠍ ᠡᠩᠭᠡᠷ ᠨᠢ ᠵᠠᠳᠠᠭᠠᠢ ᠠᠳᠤᠭᠤᠴᠢᠨ ᠡᠷᠡᠰ ᠢ᠋ ᠠᠯᠳᠠᠷᠰᠢᠭᠤᠯᠤᠨ ᠳᠠᠭᠤᠯᠠᠨᠠᠮ
ᠬᠥᠬᠡ ᠤᠰᠤᠨ ᠳᠡᠭᠡᠷᠡ ᠴᠠᠭᠠᠨ ᠴᠡᠴᠡᠭ ᠤᠷᠭᠤᠭᠤᠯᠵᠤ ᠤᠰᠤᠨ ᠳᠣᠲᠣᠷᠠ ᠠ᠋ᠴᠠ ᠭᠠᠯ ᠭᠠᠷᠭᠠᠵᠤ ᠠᠪᠬᠤ
ᠭᠠᠯ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠪᠠᠰᠠ ᠴᠡᠴᠡᠭ ᠵᠠᠩᠭᠢᠳᠬᠤ ᠥᠬᠢᠳ ᠢ᠋ ᠠᠯᠳᠠᠷᠰᠢᠭᠤᠯᠤᠨ ᠳᠠᠭᠤᠯᠠᠨᠠᠮ
ᠠᠭᠤᠯᠠᠨ ᠳ᠋ᠤ᠌ ᠲᠦᠯᠡᠭᠡ ᠪᠡᠯᠡᠳᠴᠦ ᠶᠠᠪᠤᠭᠠ ᠬᠦᠳᠡᠷ ᠡᠷᠡᠴᠦᠦᠯ ᠢ᠋
ᠣᠲᠣᠭᠠᠲᠤ ᠮᠠᠢᠬᠠᠨ ᠠᠶᠠᠨ ᠤ᠋ ᠲᠣᠭᠣᠭᠠ ᠰᠢᠨᠠᠭᠠ ᠲᠠᠢ ᠨᠢ ᠠᠯᠳᠠᠷᠰᠢᠭᠤᠯᠤᠨ ᠳᠠᠭᠤᠯᠠᠨᠠᠮ
ᠤᠭ ᠠ᠋ᠴᠠ ᠪᠠᠨ ᠬᠠᠷᠠ ᠪᠢᠰᠢ ᠬᠠᠷᠠᠬᠤ ᠳ᠋ᠤ᠌ ᠯᠠ ᠬᠠᠷᠠ ᠥᠩᠭᠡ ᠲᠡᠢ ᠴᠦ᠍
ᠬᠠᠷᠠᠩᠭᠤᠢ ᠶ᠋ᠢ ᠰᠢᠳᠡᠵᠦ ᠭᠡᠢᠭᠦᠯᠳᠡᠭ ᠨᠡᠭᠦᠷᠡᠰᠦ ᠶ᠋ᠢ ᠳᠠᠭᠤᠯᠠᠨᠠᠮ᠃
ᠰᠢᠯᠦᠭ ᠪᠢᠴᠢᠬᠦ ᠡᠴᠡ ᠠᠷᠭᠠ ᠦᠭᠡᠢ
ᠰᠡᠭᠦᠷᠡᠰᠦ ᠠᠯᠲᠠᠨ ᠠᠷᠤ ᠠ᠋ᠴᠠ ᠨᠢ ᠳᠠᠭᠠᠬᠤ ᠠ᠋ᠴᠠ ᠴᠤ᠌ ᠠᠷᠭᠠ ᠦᠭᠡᠢ ᠥᠬᠢᠳ ᠢ᠋
ᠰᠢᠭᠦᠳᠡᠷᠢᠲᠦ ᠥᠷᠯᠥᠭᠡᠭᠦᠷ ᠬᠥᠯ ᠨᠢᠴᠦᠭᠦᠨ ᠶᠠᠪᠤᠬᠤ ᠳ᠋ᠤᠨᠢ ᠠᠯᠳᠠᠷᠰᠢᠭᠤᠯᠤᠨ ᠳᠠᠭᠤᠯᠠᠨᠠᠮ᠃
ᠬᠣᠪ ᠵᠥᠭᠡᠭᠡᠳᠡᠭ ᠦᠭᠡᠢ
ᠵᠥᠭᠡᠭᠡᠭᠰᠡᠨ ᠬᠣᠪ ᠢ᠋ ᠬᠦᠯᠢᠶᠡᠵᠦ ᠠᠪᠳᠠᠭ ᠦᠭᠡᠢ ᠬᠥᠮᠦᠰ ᠢ᠋ ᠠᠯᠳᠠᠷᠰᠢᠭᠤᠯᠤᠨ ᠳᠠᠭᠤᠯᠠᠨᠠᠮ᠃
ᠬᠣᠣᠷᠲᠤ ᠮᠣᠭᠠᠢ ᠭᠠᠷ ᠲᠠᠭᠠᠨ ᠣᠷᠢᠶᠠᠵᠤ
ᠬᠥᠮᠦᠰ ᠡᠴᠡ ᠬᠣᠯᠠᠳᠤᠭᠤᠯᠤᠭᠴᠢ ᠠᠷᠭᠠᠳᠠᠨ ᠢ᠋ ᠮᠠᠭᠲᠠᠨ ᠳᠠᠭᠤᠯᠠᠨᠠᠮ᠃
ᠠᠶᠠᠨ ᠵᠠᠮ ᠳ᠋ᠤ᠌ ᠠᠵᠢᠯ ᠲᠥᠷᠥᠯ ᠳ᠋ᠦ᠍
ᠠᠮᠠᠷᠠᠭ ᠤ᠋ᠨ ᠪᠣᠯᠵᠣᠭᠠᠨ ᠳ᠋ᠤ᠌ ᠶᠠᠪᠤᠭᠠ ᠬᠥᠮᠦᠰ ᠢ᠋ ᠠᠯᠳᠠᠷᠰᠢᠭᠤᠯᠤᠨ
ᠳᠠᠭᠤᠯᠠᠨᠠᠮ᠂ ᠳᠠᠭᠤᠯᠠᠨᠠᠮ᠃