ᠲᠡᠮᠭᠡᠲᠦ ТэмгэтTemget
911ᠲᠡᠮᠭᠡᠲᠦ
ᠲᠡᠮᠭᠡᠲᠦ （1887-1939 ） ᠲᠡᠮᠭᠡᠲᠦ᠂ ᠬᠢᠲᠠᠳ ᠨᠡᠷᠡ ᠸᠠᠩ ᠷᠦᠢ ᠴᠠᠩ᠂ ᠡᠷᠭᠦᠭᠰᠡᠨ ᠨᠡᠷᠡ ᠶᠢᠨ ᠾᠧᠦ᠂ ᠡᠷᠡᠭᠲᠡᠢ᠂ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ᠂ ᠳᠤᠮᠳᠠᠳᠤ ᠤᠯᠤᠰ ᠊ᠤᠨ ᠣᠢᠷᠠ ᠦᠶᠡ ᠶ᠋ᠢᠨ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠪ ᠮᠣᠩᠭᠣᠯ ᠬᠣᠷᠭᠣᠯᠵᠢᠨ ᠦᠰᠦᠭ ᠊ᠤᠨ ᠡᠭᠦᠳᠦᠨ ᠪᠦᠲᠦᠭᠡᠭᠴᠢ ᠪᠠ ᠬᠡᠪᠯᠡᠭᠴᠢ ᠶᠤᠮ᠂ 1888 ᠣᠨ ᠪ1 ᠰᠠᠷᠠ ᠳ᠋ᠤ᠌ （ᠪᠢᠯᠢᠭ ᠊ᠤᠨ ᠤᠯᠠᠷᠢᠯ ᠊ᠤᠨ 12 ᠰᠠᠷᠠ ᠶ᠋ᠢᠨ 7 ᠪ ᠡᠳᠦᠷ ）ᠬᠠᠷᠠᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠬᠤᠰᠢᠭᠤᠨ ᠪ ᠸᠠᠩ ᠊ᠤᠨ ᠬᠦᠷᠢᠶᠡ ᠶ᠋ᠢᠨ ᠳᠡ ᠰᠢ ᠭᠧᠦ ᠮᠧᠨ ᠪ ᠨᠢᠭᠡᠨ ᠡᠭᠡᠯ ᠠᠷᠠᠳ ᠊ᠤᠨ ᠭᠡᠷ ᠲᠤ᠌ ᠲᠥᠷᠥᠵᠡᠢ᠃ ᠬᠠᠷᠠᠬᠠᠨ ᠪᠠᠭᠠ ᠡᠴᠡ ᠪᠠᠨ ᠬᠤᠷᠴᠠ ᠰᠡᠷᠭᠦᠯᠡᠩ ᠰᠤᠷᠬᠤ ᠳ᠋ᠤ᠌ ᠪᠠᠬᠠᠲᠠᠢ ᠪᠠᠢᠵᠤ᠂ ᠭᠦᠩᠰᠠᠩᠨᠣᠷᠪᠤ ᠸᠠᠩ ᠊ᠤᠨ ᠡᠷᠬᠢᠯᠡᠭᠰᠡᠨ ᠴᠥᠩ ᠵᠧᠩ ᠰᠤᠷᠭᠠᠭᠤᠯᠢ ᠳ᠋ᠤ᠌ ᠰᠤᠷᠤᠯᠴᠠᠵᠤ᠂ ᠭᠦᠩᠰᠠᠩᠨᠣᠷᠪᠤ ᠸᠠᠩ ᠳ᠋ᠤ᠌ ᠲᠠᠭᠠᠰᠢᠶᠠᠭᠳᠠᠭᠰᠠᠨ ᠪᠠᠢᠵᠠᠢ᠂ 1902 ᠣᠨ ᠳ᠋ᠤ᠌ ᠪᠡᠭᠡᠵᠢᠩ ᠊ᠤᠨ ᠵᠡᠭᠦᠨ ᠮᠣᠵᠢ ᠶ᠋ᠢᠨ ᠲᠡᠮᠦᠷ ᠵᠠᠮ ᠊ᠤᠨ ᠣᠷᠣᠰ ᠬᠡᠯᠡᠨ ᠪ ᠰᠤᠷᠭᠠᠭᠤᠯᠢ ᠳ᠋ᠤ᠌ ᠲᠣᠮᠢᠯᠠᠵᠤ ᠣᠷᠣᠰ ᠬᠡᠯᠡ ᠲᠤᠰᠬᠠᠢ ᠰᠤᠷᠤᠯᠴᠠᠵᠠᠢ᠃ 1906 ᠣᠨ ᠪ ᠡᠪᠦᠯ ᠪᠠᠰᠠ ᠭᠦᠩᠰᠠᠩᠨᠣᠷᠪᠤ ᠸᠠᠩ ᠶᠠᠫᠣᠨ ᠪ ᠳᠣᠣᠺᠢᠣ᠋ ᠶ᠋ᠢᠨ ᠵᠧᠨ ᠡᠦ ᠰᠤᠷᠭᠠᠭᠤᠯᠢ ᠳ᠋ᠤ᠌ ᠰᠣᠩᠭᠣᠨ ᠲᠣᠮᠢᠯᠠᠵᠤ ᠴᠡᠷᠢᠭ ᠊ᠤᠨ ᠶᠠᠪᠤᠳᠠᠯ ᠰᠤᠷᠤᠯᠴᠠᠭᠤᠯᠵᠠᠢ᠂ ᠰᠡᠭᠦᠯᠡᠷ ᠨᠢ ᠡᠮᠴᠢ ᠰᠤᠷᠴᠤ ᠵᠢᠷᠭᠤᠭᠠᠨ ᠵᠢᠯ ᠊ᠤᠨ ᠳᠠᠷᠠᠭᠠ ᠤᠯᠤᠰ ᠲᠠᠭᠠᠨ ᠪᠤᠴᠠᠨ ᠢᠷᠡᠪᠡ᠃ 1912 ᠣᠨ ᠡᠴᠡ1913 ᠣᠨ ᠬᠦᠷᠲᠡᠯᠡ ᠸᠠᠩ ᠊ᠤᠨ ᠬᠦᠷᠢᠶᠡ᠂ ᠤᠯᠠᠭᠠᠨᠬᠠᠳᠠ ᠣᠷᠴᠢᠮ ᠵᠢᠯ ᠭᠠᠷᠤᠢ ᠡᠮᠴᠢᠯᠡᠵᠦ᠂ 1914 ᠣᠨ ᠳ᠋ᠤ᠌ ᠭᠦᠩᠰᠠᠩᠨᠣᠷᠪᠤ ᠸᠠᠩ ᠪᠡᠭᠡᠵᠢᠩ ᠳ᠋ᠦ᠍ ᠣᠷᠣᠵᠤ ᠮᠣᠩᠭᠣᠯ ᠲᠥᠪᠡᠳ ᠊ᠤᠨ ᠬᠡᠷᠡᠭ ᠡᠷᠬᠢᠯᠡᠬᠦ ᠲᠣᠪᠴᠢᠶᠠ （ᠰᠡᠭᠦᠯᠡᠷ ᠨᠢ ᠮᠣᠩᠭᠣᠯ ᠲᠥᠪᠡᠳ ᠊ᠤᠨ ᠬᠦᠷᠢᠶᠡᠯᠡᠩ ᠭᠡᠵᠦ ᠬᠠᠯᠠᠪᠠ） ᠶ᠋ᠢᠨ ᠶᠡᠷᠦᠩᠬᠡᠢ ᠵᠠᠬᠢᠷᠤᠭᠴᠢ ᠶ᠋ᠢᠨ ᠲᠤᠰᠢᠶᠠᠯ ᠳ᠋ᠤ᠌ ᠭᠠᠷᠤᠭᠰᠠᠨ ᠪ ᠬᠣᠢᠨᠠ ᠣᠨᠴᠣᠭᠣᠢᠯᠠᠨ ᠲᠡᠮᠭᠡᠲᠦ ᠶ᠋ᠢ ᠤᠷᠢᠵᠤ ᠲᠣᠪᠴᠢᠶᠠ ᠶ᠋ᠢᠨ ᠲᠡᠷᠢᠭᠦᠨ ᠣᠷᠴᠢᠭᠤᠯᠤᠭᠴᠢ ᠲᠦᠰᠢᠮᠡᠯ᠂ ᠶᠡᠷᠦᠩᠬᠡᠢ ᠶᠠᠪᠤᠳᠠᠯ ᠊ᠤᠨ ᠰᠠᠯᠠᠭᠠᠨ ᠪ ᠳᠠᠷᠤᠭᠠ᠂ ᠶᠣᠰᠣᠯᠠᠯ ᠊ᠤᠨ ᠵᠤᠷᠭᠠᠨ ᠪ ᠭᠡᠰᠢᠭᠦᠨ ᠪᠥᠭᠡᠳ ᠮᠣᠩᠭᠣᠯ ᠲᠥᠪᠡᠳ ᠰᠤᠷᠭᠠᠭᠤᠯᠢ ᠶ᠋ᠢᠨ ᠫᠷᠣᠹᠧᠰᠰᠣᠷ ᠶ᠋ᠢᠨᠷ ᠵᠠᠯᠠᠵᠠᠢ᠃
ᠲᠡᠮᠭᠡᠲᠦ ᠮᠣᠩᠭᠣᠯ᠂ ᠬᠢᠲᠠᠳ᠂ ᠮᠠᠨᠵᠤ᠂ ᠲᠥᠪᠡᠳ᠂ ᠶᠠᠫᠣᠨ᠂ ᠣᠷᠣᠰ ᠵᠡᠷᠭᠡ ᠣᠯᠠᠨ ᠵᠦᠢᠯ ᠊ᠤᠨ ᠦᠭᠡ ᠬᠡᠯᠡ ᠦᠰᠦᠭ ᠪᠢᠴᠢᠭ ᠲᠤ᠌ ᠴᠠᠭᠠᠷᠠᠭᠰᠠᠨ ᠪᠠᠢᠵᠠᠢ᠃ ᠭᠡᠪᠡᠴᠦ ᠲᠡᠷᠡ ᠥᠨᠳᠥᠷ ᠵᠡᠷᠭᠡ ᠦᠯᠡᠮᠵᠢ ᠹᠦᠩᠯᠦ ᠳ᠋ᠦ᠍ ᠳᠤᠷᠠᠯᠠᠭᠰᠠᠨ ᠦᠭᠡᠢ ᠨᠢᠭᠡ ᠰᠡᠳᠬᠢᠯ ᠶ᠋ᠢᠨᠷ ᠮᠣᠩᠭᠣᠯ ᠦᠨᠳᠦᠰᠦᠲᠡᠨ ᠪ ᠦᠭᠡ ᠬᠡᠯᠡ᠂ ᠤᠳᠬᠠ ᠵᠣᠬᠢᠶᠠᠯ᠂ ᠲᠡᠦᠬᠡ ᠭᠠᠷᠪᠠᠯᠢ ᠶ᠋ᠢ ᠰᠤᠳᠤᠯᠵᠤ᠂ ᠮᠣᠩᠭᠣᠯ᠂ ᠬᠢᠲᠠᠳ᠂ ᠮᠠᠨᠵᠤ᠂ ᠲᠥᠪᠡᠳ ᠦᠰᠦᠭ ᠊ᠤᠨ ᠨᠣᠮ ᠰᠤᠳᠤᠷ ᠊ᠢ ᠣᠷᠴᠢᠭᠤᠯᠬᠤ ᠪᠠ ᠡᠮᠬᠢᠳᠬᠡᠵᠡᠢ᠃ ᠲᠡᠷᠡ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠪ ᠰᠤᠳᠤᠯᠤᠯ ᠬᠢᠬᠦ ᠪᠠ ᠵᠣᠬᠢᠶᠠᠯ ᠪᠢᠴᠢᠵᠦ ᠣᠨᠣᠯ ᠪᠤᠰᠬᠠᠬᠤ ᠳᠤᠮᠳᠠ ᠮᠣᠩᠭᠣᠯ ᠲᠥᠪᠡᠳ ᠬᠡᠯᠡᠨ ᠪ ᠨᠣᠮ ᠪᠢᠴᠢᠭ ᠬᠡᠪᠯᠡᠭᠳᠡᠬᠦ ᠳ᠋ᠦ᠍ ᠬᠦᠴᠢᠷᠲᠡᠢ ᠪᠠᠢᠬᠤ ᠶ᠋ᠢ ᠭᠦᠨᠵᠡᠭᠡᠢ ᠣᠢᠯᠠᠭᠠᠵᠤ ᠮᠡᠳᠡᠵᠡᠢ᠃ ᠲᠤᠬᠠᠢ ᠶ᠋ᠢᠨ ᠦᠶᠡ ᠳ᠋ᠦ᠍ ᠮᠣᠩᠭᠣᠯ ᠬᠡᠪᠯᠡᠯ ᠳ᠋ᠦ᠍ ᠵᠥᠪᠬᠡᠨ ᠪᠠᠭᠠ ᠬᠡᠮᠵᠢᠶᠡᠨ ᠪ ᠮᠣᠳᠣᠨ ᠪᠠᠷ ᠊ᠤᠨ ᠬᠡᠪᠯᠡᠯ ᠪᠠ ᠴᠢᠯᠠᠭᠤᠨ ᠪᠠᠷ ᠊ᠤᠨ ᠬᠡᠪᠯᠡᠯ ᠲᠡᠢ ᠪᠠᠢᠵᠠᠢ᠂ ᠤᠯᠤᠰ ᠊ᠤᠨ ᠳᠣᠲᠣᠭᠠᠳᠤ ᠶ᠋ᠢᠨ ᠮᠠᠰᠢ ᠣᠯᠠᠨ ᠵᠣᠷᠢᠭᠲᠤ ᠦᠢᠯᠡᠰᠴᠢᠨ ᠵᠢᠱ᠌ᠢᠶᠡᠯᠡᠪᠡᠯ᠂ ᠴᠢᠩ ᠤᠯᠤᠰ ᠊ᠤᠨ ᠬᠡᠪᠲᠦ ᠶᠣᠰᠣᠲᠤ ᠶ᠋ᠢᠨ ᠦᠶᠡ ᠶ᠋ᠢᠨ ᠮᠣᠩᠭᠣᠯ ᠬᠥᠮᠦᠨ ᠵᠠᠯᠠᠹᠡᠩᠭᠠ᠂ ᠢᠷᠭᠡᠨ ᠤᠯᠤᠰ ᠊ᠤᠨ ᠡᠬᠢᠨ ᠪ ᠦᠶᠡ ᠶ᠋ᠢᠨ ᠬᠢᠲᠠᠳ ᠬᠥᠮᠦᠨ ᠬᠤᠸᠠᠩ ᠰᠢᠦᠢ ᠳ᠋ᠦᠩ ᠵᠡᠷᠭᠡ ᠴᠥᠮ ᠮᠣᠩᠭᠣᠯ ᠬᠣᠷᠭᠣᠯᠵᠢᠨ ᠦᠰᠦᠭ ᠊ᠢ ᠣᠯᠠᠨ ᠤᠳᠠᠭᠠ ᠦᠢᠯᠡᠳᠦᠭᠰᠡᠨ ᠪᠣᠯᠪᠠᠴᠤ ᠡᠴᠦᠰ ᠲᠡᠭᠡᠨ ᠨᠥᠬᠥᠴᠡᠯ ᠊ᠤᠨ ᠬᠢᠵᠠᠭᠠᠷᠯᠠᠯ ᠡᠴᠡ ᠪᠣᠯᠵᠤ ᠴᠥᠮ ᠪᠦᠲᠦᠭᠰᠡᠨ ᠦᠭᠡᠢ ᠪᠠᠢᠪᠠ᠃ 1913 ᠣᠨ ᠳ᠋ᠤ᠌ ᠣᠷᠣᠰ ᠬᠥᠮᠦᠨ ᠬᠠᠷᠪᠢᠨ ᠳ᠋ᠤ᠌ ᠮᠣᠩᠭᠣᠯ ᠬᠣᠷᠭᠣᠯᠵᠢᠨ ᠦᠰᠦᠭ ᠊ᠤᠨ ᠰᠡᠳᠬᠦᠯ ᠬᠡᠪᠯᠡᠭᠦᠯᠵᠦ᠂ 1915 ᠣᠨ ᠳ᠋ᠤ᠌ ᠶᠠᠫᠣᠨᠴᠤᠳ ᠵᠡᠭᠦᠨ ᠬᠣᠢᠲᠤ ᠣᠷᠣᠨ ᠳ᠋ᠤ᠌ ᠮᠣᠩᠭᠣᠯ ᠬᠣᠷᠭᠣᠯᠵᠢᠨ ᠪᠠᠷ ᠶ᠋ᠢᠨᠷ ᠡᠳᠦᠷ ᠊ᠤᠨ ᠰᠣᠨᠢᠨ ᠬᠡᠪᠯᠡᠭᠦᠯᠵᠦ ᠥᠩᠭᠡᠷᠡᠭᠰᠡᠨ ᠪᠣᠯᠪᠠᠴᠤ ᠳᠤᠮᠳᠠᠳᠤ ᠤᠯᠤᠰ ᠲᠤ᠌ ᠮᠡᠷᠭᠡᠵᠢᠯ ᠊ᠤᠨ ᠨᠢᠭᠤᠴᠠ ᠶ᠋ᠢ ᠬᠠᠮᠠᠭᠠᠯᠠᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠲᠤᠭᠤᠯᠭᠠᠨ ᠦᠰᠦᠭ ᠊ᠤᠨ ᠮᠠᠲ᠋ᠧᠷᠢᠶᠠᠯ ᠨᠢ ᠪᠦᠳᠦᠭᠦᠯᠢᠭ᠂ ᠠᠪᠢᠶᠠ ᠵᠣᠯᠭᠠᠭᠤᠯᠤᠭᠰᠠᠨ ᠨᠢ ᠵᠦᠢ ᠵᠣᠬᠢᠰ ᠦᠭᠡᠢ ᠪᠣᠯᠬᠣᠷ ᠨᠢᠳᠦᠯᠡᠨ ᠤᠩᠰᠢᠬᠤ ᠳ᠋ᠤ᠌ ᠪᠡᠷᠬᠡᠲᠡᠢ ᠪᠠᠢᠵᠠᠢ᠃ ᠲᠡᠮᠭᠡᠲᠦ ᠦᠨᠳᠦᠰᠦᠲᠡᠨ ᠪ ᠰᠡᠳᠬᠢᠯᠭᠡ ᠲᠤᠩ ᠶᠡᠬᠡ ᠪᠠᠢᠵᠤ᠂ ᠮᠣᠩᠭᠣᠯ ᠬᠣᠷᠭᠣᠯᠵᠢᠨ ᠦᠰᠦᠭ ᠊ᠢ ᠰᠤᠳᠤᠯᠤᠨ ᠪᠦᠲᠦᠭᠡᠬᠦ ᠪᠡᠷ ᠵᠣᠷᠢᠭ ᠰᠢᠭᠤᠳᠴᠠᠢ᠃
1915 ᠣᠨ ᠳ᠋ᠤ᠌ ᠲᠡᠮᠭᠡᠲᠦ ᠳᠣᠲᠣᠭᠠᠳᠤ ᠭᠠᠳᠠᠭᠠᠳᠤ ᠶ᠋ᠢᠨ ᠬᠣᠷᠭᠣᠯᠵᠢᠨ ᠪᠠᠷ ᠬᠡᠪᠯᠡᠬᠦ ᠤᠷᠠ ᠮᠡᠷᠭᠡᠰᠢᠯ᠂ ᠦᠰᠦᠭ ᠊ᠤᠨ ᠬᠡᠯᠪᠡᠷᠢ ᠶ᠋ᠢᠨ ᠲᠤᠬᠠᠢ ᠨᠠᠷᠢᠨ ᠰᠤᠳᠤᠯᠭᠠ ᠬᠢᠭᠰᠡᠨ ᠪ ᠪᠡᠨ ᠳᠠᠷᠠᠭᠠ᠂ ᠶᠠᠭᠤᠨ ᠪ ᠡᠮᠦᠨᠡ ᠮᠣᠩᠭᠣᠯ᠂ ᠮᠠᠨᠵᠤ ᠪᠢᠴᠢᠭ ᠊ᠤᠨ ᠴᠠᠭᠠᠨ ᠲᠣᠯᠣᠭᠠᠢ ᠶ᠋ᠢᠨ ᠳᠡᠭᠡᠷᠡ ᠳᠤᠮᠳᠠ ᠳᠣᠣᠷᠠ ᠭᠤᠷᠪᠠᠨ ᠬᠡᠯᠪᠡᠷᠢ ᠶ᠋ᠢᠨ ᠠᠪᠢᠶᠠ ᠦᠰᠦᠭ ᠨᠡᠢᠲᠡ ᠳᠥᠷᠪᠡᠨ ᠵᠠᠭᠤ ᠢᠯᠡᠭᠦᠦ ᠦᠰᠦᠭ ᠊ᠢ ᠬᠢᠴᠢᠶᠡᠩᠭᠦᠢ ᠲᠢᠭ ᠶ᠋ᠢᠨᠷ ᠳᠠᠷᠢ ᠲᠡᠭᠰᠢ ᠪᠢᠴᠢᠵᠦ᠂ ᠳᠠᠷᠠᠭᠠ ᠨᠢ ᠲᠥᠷᠥᠯ ᠬᠤᠪᠢᠶᠠᠨ ᠵᠢᠭᠰᠠᠭᠠᠵᠤ᠂ ᠲᠡᠭᠦᠨ ᠪ ᠳᠣᠲᠣᠷᠠ ᠡᠴᠡ ᠦᠵᠡᠮᠵᠢᠲᠡᠢ ᠰᠠᠢᠬᠠᠨ ᠬᠡᠯᠪᠡᠷᠢᠲᠡᠢ ᠦᠰᠦᠭ ᠊ᠢ ᠰᠣᠩᠭᠣᠵᠤ ᠨᠠᠷᠢᠯᠢᠭ ᠰᠡᠢᠯᠵᠦ ᠳᠠᠬᠢᠨ ᠳᠠᠪᠲᠠᠨ ᠰᠡᠳᠬᠢᠨ᠂ ᠠᠩᠬᠠ ᠤᠳᠠᠭᠠ ᠦᠬᠡᠷ ᠊ᠤᠨ ᠡᠪᠡᠷ ᠶ᠋ᠢᠨᠷ 85 ᠦᠰᠦᠭ ᠊ᠤᠨ ᠬᠡᠯᠪᠡᠷᠢ ᠶ᠋ᠢ ᠰᠡᠢᠯᠵᠡᠢ᠃ ᠭᠡᠪᠡᠴᠦ ᠳᠠᠷᠤᠮᠠᠯᠯᠠᠯ ᠬᠢᠬᠦ ᠦᠶᠡᠰ᠂ ᠳᠡᠭᠡᠷᠡ ᠳᠣᠣᠷᠠ ᠭᠦᠨ ᠭᠦᠶᠦᠭᠡᠨ ᠨᠢ ᠠᠳᠠᠯᠢ ᠪᠤᠰᠤ᠂ ᠥᠷᠭᠡᠨ ᠨᠠᠷᠢᠨ ᠨᠢ ᠵᠢᠭᠳᠡ ᠪᠤᠰᠤ ᠪᠠᠢᠵᠤ᠂ ᠬᠡᠷᠡᠭᠯᠡᠵᠦ ᠳᠡᠢᠯᠦᠭᠰᠡᠨ ᠦᠭᠡᠢ ᠪᠠᠢᠵᠠᠢ᠃ ᠬᠣᠶᠠᠳᠤᠭᠠᠷ ᠤᠳᠠᠭᠠ ᠳ᠋ᠤ᠌ ᠶᠠᠫᠣᠨ ᠪ ᠰᠢᠷᠠ ᠤᠯᠢᠶᠠᠰᠤᠨ ᠮᠣᠳᠣ ᠪᠠᠷ ᠮᠠᠲ᠋ᠧᠷᠢᠶᠠᠯ ᠪᠣᠯᠭᠠᠵᠤ᠂ ᠬᠡᠳᠦᠨ ᠵᠠᠭᠤᠨ ᠮᠣᠩᠭᠣᠯ ᠴᠠᠭᠠᠨ ᠲᠣᠯᠣᠭᠠᠢ ᠰᠡᠢᠯᠦᠭᠰᠡᠨ ᠪᠠᠢᠨᠠ᠂ ᠦᠰᠦᠭ ᠊ᠤᠨ ᠬᠡᠯᠪᠡᠷᠢ ᠨᠢ ᠪᠠᠭᠠ ᠰᠠᠭᠠ ᠰᠠᠢᠵᠢᠷᠠᠭᠰᠠᠨ ᠪᠣᠯᠪᠠᠴᠤ ᠳᠤᠮᠳᠠᠳᠤ ᠤᠯᠤᠰ ᠊ᠤᠨ ᠪᠡᠭᠡᠵᠢᠩ ᠲᠢᠶᠠᠨᠵᠢᠨ ᠣᠷᠣᠨ ᠪ ᠲᠡᠭᠦᠮᠡᠯ ᠦᠰᠦᠭ ᠊ᠤᠨ ᠪᠠᠷ ᠨᠢ ᠮᠣᠳᠣᠨ ᠰᠡᠢᠯᠦᠮᠡᠯ ᠊ᠤᠨ ᠦᠰᠦᠭ ᠊ᠢ ᠬᠡᠷᠡᠭᠯᠡᠵᠦ ᠳᠡᠢᠯᠬᠦ ᠦᠭᠡᠢ ᠪᠠᠢᠵᠠᠢ᠂ ᠬᠡᠷᠪᠡ ᠮᠣᠳᠣᠨ ᠰᠡᠢᠯᠦᠮᠡᠯ ᠊ᠤᠨ ᠬᠡᠪ ᠊ᠢ ᠵᠠᠷᠤᠪᠠᠯ ᠡᠷᠬᠡᠪᠰᠢ ᠶᠠᠫᠣᠨ ᠳ᠋ᠤ᠌ ᠣᠴᠢᠬᠤ ᠴᠢᠬᠤᠯᠠᠲᠠᠢ ᠪᠠᠢᠵᠠᠢ᠂ ᠲᠤᠬᠠᠢ ᠶ᠋ᠢᠨ ᠦᠶᠡ ᠲᠡᠮᠭᠡᠲᠦ ᠳ᠋ᠦ᠍ ᠰᠣᠬᠣᠷ ᠵᠣᠭᠣᠰ ᠴᠤ᠌ ᠦᠭᠡᠢ ᠪᠣᠯᠤᠭᠰᠠᠨ ᠲᠤᠯᠠ᠂ ᠮᠣᠩᠭᠣᠯ ᠬᠣᠷᠭᠣᠯᠵᠢᠨ ᠦᠰᠦᠭ ᠊ᠤᠨ ᠡᠭᠦᠳᠦᠨ ᠦᠢᠯᠡᠳᠬᠦ ᠠᠵᠢᠯ ᠲᠦᠷ ᠵᠣᠭᠰᠣᠪᠠ᠃
1919 ᠣᠨ ᠳ᠋ᠤ᠌ ᠭᠦᠩᠰᠠᠩᠨᠣᠷᠪᠤ ᠸᠠᠩ ᠊ᠤᠨ ᠳᠡᠮᠵᠢᠯᠭᠡ ᠳᠣᠣᠷᠠ᠂ ᠲᠡᠷᠡ ᠣᠯᠠᠨ ᠤᠳᠠᠭᠠ ᠲᠢᠶᠠᠨᠵᠢᠨ ᠳ᠋ᠤ᠌ ᠣᠴᠢᠵᠤ ᠨᠢᠭᠡ ᠶᠠᠫᠣᠨ ᠬᠥᠮᠦᠨ ᠡᠴᠡ ᠰᠡᠢᠯᠦᠮᠡᠯ ᠊ᠤᠨ ᠮᠡᠷᠭᠡᠵᠢᠯ ᠰᠤᠷᠤᠯᠴᠠᠵᠤ᠂ ᠪᠣᠳᠠᠲᠤ ᠪᠠᠢᠳᠠᠯ ᠲᠠᠢ ᠪᠠᠨ ᠤᠶᠠᠯᠳᠤᠭᠤᠯᠵᠤ᠂ ᠠᠩᠬᠠᠨ ᠪ ᠮᠣᠩᠭᠣᠯ ᠬᠣᠷᠭᠣᠯᠵᠢᠨ ᠦᠰᠦᠭ ᠊ᠤᠨ ᠵᠡᠰ ᠬᠡᠪ ᠵᠣᠬᠢᠶᠠᠵᠤ᠂ ᠬᠣᠷᠭᠣᠯᠵᠢᠨ ᠦᠰᠦᠭ ᠊ᠢ ᠴᠢᠳᠬᠤᠵᠤ ᠭᠠᠷᠭᠠᠭᠰᠠᠨ ᠪᠠᠢᠨᠠ᠃ ᠳᠠᠬᠢᠨ ᠳᠠᠪᠲᠠᠨ ᠲᠤᠷᠰᠢᠵᠤ ᠣᠯᠠᠨ ᠤᠳᠠᠭᠠ ᠰᠠᠢᠵᠢᠷᠠᠭᠤᠯᠬᠤ ᠪᠠᠷ ᠳᠡᠮᠵᠢᠵᠦ᠂ 1922 ᠣᠨ ᠪ ᠡᠪᠦᠯ ᠳᠤᠮᠳᠠᠳᠤ ᠶ᠋ᠢᠨ ᠠᠩᠬᠠᠳᠠᠭᠴᠢ ᠮᠣᠩᠭᠣᠯ ᠬᠣᠷᠭᠣᠯᠵᠢᠨ ᠦᠰᠦᠭ ᠊ᠤᠨ ᠬᠡᠪᠯᠡᠯ ᠊ᠤᠨ ᠮᠡᠷᠭᠡᠵᠢᠯ ᠡᠴᠦᠰ ᠲᠡᠭᠡᠨ ᠠᠮᠵᠢᠯᠲᠠ ᠣᠯᠤᠭᠰᠠᠨ ᠪᠠᠢᠨᠠ᠃ ᠲᠡᠷᠡ ᠪᠠᠰᠠ ᠪᠡᠶᠡ ᠪᠡᠷ ᠶ᠋ᠢᠨᠨ ᠵᠣᠩᠬᠢ ᠲᠣᠭᠠᠨ ᠪ ᠨᠣᠮ ᠪᠢᠴᠢᠭ ᠊ᠢ ᠵᠣᠬᠢᠶᠠᠨ ᠨᠠᠢᠷᠠᠭᠤᠯᠬᠤ ᠪᠤᠶᠤ ᠣᠷᠴᠢᠭᠤᠯᠵᠤ᠂ ᠶᠡᠬᠡ ᠬᠡᠮᠵᠢᠶᠡᠨ ᠪ ᠮᠣᠩᠭᠣᠯ᠂ ᠬᠢᠲᠠᠳ᠂ ᠲᠥᠪᠡᠳ᠂ ᠮᠠᠨᠵᠤ ᠦᠰᠦᠭ ᠊ᠤᠨ ᠲᠡᠦᠬᠡ᠂ ᠬᠡᠯᠡ᠂ ᠤᠳᠬᠠ ᠵᠣᠬᠢᠶᠠᠯ ᠊ᠤᠨ ᠰᠤᠩᠭ᠋ᠤᠳᠠᠭ ᠨᠣᠮ ᠊ᠢ ᠬᠢᠨᠠᠭᠰᠠᠨ ᠪᠠᠢᠨᠠ᠃
1923 ᠣᠨ ᠳ᠋ᠤ᠌ ᠢᠷᠭᠡᠨ ᠤᠯᠤᠰ ᠊ᠤᠨ ᠵᠠᠰᠠᠭ ᠊ᠤᠨ ᠭᠠᠵᠠᠷ ᠊ᠤᠨ ᠲᠠᠷᠢᠶᠠᠯᠠᠩ ᠬᠤᠳᠠᠯᠳᠤᠭᠠᠨ ᠪ ᠶᠠᠮᠤᠨ ᠡᠴᠡ ᠲᠡᠭᠦᠨ ᠊ᠢ ᠰᠠᠢᠰᠢᠶᠠᠨ ᠬᠥᠬᠢᠭᠦᠯᠵᠦ᠂ ᠭᠠᠢᠯᠢ ᠬᠤᠷᠢᠶᠠᠬᠤ ᠦᠭᠡᠢ ᠭᠡᠵᠦ ᠲᠣᠭᠲᠠᠵᠤ᠂ ᠪᠠᠰᠠ30 ᠵᠢᠯ ᠊ᠤᠨ ᠲᠤᠰᠬᠠᠢ ᠠᠰᠢᠭ ᠊ᠤᠨ ᠦᠨᠡᠮᠯᠡᠯ ᠣᠯᠭᠤᠵᠠᠢ᠃ ᠡᠭᠦᠨ ᠪ ᠬᠠᠮᠲᠤ ᠲᠡᠮᠭᠡᠲᠦ ᠮᠠᠨᠵᠤ ᠦᠰᠦᠭ ᠊ᠤᠨ ᠲᠣᠭᠣᠯᠭᠠᠨ ᠪᠠᠷ ᠊ᠢ ᠴᠤ᠌ ᠦᠢᠯᠡᠳᠦᠨ ᠭᠠᠷᠭᠠᠵᠠᠢ᠃
ᠲᠡᠮᠭᠡᠲᠦ ᠪᠣᠯ ᠮᠣᠩᠭᠣᠯ ᠦᠰᠦᠭ ᠊ᠤᠨ ᠬᠣᠷᠭᠣᠯᠵᠢᠨ ᠪᠡᠷ ᠊ᠤᠨ ᠮᠡᠷᠭᠡᠵᠢᠯ ᠊ᠢ ᠡᠭᠦᠳᠦᠨ ᠨᠡᠭᠡᠭᠡᠭᠴᠢ ᠪᠣᠯᠬᠤ ᠪᠠᠷ ᠦᠯᠦ ᠪᠠᠷᠠᠨ᠂ ᠮᠣᠩᠭᠣᠯ᠂ ᠲᠥᠪᠡᠳ᠂ ᠮᠠᠨᠵᠤ ᠶ᠋ᠢᠨ ᠣᠢᠷᠠ᠂ ᠣᠷᠴᠢᠨ ᠦᠶᠡ ᠶ᠋ᠢᠨ ᠰᠣᠶᠣᠯ ᠊ᠤᠨ ᠲᠡᠦᠬᠡᠨ ᠳ᠋ᠡᠬᠢ ᠰᠢᠯᠭᠠᠷᠠᠭᠰᠠᠨ ᠬᠡᠪᠯᠡᠭᠴᠢ᠂ ᠠᠯᠳᠠᠷᠲᠤ ᠣᠷᠴᠢᠭᠤᠯᠤᠭᠴᠢ ᠪᠢᠯᠡ᠃
1923 ᠣᠨ ᠪ ᠬᠠᠪᠤᠷ᠂ ᠲᠡᠮᠭᠡᠲᠦ ᠪᠡᠭᠡᠵᠢᠩ ᠳ᠋ᠦ᠍ ᠳᠤᠮᠳᠠᠳᠤ ᠶ᠋ᠢᠨ ᠲᠡᠦᠬᠡᠨ ᠳᠡᠭᠡᠷᠡᠬᠢ ᠠᠩᠬᠠᠳᠠᠭᠴᠢ ᠮᠣᠩᠭᠣᠯ ᠬᠡᠯᠡᠨ ᠪ ᠬᠡᠪᠯᠡᠯ ᠊ᠤᠨ ᠬᠣᠷᠢᠶᠠ（ᠮᠣᠩᠭᠣᠯ ᠪᠢᠴᠢᠭ ᠊ᠤᠨ ᠬᠣᠷᠢᠶᠠ） ᠶ᠋ᠢ ᠡᠭᠦᠳᠦᠨ ᠪᠠᠢᠭᠤᠯᠵᠤ᠂ ᠥᠪᠡᠷ ᠢ᠋ᠶ᠋ᠡᠨ ᠶᠡᠷᠦᠩᠬᠡᠢ ᠵᠠᠬᠢᠷᠤᠯ ᠊ᠤᠨ ᠲᠤᠰᠢᠶᠠᠯ ᠊ᠢ ᠬᠠᠷᠢᠭᠤᠴᠠᠪᠠ᠃ ᠲᠡᠷᠡ ᠪᠠᠰᠠ ᠪᠡᠭᠡᠵᠢᠩ ᠳ᠋ᠦ᠍ ᠮᠣᠩᠭᠣᠯ ᠰᠤᠳᠤᠯᠤᠯ ᠊ᠤᠨ ᠡᠲᠡᠭᠡᠳ ᠊ᠤᠨ ᠬᠥᠮᠦᠰ ᠢᠳᠡᠴᠢᠨ᠂ ᠵᠢᠨ ᠶᠦᠩ ᠴᠠᠩ᠂ ᠡᠩᠬᠡᠪᠦ᠋ᠷᠢᠨ ᠵᠡᠷᠭᠡ ᠬᠥᠮᠦᠰ ᠲᠡᠢ ᠬᠠᠮᠲᠤ ᠮᠣᠩᠭᠣᠯ ᠪᠢᠴᠢᠭ ᠬᠡᠪᠯᠡᠬᠦ ᠦᠢᠯᠡᠳᠪᠦᠷᠢ ᠡᠭᠦᠰᠬᠡᠨ ᠪᠠᠢᠭᠤᠯᠵᠠᠢ᠃ ᠵᠥᠪᠬᠡᠨ ᠲᠡᠮᠭᠡᠲᠦ ᠶ᠋ᠢᠨ ᠣᠷᠴᠢᠭᠤᠯᠤᠨ ᠨᠠᠢᠷᠠᠭᠤᠯᠵᠤ᠂ ᠬᠡᠪᠯᠡᠯ ᠳ᠋ᠦ᠍ ᠥᠭᠭᠦᠭᠰᠡᠨ ᠨᠣᠮ ᠤ᠋ᠳ ᠊ᠢ ᠳᠤᠷᠠᠳᠪᠠᠯ᠄ 《ᠶᠤᠸᠠᠨ ᠤᠯᠤᠰ ᠊ᠤᠨ ᠬᠠᠭᠠᠨ ᠬᠤᠸᠠᠩᠬᠡᠦ ᠶ᠋ᠢᠨ ᠬᠥᠷᠥᠭ》᠂ 《ᠪᠣᠭᠳᠠ ᠴᠢᠩᠭᠢᠰ ᠬᠠᠭᠠᠨ ᠪ ᠴᠠᠳᠢᠭ ᠣᠷᠣᠰᠢᠪᠠᠢ》᠂ 《ᠴᠢᠩᠭᠢᠰ ᠬᠠᠭᠠᠨ ᠪ ᠳᠤᠷᠠᠰᠬᠠᠯ ᠊ᠤᠨ ᠲᠡᠭᠦᠪᠦᠷᠢ》᠂ 《ᠯᠢᠶᠣᠣ ᠵᠠᠢ ᡁᠢ ᠡᠢ ᠬᠡᠮᠡᠬᠦ ᠪᠢᠴᠢᠭ 》᠂ 《ᠯᠢᠶᠣᠣ ᠤᠯᠤᠰ ᠊ᠤᠨ ᠡᠬᠢ ᠠᠳᠠᠭ ᠊ᠤᠨ ᠬᠡᠷᠡᠭ ᠊ᠢ ᠲᠡᠮᠳᠡᠭᠯᠡᠭᠰᠡᠨ ᠱᠠᠰᠲᠢᠷ》᠂ 《ᠶᠤᠸᠠᠨ ᠤᠯᠤᠰ ᠊ᠤᠨ ᠲᠡᠦᠬᠡ》᠂ 《ᠭᠤᠷᠪᠠᠨ ᠤᠯᠤᠰ ᠊ᠤᠨ ᠲᠡᠦᠬᠡ》᠂ 《ᠣᠷᠣᠭᠰᠠᠳ ᠊ᠤᠨ ᠢᠷᠦᠭᠡᠯ ᠬᠡᠮᠡᠬᠦ ᠲᠡᠦᠬᠡ》᠂ 《ᠮᠣᠩᠭᠣᠯ ᠬᠢᠲᠠᠳ ᠬᠠᠪᠰᠤᠷᠭᠠᠭᠰᠠᠨ ᠳᠥᠷᠪᠡᠨ ᠪᠢᠴᠢᠭ》᠂ 《ᠮᠣᠩᠭᠣᠯ ᠤᠳᠬᠠ ᠶ᠋ᠢᠨ ᠰᠤᠷᠭᠠᠬᠤ ᠪᠢᠴᠢᠭ》᠂ 《ᠤᠳᠬᠠ ᠶ᠋ᠢᠨ ᠵᠦᠢᠯ ᠬᠤᠪᠢᠷᠠᠭᠰᠠᠨ ᠲᠣᠯᠢ ᠪᠢᠴᠢᠭ》᠂ 《ᠠᠷᠤ ᠥᠪᠥᠷ ᠮᠣᠩᠭᠣᠯ ᠊ᠤᠨ ᠭᠠᠵᠠᠷ ᠊ᠤᠨ ᠵᠢᠷᠤᠭ》᠂ 《ᠠᠷᠤ ᠥᠪᠥᠷ ᠮᠣᠩᠭᠣᠯ ᠊ᠤᠨ ᠡᠯᠡ ᠠᠢᠮᠠᠭ ᠬᠣᠰᠢᠭᠤ ᠶ᠋ᠢ ᠦᠵᠡᠭᠦᠯᠦᠭᠰᠡᠨ ᠬᠦᠰᠦᠨᠦᠭ》᠂ 《ᠮᠣᠩᠭᠣᠯ ᠶᠠᠫᠣᠨ ᠶ᠋ᠢᠨᠷ ᠬᠠᠷᠢᠯᠴᠠᠨ ᠬᠡᠯᠡᠯᠴᠡᠬᠦ ᠦᠭᠡᠰ》 ᠵᠡᠷᠭᠡ ᠪᠠᠢ᠌ᠭᠰᠠᠨ ᠪᠥᠭᠡᠳ 《ᠤᠯᠠᠭᠠᠨ ᠠᠰᠠᠷ ᠊ᠤᠨ ᠵᠡᠭᠦᠳᠦ》 ᠶ᠋ᠢ ᠣᠷᠴᠢᠭᠤᠯᠵᠤ ᠪᠠᠷᠠᠭᠠᠳ ᠬᠡᠪᠯᠡᠵᠦ ᠳᠡᠢᠯᠦᠭᠰᠡᠨ ᠦᠭᠡᠢ᠃
ᠲᠡᠮᠭᠡᠲᠦ ᠮᠣᠩᠭᠣᠯ ᠦᠰᠦᠭ ᠊ᠤᠨ ᠬᠣᠷᠭᠣᠯᠵᠢᠨ ᠪᠠᠷ ᠊ᠢ ᠡᠭᠦᠳᠦᠨ ᠪᠦᠲᠦᠭᠡᠭᠰᠡᠨ ᠪ ᠰᠡᠭᠦᠯᠡᠷ᠂ ᠪᠠᠷᠠᠭᠤᠨ ᠧᠦ᠋ᠷᠣᠫᠠ ᠶ᠋ᠢᠨ ᠴᠥᠭᠡᠨ ᠪᠤᠰᠤ ᠬᠥᠮᠦᠰ ᠮᠣᠩᠭᠣᠯ ᠪᠢᠴᠢᠭ ᠊ᠤᠨ ᠬᠣᠷᠢᠶᠠᠨ ᠳ᠋ᠤ᠌ ᠢᠷᠡᠵᠦ ᠰᠤᠷᠤᠯᠴᠠᠪᠠ᠃ ᠲᠡᠮᠭᠡᠲᠦ ᠶ᠋ᠢᠨ ᠬᠠᠷᠠᠮ ᠦᠭᠡᠢ ᠳᠡᠮᠵᠢᠯᠭᠡ ᠡᠴᠡ ᠪᠣᠯᠵᠤ᠂ ᠳᠤᠮᠳᠠᠳᠤ ᠶ᠋ᠢᠨ ᠮᠣᠩᠭᠣᠯ ᠦᠰᠦᠭ ᠊ᠤᠨ ᠬᠣᠷᠭᠣᠯᠵᠢᠨ ᠪᠠᠷ ᠊ᠤᠨ ᠮᠡᠷᠭᠡᠵᠢᠯ ᠪᠠᠷᠠᠭᠤᠨ ᠧᠦ᠋ᠷᠣᠫᠠ ᠳ᠋ᠤ᠌ ᠤᠯᠠᠮᠵᠢᠯᠠᠭᠳᠠᠵᠠᠢ᠃ 1924 ᠣᠨ ᠳ᠋ᠤ᠌ ᠪᠦᠭᠦᠳᠡ ᠨᠠᠢᠷᠠᠮᠳᠠᠬᠤ ᠮᠣᠩᠭᠣᠯ ᠠᠷᠠᠳ ᠤᠯᠤᠰ ᠡᠴᠡ ᠬᠥᠮᠦᠨ ᠲᠣᠮᠢᠯᠠᠨ ᠢᠷᠡᠭᠦᠯᠵᠦ᠂ ᠮᠣᠩᠭᠣᠯ ᠦᠰᠦᠭ ᠊ᠤᠨ ᠬᠣᠷᠢᠶᠠᠨ ᠳ᠋ᠤ᠌ ᠰᠤᠷᠤᠯᠴᠠᠭᠤᠯᠤᠭᠰᠠᠨ ᠶ᠋ᠢᠨᠷ ᠦᠯᠦ ᠪᠠᠷᠠᠮ᠂ ᠲᠤᠰ ᠬᠣᠷᠢᠶᠠᠨ ᠪ ᠮᠡᠷᠭᠡᠵᠢᠯᠲᠡᠢ ᠠᠵᠢᠯᠴᠢᠨ ᠸᠠᠩ ᠵᠧᠨ ᠳ᠋ᠦᠸᠧ ᠶ᠋ᠢ ᠤᠷᠢᠵᠤ᠂ ᠮᠣᠩᠭᠣᠯ ᠪᠢᠴᠢᠭ ᠬᠡᠪᠯᠡᠬᠦ ᠦᠢᠯᠡᠳᠪᠦᠷᠢ ᠶ᠋ᠢ ᠡᠬᠢᠯᠡᠨ ᠡᠷᠭᠢᠯᠡᠵᠡᠢ᠃
1925 ᠣᠨ ᠳ᠋ᠤ᠌ ᠲᠥᠪᠡᠳ ᠬᠡᠯᠡᠨ ᠪ ᠲᠣᠭᠣᠯᠭᠠᠨ ᠦᠰᠦᠭ ᠊ᠢ ᠡᠭᠦᠳᠦᠨ ᠦᠢᠯᠡᠳᠴᠦ᠂ ᠬᠡᠪᠯᠡᠯ ᠊ᠤᠨ ᠬᠣᠷᠢᠶᠠ ᠳ᠋ᠤ᠌ ᠪᠡᠨ ᠬᠣᠷᠭᠣᠯᠵᠢᠨ ᠪᠠᠷ ᠶ᠋ᠢᠨᠷ ᠲᠥᠪᠡᠳ ᠰᠤᠳᠤᠷ ᠪᠢᠴᠢᠭ ᠬᠡᠪᠯᠡᠵᠦ ᠡᠬᠢᠯᠡᠵᠡᠢ᠃ ᠲᠡᠭᠦᠨ ᠪ ᠪᠣᠯᠪᠠᠰᠣᠷᠠᠭᠤᠯᠤᠯ ᠪᠣᠯᠤᠨ ᠵᠢᠯᠣᠭᠣᠳᠤᠯᠭᠠ ᠳᠣᠣᠷᠠ᠂ ᠮᠦᠭᠳᠡᠨ ᠳ᠋ᠦ᠍ ᠵᠡᠭᠦᠨ ᠮᠣᠩᠭᠣᠯ ᠊ᠤᠨ ᠪᠢᠴᠢᠭ ᠊ᠤᠨ ᠲᠣᠪᠴᠢᠶᠠ᠂ ᠱᠠᠩᠬᠠᠢ ᠶ᠋ᠢᠨ ᠱᠠᠩ ᠡᠦ ᠨᠣᠮ ᠬᠡᠪᠯᠡᠯ ᠊ᠤᠨ ᠭᠠᠵᠠᠷ᠂ ᠱᠠᠩᠳᠤ ᠮᠣᠩᠭᠣᠯ ᠪᠢᠴᠢᠭ ᠬᠡᠪᠯᠡᠬᠦ ᠦᠢᠯᠡᠳᠪᠦᠷᠢ ᠤᠷᠢᠳ ᠬᠣᠵᠢᠳ ᠮᠣᠩᠭᠣᠯ ᠨᠣᠮ ᠰᠡᠳᠬᠦᠯ ᠬᠡᠪᠯᠡᠵᠦ ᠡᠬᠢᠯᠡᠵᠡᠢ᠃ 1922 ᠣᠨ ᠡᠴᠡ1929 ᠣᠨ ᠪ ᠰᠡᠭᠦᠯᠴᠢ ᠬᠦᠷᠲᠡᠯᠡ ᠲᠡᠮᠭᠡᠲᠦ ᠶ᠋ᠢᠨ ᠬᠠᠷᠢᠭᠤᠴᠠᠨ ᠨᠠᠢᠷᠠᠭᠤᠯᠵᠤ ᠣᠷᠴᠢᠭᠤᠯᠵᠤ ᠬᠡᠪᠯᠡᠭᠦᠯᠦᠭᠰᠡᠨ ᠮᠣᠩᠭᠣᠯ ᠮᠠᠨᠵᠤ ᠬᠢᠲᠠᠳ ᠬᠡᠯᠡᠨ ᠪ ᠲᠡᠦᠬᠡ ᠶ᠋ᠢᠨ ᠪᠠ ᠣᠳᠣ ᠦᠶᠡ ᠶ᠋ᠢᠨ ᠨᠣᠮ ᠪᠢᠴᠢᠭ ᠠᠷᠪᠠᠨ ᠲᠦᠮᠡ ᠡᠴᠡ ᠳᠡᠭᠡᠭᠰᠢ ᠪᠠᠢᠵᠠᠢ᠃ ᠡᠳᠡᠭᠡᠷ ᠨᠣᠮ ᠨᠢ ᠤᠯᠤᠰ ᠊ᠤᠨ ᠳᠣᠲᠣᠭᠠᠳᠤ ᠪᠠ ᠶᠠᠫᠣᠨ ᠣᠷᠣᠰ ᠹᠷᠠᠨᠼᠢ ᠵᠡᠷᠭᠡ ᠤᠯᠤᠰ ᠲᠤ᠌ ᠥᠷᠭᠡᠨ ᠶ᠋ᠢᠨᠷ ᠲᠠᠷᠬᠠᠵᠤ᠂ 《ᠮᠣᠩᠭᠣᠯ ᠶᠠᠫᠣᠨ ᠬᠡᠯᠡ ᠶᠠᠷᠢᠯᠴᠠᠭᠠ 》᠂《ᠮᠣᠩᠭᠣᠯ ᠬᠡᠯᠡ ᠰᠤᠷᠬᠤ ᠪᠢᠴᠢᠭ 》（ᠨᠠᠢ᠍ᠮᠠᠨ ᠳᠡᠪᠲᠡᠷ ） ᠨᠢ ᠶᠠᠫᠣᠨ ᠬᠥᠮᠦᠨ ᠪ ᠮᠣᠩᠭᠣᠯ ᠬᠡᠯᠡ ᠪᠢᠴᠢᠭ ᠠᠩᠬᠠ ᠰᠤᠷᠬᠤ ᠵᠢᠭᠠᠬᠤ ᠮᠠᠲ᠋ᠧᠷᠢᠶᠠᠯ ᠪᠣᠯᠵᠠᠢ᠃
1930 ᠣᠨ ᠪ ᠨᠠᠮᠤᠷ᠂ ᠢᠷᠭᠡᠨ ᠪ ᠵᠠᠰᠠᠭ ᠊ᠤᠨ ᠭᠠᠵᠠᠷ ᠮᠣᠩᠭᠣᠯ ᠪᠢᠴᠢᠭ ᠊ᠤᠨ ᠬᠣᠷᠢᠶᠠ ᠶ᠋ᠢ ᠨᠠᠨᠵᠢᠩ ᠳ᠋ᠤ᠌ ᠨᠡᠭᠦᠯᠭᠡᠵᠦ᠂ ᠮᠣᠩᠭᠣᠯ ᠲᠥᠪᠡᠳ ᠬᠡᠯᠡᠨ ᠪ ᠨᠣᠮ ᠪᠢᠴᠢᠭ ᠰᠣᠨᠢᠨ ᠰᠡᠳᠬᠦᠯ ᠠᠯᠪᠠᠨ ᠪᠢᠴᠢᠭ ᠬᠡᠪᠯᠡᠭᠦᠯᠵᠡᠢ᠃ 1930 ᠣᠨ ᠡᠴᠡ ᠬᠣᠢᠰᠢ ᠲᠡᠮᠭᠡᠲᠦ ᠨᠠᠨᠵᠢᠩ ᠊ᠤᠨ ᠭᠣᠮᠢᠨᠳᠠᠩ ᠊ᠤᠨ ᠵᠠᠰᠠᠭ ᠊ᠤᠨ ᠣᠷᠳᠣᠨ ᠪ ᠰᠤᠷᠭᠠᠨ ᠬᠥᠮᠦᠵᠢᠯ ᠊ᠤᠨ ᠶᠠᠮᠤᠨ ᠪ ᠮᠣᠩᠭᠣᠯ ᠲᠥᠪᠡᠳ ᠊ᠤᠨ ᠰᠤᠷᠭᠠᠨ ᠬᠥᠮᠦᠵᠢᠯ ᠊ᠤᠨ ᠵᠤᠷᠭᠠᠨ ᠪ ᠪᠠᠢᠩᠭᠤ ᠶ᠋ᠢᠨ ᠬᠢᠨᠠᠨ ᠨᠠᠢᠷᠠᠭᠤᠯᠤᠭᠴᠢ ᠪᠥᠭᠡᠳ ᠰᠠᠯᠠᠭᠠᠨ ᠳᠠᠷᠤᠭᠠ ᠶ᠋ᠢᠨ ᠲᠤᠰᠢᠶᠠᠯ ᠬᠠᠷᠢᠭᠤᠴᠠᠵᠤ᠂ ᠳᠤᠮᠳᠠᠳᠤ ᠶ᠋ᠢᠨ ᠠᠩᠬᠠᠳᠠᠭᠴᠢ 《ᠰᠤᠷᠭᠠᠨ ᠬᠥᠮᠦᠵᠢᠯ ᠊ᠤᠨ ᠣᠨ ᠪ ᠤᠢᠯᠠᠯᠭᠠ 》 ᠶ᠋ᠢᠨ ᠬᠢᠨᠠᠨ ᠨᠠᠢᠷᠠᠭᠤᠯᠬᠤ ᠭᠡᠰᠢᠭᠦᠨ ᠪᠣᠯᠤᠭᠰᠠᠨ ᠪᠥᠭᠡᠳ ᠮᠣᠩᠭᠣᠯ ᠲᠥᠪᠡᠳ ᠊ᠤᠨ ᠰᠤᠷᠭᠠᠨ ᠬᠥᠮᠦᠵᠢᠯ ᠊ᠤᠨ ᠬᠡᠰᠡᠭ ᠊ᠢ ᠨᠢ ᠨᠠᠢᠷᠠᠭᠤᠯᠤᠨ ᠪᠢᠴᠢᠭᠰᠡᠨ ᠪᠠᠢᠨᠠ᠃
1932 ᠣᠨ ᠳ᠋ᠤ᠌ ᠶᠠᠫᠣᠨ ᠴᠡᠷᠢᠭ ᠊ᠤᠨ ᠬᠥᠯᠭᠡ ᠣᠩᠭᠣᠴᠠ ᠨᠠᠨᠵᠢᠩ ᠊ᠢ ᠳᠡᠯᠪᠡᠴᠢᠵᠦ᠂ ᠮᠣᠩᠭᠣᠯ ᠪᠢᠴᠢᠭ ᠊ᠤᠨ ᠬᠣᠷᠢᠶᠠ ᠠᠷᠭᠠ ᠪᠤᠰᠤ ᠡᠭᠦᠳᠡ ᠪᠡᠨ ᠬᠠᠭᠠᠵᠠᠢ᠃ ᠲᠡᠭᠦᠨ ᠡᠴᠡ ᠬᠣᠢᠰᠢ ᠲᠡᠮᠭᠡᠲᠦ ᠸᠠᠩ ᠊ᠤᠨ ᠰᠦᠮᠡ （ᠣᠳᠣ ᠶ᠋ᠢᠨ ᠤᠯᠠᠭᠠᠨᠬᠤᠲᠠ ） ᠳ᠋ᠤ᠌ ᠬᠦᠷᠴᠦ ᠬᠢᠩᠭᠠᠨ ᠪ ᠣᠹᠢᠼᠧᠷ ᠊ᠤᠨ ᠰᠤᠷᠭᠠᠭᠤᠯᠢ ᠳ᠋ᠤ᠌ ᠪᠠᠭᠰᠢᠯᠠᠵᠤ ᠪᠠᠢᠵᠠᠢ᠃ 1939 ᠣᠨ ᠪ5 ᠰᠠᠷᠠ ᠶ᠋ᠢᠨ2 ᠲᠤ᠌ ᠸᠠᠩ ᠊ᠤᠨ ᠰᠦᠮᠡ ᠳ᠋ᠦ᠍ ᠡᠪᠡᠳᠴᠢᠨ ᠶ᠋ᠢᠨᠷ ᠲᠠᠪᠢᠨ ᠭᠤᠷᠪᠠᠲᠠᠢ ᠨᠠᠰᠤ ᠪᠠᠷᠠᠵᠠᠢ᠃
