ᠨᠠᠮᠤᠷ ᠤ᠋ᠨ ᠰᠥᠨᠢ ᠶ᠋ᠢᠨ ᠪᠣᠷᠣᠭᠠ - ᠸᠠᠴᠢᠷᠪᠠᠲᠤ ᠶ᠋ᠢᠨ ᠳᠠᠰᠢᠪᠠᠯᠪᠠᠷ Намрын шөнийн бороо - Очирбатын Дашбалбар
514ᠨᠠᠮᠤᠷ ᠤ᠋ᠨ ᠰᠥᠨᠢ ᠶ᠋ᠢᠨ ᠪᠣᠷᠣᠭᠠ
ᠨᠠᠮᠤᠷ ᠤ᠋ᠨ ᠪᠣᠷᠣᠭᠠ ᠰᠥᠨᠢᠵᠢᠨ ᠱᠠᠭᠢᠨᠠ
ᠴᠢᠭᠢᠭ ᠲᠡᠢ ᠰᠠᠯᠬᠢ ᠮᠥᠴᠢᠷ ᠲᠦ᠍ ᠭᠤᠯᠠᠰᠤᠨ
ᠴᠡᠴᠡᠷᠡᠵᠦ ᠪᠢ ᠳᠡᠭᠵᠢᠨ ᠵᠣᠭᠰᠣᠨᠠ ᠁
ᠲᠦᠨᠡᠷ ᠬᠠᠷᠠᠩᠭᠤᠢ ᠳ᠋ᠤ᠌ ᠶᠢᠷᠲᠢᠨᠴᠦ ᠠᠭᠤᠰᠴᠤ
ᠲᠦᠮᠡᠨ ᠳᠤᠰᠤᠯ ᠨᠠᠮᠠ ᠶ᠋ᠢ ᠵᠠᠯᠬᠠᠭᠠᠨᠠ
ᠠᠶᠤᠮᠠᠬᠠᠢ ᠰᠢᠪᠠᠭᠤ ᠰᠢᠭ᠋ ᠨᠥᠮᠥᠷᠢ ᠳ᠋ᠦ᠍ ᠮᠢᠨᠢ ᠬᠣᠷᠭᠣᠳᠠᠳᠠᠭ
ᠠᠮᠠᠷᠠᠭ ᠴᠢ ᠮᠢᠨᠢ ᠬᠠᠮᠢᠭᠠ ᠶᠠᠪᠤᠨᠠ ᠳᠠ ?
ᠨᠢᠭᠡᠨ ᠴᠤᠪᠠᠨ ᠳ᠋ᠤ᠌ ᠪᠣᠷᠣᠭᠠᠨ ᠠ᠋ᠴᠠ ᠬᠣᠷᠭᠣᠳᠠᠵᠤ
ᠨᠠᠮᠤᠷ ᠤ᠋ᠨ ᠬᠦᠢᠲᠡᠨ ᠳ᠋ᠦ᠍ ᠳᠤᠯᠠᠭᠠᠴᠠᠵᠤ ᠪᠢᠯᠡ
ᠨᠣᠷᠤᠭᠰᠠᠨ ᠮᠥᠴᠢᠷ ᠡᠴᠡ ᠤᠰᠤ ᠭᠤᠯᠠᠰᠴᠤ
ᠨᠣᠢᠲᠠᠨ ᠣᠷᠭᠢᠭᠤᠯᠤᠨ ᠨᠢᠭᠤᠷ ᠤᠷᠤᠭᠤ ᠰᠢᠭᠦᠷᠰᠢᠨᠡ
ᠬᠦᠢᠲᠡᠨ ᠨᠠᠪᠴᠢᠰ ᠨᠢᠭᠤᠷ ᠲᠤ᠌ ᠨᠠᠭᠠᠯᠳᠤᠵᠤ
ᠬᠡᠦᠬᠡᠨ ᠴᠢ ᠮᠢᠨᠢ ᠢᠨᠵᠠᠭᠠ ᠰᠢᠭ᠋ ᠴᠡᠴᠡᠷᠡᠨᠡ
ᠬᠤᠳᠠᠯ ᠶᠠᠷᠢᠵᠤ ᠪᠡᠶᠡᠰ ᠢ᠋ᠶ᠋ᠡᠨ ᠵᠣᠪᠠᠭᠠᠯ ᠦᠭᠡᠢ
ᠬᠠᠭᠤᠴᠢᠨ ᠴᠤᠪᠠᠨ ᠳ᠋ᠤ᠌ ᠪᠠᠭᠲᠠᠨ ᠵᠣᠭᠰᠣᠬᠤᠢ
ᠵᠠᠯᠠᠭᠤ ᠬᠣᠣᠰ ᠤ᠋ᠨ ᠦᠷᠦᠪᠲᠦᠯᠲᠦ ᠪᠡᠶᠡᠰ ᠢ᠋
ᠵᠠᠮ ᠤ᠋ᠨ ᠬᠠᠵᠠᠭᠤ ᠶ᠋ᠢᠨ ᠤᠯᠢᠶᠠᠰᠤ ᠬᠠᠯᠬᠠᠯᠠᠵᠤ
ᠵᠢᠷᠦᠬᠡ ᠵᠢᠷᠦᠬᠡ ᠪᠡᠨ ᠳᠡᠯᠡᠰᠦᠨ ᠴᠣᠬᠢᠯᠠᠨᠠ
ᠵᠡᠭᠦᠳᠦᠨ ᠦ᠌ ᠶᠢᠷᠲᠢᠨᠴᠦ ᠳ᠋ᠦ᠍ ᠪᠣᠷᠣᠭᠠ ᠱᠠᠭᠢᠨᠠ ᠃