ᠡᠷᠡ ᠬᠥᠮᠦᠨ ᠦ᠌ ᠲᠠᠪᠢᠨ ᠨᠠᠰᠤ - ᠰᠣᠶᠣᠷᠬᠠ ᠶ᠋ᠢᠨ ᠫᠦᠷᠪᠤᠰᠥ᠋ᠷᠦᠩ Эр хүний тавин нас - Соёрхын Пүрэвсүрэн
2025ᠡᠷᠡ ᠬᠥᠮᠦᠨ ᠦ᠌ ᠲᠠᠪᠢᠨ ᠨᠠᠰᠤ
ᠦᠬᠦᠬᠦ ᠡᠴᠡ ᠪᠤᠰᠤᠳ ᠢ᠋ ᠦᠵᠡᠭᠰᠡᠨ ᠠᠵᠢᠷᠭᠠᠨ ᠴᠢᠨᠣᠠ ᠶ᠋ᠢᠨ ᠤᠬᠠᠭᠠᠨ
ᠭᠠᠩ ᠲᠠᠢ ᠵᠢᠯ ᠦ᠋ᠨ ᠨᠠᠷᠠᠨ ᠳ᠋ᠤ᠌ ᠠᠩᠭᠠᠵᠤ ᠬᠠᠭᠳᠠᠷᠠᠭᠠ ᠦᠭᠡᠢ ᠬᠠᠷᠭᠠᠨᠠ
ᠭᠠᠯᠪᠠ ᠶ᠋ᠢᠨ ᠭᠤᠷᠪᠠᠨ ᠭᠣᠪᠢ ᠳ᠋ᠤ᠌ ᠴᠠᠩᠭᠠᠵᠤ ᠤᠨᠠᠭᠠ ᠦᠭᠡᠢ ᠬᠠᠢᠯᠠᠰᠤ
ᠤᠷᠲᠤ ᠬᠣᠯᠠ ᠶ᠋ᠢᠨ ᠵᠠᠮ ᠳ᠋ᠤ᠌ ᠵᠢᠩ ᠦ᠋ᠨ ᠳᠡᠭᠦᠵᠢᠭᠡᠨ ᠳ᠋ᠦ᠍ ᠬᠥᠲᠥᠯᠬᠦ
ᠤᠷᠭᠤᠭᠠ ᠬᠠᠳᠠ ᠰᠢᠭ᠋ ᠬᠠᠨᠠᠭᠠᠷ ᠠᠴᠢᠶᠠ ᠲᠠᠢ ᠠᠳᠠ ᠰᠢᠭ᠋ ᠨᠠᠰᠤ
ᠡᠷᠡ ᠬᠥᠮᠦᠨ ᠦ᠌ ᠲᠠᠪᠢᠨ ᠨᠠᠰᠤ ᠢᠰᠬᠦᠯᠡᠩ ᠳᠡᠷᠡᠰᠦᠨ ᠦ᠌ ᠠᠮᠲᠠ
ᠡᠮᠨᠢᠭ ᠦ᠋ᠨ ᠪᠤᠯᠭᠢᠶᠠᠨ ᠳ᠋ᠤ᠌ ᠠᠵᠢᠶᠠᠷᠠᠬᠤ ᠦᠭᠡᠢ ᠡᠯᠳᠡᠭᠦᠷ ᠨᠢ ᠬᠠᠨᠤᠭᠰᠠᠨ ᠰᠤᠷ
ᠠᠭᠲᠠᠨ ᠳ᠋ᠤ᠌ ᠤᠶᠠᠭᠳᠠᠨ ᠬᠥᠲᠥᠯᠦᠭᠳᠡᠪᠡᠴᠦ ᠭᠦᠶᠦᠭᠡᠳ ᠢᠷᠡᠬᠦ ᠠᠵᠢᠨᠠᠢ
ᠠᠮᠠᠷᠠᠭ ᠤ᠋ᠨ ᠳᠠᠭᠤᠨ ᠳ᠋ᠤ᠌ ᠵᠠᠩᠭᠢᠷᠴᠦ ᠠᠨᠢᠰᠬᠠ ᠴᠢᠭᠢᠭᠯᠡᠬᠦ ᠨᠢᠯᠪᠤᠰᠤ
ᠳᠥᠷᠦᠭᠡᠨ ᠴᠢᠮᠡᠭᠡ ᠲᠡᠢ ᠣᠷᠴᠢᠯᠠᠩ ᠤ᠋ᠨ ᠳᠦᠭᠦᠷᠡᠭ ᠴᠠᠭᠠᠨ ᠠᠶᠠᠯᠭᠤ
ᠳᠥᠮᠦᠭᠡᠨ ᠳᠠᠭᠤᠯᠠᠬᠤ ᠰᠢᠷᠤᠩᠬᠠᠢ ᠳᠦᠨᠵᠢᠨᠭᠠᠷᠪᠦ ᠶ᠋ᠢᠨ ᠰᠦᠨᠳᠡᠯ
ᠡᠷᠡ ᠬᠥᠮᠦᠨ ᠦ᠌ ᠲᠠᠪᠢᠨ ᠨᠠᠰᠤ
ᠡᠷᠡ ᠶ᠋ᠢᠨ ᠴᠡᠭᠡᠯ ᠳ᠋ᠦ᠍ ᠬᠦᠷᠦᠭᠰᠡᠨ
ᠲᠥᠷᠥ ᠶ᠋ᠢᠨ ᠨᠣᠶᠠᠨ ᠨᠢᠷᠤᠭᠤ ᠡᠷᠯᠢᠭ ᠲᠠᠭᠠᠷᠠᠭᠰᠠᠨ ᠴᠦ᠍
ᠰᠣᠴᠢᠬᠤ ᠪᠠᠷ ᠦᠭᠡᠢ ᠠᠶᠤᠳᠠᠰᠤ ᠬᠦᠷᠭᠡᠭᠰᠡᠨ ᠨᠠᠰᠤ
ᠲᠣᠭᠠᠯᠠᠳᠠᠭ᠂ ᠲᠣᠷᠮᠣᠢᠳᠠᠭ ᠬᠣᠶᠠᠷ ᠤ᠋ᠨ ᠠᠮᠲᠠ ᠦᠨᠦᠷ ᠢ᠋ ᠳᠠᠩᠰᠠᠯᠠᠵᠤ
ᠲᠣᠭᠣᠷᠢᠬᠤ᠂ ᠳᠠᠭᠠᠷᠢᠬᠤ ᠬᠣᠶᠠᠷ ᠢ᠋ᠶ᠋ᠠᠨ ᠤᠬᠠᠭᠠᠷᠠᠵᠤ ᠲᠠᠨᠢᠭᠰᠠᠨ ᠨᠠᠰᠤ
ᠲᠣᠷᠭᠠ᠂ ᠳᠤᠷᠳᠤᠩ ᠬᠣᠶᠠᠷ ᠤ᠋ᠨ ᠥᠩᠭᠡ ᠴᠢᠨᠰᠠᠭᠠ ᠶ᠋ᠢ ᠲᠡᠩᠰᠡᠵᠦ
ᠮᠠᠩᠨᠤᠭ᠂ ᠴᠢᠰᠴᠡᠦ ᠬᠣᠶᠠᠷ ᠢ᠋ᠶ᠋ᠠᠨ ᠢᠯᠭᠠᠵᠤ ᠮᠡᠳᠡᠳᠡᠭ ᠨᠠᠰᠤ ᠠ᠋
ᠢᠷ ᠨᠢ ᠡᠮᠲᠡᠷᠡᠭᠰᠡᠨ ᠴᠦ᠍ ᠵᠢᠪᠡᠷᠡᠭᠡ ᠦᠭᠡᠢ
ᠬᠥᠬᠡ ᠢᠯᠳᠦᠨ ᠦ᠌ ᠠᠭᠠᠭ
ᠢᠳᠡᠷ ᠦ᠋ᠨ ᠵᠣᠯᠪᠣᠭᠠ ᠬᠠᠷᠢᠭᠠ ᠦᠭᠡᠢ
ᠡᠪᠦᠭᠡᠨ ᠪᠦᠷᠭᠦᠳ ᠦ᠋ᠨ ᠵᠢᠭᠦᠷ ᠠ᠋
ᠡᠷᠡ ᠬᠥᠮᠦᠨ ᠦ᠌ ᠲᠠᠪᠢᠨ ᠨᠠᠰᠤ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ