ᠴᠢᠨᠦ ᠡᠵᠡᠭᠦᠢ ᠨᠠᠭᠠᠳᠤᠮ - ᠱ ᠂ ᠭᠦᠷᠦᠪᠠᠽᠠᠷ Чиний эзгүй наадам – Ш᠂ Гүрбазар
439ᠴᠢᠨᠦ ᠡᠵᠡᠭᠦᠢ ᠨᠠᠭᠠᠳᠤᠮ
ᠣᠯᠠᠨ ᠵᠢᠯ ᠦ᠋ᠨ ᠳᠠᠷᠠᠭᠠ
ᠨᠤᠲᠤᠭ ᠤ᠋ᠨ ᠨᠠᠭᠠᠳᠤᠮ ᠳ᠋ᠠᠭᠠᠨ ᠣᠴᠢᠯᠠ
ᠣᠪᠣᠭᠠ ᠨᠢ ᠬᠦᠷᠲᠡᠯᠡ ᠭᠤᠶᠤᠭᠰᠠᠨ
ᠪᠣᠷᠵᠢᠭᠢᠨ ᠬᠡᠴᠡ ᠳ᠋ᠡᠭᠡᠨ ᠢᠷᠡᠯᠡ
ᠴᠢᠩ ᠠᠮᠢᠨ ᠪᠣᠳᠣᠯ ᠳ᠋ᠠᠭᠠᠨ ᠪᠣᠯ
ᠴᠢᠮᠠᠶ᠋ᠢ ᠪᠠᠨ ᠯᠠ ᠭᠡᠵᠦ ᠢᠷᠡᠭᠰᠡᠨ ᠶᠦᠮ
ᠴᠢ ᠠᠯᠠᠭᠠ
ᠡᠭᠦᠯᠡ ᠨᠠᠷᠠᠨ ᠳᠣᠣᠷᠠ ᠬᠥᠲᠥᠯᠦᠯᠳᠦᠭᠰᠡᠨ
ᠬᠠᠨᠢ ᠠ᠋ᠴᠠ ᠪᠠᠨ ᠴᠦ᠍ ᠨᠢᠭᠤᠵᠤ ᠢᠷᠡᠭᠰᠡᠨ ᠶᠦᠮ
ᠦᠯᠭᠡᠵᠦ ᠶᠠᠷᠢᠵᠤ ᠤᠨᠲᠠᠭᠤᠯᠳᠠᠭ
ᠠᠴᠢ ᠪᠠᠨ ᠬᠠᠭᠤᠷᠤᠭᠠᠳ ᠢᠷᠡᠭᠰᠡᠨ ᠶᠦᠮ
ᠳᠠᠭᠤ ᠬᠣᠭᠣᠯᠠᠢ ᠶ᠋ᠢ ᠮᠢᠨᠢ ᠲᠠᠨᠢᠭᠠᠳ
ᠬᠦᠷᠦᠭᠡᠳ ᠢᠷᠡᠬᠦ ᠪᠣᠯᠪᠠ ᠤᠤ ᠭᠡᠬᠦ ᠳ᠋ᠡᠭᠡᠨ
《ᠳᠤᠭᠤᠢ ᠬᠡ ᠲᠡᠢ ᠨᠠᠭᠠᠳᠤᠮ》 ᠢ᠋ᠶ᠋ᠠᠨ ᠶᠢᠰᠦᠨᠲᠡ ᠤᠩᠰᠢᠯᠠ ᠴᠦ᠍
ᠴᠢ ᠯᠡ ᠠᠯᠠᠭᠠ
ᠶᠢᠰᠦᠨ ᠠᠴᠢ ᠪᠠᠨ ᠳᠠᠭᠠᠭᠤᠯᠤᠭᠠᠳ ᠴᠦ᠍ ᠬᠠᠮᠢᠶᠠ ᠦᠭᠡᠢ
ᠡᠨᠡ ᠯᠡ ᠨᠠᠭᠠᠳᠤᠮ ᠳᠡᠭᠡᠷᠡ ᠢᠷᠡᠬᠦ ᠦᠭᠡᠢ ᠳᠡ
ᠢᠷᠦᠭᠡᠯ ᠭᠣᠮᠣᠳᠠᠭᠠ ᠦᠭᠡᠢ ᠶᠦᠮ ᠴᠢᠨᠢ
ᠡᠷᠭᠢᠭᠡᠳ ᠭᠠᠭᠴᠠᠬᠠᠨ ᠤᠴᠠᠷᠠᠮᠠᠷ ᠰᠠᠨ ᠳᠠ
ᠲᠡᠪᠡᠷᠢᠬᠦ ᠨᠢ ᠪᠠᠢᠲᠤᠭᠠᠢ
ᠦᠨᠦᠰᠬᠦ ᠶ᠋ᠢᠨ ᠲᠠᠮᠢᠷ ᠰᠤᠯᠢᠳᠠᠭᠰᠠᠨ ᠨᠠᠰᠤᠨ ᠳ᠋ᠠᠭᠠᠨ
ᠲᠩᠷᠢ ᠶ᠋ᠢᠨ ᠳᠣᠣᠷᠠ ᠴᠢᠮᠠᠶ᠋ᠢ ᠯᠠ ᠰᠠᠨᠠᠬᠤ ᠶ᠋ᠢᠨ
ᠲᠡᠢᠮᠦ ᠯᠡ ᠦᠨᠡᠨ ᠢ᠋ᠶ᠋ᠡᠷ ᠪᠤᠭᠤᠢᠯᠢᠳᠠᠭᠤᠯᠵᠤ ᠢᠷᠡᠭᠰᠡᠨ ᠶᠦᠮ
ᠴᠢ ᠠᠯᠠᠭᠠ᠁
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠡᠩᠬᠡᠪᠠᠲᠤ
ᠦᠰᠦᠭ ᠠᠮᠢᠯᠠᠭᠤᠯᠤᠭᠴᠢ᠄ ᠪᠠᠶᠠᠷᠴᠡᠴᠡᠭ