ᠪᠡᠭᠡᠵᠢᠩ ᠯᠠᠮᠠ -ᠯᠢ ᠱᠣᠸᠠᠩᠰᠢБээжин лам-Ли Шованш
1132ᠪᠡᠭᠡᠵᠢᠩ ᠯᠠᠮᠠ
ᠬᠣᠷᠴᠢᠨ ᠤ᠋ ᠦᠯᠢᠭᠡᠷᠲᠦ ᠠᠷᠠᠳ ᠤ᠋ᠨ ᠳᠠᠭᠤᠤ
ᠯᠢ ᠱᠣᠸᠠᠩᠰᠢ ᠳᠠᠭᠤᠯᠠᠪᠠ
ᠡᠷᠦᠬᠡ ᠶ᠋ᠢᠨ ᠡᠵᠡᠨ ᠬᠣᠷᠯᠣ ᠨᠣᠶᠠᠨ ᠠᠪᠴᠠᠭᠠ ᠥᠭᠴᠡᠭᠡ ᠳ᠋ᠦ᠍ ᠪᠡᠨ ᠭᠠᠷᠤᠭᠠᠳ ᠶᠢᠰᠦ ᠠᠷᠪᠠᠨ ᠡᠳᠦᠷ ᠪᠣᠯᠵᠠᠢ᠃ ᠡᠷᠦᠬᠡ ᠭᠡᠷ ᠲᠦ᠍ ᠪᠡᠨ ᠡᠷᠭᠢᠵᠦ ᠢᠷᠡᠭᠡᠳᠦᠢ᠂ ᠠᠳᠠᠯ ᠳ᠋ᠠᠭᠠᠨ ᠬᠣᠴᠣᠷᠤᠭᠰᠠᠨ ᠠᠪᠤᠭᠰᠠᠨ ᠡᠬᠡᠨᠡᠷ ᠨᠢ ᠵᠢᠦ ᠶᠦᠸᠧ᠂ ᠡᠷᠲᠡ ᠪᠣᠰᠤᠭᠠᠳ ᠥᠮᠥᠳᠥ ᠳᠡᠪᠡᠯ ᠢ᠋ᠶ᠋ᠡᠨ ᠡᠮᠦᠰᠴᠦ ᠪᠠᠢᠭᠠᠳ ᠡᠨᠡ ᠰᠥᠨᠢ ᠶ᠋ᠢᠨ ᠵᠡᠭᠦᠳᠦᠯᠡᠭᠰᠡᠨ ᠵᠡᠭᠦᠳᠦ ᠭᠡᠳ ᠡᠰᠢ ᠲᠠᠰᠢ ᠦᠵᠡᠬᠦ ᠳ᠋ᠦ᠍ ᠬᠥᠮᠦᠨ ᠦᠭᠡᠢ᠂ ᠶᠠᠪᠤᠭᠠ ᠴᠠᠭᠠᠰᠢ ᠪᠠᠨ~ ᠪᠢ ᠨᠢᠭᠡ ᠵᠡᠭᠦᠳᠦ ᠪᠡᠨ ᠬᠡᠯᠡᠴᠢᠬᠡᠶᠡ ᠭᠡᠳ ᠬᠡᠯᠡᠵᠦ ᠪᠠᠢᠨᠠ᠂
ᠬᠠᠢ ᠨᠠᠨ ᠭᠠᠵᠠᠷ ᠤ᠋ᠨ ᠬᠤᠸᠠᠷ ᠪᠣᠯᠤᠨ ᠴᠡᠴᠡᠭ ᠢ᠋ ᠪᠡᠨ ᠬᠦᠢ
ᠬᠤᠷᠠ ᠪᠣᠷᠣᠭᠠᠨ ᠢ᠋ᠶ᠋ᠠᠨ ᠦᠵᠡᠭᠡᠳ ᠪᠢ ᠳᠡ ᠳᠡᠯᠭᠡᠷᠡᠵᠡᠢ ᠭᠡᠵᠦ ᠵᠡᠭᠦᠳᠦᠯᠡᠪᠡ ᠬᠦᠢ
ᠬᠠᠭᠠᠨ ᠤ᠋ ᠰᠢᠦ ᠲᠥᠷᠥᠯ ᠰᠠᠨ ᠶᠧ ᠨᠣᠶᠠᠨ ᠢ᠋ᠶ᠋ᠠᠨ ᠬᠦᠢ
ᠬᠠᠷᠠ ᠵᠢᠷᠣᠭᠠ ᠮᠣᠷᠢ ᠶ᠋ᠢ ᠪᠡᠨ ᠤᠨᠤᠭᠠᠳ ᠢᠷᠡᠵᠡᠢ ᠭᠡᠮᠡᠨ ᠵᠡᠭᠦᠳᠦᠯᠡᠪᠡ
ᠡᠮᠦᠨᠡ ᠬᠠᠰᠢᠶᠠᠨ ᠤ᠋ ᠥᠩᠭᠡ ᠪᠦᠷᠢ ᠶ᠋ᠢᠨ ᠬᠤᠸᠠᠷ ᠢ᠋ ᠪᠡᠨ ᠬᠦᠢ
ᠡᠳᠦᠷ ᠦ᠋ᠨ ᠨᠠᠷᠠᠨ ᠲᠡᠩᠨᠡᠭᠡᠳ ᠪᠢ ᠳᠡ ᠳᠡᠯᠭᠡᠷᠡᠵᠡᠢ ᠭᠡᠮᠡᠨ ᠵᠡᠭᠦᠳᠦᠯᠡᠪᠡ ᠬᠦᠢ
ᠡᠵᠡᠨ ᠦ᠌ ᠲᠥᠷᠥᠯ ᠰᠠᠨ ᠶᠧ ᠨᠣᠶᠠᠨ ᠢ᠋ ᠪᠡᠨ ᠬᠦᠢ
ᠦᠷᠢᠶᠡ ᠬᠦᠯᠦᠭ ᠮᠣᠷᠢ ᠶ᠋ᠢ ᠪᠡᠨ ᠤᠨᠤᠭᠠᠳ ᠢᠷᠡᠵᠡᠢ ᠭᠡᠮᠡᠨ ᠵᠡᠭᠦᠳᠦᠯᠡᠪᠡ ᠬᠦᠢ
ᠡᠭᠦᠨ ᠢ᠋ᠶ᠋ᠡᠨ ᠬᠡᠯᠡᠭᠡᠳ ᠵᠢᠦ ᠶᠦᠸᠧ ᠰᠠᠶᠢ ᠥᠨᠳᠡᠢᠭᠡᠳ ᠪᠣᠰᠬᠤ ᠳ᠋ᠤ᠌ ᠴᠣᠩᠬᠣᠨ ᠤ᠋ ᠤᠭ ᠢ᠋ᠶ᠋ᠠᠷ ᠪᠠᠷᠠ ᠬᠠᠷᠠᠭᠠᠳ ᠦᠵᠡᠬᠦᠯᠡ ᠰᠢᠪ ᠰᠢᠷᠠᠯᠬᠠᠨ ᠨᠢᠭᠡ ᠶᠠᠭᠤᠮᠠ ᠪᠠᠢᠨᠠ᠂ ᠰᠠᠢᠬᠠᠨ ᠥᠨᠳᠡᠢᠭᠡᠳ ᠦᠵᠡᠨᠡ ᠭᠡᠯᠡᠢ ᠂ ᠡᠶᠡ ! ᠡᠢᠰᠢ ᠲᠠᠢᠰᠢ ᠶᠠᠪᠤᠬᠤ ᠳ᠋ᠤ᠌ ᠢᠯᠠᠩ ᠠᠯᠠᠩ ᠭᠡᠳ ᠪᠠᠭᠤᠬᠤ ᠪᠡᠭᠡᠵᠢᠩ ᠯᠠᠮᠠ ᠢᠷᠡᠴᠢᠬᠡᠭᠡᠳ ᠳᠠᠪ ᠳᠠᠯᠵᠢᠢᠭᠠᠳ ᠲᠠᠷᠢᠶᠠᠨ ᠳ᠋ᠤ᠌ ᠣᠷᠣᠭᠰᠠᠨ ᠭᠠᠬᠠᠢ ᠠᠳᠠᠯᠢ ᠳᠠᠯᠤ ᠪᠠᠷ ᠢ᠋ᠶ᠋ᠠᠨ ᠴᠢᠩᠨᠠᠭᠠᠳ ᠪᠠᠢᠵᠠᠢ ᠂ᠵᠢᠦ ᠶᠦᠸᠧ ᠦᠵᠡᠭᠡᠳ ᠢᠨᠢᠶᠡᠴᠡᠭᠡᠵᠡᠢ ᠃ 《 ᠬᠦᠢ ᠯᠠᠮᠠ ᠠ᠋ ! ᠴᠢ ᠶᠠᠭᠤᠨ ᠤ᠋ ᠴᠣᠩᠬᠣ ᠶ᠋ᠢᠨ ᠬᠣᠭᠣᠷᠣᠨᠳᠣ ᠱᠣᠯᠣᠢᠭᠠᠳ ᠵᠣᠭᠰᠣᠭᠰᠠᠨ ᠶᠤᠮ ᠳᠠ! ᠣᠷᠣᠭᠠᠳ ᠢᠷᠡᠴᠢᠬᠡ ᠳᠡ 》 ᠪᠡᠭᠡᠵᠢᠩ ᠯᠠᠮᠠ ᠡᠭᠦᠳᠡ ᠶ᠋ᠢ ᠲᠦᠯᠬᠢᠭᠡᠳ ᠣᠷᠣᠵᠤ ᠢᠷᠭᠡᠳ ᠂ ᠡᠷᠲᠡᠩ ᠠᠷᠲᠩ ᠭᠡᠳ ᠦᠵᠦᠭᠦᠷ ᠦᠭᠡᠢ ᠶᠡᠬᠡ ᠰᠠᠪᠠᠵᠤ ᠵᠠᠨᠴᠢᠭᠠᠳ ᠶᠠᠭ ᠪᠣᠯᠬᠤ ᠦᠭᠡᠢ ᠰᠢᠦ ᠂ ᠢᠩᠭᠢᠲᠡᠯᠡ ᠵᠢᠦ ᠶᠦᠸᠧ ᠬᠡᠯᠡᠵᠦ ᠪᠠᠢᠨᠠ 《 ᠴᠢ ᠂ ᠶᠠᠭᠠᠬᠢᠴᠢᠬᠠᠭᠰᠠᠨ ᠪᠣᠢ? ᠶᠠᠭᠠᠬᠢᠵᠤ ᠠᠭᠠᠰᠢᠯᠠᠵᠤ ᠪᠠᠢᠬᠤ ᠶᠤᠮ 》 ᠭᠡᠰᠡᠨ ᠳ᠋ᠦ᠍ 《 ᠪᠣᠯᠵᠠᠢ ᠴᠢ ᠭᠠᠭᠴᠠ ᠵᠡᠭᠦᠳᠦᠯᠡᠭᠰᠡᠨ ᠶᠦᠮ ᠤᠤ? ᠪᠢ ᠪᠠᠰᠠ ᠵᠡᠭᠦᠳᠦᠯᠡᠵᠡᠢ 》ᠭᠡᠬᠦ ᠳ᠋ᠦ᠍ 《 ᠦᠭᠡᠢ᠂ ᠴᠢ ᠵᠡᠭᠦᠳᠦᠯᠡᠭᠰᠡᠨ ᠪᠣᠯ ᠴᠢ ᠪᠠᠰᠠ ᠵᠡᠭᠦᠳᠦ ᠪᠡᠨ ᠬᠡᠯᠡᠴᠢᠬᠡ ᠳᠡ!》 ᠭᠡᠰᠡᠨ ᠳ᠋ᠦ᠍ ᠬᠡᠯᠡᠴᠢᠬᠡᠶᠡ ᠭᠡᠳ ᠬᠡᠯᠡᠵᠦ ᠪᠠᠢᠨᠠ᠂
ᠬᠠᠢ ᠨᠠᠨ ᠭᠠᠵᠠᠷ ᠤ᠋ᠨ ᠬᠤᠸᠠᠷ ᠪᠣᠯᠤᠨ ᠴᠡᠴᠡᠭ ᠢ᠋ ᠴᠢᠨᠢ ᠠ᠋ ᠬᠦᠢ
ᠬᠠᠯᠭᠤᠨ ᠨᠠᠷᠠᠨ ᠳ᠋ᠤ᠌ ᠰᠢᠷᠠᠭᠳᠠᠭᠠᠳ ᠰᠢᠲᠠᠵᠤ ᠦᠬᠦᠵᠦ ᠭᠡᠮᠡᠨ ᠵᠡᠭᠦᠳᠦᠯᠡᠪᠡ ᠬᠦᠢ
ᠬᠠᠭᠠᠨ ᠤ᠋ ᠲᠥᠷᠥᠯ ᠰᠠᠨ ᠶᠧ ᠨᠣᠶᠠᠨ ᠢ᠋ ᠴᠢᠨᠢ ᠳᠡ
ᠬᠠᠷᠠ ᠵᠢᠷᠣᠭᠠ ᠮᠣᠷᠢᠨ ᠳ᠋ᠤ᠌ ᠪᠠᠨ ᠪᠢ ᠴᠢᠷᠦᠭᠳᠡᠵᠦ ᠦᠬᠦᠵᠦ ᠭᠡᠮᠡᠨ ᠵᠡᠭᠦᠳᠦᠯᠡᠪᠡ
ᠡᠮᠦᠨᠡ ᠬᠠᠰᠢᠶᠠᠨ ᠤ᠋ ᠴᠢᠨᠢ ᠬᠤᠸᠠᠷ ᠪᠣᠯᠤᠨ ᠴᠡᠴᠡᠭ ᠢ᠋ ᠴᠢᠨᠢ ᠠ᠋ ᠬᠦᠢ
ᠡᠳᠦᠷ ᠦ᠋ᠨ ᠨᠠᠷᠠᠨ ᠠᠬᠠᠳᠠᠭᠠᠳ ᠪᠢ ᠳᠡ ᠦᠬᠦᠰᠢᠷᠡᠵᠦ ᠭᠡᠮᠡᠨ ᠵᠡᠭᠦᠳᠦᠯᠡᠪᠡ
ᠡᠵᠡᠨ ᠦ᠌ ᠴᠢᠨᠢ ᠲᠥᠷᠥᠯ ᠰᠠᠨ ᠶᠧ ᠴᠦ᠍ ᠨᠣᠶᠠᠨ ᠢ᠋ ᠴᠢᠨᠢ
ᠦᠷᠢᠶᠡ ᠬᠦᠯᠦᠭ ᠮᠣᠷᠢᠨ ᠳ᠋ᠤ᠌ ᠪᠠᠨ ᠪᠢ ᠴᠢᠷᠦᠭᠳᠡᠵᠦ ᠦᠬᠦᠵᠦ ᠭᠡᠮᠡᠨ ᠵᠡᠭᠦᠳᠦᠯᠡᠪᠡ
ᠡᠨᠡ ᠦᠭᠡ ᠶ᠋ᠢ ᠰᠣᠨᠣᠰᠤᠭᠠᠳ ᠵᠢᠦ ᠶᠦᠸᠧ ᠢᠨᠢᠶᠡᠴᠡᠵᠡᠢ 《 ᠪᠡᠭᠡᠵᠢᠩ ᠵᠠ! ᠴᠢ ᠮᠢᠨᠦ ᠦᠭᠡ ᠶ᠋ᠢ ᠲᠦᠭᠦᠷᠡᠬᠦ ᠦᠭᠡᠢ ᠪᠠᠢᠨᠠ ᠂ ᠴᠢ ᠨᠠᠰᠢ ᠪᠠᠨ ᠰᠠᠭᠤᠴᠢᠬᠠ 》 ᠭᠡᠳ ᠠᠷᠭᠠᠯᠠᠭᠠᠳ ᠬᠡᠯᠡᠵᠦ ᠪᠠᠢᠨᠠ ᠭᠡᠨᠡ᠃
ᠰᠢᠷᠠᠯᠠᠭᠠᠳ ᠯᠠ ᠢᠷᠬᠦ ᠶ᠋ᠢ ᠴᠢᠨᠢ ᠳᠡ ᠦᠵᠡᠭᠰᠡᠨ ᠶᠦᠮ ᠰᠢᠦ ᠪᠡᠭᠡᠵᠢᠩ ᠵᠠ ᠠ᠋ ᠬᠦᠢ
ᠰᠠᠨᠠᠭᠠ ᠴᠤ᠌ ᠪᠣᠯᠤᠭᠠᠳ ᠰᠡᠳᠬᠢᠯ ᠬᠣᠶᠠᠷ ᠢ᠋ ᠲᠡᠩᠰᠡᠶᠡ ᠭᠡᠮᠡᠨ ᠰᠠᠨᠠᠭᠰᠠᠨ ᠶᠤᠮ ᠠ᠋ ᠬᠦᠢ
ᠰᠠᠪᠠᠭᠠ ᠴᠤ᠌ ᠦᠭᠡᠢ ᠶᠠᠭᠤᠮᠠᠨ ᠳ᠋ᠤ᠌ ᠴᠢ ᠳᠡ ᠰᠠᠪᠠᠵᠤ ᠵᠠᠨᠴᠢᠭᠠᠳ ᠶᠠᠭᠤ ᠪᠠᠢᠨᠠ ᠳᠠ
ᠰᠠᠨᠠᠭᠠᠳ ᠯᠠ ᠪᠣᠳᠣᠭᠰᠠᠨ ᠬᠡᠳᠦᠨ ᠦᠭᠡ ᠶ᠋ᠢ ᠪᠡᠨ ᠬᠡᠯᠡᠯᠴᠡᠵᠦ ᠰᠠᠭᠤᠶᠠ ᠳᠠ ᠪᠣᠯᠬᠤ ᠦᠭᠡᠢ ᠤᠤ ᠳᠠ
ᠪᠣᠷᠣᠯᠠᠭᠠᠳ ᠯᠠ ᠢᠷᠬᠦ ᠶ᠋ᠢ ᠴᠢᠨᠢ ᠳᠡ ᠦᠵᠡᠭᠰᠡᠨ ᠶᠦᠮ ᠰᠢᠦ ᠪᠡᠭᠡᠵᠢᠩ ᠯᠠᠮᠠ ᠠ᠋ ᠬᠦᠢ
ᠪᠣᠳᠣᠯᠭᠠ ᠪᠣᠯᠤᠭᠠᠳ ᠰᠠᠨᠠᠭᠠ ᠲᠠᠢ ᠬᠣᠶᠠᠷ ᠢ᠋ ᠲᠡᠩᠰᠡᠶᠡ ᠭᠡᠮᠡᠨ ᠰᠠᠨᠠᠭᠰᠠᠨ ᠶᠤᠮ ᠠ᠋ ᠬᠦᠢ
ᠪᠣᠯᠣᠰᠢ ᠦᠭᠡᠢ ᠶᠠᠭᠤᠮᠠᠨ ᠳ᠋ᠤ᠌ ᠴᠢ ᠳᠡ ᠪᠤᠷᠤᠭᠤᠰᠢ ᠪᠠᠨ ᠬᠠᠨᠳᠤᠭᠠᠳ ᠶᠠᠭᠤ ᠪᠠᠢᠨᠠ
ᠪᠣᠳᠣᠭᠠᠳ ᠯᠠ ᠰᠠᠨᠠᠭᠰᠠᠨ ᠤᠴᠢᠷ ᠪᠠᠢᠪᠠᠯ ᠯᠠ ᠬᠡᠯᠡᠯᠴᠡᠵᠦ ᠰᠠᠭᠤᠶᠠ ᠳᠠ ᠬᠣᠶᠠᠭᠤᠯᠠ ᠪᠠᠨ
ᠬᠡᠦᠬᠡᠳ ᠢ᠋ ᠠᠷᠭᠠᠯᠠᠵᠤ ᠪᠠᠢᠬᠤ ᠠᠳᠠᠯᠢ᠂ ᠵᠢᠦ ᠶᠦᠸᠧ ᠲᠡᠭᠦᠨ ᠢ᠋ ᠴᠢᠨᠢ ᠠᠷᠭᠠᠯᠠᠭᠠᠳ ᠠᠪᠴᠢᠬᠠᠬᠤ ᠦᠭᠡᠢ ᠤᠤ ᠳᠠ ᠂ ᠪᠡᠭᠡᠵᠢᠩ ᠯᠠᠮᠠ ᠪᠣᠯᠤᠨᠠ ᠭᠡᠳ ᠦᠵᠦᠭᠦᠷ ᠦᠭᠡᠢ᠂ ᠡᠷᠲᠡᠩ ᠭᠡᠳ ᠬᠠᠨᠵᠤᠨ ᠳᠡᠭᠡᠷᠡ ᠭᠠᠷᠤᠭᠠᠳ ᠰᠢᠷᠡᠭᠡ ᠬᠠᠪᠴᠢᠭᠠᠳ ᠬᠣᠶᠠᠭᠤᠯᠠ ᠪᠠᠨ ᠰᠠᠶᠢ ᠨᠢᠭᠡ ᠴᠣᠮᠣ ᠤᠰᠤ ᠤᠤᠭᠤᠲᠠᠯᠠ ᠭᠡᠨᠡᠳᠲᠡ ᠭᠠᠳᠠᠨᠠ ᠮᠣᠷᠢᠨ ᠲᠤᠭᠤᠷᠠᠢ ᠶ᠋ᠢᠨ ᠳᠠᠭᠤ ᠭᠠᠷᠴᠤ ᠂ ᠮᠣᠷᠢᠨ ᠲᠤᠭᠤᠷᠠᠢ ᠶ᠋ᠢᠨ ᠳᠠᠭᠤ ᠪᠠᠷ ᠵᠢᠦ ᠶᠦᠸᠧ ᠮᠡᠩᠳᠡᠭᠦᠷᠡᠴᠢᠬᠡᠬᠦ ᠦᠭᠡᠢ ᠤᠤ ? ᠴᠣᠩᠬᠣ ᠪᠠᠷ ᠢ᠋ᠶ᠋ᠠᠨ ᠥᠨᠳᠡᠢᠭᠡᠳ ᠰᠠᠢᠬᠠᠨ ᠪᠠᠷᠠ ᠬᠠᠷᠠᠭᠠᠳ ᠦᠵᠡᠬᠦᠯᠡ ᠂ ᠪᠠᠷᠠᠪᠠ! ᠬᠡᠯᠡᠵᠦ ᠪᠠᠢᠲᠠᠯᠠ ᠪᠠᠢᠵᠤ ᠤᠤ ᠳᠠ! ᠰᠠᠭᠰᠠᠭᠠᠷ ᠰᠠᠨ ᠶᠧ ᠨᠣᠶᠠᠨ ᠬᠠᠷᠠ ᠵᠢᠷᠣᠭᠠ ᠮᠣᠷᠢ ᠤᠨᠤᠭᠠᠳ᠂ ᠬᠣᠶᠠᠷ ᠰᠢᠶᠠᠽᠢ ᠰᠤᠢᠷᠠᠭᠠᠳ ᠬᠦᠷᠦᠭᠡᠳ ᠢᠷᠡᠵᠡᠢ ᠃ ᠪᠠᠷᠠᠵᠠᠢ ᠯᠠᠮᠠ ᠂ᠰᠠᠭᠰᠠᠭᠠᠷ ᠰᠠᠨ ᠶᠧ ᠨᠣᠶᠠᠨ ᠬᠦᠷᠦᠭᠡᠳ ᠢᠷᠡᠭᠰᠡᠨ ᠦᠭᠡᠢ ᠤᠤ ᠳᠠ ? ᠪᠡᠭᠡᠵᠢᠩ ᠯᠠᠮᠠ ᠦᠵᠡᠬᠦ ᠦᠭᠡᠢ ᠪᠣᠯᠬᠤᠯᠠᠷ ᠠᠷᠤ ᠳ᠋ᠤ᠌ ᠨᠢ ᠡᠯᠳᠡᠪ ᠢ᠋ᠶ᠋ᠡᠷ ᠬᠡᠯᠡᠵᠦ ᠪᠠᠢᠭᠰᠠᠨ ᠠ᠋ᠴᠠ ᠪᠢᠰᠢ᠂ ᠦᠨᠡᠬᠡᠷ ᠬᠦᠷᠦᠭᠡᠳ ᠢᠷᠡᠬᠦᠯᠡᠷ ᠣᠳᠣ ᠭᠠᠢᠬᠠᠵᠠᠢ᠂ ᠣᠷᠣᠬᠤ ᠭᠠᠵᠠᠷ ᠢ᠋ᠶ᠋ᠠᠨ ᠣᠯᠬᠤ ᠦᠭᠡᠢ ᠯᠡ᠂ ᠢᠯᠠᠩ ᠠᠯᠠᠩ ᠢ᠋ᠶ᠋ᠠᠨ ᠠᠯᠳᠠᠷᠠᠭᠠᠳ ᠡᠭᠦᠳᠡ ᠪᠡᠷ ᠭᠠᠷᠬᠤ ᠭᠡᠬᠦᠯᠡᠷ ᠰᠠᠭᠰᠠᠭᠠᠷ ᠰᠠᠨ ᠶᠧ ᠪᠠᠢᠨᠠ ᠂ ᠡᠮᠦᠨᠡ ᠴᠣᠩᠬᠣ ᠪᠠᠷ ᠪᠠᠰᠠ ᠭᠠᠷᠴᠤ ᠪᠣᠯᠬᠤ ᠦᠭᠡᠢ ᠂ ᠰᠠᠨᠳᠤᠷᠤᠭᠰᠠᠨ ᠬᠦᠴᠦᠨ ᠳ᠋ᠦ᠍ ᠪᠡᠨ ᠵᠢᠦ ᠶᠦᠸᠧ ᠬᠣᠢᠲᠤ ᠴᠣᠩᠬᠣ ᠪᠠᠷ ᠠᠪᠤᠭᠠᠳ ᠢᠷᠡᠵᠡᠢ 《 ᠴᠢ ᠡᠭᠦᠨ ᠢ᠋ᠶ᠋ᠡᠷ ᠭᠠᠷᠴᠢᠬᠠ 》 ᠬᠣᠢᠲᠤ ᠴᠣᠩᠬᠣ ᠂ ᠥᠨᠳᠥᠷ ᠪᠡᠭᠡᠵᠢᠩ ᠯᠠᠮᠠ ᠶ᠋ᠢᠨ ᠪᠡᠶᠡ ᠪᠠᠭᠠ ᠂ ᠡᠨᠡ ᠣᠴᠢᠭᠠᠳ ᠮᠠᠯᠲᠠᠪᠠᠯ ᠪᠤᠯᠲᠠᠩ ᠭᠡᠲᠡᠯᠡ ᠤᠨᠠᠭᠠᠳ ᠢᠷᠡᠴᠢᠬᠡᠨᠡ ᠂ ᠡᠨᠡ ᠣᠴᠢᠭᠠᠳ ᠮᠠᠯᠲᠠᠪᠠᠯ ᠳᠣᠷᠣᠭᠰᠢ ᠤᠨᠠᠭᠠᠳ ᠢᠷᠡᠴᠢᠬᠡᠨᠡ ᠃ ᠵᠢᠦ ᠶᠦᠸᠧ ᠰᠠᠨᠳᠤᠷᠴᠤ ᠪᠠᠢᠭᠠ ᠶᠠᠪᠤᠳᠠᠯ ᠱᠠᠪ ᠭᠡᠲᠡᠯᠡ ᠰᠤᠭᠤ ᠶ᠋ᠢᠨ ᠳᠣᠭᠤᠤᠷ ᠡᠷᠭᠦᠵᠦ ᠠᠪᠤᠭᠠᠳ ᠴᠠᠰᠢ ᠪᠠᠨ ᠪᠤᠯᠲᠠᠩ ᠭᠡᠲᠡᠯᠡ ᠲᠦᠯᠬᠢᠭᠡᠳ ᠪᠡᠭᠡᠵᠢᠩ ᠯᠠᠮᠠ ᠶ᠋ᠢ ᠬᠣᠢᠲᠤ ᠴᠣᠩᠬᠣ ᠪᠠᠷ ᠭᠠᠷᠭᠠᠴᠢᠬᠠᠪᠠ᠃ ᠰᠠᠶᠢ ᠲᠦᠯᠬᠢᠭᠡᠳ ᠭᠠᠷᠭᠠᠲᠠᠯᠠ ᠰᠠᠭᠰᠠᠭᠠᠷ ᠰᠠᠨ ᠶᠧ ᠡᠭᠦᠳᠡ ᠲᠦᠯᠬᠢᠭᠡᠳ ᠣᠷᠣᠭᠠᠳ ᠢᠷᠡᠪᠡ᠃
ᠵᠢᠦ ᠶᠦᠸᠧ ᠡᠰᠡᠷᠭᠦ ᠡᠴᠡ ᠨᠢ ᠬᠦᠷᠦᠭᠡᠳ ᠣᠴᠢᠵᠠᠢ ᠃ 《 ᠬᠣᠯᠠ ᠵᠠᠮ ᠢ᠋ᠶ᠋ᠠᠨ ᠬᠥᠭᠡᠭᠡᠳ ᠶᠠᠳᠠᠭᠰᠠᠨ ᠦᠭᠡᠢ ᠳᠡ ᠨᠣᠶᠠᠨ ᠠ᠋ 》 ᠭᠡᠬᠦ ᠳ᠋ᠦ᠍ ᠰᠠᠭᠰᠠᠭᠠᠷ ᠰᠠᠨ ᠶᠧ ᠦᠰᠦ ᠵᠢᠰᠦ ᠪᠡᠨ ᠴᠦ᠍ ᠬᠦᠷᠦᠭᠰᠡᠨ ᠦᠭᠡᠢ ᠥᠩᠭᠡᠲᠡᠢ ᠲᠡᠢ ᠪᠡᠨ ᠡᠮᠦᠰᠦᠭᠰᠡᠨ ᠦᠭᠡᠢ ᠵᠢᠦ ᠶᠦᠸᠧ ᠶ᠋ᠢ ᠦᠵᠡᠭᠡᠳ ᠠᠭᠤᠷ ᠬᠦᠷᠴᠦ 《 ᠬᠦᠢ ᠂ ᠵᠢᠦ ᠶᠦᠸᠧ ᠥᠨᠥᠳᠥᠷ ᠥᠪᠡᠷ ᠦ᠋ᠨ ᠮᠢᠨᠦ ᠪᠡᠶᠡ ᠶ᠋ᠢ ᠢᠷᠡᠬᠦ ᠶ᠋ᠢ ᠮᠡᠳᠡᠵᠦ ᠪᠠᠢᠭᠠᠳ ᠶᠠᠭᠠᠬᠢᠵᠤ ᠠᠭᠠᠰᠢᠯᠠᠵᠤ ᠪᠠᠢᠬᠤ ᠪᠣᠢ?》 ᠵᠢᠦ ᠶᠦᠸᠧ ᠡᠰᠡᠷᠭᠦ ᠡᠴᠡ ᠨᠢ ᠬᠠᠨᠳᠤᠭᠠᠳ ᠨᠢᠳᠦᠨ ᠨᠢᠯᠪᠤᠰᠤ ᠶ᠋ᠢ ᠤᠨᠠᠭᠠᠴᠢᠬᠠᠭᠠᠳ ᠭᠣᠮᠣᠳᠠᠭᠰᠠᠨ ᠮᠠᠶᠢᠭ ᠲᠠᠢ ᠬᠡᠯᠡᠵᠦ ᠪᠠᠢᠨᠠ ᠃
ᠪᠣᠳᠣᠭᠰᠠᠨ ᠳ᠋ᠤ᠌ ᠪᠠᠨ ᠠᠳᠠᠯᠢ ᠪᠣᠳᠣᠵᠤ ᠤᠤ ᠳᠠ ᠰᠠᠨ ᠶᠧ ᠵᠠ
ᠪᠣᠳᠣᠯᠭᠠ ᠪᠣᠯᠤᠭᠠᠳ ᠰᠠᠨᠠᠭᠠᠨ ᠤ᠋ ᠳᠣᠲᠣᠷᠠ ᠪᠠᠨ ᠪᠣᠯᠬᠤ ᠦᠭᠡᠢ ᠰᠠᠨᠠᠵᠠᠢ ᠴᠢᠮᠠ ᠶ᠋ᠢ ᠳᠡ
ᠪᠣᠳᠣᠵᠤ ᠰᠠᠨᠠᠭᠰᠠᠨ ᠡᠳᠦᠷ ᠰᠠᠷᠠ ᠳ᠋ᠤ᠌ ᠮᠢᠨᠢ ᠪᠤᠲᠠᠷᠠᠭᠤᠯᠤᠭᠠᠳ ᠢᠷᠡᠬᠦ ᠦᠭᠡᠢ ᠪᠣᠯᠬᠤ ᠳ᠋ᠤ᠌
ᠪᠣᠭᠣᠳᠠᠯ ᠪᠣᠯᠤᠭᠠᠳ ᠦᠰᠦ ᠲᠡᠢ ᠪᠡᠨ ᠬᠣᠶᠠᠭᠤᠯᠠ ᠶ᠋ᠢ ᠪᠤᠯᠲᠤ ᠪᠤᠯᠲᠤ ᠲᠠᠲᠠᠭᠠᠳ ᠬᠠᠶᠠᠭᠰᠠᠨ ᠶᠤᠮ ᠠ᠋ ᠬᠦᠢ
ᠰᠠᠨᠠᠭᠰᠠᠨ ᠳ᠋ᠤ᠌ ᠪᠠᠨ ᠠᠳᠠᠯᠢᠬᠠᠨ ᠰᠠᠨᠠᠵᠤ ᠤᠤ ᠳᠠ ᠰᠠᠨ ᠶᠧ ᠵᠠ
ᠰᠠᠨᠠᠭᠠ ᠪᠣᠯᠤᠨ ᠰᠡᠳᠬᠢᠯ ᠳᠣᠲᠣᠷᠠ ᠪᠠᠨ ᠰᠠᠨᠠᠭᠠᠳ ᠯᠠ ᠪᠠᠢᠵᠠᠢ ᠴᠢᠮᠠ ᠶ᠋ᠢ ᠪᠡᠨ
ᠰᠠᠨᠠᠭᠠᠳ ᠪᠣᠳᠣᠭᠰᠠᠨ ᠡᠳᠦᠷ ᠰᠠᠷᠠ ᠳ᠋ᠤ᠌ ᠰᠠᠳᠠᠷᠠᠭᠤᠯᠤᠭᠠᠳ ᠢᠷᠡᠬᠦ ᠳ᠋ᠦ᠍ ᠪᠣᠯᠬᠤ ᠦᠭᠡᠢ ᠤᠤ ᠳᠠ
ᠰᠠᠮ ᠪᠣᠯᠤᠨ ᠱᠦᠭᠦᠷ ᠲᠡᠢ ᠨᠢ ᠬᠣᠶᠠᠭᠤᠯᠠ ᠶ᠋ᠢ ᠰᠠᠯᠪᠠᠯᠠᠵᠤ ᠰᠠᠯᠪᠠᠯᠠᠭᠠᠳ ᠭᠡᠭᠡᠴᠢᠬᠡᠪᠡ
ᠡᠨᠡ ᠦᠭᠡ ᠶ᠋ᠢ ᠰᠣᠨᠣᠰᠤᠭᠠᠳ ᠰᠠᠭᠰᠠᠭᠠᠷ ᠰᠠᠨ ᠶᠧ ᠪᠤᠷᠤᠭᠤ ᠪᠠᠨ ᠮᠡᠳᠡᠵᠡᠢ 《 ᠶᠠᠭ ᠲᠠᠭᠠᠷᠠᠨᠠ ᠥᠩᠭᠡᠷᠡᠭᠰᠡᠨ ᠡᠳᠦᠷ ᠪᠢ ᠢᠷᠡᠶᠡ ᠭᠡᠳ ᠦᠭᠡᠨ ᠳ᠋ᠡᠭᠡᠨ ᠰᠠᠭᠤᠭᠰᠠᠨ ᠦᠭᠡᠢ ᠶᠦ᠍ᠮ ᠴᠢᠨᠢ ᠥᠪᠡᠷ ᠦ᠋ᠨ ᠪᠠᠶᠠᠨ ᠤ᠋ ᠴᠢᠨᠢ ᠠᠭᠠᠰᠢᠯᠠᠬᠤ ᠪᠠᠰᠠ ᠲᠠᠭᠠᠷᠠᠨᠠ 》ᠭᠡᠵᠦ ᠠᠷᠪᠢᠨ ᠳᠣᠯᠣᠭᠠᠨ ᠦᠭᠡ ᠶ᠋ᠢ ᠬᠡᠯᠡᠯᠭᠡᠨ ᠦᠭᠡᠢ ᠬᠣᠶᠠᠭᠤᠯᠠ ᠪᠠᠨ ᠤᠰᠤ ᠴᠠᠢ ᠶ᠋ᠢ ᠤᠤᠭᠤᠭᠠᠳ ᠰᠠᠭᠤᠵᠤ ᠪᠠᠢᠶᠠ ᠭᠡᠳ ᠤᠰᠤ ᠴᠠᠢ ᠶ᠋ᠢ ᠤᠤᠭᠤᠭᠠᠳ ᠰᠠᠭᠤᠵᠤ ᠪᠠᠢᠲᠠᠯᠠ ᠬᠣᠢᠲᠤ ᠴᠣᠩᠬᠣ ᠪᠠᠷ ᠲᠦᠯᠬᠢᠭᠳᠡᠭᠡᠳ ᠭᠠᠷᠤᠭᠰᠠᠨ ᠪᠡᠭᠡᠵᠢᠩ ᠯᠠᠮᠠ ᠳᠣᠲᠣᠷᠠ ᠪᠠᠨ ᠪᠠᠰᠠ ᠨᠢᠭᠡᠮᠦᠰᠦᠨ ᠠᠷᠭᠠ ᠠᠭᠠᠰᠢ ᠪᠠᠨ ᠪᠠᠷᠠᠭᠠᠳ ᠪᠠᠢᠨᠠ᠂ ᠠᠷᠤ ᠶ᠋ᠢᠨ ᠴᠣᠩᠬᠣ ᠪᠠᠷ ᠢᠷᠡᠭᠡᠳ ᠦᠵᠡᠶᠡ ᠭᠡᠳ ᠤᠪ ᠣᠯᠢᠢᠭᠠᠳ ᠢᠷᠡᠬᠦᠯᠡᠷ ᠪᠡᠶᠡ ᠨᠢ ᠪᠠᠭᠠ ᠶᠤᠮ ᠴᠢᠨᠢ ᠥᠯᠮᠡᠢ ᠪᠡᠷ ᠢ᠋ᠶ᠋ᠡᠨ ᠵᠣᠭᠰᠣᠭᠠᠳ ᠥᠨᠳᠡᠢᠭᠰᠡᠨ ᠴᠦ᠍ ᠣᠯᠵᠤ ᠦᠵᠡᠬᠦ ᠦᠭᠡᠢ᠂ ᠶᠠᠭᠠᠬᠢᠪᠠᠴᠤ ᠣᠯᠵᠤ ᠦᠵᠡᠬᠦ ᠦᠭᠡᠢ ᠪᠣᠯᠬᠣᠷ ᠠᠷᠭᠠ ᠦᠭᠡᠢ ᠬᠣᠢᠰᠢ ᠪᠠᠨ ᠭᠦᠶᠦᠵᠦ ᠣᠴᠢᠭᠠᠳ ᠬᠥᠪᠬᠡᠯ( ᠡᠲᠡᠯ᠂ ᠪᠣᠷᠳᠣᠭᠤᠷ ) ᠤ᠋ᠨ ᠣᠪᠣᠭᠠᠨ ᠳᠡᠭᠡᠷᠡ ᠡᠴᠡ ᠬᠡᠳᠦ ᠬᠡᠳᠦᠨ ᠪᠡᠯᠡ ᠵᠦᠩ ( ᠬᠡᠯᠲᠡᠷᠬᠡᠢ ᠬᠠᠭᠠᠰ ᠲᠣᠭᠣᠰᠬᠠ) ᠲᠡᠭᠦᠭᠡᠳ ᠠᠪᠤᠭᠠᠳ ᠢᠷᠡᠵᠦ ᠭᠡᠨᠡ ᠂ ᠳᠡᠭᠡᠷᠡ ᠳᠡᠭᠡᠷᠡ ᠨᠢ ᠣᠪᠣᠭᠠᠯᠠᠨ ᠳᠡᠭᠡᠷᠡ ᠨᠢ ᠭᠠᠷᠤᠭᠠᠳ ᠵᠣᠭᠰᠣᠪᠠᠯ᠂ ᠨᠢᠭᠡ ᠵᠣᠭᠰᠣᠪᠠᠯ ᠮᠤᠰᠢᠭ ᠭᠡᠳ ᠤᠨᠠᠴᠢᠬᠠᠨᠠ ᠨᠢᠭᠡ ᠵᠣᠭᠰᠣᠪᠠᠯ ᠮᠤᠰᠢᠭ ᠭᠡᠳ ᠤᠨᠠᠭᠠᠳ ᠶᠠᠪᠤᠭᠠᠳ ᠥᠭᠴᠡᠭᠡᠨᠡ᠂ ᠶᠠᠭᠠᠬᠢᠪᠠᠴᠤ ᠲᠣᠭᠲᠠᠵᠤ ᠥᠭᠬᠦ ᠦᠭᠡᠢ ᠠᠷᠭᠠ ᠪᠠᠨ ᠪᠠᠷᠠᠭᠠᠳ ᠭᠠᠭᠴᠨ ᠬᠥᠯ ᠢ᠋ᠶ᠋ᠡᠷ ᠢ᠋ᠶ᠋ᠡᠨ ᠳᠥᠷᠥᠭᠡᠯᠡᠨ ᠵᠣᠭᠰᠣᠭᠠᠳ ᠨᠥᠭᠦᠭᠡ ᠬᠥᠯ ᠢ᠋ᠶ᠋ᠡᠨ ᠦᠵᠦᠭᠦᠷ ᠦᠭᠡᠢ ᠲᠡᠭᠡᠭᠡᠰᠢ ᠳᠣᠪᠣᠢᠯᠭᠠᠭᠠᠳ᠂ ᠡᠩ! ᠭᠠᠭᠴᠠᠬᠠᠨ ᠬᠥᠯ ᠢ᠋ᠶ᠋ᠡᠷ ᠪᠠᠰᠠ ᠵᠣᠭᠰᠣᠵᠤ ᠲᠣᠭᠲᠠᠵᠤ ᠶᠤᠤᠯᠤᠨᠠ ( ᠳᠡᠢᠯᠦᠨᠡ )᠂ ᠬᠡᠯᠡ ᠪᠡᠨ ᠭᠠᠷᠭᠠᠭᠠᠳ ᠭᠠᠭᠴᠨ ᠨᠢᠳᠦ ᠪᠡᠷ ᠳᠣᠲᠣᠭᠰᠢ ᠪᠠᠷᠠ ᠬᠠᠷᠠᠭᠠᠳ ᠂ ᠰᠢᠨᠵᠢ ᠪᠡᠨ ᠪᠠᠷᠠᠭᠰᠠᠨ ᠬᠥᠮᠦᠨ ᠦ᠌ ᠬᠦᠦ ᠴᠢᠨᠢ ᠃ ᠲᠡᠭᠡᠬᠦᠯᠡ ᠠᠷᠤ ᠪᠡᠶᠡ ᠶ᠋ᠢᠨ( ᠠᠷᠤ ᠵᠡᠷᠭᠡᠯᠡᠳᠡᠭᠡ ᠭᠡᠷ ) ᠠᠢᠯ ᠤ᠋ᠨ ᠪᠠᠭᠠ ᠨᠠᠰᠤᠨ ᠤ᠋ ᠵᠠᠯᠠᠭᠤ ᠭᠠᠷᠤᠭᠠᠳ ᠶᠠᠪᠤᠨᠠ ᠭᠡᠬᠦᠯᠡᠷ ᠴᠠᠭᠠᠨᠲᠠᠢ ᠪᠡᠶᠡ ᠳ᠋ᠦ᠍ ᠨᠢ ᠰᠠᠭᠰᠠᠭᠠᠷ ᠰᠠᠨ ᠶᠧ ᠨᠣᠶᠠᠨ ᠤ᠋ ᠬᠠᠷᠠ ᠵᠢᠷᠣᠭᠠ ᠮᠣᠷᠢ ᠬᠦᠷᠢᠶᠡᠨ ᠳᠤᠮᠳᠠ ᠪᠠᠢᠨᠠ ᠃ ᠱᠠᠭᠠᠢᠭᠠᠳ ᠠᠷᠤ ᠪᠡᠶᠡ ᠳ᠋ᠦ᠍ ᠨᠢ ᠦᠵᠡᠬᠦᠯᠡ ᠪᠡᠭᠡᠵᠢᠩ ᠵᠣᠯᠢᠭ ᠪᠠᠢᠨᠠ ᠂ ᠡᠨᠡ ᠠᠢᠯ ᠢ᠋ ᠲᠦᠢᠳᠦᠨᠡ ᠲᠡᠷᠡ ᠠᠢᠯ ᠢ᠋ ᠲᠦᠢᠪᠡᠭᠡᠨᠡ ᠡᠮᠡᠰ ᠥᠬᠢᠳ ᠲᠡᠢ ᠬᠠᠯᠳᠠᠨᠠ ᠂ ᠥᠩᠭᠡᠷᠡᠦ ᠰᠠᠢᠨ ᠶᠠᠪᠤᠳᠠᠯ ᠬᠢᠬᠦ ᠦᠭᠡᠢ ᠰᠢᠦ᠂ ᠡᠨᠡ ᠲᠣᠣᠮᠢ ( ᠭᠤᠢᠷᠠᠨᠴᠢ ) ᠶ᠋ᠢᠨ ᠦᠷᠡ ᠠᠴᠢ ᠶ᠋ᠢᠨ ᠠᠭᠠᠰᠢᠯᠠᠵᠤ ᠪᠠᠢᠬᠤ ᠶ᠋ᠢ ᠦᠵᠡᠲᠦᠭᠡᠢ ᠭᠡᠳ ᠠᠭᠤᠷ ᠬᠦᠷᠦᠭᠰᠡᠨ ᠬᠦᠴᠦᠨ ᠳ᠋ᠦ᠍ ᠪᠡᠨ ᠬᠠᠷᠢᠶᠠᠵᠤ ᠪᠠᠢᠨᠠ᠃
ᠵᠣᠭᠣᠰ ᠮᠥᠩᠭᠥ ᠲᠡᠢ ᠰᠠᠨ ᠶᠧ ᠨᠣᠶᠠᠨ ᠢ᠋ ᠦᠵᠡᠬᠦ ᠦᠭᠡᠢ ᠳᠡ ᠬᠦᠢ
ᠵᠦᠢᠲᠡᠢ ᠬᠥᠮᠦᠨ ᠵᠢᠦ ᠶᠦᠸᠧ ᠲᠡᠢ ᠪᠡᠨ ᠵᠦᠢᠴᠡᠵᠦ ᠰᠠᠭᠤᠬᠤ ᠨᠢ ᠰᠠᠢᠬᠠᠨ ᠶᠠ ᠬᠦᠢ
ᠵᠣᠭᠣᠰ ᠴᠤ᠌ ᠦᠭᠡᠢ ᠮᠥᠩᠭᠥ ᠴᠦ᠍ ᠦᠭᠡᠢ ᠵᠢᠷᠣᠭᠠ ᠪᠡᠭᠡᠵᠢᠩ ᠢ᠋ ᠦᠵᠡᠲᠦᠭᠡᠢ ᠳᠡ
ᠵᠤᠨ ᠤ᠋ ᠴᠤ᠌ ᠬᠠᠯᠭᠤᠨ ᠤ᠋ ᠨᠣᠬᠠᠢ ᠳ᠋ᠤᠷ ᠠᠳᠠᠯᠢ ᠬᠡᠯᠡ ᠪᠡᠨ ᠭᠠᠷᠭᠠᠭᠠᠳ ᠴᠢᠩᠨᠠᠨᠠ ᠤᠤ ᠳᠠ
ᠡᠳ᠋ ᠮᠥᠩᠭᠥ ᠲᠡᠢ ᠰᠠᠨ ᠶᠧ ᠨᠣᠶᠠᠨ ᠢ᠋ ᠦᠵᠡᠬᠦ ᠦᠭᠡᠢ ᠤᠤ ᠳᠠ ᠬᠦᠢ
ᠡᠪᠯᠢᠭ ᠬᠥᠮᠦᠨ ᠠ᠋ ᠵᠢᠦ ᠶᠦᠸᠧ ᠲᠡᠢ ᠪᠡᠨ ᠢᠨᠢᠶᠡᠯᠴᠡᠵᠦ ᠨᠠᠭᠠᠳᠬᠤ ᠰᠠᠢᠬᠠᠨ ᠶᠠ ᠬᠦᠢ
ᠡᠳ᠋ ᠴᠦ᠍ ᠦᠭᠡᠢ ᠮᠥᠩᠭᠥ ᠯᠡ ᠦᠭᠡᠢ ᠡᠨᠡᠬᠦ ᠲᠣᠣᠮᠢ( ᠭᠤᠢᠷᠠᠨᠴᠢ ) ᠶ᠋ᠢ ᠦᠵᠡᠲᠦᠭᠡᠢ ᠳᠡ ᠠ᠋
ᠡᠪᠦᠯ ᠦ᠋ᠨ ᠬᠦᠢᠲᠡᠨ ᠦ᠌ ᠴᠠᠭ ᠤ᠋ᠨ ᠲᠠᠬᠢᠶᠠ ᠰᠢᠭ᠋ ᠬᠥᠯ ᠢ᠋ᠶ᠋ᠡᠨ ᠳ᠋ᠡᠭᠯᠢᠭᠡᠳ ᠵᠣᠭᠰᠣᠨᠠ ᠬᠦᠢ
ᠡᠨᠡ ᠦᠭᠡ ᠶ᠋ᠢ ᠰᠣᠨᠣᠰᠤᠭᠠᠳ ᠪᠡᠭᠡᠵᠢᠩ ᠯᠠᠮᠠ ᠪᠤᠷᠤᠭᠤᠰᠢ ᠪᠠᠨ ᠬᠠᠨᠳᠤᠭᠠᠳ ᠦᠵᠡᠬᠦᠯᠡ ᠪᠠᠭᠠᠬᠠᠨ ᠪᠡᠶᠡ ᠲᠡᠢ ᠨᠢᠭᠡ ᠠᠢᠯ ᠤ᠋ᠨ ᠬᠦᠦ《 ᠠᠶᠠ! ᠬᠡᠦᠬᠡᠳ ᠲᠦ᠍ ᠪᠠᠰᠠ ᠪᠢ ᠢᠩᠭᠢᠵᠦ ᠳᠣᠣᠷᠠ ᠦᠵᠡᠭᠳᠡᠨᠡ ᠤᠤ ᠳᠠ! ᠣᠷᠣᠶᠠ ᠂ ᠶᠢᠷᠲᠢᠨᠴᠦ ᠳ᠋ᠦ᠍ ᠲᠥᠷᠥᠭᠰᠡᠨ ᠬᠥᠮᠦᠨ ᠦᠬᠦᠬᠦ ᠡᠴᠡ ᠭᠠᠷᠤᠭᠰᠠᠨ ᠦᠭᠡᠢ 》 ᠪᠤᠯᠲᠠᠩ ᠫᠠᠯᠲᠠᠩ ᠲᠥᠴᠢᠭᠡᠷ ᠲᠠᠴᠢᠭᠢᠷ ᠭᠡᠳ ᠭᠦᠶᠦᠭᠡᠳ ᠣᠷᠣᠭᠠᠳ ᠢᠷᠡᠵᠡᠢ᠃
ᠰᠠᠨ ᠶᠧ ᠨᠣᠶᠠᠨ ᠴᠠᠢ ᠤᠤᠭᠤᠭᠠᠳ ᠰᠠᠭᠤᠵᠤ ᠪᠠᠢᠭᠰᠠᠨ ᠬᠥᠮᠦᠨ ᠴᠢᠨᠢ ᠰᠠᠨᠳᠤᠷᠴᠤ ᠄《 ᠬᠦᠢ ᠬᠦᠢ᠂ ᠵᠢᠦ ᠶᠦᠸᠧ ᠡᠨᠡ ᠴᠢᠨᠢ ᠶᠠᠭᠠᠬᠢᠭᠰᠠᠨ ᠶᠤᠮ ᠪᠣᠢ ? 》ᠭᠡᠬᠦ ᠳ᠋ᠦ᠍ ᠂ ᠪᠡᠭᠡᠵᠢᠩ ᠯᠠᠮᠠ ᠬᠣᠢᠲᠤ ᠬᠠᠨᠵᠤᠨ ᠳᠡᠭᠡᠷᠡ ᠨᠢ ᠢᠷᠡᠭᠡᠳ ᠯᠠᠭ ᠭᠡᠲᠡᠯᠡ ᠰᠠᠭᠤᠴᠢᠬᠠᠪᠠ ᠂ ᠵᠢᠦ ᠶᠦᠸᠧ ᠬᠡᠯᠡᠵᠦ ᠪᠠᠢᠨᠠ᠄ 《 ᠪᠢ ᠠᠩᠬᠠᠨ ᠰᠠᠶᠢ ᠰᠠᠨ ᠶᠧ ᠴᠢᠮᠠ ᠳ᠋ᠤ᠌ ᠬᠡᠯᠡᠵᠦ ᠪᠠᠢᠭᠰᠠᠨ ᠦᠭᠡᠢ ᠳᠡ ᠰᠠᠮ ᠪᠣᠯᠤᠨ ᠱᠦᠭᠦᠷ ᠢ᠋ᠶ᠋ᠡᠨ ᠪᠠᠯᠪᠠᠭᠠᠳ ᠪᠠᠢᠭᠰᠠᠨ ᠳ᠋ᠤ᠌ ᠡᠨᠡ ᠪᠣᠯ ᠪᠡᠭᠡᠵᠢᠩ ᠦ᠋ᠨ ᠶᠦᠩ ᠾᠧ ᠬᠦᠩ ᠡᠴᠡ ᠭᠠᠷᠴᠤ ᠢᠷᠡᠭᠰᠡᠨ ᠯᠠᠮᠠ ᠠ᠋᠂ ᠪᠢ ᠡᠭᠦᠨ ᠦ᠌ ᠬᠤᠳᠠᠯᠳᠤᠵᠤ ᠪᠠᠢᠭᠰᠠᠨ ᠰᠠᠮ ᠱᠦᠭᠦᠷ ᠡᠴᠡ ᠨᠢ ᠠᠪᠤᠭᠠᠳ ᠵᠣᠭᠣᠰ ᠢ᠋ ᠨᠢ ᠥᠭᠭᠦᠭᠡᠳᠦᠢ ᠪᠣᠯᠬᠣᠷ ᠂ ᠡᠨᠡ ᠯᠠᠪ ᠵᠣᠭᠣᠰ ᠢ᠋ᠶ᠋ᠠᠨ ᠠᠪᠬᠤ ᠪᠠᠷ ᠢᠷᠡᠵᠡᠢ 》 ᠮᠧᠨ( ᠡᠨᠡ ) ᠦᠭᠡ ᠶ᠋ᠢ ᠰᠣᠨᠣᠰᠤᠭᠠᠳ ᠰᠠᠭᠰᠠᠭᠠᠷ ᠰᠠᠨ ᠶᠧ ᠬᠠᠷᠮᠠᠨ ᠢ᠋ᠶ᠋ᠠᠨ ᠠᠭᠤᠳᠠᠯᠤᠨ ᠬᠡᠳᠦᠨ ᠰᠢᠶᠠᠨ ᠳᠠ ᠶᠠᠩ ( ᠭᠠᠤᠯᠢᠨ ᠵᠣᠭᠣᠰ) ᠭᠠᠷᠭᠠᠵᠤ ᠳ᠋ᠢᠩᠭᠠᠷ ᠭᠡᠲᠡᠯᠡ ᠬᠠᠶᠠᠭᠠᠳ ᠥᠭᠪᠡ᠂ ᠮᠠᠢ! ᠴᠢ ᠨᠢᠭᠡ ᠯᠠᠮᠠ ᠬᠣᠪᠣᠷᠠᠭ ᠬᠥᠮᠦᠨ ᠠᠪᠤᠭᠠᠳ ᠶᠠᠪᠤ ᠂ ᠪᠡᠭᠡᠵᠢᠩ ᠯᠠᠮᠠ ᠠᠪᠬᠤ ᠦᠭᠡᠢ ᠰᠢᠦ ᠲᠡᠷᠡ᠂ ᠵᠣᠭᠣᠰ ᠢ᠋ ᠦᠵᠡᠭᠡᠳ ᠠᠪᠬᠤ ᠶᠠᠭᠤᠮᠠ ᠮᠥᠨ ᠤᠤ? ᠪᠠᠰᠠ ᠠᠮᠠ ᠪᠠᠨ ᠠᠩᠭᠠᠢᠭᠠᠳ ᠨᠢᠳᠦ ᠪᠡᠨ ᠪᠦᠯᠲᠡᠢᠯᠭᠡᠭᠡᠳ ᠪᠠᠢᠭᠠᠳ ᠪᠠᠢᠨᠠ ᠂ ᠠᠶᠠ ! ᠰᠠᠭᠰᠠᠭᠠᠷ ᠰᠠᠨ ᠶᠧ ᠶᠡᠬᠡ ᠠᠭᠤᠷ ᠬᠦᠷᠴᠦ ᠂ ᠡᠨᠡ ᠡᠯᠳᠡᠪ ᠦ᠋ᠨ ᠨᠢᠭᠡ ᠯᠠᠮᠠ ᠪᠠᠢᠨᠠ ᠂ ᠶᠠᠪᠤᠴᠢᠬᠠ ᠭᠡᠪᠡᠯ ᠪᠠᠰᠠ ᠶᠠᠪᠤᠴᠢᠬᠠᠪᠠᠯ ᠭᠠᠷᠴᠢᠬᠠᠨᠠ ᠪᠠ ᠂ ᠰᠠᠶᠢ ᠢᠩᠭᠢᠵᠦ ᠪᠣᠳᠣᠵᠤ ᠪᠠᠢᠲᠠᠯᠠ ᠭᠠᠳᠠᠨᠠ ᠲᠡᠷᠭᠡ ᠶ᠋ᠢᠨ ᠮᠥᠭᠡᠷ ᠦ᠋ᠨ ᠳᠠᠭᠤ ᠭᠠᠷᠤᠨᠠ ᠂ ᠲᠡᠷᠭᠡᠨ ᠮᠥᠭᠡᠷ ᠦ᠋ᠨ ᠳᠠᠭᠤ ᠰᠣᠨᠣᠰᠤᠭᠳᠠᠬᠤ ᠳ᠋ᠤ᠌᠂ ᠵᠢᠦ ᠶᠦᠸᠧ ᠴᠣᠩᠬᠣ ᠪᠠᠷ ᠥᠨᠳᠡᠢᠭᠡᠳ ᠪᠠᠷᠠ ᠬᠠᠷᠠᠪᠠᠯ ᠂ ᠪᠠᠷᠠᠪᠠ ! ᠡᠷᠦᠬᠡ ᠶ᠋ᠢᠨ ᠡᠵᠡᠨ ᠬᠣᠷᠯᠣ ᠨᠣᠶᠠᠨ ᠡᠷᠭᠢᠭᠡᠳ ᠬᠦᠷᠦᠭᠡᠳ ᠢᠷᠡᠵᠡᠢ ᠃ ᠵᠧ ! ᠣᠳᠣ ᠬᠡᠷᠡᠭ ᠭᠠᠷᠴᠠᠢ ᠂ ᠡᠷᠦᠬᠡ ᠶ᠋ᠢᠨ ᠡᠵᠡᠨ ᠬᠣᠷᠯᠣ ᠨᠣᠶᠠᠨ ᠬᠦᠷᠦᠭᠡᠳ ᠢᠷᠡᠭᠰᠡᠨ ᠦᠭᠡᠢ ᠳᠡ ᠂ ᠬᠦᠢ ! ᠠᠳᠠᠯ ᠭᠡᠷ ᠦ᠋ᠨ ᠡᠵᠡᠨ ᠢᠷᠡᠭᠰᠡᠨ ᠢ᠋ ᠰᠣᠨᠣᠰᠤᠭᠠᠳ: ᠠᠰ ᠤ᠋ᠨ ᠪᠡᠶᠡ ᠰᠠᠭᠰᠠᠭᠠᠷ ᠰᠠᠨ ᠶᠧ ᠭᠡᠳ ᠪᠣᠯᠬᠤ ᠶᠠᠭᠤᠮᠠ ᠮᠥᠨ ᠤᠤ ? ᠣᠳᠣ ᠮᠡᠩᠳᠡᠭᠦᠷᠡᠵᠦ ᠵᠢᠦ ᠶᠦᠸᠧ ᠪᠢ ᠣᠳᠣ ᠬᠠᠮᠢᠭᠠ ᠣᠷᠣᠨᠠ ᠂ ᠪᠡᠭᠡᠵᠢᠩ ᠯᠠᠮᠠ ᠪᠠᠰᠠ ᠪᠦᠯᠲᠡᠩ ᠪᠦᠯᠲᠡᠩ ᠭᠡᠳ ᠠᠶᠤᠴᠢᠬᠠᠬᠤ ᠦᠭᠡᠢ ᠤᠤ?ᠣᠳᠣ ᠣᠷᠣᠬᠤ ᠭᠠᠵᠠᠷ ᠢ᠋ᠶ᠋ᠠᠨ ᠣᠯᠬᠤ ᠦᠭᠡᠢ ᠂
ᠰᠠᠨᠳᠤᠷᠤᠭᠰᠠᠨ ᠬᠦᠴᠦᠨ ᠳ᠋ᠦ᠍ ᠪᠡᠨ ᠭᠠᠳᠠᠨᠠ ᠲᠠᠰᠤᠯᠭᠠ ᠭᠡᠷ ᠲᠦ᠍ ᠭᠦᠶᠦᠭᠡᠳ ᠣᠷᠣᠵᠤ ᠢᠷᠡᠬᠦᠯᠡᠷ ᠂ ᠠᠩᠬᠠᠨ ᠤ᠋ ᠠᠪᠴᠢᠷᠠᠭᠰᠠᠨ ᠠᠷᠭᠠᠯ ᠤ᠋ᠨ ᠰᠠᠭᠰᠤ ᠭᠠᠳᠠᠨᠠ ᠲᠠᠰᠤᠯᠭᠠ ᠳ᠋ᠤ᠌ ᠪᠠᠢᠵᠠᠢ ᠂ ᠪᠡᠭᠡᠵᠢᠩ ᠯᠠᠮᠠ ᠪᠡᠶᠡ ᠪᠠᠭᠠ ᠬᠤᠷᠴᠠ ᠲᠡᠷᠡ ᠬᠥᠮᠦᠨ ᠠ᠋ ᠂ ᠱᠠᠪ ᠭᠡᠲᠡᠯᠡ ᠠᠳᠬᠤᠮᠠᠭᠴᠠ ᠣᠷᠣᠢ ᠤᠷᠤᠭᠤ ᠪᠠᠨ ᠱᠤᠸᠠᠷ ᠭᠡᠲᠡᠯᠡ ᠬᠥᠮᠥᠷᠢᠭᠡᠳ ᠤᠪ ᠣᠴᠣᠢᠨ ᠰᠠᠭᠤᠬᠤ ᠳ᠋ᠤ᠌ ᠪᠠᠢᠵᠤ ᠳᠠ! ᠪᠣᠷᠣ ᠨᠥᠮᠥᠷᠭᠡ ᠶ᠋ᠢᠨ ᠬᠠᠭᠠᠰ ᠬᠣᠷᠮᠣᠢ ᠨᠢ ᠰᠠᠭᠰᠤᠨ ᠤ᠋ ᠭᠠᠳᠠᠨᠠ ᠦᠯᠡᠳᠡᠪᠡ᠃ ᠰᠠᠨ ᠶᠧ ᠨᠣᠶᠠᠨ ᠭᠦᠶᠦᠵᠦ ᠭᠠᠷᠴᠤ ᠢᠷᠡᠭᠡᠳ᠂ ᠣᠳᠣ ᠣᠷᠣᠬᠤ ᠭᠠᠵᠠᠷ ᠢ᠋ᠶ᠋ᠠᠨ ᠣᠯᠬᠤ ᠦᠭᠡᠢ ᠰᠠᠨᠳᠤᠷᠤᠭᠠᠳ ᠡᠭᠦᠳᠡᠨ ᠠᠷᠤ ᠳ᠋ᠤᠨᠢ ᠣᠷᠣᠭᠠᠳ ᠵᠣᠭᠰᠣᠭᠠᠳ ᠲᠡᠭᠡᠭᠰᠡᠨ ᠴᠢᠨᠢ ᠪᠠᠢᠨᠠ ᠤᠤ ᠳᠠ ᠭᠤᠲᠤᠯ ᠤ᠋ᠨ ᠲᠦᠷᠡᠢ ᠶ᠋ᠢᠨ ᠬᠢᠨᠢ ᠬᠠᠭᠠᠰ ᠨᠢ ᠪᠠᠰᠠ ᠡᠭᠦᠳᠡᠨ ᠡᠯᠬᠡᠭ( ᠪᠣᠱᠣᠭᠠ ) ᠬᠢᠨᠢ ᠨᠠᠭᠠᠳᠤ ᠦᠵᠡᠭᠳᠡᠵᠦ ᠪᠠᠢᠨᠠ ᠂ ᠠᠳᠠᠯ ᠤ᠋ᠨ ᠡᠵᠡᠨ ᠬᠣᠷᠯᠣ ᠨᠣᠶᠠᠨ ᠬᠦᠷᠳᠦᠲᠦ ᠲᠡᠷᠭᠡ ᠪᠡᠨ ᠪᠠᠭᠤᠯᠭᠠᠭᠠᠳ ᠬᠦᠷᠢᠶᠡᠨ ᠳᠤᠮᠳᠠ ᠪᠠᠨ ᠯᠠᠪᠠᠯᠵᠤ ᠦᠵᠡᠬᠦᠯᠡ ᠂ ᠬᠠᠷᠠ ᠵᠢᠷᠣᠭᠠ ᠮᠣᠷᠢ ᠤᠶᠠᠭᠠᠨ ᠳᠡᠭᠡᠷᠡ ᠨᠢ ᠤᠶᠠᠵᠤ ᠪᠠᠢᠨᠠ ᠃ ᠰᠠᠨᠠᠭᠠ ᠠᠯᠳᠠᠵᠠᠢ᠂ ᠡᠨᠡ ᠴᠦ᠍ ᠣᠳᠣ ᠥᠩᠭᠡᠷᠡᠦ ᠰᠠᠢᠨ ᠭᠦᠷᠢᠮ ᠬᠢᠭᠰᠡᠨ ᠦᠭᠡᠢ ᠭᠡᠵᠦ ᠪᠣᠳᠣᠭᠠᠳ ᠲᠡᠷᠭᠡ ᠪᠡᠨ ᠪᠠᠭᠤᠯᠭᠠᠭᠠᠳ ᠳᠣᠲᠣᠭᠰᠢ ᠪᠠᠨ ᠠᠯᠬᠤᠭᠠᠳ ᠢᠷᠡᠬᠦᠯᠡᠷ ᠭᠡᠷ ᠦ᠋ᠨ ᠢ᠋ᠶ᠋ᠡᠨ ᠪᠣᠭᠣᠨᠢ ᠰᠠᠷᠠᠪᠴᠢ ᠪᠠᠷ ᠡᠭᠦᠳᠡᠨ ᠦ᠌ ᠪᠡᠨ ᠡᠯᠬᠡᠭ( ᠪᠣᠱᠣᠭᠠ ) ᠬᠦᠷᠲᠡᠯᠡ ᠰᠠᠢᠬᠠᠨ ᠪᠠᠷᠠ ᠬᠠᠷᠠᠬᠤᠯᠠᠷ ᠂ᠡᠭᠦᠳᠡ ᠶ᠋ᠢ ᠲᠦᠯᠬᠢᠭᠡᠳ ᠣᠷᠣᠵᠤ ᠢᠷᠡᠬᠦ ᠡᠴᠡ ᠤᠷᠢᠳ ᠨᠡᠭᠡᠭᠡᠵᠦ ᠪᠠᠢᠨᠠ ᠂ ᠦᠵᠡᠬᠦ ᠳ᠋ᠦ᠍ ᠭᠤᠲᠤᠯ ᠤ᠋ᠨ ᠲᠦᠷᠡᠢ ᠦᠵᠡᠭᠳᠡᠵᠦ ᠪᠠᠢᠨᠠ ᠂ ᠳᠣᠲᠣᠭᠰᠢ ᠠᠯᠬᠤᠭᠠᠳ ᠣᠷᠣᠭᠠᠳ ᠢᠷᠡᠬᠦ ᠳ᠋ᠦ᠍ ᠪᠠᠢᠨᠠ ᠤᠤ? ᠰᠠᠭᠰᠤᠨ ᠤ᠋ ᠳᠣᠣᠷᠠ ᠰᠢᠪ ᠰᠢᠷᠠᠯᠠᠭᠠᠳ ᠪᠡᠭᠡᠵᠢᠩ ᠯᠠᠮᠠ ᠶ᠋ᠢᠨ ᠬᠣᠷᠮᠣᠢ ᠨᠢ ᠦᠵᠡᠭᠳᠡᠵᠦ ᠪᠠᠢᠨᠠ ᠂ ᠥᠷᠥᠭᠡ ᠳ᠋ᠡᠭᠡᠨ ᠣᠷᠣᠵᠤ ᠥᠩᠭᠡ ᠨᠢᠭᠤᠷ ᠲᠤ᠌ ᠶᠡᠬᠡᠯᠡ ᠪᠠᠶᠠᠷ ᠦᠭᠡᠢ ᠂ ᠵᠢᠦ ᠶᠦᠸᠧ ᠦᠵᠡᠨᠡᠷᠡᠨ ᠮᠡᠩᠳᠦᠷᠡᠴᠢᠬᠡᠬᠦ ᠦᠭᠡᠢ ᠤᠤ ᠳᠠ ᠂ ᠳᠠᠩᠵᠢᠶᠠᠳ ᠠ᠋ ᠬᠣᠯᠠ ᠵᠠᠮ ᠢ᠋ᠶ᠋ᠠᠨ ᠬᠥᠭᠡᠭᠡᠭᠡᠳ ᠴᠢ ᠶᠠᠳᠠᠷᠠᠭᠰᠠᠨ ᠶᠤᠮ ᠠ᠋ ᠂ ᠴᠢ ᠨᠢᠭᠡ ᠦᠵᠡ ᠳᠡ᠂ ᠬᠣᠪᠢᠨ ᠤ᠋ ᠪᠡᠶᠡ ᠴᠢᠨᠢ ᠪᠢ ᠪᠠᠷᠤᠭ ᠡᠨᠡ ᠡᠳᠦᠷ ᠢᠷᠡᠨᠡ ᠪᠠ ᠭᠡᠳ ᠡᠨᠡ ᠪᠡᠯᠡᠳᠬᠡᠭᠰᠡᠨ ᠢ᠋ ᠦᠵᠡ ᠂ ᠢᠳᠡᠵᠦ ᠤᠤᠭᠤᠬᠤ ᠶᠤᠮ ᠰᠢᠦ ! ᠭᠡᠵᠦ᠂ ᠲᠡᠭᠡᠭᠡᠰᠢ ᠭᠠᠷ ᠭᠡᠳ ᠴᠢᠩᠭᠠᠭᠠᠵᠤ ᠪᠠᠢᠨᠠ ᠲᠠᠲᠠᠵᠤ ᠪᠠᠢᠨᠠ ᠳᠡᠭᠡᠷᠡ ᠭᠠᠷᠭᠠᠬᠤ ᠳ᠋ᠤ᠌ ᠬᠣᠷᠯᠣ ᠨᠣᠶᠠᠨ ᠨᠢᠭᠡ ᠢᠳᠡᠬᠦ ᠰᠡᠳᠬᠢᠯ ᠦᠭᠡᠢ ᠰᠢᠦ᠂ ᠲᠦᠭᠦᠰᠢ ᠪᠡᠨ ᠲᠤᠯᠤᠭᠠᠳ ᠰᠠᠭᠤᠴᠢᠬᠠᠭᠠᠳ ᠤᠳᠠᠬᠤ ᠦᠭᠡᠢ ᠤᠳᠠᠬᠤ ᠦᠭᠡᠢ ᠬᠠᠢ ᠬᠠᠢ ᠭᠡᠳ ᠰᠠᠨᠠᠭᠠ ᠠᠯᠳᠠᠭᠠᠳ ᠪᠠᠢᠨᠠ ᠂ ᠡᠨᠡ ᠪᠠᠢᠳᠠᠯ ᠢ᠋ ᠦᠵᠡᠴᠢᠭᠡᠳ ᠵᠢᠦ ᠶᠦᠸᠧ ᠬᠠᠵᠠᠭᠤ ᠲᠠᠯᠠ ᠠ᠋ᠴᠠ ᠨᠢ ᠬᠡᠯᠡᠵᠦ ᠪᠠᠢᠨᠠ
ᠶ᠋ᠢᠨ ᠵᠧᠦ ᠬᠣᠲᠠᠨ ᠳ᠋ᠤ᠌ ᠪᠠᠨ ᠴᠢ ᠳᠡ ᠣᠴᠢᠯᠠ ᠶᠤᠮ ᠪᠠ ᠳᠠᠩᠵᠢᠶᠠᠳ ᠠ᠋ ᠬᠦᠢ
ᠵᠢᠯ ᠦ᠋ᠨ ᠵᠠᠷᠤᠬᠤ ᠵᠦᠢᠯ ᠦ᠋ᠨ ᠶᠠᠭᠤᠮᠠ ᠪᠠᠨ ᠵᠦᠢ ᠳᠠᠷᠠᠭᠠᠯᠠᠨ ᠠᠪᠤᠭᠠᠳ ᠢᠷᠡᠵᠦ ᠪᠠ ᠬᠦᠢ ?
ᠵᠦᠢᠲᠡᠢ ᠬᠥᠮᠦᠨ ᠠ᠋ ᠵᠢᠦ ᠶᠦᠸᠧ ᠨᠠᠮᠠ ᠶ᠋ᠢ ᠪᠡᠨ ᠵᠢᠷᠦᠬᠡᠨ ᠳ᠋ᠦ᠍ ᠪᠡᠨ ᠰᠠᠨᠠᠵᠠᠢ ᠯᠠᠪᠳᠠᠭᠤᠨ ᠠ᠋
ᠵᠢᠷᠦᠬᠡ ᠰᠡᠳᠬᠢᠯ ᠦ᠋ᠨ ᠦᠭᠡ ᠪᠡᠨ ᠵᠤᠢᠴᠢᠵᠤ ᠰᠠᠭᠤᠶᠠ ᠳᠠ ᠪᠣᠯᠬᠤ ᠦᠭᠡᠢ ᠤᠤ ᠳᠠ
ᠬᠠᠭᠠᠯᠭᠠ ᠬᠣᠲᠠᠨ ᠳ᠋ᠤ᠌ ᠪᠠᠨ ᠴᠢ ᠣᠴᠢᠯᠠ ᠶᠤᠮ ᠪᠠ? ᠳᠠᠩᠵᠢᠶᠠᠳ ᠠ᠋ ᠬᠦᠢ
ᠬᠠᠪᠤᠷ ᠤ᠋ᠨ ᠵᠠᠷᠤᠬᠤ ᠵᠦᠢᠯ ᠦ᠋ᠨ ᠶᠠᠭᠤᠮᠠ ᠶ᠋ᠢ ᠪᠡᠨ ᠬᠠᠮᠤᠭ ᠳᠠᠷᠠᠭᠠᠯᠠᠨ ᠠᠪᠤᠭᠠᠳ ᠢᠷᠡᠵᠦ ᠪᠠ ᠬᠦᠢ ?
ᠬᠠᠢᠷᠠ ᠶ᠋ᠢᠨ ᠬᠥᠮᠦᠨ ᠠ᠋ ᠵᠢᠦ ᠶᠦᠸᠧ ᠨᠠᠮᠠ ᠶ᠋ᠢ ᠪᠡᠨ ᠬᠠᠷᠠᠲᠠᠢ ᠰᠠᠨᠠᠵᠠᠢ ᠪᠠ ᠯᠠᠪᠳᠠᠭᠤᠨ ᠠ᠋ ᠬᠦᠢ
ᠬᠠᠷᠠᠩᠭᠤᠢ ᠣᠷᠣᠢ ᠪᠣᠯᠬᠤ ᠠ᠋ᠴᠠ ᠤᠷᠢᠲᠠᠢ ᠬᠡᠯᠡᠯᠴᠡᠵᠦ ᠰᠠᠭᠤᠶᠠ ᠳᠠ ᠪᠣᠯᠬᠤ ᠦᠭᠡᠢ ᠤᠤ ᠳᠠ
ᠴᠢ ᠪᠠᠰᠠ ᠨᠠᠮᠠ ᠠ᠋ᠴᠠ ᠡᠷᠢᠶᠡᠯᠡᠬᠦ ᠶᠦᠮ ᠤᠤ ? ᠶᠠᠭᠤ ᠪᠣᠳᠣᠪᠠᠯ ᠶᠠᠭᠤ ᠪᠠᠨ ᠬᠡᠯᠡᠴᠡᠭᠡᠯᠠᠢ ᠶᠠᠭᠤᠨ ᠳ᠋ᠤ᠌ ᠢᠩᠭᠢᠵᠦ ᠰᠠᠨᠠᠭᠠ ᠠᠯᠳᠠᠭᠠᠳ ᠪᠠᠢᠬᠤ ᠶᠤᠮ ᠪᠣᠢ ᠂ ᠬᠣᠷᠯᠣ ᠨᠣᠶᠠᠨ ᠬᠡᠯᠡᠵᠦ ᠪᠠᠢᠨᠠ᠂ ᠵᠢᠦ ᠶᠦᠸᠧ ᠪᠢ ᠡᠷᠡᠭᠡ ᠦᠭᠡᠢ ᠨᠢᠭᠡ ᠬᠡᠯᠡᠴᠢᠬᠡᠶᠡ
ᠰᠠᠭᠰᠠᠭᠠᠷ ᠮᠣᠳᠣ ᠮᠢᠨᠢ ᠰᠠᠯᠠᠭᠠᠯᠠᠭᠠᠳ ᠤᠷᠭᠤᠭᠰᠠᠨ ᠠ᠋ᠴᠠ ᠨᠠᠭᠠᠰᠢ ᠪᠠᠨ ᠬᠦᠢ
ᠱᠠᠭᠠᠵᠠᠭᠠᠢ ᠪᠣᠯᠤᠭᠠᠳ ᠰᠢᠪᠠᠭᠤ ᠲᠠᠢ ᠪᠠᠨ ᠬᠣᠶᠠᠭᠤᠯᠠ ᠪᠠᠨ ᠴᠤᠭᠯᠠᠭᠠ ᠨᠢᠭᠡᠲᠡᠢ ᠵᠢᠦ ᠶᠦᠸᠧ ᠠ᠋ ᠬᠦᠢ
ᠰᠠᠢᠬᠠᠨ ᠬᠥᠮᠦᠨ ᠵᠢᠦ ᠶᠦᠸᠧ ᠴᠢᠮᠠ ᠶ᠋ᠢ ᠪᠡᠨ ᠱᠠᠭᠠᠳᠤᠯᠠᠭᠠᠳ ᠠᠪᠤᠭᠰᠠᠨ ᠠ᠋ᠴᠠ ᠨᠠᠭᠠᠰᠢ ᠪᠠᠨ
ᠰᠠᠭᠰᠤᠨ ᠤ᠋ ᠳᠣᠣᠷᠠ ᠨᠢ ᠣᠳᠣ ᠬᠥᠮᠦᠨ ᠢ᠋ ᠳᠠᠷᠤᠬᠤ ᠳ᠋ᠤ᠌ ᠲᠤᠯᠴᠢᠬᠠᠵᠠᠢ᠃
ᠦᠷᠡᠯ ᠦ᠋ᠨ ᠰᠠᠢᠬᠠᠨ ᠮᠣᠳᠣ ᠮᠢᠨᠢ ᠦᠶᠡᠯᠡᠭᠡᠳ ᠤᠷᠭᠤᠭᠰᠠᠨ ᠠ᠋ᠴᠠ ᠨᠠᠭᠠᠰᠢ ᠪᠠᠨ ᠠ᠋ ᠬᠦᠢ
ᠡᠯᠢᠶᠡ ᠪᠣᠯᠤᠭᠠᠳ ᠱᠠᠭᠠᠵᠠᠭᠠᠢ ᠲᠠᠢ ᠬᠣᠶᠠᠭᠤᠯᠠ ᠪᠠᠨ ᠴᠤᠭᠯᠠᠭᠠ ᠨᠠᠢᠷᠲᠠᠢ ᠲᠠᠢ ᠵᠢᠦ ᠶᠦᠸᠧ ᠠ᠋ ᠬᠦᠢ
ᠥᠪᠡᠷ ᠦ᠋ᠨ ᠬᠥᠮᠦᠨ ᠵᠢᠦ ᠶᠦᠸᠧ ᠴᠢᠮᠠ ᠲᠠᠢ ᠦᠰᠦ ᠬᠣᠯᠪᠣᠭᠰᠠᠨ ᠠ᠋ᠴᠠ ᠨᠠᠭᠠᠰᠢ ᠪᠠᠨ
ᠡᠭᠦᠳᠡᠨ ᠦ᠌ ᠠᠷᠤ ᠳ᠋ᠤ᠌ ᠨᠢ ᠪᠠᠰᠠ ᠬᠠᠷᠠᠭᠤᠯ ᠵᠣᠭᠰᠣᠬᠤ ᠳ᠋ᠤ᠌ ᠲᠤᠯᠵᠠᠢ ᠬᠦᠢ
ᠵᠢᠦ ᠶᠦᠸᠧ ᠣᠳᠣ ᠣᠷᠣᠬᠤ ᠭᠠᠵᠠᠷ ᠢ᠋ᠶ᠋ᠠᠨ ᠣᠯᠬᠤ ᠦᠭᠡᠢ ᠨᠢᠭᠡᠮᠦᠰᠦᠨ ᠮᠡᠩᠳᠡᠭᠦᠷᠡᠴᠢᠬᠡᠯᠡ᠃ᠠᠷᠭᠠ ᠪᠠᠨ ᠪᠠᠷᠠᠭᠠᠳ ᠡᠢᠮᠦ ᠲᠡᠢᠮᠦ ᠭᠡᠳ ᠬᠡᠯᠡᠬᠦ ᠭᠡᠰᠡᠨ ᠳ᠋ᠦ᠍ ᠬᠣᠷᠯᠣ ᠶ᠋ᠢᠨ ᠬᠡᠯᠡᠭᠰᠡᠨ ᠦᠭᠡ ᠶ᠋ᠢ ᠰᠣᠨᠣᠰᠤᠭᠠᠳ ᠰᠠᠭᠰᠤᠨ ᠳᠣᠣᠷᠠᠬᠢ ᠪᠡᠭᠡᠵᠢᠩ ᠯᠠᠮᠠ ᠪᠠᠰᠠ ᠰᠠᠨᠳᠤᠷᠴᠢᠬᠠᠬᠤ ᠦᠭᠡᠢ ᠤᠤ ᠳᠠ? ᠨᠢᠭᠡᠮᠦᠰᠦᠨ ᠪᠠᠴᠢᠮᠳᠠᠵᠠᠢ᠃ ᠣᠳᠣ ᠶᠠᠭᠠᠬᠢᠬᠤ ᠪᠣᠢ ᠳ᠋ᠠᠭ ᠳ᠋ᠠᠭ ᠴᠡᠴᠡᠷᠡᠵᠡᠢ᠂ ᠴᠠᠭᠠᠲᠠᠢ ᠪᠡᠶᠡ ᠳ᠋ᠦ᠍ᠨᠢ ᠪᠠᠢᠭᠰᠠᠨ ᠰᠠᠨ ᠶᠧ ᠨᠣᠶᠠᠨ ᠨᠢᠭᠡᠮᠦᠰᠦᠨ ᠴᠡᠭᠡᠵᠢ ᠰᠡᠳᠬᠢᠯ ᠦ᠋ᠨ ᠳᠣᠲᠣᠷᠠ ᠴᠢᠬᠤᠯᠳᠠᠴᠢᠬᠠᠪᠠ᠂ ᠳ᠋ᠠᠭ ᠳ᠋ᠠᠭ ᠳ᠋ᠠᠭ ᠭᠡᠳ ᠴᠡᠴᠡᠷᠡᠭᠡᠳ ᠯᠡ ᠂ ᠪᠠᠢᠵᠤ ᠳᠠ ᠬᠠᠪᠢᠷᠭᠠ ᠲᠠᠯᠠ ᠳ᠋ᠤᠨᠢ ᠬᠣᠶᠠᠷ ᠪᠣᠭᠣᠵᠢ ᠲᠠᠢ ᠱᠤᠭᠠᠢ ᠪᠠᠢᠵᠠᠢ ᠡᠨᠡ ᠳ᠋ᠠᠭ ᠳ᠋ᠠᠭ ᠳ᠋ᠠᠭ ᠴᠡᠴᠡᠷᠡᠬᠦ ᠳ᠋ᠦ᠍ ᠴᠠᠭᠠᠲᠠᠢ ᠲᠠᠯᠠ ᠶ᠋ᠢᠨ ᠱᠤᠭᠠᠢ ᠱᠤᠸᠠᠷ ᠱᠤᠸᠠᠷ ᠳᠤᠤᠭᠠᠷᠤᠭᠠᠳ ᠪᠠᠢᠨᠠ᠂ ᠬᠣᠷᠯᠣ ᠨᠣᠶᠠᠨ ᠠᠰᠠᠭᠤᠵᠤ ᠪᠠᠢᠨᠠ 《ᠬᠥᠶᠢ ! ᠵᠢᠦ ᠶᠦᠸᠧ ᠭᠠᠳᠠᠨᠠ ᠲᠠᠰᠤᠯᠭᠠ ᠭᠡᠷ ᠲᠦ᠍ ᠶᠠᠭᠤᠨ ᠤ᠋ ᠴᠢᠮᠡᠭᠡ ᠭᠠᠷᠴᠤ ᠪᠣᠢ 》 ᠂ ᠵᠢᠦ ᠶᠤᠸᠠᠢ ᠬᠡᠯᠡᠵᠦ ᠪᠠᠢᠨᠠ 《ᠳᠠᠩᠵᠢᠶᠠᠳ ᠴᠢ ᠬᠡᠳᠦᠢ ᠬᠦᠴᠢᠷᠲᠡᠢ ᠶᠦ᠍ᠮ ᠪᠣᠢ ? ᠠᠮᠢᠳᠤᠷᠠᠨᠠ ᠭᠡᠳᠡᠭ ᠴᠢᠨᠢ ᠢᠷᠠᠭᠤ ( ᠬᠢᠯᠪᠠᠷ )ᠦᠭᠡᠢ ᠬᠦᠢ ? ᠴᠢᠮᠠ ᠶ᠋ᠢ ᠶᠠᠪᠤᠭᠰᠠᠨ ᠤ᠋ ᠰᠡᠭᠦᠯᠡᠷ ᠪᠢ ᠪᠠᠰᠠ ᠠᠪᠢᠰᠤᠨ ᠡᠵᠡᠨ ᠡᠴᠡ ᠬᠣᠶᠠᠷ ᠭᠠᠬᠠᠢ ᠶ᠋ᠢᠨ ᠵᠤᠯᠵᠠᠭᠠ ᠠᠪᠴᠤ ᠢᠷᠡᠭᠡᠳ ᠡᠭᠦᠳᠡᠨ ᠠᠷᠤ ᠳ᠋ᠤ᠌ ᠤᠶᠠᠵᠤ ᠪᠠᠢᠨᠠ᠂ ᠳᠠᠰᠤᠭᠠᠳᠤᠢ ᠪᠣᠯᠬᠣᠷ ᠠᠭᠠᠰᠢᠯᠠᠵᠤ ᠯᠠ ᠪᠠᠢᠨᠠ ᠰᠢᠳᠡ》 ᠂ ᠬᠣᠷᠯᠣ ᠠᠷᠭᠠ ᠦᠭᠡᠢ ᠬᠠᠷᠠ ᠵᠢᠷᠣᠭᠠ ᠮᠣᠷᠢ ᠤᠨᠤᠭᠰᠠᠨ ᠢ᠋ᠶ᠋ᠠᠷ ᠦᠵᠡᠬᠦᠯᠡ ᠰᠠᠨ ᠶᠧ ᠨᠣᠶᠠᠨ ᠢᠷᠡᠵᠡᠢ ᠂ ᠺᠦᠸᠠᠩ ( ᠡᠭᠦᠷᠬᠦ ᠰᠠᠭᠰᠤ ) ᠶ᠋ᠢᠨ ᠳᠣᠣᠷᠠ ᠳᠠᠷᠤᠭᠳᠠᠵᠤ ᠪᠠᠢᠬᠤ ᠪᠠᠷ ᠦᠵᠡᠪᠡᠯ ᠪᠡᠭᠡᠵᠢᠩ ᠯᠠᠮᠠ ᠪᠠᠰᠠ ᠢᠷᠡᠵᠡᠢ ᠂ ᠰᠠᠨ ᠶᠧ ᠨᠣᠶᠠᠨ ᠭᠡᠳᠡᠭ ᠴᠢᠨᠢ ᠡᠨᠡ ᠦᠶᠡ ᠶ᠋ᠢᠨ ᠴᠠᠭ ᠲᠤ᠌ ᠪᠠᠨ ᠪᠣᠯ ᠵᠡᠭᠦᠨ ᠦᠵᠦᠭᠦᠷ ᠨᠢ ᠭᠢᠰᠬᠢᠪᠡᠯ ᠪᠠᠷᠠᠭᠤᠨ ᠦᠵᠦᠭᠦᠷ ᠨᠢ ᠳᠣᠯᠭᠢᠰᠤᠨᠠ᠂ ᠡᠭᠦᠨ ᠲᠡᠢ ᠪᠢ ᠡᠬᠡᠨᠡᠷ ᠦ᠋ᠨ ᠬᠡᠷᠡᠭ ᠢ᠋ᠶ᠋ᠡᠷ ᠡᠪᠳᠡᠷᠡᠭᠡᠨ ᠪᠣᠯᠪᠠᠯ ᠠᠮᠢᠳᠤᠷᠠᠬᠤ ᠳ᠋ᠤ᠌ ᠬᠦᠴᠢᠷᠲᠡᠢ᠂ ᠪᠡᠭᠡᠵᠢᠩ ᠯᠠᠮᠠ ᠭᠡᠳᠡᠭ ᠴᠢᠨᠢ ᠪᠡᠶᠡ ᠨᠢ ᠪᠠᠭᠠ ᠪᠣᠯᠪᠠᠴᠤ ᠪᠠᠷᠠᠭᠤᠨ ᠬᠤᠰᠢᠭᠤᠨ ᠤ᠋ ᠬᠣᠩᠬᠣᠰ ( ᠳᠡᠭᠡᠷᠡᠮ᠂ ᠲᠣᠨᠣᠭᠠ ) ᠭᠡᠲᠡᠯᠡ ᠵᠡᠭᠦᠨ ᠬᠤᠰᠢᠭᠤᠨ ᠤ᠋ ᠬᠣᠩᠬᠣᠰ( ᠳᠡᠭᠡᠷᠡᠮ᠂ ᠲᠤᠨᠤᠭᠠ ) ᠭᠡᠳ ᠪᠠᠢᠭᠰᠠᠨ ᠪᠦᠭᠦᠳᠡ ᠲᠡᠢ ᠰᠠᠢᠨ ᠠᠬᠠ ᠳᠡᠭᠦᠦ ᠲᠡᠢ ᠂ᠡᠭᠦᠨ ᠲᠡᠢ ᠮᠠᠭᠤᠳᠠᠪᠠᠯ ᠪᠠᠰᠠ ᠢᠷᠠᠭᠤ ( ᠬᠢᠯᠪᠠᠷ )ᠦᠭᠡᠢ᠂ ᠬᠣᠷᠯᠣ ᠶᠠᠪᠤᠭ ᠴᠠᠭᠠᠰᠢ ᠪᠠᠨ ᠪᠢ ᠴᠢᠳᠠᠯ ᠦᠭᠡᠢ ᠲᠥᠷᠥᠭᠰᠡᠨ ᠶᠦᠮ ᠴᠢᠨᠢ ᠰᠠᠨᠠᠭᠠ ᠪᠠᠷ ᠢ᠋ᠶ᠋ᠠᠨ ᠪᠤᠯᠠᠭᠠ ᠵᠢᠦ ᠶᠦᠸᠧ ᠭᠡᠳ ᠭᠠᠷᠤᠭᠠᠳ ᠶᠠᠪᠤᠭᠠᠳ ᠥᠭᠴᠡᠢ᠂
ᠭᠠᠳᠠᠨᠠ ᠭᠠᠷᠤᠭᠠᠳ ᠪᠢ ᠨᠢᠭᠡ ᠦᠬᠡᠷ ᠲᠦ᠍ ᠪᠡᠨ ᠡᠪᠡᠰᠦ ᠬᠠᠶᠠᠵᠤ ᠥᠭᠭᠦᠭᠡᠳ ᠡᠷᠭᠢᠭᠡᠳ ᠣᠷᠣᠵᠤ ᠢᠷᠡᠶᠡ ᠭᠡᠳ ᠭᠠᠳᠠᠨᠠ ᠭᠠᠷᠤᠭᠰᠠᠨ ᠬᠣᠭᠣᠷᠣᠨᠳᠣ ᠵᠢᠦ ᠶᠦᠸᠧ ᠡᠨᠡ ᠬᠣᠶᠠᠷ ᠢ᠋ ᠶᠠᠭᠠᠬᠢᠪᠠᠯ ᠲᠠᠭᠠᠷᠠᠨᠠ ᠭᠡᠵᠦ ᠪᠠᠢᠲᠠᠯᠠ ᠰᠠᠭᠰᠠᠭᠠᠷ ᠰᠠᠨ ᠶᠧ ᠳᠣᠲᠣᠷᠠ ᠪᠠᠨ ᠰᠠᠨᠠᠵᠤ ᠭᠡᠨᠡ᠂ ᠡᠭᠦᠳᠡᠨ ᠠᠷᠤ ᠳ᠋ᠤ᠌ ᠵᠣᠭᠰᠣᠬᠤ ᠡᠨᠡ ᠥᠩᠭᠡᠷᠡᠦ ᠰᠠᠢᠨ ᠮᠠᠢᠮᠠᠢ ᠪᠢᠰᠢ ᠭᠡᠳ ᠡᠭᠦᠳᠡᠨ ᠠᠷᠤ ᠠ᠋ᠴᠠ ᠪᠠᠨ ᠭᠦᠶᠦᠵᠦ ᠭᠠᠷᠴᠤ ᠢᠷᠡᠭᠰᠡᠨ ᠂ ᠬᠠᠰᠢ ᠯᠠ ᠬᠥᠮᠦᠨ ᠦ᠌ ᠪᠡᠭᠡᠵᠢᠩ ᠯᠠᠮᠠ ᠬᠡᠳᠦᠢ ᠯᠠᠪ ᠯᠠᠪᠳᠠᠭᠤᠨ ᠪᠠᠢᠨᠠ 《 ᠪᠢ ᠡᠨᠡ ᠰᠠᠭᠰᠤᠨ ᠤ᠋ ᠬᠢᠨᠢ ᠳᠣᠣᠷᠠ ᠣᠷᠣᠶᠠ》 ᠭᠡᠳ ᠠᠷᠭᠠᠯ ᠤ᠋ᠨ ᠺᠦᠸᠠᠩ ( ᠡᠭᠦᠷᠬᠦ ᠰᠠᠭᠰᠤ ) ᠠ᠋ᠴᠠ ᠢᠷᠡᠭᠡᠳ ᠴᠢᠩᠭᠠᠭᠠᠭᠰᠠᠨ ᠴᠢᠨᠢ ᠪᠠᠢᠵᠤ ᠤᠤ ᠳᠠ? ᠪᠡᠭᠡᠵᠢᠩ ᠯᠠᠮᠠ ᠪᠠᠰᠠ ᠲᠠᠯᠪᠢᠵᠤ ᠥᠭᠬᠦ ᠦᠭᠡᠢ ᠦᠬᠦᠨ ᠵᠢᠭᠤᠷᠠᠭᠠᠳ᠂ ᠶᠠᠭᠠᠬᠢᠪᠠᠴᠤ ᠥᠭᠬᠦ ᠦᠭᠡᠢ ᠪᠣᠯᠬᠣᠷ ᠰᠠᠨᠳᠤᠷᠴᠢᠬᠠᠵᠠᠢ ᠰᠠᠭᠰᠠᠭᠠᠷ ᠰᠠᠨ ᠶᠧ ᠭᠤᠶᠤᠵᠤ ᠪᠠᠢᠨᠠ᠃
ᠰᠠᠢᠬᠠᠨ ᠬᠥᠮᠦᠨ ᠳᠡ ᠵᠢᠦ ᠶᠦᠸᠧ ᠳ᠋ᠦ᠍ ᠪᠡᠨ ᠰᠠᠩᠯᠣᠭᠳᠠᠬᠤ ( ᠥᠭᠡᠢᠬᠢᠭᠲᠦᠨ )ᠭᠡᠵᠦ ᠪᠠᠢᠨᠠ ᠬᠣᠶᠠᠭᠤᠯᠠ ᠪᠠᠨ ᠬᠦᠢ
ᠰᠠᠨᠠᠭᠠᠨ ᠳ᠋ᠤ᠌ ᠦᠭᠡᠢ ᠤᠴᠢᠷ ᠴᠢᠨᠢ ᠪᠣᠯᠪᠠᠯ ᠭᠠᠷᠬᠤ ᠭᠡᠳ ᠪᠠᠢᠨᠠ ᠬᠦᠢ
ᠰᠠᠭᠰᠤᠨ ᠤ᠋ ᠠᠮᠠᠰᠠᠷ ᠢ᠋ ᠬᠢᠨ ᠨᠡᠬᠡᠭᠡᠳ ᠯᠡ ᠥᠭ ᠳᠡ ᠭᠤᠶᠤᠵᠤ ᠪᠠᠢᠨᠠ
ᠰᠠᠨᠠᠭᠠ ᠪᠣᠳᠣᠭᠰᠠᠨ ᠰᠠᠢᠨ ᠢ᠋ ᠴᠢᠨᠢ ᠪᠢ ᠬᠣᠵᠢᠮ ᠡᠳᠦᠷ ᠲᠦ᠍ ᠪᠡᠨ ᠬᠠᠷᠢᠭᠤᠯᠬᠤ ᠦᠭᠡᠢ ᠤᠤ ᠳᠠ ᠬᠦᠢ
ᠡᠨᠡ ᠬᠥᠮᠦᠨ ᠳᠡ ᠬᠣᠷᠯᠣ ᠳ᠋ᠤ᠌ ᠪᠠᠨ ᠦᠭᠡᠢ ᠬᠢᠭᠳᠡᠬᠦ ᠭᠡᠵᠦ ᠪᠠᠢᠨᠠ ᠬᠣᠶᠠᠭᠤᠯᠠ ᠪᠠᠨ ᠬᠦᠢ
ᠥᠪᠡᠷ ᠦ᠋ᠨ ᠪᠡᠶᠡ ᠰᠠᠨ ᠶᠧ ᠶ᠋ᠢ ᠥᠷᠥᠰᠢᠶᠡᠴᠢᠬᠡ ᠳᠡ ᠪᠡᠭᠡᠵᠢᠩ ᠲᠠ ᠬᠦᠢ
ᠡᠭᠦᠷᠬᠦ ᠺᠦᠸᠠᠩ ᠤ᠋ᠨ ᠠᠮᠠᠰᠠᠷ ᠢ᠋ᠶ᠋ᠠᠨ ᠨᠡᠭᠡᠭᠡᠭᠡᠳ ᠥᠭ ᠳᠡ ᠭᠤᠶᠤᠵᠤ ᠪᠠᠢᠨᠠ
ᠥᠪᠡᠷ ᠦ᠋ᠨ ᠰᠠᠨᠠᠭᠰᠠᠨ ᠰᠠᠢᠨ ᠢ᠋ ᠴᠢᠨᠢ ᠪᠣᠯᠪᠠᠯ ᠬᠣᠢᠰᠢ ᠡᠳᠦᠷ ᠲᠦ᠍ ᠪᠡᠨ ᠬᠠᠷᠢᠭᠤᠯᠬᠤ ᠦᠭᠡᠢ ᠤᠤ ᠳᠠ
ᠢᠩᠭᠢᠪᠡᠴᠦ ᠦᠬᠦᠪᠡᠴᠦ ᠲᠠᠯᠪᠢᠬᠤ ᠦᠭᠡᠢ ᠪᠡᠭᠡᠵᠢᠩ ᠯᠠᠮᠠ ᠂ ᠬᠣᠶᠠᠭᠤᠯᠠ ᠪᠠᠨ ᠢᠩᠭᠢᠭᠡᠳ ᠰᠠᠭᠰᠤ ᠪᠤᠯᠢᠶᠠᠯᠴᠠᠭᠠᠳ ᠭᠠᠳᠠᠨᠠ ᠲᠠᠰᠤᠯᠭᠠ ᠳ᠋ᠤ᠌ ᠴᠢᠨᠢ ᠳᠢᠭᠯᠢᠮ ᠦᠭᠡᠢ ᠪᠣᠯᠵᠠᠢ ᠂ ᠭᠡᠳ ᠵᠢᠦ ᠶᠦᠸᠧ ᠠᠷᠭᠠ ᠦᠭᠡᠢ《ᠲᠠ ᠬᠣᠶᠠᠭᠤᠯᠠ ᠮᠠᠯ ᠰᠢᠦ ᠂ᠮᠠᠯ ᠠ᠋ ᠪᠤᠤ ᠪᠤᠯᠢᠶᠠᠯᠴᠠ ! ᠪᠣᠰ ! 》ᠥᠪᠡᠷ ᠦ᠋ᠨ ᠡᠷᠬᠡ ᠦᠭᠡᠢ ᠬᠣᠶᠠᠭᠤᠯᠠᠨ ᠠᠶᠤᠵᠤ ᠂ ᠣᠢᠪ ᠣᠯᠢᠭᠠᠳ ᠰᠠᠭᠰᠤᠨ ᠤ᠋ ᠳᠣᠣᠷᠠ ᠠ᠋ᠴᠠ ᠪᠡᠭᠡᠵᠢᠩ ᠯᠠᠮᠠ ᠭᠠᠷᠤᠭᠠᠳ ᠢᠷᠡᠪᠡ ᠃《 ᠶᠠᠭᠠᠬᠢᠬᠤ ᠶᠤᠮ ᠪᠣᠢ?》 ᠴᠠᠭᠠᠲᠠᠢ ᠠ᠋ᠴᠠ ᠰᠠᠨ ᠶᠧ ᠨᠣᠶᠠᠨ ᠱᠣᠪ ᠱᠣᠯᠣᠢᠭᠠᠳ ᠢᠷᠡᠲᠡᠯᠡ ᠂ 《ᠨᠠᠭᠠᠰᠢ ᠣᠷᠣᠵᠤ ᠢᠷᠡ !》 ᠳᠠᠭᠠᠭᠠᠳ ᠣᠷᠣᠵᠤ ᠢᠷᠡᠵᠡᠢ ᠃ ᠫᠠᠯᠠᠩ ( ᠭᠠᠵᠠᠷ ) ᠤ᠋ᠨ ᠢ᠋ᠶ᠋ᠠᠨ ᠭᠣᠣᠯ ᠳ᠋ᠤ᠌ ᠨᠢ ᠠᠪᠴᠤ ᠢᠷᠭᠡᠳ ᠭᠠᠬᠠᠢ ᠠᠯᠠᠬᠤ ᠱᠠᠷ ᠭᠡᠮ ᠴᠢᠨᠳᠣᠣ ᠪᠠᠷᠢᠭᠠᠳ ᠡᠭᠦᠨ ᠢ᠋ ᠵᠠᠭᠤ ᠂ ᠪᠡᠭᠡᠵᠢᠩ ᠯᠠᠮᠠ ᠪᠡᠶᠡ ᠪᠠᠭᠠ ᠪᠣᠯᠪᠠᠴᠤ ᠶᠠᠭᠤᠨ ᠳ᠋ᠤ᠌ ᠴᠤ᠌ ᠬᠤᠷᠴᠠ ᠂ ᠱᠠᠪ ᠭᠡᠲᠡᠯᠡ ᠪᠠᠷᠢᠭᠤᠯ ᠠ᠋ᠴᠠ ᠨᠢ ᠵᠠᠭᠤᠭᠠᠳ ᠠᠪᠤᠭᠰᠠᠨ᠂ ᠰᠠᠨ ᠶᠧ ᠨᠣᠶᠠᠨ ᠡᠷᠬᠢᠮ ᠵᠡᠷᠭᠡ ᠲᠡᠢ ᠭᠡᠳ ᠠᠷᠭᠠ ᠪᠠᠢᠨᠠ ᠤᠤ ? ᠭᠠᠴᠢᠭᠳᠠᠭᠰᠠᠨ ᠂ ᠥᠪᠡᠷᠲᠡᠭᠡᠨ ᠡᠷᠢᠭᠰᠡᠨ ᠵᠣᠪᠠᠯᠠᠩ ᠶᠤᠮ ᠰᠢᠪ ᠦᠵᠦᠭᠦᠷ ᠡᠴᠡ ᠨᠢ ᠳᠢᠩᠭᠢᠷ ᠭᠡᠲᠡᠯᠡ ᠬᠠᠵᠠᠭᠠᠳ ᠠᠪᠴᠠᠢ ᠃
ᠬᠣᠷᠯᠣ ᠨᠣᠶᠠᠨ ᠬᠡᠳᠦᠢ ᠬᠦᠯᠢᠶᠡᠭᠡᠳ ᠪᠣᠳᠣᠵᠠᠢ ᠂ᠬᠣᠶᠠᠭᠤᠯᠠ ᠶ᠋ᠢ ᠬᠣᠢᠰᠢ ᠪᠠᠨ ᠶᠠᠪᠤᠭᠤᠯᠴᠢᠬᠠᠪᠠ ᠰᠢᠳᠡ ᠭᠡᠳ ᠬᠠᠭᠠᠯᠭᠠ ᠶ᠋ᠢ ᠲᠦᠯᠬᠢᠭᠡᠳ ᠣᠷᠣᠵᠤ ᠢᠷᠡᠬᠦᠯᠠᠢ ᠪᠠᠢᠨᠠ ᠤᠤ ᠳᠠ ? ᠬᠣᠶᠠᠭᠤᠯᠠ ᠪᠠᠨ ᠭᠣᠣᠪ ᠭᠣᠵᠣᠢᠭᠠᠳ ᠰᠥᠭᠥᠳᠴᠦ ᠪᠠᠢᠨᠠ ᠰᠢᠦ ᠂ ᠪᠠᠷᠠᠪᠠ ᠠ᠋! ᠡᠨᠡ ᠣᠳᠣ ᠶᠠᠭᠤ ᠪᠣᠯᠴᠢᠬᠠᠭᠰᠠᠨ ᠪᠣᠢ? ᠦᠭᠡ ᠳᠠᠭᠤ ᠦᠭᠡᠢ ᠪᠡᠷ ᠬᠠᠪᠢᠷᠭᠠ ᠲᠠᠯᠠ ᠪᠠᠷ ᠨᠢ ᠠᠯᠬᠤᠭᠠᠳ ᠬᠠᠨᠵᠤᠨ ᠭᠣᠣᠯ ᠳ᠋ᠤ᠌ ᠪᠠᠨ ᠭᠠᠷᠴᠤ ᠢᠷᠡᠵᠦ ᠰᠠᠭᠤᠭᠠᠳ ᠦᠵᠡᠭᠰᠡᠨ ᠦᠭᠡᠢ ᠬᠥᠮᠦᠨ ᠠᠳᠠᠯᠢ ᠪᠠᠢᠵᠤ ᠪᠠᠢᠲᠠᠯᠠ ᠬᠠᠵᠠᠭᠤ ᠲᠠᠯᠠ ᠠ᠋ᠴᠠ ᠨᠢ ᠵᠢᠦ ᠶᠦᠸᠧ ᠢᠢᠨᠢᠶᠡᠴᠢᠬᠡᠭᠡᠳ ᠬᠡᠯᠡᠵᠦ ᠪᠠᠢᠨᠠ ᠭᠡᠨᠡ ᠃
ᠠᠳᠠᠯ ᠤ᠋ᠨ ᠡᠵᠡᠨ ᠠ᠋ ᠬᠣᠷᠯᠣ ᠶᠠ ᠴᠢ ᠠᠬᠤ ᠴᠤ᠌ ᠠᠭᠤᠵᠢᠭᠤ ᠰᠡᠳᠬᠢᠯ ᠲᠡᠢ
ᠠᠪᠤᠭᠰᠠᠨ ᠡᠬᠡᠨᠡᠷ ᠵᠢᠦ ᠶᠦᠸᠧ ᠴᠢᠨᠢ ᠳᠡ ᠮᠡᠳᠡᠭᠦᠯᠵᠦ ᠪᠠᠢᠨᠠ ᠴᠢᠮᠠ ᠳ᠋ᠤ᠌ ᠪᠠᠨ
ᠠᠳᠠᠯ ᠭᠡᠷ ᠦ᠋ᠨ ᠱᠠᠯᠠ ᠳ᠋ᠤ᠌ ᠰᠥᠭᠥᠳᠴᠦ ᠪᠠᠢᠬᠤ ᠡᠨᠡ ᠬᠣᠶᠠᠭᠤᠯᠠ ᠳᠠ
ᠠᠪᠤ ᠪᠣᠯᠤᠭᠠᠳ ᠮᠥᠮᠥ ᠬᠣᠶᠠᠭᠤᠯᠠ ᠳ᠋ᠤ᠌ ᠪᠠᠨ ᠪᠤᠷᠤᠭᠤ ᠪᠠᠨ ᠬᠢᠵᠡᠢ ᠯᠠᠪᠳᠠᠭᠤᠨ ᠠ᠋ ᠬᠦᠢ
ᠡᠷᠦᠬᠡ ᠶ᠋ᠢᠨ ᠡᠵᠡᠨ ᠬᠣᠷᠯᠣ ᠲᠠ ᠴᠢᠨᠢ ᠦᠨᠡᠬᠡᠷ ᠠᠭᠤᠵᠢᠭᠤ ᠰᠡᠳᠬᠢᠯ ᠲᠡᠢ ᠬᠦᠢ
ᠥᠪᠡᠷ ᠦ᠋ᠨ ᠡᠬᠡᠨᠡᠷ ᠵᠢᠦ ᠶᠦᠸᠧ ᠴᠢᠨᠢ ᠮᠡᠳᠡᠭᠦᠯᠵᠦ ᠪᠠᠢᠨᠠ ᠴᠢᠮᠠ ᠳ᠋ᠤ᠌ ᠪᠠᠨ
ᠡᠷᠦᠬᠡ ᠶ᠋ᠢᠨ ᠱᠠᠯᠠ ᠳᠤᠮᠳᠠ ᠰᠥᠭᠥᠳᠴᠦ ᠪᠠᠢᠬᠤ ᠡᠨᠡ ᠬᠣᠶᠠᠭᠤᠯᠠ
ᠡᠮᠧ ᠪᠣᠯᠤᠭᠠᠳ ᠠᠪᠤ ᠳ᠋ᠤ᠌ ᠪᠠᠨ ᠪᠤᠷᠤᠭᠤ ᠪᠠᠨ ᠬᠢᠵᠡᠢ ᠯᠠᠪᠳᠠᠭᠤᠨ ᠠ᠋ ᠬᠦᠢ
ᠬᠣᠷᠯᠣ ᠨᠣᠶᠠᠨ ᠮᠥᠨ ᠦᠭᠡ ᠶ᠋ᠢ ᠰᠣᠨᠣᠰᠤᠭᠠᠳ ᠲᠡᠷᠡ ᠬᠣᠷᠣᠰᠤᠭᠰᠠᠨ ᠭᠡᠵᠦ ᠠ᠋ ᠬᠤᠯᠵᠢᠨ ᠡᠬᠡᠨᠡᠷ ᠢ᠋ ᠠᠪᠤᠨᠠ ᠭᠡᠳᠡᠭ ᠴᠢᠨᠢ ᠬᠢᠲᠤᠭᠠ ᠶ᠋ᠢᠨ ᠦᠵᠦᠭᠦᠷ ᠢ᠋ ᠬᠦᠵᠦᠭᠦᠨ ᠡᠴᠡ ᠪᠡᠨ ᠵᠡᠭᠦᠭᠰᠡᠨ ᠲᠡᠢ ᠨᠢᠭᠡᠯᠡ ᠠᠳᠠᠯᠢ ᠠ᠋ ! ᠠᠷᠭᠠ ᠦᠭᠡᠢ 《 ᠬᠦᠢ ! ᠲᠠ ᠬᠣᠶᠠᠭᠤᠯᠠ ᠶᠠᠭᠠᠬᠢᠨᠠ ᠭᠡᠰᠡᠨ ᠪᠣᠢ?》ᠪᠡᠭᠡᠵᠢᠩ ᠯᠠᠮᠠ ᠨᠢᠭᠤᠷ ᠦᠭᠡᠢ ᠰᠢᠦ ᠂ ᠦᠢᠪ ᠤᠷᠢᠳᠠᠢᠴᠢᠭᠡᠭᠡᠳ ᠤᠷᠤᠭᠤ ᠴᠢᠷᠠᠢᠯᠠᠭᠠᠳ ᠬᠡᠯᠡᠵᠦ ᠪᠠᠢᠨᠠ《 ᠪᠢᠳᠡ ᠨᠢᠭᠡ ᠠᠬᠠ ᠳᠡᠭᠦᠦ ᠪᠠᠷᠢᠯᠳᠤᠶᠠ ᠭᠡᠰᠡᠨ ᠶᠦᠮ ᠠ᠋ 》ᠬᠣᠷᠯᠣ ᠬᠡᠯᠡᠵᠦ ᠪᠠᠢᠨᠠ 《ᠠᠶᠠ ᠠᠬᠠ ᠳᠡᠭᠦᠦ ᠪᠠᠷᠢᠯᠳᠤᠬᠤ ᠴᠢᠨᠢ ᠭᠡᠷ ᠲᠡᠭᠡᠨ ᠪᠠᠢᠬᠤ ᠦᠭᠡᠢ ᠬᠥᠮᠦᠨ ᠦ᠌ ᠳ᠋ᠦ᠍ ᠢᠷᠡᠵᠦ ᠪᠠᠷᠢᠬᠤ ᠤᠤ ᠳᠠ! ᠲᠡᠭᠡᠬᠦᠯᠡᠷ ᠲᠠ ᠬᠣᠶᠠᠭᠤᠯᠠ ᠪᠠᠨ ᠪᠣᠰ ᠠ᠋ ᠪᠣᠰ ᠠᠬᠠ ᠳᠡᠭᠦᠦ ᠪᠠᠷᠢᠬᠤ ᠴᠢᠨᠢ ᠨᠡᠩ ᠠᠷᠪᠢᠨ ᠬᠥᠮᠦᠨ ᠪᠣᠯ ᠰᠠᠢᠨ ᠦᠭᠡᠢ ᠤᠤ ᠳᠠ ᠪᠢᠳᠡ ᠭᠤᠷᠪᠠᠭᠤᠯᠠ ᠪᠠᠨ ᠠᠬᠠ ᠳᠡᠭᠦᠦ ᠪᠠᠷᠢᠴᠢᠬᠠᠶᠠ ᠂ ᠣᠢᠪ ᠤᠯᠢᠭᠠᠳ ᠬᠣᠶᠠᠭᠤᠯᠠ ᠪᠠᠨ ᠪᠠᠰᠠ ᠨᠢᠭᠤᠷ ᠦᠭᠡᠢ ᠰᠢᠦ ᠪᠣᠯᠤᠨᠠ ᠭᠡᠳ ᠪᠣᠰᠴᠢᠬᠠᠭᠰᠠᠨ ᠶᠤᠮ ᠂ ᠪᠣᠷᠣ ᠪᠣᠭᠵᠣᠢᠭᠠᠳ ᠪᠠᠷᠠᠭᠤᠨ ᠵᠡᠭᠦᠨ ᠲᠠᠯᠠ ᠳ᠋ᠤᠨᠢ ᠰᠠᠭᠤᠭᠠᠳ ᠨᠠᠰᠤ ᠵᠢᠯ ᠢ᠋ᠶ᠋ᠡᠨ ᠲᠣᠭᠠᠯᠠᠭᠠᠳ ᠦᠵᠡᠬᠦᠯᠡᠷ ᠠᠯᠢᠨ ᠠ᠋ᠴᠠ ᠨᠢ ᠴᠦ᠍ ᠠᠬᠠ ᠨᠢ ᠪᠣᠯᠪᠠᠯ ᠬᠣᠷᠯᠣ ᠬᠣᠶᠠᠳᠤᠭᠠᠷ ᠨᠢ ᠰᠠᠭᠰᠠᠭᠠᠷ ᠰᠠᠨ ᠶᠧ ᠭᠤᠷᠪᠠᠳᠤᠭᠠᠷ ᠨᠢ ᠪᠡᠭᠡᠵᠢᠩ ᠯᠠᠮᠠ ᠢᠩᠭᠢᠭᠡᠳ ᠭᠤᠷᠪᠠᠭᠤᠯᠠ ᠪᠠᠨ ᠠᠬᠠ ᠳᠡᠭᠦᠦ ᠪᠠᠷᠢᠭᠰᠠᠨ ᠠᠷᠢᠬᠢ ᠪᠠᠨ ᠤᠤᠭᠤᠵᠤ ᠪᠠᠷᠠᠭᠰᠠᠨ ᠤ᠋ ᠰᠡᠭᠦᠯᠡᠷ ᠬᠤᠪᠢ ᠬᠣᠪᠢᠨ ᠤ᠋ ᠵᠠᠮ ᠢ᠋ᠶ᠋ᠠᠨ ᠬᠥᠭᠡᠭᠡᠬᠦ ᠦᠭᠡᠢ ᠤᠤ ᠳᠠ᠂ ᠬᠤᠪᠢ ᠬᠣᠪᠢᠨ ᠤ᠋ ᠵᠠᠮ ᠢ᠋ᠶ᠋ᠠᠨ ᠬᠥᠭᠡᠭᠡᠬᠦ ᠪᠡᠷ ᠭᠠᠷᠤᠭᠠᠳ ᠢᠷᠡᠬᠦᠯᠡᠷ ᠂ ᠬᠣᠪᠢᠨ ᠤ᠋ ᠪᠡᠶᠡ ᠨᠢ ᠵᠢᠦ ᠶᠦᠸᠧ ᠪᠠᠰᠠ ᠠᠷᠤᠨ ᠠ᠋ᠴᠠ ᠨᠢ ᠳᠠᠭᠠᠭᠠᠳ ᠮᠣᠷᠳᠠᠭᠤᠯᠴᠢᠬᠠᠯᠠ᠂《 ᠴᠢᠯᠥᠭᠡ ᠵᠠᠪ ᠢ᠋ᠶ᠋ᠠᠷ ᠢ᠋ᠶ᠋ᠠᠨ ᠲᠣᠭᠣᠷᠢᠬᠤ ᠪᠠᠷ ᠢᠷᠡ ᠂ ᠰᠠᠢᠬᠠᠨ ᠮᠡᠨᠳᠦ ᠶ᠋ᠢ ᠡᠷᠢᠬᠦ ᠪᠡᠷ ᠢᠷᠡ 》 ᠭᠡᠬᠦᠯᠡᠷ ᠬᠣᠶᠠᠭᠤᠯᠠ ᠪᠠᠨ ᠡᠷᠭᠢᠭᠡᠳ ᠬᠣᠷᠣᠰᠤᠯ ᠪᠣᠯᠤᠭᠠᠳ ᠦᠭᠭᠦᠭᠰᠡᠨ ᠶᠦ᠍ᠮ ᠂ ᠪᠡᠭᠡᠵᠢᠩ ᠯᠠᠮᠠ ᠪᠣᠷᠣ ᠰᠠᠭᠠᠷᠠᠯ ᠲᠣᠵᠢᠩ ᠮᠣᠷᠢᠨ ᠳ᠋ᠤ᠌ ᠪᠠᠨ ᠮᠣᠷᠳᠠᠴᠢᠬᠠᠭᠰᠠᠨ ᠪᠤᠷᠤᠭᠤ ᠬᠠᠨᠳᠤᠭᠠᠳ ᠵᠢᠦ ᠶᠤᠸᠠᠢ ᠶ᠋ᠢ ᠬᠠᠷᠢᠶᠠᠵᠤ ᠪᠠᠢᠨᠠ
ᠪᠣᠷᠣ ᠰᠠᠭᠠᠷᠠᠯ ᠮᠣᠷᠢᠨ ᠤ᠋ ᠪᠠᠨ ᠳᠡᠭᠡᠷᠡ ᠮᠣᠷᠳᠠᠭᠠᠳ ᠭᠠᠷᠤᠯᠠ ᠪᠡᠶᠡ ᠮᠢᠨᠢ ᠠ᠋ ᠬᠦᠢ
ᠪᠦᠸᠧ ᠸᠠᠩ ᠪᠣᠯᠤᠨ ᠪᠢᠩᠲᠦ ᠶ᠋ᠢᠨ ᠬᠣᠰᠢᠭᠤ ᠶ᠋ᠢ ᠲᠣᠭᠣᠷᠢᠭᠠᠳ ᠲᠡᠭᠡᠶᠡ ᠪᠡᠶᠡ ᠮᠢᠨᠢ
ᠪᠦᠸᠧ ᠸᠠᠩ ᠤ᠋ᠨ ᠬᠣᠰᠢᠭᠤ ᠪᠠᠷ ᠲᠣᠭᠣᠷᠢᠵᠤ ᠯᠠ ᠪᠠᠢᠭᠠᠳ ᠪᠡᠶᠡ ᠮᠢᠨᠢ ᠳᠡ ᠬᠦᠢ
ᠪᠣᠯᠤᠮᠠᠷ ᠰᠢᠭ᠋ ᠠᠬᠠ ᠳᠡᠭᠦᠦ ᠪᠡᠨ ᠠᠪᠴᠢᠷᠠᠵᠤ ᠪᠠᠢᠭᠠᠳ
ᠪᠠᠭᠠᠯᠵᠠᠭᠤᠷ ᠢ᠋ ᠴᠢᠨᠢ ᠲᠠᠰᠤᠯᠠᠬᠤ ᠦᠭᠡᠢ ᠪᠡᠷ ᠲᠠᠯᠪᠢᠨᠠ ᠤᠤ ᠳᠠ ᠬᠦᠢ
ᠬᠠᠷᠠ ᠰᠠᠭᠠᠷᠠᠯ ᠮᠣᠷᠢᠨ ᠳ᠋ᠠᠭᠠᠨ ᠮᠣᠷᠳᠠᠭᠠᠳ ᠭᠠᠷᠤᠯᠠ ᠰᠠᠨ ᠶᠧ ᠳᠡ ᠬᠦᠢ
ᠬᠣᠪᠢᠨ ᠤ᠋ ᠰᠠᠭᠤᠭᠰᠠᠨ ᠬᠣᠰᠢᠭᠤ ᠵᠠᠰᠠᠭ ᠲᠤ᠌ ᠪᠠᠨ ᠬᠣᠢᠰᠢ ᠪᠠᠨ ᠶᠠᠪᠤᠨᠠ ᠪᠡᠶᠡ ᠮᠢᠨᠢ
ᠬᠣᠪᠢᠨ ᠤ᠋ ᠰᠠᠭᠤᠭᠰᠠᠨ ᠬᠠᠤᠯᠢ ᠶ᠋ᠢᠨ ᠭᠠᠵᠠᠷ ᠲᠤ᠌ ᠪᠠᠨ ᠬᠦᠷᠦᠭᠰᠡᠨ ᠦ᠌ ᠰᠡᠭᠦᠯᠡᠷ ᠬᠦᠢ
ᠬᠣᠪᠢᠨ ᠤ᠋ ᠴᠢᠨᠢ ᠡᠷᠡ ᠬᠣᠷᠯᠣ ᠶ᠋ᠢ ᠳᠡ ᠬᠣᠣᠷᠯᠠᠬᠤ ᠦᠭᠡᠢ ᠪᠡᠷ ᠶᠠᠭᠠᠬᠢᠪᠠᠴᠤ ᠲᠠᠯᠪᠢᠨᠠ ᠤᠤ ᠳᠠ ᠬᠦᠢ
ᠵᠠ ! ᠠᠯᠢᠶᠠ ᠵᠠᠳᠠᠭᠠᠢ ᠶᠠᠪᠤᠭᠠᠳ ᠠᠯᠢᠨ ᠳ᠋ᠤᠨᠢ ᠴᠤ᠌ ᠭᠡᠳ ᠰᠠᠢᠨ ᠦᠭᠡᠢ ᠪᠣᠯᠵᠠᠢ ᠂ ᠵᠢᠦ ᠶᠤᠸᠠᠢ ᠠᠯᠢᠨ ᠠ᠋ᠴᠠ ᠨᠢ ᠪᠣᠯᠪᠠᠴᠤ ᠠᠶᠤᠨᠠ ᠂ ᠠᠮᠢᠨ ᠤ᠋ ᠶᠠᠪᠤᠭᠰᠠᠨ ᠳ᠋ᠤ᠌ ᠪᠠᠨ ᠭᠣᠮᠣᠳᠠᠭᠠᠳ ᠰᠠᠭᠤᠵᠤ ᠭᠡᠨᠡ᠃
ᠦᠰᠦᠭ ᠠᠮᠢᠯᠠᠭᠤᠯᠵᠤ ᠬᠠᠲᠠᠭᠰᠠᠨ ᠨᠢ ᠄ ᠭᠠᠸᠠ
ᠬᠢᠨᠠᠭᠴᠢ ᠪᠠᠭᠰᠢ ᠄ ᠬᠥᠬᠡ ᠮᠣᠩᠭᠣᠯ᠂ ᠮᠡᠷᠭᠡᠨ᠂ ᠡᠩᠬᠡᠮᠡᠨᠳᠦ
ᠪᠢᠴᠢᠯᠭᠡ ᠵᠢᠷᠤᠭ ᠄ ᠳᠥᠭᠥᠮ ᠬᠠᠲᠠᠮᠠᠯ ᠴᠤᠭᠯᠠᠷᠠᠯ ᠨᠠᠢᠷᠠᠭᠤᠯᠪᠠ