ᠬᠡᠯᠡ ᠪᠢᠴᠢᠭ - ᠪᠠᠭᠠ ᠰᠤᠷᠭᠠᠭᠤᠯᠢ ᠨᠢᠭᠡᠳᠦᠭᠡᠷ ᠣᠨ ᠳᠣᠣᠷᠠᠳᠤ 10ᠬᠠᠮᠤᠭ ᠊ᠤᠨ ᠠᠮᠲᠠᠲᠠᠢ ᠢᠳᠡᠭᠡᠨ Хэл бичиг-бага сургуули нэгдүгээр он доорд
144210 ᠬᠠᠮᠤᠭ ᠊ᠤᠨ ᠠᠮᠲᠠᠲᠠᠢ ᠢᠳᠡᠭᠡᠨ
ᠢᠰᠢᠭᠡ ᠪᠣᠯᠤᠨ ᠪᠢᠴᠢᠬᠠᠨ ᠮᠤᠤᠷ ᠬᠣᠶᠠᠭᠤᠯᠠ ᠳᠡᠯᠡᠬᠡᠢ ᠳᠡᠭᠡᠷᠡ ᠶᠠᠭᠤ ᠬᠠᠮᠤᠭ ᠤ᠋ᠨ ᠠᠮᠲᠠᠲᠠᠢ ᠪᠣᠯᠬᠤ ᠲᠤᠬᠠᠢ ᠮᠠᠷᠭᠤᠯᠳᠤᠪᠠ᠃
ᠢᠰᠢᠭᠡ᠄ 《ᠳᠡᠯᠡᠬᠡᠢ ᠳᠡᠭᠡᠷᠡ ᠨᠢᠯᠵᠠᠷᠠᠢ ᠡᠪᠡᠰᠦ ᠬᠠᠮᠤᠭ ᠤ᠋ᠨ ᠠᠮᠲᠠᠲᠠᠢ᠂ ᠨᠢᠯᠵᠠᠷᠠᠢ ᠡᠪᠡᠰᠦ ᠵᠥᠪ ᠵᠥᠭᠡᠯᠡᠨ ᠮᠥᠷᠲᠡᠭᠡᠨ ᠨᠣᠪ ᠨᠣᠭᠣᠭᠠᠨ》 ᠭᠡᠯᠡ᠃
ᠪᠢᠴᠢᠬᠠᠨ ᠮᠤᠤᠷ᠄ 《ᠪᠢ ᠦᠵᠡᠬᠦ ᠳ᠋ᠤ᠌ ᠳᠡᠯᠡᠬᠡᠢ ᠳᠡᠭᠡᠷᠡ ᠬᠠᠮᠤᠭ ᠤ᠋ᠨ ᠠᠮᠲᠠᠲᠠᠢ ᠨᠢ ᠵᠢᠭᠠᠰᠤ᠃ ᠵᠢᠭᠠᠰᠤᠨ ᠮᠢᠬᠠ ᠵᠥᠭᠡᠯᠡᠨ ᠮᠥᠷᠲᠡᠭᠡᠨ ᠠᠩᠬᠢᠯᠤᠮᠠ》 ᠭᠡᠯᠡ᠃
ᠲᠡᠳᠡ ᠬᠣᠶᠠᠭᠤᠯᠠ ᠥᠪᠡᠷ ᠥᠪᠡᠷ ᠦ᠋ᠨ ᠢ᠋ᠶ᠋ᠡᠨ ᠦᠵᠡᠯᠲᠡ ᠪᠡᠨ ᠪᠠᠷᠢᠮᠲᠠᠯᠠᠵᠤ᠂ ᠬᠡᠨ ᠨᠢ ᠴᠦ᠍ ᠨᠠᠢᠷ ᠲᠠᠯᠪᠢᠬᠤ ᠦᠭᠡᠢ ᠪᠠᠢᠪᠠ᠃ ᠰᠡᠭᠦᠯ ᠳ᠋ᠤ᠌ ᠪᠡᠨ ᠪᠢᠴᠢᠬᠠᠨ ᠰᠠᠮᠵᠠ ᠠ᠋ᠴᠠ ᠠᠰᠠᠭᠤᠬᠤ ᠪᠠᠷ ᠣᠴᠢᠪᠠ᠃
ᠲᠡᠭᠡᠬᠦ ᠳ᠋ᠤ᠌ ᠪᠢᠴᠢᠬᠠᠨ ᠰᠠᠮᠵᠠ᠄ 《ᠲᠠ ᠬᠣᠶᠠᠭᠤᠯᠠ ᠦᠨᠡᠬᠡᠷ ᠲᠡᠨᠡᠭ ᠪᠠᠢᠨᠠ᠃ ᠳᠡᠯᠡᠬᠡᠢ ᠳᠡᠭᠡᠷᠡ ᠶᠠᠭᠤ ᠬᠠᠮᠤᠭ ᠤ᠋ᠨ ᠠᠮᠲᠠᠲᠠᠢ ᠶ᠋ᠢ ᠴᠦ᠍ ᠮᠡᠳᠡᠬᠦ ᠦᠭᠡᠢ ᠭᠡᠵᠦ ᠦᠦ? ᠳᠡᠯᠡᠬᠡᠢ ᠳᠡᠭᠡᠷᠡ ᠬᠠᠮᠤᠭ ᠠᠮᠲᠠᠲᠠᠢ ᠨᠢ ᠲᠣᠭᠣᠷ ᠰᠢᠦ ᠳ᠋ᠠ᠃ ᠲᠣᠭᠣᠷ ᠤᠪ ᠤᠯᠠᠭᠠᠨ ᠮᠥᠷᠲᠡᠭᠡᠨ ᠰᠢᠬᠢᠷᠯᠢᠭ ᠰᠠᠢᠬᠠᠨ᠂ ᠦᠨᠡᠬᠡᠷ ᠠᠮᠲᠠᠲᠠᠢ!》 ᠭᠡᠪᠡ᠃
ᠲᠡᠭᠡᠭᠡᠳ ᠲᠡᠳᠡ ᠭᠤᠷᠪᠠᠭᠤᠯᠠ ᠨᠢᠭᠡ ᠨᠢᠭᠡᠨ ᠤ ᠪᠡᠨ ᠦᠵᠡᠯᠲᠡ ᠶ᠋ᠢ ᠵᠥᠪᠰᠢᠶᠡᠷᠡᠬᠦ ᠦᠭᠡᠢ ᠪᠣᠯᠬᠣᠷ ᠬᠡᠷᠡᠯᠳᠦᠴᠢᠬᠡᠪᠡ᠃
ᠶᠠᠭ ᠡᠨᠡ ᠦᠶᠡ ᠳ᠋ᠤ᠌ ᠲᠡᠮᠡᠭᠡ ᠭᠤᠸᠠᠢ ᠬᠦᠷᠴᠦ ᠢᠷᠡᠭᠡᠳ 《ᠲᠠ ᠨᠠᠷ ᠤ᠋ᠨ ᠶᠠᠷᠢᠵᠤ ᠪᠠᠢᠬᠤ ᠴᠢᠨᠢ ᠪᠦᠷ ᠵᠥᠪ᠃ ᠠᠮᠢᠲᠠᠨ ᠪᠦᠬᠦᠨ ᠳ᠋ᠤ᠌ ᠥᠪᠡᠷ ᠥᠪᠡᠷ ᠦ᠋ᠨ ᠬᠢᠨᠢ ᠳᠤᠷᠠᠲᠠᠢ ᠢᠳᠡᠭᠡᠨ ᠪᠠᠢᠳᠠᠭ》 ᠭᠡᠪᠡ ᠃ ᠡᠭᠦᠨ ᠢ᠋ ᠰᠣᠨᠣᠰᠤᠭᠠᠳ ᠢᠰᠢᠭᠡ᠂ ᠪᠢᠴᠢᠬᠠᠨ ᠮᠤᠤᠷ᠂ ᠪᠢᠴᠢᠬᠠᠨ ᠰᠠᠮᠵᠠ ᠬᠡᠷᠡᠯᠳᠦᠬᠦ ᠪᠡᠨ ᠪᠣᠯᠢᠪᠠ᠃