ᠪᠦᠲᠦᠨ ᠪᠣᠯᠬᠤ ᠶᠢᠨ ᠰᠢᠯᠦᠭ - ᠪᠠᠪᠤᠤ ᠶ᠋ᠢᠨ ᡀᠬᠠᠪᠠᠰᠥ᠋ᠷᠦᠩ Бүтэн болохын шүлэг — Бавуугийн Лхагвасүрэн
807ᠪᠦᠲᠦᠨ ᠪᠣᠯᠬᠤ ᠶᠢᠨ ᠰᠢᠯᠦᠭ
ᠨᠠᠮᠤᠤ ᠬᠣᠶᠠᠷ ᠲᠤ ᠪᠠᠨ ᠵᠣᠷᠢᠭᠤᠯᠪᠠ᠁
ᠪᠠᠷᠴᠢᠨ ᠬᠠᠲᠠᠲᠠᠢ ᠲᠤᠯᠤᠭᠠᠳ ᠮᠢᠨᠢ
ᠪᠠᠬᠠᠷᠬᠠᠯ ᠢ᠋ ᠮᠢᠨᠢ ᠨᠡᠮᠡᠬᠦ ᠪᠡᠷ
ᠠᠭᠤᠯᠠ ᠪᠣᠯᠳᠠᠭ᠃
ᠰᠠᠭᠠᠬᠤ ᠨᠡᠢᠯᠡᠬᠦ ᠶ᠋ᠢᠨ ᠰᠢᠷᠠ ᠬᠥᠨᠳᠡᠢ ᠮᠢᠨᠢ
ᠰᠠᠨᠠᠭᠰᠠᠨ ᠢ᠋ ᠮᠢᠨᠢ ᠨᠡᠮᠡᠬᠦ ᠪᠡᠷ
ᠲᠠᠯᠠ ᠪᠣᠯᠳᠠᠭ᠃
ᠤᠲᠠᠰᠤ ᠰᠢᠭ᠋ ᠨᠠᠷᠢᠬᠠᠨ ᠪᠥᠵᠥᠩᠬᠡᠢ ᠶ᠋ᠢᠨ
ᠭᠣᠣᠯ ᠤᠬᠢᠯᠠᠭᠰᠠᠨ ᠢ᠋ ᠮᠢᠨᠢ ᠨᠡᠮᠡᠬᠦ ᠪᠡᠷ
ᠮᠥᠷᠡᠨ ᠪᠣᠯᠳᠠᠭ᠃
ᠭᠤᠷᠠᠩᠬᠠᠯᠠᠭᠰᠠᠨ ᠲᠤᠷᠠᠩᠬᠠᠢ ᠬᠣᠷᠢᠳ ᠤ᠋ᠨ
ᠬᠠᠪᠢᠷᠭᠠᠨ ᠰᠠᠷᠠ ᠭᠤᠨᠢᠭ ᠢ᠋ ᠮᠢᠨᠢ ᠨᠡᠮᠡᠭᠡᠳ
ᠲᠡᠷᠭᠡᠯ ᠪᠣᠯᠳᠠᠭ᠃
ᠳᠡᠭᠡᠳᠦ ᠬᠥᠬᠡ ᠲᠩᠷᠢ ᠶ᠋ᠢᠨ ᠣᠳᠣᠳ ᠮᠢᠨᠢ
ᠰᠦ ᠡᠷᠭᠦᠬᠦ ᠪᠡᠷ
ᠣᠯᠠᠨ ᠪᠣᠯᠳᠠᠭ᠃
ᠳᠠᠭᠤᠨ ᠳ᠋ᠤ᠌ ᠨᠠᠮᠢᠷᠠᠬᠤ ᠡᠪᠡᠰᠦᠲᠦ ᠬᠥᠳᠡᠭᠡ ᠮᠢᠨᠢ
ᠥᠬᠢᠨ ᠲᠥᠷᠥᠬᠦ ᠪᠡᠷ
ᠴᠡᠴᠡᠭ ᠲᠡᠢ ᠪᠣᠯᠳᠠᠭ᠃
ᠢᠷᠠᠯᠵᠠᠨ ᠤᠷᠤᠰᠬᠤ ᠬᠤᠪᠢᠯᠭᠠᠨ ᠵᠡᠷᠭᠡᠯᠭᠡ ᠨᠢ
ᠵᠡᠭᠦᠳᠦ ᠶ᠋ᠢ ᠮᠢᠨᠢ ᠨᠡᠮᠡᠬᠦ ᠪᠡᠷ
ᠵᠢᠷᠤᠭ ᠪᠣᠯᠳᠠᠭ᠃
ᠶᠠᠭᠠᠬᠢᠵᠤ ᠶᠠᠪᠤᠭᠠ ᠪᠣᠯ ᠳᠠ! ᠭᠡᠵᠦ
ᠰᠢᠨᠠᠯᠤᠭᠰᠠᠨ ᠨᠤᠲᠤᠭ ᠮᠢᠨᠢ
ᠶᠠᠰᠤ ᠶ᠋ᠢ ᠮᠢᠨᠢ ᠲᠡᠪᠡᠷᠢᠭᠡᠳ
ᠪᠦᠲᠦᠨ ᠪᠣᠯᠤᠨᠠ᠃
2001 ᠣᠨ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ