1. ᠲᠡᠷᠢᠭᠦᠨ ᠨᠢᠭᠤᠷ >
  2. ᠨᠡᠪᠲᠡᠷᠡᠭᠦᠯᠭᠡ >
  3. ᠵᠣᠪᠠᠭᠰᠠᠨ ᠰᠦ - ᠪᠠᠪᠤᠤ ᠶ᠋ᠢᠨ ᡀᠬᠠᠪᠠᠰᠥ᠋ᠷᠦᠩ Зовсон сүү — Бавуугийн Лхагвасүрэн

ᠵᠣᠪᠠᠭᠰᠠᠨ ᠰᠦ - ᠪᠠᠪᠤᠤ ᠶ᠋ᠢᠨ ᡀᠬᠠᠪᠠᠰᠥ᠋ᠷᠦᠩ Зовсон сүү — Бавуугийн Лхагвасүрэн

2025-01-18

394


 ᠦᠵᠡᠰᠬᠦᠯᠡᠩᠲᠦ ᠪᠦᠰᠡᠭᠦᠢ ᠬᠣᠷᠸ᠎ᠠ ᠳᠤᠮᠳᠠᠭᠤᠷ 
 ᠤᠰᠤ ᠮᠡᠲᠦ ᠤᠷᠤᠰᠤᠨ᠎ᠠ᠃ 
 ᠳᠣᠯᠭᠢᠶ᠎ᠠ ᠳᠡᠭᠡᠷ᠎ᠡ ᠨᠢ ᠤᠯᠠᠩᠭᠠᠰᠤᠭᠰᠠᠨ ᠨᠢᠳᠦ ᠨᠦ᠍ᠭᠦᠳ 
 ᠣᠷᠣᠢ ᠨᠠᠮᠤᠷ ᠤ᠋ᠨ ᠨᠠᠪᠴᠢ ᠰᠢᠭ ᠬᠥᠪᠦᠨ᠎ᠡ᠃ 
 ᠬᠥᠪᠡᠭᠡᠨ ᠳᠡᠭᠡᠷ᠎ᠡ ᠨᠢ ᠬᠠᠢᠷ᠎ᠠ ᠶ᠋ᠢᠨ《ᠵᠢᠭᠠᠰᠤᠴᠢᠳ》 
 ᠭᠣᠷᠢᠳᠠᠨ ᠬᠥᠯᠥᠷᠡᠵᠦ ᠬᠥᠭᠯᠡᠷᠡᠨ᠎ᠡ᠃ 
 ᠦᠵᠡᠰᠬᠦᠯᠡᠩᠲᠦ ᠪᠦᠰᠡᠭᠦᠢ ᠬᠣᠷᠸ᠎ᠠ ᠳᠤᠮᠳᠠᠭᠤᠷ 
 ᠤᠰᠤ ᠮᠡᠲᠦ ᠤᠷᠤᠰᠤᠨ᠎ᠠ᠃ 
 ᠵᠠᠯᠭᠢᠯᠠᠵᠤ ᠴᠢᠳᠠᠭᠰᠠᠨ ᠨᠢ ᠪᠡᠶ᠎ᠡ ᠪᠡᠨ《ᠲᠥᠷᠥᠵᠦ》 ᠤᠬᠢᠶᠠᠨ᠎ᠠ 
 ᠵᠠᠶᠠᠭ᠎ᠠ ᠳᠤᠲᠠᠭᠰᠠᠨ ᠨᠢ《ᠭᠣᠷᠢᠳᠠᠵᠤ》ᠰᠢᠯᠦᠩᠭᠢᠲᠦᠨ᠎ᠡ᠃ 
 ᠡᠷᠭᠢ ᠳᠡᠭᠡᠷ᠎ᠡ ᠡᠴᠡ ᠲᠣᠩᠭᠣᠢᠭᠰᠠᠨ ᠮᠥᠴᠢᠷ ᠪᠦᠬᠦᠨ ᠳ᠋ᠦ᠍ ᠰᠠᠷᠠᠴᠢᠭᠤᠯᠵᠤ 
 ᠡᠷᠬᠢᠮᠰᠦᠭ ᠦᠵᠡᠰᠬᠦᠯᠡᠩ ᠭᠠᠩᠳᠠᠵᠤ ᠭᠤᠨᠳᠠᠵᠤ ᠤᠷᠤᠰᠤᠨ᠎ᠠ᠃ 
 ᠦᠵᠡᠰᠬᠦᠯᠡᠩᠲᠦ ᠪᠦᠰᠡᠭᠦᠢ ᠤᠷᠤᠰᠬᠠᠯ ᠢ᠋ᠶ᠋ᠠᠨ ᠲᠠᠲᠠᠵᠤ 
 ᠡᠬᠡ ᠭᠠᠵᠠᠷ ᠲᠠᠭᠠᠨ ᠰᠢᠷᠭᠤᠨ ᠰᠢᠷᠭᠢᠨ᠎ᠡ ᠁ 
 — ᠶᠡᠬᠡ ᠦᠵᠡᠰᠬᠦᠯᠡᠩ ᠬᠠᠢᠷ᠎ᠠ ᠦᠵᠡᠳᠡᠭ ᠦᠭᠡᠢ ᠁ ᠭᠡᠵᠦ 
 ᠡᠷᠭᠢ ᠶ᠋ᠢᠨ ᠴᠢᠯᠠᠭᠤ ᠨᠤᠭᠤᠳ ᠵᠢᠩᠭᠢᠨᠡᠨ ᠭᠠᠰᠠᠯᠤᠨ᠎ᠠ᠃ 
 ᠴᠠᠩᠭᠠᠵᠤ ᠣᠮᠣᠭᠣᠯᠲᠤᠭᠰᠠᠨ ᠤᠷᠤᠭᠤᠯ ᠤ᠋ᠳ ᠳᠤᠷᠠᠰᠤᠮᠵᠢ ᠪᠤᠷᠠᠵᠤ 
 ᠴᠠᠭ ᠢ᠋ ᠡᠵᠡᠯᠡᠭᠰᠡᠨ ᠦᠵᠡᠰᠬᠦᠯᠡᠩ ᠢ᠋ᠶ᠋ᠡᠷ ᠨᠢ ᠨᠠᠮᠲᠠᠷ ᠢ᠋ᠶ᠋ᠠᠨ ᠴᠢᠮᠡᠨ᠎ᠡ᠃  

                2004 ᠣᠨ᠂ 
                  ᠢᠰᠲ᠋ᠠᠮᠪᠦᠢ᠍ᠯ ᠬᠣᠲᠠ  

《ᠵᠣᠪᠠᠭᠰᠠᠨ ᠰᠦ》 ᠡᠴᠡ ᠬᠠᠭᠤᠯᠤᠨ ᠪᠢᠴᠢᠪᠡ᠃

       ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ  
        ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠷᠴᠡᠴᠡᠭ