ᠵᠣᠪᠠᠭᠰᠠᠨ ᠰᠦ - ᠪᠠᠪᠤᠤ ᠶ᠋ᠢᠨ ᡀᠬᠠᠪᠠᠰᠥ᠋ᠷᠦᠩ Зовсон сүү — Бавуугийн Лхагвасүрэн
636 ᠡᠭᠦᠯᠡ ᠡᠭᠦᠯᠡᠨ ᠡᠴᠡ ᠪᠡᠨ ᠲᠠᠰᠤᠷᠠᠵᠤ ᠨᠡᠭᠦᠳᠡᠭ ᠲᠡᠢ ᠵᠢᠱ᠌ᠢᠵᠦ
ᠦᠶᠡ ᠦᠶᠡᠬᠡᠨ ᠥᠪᠡᠷ ᠢ᠋ ᠪᠡᠨ ᠮᠠᠷᠲᠠᠳᠠᠭ ᠭᠡᠵᠦ ᠴᠢ ᠰᠠᠨᠠᠬᠤ ᠶᠤᠮ
ᠦᠢᠯᠡ ᠶ᠋ᠢᠨ ᠦᠷᠡ ᠶ᠋ᠢᠨ ᠰᠠᠳᠤᠷ ᠬᠢᠰᠠᠯᠠᠩ ᠲᠠᠢ ᠲᠤᠯᠭᠠᠵᠤ
ᠦᠬᠦᠵᠦ ᠠᠯᠳᠠᠳᠠᠭ ᠢ᠋ ᠮᠢᠨᠢ ᠬᠤᠳᠠᠯ ᠭᠡᠵᠦ ᠴᠢ ᠪᠣᠳᠣᠬᠤ ᠶᠤᠮ᠃
ᠦᠭᠡᠢ ᠳᠡ! ᠦᠭᠡᠢ᠁
ᠢᠲᠡᠭᠡᠵᠦ ᠶᠠᠳᠠᠬᠤ ᠶ᠋ᠢᠨ ᠠᠯᠠᠭᠯᠠᠩ ᠮᠢᠨᠢ᠁
ᠢᠷᠡᠭᠡ ᠦᠭᠡᠢ ᠵᠢᠷᠭᠠᠯ ᠤ᠋ᠨ ᠠᠮᠠᠯᠠᠩ ᠮᠢᠨᠢ
ᠦᠨᠡᠮᠰᠢᠬᠦ ᠪᠡᠨ ᠪᠠᠢᠭ ᠯᠠ ᠳᠠ! ᠴᠢ᠁
ᠦᠬᠦᠭᠡᠳ ᠴᠦ᠍ ᠪᠢ ᠴᠢᠮᠠᠶ᠋ᠢ ᠮᠠᠷᠲᠠᠵᠤ ᠴᠢᠳᠠᠬᠤ ᠦᠭᠡᠢ!
ᠪᠤᠷᠤᠭᠤ ᠪᠦᠬᠦᠨ ᠢ᠋ ᠴᠢᠨᠢ ᠠᠭᠤᠴᠢᠯᠠᠵᠤ
ᠴᠢᠮᠠ ᠳ᠋ᠤ᠌ ᠬᠠᠢᠷᠠᠲᠠᠢ ᠪᠠᠢᠭᠰᠠᠨ ᠢ᠋ ᠮᠢᠨᠢ ᠲᠥᠯᠥᠭᠡ
ᠪᠤᠷᠬᠠᠨ ᠮᠢᠨᠦ ᠦᠨᠡᠨ ᠢ᠋ ᠦᠷᠦ ᠡᠪᠡᠳᠴᠦ
ᠴᠢᠨᠦ ᠲᠠᠷᠢᠬᠢᠨ ᠳᠣᠲᠣᠷᠠ ᠨᠠᠮᠠᠶ᠋ᠢ ᠣᠷᠣᠰᠢᠭᠤᠯᠤᠨᠠ᠃
ᠨᠢᠳᠦ ᠮᠢᠨᠢ ᠰᠢᠷᠭᠢᠵᠦ ᠳᠠᠭᠤᠰᠬᠤ ᠶ᠋ᠢᠨ ᠴᠠᠭ ᠲᠤᠷ
ᠴᠢᠨᠦ ᠦᠵᠡᠰᠬᠦᠯᠡᠩ— ᠨᠠᠳᠠ ᠠ᠋ᠴᠠ ᠠᠷᠢᠯᠤᠨᠠ
ᠲᠠᠷᠢᠬᠢ ᠮᠢᠨᠢ ᠰᠢᠮᠡᠭᠳᠡᠵᠦ ᠳᠠᠭᠤᠰᠬᠤ ᠶ᠋ᠢᠨ ᠴᠠᠭ ᠲᠤᠷ
ᠴᠢᠮᠠᠶ᠋ᠢ ᠬᠠᠢᠷᠠᠯᠠᠬᠤ — ᠨᠠᠳᠠ ᠠ᠋ᠴᠠ ᠬᠠᠭᠠᠴᠠᠨᠠ᠃
2010 ᠣᠨ ᠤ᠋ ᠬᠠᠪᠤᠷ ᠴᠠᠭ
《ᠵᠣᠪᠠᠭᠰᠠᠨ ᠰᠦ》 ᠡᠴᠡ ᠬᠠᠭᠤᠯᠤᠨ ᠪᠢᠴᠢᠪᠡ᠃
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠬᠢᠨᠠᠭᠴᠢ᠄ ᠪᠠᠶᠠᠷᠴᠡᠴᠡᠭ