ᠴᠢᠮᠠ ᠳ᠋ᠤ᠌ ᠬᠠᠷᠠᠳᠠᠭᠤᠯᠬᠤ ᠰᠠᠢᠬᠠᠨ - ᠷ· ᠴᠣᠢᠨᠤᠮ Чамд хардуулах сайхан – Р·Чойном
1259ᠴᠢᠮᠠ ᠳ᠋ᠤ᠌ ᠬᠠᠷᠠᠳᠠᠭᠤᠯᠬᠤ ᠰᠠᠢᠬᠠᠨ
ᠣᠨᠢᠰᠣᠭᠠ ᠰᠢᠭ᠋ ᠨᠢᠭᠡᠨ ᠬᠠᠷᠠ ᠤᠨᠠᠭᠠᠵᠤ
ᠣᠭᠲᠣ ᠭᠡᠮ ᠦᠭᠡᠢ ᠮᠥᠷᠳᠡᠯᠡ ᠪᠡᠨ ᠴᠢᠮᠠ ᠳ᠋ᠠᠭᠠᠨ ᠬᠠᠷᠠᠳᠠᠭᠤᠯᠵᠤ
ᠣᠯᠠᠨ ᠬᠣᠨᠣᠭ ᠥᠪᠡᠷ ᠢ᠋ ᠪᠡᠨ ᠴᠠᠭᠠᠳᠬᠠᠵᠤ ᠶᠠᠪᠤᠬᠤ ᠰᠠᠢᠬᠠᠨ
ᠬᠠᠯᠳᠠᠭᠠᠬᠤ ᠦᠭᠡᠢ ᠨᠢᠳᠦ ᠶ᠋ᠢ ᠮᠢᠨᠢ ᠬᠣᠷᠭᠤᠭᠠᠵᠦ
ᠬᠠᠷᠢᠶᠠᠴᠠᠢ ᠰᠢᠭ᠋ ᠬᠠᠷᠠᠴᠠ ᠪᠠᠷ ᠢ᠋ᠶ᠋ᠠᠨ ᠨᠠᠮᠠᠶ᠋ᠢ ᠪᠠᠨ ᠡᠭᠡᠷᠡᠵᠦ
ᠠᠭᠤᠷᠯᠠᠵᠤ ᠴᠦ᠍ ᠴᠢᠳᠠᠬᠤ ᠦᠭᠡᠢ᠂ ᠢᠨᠢᠶᠡᠵᠦ ᠴᠦ᠍ ᠴᠢᠳᠠᠬᠤ ᠦᠭᠡᠢ
ᠤᠷᠲᠤ ᠤᠷᠲᠤ ᠰᠠᠨᠠᠭᠠ ᠠᠯᠲᠠᠨ ᠳᠡᠩᠰᠡᠯᠬᠦ ᠴᠢᠨᠢ ᠰᠠᠢᠬᠠᠨ
ᠨᠢᠳᠦ ᠴᠢᠨᠢ ᠭᠤᠷᠪᠠᠯᠵᠢᠯᠠᠨ ᠨᠢᠭᠦᠯ ᠬᠡᠷᠴᠢᠬᠦ ᠬᠢᠲᠤᠭᠠ ᠰᠢᠭ᠋
ᠭᠢᠯᠠᠯᠵᠠᠨ ᠢᠷᠡᠵᠦ ᠶᠠᠪᠤᠭᠠ ᠨᠢᠯᠪᠤᠰᠤ ᠳᠠᠭᠤᠨ ᠳ᠋ᠤ᠌ ᠨᠢ ᠰᠢᠭᠦᠳᠡᠷᠢᠯᠡᠭᠡᠳ
ᠢᠩᠭᠢᠨᠡ ᠭᠡᠵᠦ ᠰᠠᠨᠠᠭᠠ ᠦᠭᠡᠢ ᠠ᠋ ᠭᠡᠵᠦ
ᠪᠣᠳᠣᠯ ᠢ᠋ᠶ᠋ᠠᠨ ᠲᠠᠰᠤᠯᠬᠦ ᠴᠢᠨᠢ ᠰᠠᠢᠬᠠᠨ
ᠤᠴᠢᠷ ᠪᠦᠬᠦᠨ ᠢ᠋ ᠲᠠᠢᠯᠤᠭᠰᠠᠨ ᠬᠣᠢᠨᠠ
ᠤᠳᠠᠭᠠᠨ ᠶᠠᠭᠤᠨ ᠳ᠋ᠤ᠌ ᠨᠠᠮᠠᠶ᠋ᠢ ᠵᠣᠪᠠᠭᠠᠪᠠ ᠳᠠ ᠭᠡᠵᠦ
ᠬᠠᠯᠠᠭᠤ ᠲᠥᠭᠡᠨᠡᠭᠦᠯᠦᠨ ᠡᠩᠭᠡᠷ ᠨᠠᠯᠠᠵᠤ
ᠬᠠᠴᠠᠷ ᠳᠡᠭᠡᠭᠦᠷ ᠢ᠋ᠶ᠋ᠡᠨ ᠨᠢᠯᠪᠤᠰᠤ ᠪᠠᠨ ᠳᠡᠭᠳᠡᠭᠦᠯᠦᠨ
ᠲᠠᠢᠳᠬᠤᠷᠠᠬᠤ ᠴᠢᠨᠢ ᠪᠦᠷ ᠰᠠᠢᠬᠠᠨ
ᠬᠠᠷᠠᠳᠠᠬᠤ ᠲᠣᠭᠠᠯᠠᠨ ᠳ᠋ᠤ᠌ ᠴᠢᠨᠢ ᠪᠢ
ᠴᠢᠨᠦᠬᠢ ᠭᠡᠳᠡᠭ ᠢ᠋ᠶ᠋ᠡᠨ ᠮᠡᠳᠡᠷᠡᠳᠡᠭ ᠶᠦᠮ
ᠬᠡᠴᠢᠨᠡᠭᠡᠨ ᠶᠡᠬᠡ ᠬᠠᠢᠷᠠ ᠪᠠᠷ᠂
ᠬᠡᠨ ᠳ᠋ᠦ᠍ ᠴᠦ᠍ ᠥᠭᠬᠦ ᠦᠭᠡᠢ ᠭᠡᠳᠡᠭ ᠢ᠋ ᠴᠢᠨᠢ ᠤᠬᠠᠭᠠᠷᠠᠳᠠᠭ ᠶᠤᠮ
ᠦᠭᠡ ᠤᠨᠤᠭᠰᠠᠨ ᠬᠤᠳᠠᠯ ᠳ᠋ᠤ᠌ ᠪᠢᠲᠡᠭᠡᠢ ᠬᠡᠯᠡ
ᠦᠬᠦᠯ ᠡᠴᠡ ᠪᠤᠰᠤᠳ ᠲᠤ ᠨᠠᠮᠠᠶ᠋ᠢ ᠪᠠᠨ ᠥᠭᠬᠦ ᠦᠭᠡᠢ ᠬᠠᠨᠢ ᠳ᠋ᠠᠭᠠᠨ
ᠦᠶᠡ ᠦᠶᠡᠬᠡᠨ ᠬᠠᠶᠠ ᠬᠠᠶᠠᠬᠠᠨ
ᠬᠠᠷᠠᠳᠠᠭᠤᠯᠬᠤ ᠰᠠᠢᠬᠠᠨ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄᠄ ᠪᠠᠶᠠᠷᠴᠡᠴᠡᠭ