ᠪᠠᠯᠭᠠᠷ ᠊ᠤᠨ ᠤᠰᠤᠨ ᠡᠴᠡ ᠠᠮᠰᠠᠨᠠ ᠭᠡᠳᠡᠭ - ᠪᠣᠷᠵᠢᠭᠢᠨ ᠬᠤᠪᠢᠰᠬᠠᠯᠲᠤБалгарын уснаас амсана гэдэг-Боржгин Хувьсгалт
2435ᠪᠠᠯᠭᠠᠷ ᠊ᠤᠨ ᠤᠰᠤᠨ ᠡᠴᠡ ᠠᠮᠰᠠᠨᠠ ᠭᠡᠳᠡᠭ
ᠵᠣᠬᠢᠶᠠᠭᠴᠢ᠄ ᠪᠣᠷᠵᠢᠭᠢᠨ ᠬᠤᠪᠢᠰᠬᠠᠯᠲᠤ
ᠤᠶᠠᠩᠭᠠᠯᠠᠭᠴᠢ᠄ ᠡᠷᠬᠡ
ᠪᠠᠯᠭᠠᠷ ᠤ᠋ᠨ ᠤᠷᠤᠰᠬᠠᠯ ᠠᠷᠢᠭᠤᠬᠠᠨ
ᠨᠠᠮᠠ ᠶ᠋ᠢ ᠪᠦᠪᠡᠢᠯᠡᠭᠰᠡᠨ ᠡᠵᠢ ᠮᠢᠨᠢ ᠶᠦᠮ
ᠪᠠᠯᠭᠠᠷ ᠤ᠋ᠨ ᠤᠷᠤᠰᠬᠠᠯ ᠢᠷᠠᠭᠤᠬᠠᠨ
ᠨᠠᠮᠠ ᠶ᠋ᠢ ᠢᠷᠥᠭᠡᠭᠰᠡᠨ ᠠᠪᠤ ᠮᠢᠨᠢ ᠶᠦᠮ
ᠢᠷᠠᠭᠤ ᠰᠣᠳᠣᠬᠠᠨ ᠡᠨᠡ ᠦᠭᠡ
ᠦᠷᠦ ᠵᠢᠷᠦᠬᠡᠨ ᠦ᠌ ᠮᠢᠨᠢ ᠭᠡᠭᠡᠨ ᠰᠣᠨᠣᠰᠬᠤᠯᠠᠩ
ᠢᠯᠭᠤᠮ ᠲᠣᠳᠣᠬᠠᠨ ᠡᠨᠡ ᠨᠡᠷᠡ
ᠠᠮᠢ ᠨᠠᠰᠤᠨ ᠤ᠋ ᠮᠢᠨᠢ ᠠᠵᠠ ᠵᠢᠷᠭᠠᠯᠠᠩ
ᠨᠠᠷᠠᠨ ᠡᠴᠡ ᠣᠯᠠᠨ ᠳᠠᠬᠢᠨ ᠠᠰᠠᠭᠤᠬᠤ ᠳ᠋ᠤ᠌
ᠨᠡᠭᠦᠳᠡᠯ ᠦ᠋ᠨ ᠤᠮᠳᠠ ᠭᠡᠵᠦ
ᠰᠠᠷᠠᠨ ᠡᠴᠡ ᠤᠶᠠᠷᠠᠨ ᠳᠣᠭᠳᠣᠯᠵᠤ ᠬᠠᠷᠠᠬᠤ ᠳ᠋ᠤ᠌
ᠪᠣᠳᠣᠯ ᠤ᠋ᠨ ᠣᠭᠣᠰᠣᠷ ᠭᠡᠵᠦ
ᠣᠳᠣᠨ ᠡᠴᠡ ᠦᠷᠡᠭᠦᠯᠵᠢ ᠭᠡᠷᠡᠯ ᠬᠠᠢᠬᠤ ᠳ᠋ᠤ᠌
ᠲᠤᠤᠯᠢ ᠶ᠋ᠢᠨ ᠬᠥᠭ ᠭᠡᠵᠦ
ᠪᠠᠢᠭᠠᠯᠢ ᠳᠡᠩᠳᠡᠭᠦᠦ ᠠᠮᠢᠨᠴᠢᠯᠠᠨ ᠬᠦᠯᠢᠶᠡᠬᠦ ᠳ᠋ᠦ᠍
ᠬᠠᠢᠷᠠ ᠶ᠋ᠢᠨ ᠠᠮᠢᠰᠬᠤᠯ ᠭᠡᠵᠦ
ᠪᠦᠪᠡᠢ ᠯᠡ ᠪᠠᠢᠵᠤ ᠳᠠ᠂ ᠪᠠᠯᠭᠠᠷ ᠭᠣᠣᠯ ᠮᠢᠨᠢ
ᠡᠨᠡᠷᠢᠯ ᠰᠠᠨᠠᠭᠤᠯᠤᠭᠰᠠᠨ ᠴᠡᠩᠬᠡᠷ ᠠᠯᠴᠢᠭᠤᠷ
ᠪᠤᠶᠠᠨ ᠯᠠ ᠪᠠᠢᠵᠤ ᠳᠠ᠂ ᠪᠠᠯᠭᠠᠷ ᠭᠣᠣᠯ ᠮᠢᠨᠢ
ᠡᠩᠬᠡ ᠶ᠋ᠢ ᠳᠠᠯᠠᠯᠤᠭᠰᠠᠨ ᠰᠦᠨ ᠰᠠᠴᠤᠯᠢ
ᠳᠠᠭᠤᠤ ᠯᠠ ᠪᠠᠢᠵᠤ ᠳᠠ᠂ ᠪᠠᠯᠭᠠᠷ ᠭᠣᠣᠯ ᠮᠢᠨᠢ
ᠬᠣᠷᠸᠠ ᠶ᠋ᠢ ᠤᠶᠠᠷᠠᠭᠠᠭᠰᠠᠨ ᠮᠣᠷᠢᠨ ᠬᠤᠭᠤᠷ
ᠳᠤᠷᠠᠰᠤᠯ ᠯᠠ ᠪᠠᠢᠵᠤ ᠳᠠ᠂ ᠪᠠᠯᠭᠠᠷ ᠭᠣᠣᠯ ᠮᠢᠨᠢ
ᠨᠠᠷᠠᠨ ᠡᠴᠡ ᠠᠰᠬᠠᠷᠠᠭᠰᠠᠨ ᠤᠷᠠᠨ ᠪᠢᠴᠢᠯᠭᠡ
ᠤᠷᠤᠰᠬᠠᠯ ᠢ᠋ ᠴᠢᠨᠢ ᠭᠠᠲᠤᠯᠵᠤ ᠴᠥᠷᠬᠡᠯᠡᠭᠰᠡᠨ ᠨᠡᠭᠦᠳᠡᠯ
ᠳᠣᠮᠣᠭ ᠪᠣᠯᠵᠤ ᠪᠤᠴᠠᠬᠤ ᠳ᠋ᠤ᠌ ᠪᠢ ᠬᠠᠴᠢᠷᠬᠠᠨᠠ
ᠤᠷᠤᠰᠬᠠᠯ ᠢ᠋ ᠴᠢᠨᠢ ᠴᠢᠩᠨᠠᠵᠤ ᠪᠠᠭᠤᠭᠰᠠᠨ ᠠᠢᠯ
ᠳᠤᠷᠠᠰᠬᠠᠯ ᠪᠣᠯᠵᠤ ᠦᠯᠡᠳᠡᠬᠦ ᠳ᠋ᠦ᠍ ᠪᠢ ᠬᠠᠭᠤᠴᠢᠷᠠᠨᠠ
ᠤᠷᠤᠰᠬᠠᠯ ᠢ᠋ ᠴᠢᠨᠢ ᠬᠠᠷᠠᠵᠤ ᠳᠠᠭᠤᠯᠠᠭᠰᠠᠨ ᠬᠥᠮᠦᠨ
ᠵᠢᠷᠭᠠᠯ ᠪᠣᠯᠵᠤ ᠤᠨᠳᠤᠷᠬᠤ ᠳ᠋ᠤ᠌ ᠪᠢ ᠤᠶᠠᠷᠠᠨᠠ
ᠤᠷᠤᠰᠬᠠᠯ ᠢ᠋ ᠴᠢᠨᠢ ᠰᠠᠨᠠᠵᠤ ᠵᠦᠰᠡᠷᠡᠭᠰᠡᠨ ᠮᠥᠷᠥᠭᠡᠳᠦᠯ
ᠬᠠᠢᠷᠠ ᠪᠣᠯᠵᠤ ᠡᠭᠡᠨᠡᠭᠰᠢᠬᠦ ᠳ᠋ᠦ᠍ ᠪᠢ ᠴᠡᠴᠡᠭᠯᠡᠨᠡ
ᠪᠠᠢᠮᠠ ᠬᠣᠯᠠ ᠡᠴᠡ ᠦᠭᠡᠢᠯᠡᠨᠡ ᠭᠡᠳᠡᠭ
ᠬᠦᠭᠰᠦᠯ ᠪᠠᠬᠠᠷᠬᠠᠯ ᠤ᠋ᠨ ᠲᠣᠷᠭᠠᠨ ᠤᠶᠠᠭᠠ
ᠪᠠᠬᠠᠷᠤᠮᠠ ᠦᠵᠡᠮᠵᠢ ᠡᠴᠡ ᠬᠦᠷᠲᠡᠨᠡ ᠭᠡᠳᠡᠭ
ᠬᠦᠰᠡᠯ ᠮᠥᠷᠥᠭᠡᠳᠦᠯ ᠦ᠋ᠨ ᠭᠡᠭᠡᠨ ᠠᠶᠠᠯᠭᠤ
ᠪᠠᠲᠤ ᠣᠷᠣᠰᠢᠬᠤ ᠡᠴᠡ ᠡᠬᠢᠯᠡᠨᠡ ᠭᠡᠳᠡᠭ
ᠬᠦᠨᠳᠦᠳᠬᠡᠯ ᠪᠢᠰᠢᠷᠡᠯ ᠦ᠋ᠨ ᠡᠷᠳᠡᠨᠢᠲᠦ ᠲᠠᠪᠢᠯᠠᠩ
ᠪᠠᠯᠭᠠᠷ ᠤ᠋ᠨ ᠤᠰᠤᠨ ᠡᠴᠡ ᠠᠮᠰᠠᠨᠠ ᠭᠡᠳᠡᠭ
ᠬᠥᠮᠦᠨ ᠦ᠌ ᠵᠢᠷᠭᠠᠯ ᠤ᠋ᠨ ᠳᠡᠭᠡᠳᠦ ᠵᠠᠶᠠᠭᠠ
ᠪᠠᠯᠭᠠᠷ ᠤ᠋ᠨ ᠤᠰᠤᠨ ᠡᠴᠡ ᠠᠮᠰᠠᠨᠠ ᠭᠡᠳᠡᠭ ᠠ᠋᠃
ᠦᠰᠦᠭ ᠬᠠᠳᠠᠭᠴᠢ᠄ ᠪᠦᠷᠢᠨᠵᠢᠷᠭᠠᠯ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠦᠷᠢᠨᠵᠢᠷᠭᠠᠯ