ᠡᠳ᠋ ᠦ᠋ᠨ ᠳᠡᠭᠡᠳᠦ ᠬᠠᠳᠠᠭЭдийн дээд хадаг
780ᠡᠳ᠋ ᠦ᠋ᠨ ᠳᠡᠭᠡᠳᠦ ᠬᠠᠳᠠᠭ
ᠰᠠᠢᠨ ᠪᠠᠢᠨᠠ ᠤᠤ? ᠡᠷᠬᠢᠮ ᠬᠦᠨᠳᠦᠲᠦ ᠲᠠ ᠨᠠᠷ ᠲᠤ᠌ ᠪᠠᠨ ᠥᠨᠥᠳᠥᠷ ᠦ᠋ᠨ ᠰᠠᠢᠬᠠᠨ ᠮᠡᠨᠳᠦ ᠶ᠋ᠢ ᠳᠡᠪᠰᠢᠭᠦᠯᠦᠶᠡ!
ᠪᠢ ᠪᠣᠯ ᠤᠯᠠᠭᠠᠨᠬᠠᠳᠠ ᠬᠣᠲᠠ ᠶ᠋ᠢᠨ ᠠᠷᠤ ᠬᠣᠷᠴᠢᠨ ᠬᠤᠰᠢᠭᠤᠨ ᠤ᠋ ᠪᠠᠶᠠᠨ ᠥᠨᠳᠥᠷ ᠪᠠᠭᠠ ᠰᠤᠷᠭᠠᠭᠤᠯᠢ ᠶ᠋ᠢᠨ2᠂1 ᠳ᠋ᠦ᠍ᠭᠡᠷ ᠠᠩᠭᠢ ᠶ᠋ᠢᠨ ᠰᠦᠮᠠᠨ ᠪᠣᠯᠤᠨᠠ᠃
ᠪᠢ ᠲᠠ ᠨᠠᠷ ᠲᠤ᠌ ᠪᠠᠨ ᠡᠳ᠋ ᠦ᠋ᠨ ᠳᠡᠭᠡᠳᠦ ᠬᠠᠳᠠᠭ ᠢ᠋ ᠤᠩᠰᠢᠨ ᠰᠣᠨᠢᠷᠬᠠᠭᠤᠯᠤᠶᠠ᠃
ᠡᠳ᠋ ᠦ᠋ᠨ ᠳᠡᠭᠡᠳᠦ ᠬᠠᠳᠠᠭ
ᠮᠣᠩᠭᠣᠯᠴᠤᠳ ᠶᠡᠷᠦ ᠨᠢ ᠡᠳ᠋ ᠦ᠋ᠨ ᠳᠡᠭᠡᠳᠦ ᠬᠠᠳᠠᠭ᠂ ᠢᠳᠡᠭᠡᠨ ᠦ᠌ ᠳᠡᠭᠡᠳᠦ ᠴᠠᠢ ᠭᠡᠵᠦ ᠬᠠᠳᠠᠭ ᠢ᠋ ᠶᠡᠬᠡᠳᠡᠨ ᠳᠡᠭᠡᠳᠦᠯᠡᠳᠡᠭ᠃ ᠬᠠᠳᠠᠭ ᠢ᠋ ᠭᠣᠣᠯᠳᠠᠭᠤ ᠴᠠᠭᠠᠨ ᠰᠠᠷᠠ᠂ ᠬᠤᠷᠢᠮ ᠨᠠᠢᠷ᠂ ᠣᠪᠣᠭᠠ ᠲᠠᠬᠢᠯᠭᠠ ᠳ᠋ᠤ᠌ ᠬᠡᠷᠡᠭᠯᠡᠳᠡᠭ᠃ ᠬᠠᠳᠠᠭ ᠢ᠋ ᠥᠭᠬᠦ ᠭᠡᠳᠡᠭ ᠦᠭᠡᠢ᠂ ᠬᠠᠳᠠᠭ ᠪᠠᠷᠢᠬᠤ ᠭᠡᠳᠡᠭ᠃ ᠬᠠᠳᠠᠭ ᠢ᠋ ᠬᠠᠮᠤᠭ ᠣᠨ ᠬᠦᠨᠳᠦᠲᠦ ᠵᠣᠴᠢᠨ᠂ ᠠᠬᠠᠮᠠᠳ ᠨᠠᠰᠤᠲᠠᠨ ᠳ᠋ᠤ᠌ ᠪᠠᠨ ᠪᠠᠷᠢᠳᠠᠭ᠃ ᠬᠠᠳᠠᠭ ᠢ᠋ ᠪᠠᠷᠢᠬᠤ ᠳ᠋ᠤ᠌ ᠪᠠᠨ ᠬᠣᠶᠠᠷ ᠭᠠᠷ ᠣᠨ ᠠᠯᠠᠭᠠᠨ ᠳ᠋ᠤ᠌ ᠪᠠᠨ ᠳᠡᠯᠭᠡᠵᠦ ᠬᠠᠳᠠᠭ ᠣᠨ ᠢ᠋ᠶ᠋ᠠᠨ ᠠᠮᠠ ᠶ᠋ᠢ ᠬᠦᠨᠳᠦᠲᠦ ᠵᠣᠴᠢᠨ ᠤ᠋ ᠪᠠᠨ ᠥᠭᠡᠳᠡ ᠬᠠᠨᠳᠤᠭᠤᠯᠵᠤ ᠪᠠᠷᠢᠨᠠ᠃ ᠬᠠᠳᠠᠭ ᠲᠤ᠌ ᠬᠥᠬᠡ᠂ ᠴᠠᠭᠠᠨ᠂ ᠰᠢᠷᠠ᠂ ᠨᠣᠭᠣᠭᠠᠨ᠂ ᠤᠯᠠᠭᠠᠨ ᠲᠠᠪᠤᠨ ᠥᠩᠭᠡ ᠪᠠᠢᠳᠠᠭ᠃ ᠥᠩᠭᠡ ᠪᠦᠷᠢ ᠶ᠋ᠢᠨ ᠬᠠᠳᠠᠭ ᠨᠢ ᠥᠭᠡᠷᠡ ᠥᠭᠡᠷᠡ ᠶ᠋ᠢᠨ ᠵᠥᠩᠨᠡᠯ ᠪᠡᠯᠭᠡᠳᠡᠯ ᠲᠡᠢ᠃ ᠮᠠᠨ ᠤ᠋ ᠶᠡᠷᠦ ᠳ᠋ᠤ᠌ ᠪᠡᠨ ᠬᠡᠷᠡᠭᠯᠡᠳᠡᠭ ᠨᠢ ᠬᠥᠬᠡ ᠥᠩᠭᠡ ᠶ᠋ᠢᠨ ᠬᠠᠳᠠᠭ ᠪᠣᠯᠤᠨᠠ᠃ ᠮᠣᠩᠭᠣᠯᠴᠤᠳ ᠬᠠᠳᠠᠭ ᠢ᠋ ᠡᠨᠳᠡ ᠲᠡᠨᠳᠡ ᠬᠠᠶᠠᠳᠠᠭ ᠦᠭᠡᠢ᠂ ᠬᠠᠳᠠᠭ ᠳᠡᠭᠡᠭᠦᠷ ᠠᠯᠬᠤᠵᠤ ᠭᠢᠰᠬᠢᠬᠦ ᠶ᠋ᠢ ᠶᠡᠬᠡᠳᠡ ᠴᠡᠭᠡᠷᠯᠡᠳᠡᠭ ᠶᠣᠰᠣ ᠵᠠᠩᠰᠢᠯ ᠲᠠᠢ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠤᠷᠢᠶᠠᠩᠬᠠᠢ ᠨᠠᠷᠠᠨᠮᠠᠨᠳᠠ