ᠳᠣᠯᠣᠭᠠᠨ ᠨᠣᠭᠣᠭᠠᠨ ᠥᠨᠳᠡᠭᠡ ᠲᠡᠢ ᠳᠣᠭᠣᠯᠠᠩ ᠱᠠᠭᠠᠵᠠᠭᠠᠢ - ᠨᠠᠷᠠᠨᠲ᠋ᠤᠤᠯᠢДолоон ногоон өндөгтэй доголон шаазгай - Нарантууль
719ᠳᠣᠯᠣᠭᠠᠨ ᠨᠣᠭᠣᠭᠠᠨ ᠥᠨᠳᠡᠭᠡ ᠲᠡᠢ ᠳᠣᠭᠣᠯᠠᠩ ᠱᠠᠭᠠᠵᠠᠭᠠᠢ
ᠡᠷᠲᠡ ᠤᠷᠢᠳᠤ ᠶ᠋ᠢᠨ ᠴᠠᠭ ᠲᠤ᠌
ᠰᠦᠮᠪᠦᠷ ᠠᠭᠤᠯᠠ ᠶ᠋ᠢ ᠳᠣᠪᠣ ᠲᠡᠳᠦᠢ ᠪᠠᠢᠬᠤ ᠳ᠋ᠤ᠌
ᠰᠦᠨ ᠳᠠᠯᠠᠢ ᠶ᠋ᠢ ᠱᠠᠯᠪᠠᠭ ᠲᠡᠳᠦᠢ ᠪᠠᠢᠬᠤ ᠳ᠋ᠤ᠌
ᠨᠢᠭᠡᠨ ᠳᠣᠯᠣᠭᠠᠨ ᠨᠣᠭᠣᠭᠠᠨ ᠥᠨᠳᠡᠭᠡ ᠲᠡᠢ
ᠳᠣᠭᠣᠯᠠᠩ ᠱᠠᠭᠠᠵᠠᠭᠠᠢ ᠪᠠᠢᠵᠠᠢ ᠭᠡᠨᠡ ᠃
ᠨᠢᠭᠡ ᠡᠳᠦᠷ ᠬᠤᠯᠵᠢᠨ ᠦᠨᠡᠭᠡ ᠬᠣᠤᠬᠢᠯᠠᠭᠰᠠᠭᠠᠷ ᠢᠷᠡᠵᠡᠢ ᠃
《ᠱᠠᠭᠠᠵᠠᠭᠠᠢ ᠴᠢ ᠥᠨᠳᠡᠭᠡ ᠡᠴᠡ ᠪᠡᠨ ᠨᠠᠳᠠ ᠳ᠋ᠤ᠌ ᠥᠭ ᠂ ᠪᠢ ᠢᠳᠡᠶᠡ᠃》
《 ᠥᠭᠬᠦ ᠦᠭᠡᠢ 》
《 ᠬᠡᠩ᠂ ᠬᠡᠷᠪᠡ ᠴᠢ ᠥᠨᠳᠡᠭᠡ ᠡᠴᠡ ᠪᠡᠨ
ᠥᠭᠬᠦ ᠦᠭᠡᠢ ᠶᠤᠮ ᠪᠣᠯ
ᠪᠢ ᠠᠯᠲᠠᠨ ᠤᠯᠢᠶᠠᠰᠤ ᠶ᠋ᠢ ᠴᠢᠨᠢ ᠬᠤᠭᠤ ᠮᠥᠷᠭᠥᠵᠦ
ᠠᠯᠤᠰ ᠤ᠋ᠨ ᠴᠢᠨᠢ ᠲᠣᠭᠣᠰᠣ ᠶ᠋ᠢ ᠮᠠᠨᠠᠷᠠᠭᠤᠯᠤᠨᠠ》
ᠠᠶᠤᠭᠰᠠᠨ ᠱᠠᠭᠠᠵᠠᠭᠠᠢ ᠠᠷᠭᠠ ᠪᠠᠨ ᠪᠠᠷᠠᠬᠤ ᠳ᠋ᠤ᠌ ᠪᠠᠨ ᠨᠢᠭᠡ ᠥᠨᠳᠡᠭᠡ ᠪᠡᠨ ᠥᠭᠴᠡᠢ᠃ ᠠᠮᠲᠠᠨ ᠳ᠋ᠤ᠌ ᠨᠢ ᠣᠷᠣᠭᠰᠠᠨ ᠦᠨᠡᠭᠡ ᠡᠳᠦᠷ ᠳᠠᠷᠠᠭᠠᠯᠠᠨ ᠢᠷᠡᠵᠦ
ᠱᠠᠭᠠᠵᠠᠭᠠᠢ ᠶ᠋ᠢ ᠠᠶᠤᠯᠭᠠᠵᠤ ᠥᠨᠳᠡᠭᠡ ᠶ᠋ᠢ ᠨᠢ ᠠᠪᠤᠭᠰᠠᠭᠠᠷ ᠪᠠᠢᠵᠤ ᠨᠢᠭᠡ ᠮᠡᠳᠡᠬᠦᠳᠦ ᠭᠠᠭᠴᠠᠬᠠᠨ ᠥᠨᠳᠡᠭᠡ ᠦᠯᠡᠳᠡᠴᠢᠬᠡᠵᠡᠢ᠃
ᠱᠠᠭᠠᠵᠠᠭᠠᠢ ᠳᠤᠰᠤᠯ ᠤ᠋ᠨ ᠴᠢᠨᠡᠭᠡᠨ ᠨᠢᠳᠦᠨ ᠡᠴᠡ ᠪᠡᠨ ᠪᠤᠳᠠᠭᠠᠨ ᠴᠢᠨᠡᠭᠡᠨ
ᠨᠢᠯᠪᠤᠰᠤ ᠤᠨᠠᠭᠠᠨ ᠤᠬᠢᠯᠠᠵᠤ ᠪᠠᠢᠯᠠ᠃
ᠣᠭᠣᠲᠣᠨᠠ ᠢᠷᠡᠵᠡᠢ ᠭᠡᠨᠡ᠃
《 ᠱᠠᠭᠠᠵᠠᠭᠠᠢ ᠡᠭᠡᠴᠢ ᠠ᠋᠂ ᠱᠠᠭᠠᠵᠠᠭᠠᠢ ᠡᠭᠡᠴᠢ ᠠ᠋᠂ ᠲᠠ ᠶᠠᠭᠤᠨ ᠳ᠋ᠤ᠌ ᠤᠬᠢᠯᠠᠨᠠ ᠪᠣᠢ?》
《ᠠᠢ ᠳᠠ ᠂ ᠤᠤᠯ ᠨᠢ ᠪᠢ ᠳᠣᠯᠣᠭᠠᠨ ᠥᠨᠳᠡᠭᠡ ᠲᠡᠢ ᠪᠠᠢᠭᠰᠠᠨ ᠶᠤᠮ ᠠ᠋᠂
ᠭᠡᠲᠡᠯᠡ ᠨᠢᠭᠡ ᠦᠨᠡᠭᠡ ᠢᠷᠡᠭᠡᠳ ᠥᠨᠳᠡᠭᠡᠨ ᠡᠴᠡ ᠪᠡᠨ ᠥᠭ ᠭᠡᠬᠦ ᠳ᠋ᠦ᠍ ᠨᠢ ᠥᠭᠬᠦ ᠦᠭᠡᠢ ᠭᠡᠳ ᠯᠡ ᠪᠠᠢᠬᠤ ᠳ᠋ᠤ᠌ ᠲᠡᠷᠡ ᠥᠨᠳᠡᠭᠡ ᠡᠴᠡ ᠪᠡᠨ ᠥᠭᠬᠦ ᠦᠭᠡᠢ ᠶᠤᠮ ᠪᠣᠯ ᠠᠯᠲᠠᠨ ᠤᠯᠢᠶᠠᠰᠤ ᠶ᠋ᠢ ᠴᠢᠨᠢ ᠬᠤᠭᠤ ᠮᠥᠷᠭᠥᠵᠦ ᠠᠯᠤᠰ ᠤ᠋ᠨ ᠲᠣᠭᠣᠰᠣ ᠶ᠋ᠢ ᠴᠢᠨᠢ ᠮᠠᠨᠠᠷᠠᠭᠤᠯᠤᠨᠠ ᠭᠡᠳ ᠪᠠᠢᠬᠤᠯᠠᠷ ᠨᠢ ᠦᠭᠭᠦᠭᠰᠡᠭᠡᠷ ᠪᠠᠢᠵᠤ ᠨᠢᠭᠡ ᠮᠡᠳᠡᠬᠦᠳᠦ ᠭᠠᠭᠴᠠᠬᠠᠨ ᠥᠨᠳᠡᠭᠡ ᠦᠯᠡᠳᠡᠴᠢᠬᠡᠵᠡᠢ᠃
ᠪᠢ ᠴᠣᠬᠣᠮ ᠶᠠᠭᠠᠬᠢᠯᠲᠠᠢ ᠪᠢᠯᠡ ᠳᠠ?》《ᠥ ᠂ ᠲᠡᠢᠮᠦ ᠤᠤ?
ᠲᠡᠭᠡᠪᠡᠯ ᠦᠨᠡᠭᠡ ᠳᠠᠬᠢᠭᠠᠳ ᠢᠷᠡᠪᠡᠯ ᠲᠠ ᠥᠭᠬᠦ ᠦᠭᠡᠢ ᠭᠡᠵᠦ ᠬᠡᠯᠡ ᠂ ᠦᠨᠡᠭᠡ ᠲᠡᠷᠡ ᠦᠭᠡ ᠪᠡᠨ ᠬᠡᠯᠡᠬᠦ ᠳ᠋ᠦ᠍ ᠨᠢ ᠠᠯᠲᠠᠨ ᠤᠯᠢᠶᠠᠰᠤ ᠶ᠋ᠢ ᠬᠤᠭᠤ ᠮᠥᠷᠭᠥᠬᠦ ᠡᠪᠡᠷ ᠴᠢᠨᠢ ᠬᠠᠮᠢᠭᠠ ᠪᠠᠢᠨᠠ?
ᠠᠯᠤᠰ ᠤ᠋ᠨ ᠲᠣᠭᠣᠰᠣ ᠶ᠋ᠢ ᠮᠠᠨᠠᠷᠠᠭᠤᠯᠬᠤ ᠲᠤᠭᠤᠷᠠᠢ ᠴᠢᠨᠢ ᠬᠠᠮᠢᠭᠠ ᠪᠠᠢᠨᠠ?
ᠭᠡᠵᠦ ᠠᠰᠠᠭᠤᠭᠠᠷᠠᠢ᠂ ᠦᠨᠡᠭᠡ᠂ ᠬᠡᠨ ᠴᠢᠮᠠ ᠳ᠋ᠤ᠌ ᠬᠡᠯᠡᠵᠦ ᠦᠭᠭᠦᠭᠰᠡᠨ ᠶᠤᠮ ᠭᠡᠵᠦ ᠠᠰᠠᠭᠤᠪᠠᠯ ᠪᠢᠲᠡᠭᠡᠢ ᠨᠠᠮᠠ ᠶ᠋ᠢ ᠬᠡᠯᠡᠵᠡᠢ ᠭᠡᠵᠦ ᠬᠡᠯᠡ ᠭᠡᠳ ᠬᠡᠯᠡᠵᠦ ᠵᠢᠭᠠᠵᠤ ᠥᠭᠭᠦᠭᠡᠳ》
ᠣᠭᠣᠲᠣᠨᠠ ᠶᠠᠪᠤᠴᠢᠬᠠᠪᠠ ᠃
ᠱᠠᠭᠠᠵᠠᠭᠠᠢ ᠠᠷᠭᠠ ᠲᠠᠢ ᠪᠣᠯᠤᠭᠰᠠᠨ ᠳ᠋ᠤ᠌ ᠪᠠᠨ ᠪᠠᠶᠠᠷᠯᠠᠭᠠᠳ ᠰᠠᠭᠤᠵᠤ ᠪᠠᠢᠲᠠᠯᠠ ᠦᠨᠡᠭᠡ ᠢᠷᠡᠵᠡᠢ᠃ 《 ᠱᠠᠭᠠᠵᠠᠭᠠᠢ ᠴᠢ ᠦᠯᠡᠳᠡᠭᠰᠡᠨ ᠥᠨᠳᠡᠭᠡ ᠪᠡᠨ ᠬᠤᠷᠳᠤᠨ ᠨᠠᠳᠠ ᠳ᠋ᠤ᠌ ᠥᠭ 》
《ᠥᠭᠬᠦ ᠦᠭᠡᠢ 》
《ᠬᠡᠷᠪᠡ ᠴᠢ ᠥᠨᠳᠡᠭᠡ ᠡᠴᠡ ᠪᠡᠨ ᠥᠭᠬᠦ ᠦᠭᠡᠢ ᠶᠤᠮ ᠪᠣᠯ ᠪᠢ ᠠᠯᠲᠠᠨ ᠤᠯᠢᠶᠠᠰᠤ ᠶ᠋ᠢ ᠴᠢᠨᠢ ᠬᠤᠭᠤ ᠮᠥᠷᠭᠥᠵᠦ ᠂
ᠠᠯᠤᠰ ᠤ᠋ᠨ ᠲᠣᠭᠣᠰᠣ ᠶ᠋ᠢ ᠴᠢᠨᠢ ᠮᠠᠨᠠᠷᠠᠭᠤᠯᠤᠨᠠ》
《 ᠠ ᠲᠡᠢᠮᠦ ᠤᠤ?
ᠲᠡᠭᠡᠪᠡᠯ ᠲᠠᠨ ᠤ᠋ ᠠᠯᠲᠠᠨ ᠤᠯᠢᠶᠠᠰᠤ ᠶ᠋ᠢ ᠬᠤᠭᠤ ᠮᠥᠷᠭᠥᠬᠦ ᠡᠪᠡᠷ ᠴᠢᠨᠢ ᠬᠠᠮᠢᠭᠠ ᠪᠠᠢᠨᠠ?
ᠠᠯᠤᠰ ᠤ᠋ᠨ ᠲᠣᠭᠣᠰᠣ ᠶ᠋ᠢ ᠮᠠᠨᠠᠷᠠᠭᠤᠯᠬᠤ ᠲᠤᠭᠤᠷᠠᠢ ᠴᠢᠨᠢ ᠬᠠᠮᠢᠭᠠ ᠪᠠᠢᠨᠠ? 》
《 ᠦ᠂ ᠡᠨᠡ ᠦᠭᠡ ᠶ᠋ᠢ ᠬᠡᠨ ᠴᠢᠮᠠ ᠳ᠋ᠤ᠌ ᠵᠢᠭᠠᠵᠤ ᠦᠭᠭᠦᠭᠰᠡᠨ ᠶᠤᠮ? 》
《ᠪᠣᠳᠣᠨ ᠪᠣᠳᠣᠨ ᠪᠣᠳᠣᠯ ᠣᠷᠣᠪᠠ᠂ ᠤᠨᠲᠠᠨ ᠤᠨᠲᠠᠨ ᠤᠬᠠᠭᠠᠨ ᠣᠷᠣᠪᠠ ᠂
ᠰᠠᠨᠠᠨ ᠰᠠᠨᠠᠨ ᠰᠠᠨᠠᠭᠠ ᠣᠷᠣᠪᠠ 》
《ᠪᠢᠰᠢ ᠠ᠋᠂ ᠪᠢᠰᠢ ᠂ ᠯᠠᠪᠲᠠᠢ ᠴᠢᠮᠠ ᠳ᠋ᠤ᠌ ᠬᠥᠮᠦᠨ ᠬᠡᠯᠡᠵᠦ ᠦᠭᠭᠦᠭᠰᠡᠨ ᠃
ᠬᠡᠷᠪᠡ ᠴᠢ ᠦᠨᠡᠨ ᠢ᠋ᠶ᠋ᠡᠨ ᠶᠠᠷᠢᠬᠤ ᠦᠭᠡᠢ ᠶᠤᠮ ᠪᠣᠯ ᠪᠢ ᠦᠨᠡᠭᠡ ᠶ᠋ᠢᠨ ᠠᠷᠪᠠᠨ ᠭᠤᠷᠪᠠᠨ ᠮᠡᠬᠡ ᠶ᠋ᠢ ᠦᠵᠡᠭᠦᠯᠵᠦ ᠥᠴᠦᠬᠡᠨ ᠪᠡᠶᠡ ᠶ᠋ᠢ ᠴᠢᠨᠢ ᠪᠠᠷᠢᠵᠤ ᠢᠳᠡᠨᠡ 》
ᠱᠠᠭᠠᠵᠠᠭᠠᠢ ᠡᠭᠦᠨ ᠢ᠋ ᠰᠣᠨᠣᠰᠤᠩᠭᠤᠲᠠ ᠠᠶᠤᠭᠠᠳ《 ᠪᠣᠷᠣ ᠰᠢᠷᠣᠢ ᠳ᠋ᠤ᠌ ᠨᠦᠬᠡ ᠲᠡᠢ ᠣᠭᠣᠲᠣᠨᠠ ᠵᠢᠭᠠᠵᠤ ᠦᠭᠭᠦᠭᠰᠡᠨ》 ᠭᠡᠨᠡ᠃
ᠦᠨᠡᠭᠡ ᠣᠭᠣᠲᠣᠨᠠ ᠶ᠋ᠢᠨ ᠨᠦᠬᠡᠨ ᠳ᠋ᠦ᠍ ᠣᠴᠢᠭᠠᠳ ᠄《 ᠣᠭᠣᠲᠣᠨᠠ ᠳᠡᠭᠦᠦ ᠮᠢᠨᠢ ᠭᠠᠷᠤᠭᠠᠳ ᠢᠷᠡ ᠂
ᠪᠢᠳᠡ ᠬᠣᠶᠠᠷ ᠰᠠᠢᠬᠠᠨ ᠵᠣᠭᠣᠭᠳᠠᠶᠠ》
《 ᠦ᠂ ᠦᠨᠡᠭᠡ ᠠᠬᠠ ᠠ᠋ ᠂ ᠪᠢ ᠭᠡᠷ ᠢ᠋ᠶ᠋ᠡᠨ ᠴᠡᠪᠡᠷᠯᠡᠵᠦ ᠪᠠᠢᠨᠠ 》 ᠦᠨᠡᠭᠡ ᠣᠭᠣᠲᠣᠨᠠ ᠶ᠋ᠢᠨ ᠭᠡᠷ ᠢ᠋ᠶ᠋ᠡᠨ ᠴᠡᠪᠡᠷᠯᠡᠵᠦ ᠪᠠᠷᠠᠬᠤ ᠶ᠋ᠢ ᠬᠦᠯᠢᠶᠡᠭᠰᠡᠭᠡᠷ ᠪᠠᠢᠵᠤ ᠡᠷᠭᠢᠭᠡᠳ ᠳᠠᠭᠤᠳᠠᠲᠠᠯᠠ
《ᠦ ᠂ ᠦᠨᠡᠭᠡ ᠠᠬᠠ ᠠ᠋᠂ ᠪᠢ ᠲᠣᠯᠢ ᠪᠠᠨ ᠠᠷᠴᠢᠵᠤ ᠪᠠᠢᠨᠠ》
ᠦᠨᠡᠭᠡ ᠣᠭᠣᠲᠣᠨᠠ ᠶ᠋ᠢᠨ ᠲᠣᠯᠢ ᠪᠠᠨ ᠠᠷᠴᠢᠵᠤ ᠪᠠᠷᠠᠬᠤ ᠶ᠋ᠢ ᠬᠦᠯᠢᠶᠡᠭᠰᠡᠭᠡᠷ ᠪᠠᠢᠵᠤ ᠲᠡᠰᠬᠦ ᠠᠯᠳᠠᠷᠠᠵᠤ
《ᠣᠭᠣᠲᠣᠨᠠ ᠳᠡᠭᠦᠦ ᠮᠢᠨᠢ ᠬᠤᠷᠳᠤᠨ ᠭᠠᠷᠤᠭᠠᠳ ᠢᠷᠡ᠂
ᠪᠢᠳᠡ ᠬᠣᠶᠠᠭᠤᠯᠠ ᠰᠠᠢᠬᠠᠨ ᠨᠠᠭᠠᠳᠤᠶᠠ》ᠣᠭᠣᠲᠣᠨᠠ ᠲᠣᠯᠣᠭᠠᠢ ᠪᠠᠨ ᠴᠤᠬᠤᠢᠯᠭᠠᠪᠠ ᠃
《 ᠦ᠂ ᠲᠣᠯᠣᠭᠠᠢ ᠨᠢ ᠡᠢᠮᠦ ᠬᠥᠭᠡᠷᠦᠬᠦᠨ ᠶᠤᠮ ᠴᠢᠨᠢ
ᠴᠡᠭᠡᠵᠢ ᠨᠢ ᠨᠡᠩ ᠬᠥᠭᠡᠷᠦᠬᠦᠨ ᠪᠠᠢᠬᠠ 》 ᠬᠥᠭᠡᠷᠦᠭᠰᠡᠨ ᠣᠭᠣᠲᠣᠨᠠ ᠴᠡᠭᠡᠵᠢ ᠪᠡᠨ ᠭᠠᠷᠭᠠᠪᠠ ᠃《 ᠴᠡᠭᠡᠵᠢ ᠨᠢ ᠡᠢᠮᠦ ᠬᠥᠭᠡᠷᠦᠬᠦᠨ ᠪᠠᠢᠬᠤ ᠳ᠋ᠤ᠌
ᠪᠥᠭᠰᠡ ᠨᠢ ᠨᠡᠩ ᠬᠥᠭᠡᠷᠦᠬᠦᠨ ᠪᠠᠢᠬᠠ! ᠪᠥᠮᠪᠥᠭᠡ ᠠᠳᠠᠯᠢ ᠪᠥᠮ ᠪᠥᠨᠲᠥᠭᠡᠷ 》
ᠪᠠᠶᠠᠷᠯᠠᠭᠰᠠᠨ ᠣᠭᠣᠲᠣᠨᠠ ᠪᠥᠭᠰᠡ ᠪᠡᠨ ᠭᠠᠷᠭᠠᠪᠠ᠂᠃《 ᠪᠥᠭᠰᠡ ᠨᠢ ᠡᠢᠮᠦ ᠥᠬᠥᠭᠡᠷᠳᠡᠮᠡ ᠶᠤᠮ ᠴᠢᠨᠢ ᠰᠡᠭᠦᠯ ᠨᠢ ᠨᠡᠩ ᠥᠬᠥᠭᠡᠷᠳᠡᠮᠡ ᠪᠠᠢᠬᠠ᠂ ᠲᠡᠢᠮᠦ ᠪᠢᠵᠡ? 》 ᠪᠠᠶᠠᠷᠯᠠᠭᠰᠠᠨ ᠣᠭᠣᠲᠣᠨᠠ ᠰᠡᠭᠦᠯ ᠢ᠋ᠶ᠋ᠡᠨ ᠭᠠᠷᠭᠠᠵᠠᠢ ᠃《 ᠪᠡᠶᠡ ᠨᠢ ᠡᠢᠮᠦ ᠬᠥᠭᠡᠷᠦᠬᠦᠨ ᠶᠤᠮ ᠴᠢᠨᠢ ᠪᠥᠮ ᠪᠥᠮ ᠱᠣᠭᠰᠢᠬᠤ ᠨᠢ ᠨᠡᠩ ᠬᠥᠭᠡᠷᠦᠬᠦᠨ ᠪᠢᠵᠡ?》 ᠨᠢᠭᠡᠮᠦᠰᠦᠨ ᠬᠥᠭᠡᠷᠦᠭᠰᠡᠨ ᠣᠭᠣᠲᠣᠨᠠ ᠡᠭᠦᠷ ᠢ᠋ᠶ᠋ᠡᠨ ᠲᠣᠭᠣᠷᠢᠭᠠᠳ ᠭᠦᠶᠦᠬᠦ ᠭᠡᠲᠡᠯᠡ ᠦᠨᠡᠭᠡ ᠡᠮᠬᠦᠭᠡᠳ ᠠᠪᠴᠠᠢ᠃ ᠰᠠᠨᠳᠤᠷᠤᠭᠰᠠᠨ ᠣᠭᠣᠲᠣᠨᠠ ᠰᠠᠮᠪᠠᠭᠠ ᠲᠥᠷᠥᠵᠦ
《ᠦ᠂ ᠦᠨᠡᠭᠡ ᠠᠬᠠ ᠠ᠋ ᠂ ᠲᠠ ᠨᠠᠮᠠ ᠶ᠋ᠢ ᠢᠳᠡᠨᠡ ᠭᠡᠪᠡᠯ ᠪᠢᠲᠡᠭᠡᠢ ᠥᠮᠥᠷ ᠥᠮᠥᠷ ᠭᠡᠵᠦ ᠢᠳᠡᠭᠡᠷᠡᠢ᠂ ᠦᠮᠡᠬᠡᠢ ᠠᠮᠲᠠᠭᠳᠠᠨᠠ ᠭᠡᠨᠡ ᠰᠢᠦ᠃ ᠠᠩᠭᠠᠷ ᠠᠩᠭᠠᠷ ᠭᠡᠵᠦ ᠢᠳᠡᠭᠡᠷᠡᠢ᠂ ᠠᠮᠲᠠᠲᠠᠢ ᠠᠮᠲᠠᠭᠳᠠᠨᠠ ᠭᠡᠨᠡ ᠰᠢᠦ 》
ᠨᠢᠭᠡ ᠡᠳᠦᠷ ᠥᠯᠥᠰᠦᠭᠡᠳ ᠢᠷᠡᠭᠰᠡᠨ ᠦᠨᠡᠭᠡ ᠰᠠᠢᠬᠠᠨ ᠢᠳᠡᠶᠡ ᠭᠡᠵᠦ ᠠᠮᠠ ᠪᠠᠨ ᠠᠩᠭᠠᠢᠲᠠᠯᠠ ᠣᠭᠣᠲᠣᠨᠠ ᠪᠤᠯᠲᠠᠰᠬᠢᠵᠦ ᠨᠦᠬᠡᠨ ᠳ᠋ᠦ᠍ ᠪᠡᠨ ᠰᠢᠷᠭᠤᠵᠠᠢ ᠃
ᠬᠣᠭᠣᠰᠣᠨ ᠬᠣᠴᠣᠷᠤᠭᠰᠠᠨ ᠦᠨᠡᠭᠡ ᠬᠣᠯᠠ ᠶ᠋ᠢ ᠵᠣᠷᠢᠨ ᠣᠳᠤᠯᠠ᠃ ᠬᠣᠶᠠᠷ ᠰᠠᠭᠠᠬᠠᠯᠲᠠ ᠡᠭᠦᠨ ᠡᠴᠡ ᠬᠣᠢᠰᠢ ᠠᠮᠤᠷ ᠵᠢᠮᠦᠷ ᠠᠮᠢᠳᠤᠷᠠᠭᠰᠠᠨ ᠶᠤᠮ ᠭᠡᠨᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠮᠢᠳᠤᠭᠮᠠ
ᠬᠢᠨᠠᠭᠴᠢ᠄ ᠮᠥᠴᠢᠷ᠂ ᠣᠳᠬᠠᠨᠰᠣᠠ