ᠴᠠᠭᠠᠨ ᠰᠠᠷᠠ-ᠬᠡᠷᠡᠢᠳ ᠭᠸᠯᠢᠬ᠌ᠰᠠᠩᠪᠤᠤ Цагаан сар-Хэрэйд Гелигсамбуу
1287ᠴᠠᠭᠠᠨ ᠰᠠᠷᠠ
ᠬᠡᠷᠡᠢᠳ ᠭᠸᠯᠢᠬ᠌ᠰᠠᠩᠪᠤᠤ
ᠴᠠᠩ ᠲᠠᠢ ᠡᠪᠦᠯ ᠴᠠᠭᠠᠰᠢᠯᠠᠭᠠᠳ
ᠴᠠᠰᠤᠨ ᠤ᠋ ᠨᠦᠮᠵᠦᠭ ᠲᠦ᠍ ᠢᠷᠭᠤᠢ ᠨᠢᠳᠦᠯᠡᠳᠡᠭ
ᠴᠠᠭ ᠤ᠋ᠨ ᠰᠠᠢᠬᠠᠨ ᠬᠠᠪᠤᠷ ᠲᠠᠢ ᠪᠠᠨ
ᠴᠠᠭᠠᠨ ᠰᠠᠷᠠ ᠪᠣᠱᠣᠭᠠ ᠪᠠᠷ ᠠᠢᠰᠤᠢ
ᠵᠡᠯᠢᠭᠦᠳ ᠬᠣᠯᠠ ᠶ᠋ᠢᠨ ᠭᠠᠵᠠᠷ ᠠ᠋ᠴᠠ
ᠵᠢᠰᠦᠮ ᠦ᠋ᠨ ᠤᠨᠤᠭᠠ ᠳᠠᠪᠬᠢᠯᠳᠤᠨ
ᠵᠢᠯ ᠦ᠋ᠨ ᠲᠣᠭᠣᠷᠢᠯᠲᠠ ᠪᠠᠷ ᠵᠣᠴᠢᠳ
ᠵᠡᠯᠡ ᠳ᠋ᠦ᠍ ᠪᠠᠭᠤᠭᠰᠠᠨ ᠴᠠᠭᠠᠨ ᠰᠠᠷᠠ
ᠨᠣᠮᠯᠠᠨ ᠢᠪᠡᠭᠡᠭᠴᠢ ᠪᠤᠷᠬᠠᠳ ᠨᠢ
ᠨᠤᠲᠤᠭ ᠤ᠋ᠨ ᠲᠡᠭᠷᠢ ᠳ᠋ᠦ᠍ ᠵᠠᠪᠢᠯᠠᠨ
ᠨᠣᠮᠣᠬᠠᠨ ᠰᠢᠳᠤᠷᠭᠤ ᠲᠦᠮᠡᠨ ᠢ᠋ᠶ᠋ᠡᠨ
ᠨᠠᠮᠠᠨᠴᠢᠯᠠᠨ ᠰᠣᠶᠣᠷᠬᠠᠭᠰᠠᠨ ᠴᠠᠭᠠᠨ ᠰᠠᠷᠠ
ᠨᠣᠶᠠᠨ ᠰᠠᠭᠤᠳᠠᠯ ᠲᠠᠢ ᠠᠭᠤᠯᠠᠰ ᠨᠢ
ᠨᠣᠮᠢᠨ ᠵᠡᠷᠭᠡᠯᠭᠡᠨ ᠢ᠋ᠶ᠋ᠡᠷ ᠵᠣᠯᠭᠠᠯᠳᠤᠭᠠᠳ
ᠨᠤᠭᠤ ᠶ᠋ᠢᠨ ᠰᠢᠮᠡᠯᠢᠭ ᠬᠥᠷᠥᠰᠥᠨ ᠡᠴᠡ
ᠨᠣᠭᠣᠭᠠ ᠰᠣᠶᠣᠭᠠᠯᠠᠳᠠᠭ ᠴᠠᠭᠠᠨ ᠰᠠᠷᠠ
ᠦᠶᠡᠯᠵᠡᠨ ᠴᠡᠩᠬᠡᠷᠯᠡᠬᠦ ᠭᠣᠣᠯ ᠨᠢ
ᠥᠯᠵᠡᠢ ᠵᠠᠩᠭᠢᠶᠠᠯᠠᠨ ᠤᠷᠤᠰᠤᠭᠠᠳ
ᠥᠨᠢᠷ ᠣᠨ ᠢ᠋ᠶ᠋ᠠᠨ ᠵᠥᠩᠨᠡᠭᠰᠡᠨ
ᠥᠶᠥᠭ ᠴᠠᠳᠬᠤᠯᠠᠩ ᠴᠠᠭᠠᠨ ᠰᠠᠷᠠ
ᠠᠶᠠᠭᠠ ᠲᠡᠷᠭᠡᠯ ᠨᠠᠭᠤᠷ ᠨᠢ
ᠠᠷᠢᠭᠤᠨ ᠰᠦ ᠰᠢᠭ ᠮᠡᠯᠮᠡᠯᠵᠡᠭᠡᠳ
ᠠᠯᠤᠰ ᠠ᠋ᠴᠠ ᠳᠡᠭᠡᠰᠦᠯᠡᠬᠦ ᠭᠠᠯᠠᠭᠤᠳ ᠤ᠋ᠨ ᠢ᠋ᠶ᠋ᠠᠨ
ᠠᠶᠠᠨ ᠤ᠋ ᠪᠡᠯᠭᠡᠳᠡᠯ ᠲᠡᠢ ᠴᠠᠭᠠᠨ ᠰᠠᠷᠠ
ᠬᠣᠯᠣᠩ ᠤ᠋ᠨ ᠴᠡᠩᠬᠡᠷ ᠤᠲᠤᠭᠠ ᠨᠢ
ᠡᠭᠦᠯᠡᠨ ᠤᠭᠠᠯᠵᠠ ᠭᠤᠭᠴᠤᠭᠯᠠᠨ
ᠬᠣᠲᠠ ᠠᠢᠯ ᠨᠢ ᠵᠢᠷᠭᠠᠯᠠᠩ ᠲᠠᠢ
ᠡᠩᠬᠡ ᠠᠮᠤᠭᠤᠯᠠᠩ ᠴᠠᠭᠠᠨ ᠰᠠᠷᠠ
ᠬᠥᠬᠡᠭᠴᠢᠨ ᠮᠣᠭᠠᠢ ᠵᠢᠯ ᠦ᠋ᠨ ᠴᠠᠭᠠᠨ ᠰᠠᠷᠠ ᠳ᠋ᠤ᠌
ᠬᠢᠨᠠᠭᠴᠢ᠄ ᠴᠠᠬᠠᠷ ᠪᠠᠲᠤ᠂ ᠤᠷᠢᠶᠠᠩᠬᠠᠢ ᠨᠠᠷᠠᠨᠮᠠᠨᠳᠠ