ᠨᠢᠭᠡᠨ ᠨᠣᠮ ᠲᠠᠪᠴᠠᠩ ᠦ᠋ᠨ ᠡᠳᠦᠷ ᠦ᠋ᠨ ᠲᠡᠮᠳᠡᠭᠯᠡᠯ ᠡᠴᠡ – 21 Нэгэн ном тавцан үн өдөр үн тэмдэглэлээс – 21
484 ᠨᠢᠭᠡ ᠶᠠᠳᠠᠭᠤ ᠠᠮᠢᠳᠤᠷᠠᠯ ᠲᠠᠢ ᠵᠠᠯᠠᠭᠤ ᠥᠪᠡᠷ ᠦ᠋ᠨ ᠠᠮᠢᠳᠤᠷᠠᠯ ᠳ᠋ᠠᠭᠠᠨ ᠢᠲᠡᠭᠡᠯ ᠠᠯᠳᠠᠵᠤ ᠭᠤᠳᠤᠷᠠᠭᠠᠳ ᠣᠯᠠᠨ ᠭᠠᠵᠠᠷ ᠬᠦᠷᠴᠦ ᠵᠠᠶᠠᠭᠠ ᠪᠠᠨ ᠪᠣᠳᠣᠭᠤᠯᠵᠠᠢ᠃ ᠡᠭᠦᠨ ᠦ᠌ ᠳ᠋ᠦᠩ ᠳ᠋ᠦ᠍ ᠲᠡᠷᠡ ᠤᠯᠠᠮ ᠴᠦ᠍ ᠢᠲᠡᠭᠡᠯ ᠠᠯᠳᠠᠭᠰᠠᠨ ᠪᠠᠢᠯᠠ᠃ ᠲᠡᠭᠡᠭᠡᠳ ᠬᠠᠮᠤᠭ ᠡᠴᠦᠰ ᠦ᠋ᠨ ᠤᠳᠠᠭᠠ ᠬᠤᠪᠢ ᠵᠠᠶᠠᠭᠠ ᠪᠠᠨ ᠨᠢᠭᠡ ᠦᠵᠡᠭᠦᠯᠦᠶᠡ ᠭᠡᠵᠦ ᠪᠣᠳᠣᠭᠠᠳ ᠨᠢᠭᠡ ᠨᠡᠷᠡ ᠬᠦᠨᠳᠦ ᠲᠡᠢ ᠯᠠᠮᠠ ᠠ᠋ᠴᠠ ᠠᠢᠯᠠᠳᠬᠠᠯ ᠰᠣᠨᠣᠰᠬᠤ ᠪᠠᠷ ᠢᠷᠡᠵᠡᠢ᠃ ᠲᠡᠷᠡ ᠬᠥᠮᠦᠨ᠄《ᠪᠠᠭᠰᠢᠲᠠᠨ ᠰᠠᠢᠨ ᠪᠠᠢᠨᠠ ᠤᠤ? ᠡᠨᠡ ᠶᠢᠷᠲᠢᠨᠴᠦ ᠳ᠋ᠦ᠍ ᠦᠨᠡᠬᠡᠷ ᠬᠤᠪᠢ ᠵᠠᠶᠠᠭᠠ ᠭᠡᠳᠡᠭ ᠶᠠᠭᠤᠮᠠ ᠪᠠᠢᠨᠠ ᠤᠤ?》 ᠭᠡᠵᠦ ᠠᠰᠠᠭᠤᠬᠤ ᠳ᠋ᠤ᠌ ᠯᠠᠮᠠ᠄《ᠪᠠᠢᠨᠠ》 ᠭᠡᠵᠡᠢ᠃ ᠲᠡᠷᠡ ᠵᠠᠯᠠᠭᠤ᠄《ᠲᠡᠢᠮᠦ ᠪᠣᠯ ᠪᠢ ᠨᠢᠭᠡ ᠨᠠᠰᠤ ᠪᠠᠷ ᠢ᠋ᠶ᠋ᠠᠨ ᠶᠠᠳᠠᠭᠤ ᠠᠮᠢᠳᠤᠷᠠᠬᠤ ᠬᠤᠪᠢ ᠵᠠᠶᠠᠭᠠ ᠲᠠᠢ ᠤᠤ?》 ᠭᠡᠵᠦ ᠠᠰᠠᠭᠤᠬᠤ ᠳ᠋ᠤ᠌ ᠯᠠᠮᠠ ᠵᠠᠯᠠᠭᠤ ᠶ᠋ᠢᠨ ᠭᠠᠷ ᠤ᠋ᠨ ᠠᠯᠠᠭᠠ ᠶ᠋ᠢ ᠳᠡᠯᠭᠡᠵᠦ᠄《 ᠴᠢ ᠦᠵᠡ! ᠡᠭᠦᠨ ᠢ᠋ ᠴᠢᠨᠦ ᠠᠵᠢᠯ ᠦᠢᠯᠡᠰ ᠢ᠋ ᠬᠠᠷᠠᠭᠤᠯᠵᠤ ᠪᠠᠢᠬᠤ ᠵᠢᠷᠤᠭᠠᠰᠤ ᠭᠡᠨᠡ᠃ ᠡᠭᠦᠨ ᠢ᠋ ᠴᠢᠨᠦ ᠠᠮᠢ ᠨᠠᠰᠤ ᠶ᠋ᠢ ᠬᠠᠷᠠᠭᠤᠯᠵᠤ ᠪᠠᠢᠭᠠ ᠵᠢᠷᠤᠭᠠᠰᠤ ᠭᠡᠨᠡ᠃ ᠡᠭᠦᠨ ᠢ᠋ ᠴᠢᠨᠦ ᠢᠨᠠᠭ ᠬᠠᠢᠷᠠ ᠶ᠋ᠢ ᠬᠠᠷᠠᠭᠤᠯᠵᠤ ᠪᠠᠢᠭᠠ ᠵᠢᠷᠤᠭᠠᠰᠤ ᠭᠡᠨᠡ》 ᠭᠡᠵᠦ ᠨᠢᠭᠡ ᠨᠢᠭᠡ ᠪᠡᠷ ᠬᠡᠯᠡᠵᠦ ᠥᠭᠭᠦᠭᠡᠳ ᠵᠠᠯᠠᠭᠤ ᠶ᠋ᠢᠨ ᠭᠠᠷ ᠤ᠋ᠨ ᠠᠯᠠᠭᠠ ᠶ᠋ᠢ ᠬᠤᠮᠢᠵᠤ ᠥᠭᠴᠡᠢ᠃ ᠮᠠᠯ ᠭᠠᠢᠬᠠᠭᠰᠠᠨ ᠲᠡᠷᠡ ᠵᠠᠯᠠᠭᠤ᠄《ᠲᠡᠭᠡᠭᠡᠳ ᠬᠤᠪᠢ ᠵᠠᠶᠠᠭᠠ ᠨᠢ ᠬᠠᠮᠢᠭᠠ ᠪᠠᠢᠬᠤ ᠪᠣᠢ?》 ᠭᠡᠵᠦ ᠯᠠᠮᠠ ᠠ᠋ᠴᠠ ᠠᠰᠠᠭᠤᠪᠠᠯ᠄《ᠠᠳᠬᠤᠨ ᠳ᠋ᠤ᠌ ᠴᠢᠨᠢ ᠪᠠᠢᠬᠤ ᠪᠢᠰᠢ ᠤᠤ?》 ᠭᠡᠵᠦ ᠲᠡᠷᠡ ᠯᠠᠮᠠ ᠬᠠᠷᠢᠭᠤᠯᠤᠭᠰᠠᠨ ᠭᠡᠨᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ